Kheda plates of Dharasena IV, [Valabhī] year 330, dvi-Mārgaśira śu. 2

⟨1⟩ (꩜) svasti vijayaskandhāvārād bharukacchavāsakāt prasabhapraṇatāmitrāṇāṁ maitrakāṇām atulabalasampannama-

⟨2⟩ ṇḍalābhogasaṁsaktaprahāraśatalabdhapratāpāt pratāpopanat¿ā?dānamānārjjavopārjjitānurāgād anuraktamaula-

⟨3⟩ bhr̥taśreṇībalāvāptarājyaśriyaḥ paramamāheśvaraśrībhaṭārkkād avyavacchinnarājavaṅśān mātāpitr̥caraṇāravindapra-

⟨4⟩ ṇatipravidhautāśeṣakalmaṣaḥ śaiśavāt prabhr̥ti khaḍgadvitīyabāhur eva samadaparagajaghaṭāsphoṭanaprakāśitasatva-

⟨5⟩ nikaṣa(ḥ) tatprabhāvapraṇatārāticūḍāratnaprabhāsaṁsaktapādanakharaśmisaṅhatiḥ sakalasmr̥tipraṇītamārggasamyakparipā-

⟨6⟩ lanaprajāhr̥dayarañjanānvarttharājaśabdo rūpakāntisthairyyyagāmbhīryya(b)uddhisampadbhiḥ smaraśaśāṅkā{d}drirājodadhitridaśa-

⟨7⟩ gurudhaneśān atiśayānaḥ śaraṇā¿ś?atābhayapradānaparatayā tr̥ṇavadapāstāśeṣasvakāryyaphala⟨ḥ⟩ prārtthanādhikārttha-

⟨8⟩ pradānānanditavidvatsuhr̥tpraṇayihr̥dayaḥ pādacārīva sakalabhuvanamaṇḍalābho¿ś?apramodaḥ paramamāheśvara⟨ḥ⟩

⟨9⟩ śrīguhasenas tasya sutas tatpādanakhamayūkhasantānavisr̥tajāhnavījalaughaprakṣālitāśeṣakalmaṣaḥ praṇayiśatasaha-

⟨10⟩ sropajīvyamānasampad rūpalobhād ivāśritaḥ sarabhasam ¿a?bhigāmikair gguṇais sahajaśaktiśikṣāviśeṣavismāpitākhiladhanu-

⟨11⟩ rddharaḥ prathamanarapatisamatisr̥ṣṭānām anu¿ṣ?ālayitā dharmmadāyānām apākarttā prajopaghātakāriṇām upaplavānāṁ darśa-

⟨12⟩ yitā śrīsarasvatyor ekādhivāsasya saṅhatārātipakṣalakṣmīparibhogadakṣavikramo vikramopasaṁprāptavimalapārtthivaśrī(ḥ)

⟨13⟩ paramamāheśvaraḥ śrīdharasenas tasya sutas tatpādānudhyātaḥ sakalajagadānandanātyadbhutaguṇasamudayasthagitasamagradiṅma(ṇḍa)-

⟨14⟩ laḥ samaraśatavijayaśobhāsanāthamaṇḍalāgradyutibhāsuratarānsapīṭhodūḍhagurumanorathamahābhāraḥ sa⟨r⟩vvavidyāparā-

⟨15⟩ ¿v?aravibhāgādhigamavimalamatir api sarvvatas subhā¿s?italavenāpi sukhopapādanīyaparitoṣaḥ samagralokāgādha-

⟨16⟩ gāmbhīryyahr̥dayo pi sucaritātiśayasuvyaktaparamakalyāṇasvabhāvaḥ khilībhūtakr̥tayuganr̥patipathaviśodhanādhigato-

⟨17⟩ dagrakīrttir ddharmmānuparodhojjvalatarīkr̥tārtthasukhasampadupasevānirūḍhadharmmādityadvitīyanāmā paramamāheśvaraḥ śrīśīlādityaḥ

⟨18⟩ tasyānujas tatpādānudhyāta(ḥ) svayam upe(ndra)guruṇeva guruṇātyādaravatā samabhilaṣaṇīyām api rājalakṣmīṁ skandh¿a?saktāṁ paramabhadra

⟨19⟩ Iva dhuryyas tadājñāsampādanaikarasatay¿e?vodvahan khedasukharatibhyām anāyāsitasatvasaṁpattiḥ prabhāvasampadvaśīkr̥ta-

⟨20⟩ nr̥patiśataśiroratnacchāyopagūḍhapādapīṭho pi parāvajñābhimānarasānāliṅgitamanovr̥ttiḥ praṇatim ekāṁ parityajya

⟨21⟩ prakhyātapauruṣābhimānair apy arātibhir anāsāditapratikriyopāyaḥ kr̥tanikhilabhuvanāmodavipulaguṇasaṅhati⟨ḥ⟩ pra-

⟨22⟩ sabhavighaṭitasakalakalivilasitagatir nnīcajanādhirohibhir aśeṣair ddoṣair anāmr̥ṣṭātyunnatahr̥dayaḥ prakhyātapauruṣāstra-

⟨23⟩ kauśalātiśayagaṇatithavipakṣakṣitipatilakṣmīsvayaṁgrahaprakāśitapravīrapuruṣa{ḥ}prathamasaṁkhyādhigamaḥ paramamāheśvara⟨ḥ⟩

⟨24⟩ śrīkharagrahas tasya tanayas tatpādānudhyātaḥ sakalavidyādhigamavihitanikhilavidvajjanamanaḥparitoṣātiśayaḥ satvasa-

⟨25⟩ mpadā tyāgaudāryyeṇa ca vigatānusandhānāśamāhitārātipakṣamanorathākṣabhaṅgaḥ samyagupalakṣitānekaśāstrakalā-

⟨26⟩ lokacaritagahvaravibhāgo pi paramabhadraprakr̥tir akr̥trimapraśrayavinayaśobhāvibhūṣaṇaḥ samaraśata-

⟨27⟩ jayapatākāharaṇapratya¿gr?odagrabāhudaṇḍavidhvansitanikhilapratipakṣadarppodayaḥ svadhanuḥprabhāvapari-

⟨28⟩ bhūtāstrakauśalābhimāna⟨ḥ⟩ sakalanr̥patimaṇḍalābhinanditaśāsanaḥ paramamāheśvaraḥ śrīdharasenas tasyānujaḥ

⟨29⟩ tatpādānudhyātaḥ saccaritātiśayitasakalapūrvvanarapatir atidussādhānām api prasādhayitā-

⟨30⟩ viṣayāṇāṁ mūrttimān iva puruṣakāraḥ parivr̥ddhaguṇānurāganirbbharacittavr̥ttibhi⟨r⟩ mmanur iva svaya-

⟨31⟩ m abhyupapannaḥ prakr̥tibhir adhigatakalākalāpaḥ kāntimān nirvr̥tihetur akalaṅkaẖ kumudanāthaḥ prājyapra-

⟨32⟩ tāpasthagitadigantarālapradhvansitadhvāntarāśis satatoditas savitā prakr̥tibhyaḥ paraṁ pratyayam artthavantam atibahutitha-

⟨33⟩ prayojanānuba¿d?dham āgamapar¿a?pūrṇṇaṁ vidadhānaḥ sandhivigrahasamāsaniścayanipuṇaḥ sthāne nurū¿ṣ?am ādeśaṁ dadad guṇa-

⟨34⟩ vr̥ddhividhānajanitasaṁskāras sādhūnāṁ rājyasālāturīyatantrayor ubhayor api niṣṇātaḥ prakr̥ṣṭavikramo pi karuṇāmr̥du-

⟨35⟩ hr̥dayaḥ śrutavān apy agarvvitaḥ kānto pi praśamī sthirasauhr̥dayyo pi nirasitā doṣavatām udayasamayasamupajanita-

⟨36⟩ janatānurāgaparipihitabhuvanasamartth¿an?aprathitabālādityadvitīyanāmā paramamāheśvaraḥ śrīdhruvasenas tasya suta⟨ḥ⟩

⟨37⟩ tatpādakamalapraṇāmadharaṇikaṣaṇajanitakiṇalāñchanalalāṭacandraśakalaḥ śiśubhāva Eva śravaṇanihitamauktikā-

⟨38⟩ laṅkāravibhramāmalaśrutaviśeṣaḥ pradānasalilakṣālitāgrahastāravindaḥ kanyāyā Iva mr̥dukaragrahaṇād amandīkr̥tānanda-

⟨39⟩ vidhir vvasundharāyāḥ kā¿n?uke dhanurvveda Iva sambhāvitāśeṣalakṣyakalāpaḥ praṇatasāmantamaṇḍalottamā¿bbh?adhr̥tacūḍāratnāyamā-

⟨40⟩ naśāsanaḥ paramamāheśvaraḫ paramabhaṭṭārakamahārājādhirājaparameśvaracakravarttiśrīdharasenaẖ kuśalī sarvvān eva samājñāpa-

⟨41⟩ yaty astu vas saṁviditaṁ yathā mayā mātāpitroḫ puṇyāpyāyanāya Udumbaragahvaravinirggatakheṭakavāstavyodumbaragahvaracātu-

⟨42⟩ rvv¿a?dyasāmānyaparāśarasagotravājasaneyisabrahmacāribrāhmaṇabhavīnāgaśarmmaputrabrāhmaṇāditiśarmmaṇe kheṭakā-

⟨43⟩ hāre kolambe vaḍḍasomālikāgrāmapūrvvasīmni kheṭak¿e?mānena vrīhiṭṭipiṭukadvayavāpaṁ sabhr̥ṣṭīkaṁ kṣetraṁ yasyā-

⟨44⟩ ghāṭanāni pūrvvataḥ sīhamuhijjagrāmasīmā dakṣiṇato viśvapalligrāmasīmā Aparato droṇakasatkaśamīkedārakṣetraṁ

⟨45⟩ Uttarato maheśvarasatkakhaggaḍikedārīkṣetraṁ tathā nagarakapathakāntarggataduhuduhugrāme dakṣiṇāparasīmni kheṭaka-

⟨46⟩ mānena vrīhidvipīṭhakavāpaṁ koṭīlakakṣetraṁ yasyāghāṭanāni pūrvvataḥ Āṭiramaṇakedārasaṁjñitaṁ mahattaragollakasatkakṣetraṁ-

⟨47⟩ sabbhīlakasatkakhaṇḍakedāraś ca dakṣiṇataḥ jāIṇṇapalligrāmasīmā Aparato guḍḍapalligrāmasimā Uttarata Āralikedāraḥ śamī-

⟨48⟩ kedāro valmīkadvayañ ca tathā pūrvvasīmni duhuduhikāpadrake bhr̥ṣṭī yasyā Āghāṭanāni pūrvvataḥ kapitthondan(ī) dakṣiṇato viśī⟨r⟩ṇṇo⟨saṁ⟩jñita-

⟨49⟩ kedārikaṁ aparataḥ kapitthondanī Uttarataḥ brāhmaṇavairabhaṭasatkabrahmadeyakṣetram atikramya Undanīdvayaṁ evaṁ kṣetradvayaṁ sabhr̥ṣṭīkaṁ

⟨50⟩ sodraṅgaṁ soparikaraṁ sabhūtavātapratyāyaṁ sadhānyahiraṇyādeyaṁ sadaśāparādhaṁ sotpadyamānaviṣṭikaṁ sarvvarājakīyānām ahasta-

⟨51⟩ prakṣepaṇīyaṁ pūrvvapra(tta)devabrahmadeyabrāhmaṇaviṅśatirahitaṁ bhūmicchidranyāyenācandrārkkārṇṇavakṣitisaritparvvatasamakālīnaṁ

⟨52⟩ putra¿v?autrānvayabhogyaṁ Udakātisarggeṇa dha⟨r⟩mmadāyo nisr̥ṣṭaḥ yato syocitayā brahmadeyasthityā bhuñjataḥ kr̥ṣataḥ karṣayataḥ pradiśa-

⟨53⟩ to vā na kaiścid vyāsedhe varttitavyam āgāmibhadranr̥patibhir apy asmadvaṅśajair anyair vvā Anityāny aiśvaryyāṇy asthiraṁ mānuṣyaṁ sāmānyañ ca bhūmidānaphalam a-

⟨54⟩ vagacchadbhir ayam asmaddāyo numantavyaḥ paripālayitavyaś cety uktañ ca ∥ bahubhir vvasudhā bhuktā rājabhis sagarādibhiḥ yasya yasya yad(ā) bhūmis tasya

⟨55⟩ tasya tadā phalaṁ ∥ yānīha dāridryabhayān narendr¿e?r ddhanāni dharmmāyatanīkr̥tāni nirbhuktamālyapratimāni tāni ko nāma sādhuḥ punar ādadīta ∥

⟨56⟩ (ṣaṣṭi)varṣasahasrāṇi svargge tiṣṭhati bhūmidaḥ Ācchettā cānumantā ca tāny eva narake vaseT dūtako tra rājaduhitr̥bhūvā ∥

⟨57⟩ (likhita)m idaṁ sandhivigrahādh(i)kr̥tadivirapativatrabhaṭṭiputradivirapatiśrīskandabhaṭeneti | saṁ 300 30 dvimārggaśira śu 2 svahasto mama ⹀