K. 450. Doorjambs of Prasat Khtom, 11th century

⟨1⟩ ⦿ devadravya khñuṁ {3} [vraḥ kamrateṅ A]ñ saṁtāc vrāy ta vraḥ kaṁmra[teṅ Añ śi-]

⟨2⟩ valiṅga {10} prāk hanira jyaṅ 2 kośa laṅgau I vr{3}

⟨3⟩ {11} [va]lvyal 2 svok I juṁsāy le I tanlāp prāk I {2}

⟨4⟩ {1} [bhā]jana I {5}nlaḥ I padigaḥ 2 krayā Arccaṇa kamandalū I kalaśa I {2}

⟨5⟩ ṇi I Arghya {4} pādya I camasa I cirā dhūpa I pañcagavyapātra 6 phnāṅ yau I {1}

⟨6⟩ gra I vraḥ {6} vraḥ Aṅga yau I śvetavastra yau I taṅtāp I ◦ jeṅ Ā {2}

⟨7⟩ ◦ devadravya vraḥ kaṁmrateṅ Añ parameśvarī bhājana {5} svok I cancyan I raṇama-

⟨8⟩ rdda I vraḥ vasana phnāṅ {10} [deva]dravya vraḥ kaṁmrateṅ Añ bhagavatī svo-

⟨9⟩ k I kaṭāha I bhājana I cancyan {15} phnāṅ {4}

⟨10⟩ khñuṁ vraḥ teṁ pratipakṣa 20 10 8 khñuṁ vraḥ {19}

⟨11⟩ ⦿ varṇṇa vraḥ kamrateṅ Añ śrīrājendrapandita saṁtāc vrāy {4} mātr̥pakṣa pi

⟨12⟩ cāṁ teṁ man lvaḥ ta gi vraḥ rāja paramaśivapada vraḥ pre dau nā kanmyaṅ pamre dau {2}

⟨13⟩ Eka ◦ lvaḥ ta gi vraḥ rāja kamrateṅ kaṁtvan Añ śrī sūryyavarmmadeva vraḥ pre

⟨14⟩ dau nā maṅgalārtha ◦ vraḥ pre Añjeñ sthāpanā kamrateṅ jagat śrī qīśā[na]tīrtha pre guru

⟨15⟩ yāga gi pi vraḥ Oy vraḥ dakṣiṇā sruk ta piy nu rājadravya ta Aṁpāll neḥh gi pi vraḥ pra {3} U-

⟨16⟩ k teṁ viṅ ta vraḥ kaṁmrateṅ Añ saṁtāc vrāy vvaṁ Āc ti mān pañcūla vrīhi paryyaṅ vvaṁ Āc ti

⟨17⟩ Āc ti Āyatta ta viṣaya ta dai ti leṅ paripāla guḥ teṁ kāra vādhā phoṅ h[e]tu man vraḥ kaṁmra-

⟨18⟩ teṅ Añ śrī rājendrapandita nu vraḥ kamrateṅ Añ kṣitīndrapandita ta phaqvan thvāy tapaḥsthāpanā

⟨19⟩ thvāy sukr̥taphala phoṅ nu mratāñ khloñ śrī narendrārimathana ta qryāṁ vraḥ kaṁmrateṅ A-

⟨20⟩ ñ gi pi mān vraḥ karuṇā ta Aṁpāll neḥh ◦ vraḥ kamrateṅ Añ śrī rājendrapandita dai maṅga-

⟨21⟩ lārtha teṁ gi nu mān sruk sre bhūmyākara phoṅ Āy bhadrāśrama gi nā ka sthāpanā vraḥ ne[ḥ]

⟨22⟩ ta piy ti thvāy jā vraḥ rājadharmma nu sukr̥taphala phoṅṅ ◦ maṅgalārthavargga ta mvāy mūla nu vraḥ kaṁ-

⟨23⟩ mrateṅ Añ śrī rājendrapandita loñ svuk diṅdoṅ jā Ātmaśiṣya ti pre paripāla paripāla punyatra-

⟨24⟩ ya panlās śarira vraḥ kamrateṅ Añ śrī rājendrapandita ◦ loñ qnak ciḥ @ātmaśiṣya gi ti pre

⟨25⟩ loñ deṅ loñ cāñ ta kvan mratāñ khloñ śrī narendrārimathana loñ vraha-

⟨26⟩ haspati ta phqvan loñ cāñ loñ vraḥ loñ srāc loñ soṁ ◦ neḥ ta Aṁ

⟨27⟩ pāll neḥh caṁnyar dau man ka dai ti leṅ Añ tyaṅ man Āyatta ta kamrateṅ

⟨28⟩ Añ vraḥ guru nā do ta stap varttamāna pradvān dau vvaṁ Āc ti pidā leṅ taṅgal nā

⟨29⟩ maṅgalārtha nu sruk vraḥ dakṣiṇā leṅ taṅgal dharmma man yeṅ thvāy vraḥ pāda kamra-

⟨30⟩ teṅ kaṁtvan Añ śrī sūryyavarmmadeva lvaḥ mahāsaṅhāra teṁ paripāla leṅ vā-

⟨31⟩ dhā guḥ Oy gmāl mi mvāy mi mvāy sruk ◦ loñ pen phqvan mratāñ khloñ śrīnare-

⟨32⟩ ndrārimathana loñ ke kvan loñ pen

⟨33⟩ ⟨Column a⟩ ⦿ kr̥tajñapurajān paurān ⟨Column b⟩ sajjarṇnāmākhyajāṁs tathā ⟨Column c⟩ sarvvāṅgān devakāryyārthān ⟨Column d⟩ pratipakṣam akalpayat

⟨34⟩ ⟨Column a⟩ gītavāditraśaṅkhānāṁ ⟨Column b⟩ dhvanināṅ kariṇo sadā ⟨Column c⟩ dine dine mahāsnādan ⟨Column d⟩ narttakābhinayānvitāḥ

⟨35⟩ ⟨Column a⟩ vrīhināṁ śatam ekaikaṁ ⟨Column b⟩ purayor apy akalpayat ⟨Column c⟩ sakarmmaṇā śatañ caikaṁ ⟨Column d⟩ tr[i]deve parikalpitam

⟨36⟩ ⟨Column a⟩ mahānasaṁ patrakāraṁ ⟨Column b⟩ pūjāpālañ janādhipaṁ ⟨Column c⟩ Ācamaṁ yajñakarañ ca ⟨Column d⟩ sarvvāṅgaṁ pari[ka]lpitam

⟨37⟩ ⟨Column a⟩ bhadrāśrame tu dhanyānāṁ ⟨Column b⟩ śatadvayam akalpayat ⟨Column c⟩ mālākāraṁ bhaktakāram ⟨Column d⟩ ekaikaṁ sneha - ⏑ kam

⟨38⟩ ⟨Column a⟩ Abhineyādisam̃yuktaṁ ⟨Column b⟩ pūjāpālañ janādhipaṁ ⟨Column c⟩ soddharaṁ sarvva - - -ṁ ⟨Column d⟩ sāśramaṁ pradadau śive

⟨39⟩ ⟨Column a⟩ Ārāmāni tu sarvvāni ⟨Column b⟩ sakṣetrāṇi ⏑ vanti me ⟨Column c⟩ = = = = pi - - = ⟨Column d⟩ = = = = ⏑ - ⏑ =

⟨40⟩ ⟨Column a⟩ pañcaprasthaṁ ⏑ - - = ⟨Column b⟩ pratipakṣa ⏑ - traye ⟨Column c⟩ = = = = ⏑ - - = ⟨Column d⟩ = = = = ⏑ - ⏑ =

⟨41⟩ ⟨Column a⟩ ye = = sarvva - - . ā ⟨Column b⟩ rakṣanti mama punyañ ca ⟨Column c⟩ guhyavat sarvvarakṣa = ⟨Column d⟩ = = = = ⏑ - ⏑ =

⟨42⟩ ⟨Column a⟩ = = = = ⏑ - krūraḥ ⟨Column b⟩ parapunya ⏑ - ⏑ = ⟨Column c⟩ = = = = ⏑ - - = ⟨Column d⟩ = = = = ⏑ - ⏑ =

⟨43⟩ ⟨Column a⟩ = = = = ⏑ - - = ⟨Column b⟩ = = = = ⏑ - ⏑ - ⟨Column c⟩ = = = = ⏑ - - - ⟨Column d⟩ = = = = ⏑ - ⏑ -