Stela of Prasat Ta Muean Thom (K. 1186), 935 Śaka

⟨Face A⟩ ⟨A1⟩ 951 śakka ◯ caturthī roc· caitra ◯ vrahaspativāra nu ⟨A2⟩ nu mān· vraḥ karunā ta paramapavitra ◯ ta kaṁsteṅ· Añ· śrī rā(j)e⟨A3⟩ndravarmma pan·dval· vraḥ śāsana ta khloñ· vala stuk· vlah· ta jmaḥh· lo⟨A4⟩ñ· śikhāśiva pi pre dau sthāpanā praśasta Āy· kaṁmrateṅ· jaga⟨A5⟩t· śivapāda paścima ta gi dharmma guruja⟨⟨na⟩⟩ dai nu jananiya dai nu mratā⟨A6⟩ña śri nr̥pendravāl(·)labha ta thvāya jā vraḥ rājadharmma ta kaṁmrateṅa kaṁtvana A⟨A7⟩ñ· śri sūryyavarmmadeva yūgapāta (n)ū mratāñ· khloñ· śri Iśāna⟨A8⟩varmma nū mratāñ· khloñ· śri rājendrapandit· nū mratāñ· khloñ· śri kṣittindropa⟨A9⟩kalpa khloñ· vala can·hvara kr(v)ās· ◯ pi pre mratāña khloñ· śri kṣittindropa⟨A10⟩kalpa dau sthāpanā praśasta Āya kaṁmrateṅa jagā⟨t·⟩ śivapāda ° mān· vraḥ ⟨A11⟩ karunā ta paramapavitra ta khloñ· vala stuka vloḥ ta jmaḥ loñ· śikhāśiva pandval· pre ⟨A12⟩ j(i)⟨ḥ⟩ sneṅ· bhoga vudi padigaḥ vāt· chāt(·) pre Āyātva khñuṁ nu caṁnām· ka pi mān· nā ⟨A13⟩ Āyātva ta daiy ti ◯ ta gi rāj⟨y⟩a vraḥ pāda stāc· dau paramāviraloka gi kāla khloñ· ⟨A14⟩ vala ta svat· jmaḥ loñ· rudravyāpi nu teṅa māddhivi nu mratāñ· śri nr̥pendravāll·bha Ān¿n·?⟨u⟩⟨A15⟩mod¿·?⟨a⟩ pi (j)ov· bhūmi vrai(ya) stuka vloḥ ta pādamūla kaṁmrāteṅa jagātt· khloñ· vala ta ⟨A16⟩ j(m)aḥ loñ· śri dhanañjāya khloñ· vala ta jmaḥ loñ· (h)iya loñ· vrāhma loñ· śre⟨A17⟩ṣ¡th!⟨ṭh⟩a loñ· vāpa loñ· pit· nu kule qnak ta A⟨ṁ⟩pāla neḥha nu vārgga (kh)to phoṅa samayūga ⟨A18⟩ phjov· bhūmi vrai ta roḥha neḥha ta gi kāla nnoḥ Ai tarāpa bhūmi t(i) jov· toy· purvva ⟨A19⟩ tarāp· travāṅ· sravān· toy· dakṣina ta(rāp· Ac· teka) nā vraḥ paṁnvas· thve tapāḥ

⟨Face B⟩ ⟨B1⟩ t(o)ya paścima tarāp(·) stu(ka) toy· Uttara ⟨⟨ta⟩⟩rāp· phlu grā(v)· parihār· drāvya man· Oy· ta qnak ta roḥha ⟨B2⟩ neḥha pi jov· bhūmi prāk· liṅ· 10 māsa liṅ· I vu(d)i 2 padigaḥ 2 poṅ· 5 (j)e(ṅa pa)rā [2+] (do)k· 5 [.]rv(o/au)[.] ⟨B3⟩ 6 jmol· parat· 4 canlyāk· 100 yau 10 thmura 100 40 6 raṅko 20 krapi I jrvak· I vave 2 surā ceḥ 10 II neḥ ti ⟨B4⟩ Oy· pāy· Oy· drāvya ta Āṁpāla neḥha jov· bhūmi vraiy· stuk· vlo ◯ cat· sruk· duk· caṁnām· liḥ 4 ⟨B5⟩ (p)r(a)tidina toy· khn¡o!⟨e⟩tta saṅ· kralā rām· duk· rmmām· caṁryyāṅ· thmiṅ· thmoṅ· taṁlūm· m(v)āy ve(ra) to(y)· ⟨B6⟩ khnotta khñuṁ man· jva¿nt·?⟨n· ta⟩ kaṁmrateṅa jagāt· tai phgauv· tai kaṁpāñ· tai kanles· tai kaṁpit· tai kaṁpura tai ⟨B7⟩ (kaṁ)khdvāt· tai kan·ren· ◯ tai thṅe tai pan·hom· tai nnom· tai (kh)des· tai kaṁvit· tai (th)[q]yak· tai śrā⟨B8⟩ṣta tai paroṅ· tai kabha tai kaṁphyāc tai kan·In· tai ka(ṁ)pura tai kan·(d/j)oḥ tai (tirtha) tai (saṁ)⟨B9⟩(Ap)· tai kan(d)a(ṅ)· tai qgat· tai (śrā)[d](dhā) tai kan·(ja)n· tai (kaṁsura) tai kaṁvi ◯ gho (dh)armmadāsa gho ⟨B10⟩ kañ·(jā) gho śri gho kandās· gho qnanta gho (thv)e gho (kaṁva)(s/l)(·) gho khmauv· gho pi¡tt!⟨t⟩ara gho ga⟨B11⟩ndha gho kan·sān· gho vā(ṁ) gho vrāhma gho kandvep· gho (kan·)sān· gho kancān· gho (va)nendra ⟨B12⟩ gho (kandrā)m· gho Aṁpen· gho kandhap· ◯ drāvya man· jva¿nt·?⟨n· ta⟩ kaṁmrateṅ· jagāt· taṁmrya II ga(na) [.]i ⟨B13⟩ [.]· (I) tra(yva)ṅ· (v)n(ā)k· II prāk· jyaṅ· I māsa liṅ· I krapi 6 thāsa II vudi 4 (pa)⟨di⟩gaḥ 6 ga(dā)⟨B14⟩ha II svok· (II) bhāja⟨na⟩ II khñuṁ 40 8 neḥ khñuṁ ta A(ṁ)pāla neḥha ti dā⟨r·⟩ vraḥ karunāpra⟨B15⟩sāda nu man· māna nu mān niya daiya kālpanā phleya kralā rām· noḥ man· khloñ(·) ⟨B16⟩ vala ta svat· thve Āyāttva ta kvana khloña vala ta svat ta jmo⟨ḥ⟩ loñ· śikhāśiva nu kvan cau(va) ⟨B17⟩ noḥha gi nā khloña vala ta svata samāpe khñuṁ neḥ n[u dha]r(mma ta) roḥha neḥ pre paripāla ⟨B18⟩ nau qnak ta lapa dharmma ta roḥ(ha) neḥ(ha) jā¿mt·?⟨ta⟩ dvātri[ṁ]śa naraka tarāp cāndrāditya mān leya