Kapadvanj plates of Dhruvasena III, [Valabhī] year 334, Māgha śu. 9

⟨1⟩ ꩜ svasti vijayaskandhāvārāT sirisimmiṇikāvāsakāT prasabhapraṇatāmitrāṇāṁ maitrakāṇām atulabalasaṁpannamaṇḍalābhogasaṁsaktaprahāraśata-

⟨2⟩ labdhapratāpāt pratāpopanatadānamānārjjavopārjjitānurāgād anuraktamaulabhr̥taśreṇībalāvāptarājyaśriyaḥ paramamāheśvaraśrībhaṭārkkād avyavacchi-

⟨3⟩ nnarājavaṅśān mātāpitr̥caraṇāravindapraṇatipravidhautāśeṣakalmaṣaḥ śaiśavāt prabhr̥ti khaḍgadvitīyabāhur eva samadaparagajaghaṭāsphoṭanaprakāśitasa-

⟨4⟩ tvanikaṣaḥ tatprabhāvapraṇatārāticūḍāratnaprabhāsaṁsaktapādanakharaśmisa⟨ṁ⟩hatiḥ sakalasmr̥tipraṇītamārggasamyakparipālanaprajāhr̥dayaraṁjanānva-

⟨5⟩ rttharājaśabdo rūpakāntisthairyyyagāṁbhīryyabuddhisaṁpadbhiḥ smaraśaśāṅkādrirājodadhitridaśagurudhaneśān atiśayānaḥ śaraṇāgatābhayapradānaparatayā tr̥ṇava-

⟨6⟩ dapāstāśeṣasvakāryyaphala⟨ḥ⟩ prārtthanādhikārtthapradānānanditavidvatsuhr̥tpraṇayihr̥dayaḥ pādacārīva sakalabhuvanamaṇḍalābhogapramodaḥ paramamāheśvaraḥ śrī-

⟨7⟩ guhasenas tasya sutas tatpādanakhamayūkhasantānavisr̥tajāhnavījalaughaprakṣālitāśeṣakalmaṣaḥ praṇayiśatasahasropajīvyamānasaṁpad rūpalobhād ivāśri-

⟨8⟩ taḥ sarabhasam ābhigāmikair gguṇais sahajaśaktiś¿ī?kṣāviśeṣavismāpitākhiladhanurddharaḥ prathamanarapatisamatisr̥ṣṭānām anupālayitā dharmmadāyānām apā-

⟨9⟩ karttā prajopaghātakāriṇām upaplavānāṁ darśayitā śrīsarasvatyor ekādhivāsasya saṁhatārātipakṣalakṣmīparibhogadakṣavikramo vikramopasaṁprāptavimalapā-

⟨10⟩ rtthivaśrīḥ paramamāheśvaraḥ śrīdharasenas tasya sutas tatpādānuddhyātas sakalajagadānandanātyadbhutaguṇasamudayasthagitasamagradiṅmaṇḍalaḥ samaraśatavijayaśo-

⟨11⟩ bhāsanāthamaṇḍalāgradyutibhāsuratarāṁsapīṭhodūḍhagurumanorathamahābhāraḥ sarvvavidyāparāparavibhāgādhigamavimalamatir api sarvvataḥ subhāṣitala-

⟨12⟩ venāpi sukhopapādanīyaparitoṣaḥ samagralokāgādhagāmbhīryyahr̥dayo pi sucaritātiśayasuvyaktaparamakalyāṇasvabhāvaḥ khilībhūtakr̥tayuganr̥pati-

⟨13⟩ pathaviśodhanādhigatodagrakīrttiḥ dharmmānuparodho⟨j⟩jvalatarīkr̥tārtthasukhasaṁpadupasevānirūḍhadharmmādityadvitīyanāmā paramamāheśvaraḥ śrīśīlādityaḥ

⟨14⟩ tasyānujas tatpādānuddhyātaḥ svayam upendraguruṇeva guruṇātyādaravatā samabhilaṣaṇīyām api rājalakṣmīṁ skandhāsaktāṁ paramabhadra Iva dhuryyas tadājñā-

⟨15⟩ saṁpādanaikarasatayaivodvahaN khedasukh¿e?ratibhyām anāyāsitasatvasaṁpattiḥ prabhāvasampadvaśīkr̥tanr̥patiśataśiroratnacchāyopagūḍhapādapīṭho pi

⟨16⟩ parāvajñābh¿a?mānarasānāliṅgitamanovr̥ttiḥ praṇatim ekāṁ parityajya prakhyātapauruṣābhimānair apy arātibhir anāsāditapratikriyopāyaḥ kr̥ta-

⟨17⟩ nikhilabhuvanāmodavimalaguṇasaṅhati⟨ḥ⟩ prasabhavighaṭitasakalakalivilasitagatir nnīcajanādhirohibhir aśeṣair ddoṣair an¿a?mr̥ṣṭātyunnatahr̥dayaḥ pra-

⟨18⟩ khyātapauruṣāstrakauśalātiśayagaṇatithavipakṣakṣitipatilakṣmīsvayaṁgrāhaprakāśitapravīrapuruṣaprathamasaṁkhyādhigamaḥ paramamāheśvaraḥ śrīkharagra-

⟨19⟩ (ha)s tasya tanayas tatpādānuddhyātaḥ sakalavidyādhigamavihitanikhilavidvajjanamanaḫparitoṣātiśayaḥ satvasa⟨ṁ⟩padā tyāgaudāryyeṇa ca vigatānusa-

⟨20⟩ ndhānāśamāhitārātipakṣamanorathākṣabhaṅgaḥ samyagupalakṣitānekaśāstrakalālo¿r?acaritagahvaravibhāgo pi paramabhadraprakr̥tir a-

⟨21⟩ ⟨kr̥⟩trimapraśrayavinayaśobhāvibhūṣaṇaḥ samaraśatajayapatākāharaṇapratya¡l!odagrabāhudaṁḍavidhvaṁsitanikhilapratipakṣadarppodayaḥ-

⟨22⟩ svadhanuḫprabhāvaparibhūtāstrakauśalābhimāna⟨ḥ⟩ sakalanr̥patimaṇḍalābhinanditaśāsanaḥ paramamāheśvaraḥ śrīdharasenaḥ tasyānujaḥ tatp¿a?dā-

⟨23⟩ nuddhyātaḥ saccaritātiśayitasakalapūrvvanarapatir atidussādhānām api prasādhayitā viṣayāṇā⟨ṁ⟩ mūrttimān iva puruṣakāraḥ parivr̥ddhagu-

⟨24⟩ ṇānurāganirbbharacittavr̥ttibhir mmanur iva svayam abhyupapannaḥ prakr̥tibhir adhigatakalākalāpaḥ kāntimāN nirvvr̥tihetur akalaṅkaẖ kumudanāthaḥ

⟨25⟩ prājyapratāpasthagitadigantarālapradhvansitadhvāntarāśis satatoditaḥ savitā prakr̥tibhyaḥ paraṁ pratyayam artthavaṁtam atibahutitha-

⟨26⟩ prayojanānubaṁdha(m āgama)paripūrṇṇa⟨ṁ⟩ v¿a?dadhānaḥ sandhivigrahasamāsaniścayanipuṇaḥ sthāne nurūpam ādeśaṁ dadad guṇa-

⟨27⟩ vr̥ddhividhānajanitasaṁskāraḥ [sā]dhūnāṁ rājyasālāturīyatantrayor ubhayor api niṣṇātaḥ prakr̥ṣṭavikramo pi karuṇāmr̥duhr̥dayaḥ śrutavā-

⟨28⟩ n apy agarvvitaḥ kānto pi praśam¿a? sthirasauhr̥dayyo pi nirasitā doṣavatām udayasamayasamupajanitajanatānurāgaparipihita-

⟨29⟩ bhuvanasamartthitaprathitabālādityadvitīyanāmā paramamāheśvaraḥ śrīdhruvasenas tasya sutas tatpādakamalapraṇāmadharaṇika-

⟨30⟩ ṣaṇajanitakiṇalāñchanalalāṭacandraśakalaḥ śiśubhāva Eva śravaṇanihitamauktikālaṅkāravibhramāmalaśrutaviśeṣaḥ pradānasalilakṣā-

⟨31⟩ litāgrahastāravindaḥ kanyāyā Iva mr̥dukaragrahaṇād amandīkr̥tānandavidhir vvasundharāyāḥ kārmmuke dhanurvveda Iva sambhāvitāśeṣalakṣya-

⟨32⟩ kalāpaḥ praṇatasāmantamaṇḍalottamāṅgadhr̥tacūḍāratn(ā)yamānaśāsanaḥ paramamāheśvaraḫ paramabhaṭṭārakamahārājādhirājaparameśvaraca-

⟨33⟩ kravarttiśrīdharasenas tatpitāmahabhrātr̥śrīśīlādityasya śārṅgapāṇer ivāṅgajanmano bhaktibandhurāvayavakalpitapraṇater atidhavalayā dūraṁ tatpā-

⟨34⟩ dāravindapravr̥ttayā nakhamaṇirucā mandākinyeva nityam amalitottamāṅgadeśasyāgas(t)yasyaiva rāja⟨r⟩ṣer ddākṣiṇyam ātanvānasya prabaladhavalimnā ya-

⟨35⟩ śasā⟨ṁ⟩ valayena maṇḍitakakubhā nabhasi yāminīpater vviḍambitākhaṇḍapar(i)veṣamaṇḍalasya payodaśyāmaśikharacūcukarucirasahyavindhyastanayu-

⟨36⟩ gāyāḥ kṣiteḫ patyuḥ śrīḍerabhaṭasyāṅgajaḥ kṣitipasaṁhater anurāgiṇyāḥ śuciyaśoṅśukabhr̥taḥ svayaṁvaramālām iva rājyaśriyam arpp(a)yantyāẖ k¿a?-

⟨37⟩ taparigrahaḥ śauryyam apratihatavyāpāram ānamitapracaṇḍaripumaṇḍala⟨ṁ⟩ maṇḍalāgram ivāvalambamānaḥ śaradi prasabham ākr̥ṣṭaśil¿a?-

⟨38⟩ mukhabāṇāsanāpāditaprasādhanānāṁ parabhuvāṁ vidhivad ācaritakaragrahaṇaḥ pūrvvam eva vividhavarṇṇo⟨j⟩jvalena śrutātiśayenodbhāsitaśra-

⟨39⟩ vaṇaḥ pu¿ṇ?aḥ punar ukteneva ratnālaṅkāreṇālaṅkr̥taśrotraḥ parisphuratkaṭakavikaṭakīṭapakṣaratnakiraṇam avicchinnapradānasalilani-

⟨40⟩ vahāvasekavilasannavaśaivalāṅkuram ivāgrapāṇim udvahaN dhr̥taviśālaratnavalayajaladhivelātaṭāyamānabhujapariṣvaktaviśva-

⟨41⟩ mbharaḥ paramamāheśvaraḥ śrīdhruvasenaẖ kuśalī sarvvān eva samājñāpayaty astu vas saṁviditaṁ yathā mayā mātāpitroḫ puṇyāpyāyanāya

⟨42⟩ mahicha(ka)vinirggatamahichakavāstavyaitaccāturvvidyasāmānyakauśikasagotravājasaneyasabrahmacāribr¿a?hmaṇabappaputrabhaṭṭibhaṭāya

⟨43⟩ śivabhāgapuraviṣaye dakṣiṇapaṭṭe paṭṭapadrakagrāmaḥ sodraṅgaḥ soparikaraḥ sabhūtavātapratyāyaḥ sadhānyahiraṇyādeyas sada-

⟨44⟩ śāparādhas sotpadyamānaviṣṭikas sarvvarājakīyānām ahastaprakṣepaṇīyaḥ pūrvvaprattadevabrahmadeyarahitaḥ bhūmicchidranyāyenā-

⟨45⟩ candrārkkārṇṇavakṣitisaritparvvatasamakālīnaḥ putrapautrānvayabhogya Udakātisarggeṇa dharmmadāyo nisr̥ṣṭaḥ yato syocitayā brahma-

⟨46⟩ deyāgrāhārasthityā bhuṁjataḥ kr̥ṣataḥ karṣayataḥ pratidiśato vā na kaiścid vyāsedhe varttitavyam āgāmibhadranr̥patibhir apy asmadvaṅśa-

⟨47⟩ jair anyair vvā Anityāny aiśvaryyāṇy asthiraṁ mānuṣyaṁ sāmānyañ ca bhūmidānaphalam avagacchadbhir ayam asmaddāyo numantavyaḫ paripālayitavyaś cety ¿a?(kta)-

⟨48⟩ ñ ca ∥ bahubhir vvasudhā bhuktā rājabhis sagarādibhiḥ yasya yasya yadā bhūmis tasya tasya tadā phalaM yānīha dāridryabhayān narendrair ddhanāni dharmmāyatanīkr̥-

⟨49⟩ tāni nirbbhuktamālyapratimāni ⟨tāni⟩ ko nāma sādhuḫ punar ādadīta ṣaṣṭiṁ varṣasahasrāṇi svargge tiṣṭhati bhūmidaḥ Ācchettā cānumantā ca tāny eva narake vaseT dūtako tra pramātr̥śrīnāgaḥ

⟨50⟩ likhitam idaṁ sa{ṁ}ndhivigrahādhikr̥tadivirapatiśrīskandabhaṭaputradivirapatiśrīmadanahileneti | saṁ 300 30 4 māgha śu 9 svahasto mama †∥