Jesar plates of Śīlāditya III, [Valabhī] year 347, Vaiśākha ba. 15

⟨1⟩ ꩜ svasti vijayaskandhāvārā⟨T⟩ pundhikaṇakavāsakā⟨T⟩ prasabhapraṇatāmitrāṇāṁ maitrakāṇā{ṁ}m atulabalasaṁpannamaṇḍalābhogasaṁsaktaprahāraśatalabdhapratāpāt pratā-

⟨2⟩ popanatadānamānārjjavopārjjitānurāgād anuraktamaulabhr̥taśreṇībalāvāptarājyaśriyaḫ paramamāheśvaraśrībhaṭārkād avyavacchinnar(ā)j(a)vaṅśān mātāpitr̥caraṇāravindapraṇatipravidhautāśeṣa(k)almaṣaḥ śaiśa-

⟨3⟩ (vā)⟨t⟩ prabhr̥ti khaḍgadvitīyabāhur eva samadaparagajaghaṭāsphoṭanaprakāśitasatvanikaṣas tatprabhā(v)apraṇatārāticūḍāratnaprabhāsaṁsaktapādanakharaśmisaṁhatiḥ sakalasmr̥tipraṇītamārggasa-

⟨4⟩ myakparipālanaprajāhr̥dayarañjanānvarttharājaśabdo rūpakāntisthairyyyagāmbhīryyabuddhisaṁpadbhiḥ smaraśaśāṅkādrirājodadhitridaśagurudhan(e)śān atiśayānaḥ śaraṇāgatābhayapradānaparatay(ā)

⟨5⟩ tr̥ṇavadap(ā)st(ā)śeṣasvakāryyaphala⟨ḥ⟩ prārtthanādhikārtthapradānānanditavidvatsuhr̥tpraṇayihr̥dayaḥ pādacārīva sakalabhuvanamaṇḍalābhogapram(o)daḥ paramamāheśvaraḥ śrīguhasenas tasya

⟨6⟩ sutas tatpādanakhamayūkhasant(ā)navisr̥tajāhnavījalaughaprakṣālitāśeṣakalmaṣaḥ praṇayiśatasahasr(o)pajīvyamānasaṁpad rūpalobhād ivāśritaḥ sarabhasam ābhigāmikair gguṇai-

⟨7⟩ s sahajaśaktiśikṣāviśeṣavismāpitākhiladhanurddha(ra)ḥ prathamanarapatisamatisr̥ṣṭānām anupālayitā dharmmadāyānām ap(ā)karttā prajopaghātakāriṇām upaplav(ā)nā⟨ṁ⟩ da-

⟨8⟩ ⟨r⟩śayitā śrīsarasvatyor ekādhiv(ā)sasya saṁhatārātipakṣalakṣmīparibhogadakṣavikramo vikramopasaṁpr(ā)ptavimalapārtth(i)vaśrīḥ paramamāheśvaraḥ śrīdharasenas tasya sutas tatpādā-

⟨9⟩ nuddhy(ā)taḥ sakalajagadānandanātyadbhutaguṇasamudayasthagitasamagradiṅmaṇḍalaḥ samaraśatavijayaśobhāsanāthamaṇḍalāgradyutibhāsuratarā(ṅsa)pī(ṭh)odūḍhaguruma-

⟨10⟩ norathamahābhāra⟨ḥ⟩ sarvvavidyāparāparavibhāgādhigamavimalamatir api sarvvatas subhāṣitalavenāpi sukhopapādanīyaparitoṣaḥ samagralokāgādhagāmbhīryyahr̥-

⟨11⟩ dayo pi sucaritātiśayasuvyaktaparamakalyāṇasvabhāva⟨ḥ⟩ khilībhūtakr̥tayuganr̥patipathaviśodhanādhigatodagrakīrttiḥ dharmmānuparodho⟨j⟩jvalatarīkr̥tārtthasukhasaṁpadupa-

⟨12⟩ sevānirūḍhadharmmādityadvitīyanāmā paramamāheśvaraḥ śrīśīlādityas tasyānujas tatp(ā)dānuddhyātaḥ svayam upendraguruṇeva guruṇātyādaravatā samabhilaṣaṇīyām api

⟨13⟩ (rā)jalakṣmī(ṁ) skandhāsaktā(ṁ) paramabhadra Iva dhuryyas tadājñāsa(ṁ)pādanaika¿para?tayaivodvahaN khedasukharatibhyām (anā)yāsitasatvasaṁpattiḥ prabh(ā)vasaṁpadvaśīkr̥tanr̥patiśataśiroratnacchā-

⟨14⟩ yopagūḍhapādapīṭho pi par(ā)vajñābhimānarasānāliṅgitamanovr̥ttiḥ praṇatim ekāṁ parityajya prakhyātapauruṣābhimānair apy arātibhir anāsāditapratikriyopāya⟨ḥ⟩ kr̥tani-

⟨15⟩ khilabhuvanāmodavimalaguṇasaṁhati⟨ḥ⟩ prasabhavighaṭitasakalakalivilasitagatiḥ nīcajanādhirohibhir aśeṣair ddoṣair anāmr̥ṣṭātyunnatahr̥dayaḥ prakhyā-

⟨16⟩ tapauruṣāstrakauśalātiśayagaṇatithavipakṣakṣitipatilakṣmīsvayaṁgrāhaprakāśitapravīrapuruṣa{ḥ}prathamasaṁkhyādhigamaḥ paramamāheśvaraḥ śrīkharagrahas tasya

⟨17⟩ tanayas tatpādānu(ddh)yātaḥ sakalavidyādhigamavihitanikhilavidvajjanamanaḫparitoṣātiśaya⟨ḥ⟩ satvasaṁpadā tyāgaudāryyeṇa ca vigatānusandhānā¿(sadh)?āhitārāti-

⟨18⟩ pakṣamanorathākṣabhaṅgaḥ samyagupalakṣi(t)ānekaśāstrakalālokacaritagahvaravibhāgo pi paramabhadraprakr̥tir akr̥trimapraśrayavinayaśobhāvibhūṣaṇas sa-

⟨19⟩ maraśatajayapatākāharaṇapratya¡l!odagrabāhudaṇḍavidhvansitanikhilapratipakṣadarppodayaḥ svadhanuḫprabhāvaparibhūtāstrakauśalābhimāna⟨ḥ⟩ sakalanr̥patima-

⟨20⟩ ṇḍalā¿n?inanditaśāsanaḥ paramamāheśvaraḥ śrīdharasenas tasyānujas tatpādānuddhyātaḥ saccaritātiśay(i)tasakalapūrvvanarapatir atidussādhānām api prasādha-

⟨21⟩ yitā viṣayāṇāṁ mūrttimān iva puruṣakāraḥ parivr̥ddhaguṇānurāganirbbharacittavr̥ttibhir mmanur iva svayam abhyupapannaḥ prakr̥tibhir adhigatakalākalāpaẖ kānti-

⟨22⟩ mān nirvr̥tihetur akalaṅkaẖ kumudanātha⟨ḥ⟩ pr¿a?jyapratā(pa)sthagitadigantarālapradhvaṅsitadhvāntarāśiḥ satatoditaḥ savi(tā) prakr̥tibhyaḥ para(ṁ) praty¿ā?yam artthavantam atibahuti-

⟨23⟩ thaprayojanānubandham āgamaparipūrṇṇaṁ vidadhānaḥ sandhivigrahasamāsaniścayanipuṇaḥ sthāne nurūpam ādeśa¿(n)? dadad guṇav(r̥)ddhividhānajanitasaṁskāraḥ sā-

⟨24⟩ dhūn(ā)ṁ rājyasāl¿a?turīya{s}tantrayor ubhayor api niṣṇātaḥ prakr̥ṣṭavikramo p{t}i karuṇāmr̥duhr̥dayaḥ śrut¿ā?vān apy agarvvitaẖ kānto pi praśamī sthi-

⟨25⟩ rasauhr̥dayyo pi nirasitā doṣavatām udayasamayasamupajanitajanatānurāgaparipihitabhuvanasamartthitaprathitabālādityadvitīya-

⟨26⟩ nāmā paramamāheśvaraḥ śrīdhruvasenas tasya sutas tatpādakamalapraṇāmadharaṇikaṣaṇajanitakiṇalāñchanalalāṭacandraśakalaḥ śiśubhāva Eva

⟨27⟩ śravaṇanihitamauktikālaṅkāravibhramāmalaśrutaviś¿a?ṣa(ḥ) pradānasalilakṣālitāgrahastāravindaẖ kanyāyā Iva mr̥dukaragrahaṇād amandīkr̥tā⟨na⟩nda-

⟨28⟩ vidhir vvasundharāyāẖ kārmmuke dhanu⟨r⟩vveda Iva saṁbhāvitāśeṣalakṣyak¿ā?lāpaḥ praṇatasāmantamaṇḍalottamāṅgadhr̥tacūḍāratnāyamānaśāsa-

⟨29⟩ naḥ paramamāheśvaraḥ paramabhaṭṭārakamahārājādhirājaparameśvaracakravarttiśrīdharasenas tatpitāmahabhrāt¿ri?śrīśīlādityasya śārṅgapāṇer ivāṅga-

⟨30⟩ janmano bhaktibandhurāvayavakalpitapraṇater atidhavalayā dūraṁ tatpādāravindapravr̥ttayā nakhamaṇirucā mandākinyeva nityam amalitotta-

⟨31⟩ māṅgadeśasyāgastyasy¿e?va rāja(rṣ)er ddākṣiṇyam ātanvānasya prabaladhavalimnā yaśasāṁ valayena maṇḍitakakubhā nabhasi yāminīpater vviḍa(mb)i(tā)-

⟨32⟩ khaṇḍapariveṣamaṇḍalasya payodaśyāmaśi(kha)racūcukaruci⟨ra⟩sahyavindhyastanayugāyā¿gā? kṣiteḫ patyuḥ śrīḍerabhaṭasy(ā)ṅgajaḥ kṣitipasa(ṁ)hater anurāgiṇyāḥ śuciyaśo-

⟨33⟩ ṅśukabhr̥taḥ svayaṁvaramālām iva rājyaśriyam arp(p)ayantyā(ẖ k)r̥taparigrahaḥ śau(r)yyam apratihatavy(ā)pāram ānamitapracaṇḍaripumaṇḍalaṁ maṇḍalāgram ivāvalambamānaḥ śaradi prasa-

⟨34⟩ bham ākr̥ṣṭaśilīmukhabāṇāsanāpāditapra(sā)dhan(ā)nāṁ parabhuvāṁ vidhivad ācaritakaragrahaṇaḥ pūrvvam eva vividhavarṇṇo⟨j⟩(jva)lena śr¿a?tātiśayenodbhāsitaśravaṇaḥ puna-

⟨35⟩ ḫ punar ukteneva ratn(ā)laṅkāreṇālaṅkr̥taśrotra⟨ḥ⟩ par(i)sphuratkaṭakav¿a?kaṭakīṭapakṣaratnakiraṇam avicchinnapradānasalilanivahāvasekavilasannavaśaivalāṅkuram ivāgrapāṇi-

⟨36⟩ m udvahaN dhr̥taviśālaratnavalayajaladhivelātaṭāyamānabhujapariṣvaktaviśvaṁbharaḥ paramamāheśvaraḥ śrīdhruvasenas tasyāgraja(ḥ) paramahīpatisparśadoṣanāśanadhi-

⟨37⟩ (ye)va lakṣmyā svayam atispaṣṭa(c)eṣṭam āśliṣṭāṅgayaṣṭir atirucirataracaritagarimaparikalitasakalanarapatir atiprakr̥ṣṭānurāgarasarabhasavaśīkr̥tapraṇatasamastasā-

⟨38⟩ mantacakracūḍāmaṇimayūkha(kha)citacaraṇakamalayugalaḥ proddāmodāradorddaṇḍadalitadviṣa(dvarga)darppaḫ( pra)sarppatpaṭīyaḫ pratāpaploṣitāśeṣaśatruvaṅśaḥ

⟨39⟩ praṇayipakṣa¿(kṣ)?ikṣiptalakṣmīkaḥ preritagadotkṣiptasudarśanacakraḥ parihr̥tabā(la)kr(ī)ḍo (nadhaẖ)kr̥tadvijātir ekavikramaprasādhitadharitrītalo naṅgīkr̥tajalaśayyo

⟨40⟩ pūrvvapuruṣottamaḥ s¿a?kṣād dharmma Iva samyagvya(va)sthā(pi)tavarṇṇāśramācāraḥ pūrvvair apy ūrvvīpati(bhis t)r̥ṣṇālavalubdhair yyāny apahr̥tāni devabrahmadeyāni te-

⟨41⟩ ṣām apy atisaralamanaḫprasara(m) utsaṅka(la)nānumodanābhyāṁ pari(m)uditatribhuvanābhinandito(cchritot)kr̥ṣṭadhavaladharmmadhvajaprakāśitanijavaṅśo devadvijagu-

⟨42⟩ rū(n) prati yathārham anavaratapravarttitamahodraṅgādidānavyasanānupajātasantoṣopāttodārakīrtti(paṁk)tiparaṁparādan(t)uritanikhiladikcakra¿pa?laḥ

⟨43⟩ spaṣṭam eva yathārtha⟨ṁ⟩ dharmmādityāparanāmā paramamāheśvaraḥ śrīkharagrahas tasyāgraj(a)nmanaẖ kumudaṣaṇḍaśrīvikās¿a?nyā kalāvata(ś) candrik(a)yeva kīrtyā dhavalita-

⟨44⟩ sakaladiṅmaṇḍalasya khaṇḍitāguruvilepanapiṇḍaśyā¿vi?lavindhyaśailavipulapa(y)odharābhogā(yā)ḥ (kṣo)ṇyā⟨ḥ⟩ p¿o?tyu⟨ḥ⟩ (ś)rīśīlādityasya sūnur nnava-

⟨45⟩ prāleyakiraṇa Iva pratidinasaṁvarddhamānakal(ā)cakra¿pa?laẖ kesarīndraśiśur iva rājalakṣmīm acalavanastha(lī)m (i)¿p?ālamkurvāṇaḥ śikhaṇḍiketan(a) Iva

⟨46⟩ rucim¿ā?(cc)ūḍāmaṇḍanaḥ pracaṇḍaśaktiprabhāvaś ca (śa)r(a)dāgama Iva pratāpavā{ṁ}n ulla(s)atpadmaḥ saṁyuge vidalayann ambh¿a?dharān iva paragajān udaya Eva tapa-

⟨47⟩ nabālātapa Iva saṁgrāme muṣṇann abhimukhānām āyūṅṣi (d)viṣatāṁ paramāheśvaraḥ śrīśīlādityaḥ kuśalī sarvvān eva samājñāpayaty astu vas saṁviditaṁ

⟨48⟩ yathā mayā mātāpitroḫ puṇyāpyāyanāya puṣyaśāmbapuravinirggatataccāturvvidyasāmānyaśrīvalabhīvāstavyakauśikasagotra-Adhvaryyusabrahmacāri-

⟨49⟩ brāhmaṇasāmbadattaputrabrāhmaṇasaggaḷaprakāśadvināmadīkṣitāya surāṣṭreṣu kalāpakapathake kukkapdragrāme bhūpādāvarttaśataparimāṇaṁ

⟨50⟩ trikhaṇḍāvasthitaṁ kṣetraṁ yatra prathamakhaṇḍaṁ Aparasīmni trisaptatibhūpādāvarttaparimāṇaṁ yasyāghāṭanāni pūrvvataḥ Upādhyāyabrahmadeyakṣetraṁ dakṣiṇataḥ

⟨51⟩ rājakīyavāpītrayapraccīhā Aparataḥ (bhāśiyaka)kṣetraṁ Uttarataḥ vaṅśaṭikā nadī tathā dvitīyakhaṇḍaṁ Aparadakṣiṇasīmni bappulasaṁjñitaṁ dvādaśabhūpādāvarttaparimāṇaṁ

⟨52⟩ yasya pūrvvataḥ brāhmaṇaghañcakasatkakṣetraṁ dakṣiṇataḥ brāhmaṇatattakṣetraṁ Aparataḥ brāhmaṇacaṭṭasatkakṣettram uttarataḥ sāriṇī tathā pūrvvasīmni

⟨53⟩ t¿ri?tīyakhaṇḍaṁ lūsaṇikāsaṁjñitaṁ pañcadaśabhūpādāvarttaparimāṇaṁ yasya pūrvvataḥ kaṇṇasomakagrāmasīmā dakṣiṇataḥ sirādaṇḍakasaṁjñitavāpī{nā}praccīhā

⟨54⟩ Aparataḥ dhorikasaṁjñitavāpīpraccīhā Uttarataḥ vaṅśaṭikā nadī tathā Etadsīmny eva dhorikasaṁjñitā paṁcāviṅśatibhūpādāvarttaparisarā vāpī

⟨55⟩ yasyāḥ pūrvvataḥ lūsa(ṇ)ikāsaṁjñitakṣetrakhaṇḍaṁ dakṣiṇataḥ sirādaṇḍakasaṁjñitavāpī{nā}praccīhā Aparataḥ pippalavāpīpraccīhā Uttarataḥ

⟨56⟩ grāmaśikhara Evam idam āghāṭanaviśuddhaṁ vāpīkṣetraṁ sodraṅgaṁ soparikaraṁ sabhūtavātapratyāyaṁ sadhānyahiraṇyādeyaṁ sadaśāparādhaṁ sotpadyamānavi-

⟨57⟩ ṣṭikaṁ sarvvarājakīyānām ahastaprakṣeyaṇīyaṁ pūrvvaprattadevabrahmadeyarahitaṁ bhūmicchidranyāyenācandrārkkārṇṇavakṣitisaritparvvatasamakālīnaṁ pu-

⟨58⟩ trapautrānvayabhogyam udakātisa⟨r⟩ggeṇa dharmmadāyo nisr̥ṣṭaḥ yato syocitayā brahmadeyasthityā bhuñjataḥ kr̥ṣataḥ karṣayataḥ pratidiśato vā na kaiścid vyāsedhe

⟨59⟩ varttitavyam āgāmibhadranr̥patibhir apy asmadvaṅśajair anyair vvā Anityāny aiśvaryyāṇy asthiraṁ mānuṣyaṁ sāmānyañ ca bhūmidānaphalam avagacchadbhir ayam asmaddāyo numantavyaḫ paripālayitavya-

⟨60⟩ ś cety uktañ ca bahubhir vvasudhā bhuktā rājabhi(s) sagarādibhi⟨ḥ⟩ yasya yasya yadā bhūmis tasya tasya tadā phalaṁ ∥ yānīha dāridryabhayān narendrair dhanāni dharmmāyatanīkr̥tāni nirbbhuktamālyapratimāni tāni ko nā-

⟨61⟩ ma sādhuḫ punar ādadīta ∥ ṣaṣṭi(ṁ) varṣasahasrāṇi svargge tiṣṭhati bhūmidaḥ Ācchettā cānumantā ca tāny eva narake va{s}seT dūtako tra rājaputradhruvasenaḥ ∥

⟨62⟩ likhitam idaṁ sandhivigrahādhikr̥tadivirapatiśrīskandabhaṭaputradivirapatiśrīmadanahileneti ∥ saṁ 300 40 7 vaiśākha (b)a 10 5 svahasto mama ∥