Charter of Baru, 952 Śaka

⟨Faces Abe: Front, left side, upper left side (A, b, e)⟩ ⟨1⟩ ⟨Face A⟩ || o || svasti śaka-varṣātīta 95(2) vaiśākha-māsa, tithi saptamī(,) kraṣṇa-pakṣa, pa, va, A(ṁ), vāra vugu⟨Face e⟩-vugu, dhaniṣṭa-nakṣatra, viṣṇu-devatā, brahmā⟨2⟩⟨Face A⟩-yoga, vava-kāraṇa, cāra pūrvvasthāna, Irikā divaśany ājñā śrī mahārāja rakai halu śrī lokeśvara dha ⟨Face e⟩ rmmavaṅśa Airlaṅgānantavikramottuṅgade⟨3⟩⟨Face A⟩va, tinaḍaḥ rakryān· mahāmantr(ī) I hino (śrī) saṅgrāmavijayadharmmaprasādottuṅgadevī Umiṅsor· I rakryān· ⟨Face e⟩ kanuruhan· pu dharmmamūrtti narottama dāna⟨4⟩⟨Face A⟩śūra, rakryān· hujuṁ pu Amr̥ta, kumonakən· Ikanaṁ karāmān· riṁ baru makabehan·, padamlakna saṁ hyaṅ ājñā haji tāmrapraśā⟨Face b⟩sti tinaṇḍa garuḍamukha kmitananya,

sambandha ⟨5⟩ ⟨Face A⟩ ri paṁhinəp· pāduka śrī mahārāja Irikanaṁ thāni riṁ baru, maprayojana Irikanaṁ rātri ri sḍaṅanyan· jayaśatrva śrī mahārāja riṁ ⟨Face b⟩ samara kumavasākna musuḥnira Ikanaṁ ⟨6⟩ ⟨Face A⟩ I hasin·, Atəhər· tumuṅgalakna Ikanaṁ pr̥thivīmaṇḍala An· sīmā p(ā)rṇnahanikanaṁ thāni riṁ baru deniṁ rāmanya riṁ baru makabeha ⟨Face b⟩ [n·] (sa)maṅkana rasani pratijñā pāduka śrī mahā- ⟨7⟩ ⟨Face A⟩ [rā]ja riṁ kuL̥m·(,) siddhamanoratha pva pāduka śrī mahārāja, karuhun· mpuṅku śaiva sogata R̥ṣi, makādi samgat· parbl(ya)n· ḍaṁ hyaṁ mahānanda ⟨Face b⟩ makacihna ri kavnaṁnikanaṁ ratu I hasin·, sampu- ⟨8⟩ ⟨Face A⟩ n· pinjahan·, sākṣāt· varttamāna katon· de[n]i(ka)naṁ [rā]t· kabeḥ, pinituturan· pva pāduka śrī mahārāja de samgat· [la](ṇ)ḍayān· rarai pu ba⟨Face b⟩{1 akṣara lost}mā mvaṁ samgat· lucəm· rarai pu manuri tan· ⟨9⟩ ⟨Face A⟩ dadiniṁ kadi sira prabhu mitthyāvacana, An hana prā(r)thanān(ira) ṅunin· paṅuL̥m· Irikanaṁ thāni rim baru An· [s]īmā parṇṇahanikāṁ thāni riṁ baru deni sa⟨Face b⟩mănya riṁ baru matuha manvam· makabehan·, ⟨10⟩ ⟨Face A⟩ ya tikā maṅkin· Asama-[sa]ma nirmalajñāna pāduka śrī mahārāja riṁ pamisiṅgiḥnira riṁ pitutur· samgat· laṇḍayān· rarai mvaṁ samgat· lu⟨Face b⟩cəm· rarai ya ta kāraṇā samgat· pamaṇi⟨11⟩⟨Face A⟩kan· pu godr̥ḍa, mvaṁ Ikanaṁ karāmān·n iṁ baru masāmagrī sumambahakən· turunyānugraha pāduka śrī mahārāja saṁ hyaṅ ājñā haji tā⟨Face b⟩mrapraśāsti kmitananya sādhanānyan siddhā⟨12⟩⟨Face A⟩kna sapaṅutus· pāduka śrī mahārāja, kapaṅgiha deni vkavetnya hlam i dlāhani(ṁ) dlāha Āpan atyanta gə:ṁni pūrvvaR̥ṇa śrī mahārā⟨Face b⟩⟨ja⟩ ri sakveḥni sahāyaniran· kr̥tāpadāna lā⟨13⟩⟨Face A⟩van· śīlāgrāhīnira, vastra-rajatānurāga-gāṅgāpra(vā)ha Iva kānurāg(ān)· pāduka śrī mahārāja riṁ paraporaja(na) sampun· kaprakā⟨Face b⟩śa ri saparyyāntaniṁ yavadvīpa lumrā tka riṁ dvī⟨14⟩⟨Face A⟩pāntara, ya tikā kadi hilīniṁ gaṅgā dr̥sni paṅupakāra śrī mahārāja, saha lāvan· vḍihan· pamodanā Irikā saṁ śaktiśūra, yan· ⟨Face b⟩ tambəhaniṁ sahāya balarakṣaka ri śrī mahārā⟨15⟩⟨Face A⟩ja, maṁdadyakna kālahaniṁ śatrudigjaya pāduka śrī mahārāja riṁ samara, valuyani kr̥tāniṁ bhuvana, pagəhaniṁ caturvarṇna caturāśrama ⟨Face b⟩ karuhun· punarjīva saṁ hyaṁ sarvvadharmma sama⟨16⟩⟨Face A⟩loṣṭakāñcāṇajñāna pāduka śrī mahārāja, yāvat· sādhanāniṁ [A]mahayvaṁ bhuvana donanya(,) mataṁnyan· Inanugrahākən· ⟨Face b⟩ pāduka śrī mahārāja saṁ hyaṅ ājñā haji tā⟨17⟩⟨Face A⟩mrapraśāsti kmitananikanaṁ karāmān· riṁ baru makabehan· riṁ tan· kavukivukilanya de saṁ nāyaka pratyaya vineḥ Air thāni ⟨Face b⟩ hlam i dlāhaniṁ dlāha, ṅuniveḥ saṅ anāgata ⟨18⟩ ⟨Face A⟩ prabhu māri ta Ikāṁ riṁ baru thāni vatək· Air thāni, kevalā Ikanaṁ karāmān· riṁ baru juga pramāṇa makasīma Ikāṁ riṁ baru tka ri ⟨Face b⟩ sukha-duḥkhanya magə:ṁ maḍmit· parṇnahanya ⟨19⟩ ⟨Face A⟩ svatantrā tan· katamāṇa deni vinava saṁ māna katrīṇi, paṅkur·, tavan·, tirip· [m]vaṁ saprakāra saṁ maṅilala drabya haji vulu-vu⟨Face b⟩lu magə:ṁ maḍmit·, makādi miśra paramiśra ⟨20⟩ ⟨Face A⟩ paṅuraṁ, kriṁ, paḍəm·, maṇimpiki, paranakan·, limus galuḥ, maṁriñci, maṁhūri, paraṁ, suṅka, dhūra, paṅaruhan·, taji, vatu tajəm· ⟨Face b⟩ sukun·, halu varak·, rakasaṁ, ramanaṁ, pini(ṁ)⟨21⟩⟨Face A⟩lai, kataṅgaran·, tapa haji, Air haji, malandaṁ, L̥ca, lablab·, pakalaṅkaṁ, kutak·, taṅkil·, tr̥pan·, salyut·, vatu valaṁ pa⟨Face b⟩maṇikan·, sikpan·, rumban·, tirvan·, vilaṁ thā⟨22⟩⟨Face A⟩ni, viji kavaḥ, təṅkəs·, māvī, manambaṅi, taṅhiran·, tuha dagaṁ, juru gosali, maṁrumbai, maṁguñjai, tuhānambi, juru kliṁ, ⟨Face b⟩ juru hañjman·, juru juḍi, juru jalir·, pabisar· ⟨23⟩ ⟨Face A⟩ paṅguluṁ, pavuṅkunuṁ, miśra hino, miśrāṅinaṅin·, vli tambaṁ, vli hapū, vli pañjut·, vli vaduṁ, palamak·, Urutan·, dampulan·, ⟨Face b⟩ pakaluṅku(ṁ), kaR̥R̥ṅan·, tpuṁ kavuṁ, suṁsuṁ paṅu⟨24⟩⟨Face A⟩(raṁ, pasu)k alas·, sipad vilut·, jukuṁ, pāṅin-aṅin·, pamāvasya, hopan·, panrāṅan·, skar tahun·, pabaye, parā⟨Face b⟩ma, Avur·, panigaṁ blaḥ, patatar·, tampə: si⟨25⟩⟨Face A⟩rir·, parājaphala, pagarakapan·, pavḍihan·, pamahat·, paṅlākha, pasaṅaṇi, pataṅkalan·, vidu maṅiduṁ, vatək i ⌈⟨Face b⟩jro Ityaivamādi kabeḥ, tan· tamā ta ya ⟨26⟩ ⟨Face A⟩ Irikanaṁ thāni riṁ baru, kevalā Ikanaṁ karāmān· riṁ baru sapaśuk thāni kabeḥ juga pramāṇa ri sadrabya-hajinya⟨Face b⟩magə:ṁ maḍmit· prakāra, mvaṁ ri vnaṅa rāmanta riṁ [ba]⟨27⟩⟨Face A⟩ru mapadaṅa rvaṁ rahi riṁ sapadagaṁ, Apatitiha, Aba_ _/sana\, Aṅavari, Acamara, baṇyāga, Atukla, (Aṅ)u(ba)ra, A⟨Face b⟩ṅulaṅa, Abakula, salvirniṁ sambyavahāra ⟨28⟩ ⟨Face A⟩ bhaṇḍa paribhāṇḍādval-avəlya, mvaṁ masulpika, paṇḍai mās·, paṇḍai vsi, pandai kāṅśa lāvan· ri vnaṅanya mahu⟨Face b⟩luna ḍayaṁ, huñjman·, nambi, jəṅgi, pujut·, Asiṁ ⟨29⟩ ⟨Face A⟩ salviranya tan· svīkāranaka rāmanta riṁ baru kabeḥ Irikā samaṅkana Ikanaṁ sukhaduḥkha kady aṅgāni(ṁ) mayaṁ ta⟨Face b⟩n· pavvaḥ, valū rumambat iṁ natar·, vipati, vaṅkai ⟨Faces Cefd: Back, upper left side, upper right side, right side (C, e, f, d)⟩ (Cefd1) ⟨Face e⟩ kābunan·, rāḥ kasavur iṁ natar·, hidu kasirat·(C), dūhilatən·, sāhasa, hastacapa(f)la, vākcapala, mamijilakən· vuriniṁ kikir·, ma- (Cefd2) ⟨Face e⟩ muk·, mamumpaṁ, lūdan·, tūtan·, Aṅśa, pratya(C)ṅśa, ḍaṇḍa kuḍaṇḍa, maṇḍihalādi prakāra, Ikāṁ (f) karāmān· riṁ baru sapaśuk· thāni pramāṇa I(ri)kā (Cefd3) ⟨Face e⟩ makaśaraṇā kahyaṅān· kinabhaktyan· rāmanta riṁ (C) baru, saṁ hyaṁ huvan·, saṁ hyaṁ ḍəpur·, saṁ hyaṁ kavyə:lan·, saṁ hyaṁ (f) roḥ, samaṅkana kadeyakna taṇḍa rakryān· riṁ ka- (Cefd4) ⟨Face e⟩ balān·, kasiṅgahan·, sovāra saṁ maṅasə: magə:ṁ (C) maḍmit·, tka ri para vadvā haji vadvā rakryān·, para juru, hamba rakryān· ryy ā(f)vān·, hamba rakryan· rājaputra, rājaputrī (Cefd5) ⟨Face e⟩ rakryān· strī haji, makādi hamba rakryān· mahā(C)mantri mvaṁ hamba rakryān· śrī parameśvarī, tka rikanaṁ magalaḥ, mamanaḥ, magaṇḍi, ma(f)təṅrān·, makuda, mahalimān·, makarapa (Cefd6) ⟨Face e⟩ karuṅan·, pavḍusan·, mahvan· lambu, haturan· b(ā)ṁ(C), haturan· pādu, pabaraka, kḍi, valyan·, sambal·, sumbul·, hulun· haji, jəṅgi, siṅgaḥ, mabr̥ṣi, mavu(f)lu-vuluṁ Ityaivamādi kabeḥ, An· kapvāta si- (Cefd7)ra sama təkyəna tan· baryya-baryya śila Irikaṁ thāni riṁ baru, tan· paṅalapa tanəm-tanəmān· salinara(ṁ)nikeṁ ta(f)nayan thāni, hampyal·, priṁ ptuṁ, pucaṁ, səR̥ḥ(,) kayu- (Cefd8)kayu, sarvvaphala, mūlaphala, tka riṁ vnaṁ-vnaṁ prakāra, kapvātikā tan· bari-barin denira, yathānya tan· pamuhara pramāda riṁ si(f)ra yāpvan hana sira kamatan· tan· yatna I sarasa saṁ hya- (Cefd9)ṅ ajñā haji tāmraprasāsti kmitanikanaṁ karāmān· riṁ baru sapaśuk thāni matuha manvam· kabeḥ, ya saṅkānani pramādanya salvirniṁ laṅgha(f)[na] saṁ hyaṅ ājñā haji lviranya knāna nigraha kā 2 (Cefd10) māsu 10 likhita pātralekha manuvul·, mataṅyan· paṅaṅsyə:kən· pasək· Ikanaṁ karāmān· riṁ baru makabehan· I rakryān· kanuruhan· vḍihan· yuga ⟨1⟩ (d) rakryān· hujuṁ vḍihan· yuga 1 samgat· laṇḍayan· vḍi- (Cefd11)han· hlai 1 rakryān· jasun· vuṅkal· vḍihan· hlai 1 samgat· laṇḍayan· rarai vḍihan· hlai 1 rakryān· paliñjvan· vḍihan· hlai 1 samgat· lucəm· rarai (d) vḍihan· hlai 1 samgat· pajabuṅan· saliput· hlai ⟨1⟩ (Cefd12) sira mpu riṁ paruhapa ragi hlai 1 samgat· pamvātan· mā 2 juru sāmya Iṁ kahuripan· jati mā 12 Akurug· I(ṁ) tiṅhal· piṅhai kaki rājya mā 1 (d) ku 1 juru kuda Uṅgən· mā 1 ku 1 makādi samgat· (Cefd13) pārblyan· saliput· yuga 1 || o || pratyekani nāmanikāṁ karāmān· riṁ baru sapaśuk thāni matuha manvam· kabeḥ tumarima Anugraha pāduka śrī (d) mahārāja saṁ hyaṅ ājñā haji tāmrapraśāsti, dūvā- (Cefd14)ni punaga, padma, teṅgə:, kaki (L̥)gə:, L̥gə:, bhagavān·, godhr̥mān·, kaki Adri, kaki piṅul·, basija, kaki basija, kaki varta, Udati, ratik·, bakləṁ, kuḍəṁ, mavvad·, (d) piṅul·, pahit·, maṇikara, sondoṁ, kaki baḍoti (Cefd15) baḍoti, dolo ⟨Face b⟩ uddhaṅe, buṅkaluḥ, katon·, sīma, nini bagiḍiḥ, R̥ṇəb·, ḍəpur·, suvəg·, kaki goṭā, kaki bo(ṅ)ok·, tuṅgu lyaṁ, laṇḍəḥ, Atuha (d) samaṅkana saṁ rayana, kaki vata, kaki purug·, juru pañjir· (Cefd16) kaki truḥ kaki sr̥gut·, tumbas·, niṅkal·, padar· təvəkana, baḍoṁ, Uja, kli, tətəg·, godri, tuṅkəb·, silum·, buru, beR̥k·, gandar·, paragul·, (d) jəmbəḥ, kulina, kuḍən·, bantyak·, glar·, cetəm·, (ma)- (Cefd17)niṅhat·, huma(la), praghata, siṅkab·, bakul·, boreḥ, gotamī, kaki Abuḥ, maṅgar·, kaki Aghətəṁ, kaki Abul, ḍasar·, pnəd·, kaki ba(d)raṅgoḥ, mañcam·, daśrī, vudəl·, giṇa, bhəñjit·(,) (Cefd18) vivaḥ, {1 akṣ. ille.}mol·, kaki haḍaṁ, ba(k)al·, kəbək·, buṅkaḥ, savo, lisyan·, montən·, bukuḥ, kasap·, cupona, kaki saritəm·, saritəm·, R̥mbu (d) , sukhanəm·, hayyən·, ḍənuḥ, maṇḍəg·, vulik·, nud(v)i (Cefd19) śrī {2 akṣ. lost}, {2 akṣ. lost} {1 akṣ. ille.} śrī {3 akṣ. ille.} (ma){2 akṣ. ille.}·, Utī, gereneṁ, kaki sukhanəm·, gəgyən·, gavaṁ, disāra, kaki hadyən· || duvāni gunuṁ, ḍarāt·, krut·(d), manarāt·, katir·, cṅek·, rosi, mavvad·, Uśrī, (Cefd20) ḍti, muṅgaṁ {9 akṣ. ille.}vaṁ, vənyən·, rava, Aguta, Aṅgita, bacu, Uṇḍ(u)ḥ, nini (t)əhər·, qə(n)u(k)·, {2 akṣ. ille.}jo, səmbak·, goḍəṅga, (d) sentel·, maL̥k·, barāt· goṣṭi, Agonī, (Cefd21) kaki U{2 akṣ. lost}mān·, {4 akṣ. ille.}n·(,) bha(ṭ)eri, dayadya, lumbaṁ, Atuha samaṅkana, butatut·, kaki dharaṇa, kaki turuk· tāl·, juru sama(d)ṅkana giṇatra || dūvāni ḍəpur·, maniṁ, gañjək·, (Cefd22) govana, Ajot·, dra{2 akṣ. ille.}mpor·, vāhana, Uci, Usən·, Uḍikh·, tuvuḥ, A{2 akṣ. ille.}m·, badrik·, hniṁ, bnik·, Udi, tuṅgə, (d) mahitəm·, cabya, soddha, jugil·, Antəb·, ka- (Cefd23)ki robhitəm·, Ugra, (k)ri(yā), (bu)(1 akṣ. ille.}(k)·, rā{2 akṣ. ille.}(,) gr̥t·, Aṅkən·, sambut·, yodini, (g)olo, durāt·, juṅan·, basəṁ, vulyan·, A(d)gəm·, baraṅgo, (U)kukup·, gaL̥ṁ, plīvok·, vak(u), (Cefd24) tu(ṅa)s·, R̥{2 akṣ. ille.} bayaṅan·, pujyan·, Anamār·, bhavan·, damān·, vīramān·, (koḍovok·,) gumavaṁ, (ta)ṅgal·, pagyən·, gusā(d)r·, galimpo, gahyaṁ, trikəm·, soṇṭok·, (Cefd25) {7 akṣ. lost} pravala, nini gupət·, nini hanyan·, turuk agə:ṁ, kaki {1 akṣ. ille}(ba){1 akṣ. ille}[,] kaki rājaṇa(,) buñcaṁ, Ampət·, vijyana, Abr̥n·, kr̥tana[,] (d) kaki tiṅkəs·, kaki Aṅkən·, binag·, buddhivu, Uha (Cefd26) {6 akṣ. lost} (A)tuha samaṅkana, kaki Antop·, [ka]ki səndəṁ, kaki ⟨Face b⟩ asḍa(ṁ), Ugreśa, hemān·, kaki cakal·, kaki Aryyana, ha(d)tan·(,) buyut· sagar·(,) pu godr̥, juru godhara, (Cefd27) {6 akṣ. lost}nan·, toṇḍəm·, nini halintər·, tulus·, dhanaja, kohana, nuvul·, moḍik·, kaki səgəḥ, piṅul·, nini ca(d)kal, minā, gamit·, sugal·, sāri, Icchā, ni- (Cefd28) {2 akṣ. lost} la {1 akṣ. ille.} {3 akṣ. lost} vaṅśa, nini Aiboṁ, bāṇa, nutug·, gr̥hana, vinaya, Ali, məruk·, Aṅkən·(,) gamparan·, muṇḍuku, saralā, gəntar·, (d) diśrī, pidyaḥ, bacol·, Anti, puruṣa, tikus· (Cefd29) {1 akṣ. lost}m(o)b·, Uṅgvan·, bhiUkuḥ, Amən·, Ampag·, tejanī, Abhitu, sabhālvaḥ, Unī(ṁ), Arūm·, dugamān·, loḍan·, Ayvan·, citə(d)m·, piṅhai, vudəl·, ḍuṅaḥ, humuṁ, gayuṁ, bhutaka(,) (Cefd30) trikəm·, Abuḥ, vətəḥ, rimbit·, nulus·, Uñjman·, diso, pindyan·, vrat·, malavan·, vahimān·, Umək·, gampər·, kaki (d) baśukri, buruñju, sumrik·, basəgəḥ, gumān·, (Cefd31) Udinī, kaki manəṅən·, vuri, buñjaraṁ, bhitəm·, pr̥gol·, Atuha samaṅkana, h(u)rup·, R̥mbho, gudhavo, kaki lo(d)ḍan·, kaki həṅgə:, vinkas· kaki gr̥hana, juru (Cefd32) samaṅkana, rahab·, || dūvāniṁ pkan·, godhanā, məṇḍaḥ, gosinəm·, nini bagan·, gəmboṁ, dharmmaja, tguḥ, munda, jitem·, (d) pilaṁ, muraḥ, nini baḍevək·, Umbəg·, kəjə(,) batu(,) (Cefd33) yodhā, kaki yodhā, bañcul·, buṅkaluḥ, nini ṇḍut·, Aḍot·, Ibu goviṣṭa, buyut· R̥ṇa, buddhi, mañjok·, sadan· (d) mulya, kiran·, suddhikā, suddhinəm·, paragul·, (Cefd34) kaki L̥mbāna, mantun·, gutuṁ, kaki hlam·, kti, luṅguḥ, kaki manada, paṅe, mgut·, nukər·, ṭevə:ḥ, Aləm·, sura(,) Abo(d)s·, tinəm·, gumuk·, maṇik·, nini maṇik·, ka- (Cefd35)ki bhavaṇa, vaśaḥ, gati, mamān·, dhr̥rmma, suR̥l·, sampət·, mandəl·, baṅkak·, pr̥gas,· bopekol·, jivati, satra, (d) _ mārmmā, R̥mus·, nəhak·, saniddhya, maṇḍava(,) (Cefd36) maṇḍala, təṅge, tiR̥m· moṅva, baḍati, pagut·, viddhi, gdbog·, bitukul·, rumān·, kaki Adiyā, purulū, nini māryya (d) tama, goṇḍok·, dadi, kaki ṭovok·, nini (Cefd37) tuṅi, tarahan·, ḍavək·, kaki səṅka, buddhaja, Atuha samaṅkana {1 akṣ. ille.}mān· I hino kaki tirim·, nini hadyan· godr̥ḍa kā(d)liḥ, kaki bāṇa, goviṣṭa, kaki vinaya, salaka (Cefd38) bajən·, samaṅkana kvaiḥnikanaṁ karāmān· riṁ baru sapaśuk thāni matuha manvam· kabeḥ tumarima Anugra(d)ha pāduka śrī mahārāja saṁ hyaṅ ājñā ha- (Cefd39)ji tāmrapraśāsti, || yāpvan· hana sira vvaṁ durācāra tan· yatnā I sarasanikeṁ sīmā ṅke riṁ baru kabva(d)tkaR̥maknanya, salvirniṁ pañcamahāpāta- (Cefd40)ka bhuktinya riṅ īhātra(,) parātra, Avūka tan· tmvaṁ sāma muvaḥ yā(ṁ)janma kiva təṅən· pakelakniṁ janma tma(d)hananya || o ||