Stela from Kbal Krabei (K. 1075), 932 Śaka

⟨A1⟩ ⟨Column a⟩ ||⟨⟨✤⟩⟩ śrīghaṇāya namo yasya ⟨Column b⟩ kr̥pāmr̥tam aśīśamat· ⟨Column c⟩ sudussahañ jagatkakṣaṁ ⟨Column d⟩ (du)[⏓⏓⏓⏑–⏑⏓]

⟨A2⟩ ⟨Column a⟩ lokeśāya namo mūrddhā ⟨Column b⟩ mitābhābho vibhāti yaḥ ⟨Column c⟩ mūrddhāvasaktatikṣnāṅśu ⟨Column d⟩ s [⏓⏓⏓⏓⏑–⏑⏓]

⟨A3⟩ ⟨Column a⟩ śrībajrapāṇaye bhaktyā ⟨Column b⟩ namaḥ pāpādrihāṇaye ⟨Column c⟩ bhāvināṁ yo jvaladba(j)r[.] ⟨Column d⟩ [⏓⏓⏓⏓⏑–⏑⏓]

⟨A4⟩ ⟨Column a⟩ babhūba kamvujendraś śrī ⟨Column b⟩ -sūryyavarmmeti nāmadhr̥k· ⟨Column c⟩ bhūbhr̥dviruddhr̥tājño ya- ⟨Column d⟩ [⏓⏓⏓⏓⏑–⏑⏓]

⟨A5⟩ ⟨Column a⟩ smarāriṇā smare dagdhe ⟨Column b⟩ smarakāntā smarādhikam· ⟨Column c⟩ ced vikṣya kānticaturaṁ ⟨Column d⟩ (y)[⏓⏓⏓⏓⏑–⏑⏓]

⟨A6⟩ ⟨Column a⟩ yadviryyañ cintayad viryya⟨Column b⟩ñ jiṣṇoś cintayitur dviṣaḥ ⟨Column c⟩ jivepsos tannatir no [⏓] ⟨Column d⟩ [⏓⏓⏓⏓⏑–⏑⏓]

⟨A7⟩ ⟨Column a⟩ hyaṅ·candrākhyastriyai dattā ⟨Column b⟩ bhūmir bhūmibhr̥tā purā ⟨Column c⟩ parameśvararāj(e)na ⟨Column d⟩ p(au)[⏓⏓⏓⏑–⏑⏓]

⟨A8⟩ ⟨Column a⟩ parame śivaloke yo ⟨Column b⟩ viyadrāmā [⏑] ke ⟨’⟩karot· ⟨Column c⟩ narendragarbhanāmāsau ⟨Column d⟩ ni(d)ra[⏓⏓⏑–⏑⏓]

⟨A9⟩ ⟨Column a⟩ tasyās suto nujo y(o) ⟨’⟩bhū⟨Column b⟩d bhāgineyo ⟨’⟩pi pautrakaḥ ⟨Column c⟩ te paraṁparayā cakruḥ ⟨Column d⟩ tataḥ [⏓⏓⏑–⏑⏓]

⟨A10⟩ ⟨Column a⟩ parame viraloke ⟨’⟩smin· ⟨Column b⟩ (vya)vas(th)āṁ k(r̥)tavān tadā ⟨Column c⟩ vrau namā reva[.]ipautro ⟨Column d⟩ vya[⏓⏓⏓⏑–⏑⏓]

⟨A11⟩ ⟨Column a⟩ pautreṇānnāmatas tasyāḥ ⟨Column b⟩ prakr̥t(a)vyavahārakaḥ ⟨Column c⟩ svāminaiva punar dattaḥ ⟨Column d⟩ sa [⏓] [.]āja[⏑–⏑⏓]

⟨A12⟩ ⟨Column a⟩ tasyānnāmno maraṁ pātaṁ ⟨Column b⟩ (m)ūlasthāna(ṁ) prayatnataḥ ⟨Column c⟩ bhāgineyaḥ [⏑–]ś śrīmā⟨Column d⟩n nar(e)[nd]r(a)[⏓⏑–⏑⏓]

⟨A13⟩ ⟨Column a⟩ [⏓] nateḥ parvvatatale ⟨Column b⟩ rāj(ñ)aś śrīsūryyavarmmaṇaḥ ⟨Column c⟩ sa [⏓]va vāndhavair dāsā⟨Column d⟩n deva[⏓⏓⏑–⏑⏓]

⟨A14⟩ ⟨Column a⟩ catu(r)dvidvāraśākendre ⟨Column b⟩ prāptarājyas sa bhūpatiḥ ⟨Column c⟩ vānadvirandrakair diva⟨Column d⟩s te nu sa [⏓⏑–⏑⏓]

⟨A15⟩ ⟨Column a⟩ teṁvonāmā sa Ācāryyaḥ ⟨Column b⟩ kyatkandvay·nāmasaṁyutaḥ ⟨Column c⟩ tatsthāpi(ta)n (tu) lokeśa⟨Column d⟩m Vnmū[⏓⏓⏑–⏑⏓]

⟨A16⟩ ⟨Column a⟩ śrīnarendravijayo [⏓] ⟨Column b⟩ vyavahārañ cakāra yaḥ ⟨Column c⟩ sabhāsa [⏓] tayor vvākyaṁ ⟨Column d⟩ [⏓⏓⏓⏓⏑–⏑⏓]

⟨A17⟩ 928 śaka navami ket· jyeṣṭha śukravāra nu cāre vyavahāra neḥ ◯ toya gati vyava(hā)[ra][…]

⟨A18⟩ tta ma ta ti Arthi Oy· pi pratyarthi pra cāy· roḥha neḥha ◯ yal· man· vraḥ mūlasthāna […]

⟨A19⟩ śemabhadra ◯ Ācāryya śri jayendra ◯ Ācāryya narendragarbha ◯ thmer· deśa anumo[…]

⟨A20⟩ sthāpanā ri jvan· khñuṁ toy· gaṇā kaṁvrau va nu gaṇā phnvakka nu ⟨ga⟩ṇā chke nu gaṇā caṁvāssa ◯ […]

⟨B1⟩ deśa noḥ slāp· ◯ gi vraḥ noḥ nu khñuṁ ta roḥha neḥha Āyatta ta qji Arthi nu (qj)i

⟨B2⟩ k· ◯ lvoḥ ta gi vraḥ rājya ta stāc· dau paramavīraloka gi vraḥ mūlasthān[.] [.][.]

⟨B3⟩ p· An· ta qmā Arthi nu Arthi lvoḥ pi Arthi dau paṅgaṁ (ta) kaṁ(m)ra(teṅ)· kaṁtvan· Añ· {...} [[pra-]]

⟨B4⟩ tyarthi kathā man· vraḥ mūlasthā(na) nu khñuṁ vraḥ noḥ phoṅṅa syaṅ ta Āyatt· dai gu[s·]

⟨B5⟩ ta gi chvāk· ◯ riya gaṇā kaṁvrau nu gaṇā phnvakka Oy ta A(r)th(i) gaṇā chke nu ⟨ga⟩ṇā caṁ[vāssa]

⟨B6⟩ gi vraḥ mūlasthāna syaṅ ta paripāla didaira ◯ nā vraḥha man· Arthi kathā man· pratyarthi to[.]·

⟨B7⟩ vyat· pi māna vraḥ karuṇā ta paramapavitra pre kaṁ pi taṅ·tyaṅ· sākṣi ta pada noḥ dva

⟨B8⟩ ◯ 921 śaka daśami ket· jyeṣṭha sauravāra nu mān· vraḥ karuṇā ta paramapavitra {...} [[mratāñ· khloñ·]]

⟨B9⟩ śri vāgīśvaravarmma pre cuña pandval ta kamrateṅ· Aña vraḥ guru rīya Ācāryya kyāt kandva(y·)

⟨B10⟩ ña (v)yavahāra tāp pi salāppa mana kamrateṅ· Añ· Āya vrāc· svaṁ prasāda vraḥ g[.][…]

⟨B11⟩ teṅ· Aña Āya vrāc· ◯ riya gaṇā chke nu gaṇā caṁvāssa bhāga ta tapra pi pratya[rthi] {...}

⟨B12⟩ pre Oy· dau ta A⟨r⟩thi sot· ◯ kamrateṅ· Añ· vraḥ guru pandval· vraḥ śāsana

⟨B13⟩ ya Oya vraḥ noḥ nu khñuṁ vraḥ noḥ phoṅa ◯ ta qnau (n)ā kamrateṅ· Añ vraḥ guru pandval· [.][.]

⟨B14⟩ vidyādhipativarmma ◯ kaṁsteṅ· tarāña rpyāṅ· ◯ kaṁsteṅ taṁvvaṅ· ◯ mratāña khloñ· śri vāgīśvara va {...}

⟨B15⟩ varmma ◯ mratāña khloña śri kavindravarmma ◯ steṅ· Añ· caṁ(v)o guṇadoṣadarśśi ◯ mratāña khlo[[ñ·]]

⟨B16⟩ ta sat· ◯ mratāña khloña śri nr̥pabhaktivallabha Au sabhāsat· ◯ mratāña khloña (ś)r[[i]]

⟨B17⟩ ṅ· catvāri ◯ mratāña khloña śri nr̥pendravarmma chok· jlyak· ◯ 932 śaka navamī ket· {...}

⟨B18⟩ karuṇā ta parama pavitra pandval ta khloña vala jalavandha pre cuña pandval ta mratāña śri na[rendravijaya]

⟨B19⟩ rājakāryya nā kanmyaṅa vraḥ kralā lqvaṅ· ◯ pre Oya gaṇā ka(ṁ)vrau dau ta kamrate[[ṅa]] {...} [[9xx]]

⟨B20⟩ śaka pi ket· jyeṣṭha candravāra nu mān· vraḥ karuṇā ta parama pavitra pre khloña {...} [[kaṁste]]-

⟨B21⟩ ṅ· śri kaviśvaravarmma sabhā(pa)ti ◯ nu mratāña khloña guṇadoṣa ta pvānna nu mratāñ {...}

⟨B22⟩ mratāña khloña śrī mahipativarmma trvāc· vraḥ sabhā pre syaṅ ta yugapat· Āy· vra[…]

⟨B23⟩ śri virendravarmma nu mratāña khloña vnaṁ vihāra nu mratāña khloña khloña glāṅ ta pvān(na) […]

⟨B24⟩ c· taṅvāy ta pvānna pre Oy· khñuṁ bhai pvānna ta mratāñ· śrī narendravijaya […]

⟨B25⟩ va ⟨ga⟩ṇā kaṁvrau ta dau ta kamrateṅ· Aña Āy· vrac· pre nāṁ (dau) […]

⟨B26⟩ nau Aṁpala sruk· sre bhūmyākara padaḥ sthāna tel· gaṇā kaṁvrau […]

⟨B27⟩ pre paṁre viṅ ta vraḥ snoṅa gaṇā kaṁvrau ta dau ta kaṁmrateṅ· […]

⟨B28⟩ khñuṁ (thnvar)· khñuṁ bhāga mvāya Āyatta ta gi bhāga mratāñ· khloñ· kanmya[ṅ·] […]

⟨B29⟩ kṣana man· saṁroṅ· qcās· bhaktiya ruva man· pek· hoṅ· qyak pi […]

⟨C1⟩ ◯ ta gi vraḥ rājya dhūl(i) vraḥ pāda kamrateṅ· Añ· śrī yaśovarmma-

⟨C2⟩ deva ta stac· dau paramaśivaloka gi nu ji loñ· narendragarbha qji

⟨C3⟩ yeṅ· ta khloñ· (jā)la [.][.] ta nu qji qna(k)· sāṁ [.][.][.] va nu mratāñ· śri parā(k)ra

⟨C4⟩ masiṅha ta qji qnak· cvār· c[.][.][.]· parihāra [.][.] gaṇa vraḥ neḥ Āy· saṁmroṅ·

⟨C5⟩ nu saṁ(phs)auva nu purā pura ta kanloṅ· kamrateṅ· Añ· nidrāgrāma ◯ Āya samroṅ·

⟨C6⟩ {3} dau nidrāgrāma raṅko thlvaṅ· I paryyaṅ· mās· III canlyāk· nu troṅ·

⟨C7⟩ {...} ta gi 830 (śa)ka gi nu kaṁsteṅ· śri pr̥thivanarendra nu mratā-

⟨C8⟩ [ñ] {2} [.]pā paṅga[ṁ] thpvaṅ· nivedana mān· vraḥ karuṇā ta paramapavitra

⟨C9⟩ {3} [.][.] steṅ· {illisible}

⟨C10⟩ {2/3} Āy· saṁmroṅ· [.][.] [.][.] vraḥ noḥ phoṅ ta praśastha leṅ· vvaṁ

⟨C11⟩ {2/3} [.][.] vrīhi paryyaṅ· viṣaya caña [.][.][.]la phoṅ· nā (d)ika ka vraḥ rā {1}

⟨C12⟩ {2} srāca ◯ viṅ· [.][.]e [.][.] [.][.] vraḥ Āy· saṁmroṅ· ◯ vvaṁ Āyatta t(a)

⟨C13⟩ {2} [.][.] vnaṁ nu kaṁloñ qnak· [.][.]y· nidrāgrāma ◯ vvaṁ Āc ti kvan· (cau)

⟨C14⟩ {1} [ya](ja)māna padā (pre) ta kāryya vraḥ parapāla gus· ◯ manna mra [.][.]

⟨C15⟩ {1/2} [.][.]ḥ gi qnak· tel· lvāc· dau ◯ (man) kamrateṅ· kaṁtvan· Añ· śri sūryyavarmma

⟨C16⟩ [de]va sakala svey· vraḥ dharmmarājya lvoḥ ta gi 932 śaka pandval· ta vraḥ sabhā nu

⟨C17⟩ mratāñ· śrī narendravijaya pre thve praśasta neḥ roḥha śākha pūrvvāpara bhūmi nu vraḥ

⟨C18⟩ [.][.] [.][.] khñuṁ vraḥ neḥ Āy· samroṅ· phoṅa nu kalpanā santāna nu kalpanā mratāñ·

⟨C19⟩ śr(i) narendravijaya [.][.] māk· (sth)āpanā Āy· samroṅ· ◯

⟨C20⟩ ◯ santānakalpanāṁ pūrvvāṁ_ kr̥tvā punar akalpayat·_ narendravijayaś śrimān·

⟨C21⟩ [.][.] [.][.] bhaktir a[.]e [.][.] [.][.] ||_ nidrāgrāmāmare [.][.] [.][.]_ śvetatandulakhārikāḥ

⟨C22⟩ vastrāṇy ā[.][.] ghr̥{3}_ gu[.][.](mā)ghe diśet tadā ||_ saṁvarddhaya

⟨C23⟩ [nti] ye puṇyaṁ_ (putrapau)trās svavāndhavāḥ_ svarggaṁ gacchantu hiṅsanti_ ni

⟨C24⟩ [ra]yaṁ (nityam āvasan·) ||