Stela of Prasat Sdok Kak Thom (K. 235), 974 Śaka

⟨A1⟩ ⟨Column a⟩namaś śivāyāstu yadātmabhāvo ⟨Column b⟩⟨’⟩ntarvyāpinā sūkṣmaśivena tanvā

⟨A2⟩ ⟨Column a⟩vānyā vinā prāṇabhr̥tān nitāna⟨Column b⟩m ākhyāyate ceṣṭayatendriyāṇi ||

⟨A3⟩ ⟨Column a⟩viśvaṁ śivaḥ pātu himāṅśubhānu- ⟨Column b⟩-kr̥śānunetratritayena yasya

⟨A4⟩ ⟨Column a⟩vyanakti sākṣitvam anāvr̥tātma- ⟨Column b⟩tattvārthadr̥ṣṭau paritovadātam· ||

⟨A5⟩ ⟨Column a⟩vedhās samavyād bhavatomr̥tāḍhyaṁ ⟨Column b⟩kamandaluṁ sphāṭikam indukāntam·

⟨A5⟩ ⟨Column a⟩lokeṣu kāruṇyasudhāpayodhe⟨Column b⟩r dhattedhikaṁ vījam ivādarād yaḥ ||

⟨A7⟩ ⟨Column a⟩lakṣmīpatir vvo vatu yasya lakṣmī⟨Column b⟩r vakṣassthitā kaustubhabhūṣaṇāya

⟨A8⟩ ⟨Column a⟩snihyāmi sāhaṁ kaṭhinasvabhāve- ⟨Column b⟩-ṣv apy āśriteṣv atra sadeti nūnam· ||

⟨A9⟩ ⟨Column a⟩◯Āsīd aśeṣāvanibhr̥dddhr̥tāṅghri⟨Column b⟩r jagaddhr̥dambhojavivodhavr̥ttaḥ

⟨A10⟩ ⟨Column a⟩dhvāntan nihantā vasudhādhirājo ⟨Column b⟩dhāmnodayāditya Iti pratītaḥ ||

⟨A11⟩ ⟨Column a⟩sr̥ṣṭo mayā ruciviśeṣavivekabhājā ⟨Column b⟩yāto harākṣidahanendhanatāṁ manojaḥ

⟨A12⟩ ⟨Column a⟩Ity ātmabhūr yyam upapādya sudhāmayībhi⟨Column b⟩r mmanye smaraṁ rucibhir īśvaratān nināya ||

⟨A13⟩ ⟨Column a⟩kāhaṁ himādritanayeva śarīrayaṣṭe⟨Column b⟩r arddhaṁ manoramavarasya pariṣvajāmi

⟨A14⟩ ⟨Column a⟩Ity unmanā Iva manoratharaṅgam aṅga⟨Column b⟩m āliṅgate sma paritaḥ kila yasya lakṣmīḥ ||

⟨A15⟩ ⟨Column a⟩padmāsanasya caturāsyavataś śrutārthaṁ ⟨Column b⟩sāmādimaṇditamater bhuvanodayāya

⟨A16⟩ ⟨Column a⟩bhāraty ananyagamanā vadane nu yasya ⟨Column b⟩vedhodhiyā dhr̥timatī vasatim vyadhatta ||

⟨A17⟩ ⟨Column a⟩guṇeṣu niṣṇātadhiyo nu yasya ⟨Column b⟩śilpādiṣu prītamanā mahattvam·

⟨A18⟩ ⟨Column a⟩saṁkhyātukāmo japanacchalena ⟨Column b⟩sraṣṭākṣamālām adhunāpi dhatte ||

⟨A19⟩ ⟨Column a⟩yo nyāyajoṣidhiṣaṇo viṣavat pareṣāṁ ⟨Column b⟩dārān virāgamatir āsa nirīkṣamāṇaḥ

⟨A20⟩ ⟨Column a⟩kenāpi nityasuratiṁ sma karoti kīrtti- ⟨Column b⟩-śraddhādayādhr̥tiṣu dharmmavilāsinīṣu ||

⟨A21⟩ ⟨Column a⟩yā yās samāśritavatī samudīrṇṇaduḥkhā ⟨Column b⟩khinnāvivekimati śocyavatī prapede

⟨A22⟩ ⟨Column a⟩yo dhatta maṇdarucibhūdharaśaktibhis tāṁ ⟨Column b⟩kṣoṇīṁ sukhe mahati tābhir atulyavr̥ttyā ||

⟨A23⟩ ⟨Column a⟩yatkīrttimaṇḍārataruḥ prathīyā⟨Column b⟩n rūḍhas trilokyāṁ stutipuṣpakīrṇṇaḥ

⟨A24⟩ ⟨Column a⟩hiraṇyagarbhāṇḍabhidābhiyeva ⟨Column b⟩jagaddhr̥dantarvviniviṣṭaśākhaḥ ||

⟨A25⟩ ⟨Column a⟩śiṣyān yathā ceṣṭayitopadeṣṭā ⟨Column b⟩yathātmajān vā janako ⟨’⟩pi yatnāt·

⟨A26⟩ ⟨Column a⟩nayena saṁrakṣaṇapoṣaṇābhyā⟨Column b⟩n tathā prajā yas svam avekṣya dharmmam· ||

⟨A27⟩ ⟨Column a⟩bhinnārirājarudhirāruṇitaṁ vabhāra ⟨Column b⟩khaḍgaṁ raṇe sphuradudīrṇṇavikīrṇṇabhāsam·

⟨A28⟩ ⟨Column a⟩yo mūrddhajagrahavalād iva jātajoṣa⟨Column b⟩m utkośakokanadam āhr̥tam ājilakṣmyāḥ ||

⟨A29⟩ ⟨Column a⟩sandhukṣitai ripusamājasamitsamr̥ddhyā ⟨Column b⟩yuddhādhvare bhujavalānilajr̥mbhanena

⟨A30⟩ ⟨Column a⟩tejonalavyatikarair hariṇacchalena ⟨Column b⟩taptā nu yasya vidhuvimvam upāśritorvvī ||

⟨A31⟩ ⟨Column a⟩yasyāṅghripaṅkajayugaṁ praṇayipriyatvaṁ ⟨Column b⟩prakhyāpayan nakhamaṇiprativimvitānām·

⟨A32⟩ ⟨Column a⟩vr̥ṇdāni namraśirasām avanīśvarāṇāṁ ⟨Column b⟩svāṅge nyaveśayad upāsidayālu manye ||

⟨A33⟩ ⟨Column a⟩Etāvatā siddhir ananyasādhyā ⟨Column b⟩yasyānumeyādbhutadhāmabhūmnaḥ

⟨A34⟩ ⟨Column a⟩yat saptatantur vvitato vavandha ⟨Column b⟩lekharṣabhādīn aniśan dyuvāsān· ||

⟨A35⟩ ⟨Column a⟩nirvvandhavaddhādhvaradhūmaketo⟨Column b⟩r dhūmodgamair grastavapur nu viṣṇuḥ

⟨A36⟩ ⟨Column a⟩yasyāniśaṁ svaṁ padam āviśadbhi⟨Column b⟩r ābhīlabhāvaṁ bhajate dhunāpi ||

⟨A37⟩ ⟨Column a⟩dr̥ptadviṣadbhyaś śataśo ⟨’⟩py abhītiṁ ⟨Column b⟩bhītyā na tebhyo ⟨’⟩dita yo davīyaḥ

⟨A38⟩ ⟨Column a⟩kenāpi nedīya upāsinaṣ ṣa⟨Column b⟩ṭ kṣodīyaso nīnaśad eva śatrūn· ||

⟨A39⟩ ⟨Column a⟩nyadrāsyad ambhoruhadr̥k samudre ⟨Column b⟩svairaṁ kathaṁ rakṣakr̥takṣaṇaś cet·

⟨A40⟩ ⟨Column a⟩Apālayiṣyat kṣapitakṣatān yo ⟨Column b⟩no mānavān mānavanītisāraiḥ ||

⟨A41⟩ ⟨Column a⟩kalābhir āhlāditamaṇḍalo yaḥ ⟨Column b⟩karaṁ mradimnānvitam ādadhānaḥ

⟨A42⟩ ⟨Column a⟩netā vivr̥ddhiṁ kumudaṁ nitāntaṁ ⟨Column b⟩ramyas stuto rājaguṇena yuktam· ||

⟨A43⟩ ⟨Column a⟩śiśirayati nitāntaṁ yadyaśo vārirāśau ⟨Column b⟩kalidahanasadārcciṣ ploṣavuddhyeva lokān·

⟨A44⟩ ⟨Column a⟩praśamitanijatejaśśaṅkayā kālavahni⟨Column b⟩s sthagitatanur adhastād aṇḍakhaṇḍe vidhātuḥ ||

⟨A45⟩ ⟨Column a⟩◯tasyāsa devādijayendravarmma- ⟨Column b⟩nāmādadhānaḥ kila yo yaśasvī

⟨A46⟩ ⟨Column a⟩gurur garīyān uditodite ⟨’⟩bhū⟨Column b⟩d dhiyodito ninditavaṅśavaryye ||

⟨A47⟩ ⟨Column a⟩yanmātr̥santānaparaṁparā prā⟨Column b⟩k sūryādisaṁpītakalākalāpā

⟨A48⟩ ⟨Column a⟩Akṣīṇabhāvā bhuvanodayāya ⟨Column b⟩prādur vvabhūvendum adho vidhātum· ||

⟨A49⟩ ⟨Column a⟩jayavarmmamahībhr̥to mahendrā- ⟨Column b⟩-vanibhr̥nmūrddhakr̥tāspadasya śāstā

⟨A50⟩ ⟨Column a⟩kavir āryyavarāṅgavanditāṅghri⟨Column b⟩ś śivakaivalya Itipratītir āsīt· ||

⟨A51⟩ ⟨Column a⟩hiraṇyadāmadvijapuṅgavo gryadhī⟨Column b⟩r ivāvjayoniḥ karuṇādra Āgataḥ

⟨A52⟩ ⟨Column a⟩Ananyalavdhāṁ khalu siddhim ādarāt· ⟨Column b⟩prakāśayām āsa mahībhr̥taṁ prati ||

⟨A53⟩ ⟨Column a⟩sa bhūdharendrānumato grajanmā ⟨Column b⟩sasādhanāṁ siddhim adikṣad asmai

⟨A54⟩ ⟨Column a⟩hotre hitaikāntamanaḥprasattiṁ ⟨Column b⟩saṁvibhrate dhāmavivr̥ṅhanāya ||

⟨A55⟩ ⟨Column a⟩śāstraṁ śiraśchedavināśikhākhyaṁ ⟨Column b⟩sammohanāmāpi nayottarākhyam·

⟨A56⟩ ⟨Column a⟩tat tumvuror vaktracatuṣkam asya ⟨Column b⟩siddhyeva vipras samadarśayat saḥ ||

⟨A57⟩ ⟨Column a⟩dvijas samuddhr̥tya sa śāstrasāraṁ ⟨Column b⟩rahasyakauśalyadhiyā sayatnaḥ

⟨A58⟩ ⟨Column a⟩siddhīr vvahantīḥ kila devarājā- ⟨Column b⟩-bhikhyāṁ vidadhre bhuvanarddhivr̥ddhyai ||

⟨A59⟩ ⟨Column a⟩sa bhūdharendras sahavipravaryya⟨Column b⟩s tasmin vidhau dhāmanidhānahetau

⟨A60⟩ ⟨Column a⟩vītāntarāyaṁ bhuvanodayāya ⟨Column b⟩niyojayām āsa munīśvaran tam· || ⟨Face B⟩

⟨B1⟩ ⟨Column a⟩tanmātr̥vaṅśe yatayas striyo vātanmātr̥vaṅśe yatayas striyo vā ⟨Column b⟩jātā vidhāv atra niyuktabhāvaḥjātā vidhāv atra niyuktabhāvaḥ >

⟨B2⟩ ⟨Column a⟩tadyājakās syur na kathañcid anyatadyājakās syur na kathañcid anya ⟨Column b⟩ីti kṣitīndradvijakalpanāsītiti kṣitīndradvijakalpanāsīt· ||

⟨B3⟩ ⟨Column a⟩bhavapuradharaṇīndradattabhūmyāṁ ⟨Column b⟩sa viṣaya Indrapure purā svavaṅśyaiḥ

⟨B4⟩ ⟨Column a⟩vinihitam adhikarddhibhadrayogi- ⟨Column b⟩-prakr̥tapure ⟨’⟩bhirarakṣa śarvvaliṅgam· ||

⟨B5⟩ ⟨Column a⟩pūrvadigviṣaye kṣoṇīṁ ⟨Column b⟩kāñcit prārthya mahībhr̥tam· ⟨Column c⟩sa kuṭyākhyaṁ puran tatra ⟨Column d⟩kr̥tvā tatra kulan nyadhāt· ||

⟨B6⟩ ⟨Column a⟩Amarendrapurābhyarṇṇa- ⟨Column b⟩-bhūmiṁ prārthya tam īśvaram· ⟨Column c⟩bhavālayākhye sa pure ⟨Column d⟩kr̥te liṅgam atiṣṭhipat· ||

⟨B7⟩ ⟨Column a⟩jayavarmmāvanīndrasya ⟨Column b⟩tatsūnos sūkṣmavindukaḥ ⟨Column c⟩purodhāś śivakaivalya- ⟨Column d⟩-svasrīyo ⟨’⟩bhūd vudhāgryadhīḥ||

⟨B8⟩ ⟨Column a⟩kṣoṇīndraṁ śivakaivalyā- ⟨Column b⟩-nujanmā tam ayācata ⟨Column c⟩rudrācāryyo dripade ⟨’⟩driṁ ⟨Column d⟩viṣaye kañcid atra saḥ ||

⟨B9⟩ ⟨Column a⟩grāmaṁ prakr̥tya saṁsthāpya ⟨Column b⟩vidhinā liṅgam aiśvaram· ⟨Column c⟩vidadhre bhadragiryyākhyāṁ ⟨Column d⟩tasyādres sa munīśvaraḥ ||

⟨B10⟩ ⟨Column a⟩śrīndravarmmāvanīndrasya ⟨Column b⟩sūkṣmavindvanujaḥ kr̥tī ⟨Column c⟩śrīyaśovarddhanaguru⟨Column d⟩r hotā vāmaśivo ⟨’⟩bhavat· ||

⟨B11⟩ ⟨Column a⟩śivasomasya tadrāja- ⟨Column b⟩-guror vvāmaśivāhvayaḥ ⟨Column c⟩Antevāsy ātmavidyaugha ⟨Column d⟩Iva mūrttau vahirgataḥ ||

⟨B12⟩ ⟨Column a⟩śivasomas sa tenānte- ⟨Column b⟩-vāsinā sahadharmmyadhīḥ ⟨Column c⟩kr̥tvā śivāśraman tatra ⟨Column d⟩śaivaṁ liṅgam atiṣṭhipat· ||

⟨B13⟩ ⟨Column a⟩śivāśramābhidhānau tau ⟨Column b⟩śivasome mr̥te sati ⟨Column c⟩śivāśramo vāmaśiva⟨Column d⟩ś śivāśramam avāpa saḥ ||

⟨B14⟩ ⟨Column a⟩bhūbhujaś śrīyaśovarmmā- ⟨Column b⟩-bhikhyāṁ saṁvibhrataḥ kr̥tī ⟨Column c⟩śrīyaśovarddhanasyāsī⟨Column d⟩d gurur vvāmaśivaḥ punaḥ ||

⟨B15⟩ ⟨Column a⟩sa śrīyaśodharagirau ⟨Column b⟩girirāja Iva śriyā ⟨Column c⟩śaivaṁ saṁsthāpayām āsa ⟨Column d⟩liṅgaṁ bhūbhr̥nnimantritaḥ ||

⟨B16⟩ ⟨Column a⟩gurur bhadragirer bhūmi⟨Column b⟩m abhyarṇṇasthān tam īśvaram· ⟨Column c⟩dakṣiṇām ādade prītyā ⟨Column d⟩vidvān vai jayapaṭṭanīm· ||

⟨B17⟩ ⟨Column a⟩sa bhadrapaṭṭanābhikhye ⟨Column b⟩tatra bhūmyāṁ kr̥te pure ⟨Column c⟩kṣoṇīndras sthāpayām āsa ⟨Column d⟩gurvvarthaṁ liṅgam aiśvaram· ||

⟨B18⟩ ⟨Column a⟩sa bhogaṁ pradadau tasmai ⟨Column b⟩karaṅkakalaśādikam· ⟨Column c⟩gavādidraviṇaṁ bhūri ⟨Column d⟩dāsadāsiśatadvayam· ||

⟨B17⟩ ⟨Column a⟩deśe moghapure rājā ⟨Column b⟩vadanyo vadatāṁ varaḥ ⟨Column c⟩bhūmiṁ gaṇeśvarābhyikhyāṁ ⟨Column d⟩sasīmāṁ śambhave ⟨’⟩diśat· ||

⟨B20⟩ ⟨Column a⟩sa bhadrapaṭṭanakṣoṇyāṁ ⟨Column b⟩bhadrāvāsapure kr̥te ⟨Column c⟩nyadhān nimāṁ sarasvatyā⟨Column d⟩ś śivāśrama Udāradhīḥ ||

⟨B21⟩ ⟨Column a⟩śivāśramānujo vidvā⟨Column b⟩n hiraṇyarucir agryadhīḥ ⟨Column c⟩vaṅśahradākhyāṁ pr̥thivī⟨Column d⟩m ayācata tam īśvaram· ||

⟨B22⟩ ⟨Column a⟩pure tatra kr̥te liṅga⟨Column b⟩m aiśvaraṁ sa kr̥tīśvaraḥ ⟨Column c⟩sthāpayām āsa vidhinā ⟨Column d⟩dhanyadhīḥ kulabhūtaye ||

⟨B23⟩ ⟨Column a⟩svasrīyās tau kuṭīgrāmā⟨Column b⟩t sodaryyās tisra Āhr̥tāḥ ⟨Column c⟩vaṅśahrade nyadhātān dve ⟨Column d⟩tām ekāṁ bhadrapaṭṭane ||

⟨B24⟩ ⟨Column a⟩śivāśramasya svasrīyo ⟨Column b⟩rājñaś śrīharṣavarmmaṇaḥ ⟨Column c⟩kumārasvāmy abhūd dhotā ⟨Column d⟩bhūyaś śrīśānavarmmaṇaḥ ||

⟨B25⟩ ⟨Column a⟩sa kavīśvara Ācāryyaḥ ⟨Column b⟩parāśarasutāgryadhīḥ ⟨Column c⟩purīṁ parāśarābhikhyā⟨Column d⟩ñ cakre vaṅśahradāvanau ||

⟨B26⟩ ⟨Column a⟩śivāśramasya bhaginī- ⟨Column b⟩-sutāsūnur anūnadhīḥ ⟨Column c⟩Āsīd īśānamūrttyākhyo ⟨Column d⟩hotā śrījayavarmmaṇaḥ ||

⟨B27⟩ ⟨Column a⟩bhūmiṁ prasādato labdhvā ⟨Column b⟩tasya rājñas sa paṇ¡d!⟨ḍ⟩itaḥ ⟨Column c⟩khmvāñpuraṁ kr̥tavān mānyo ⟨Column d⟩bhaktyā tribhuvaneśvare ||

⟨B28⟩ ⟨Column a⟩Īśānamūrttibhaginī- ⟨Column b⟩-sūnur āṅgirasāgryadhīḥ ⟨Column c⟩vabhūvātmaśivo hotā ⟨Column d⟩rājñaś śrīharṣavarmmaṇaḥ ||

⟨B29⟩ ⟨Column a⟩rājendravarmmaṇo hotā ⟨Column b⟩so ⟨’⟩dhād vaṅśahradāvanau ⟨Column c⟩śāntyākhyaṁ kaṭukābhikhyaṁ ⟨Column d⟩puraṁ brahmapurāhvayam· ||

⟨B30⟩ ⟨Column a⟩harasya pratimāṁ viṣṇo⟨Column b⟩r nimāṁ sārasvatīṁ nimām· ⟨Column c⟩sa grāmatritaye tatra ⟨Column d⟩sthāpayām āsa bhūtaye ||

⟨B31⟩ ⟨Column a⟩Āsīd ātmaśivākhyasya ⟨Column b⟩bhāgineyīsuto ⟨’⟩gryadhīḥ ⟨Column c⟩śivāśayaś śivācāryyo ⟨Column d⟩hotā śrījayavarmmaṇaḥ ||

⟨B32⟩ ⟨Column a⟩śrīsūryyavarmmaṇo rājye ⟨Column b⟩so ⟨’⟩rccāṁ śaṅkaraśārṅgiṇoḥ ⟨Column c⟩sarasvatyāś ca vidhinā ⟨Column d⟩nidadhe bhadrapaṭṭane ||

⟨B33⟩ ⟨Column a⟩samadhikadhiṣaṇās te sūrivaryyās tadā tai⟨Column b⟩r dharaṇipatibhir abhyarṇṇārhaṇābhyarhaṇīyāḥ

⟨B34⟩ ⟨Column a⟩nagaranihitasaṁsthā devarājasya nānye ⟨Column b⟩sayamaniyamayatnāḥ pratyahañ cakrur arccām· ||

⟨B35⟩ ⟨Column a⟩Iti pravīṇodayamātr̥vaṅśo- ⟨Column b⟩-dbhavaś śivācāryyakabhāgineyaḥ

⟨B36⟩ ⟨Column a⟩sadāśivādhārasadāśayo yas ⟨Column b⟩sadāśivākhyāprathito vabhūva ||

⟨B37⟩ ⟨Column a⟩yo devarājārccanaśiṣṭaśīlo ⟨Column b⟩lalāmasantāna paraṁparāyāḥ

⟨B38⟩ ⟨Column a⟩śrīsūryyavarmmāvanibhr̥tpurodhāḥ ⟨Column b⟩purodhasāṁ mānyatamāśayo ⟨’⟩bhūt· ||

⟨B39⟩ ⟨Column a⟩nirantarasmr̥tyamr̥tena nityaṁ ⟨Column b⟩viśeṣasantoṣita Eva śarvvaḥ

⟨B40⟩ ⟨Column a⟩nīrandhram utsāryya tarāṅsi yasya ⟨Column b⟩svāntaṁ parīyāya nirantarāyam· ||

⟨B41⟩ ⟨Column a⟩kasmin na kopāditamāṅsi vāse ⟨Column b⟩vasanti yasmin satataṁ vaseyam·

⟨B42⟩ ⟨Column a⟩Itīva yatsvāntam atāmasāśo ⟨Column b⟩dharmmo dhyuvāsāḍhyanayaṁ parārddhyam· ||

⟨B43⟩ ⟨Column a⟩vabhūva yo dharmmadhanasya koṣṭha⟨Column b⟩ś cāritra ratnasya vidūradeśaḥ

⟨B44⟩ ⟨Column a⟩ācārasindhoḥ khalu sindhurāja⟨Column b⟩ś śautīryavījasya nivāpabhūmiḥ ||

⟨B45⟩ ⟨Column a⟩Atandritābhyastavicāryyaśāstra- ⟨Column b⟩-sāras samadhyāpitavāṅś ca kāle

⟨B46⟩ ⟨Column a⟩yo ⟨’⟩dāt svayaṁ pratyaham aṣṭapuṣpī⟨Column b⟩n tanūnapāto ⟨’⟩ṣṭatanoś ca tuṣṭyai ||

⟨B47⟩ ⟨Column a⟩hr̥damvuje yasya nitāntavodhe ⟨Column b⟩śavdārthaśāstrādisugandhite ⟨’⟩pi

⟨B48⟩ ⟨Column a⟩na lebhire su[s]th[it]ilābham anya- ⟨Column b⟩-praśnālayaḥ pāṭavavāyununnaḥ ||

⟨B49⟩ ⟨Column a⟩sadāśrayo yaḥ puruṣottamasya ⟨Column b⟩gambhīrabhāvādinidhānabhūtaḥ

⟨B50⟩ ⟨Column a⟩mahāhitas sadruciratnadīpro ⟨Column b⟩dadhre mahāmbhodhisamānabhāvam· ||

⟨B51⟩ ⟨Column a⟩dyumnāni ratnapramukhāny asaṅga⟨Column b⟩n dātā sadāpy arthiguṇidvijebhyaḥ

⟨B52⟩ ⟨Column a⟩teṣāṁ manoguptadhanaṁ paṭiṣṭho ⟨Column b⟩kr̥tātmasād yo ⟨’⟩nyadurāparāgaḥ ||

⟨B53⟩ ⟨Column a⟩saddarśśane netramatir naye ⟨’⟩bhū⟨Column b⟩n na māṅsakenanyajadhīviśuddheḥ

⟨B54⟩ ⟨Column a⟩grāhye ca dharmme viṣayānurāgo ⟨Column b⟩na yasya śavdapramukhendriyārthe ||

⟨B55⟩ ⟨Column a⟩śrīśaktikīrttiśrutiśīlakarmma- ⟨Column b⟩-dharmmair udāro ⟨’⟩pi gatasmayo yaḥ

⟨B56⟩ ⟨Column a⟩gandharvvavidyāvid adhītaśilpa- ⟨Column b⟩horācikitsādikalo vidhijñaḥ ||

⟨B57⟩ ⟨Column a⟩sabhāsadāṁ śikṣitaśiṣṭasārtha⟨Column b⟩s sarvvīyagāndharvvaguṇe garīyān·

⟨B58⟩ ⟨Column a⟩dākṣiṇyasaṁpāditapañcanaddhai⟨Column b⟩r yyo hārayām āsa manāṅsy ajasram· ||

⟨B59⟩ ⟨Column a⟩śrīvīralakṣmyā bhaginī mahiṣyā⟨Column b⟩ś śrīsūryyavarmmāvanipena yasmai

⟨B60⟩ ⟨Column a⟩gārhasthyadharmme vidhinā niyujya ⟨Column b⟩prādāyi vahnidvijasannidhāne ||

⟨B61⟩ ⟨Column a⟩jayī kavīnāṁ guṇināṁ guṇeśaḥ ⟨Column b⟩śrute paṭiṣṭho nṛpateḥ prasattyā

⟨B62⟩ ⟨Column a⟩satyārthavad devajayendranāma ⟨Column b⟩śriyādhikaṁ yo ⟨’⟩dhṛta paṇ¡d!⟨ḍ⟩itāntam· ||

⟨B63⟩ ⟨Column a⟩śrīsūryyavarmmeśvarasuprasattyā ⟨Column b⟩saṃvītabhāvo ⟨’⟩dbhutabhāgyabhūmiḥ

⟨B64⟩ ⟨Column a⟩karmāntarādhyakṣatayānvitaṁ yo ⟨Column b⟩hiraṇyadolādim avāpa bhogam· ||

⟨B65⟩ ⟨Column a⟩vasatir adhikadhāmnāṁ bhadrayogyādideśe ⟨Column b⟩nihitasurasaparyām indrapuryādisaṁsthe

⟨B66⟩ ⟨Column a⟩vyadhita bahuvidhardhi[][ṁ] yas taṭākādikarmā⟨Column b⟩ṇy adhita ca vidhihṛdyaṃ śarvaliṅgādidevān· ||

⟨B67⟩ ⟨Column a⟩yo bhadrapaṭṭane liṅgaṁ ⟨Column b⟩pratime dve vidhānataḥ ⟨Column c⟩saṃsthāpya śarkaramaya- ⟨Column d⟩-prākāraṁ valabhiṁ dadhe ||

⟨B68⟩ ⟨Column a⟩devatrayārhaṇaṁ sarvvaṁ ⟨Column b⟩dyumnaṃ dāsādisaṃyutam· ⟨Column c⟩dattvā cakre saridbhaṅgaṁ ⟨Column d⟩taṭākaṁ tatra bhūtaye ||

⟨B69⟩ ⟨Column a⟩bhadrāvāse sarasvatyai ⟨Column b⟩saṃskṛtyādād dhanaṁ bahu ⟨Column c⟩cakre taṭākaṁ sodyānaṁ ⟨Column d⟩saridbhaṅgaṁ ca yogyadhīḥ ||

⟨B70⟩ ⟨Column a⟩R̥ddhyā saṃvardhya bhadrādri- ⟨Column b⟩-deve yo ⟨’⟩dikṣad āśramam· ⟨Column c⟩kr̥tvā śālāṃ ca gopūrṇāṁ ⟨Column d⟩vyadhād bhaṅgaṁ saritsruteḥ ||

⟨B71⟩ ⟨Column a⟩vaṅśahrade yas saṃvarddhya ⟨Column b⟩deve sarvadhanaṁ dadau ⟨Column c⟩dīrghikāṁ sasaridbhaṅgāṁ ⟨Column d⟩taṭākaṁ bhūtaye ⟨’⟩karot· ||

⟨B72⟩ ⟨Column a⟩Amoghapuradeśe yaḥ ⟨Column b⟩kāṃcid bhūmiṁ caṁkāhvayām· ⟨Column c⟩śrīsūryavarmanr̥pate⟨Column d⟩r lebhe mātṛkularddhaye ||

⟨B73⟩ ⟨Column a⟩amoghapuradeśe yo ⟨Column b⟩mahārathataṭākataḥ ⟨Column c⟩vyakrīṇāt pūrvato bhūmiṁ ⟨Column d⟩kāñcin nadyāś ca pārataḥ ||

⟨B74⟩ ⟨Column a⟩tā Etā dharaṇīr labdhāḥ ⟨Column b⟩prasādād vikrayād api ⟨Column c⟩vaṃśahradasthadeveśa- ⟨Column d⟩kulayor vitatāra yaḥ ||

⟨B75⟩ ⟨Column a⟩Amoghapurasantāna- ⟨Column b⟩-nāgasundarabhūmiṣu ⟨Column c⟩prakr̥tyāḍhyam adād grāmaṁ ⟨Column d⟩śambhor yo bhadrapaṭṭane ||

⟨B76⟩ ⟨Column a⟩sarasvatyā nimāṁ brahma- ⟨Column b⟩pure saṃsthāpya dattavān· ⟨Column c⟩dāsādy akārṣīd yo bhaṅgaṁ ⟨Column d⟩taṭākaṁ ca saritsruteḥ ||

⟨B77⟩ ⟨Column a⟩pure saṁskr̥tya kuṭyākhye ⟨Column b⟩prāsāde yo nyadhāt kṛte ⟨Column c⟩liṅgam aiśam adikṣac ca ⟨Column d⟩dyumnaṁ dāsādy anekaśaḥ || ⟨Face C⟩

⟨C0⟩ 3

⟨C1⟩ ⟨Column a⟩vahuyuddhamahīn naṣṭāṁ ⟨Column b⟩pālitāṁ sūryyavarmmaṇaḥ ⟨Column c⟩jeṅdnappure yas samprārthya ⟨Column d⟩kuṭīśakulayor adāt· ||

⟨C2⟩ ⟨Column a⟩śāstreṣv adhītī bhagava⟨Column b⟩d- -vāgindrakavipādataḥ ⟨Column c⟩śabdaśāstrādiṣu kulaṁ ⟨Column d⟩yo ⟨’⟩bhavat pitr̥vaṃśataḥ ||

⟨C3⟩ ⟨Column a⟩tasyātma[⏓⏑––⏓] ⟨Column b⟩sthāpanādikaro dhanaiḥ ⟨Column c⟩pūrṇṇaṁ kṛtvāśramaṁ tatra ⟨Column d⟩gurvarthaṁ yaḥ śive ⟨’⟩diśat· ||

⟨C4⟩ ⟨Column a⟩dhāmnodayādityamahībhujo yo ⟨Column b⟩jyāyān gurutvena viśeṣajuṣṭaḥ

⟨C5⟩ ⟨Column a⟩dhūlyaṅghri[––⏑⏑]pūrvanāma ⟨Column b⟩varmāntam āpāgryam ananyalabdham· ||

⟨C6⟩ ⟨Column a⟩dhiyodayādityamahīdharaṁ taṁ ⟨Column b⟩yo ’dhyāpayā[ṁ] sūribhir āsa sevyaḥ

⟨C7⟩ ⟨Column a⟩śiṣṭārthaśāstrādisamastaśāstra- ⟨Column b⟩-devendracandrāv iva kaśyapātrī ||

⟨C8⟩ ⟨Column a⟩vijayādima[–⏑–]ttvavr̥tiṁ ⟨Column b⟩samadhītyāvanipeśvaraḥ sa hr̥ṣṭaḥ

⟨C9⟩ ⟨Column a⟩vidhinā khalu dīkṣito ⟨’⟩tidakṣo ⟨Column b⟩yam upāsyārhayad agradakṣiṇābhiḥ ||

⟨C10⟩ ⟨Column a⟩tadanantaram ātmamandire yaṁ ⟨Column b⟩dharaṇīndro ⟨’⟩rhaṇayā yathāniyogam·

⟨C11⟩ ⟨Column a⟩muditaḥ paritoṣayāṁ babhūvā- ⟨Column b⟩-dbhutabhojyādyatihṛdyayā sayatnaḥ ||

⟨C12⟩ ⟨Column a⟩parikalpitaśailarūparamyaṁ ⟨Column b⟩paramaṁ modakam āttaśilpamālam·

⟨C13⟩ ⟨Column a⟩lalanābhir alaṅkr̥taṁ yad āsī⟨Column b⟩t katham īheta vivakṣur anyaśobhām· ||

⟨C14⟩ ⟨Column a⟩makuṭaveṇikā hr̥dyā ⟨Column b⟩lalitaṃ kuṇ¡d!⟨ḍ⟩aladvayam ⟨Column c⟩keyūrakaṭisūtrādi- ⟨Column d⟩bhūṣaṇaṃ sormmikāśatam· ||

⟨C15⟩ ⟨Column a⟩cāmīkarakaraṅkāni ⟨Column b⟩cāmaran tārapīthakam· ⟨Column c⟩triśirohimayī svarṇṇā ⟨Column d⟩dolā śubhrātapatrakam· ||

⟨C16⟩ ⟨Column a⟩projjvalatpadmarāgādi- ⟨Column b⟩-ratnarāśis sahasraśaḥ ⟨Column c⟩suvarṇṇakalaśāmatra- ⟨Column d⟩-puṭikākaraśodhanam· ||

⟨C17⟩ ⟨Column a⟩karaṅkakarakāmatra- ⟨Column b⟩-puṭikākaraśodhanam· ⟨Column c⟩sapratigrahabhr̥ṅgāraṁ ⟨Column d⟩tāni tārāṇy anekaśaḥ ||

⟨C18⟩ ⟨Column a⟩tāmrābhājana-bhr̥ṅgārā⟨Column b⟩s sakadāhapratigrahāḥ ⟨Column c⟩pratyekapravibhaktāni ⟨Column d⟩tāni tāni sahasraśaḥ ||

⟨C19⟩ ⟨Column a⟩sahasran trāpuṣāmatrā- ⟨Column b⟩-ṇy ayanī[⏓⏑–⏑⏓] ⟨Column c⟩rājārhāmvaravastrāṇi ⟨Column d⟩śataṁ vr̥hatikāśatam· ||

⟨C20⟩ ⟨Column a⟩catussahasra[ṁ] vastrāṇā⟨Column b⟩m amvarāṇāṃ catuśśatam· ⟨Column c⟩karppūrakaṭṭikās tisra ⟨Column d⟩Ekā kastūrakaṭṭikā ||

⟨C21⟩ ⟨Column a⟩khārikā pañcadhā jāti- ⟨Column b⟩-phalānān daśa khārikāḥ ⟨Column c⟩karkkolānāṁ marīcānāṁ ⟨Column d⟩khārikāḥ khalu viṅśatiḥ

⟨C22⟩ ⟨Column a⟩Ekā tulaiva hiṅgūnā⟨Column b⟩m ajājikhārikaikadhā ⟨Column c⟩vr̥cīvalānāṁ śonthīnāṁ ⟨Column d⟩viṅśatiḥ pañca khārikāḥ ||

⟨C23⟩ ⟨Column a⟩khārike dīpyamānāṁ dve ⟨Column b⟩parivelavakhārikā ⟨Column c⟩koṣṭhānāṁ pippalīnāñ ca ⟨Column d⟩khāryy ekaikaikaśaḥ kila ||

⟨C24⟩ ⟨Column a⟩sārāś candanajā bhāraḥ ⟨Column b⟩kr̥ṣṇāgurubhavā Api ⟨Column c⟩taruṣkasiṅhamūtrāṇā⟨Column d⟩m ekaikaṁ pañca kaṭṭikāḥ ||

⟨C25⟩ ⟨Column a⟩nakhānān dvitayo droṇa ⟨Column b⟩Elānāṁ pañca khārikāḥ ⟨Column c⟩lavaṅgabhaṅgapiṇ¡d!⟨ḍ⟩ānāṁ ⟨Column d⟩sahasraṁ [.]u[.]ja[–⏑⏓] ||

⟨C26⟩ ⟨Column a⟩kaṭakaṅkaṭaghaṇṭābhi⟨Column b⟩r yuktāḥ karikareṇavaḥ ⟨Column c⟩sāṅkuśādhoraṇārūḍhāḥ ⟨Column d⟩dviśataṁ samadadvipāḥ ||

⟨C27⟩ ⟨Column a⟩dhyāmakarṇṇahayaprāyā⟨Column b⟩s saptayas sādisaṁyutāḥ ⟨Column c⟩sakhalīnā rathodvāhāḥ ⟨Column d⟩kaṅkanīraṇitāś śatam· ||

⟨C28⟩ ⟨Column a⟩savatsānāṁ gavāṁ pañca ⟨Column b⟩śatāni ca kakudmatām· ⟨Column c⟩mahiṣārddhaśataṁ meṣa- ⟨Column d⟩-varāhāṇāṁ śataṁ śatam· ||

⟨C29⟩ ⟨Column a⟩sabhūṣottamanārīṇāṁ ⟨Column b⟩tantrīdāsīyujāṁ śatam· ⟨Column c⟩vīṇādīnāṁ savenūnāṁ ⟨Column d⟩śataṁ svaramanoharam· ||

⟨C30⟩ ⟨Column a⟩kaṅsatālamr̥daṅgādi- ⟨Column b⟩tūryyāṅgānāṁ śatārddhakam· ⟨Column c⟩dāsadāsīsahasreṇa ⟨Column d⟩trayo grāmāḥ prapūritāḥ ||

⟨C31⟩ ⟨Column a⟩valavaddhuryyayuktānāṁ ⟨Column b⟩śakaṭānāñ catuśśatam· ⟨Column c⟩tilamudgābhipūrṇṇānāṁ ⟨Column d⟩dhārisārathibhir yujām· ||

⟨C32⟩ ⟨Column a⟩satparaśvathakhurddāla- ⟨Column b⟩paraśūnāṁ sudaṇ¡d!⟨ḍ⟩inām· ⟨Column c⟩Ekaikaśas sahasrāṇi ⟨Column d⟩śaktyādyastrāṇy anekaśaḥ ||

⟨C33⟩ ⟨Column a⟩tandulānāṁ sahasrāṇi ⟨Column b⟩dhānyānām ayutaṁ kila ⟨Column c⟩sarvvāṇi tāny adīyanta ⟨Column d⟩dakṣiṇā yasya bhūbhr̥tā ||

⟨C34⟩ ⟨Column a⟩yatraikadāpi dāneṣu ⟨Column b⟩bhūbhujo gaṇanedr̥śī ⟨Column c⟩nityaṁ viśrāṇane saṁkhyā ⟨Column d⟩kathaṁ śakyeta veditum· ||

⟨C35⟩ ⟨Column a⟩kr̥tanityābhivādo yo ⟨Column b⟩yatnabhājā mahībhujā ⟨Column c⟩vastrānnapānagandhādi- ⟨Column d⟩-satkriyābhyarhitonvaham· ||

⟨C36⟩ ⟨Column a⟩maṇikanakamayādidyumnajātaṁ vadanya⟨Column b⟩s satatam adita deve bhūri bhadreśvarādau

⟨C37⟩ ⟨Column a⟩kr̥tavasatitaṭākādiḥ parārthaikavr̥ttiḥ ⟨Column b⟩pathiṣu pathikasārthān prīṇayāṁ yo babhūva ||

⟨C38⟩ ⟨Column a⟩dharaṇībhr̥d udāradhīs sa tasya ⟨Column b⟩pratitiṣṭhāpayiṣor iha svabhūmyām·

⟨C39⟩ ⟨Column a⟩kr̥tabhadraniketanākhyadeśe ⟨Column b⟩nidadhe liṅgam idaṁ mahopahāram· ||

⟨C40⟩ ⟨Column a⟩Āstām iyaṃ bhadraniketanākhyā ⟨Column b⟩prāg bhadrayogyādipurābhidhāṅkā

⟨C41⟩ ⟨Column a⟩suvarṇṇaratnadviradendravāji- ⟨Column b⟩vr̥ṇ¡d!⟨ḍ⟩ādidānena tadartham aiṣīt ||

⟨C41⟩ ⟨Column a⟩jayendravarmmeśvara Eṣa śarvvo ⟨Column b⟩jyāyo nijajyotir ajasradīpram·

⟨C43⟩ ⟨Column a⟩Ā bhūtahāner iha sārhaṇarddhi ⟨Column b⟩dhvāntaṁ nihantuṁ paritas tanotu ||

⟨C44⟩ ⟨Column a⟩bhr̥ṅgārakanyārddhadharāmvudhāri- ⟨Column b⟩-kucāmvucāryyamvudharastanāvjān·

⟨C45⟩ ⟨Column a⟩yāteṣu sūryyādiṣu cāpalagne ⟨Column b⟩bhavotra vedādrivilair atiṣṭhat· ||

⟨C46⟩ ⟨Column a⟩vahis svabhumeḥ paritas sasīmā⟨Column b⟩m indrādidikṣu kṣitim āttamānām·

⟨C47⟩ ⟨Column a⟩bhaktyodayādityamahīdharaś śrī- ⟨Column b⟩jayendravarmmeśvaraśambhave ⟨’⟩dāt· ||

⟨C48⟩ ⟨Column a⟩rājānam āhlādiruciprakarṣai⟨Column b⟩r bhrājiṣṇum udvīkṣya jayendravarmmā

⟨C49⟩ ⟨Column a⟩manaḥprasattiṁ prathayāṁ vabhūva ⟨Column b⟩vītāntarāyarddhikarīṁ yathātriḥ ||

⟨C50⟩ ⟨Column a⟩gāmbhīryyavān vārijahaṅsasaṅga- ⟨Column b⟩-hāryyacchavāris sa vr̥hattaṭākaḥ

⟨C51⟩ ⟨Column a⟩tena dvijādyarthanadānaramya⟨Column b⟩ś cakre saridbhaṅga Ivātmabhāvaḥ ||

⟨C52⟩ ⟨Column a⟩hitadhīs sahiraṇyadāmavimvaṁ ⟨Column b⟩śivakaivalyaśivāśramākhyarūpam·

⟨C53⟩ ⟨Column a⟩nidadhe vidhinā sa dhātr̥śauri- ⟨Column b⟩-tridr̥śān dhāmabhir āttatulyabhāvam· ||

⟨C54⟩ ⟨Column a⟩Idam iha vasudhādyaṁ vīkṣya samṁśrutya vāstā- ⟨Column b⟩dyam abhayakr̥tacetāḥ puṇyacintaś ca kaścit·

⟨C55⟩ ⟨Column a⟩śivadhanam aśivāyāhartukāme kṣaṇe ⟨’⟩pi ⟨Column b⟩prabhavati vahudharddhyā dhātukāme śivāya <complexfinial>

⟨C56⟩ || man· vraḥ pāda parameśvara pratiṣṭhā kamrateṅ· jagat ta rāja qnau nagara śrī māhendraparvvata ◯ vraḥ pāda

⟨C57⟩ parameśvara kalpanā santāna qnak· stuk· ransi ◯ bhadrapattana gi ta jā smiṅ· nā kamrateṅ· jagat ta rāja pra-

⟨C58⟩ dvanna dau ◯ vraḥ varaśāpa vvaṁ Āc ti mān· qnakka ta dai ti ta siṅ· nā kamrateṅ· jagat ta rāja ◯ leṅ· santāna qnak· noḥ

⟨C59⟩ gussa ◯ neḥ gi roḥha śākha santāna noḥ ◯ santāna Aninditapura teṁ sruk· śatagrāma ◯ kuruṅ· bhavapura Oy·

⟨C60⟩ prasāda bhūmi Āy· viṣaya Indrapura ◯ santāna cat· sruk· jmaḥ bhadrayogi ◯ Aṅgvay ta gi sthāpanā vraḥ śivali-

⟨C61⟩ ṅga ta gi ◯ man· vraḥ pāda parameśvara mok· Aṁvi javā pi kuruṅ ni qnau nagara Indrapura ◯ steṅ· Añ· śivakaivalya

⟨C62⟩ ta qji prājñā jā guru jā rājapurohita ta vraḥ pāda parameśvara ◯ man vraḥ pāda parameśvara thleṅ· mok· Aṁvi Indra-

⟨C63⟩ pura ◯ steṅ· Añ· śivakaivalya mok· nu vraḥ kandvāra homa nā vraḥ rājakāryya ◯ vraḥ pre nāṁ kule ta strīpuruṣa mo-

⟨C64⟩ k· Ukka ◯ lvaḥh· Āy· viṣaya pūrvvadiśa vraḥ pre Oy· prasāda bhūmi cat sruk jmaḥ kuti duk· kule noḥ Aṅgvay ta gi [◯]

⟨C65⟩ man· vraḥ pāda parameśvara kuruṅ ni Āy· nagara hariharālaya ◯ steṅ⟨·⟩ Añ· śivakaivalya Aṅgvay· qnau nagara

⟨C66⟩ noḥ qukka ◯ gi santāna ti vraḥ pre trā dau nā kanmyaṅ· paṁre ◯ man· vraḥ pāda parameśvara dau cat(·) nagara Amare-

⟨C67⟩ ndrapura steṅ· Añ· śivakaivalya dau Aṅgvay· qnau ta nagara noḥ qukka ◯ paṁre ta vraḥ pāda parameśvara ◯ svaṁ bhūmi ta vraḥ

⟨C68⟩ pāda parameśvara thāppa nu Amarendrapura cat sruk jmaḥ bhavālaya ◯ yok kule khlah ra mok· Aṁvi sruk kuti paṅgvay ta gi

⟨C69⟩ Oy· kule ta vrāhmaṇa jmaḥ gaṅgādhara ◯ sthāpanā vraḥ śivaliṅga duk· khñuṁ ta gi ◯ man· vraḥ pāda parameśvara dau kuruṅ ni

⟨C70⟩ Āy· mahendraparvvata ◯ steṅ· Añ⟨·⟩ śivakaivalya dau Aṅgvay ta nagara noḥ Ukka paṁre ta vraḥ pāda parameśvara

⟨C71⟩ rūva noḥha qnau ◯ man· vrāhmaṇa jmaḥ hiraṇyadāma prājñā siddhividyā mok· Aṁvi janapada ◯ pi vraḥ pāda para-

⟨C72⟩ meśvara Añjeñ⟨·⟩ thve vidhi leha leṅ· kaṁ pi kamvujadeśa neḥ Āyatta ta javā ley· ◯ leṅ· Āc ti kamrate-

⟨C73⟩ ṅ· phdai karoṁ mvāya guḥ ta jā cakravartti ◯ vrāhmaṇa noḥ thve vidhi toy· vraḥ vināśikha ◯ pratiṣṭhā kamrateṅ· ja-

⟨C74⟩ [ga]t· ta rāja vrāhmaṇa noḥ paryyan· vraḥ vināśikha ◯ nayottara ◯ saṁmoha ◯ śiraścheda syaṅ· man⟨·⟩ svat ta mukha cuṅ·

⟨C75⟩ pi sar·sir· pi paryyān· steṅ· Añ⟨·⟩ śivakaivalya nu gi ◯ pre steṅ· Añ· śivakaivalya gi ta thve vidhi nā kamrate-

⟨C76⟩ ṅ· jagat ta rāja ◯ vraḥ pāda parameśvara nu vrāhmaṇa hiraṇyadāma Oy· varaśāpa pre santāna steṅ· Añ⟨·⟩ śivakai-

⟨C77⟩ valya gi ta siṅ· nā kamrateṅ· jagat ta rāja vvaṁ Āc ti mān· qnak ta dai ti ta siṅ· ta noḥha ◯ steṅ· Añ· śivakaivalya pu-

⟨C78⟩ rohita duk kule phoṅ· siṅ· ◯ man· vraḥ pāda parameśvara stac· viṅ· mok· kuruṅ ni Āy· nagara hariharālaya vraḥ

⟨C79⟩ kamrateṅ· Añ· ta rāja ti nāṁ mok· Ukka ◯ steṅ· Añ⟨·⟩ śivakaivalya nu kule phoṅ· siṅ· ru ta tāp ra qnau ◯ ste-

⟨C80⟩ ṅ· Añ· śivakaivalya slāp ta gi rājya noḥ ◯ vraḥ pāda parameśvara svargga ta qnau nagara hariharālaya ◯ nā kamrate-

⟨C81⟩ ṅ· jagat ta rāja daiya nau ruva nagara nā kamrateṅ· phdai karoṁ stac· ti nāṁ dau ta gi Ukka ◯ gi ta cāṁ rājya kamrateṅ· phdai

⟨C82⟩ karoṁ pradvanna mok· ◯ ta gi rājya vraḥ pāda viṣṇuloka kamrateṅ· jagat ta rāja qnau hariharālaya ◯ kanmvay·

⟨C83⟩ steṅ· Añ· śivakaivalya mvāya jmaḥ steṅ· Añ· sūkṣmavindu ◯ jā purohita nā kamrateṅ· jagat ta rāja ◯ ku-

⟨C84⟩ le phoṅ· siṅ· nā kamrateṅ· jagat ta rāja Ukka yok· kule Āy· bhavālaya duk· viṅ· mvāy· Anle Ā- ⟨Face D⟩

⟨D0⟩ 4

⟨D1⟩ ⟨Column a⟩rājahotā yatīndro vā- ⟨Column b⟩devasaṃrakṣaṇe ⟨’⟩rhati ⟨Column c⟩śīlaśrutiguṇair yuktaḥ ⟨Column d⟩kulī vā dharmatatpa[raḥ]

⟨D2⟩ ⟨Column a⟩bhūrairajatadāsādī⟨Column b⟩n- nāśayantaś śivasya ye ⟨Column c⟩vāgvuddhikarmmabhir yānti ⟨Column d⟩te lokadvayayātanām·

⟨D3⟩ (y·) sruk· kuti ◯ steṅ· Añ· rudrācāryya ta phqvan(·) steṅ· Añ· śivakaivalya dau pvās· Āy(·) viṣaya jeṅ· vnaṁ ta vnaṁ ta jmaḥ thko ◯ [steṅ·]

⟨D4⟩ Añ· rudrācāryya svaṁ vnaṁ noḥ nu bhūmi noḥh(·) ta vraḥ pāda viṣṇuloka ◯ cat sruk sthāpanā ta gi ◯ duk· jmaḥ vnaṁ noḥ jmaḥ bhadragiri ◯ ta gi rājya

⟨D5⟩ vraḥ pāda Īśvaraloka kamrateṅ· jagat ta rāja qnau hariharālaya kule phoṅ· [si]ṅ· qnau nā kamrateṅ· jagat ta rāja ru tatapra [◯] ste-

⟨D6⟩ ṅ· Añ· vāmaśiva cau steṅ· Añ· śivakaivalya jā Upādhyāya vraḥ pāda Īśvaraloka ◯ vraḥ pāda Īśvaraloka Oy· vraḥ pāda paramaśiva-

⟨D7⟩ loka [kā]la kanmyaṅ· ley(·) pre paryyān· ◯ steṅ· Añ· vāmaśiva jā śiṣya steṅ· Añ⟨·⟩ śivasoma ta jā guru vraḥ pāda Īśvaraloka ⟨◯⟩ ste-

⟨D8⟩ ṅ· Añ· śivasoma nu steṅ· Añ· vāmaśiva syaṅ ta cat· śivāśrama sthāpanā vraḥ noḥ ◯ steṅ· Añ· śivasoma ti qnak· hau kamrateṅ· śivāśrama cāssa ◯

⟨D9⟩ steṅ· Añ· vāmaśiva ti qnak· hau kamrateṅ· śivāśrama kanmyaṅ· ◯ man· steṅ· ⟨Añ·⟩ śivasoma slāp(·) ◯ steṅ· Añ· vāmaśiva gi nākka mān· śivāśrama ◯ qnak· hau kamrateṅ· śi-

⟨D10⟩ vāśrama roḥh(·) noḥh(·) qnau ◯ man· vraḥ pāda paramaśiva[loka pre vraḥ] kamrateṅ· vāmaśiva ta jmaḥ kamrateṅ· śivāśrama jā vraḥ guru paripālana Upāya phoṅ· nu vraḥ

⟨D11⟩ ta ti santāna sthāpanā Aṁvi Indrapura nu sruk bhavālaya ñyaṅ(·) [Amare]ndrapura sruk kuti pūrvvadiśa ◯ sruk bhadragiri jeṅ· vnaṁ ◯ gi kule phoṅ· siṅ· nā kamrateṅ· jagat ta rāja ru ta-

⟨D12⟩ tāpra qnau ◯ man· vraḥ pāda paramaśivaloka cat· nagara śrīyaśodharapura nāṁ kamrateṅ· jagat ta rāja Aṁvi hariharālaya yok· duk ta nagara noḥ ⟨◯⟩ man· vraḥ pāda paramaśi-

⟨D13⟩ valoka sthāpanā vnaṁ kantāl· ◯ kamrateṅ· śivāśrama sthāpanā vraḥ liṅga Āy· kantāl· ◯ srac· sthāpanā nā vraḥ rājakāryya ◯ kamrateṅ· śivāśrama nivedana man· khmi sthāpanā Ukka

⟨D14⟩ svaṁ bhūmi nā nu sthāpanā ◯ man· steṅ· Añ· rudrācāryya ta qji mok (sā) kamrateṅ(·) śivāśrama pi kathā man mān· bhūmi nai varṇā vijaya[pattana] śūnyamūla samī-

⟨D15⟩ pa nu bhadragiri ta nai steṅ· Añ· rudrācāryya phoṅ⟨·⟩ pre svam· noḥ kamrateṅ· śivāśrama svaṁ bhūmi noḥ ta vraḥ pāda paramaśivaloka cat sruk jmaḥ bhadrapa-

⟨D16⟩ ttana nu bhadrāvāsa ◯ vraḥ pāda paramaśivaloka Oy· vraḥ liṅga dvihasta saṁnal ti sthāpanā Āy⟨·⟩ vnaṁ kantāl· gi pi sthāpanā Āy· bhadrapattana ◯ vraḥ pratimā

⟨D17⟩ bhagavatī I ti sthāpanā ta sruk bhadrāvāsa ta nai bhūmi bhadrapattana vraḥ Oy· bhoga phoṅ· daṁnep ra gi vat· khlās· krayā Arccana dravya tadai ti phoṅ· qval ta jā

⟨D18⟩ dakṣiṇā khñuṁ śata II Oy· sre parimāna vroh· śata II Āy⟨·⟩ gaṇeśvara pramān· Amoghapura sre noḥ ti rleka Oy⟨·⟩ Āy⟨·⟩ stuk· ransi Ikka ◯ vrāḥ pāda

⟨D19⟩ ⟨parama⟩śivaloka pre vraḥ paṁnvās(·) mvāy(·) jmaḥ steṅ· Añ(·) śikhā ◯ śiṣya kamrateṅ· śivāśrama jā qnak· vraḥ rājakāryya ◯ vraḥ pre steṅ· noḥ dau thve sruk bhadrapa-

⟨D20⟩ ttana sthāpanā vraḥ pre bhūtāśa II Āy⟨·⟩ jeṅ· vnaṁ gi ta cat sruk thve kāryya nā vraḥ noḥha daṁnep ra coṅ· prāsāda kaṁveṅ· valabhi steṅ· Añ(·) śikhā gi ta

⟨D21⟩ pre qnak· thve kāryya lvaḥha srac Oy ta kamrateṅ· śivāśrama ◯ kamrateṅ· śivāśrama nivedana Oy· sruk· bhavālaya ta nai santāna nu sruk· rhā nu sruk·

⟨D22⟩ ryyeṅ⟨·⟩ nu nāgasundara ◯ jā nai bhadrapattana ◯ ti duk ta praśasta ◯ steṅ· Añ· hiraṇyaruci jmaḥ steṅ· Añ· vnaṁ kansā phqvan· kamrateṅ· śivāśrama

⟨D23⟩ jā Ācāryyapradhāna nā vrāḥ pāda paramaśivaloka Ukka ◯ svaṁ bhūmi stuk⟨·⟩ ransi Āy ta viṣaya Amoghapura ta vraḥ paramaśiva-

⟨D24⟩ loka Ukka [ca]t sruk· stuk· ransi thve nā nu sthāpanā qvyaḥ jā ◯ kamrateṅ· śivāśrama nu steṅ· Añ⟨·⟩ vnaṁ kansā yok· kanmvāy· III strīja-

⟨D25⟩ na syaṅ ta sahodara Aṁvi sruk· kuti viṣaya pūrvvadiśa ◯ nāṁ dau duk· vyara Āy· stuk· ransi mvāy(·) Āy⟨·⟩ bhadrapattana ◯ kule ta dai ti

⟨D26⟩ ta vvaṁ ti yok· mok· Aṅgvay· qnau sruk· kuti ◯ qnak ta roḥha neḥha paṅket santāna Āy· sruk· kuti ◯ Āy· bhadrapattana Āy· stuk(·) ransi

⟨D27⟩ kule neḥ phoṅ· vvaṁ tel⟨·⟩ cek· mūla syaṅ ta jā smiṅ· nā kamrateṅ· jagat ta rāja ◯ mān ta jā Ācāryyapradhāna ◯ jā Ācāryya homa siṅ· nā

⟨D28⟩ vraḥ kralā homa Ukka ◯ nau ru ta jā qnak⟨·⟩ vraḥ rājakāryya gi nā Āyatta kulopāya ◯ santāna qnak· noḥ syaṅ ta jā Ācāryya sappa patala vraḥ

⟨D29⟩ rājya mok· ◯ ta gi rājya vraḥ pāda rudraloka nu vraḥ pāda paramarudraloka kule phoṅ· siṅ· nā kamrateṅ⟨·⟩ jagat ta rāja ru tatāpra qnau ◯ steṅ·

⟨D30⟩ Añ· kumārasvāmi ta kanmvāy· kamrateṅ· śivāśrama ◯ jā Ācāryyapradhāna gi ta pradhāna ta k[u]le cat sruk· parāśara ta bhūmi nai stuk· ransi cāṁ caṁnāṁ

⟨D31⟩ ta dhūli vraḥ pāda Āyatta ta kule ◯ ta gi rājya vraḥ pāda paramaśivapada man· vraḥ dau Aṁvi nagara śrīyaśodharapura pi dau kuruṅ ni Āy· cho-

⟨D32⟩ k· gar·gyar· nāṁ kamrateṅ· jagat ta rāja dau Ukka ◯ gi kule phoṅ· siṅ· nā kamrateṅ· jagat ta rāja ru tatāp ra qnau ◯ steṅ· Añ· Īśānamūrtti ta cau ka-

⟨D33⟩ mrateṅ· śivāśrama jā Ācāryyapradhāna gi ta pradhāna ta kule Aṅgvay· qnau chok· gar·gyar· ◯ svaṁ bhūmi qnau chok· gar·gyar· cat sruk⟨·⟩ jmaḥ khmvāñ⟨·⟩ duk·

⟨D34⟩ khñuṁ ta gi ◯ Oy· caṁnāṁ ta vraḥ Āy· chok· gar·gyar· Āyatta ta kule steṅ· Añ· Īśānamūrtti gi ta sthāpanā vraḥ liṅga noḥ Āy· stuk· ransi ◯ ta gi rā-

⟨D35⟩ jya vraḥ pāda vrahmaloka kule phoṅ· siṅ⟨·⟩ nā kamrateṅ· jagat ta rāja ru tatāpra qnau ◯ steṅ· Añ⟨·⟩ Ātmaśiva ta kanmvāy· steṅ· Añ⟨·⟩ Īśānamūrtti ta purohi-

⟨D36⟩ ta nā kamrateṅ· jagat ta rāja jā Ācāryya homa gi ta pradhāna ta kule ◯ man· vraḥ pāda śivaloka viṅ· mok⟨·⟩ kuruṅ ni Āy· nagara śrīyaśodharapura nāṁ kamra-

⟨D37⟩ teṅ· jagat ta rāja viṅ· mok· Ukka ◯ kule phoṅ· siṅ· nā kamrateṅ· jagat ta rāja ru tatāpra qnau ◯ steṅ· Añ(·) Ātmaśiva noḥ purohita nā kamrateṅ· jagat ta rā-

⟨D38⟩ ja jā Ācāryya homa pradhāna ta kule coṅ· prāsāda valabhi Āy· stuk· ransi cat sruk· vrahmapura caṁnat· katuka caṁnat· śānti qnau ta bhūmi stuk· ransi sthāpanā

⟨D39⟩ ta gi ◯ steṅ[⟨·⟩ Añ· Ātmaśiva slāp· kāla vraḥ pāda paramavīraloka ◯ ta gi rājya vraḥ pāda paramavīraloka kule phoṅ· siṅ· nā kamrateṅ· jagat ta rāja ru tatāpra

⟨D40⟩ qnau ◯ steṅ· Añ· śivācāryya cau steṅ· Añ· Ātmaśiva jā purohita nā kamrateṅ· jagat ta rāja gi ta pradhāna ta kule ◯ man· vraḥ pāda nirvvāṇapada kridā vala pi

⟨D41⟩ qnak(·) tok· vraḥ Āy⟨·⟩ bhadrapattana nu stuk· ransi ◯ man· vraḥ svey(·) rāja chnāṁ II guḥ steṅ· Añ· śivācāryya sthāpanā vraḥ noḥ ta nai santāna viṅ· ◯ sthāpanā vraḥ śaṅkara-

⟨D42⟩ nārāyana I vraḥ bhagavatī I qnau ta sruk(·) bhadrapattana dai ti leṅ· nai santāna Oy· khñuṁ ta gi ◯ vvaṁ dāna thve sruk(·) nu caṁnat· phoṅ ta śūnya viṅ· guḥ slāp(·) steṅ· Añ⟨·⟩ śivā-

⟨D43⟩ cāryya ◯ ta gi rājya vraḥ pāda nirvvāṇapada kule phoṅ· siṅ· nā kamrateṅ· jagat ta rāja ru tatāpra qnau ◯ steṅ· Añ· sadāśiva ta kanmvāy· steṅ· Añ⟨·⟩ śivācāryya

⟨D44⟩ jā purohita nā kamrateṅ· jagat ta rāja gi ta pradhāna ta kule ◯ ti vraḥ pāda nirvvānapada pre phsik· pi Oy· phqvan· kamrateṅ· Añ· śrīvīralakṣmī ta jā Ā-

⟨D45⟩ gradevī ◯ Oy· jmaḥ kaṁsteṅ(·) śrījayendrapandita jā rājapurohita khloñ· kārmmāntara Eka ◯ man sruk· bhadrapattana nu sruk· stuk· ransi nu caṁnat· noḥ phoṅ· sya-

⟨D46⟩ ṅ ta śūnya kāla vraḥ pāda nirvvānapada krīdā vala ◯ vraḥ kamrateṅ· śrī jayendrapandita thve sruk· noḥ phoṅ· viṅ· Unmīlita vraḥ noḥ mān ti sthāpanā viṅ· ◯ ta sruk· bhadra-

⟨D47⟩ pattana sthāpanā vraḥ liṅga I pratimā II dai ti leṅ· nai santāna Oy sarvvadravya ta vraḥ noḥ phoṅ· Oy· khñuṁ ◯ coṅ· valabhi coṅ· kaṁveṅ· qleṅ(·) thve kṣetrārāma jyak travāṅ(·)

⟨D48⟩ thve daṁnap· ◯ ta sruk· bhadrāvāsa Unmīlita vraḥ noḥ Oy sarvvadravya ◯ thve kṣetrārāma jyak travāṅ· thve daṁnap ◯ ta sruk· bhadragiri ◯ Unmīlita vraḥ noḥ cat sru-

⟨49⟩ k· viṅ· thve daṁnap· thve valaya thve gośāla Oy· vraḥ go qval ta vraḥ noḥ ◯ ta sruk· stuk· ransi ◯ Unmīlita vraḥ noḥ Oy sarvvadravya ◯ jyak· Añcan· thve Ārā-

⟨D50⟩ ma jyak travāṅ· ◯ thve daṁnap· ◯ svaṁ prasāda bhūmi ta vraḥ pāda nirvvānapada Anle I Āy· Amoghapura jmaḥ caṁkā parimāna vroḥ śata mvāy⟨·⟩ ◯ duñ· bhūmi Anle I sot· ti

⟨D51⟩ pūrvva vraḥ travāṅ· mahāratha Āy· Amoghapura nu vudi I padigaḥ I nu thnap· canlyak· parimāna vroḥ 20 10 ◯ duñ· bhūmi Anle I sot· Āy· Aṅve chdiṅ· Amoghapura jmaḥ

⟨D52⟩ pralāk· kvan· ṅe nu vudi II padigaḥ II thnap· canlyak· parimāna vroḥ 60 ◯ bhūmi ta roḥh(·) neḥh(·) phoṅ· syaṅ· man· Oy ta vraḥ Āy· stuk⟨·⟩ ransi nu kule ◯ cat· caṁna-

⟨D53⟩ t· Āy· Amoghapura ta bhūmi ta jmaḥ nāgasundara nai santāna duk· khñuṁ duk· srū ta gi oy ta vraḥ Āy· bhadrapattana ◯ ri sre gaṇeśvara ti vraḥ pāda nirvvānapada pre

⟨D54⟩ tvar· pi Oy· dau ta vraḥ vnvak· ◯ vraḥ pre Oy· sre vrac· gi ta jā snoṅ(·) viṅ· ◯ ti saṅ gol· cek· sre noḥ Āy· bhadrapattana ◯ nu vraḥ Āy· stuk· ransi ◯ ta sruk·

⟨D55⟩ vrahmapura sthāpanā vraḥ bhagavatī I Oy· khñuṁ thve Ārāma jyak travāṅ· thve daṁnap· ◯ Āy· viṣaya pūrvvadiśa ta sruk teṁ Āy· kuti cat sruk· noḥ viṅ ta śūnya thve valaya

⟨D56⟩ qval· viṅ ta gi ◯ sthāpanā vraḥ liṅga Ekahasta coṅ prāsāda Oy· khñuṁ Oy sarvvadravya ◯ ri bhūmi vāhuyuddha ta śūnyamūla Āy ta sruk· jeṅ(·) dnāp· ti svaṁ prasāda ta vraḥ

⟨D57⟩ pāda paramanirvvānapada saṅ gol· sīmāvadhī ta gi ◯ Oy ta vraḥ Āy· kuti nu kule phoṅ(·) ◯ sruk· bhavālaya ti kamrateṅ· śivakaivalya ⟨Oy·⟩ ta santāna gi ta ca-

⟨D58⟩ ta qnau Aṅve Amarendrapura mān· ta praśasta qnau bhadrapattana noḥ ti qnak· pidā śūnya gi sruk(·) nu vraḥ liṅga jā vraiya gi devasthāna noḥ dau vraḥ kamrateṅ·

⟨D59⟩ Añ· śrījayendrapandita nivedana ta vraḥ pāda kamrateṅ· Añ⟨·⟩ śrī Udayādityavarmmadeva man· noḥ nai santāna vraḥ pāda kamrateṅ· Añ(·) Oy(·) noḥ

⟨D60⟩ sruk· bhavālaya viṅ· chkā vrai noḥ Unmīlita vraḥ noḥ Oy· pūjā viṅ· ti pre rok· nā mān· khñuṁ vraḥ noḥ ta hyāt· paṅgvay· viṅ ta sruk· Oy ta vraḥ kalpa-

⟨D61⟩ nā viṅ· jā sruk· nai bhadrapattana ru ta tel ◯ man· vraḥ kamrateṅ· Añ· śrī jayendrapandita jā kula pitr̥(pa)kṣa ta dhūli jeṅ· vraḥ kamrateṅ· Añ· śrī vāgi-

⟨D62⟩ ndrapandita ta sruk· siddhāyatana Āy· pūrvvadiśa gi nakka ta thve karmmadharmma nai dhūli jeṅ· vraḥ kamrateṅ· Añ· śrī vāgindrapandita gi ta cat sruk· sthāpanā chlo-

⟨D63⟩ ṅ· travāṅ· ◯ vraḥ kamrateṅ· Añ· śrī jayendrapandita thve Āśrama duk· khñuṁ ta gi Oy· jā gurvvartha ta vraḥ nai dhūli jeṅ· vraḥ kamrateṅ· Añ(·) śrī vāgindrapandita

⟨D64⟩ ◯ man· vraḥ pāda kamrateṅ· Añ· śrī Udayādityavarmmadeva svey· vraḥ rājya kule phoṅ· siṅ· nā kamrateṅ· jagat ta rāja ru tatāpra qnau vraḥ ka-

⟨D65⟩ mrateṅ· Añ· śrī jayendrapandita jā vraḥ guru ◯ dār· dhūli jeṅ· vraḥ kamrateṅ· Añ· śrī jayendravarmma ◯ vraḥ pāda kamrateṅ· Añ· ryyān· vidyā phoṅ· daṁne-

⟨D66⟩ pra siddhānta ◯ vyākaraṇa ◯ dharmmaśāstra ◯ śāstra phoṅ ta dai ti ◯ vraḥ pāda kamrateṅ· Añ· thve vraḥ dikṣā daṁnepra gi bhuvanādhva vraḥ vrahmayajña ◯

⟨D67⟩ thve mahotsava pūjā toy(·) vraḥ guhya ◯ Oy· vraḥ dakṣiṇā nu dravya daṁnepra gi vraḥ thniṁ phoṅ(·) ◯ muku¡t!⟨ṭ⟩a ◯ kuṇ¡d!⟨ḍ⟩ala ◯ keyura ◯ kataka ◯ mu-

⟨D68⟩ kutaveni ◯ vraḥ rūpyapīthā vraḥ suvarṇakalaśa ◯ vraḥ cāmara ◯ vraḥ hemadola triśira ◯ phoṅ(·) neḥ syaṅ ti Oy· nu bhoga nu gi ◯ Oy· ratna mā-

⟨D69⟩ s· prāk· dravyagaṇa phoṅ· qval· vraḥ go sahasra ◯ tamrya śatadvaya ◯ qseḥ Ekaśata ◯ Ajamahiṣa śata Oy· dāsadāsī sahasra O-

⟨D70⟩ y· sruk· III śaṅkaraparvvata II sruk· mano I jeṅ tarāñ· (◯) vraḥ pāda kamrateṅ· kaṁtvan· Añ· śrī Udayādityavarmmadeva paripālana qnau ta nagara A-

⟨D71⟩ bhivādananitya ◯ pre cāra puruṣa paṁre pratidina nu kriyā paṁre ta daṁnepra gi vastra Annapāna vyañjana kramukaphala ◯ syaṅ· Aṅga vraḥ kriyā paṁ-

⟨D72⟩ re Āy· le nu dhūli jeṅ· vraḥ kamrateṅ· Añ· pravr̥tti nu gi sappa thṅaiy· ◯ ri sruk· stuk· rmmāṅ ta śūnyamūla vraḥ pāda kamrateṅ· Añ· Oy·

⟨D73⟩ sruk· noḥ jā Upāya ta dhūli jeṅ· vraḥ kamrateṅ· Añ· saṁ nu sruk· stuk· ransi◯ man· dhūli jeṅ· vraḥ kamrateṅ· Añ· khmi sthāpanā ◯ vraḥ

⟨D74⟩ pāda kamrateṅ· Añ· Oy· vraḥ liṅga dvihasta nu dravyagaṇa phoṅ ta jā bhoga ta vraḥ noḥ nu dravyagaṇa phoṅ ta jā dakṣiṇā pre mantri dau cat·

⟨D75⟩ sruk· jmaḥ bhadraniketana ta bhūmi bhadrapattana ta nai dhūli jeṅ· vraḥ kamrateṅ· Añ· dai sthāpanā vraḥ liṅga dvihasta ta gi Oy ta dhūli jeṅ· vraḥ

⟨D76⟩ kamrateṅ· Añ· Oy· dāsadāsī slik· I ta vraḥ noḥ coṅ· śilāprāsāda valabhi jyak· travāṅ· thve daṁnap· thve kṣetrārāma ◯ ||

⟨D77⟩ ta gi rājya vraḥ pāda paramavīraloka gi nu vrāhmaṇa saṅkarṣa nu chloñ· mādhava ta kvan· qnak· parade[śa] Ukka duñ· bhūmi pi cat· caṁnat· Anreṁ

⟨D78⟩ loṅ· duk· khñuṁ ta gi sthāpanā vraḥ śivaliṅga jā nai loñ⟨·⟩ mādhava ◯ slāp· mratāñ(·) chloñ⟨·⟩ saṁkarṣa ta gi rājya vraḥ pāda paramavīraloka chlo-

⟨D79⟩ ñ· mādhava ta kvan· qras· ◯ lvoḥ ta rāja vraḥ pāda paramanirvvāṇapada ta gi 965 śaka noḥ chloñ· mādhava thvāy saṁnvat ta vraḥ pāda paramanirvvā-

⟨D80⟩ ṇapada Oy(·) caṁnat(·) noḥ nu khñuṁ noḥ phoṅ ta dhūli jeṅ· vraḥ kamrateṅ(·) Añ(·) śrījayendravarmma siddhi ◯ ti paripālana khñuṁ noḥ paṁre lvoḥ ta gi 967

⟨D81⟩ śaka dep· chloñ· mādhava slāp· man· vraḥ pāda kamrateṅ· Añ(·) śrī Udayādityavarmmadeva svey· vraḥ rājya ta gi 971 śaka ◯ lvoḥ ta gi

⟨D82⟩ 974 śaka dhūli jeṅ· vraḥ kamrateṅ· Añ(·) sthāpanā kamrateṅ· jagat· śivaliṅga Āy· bhadraniketana ◯ ti nivedana ta vraḥ pāda kamrate-

⟨D83⟩ ṅ· Añ(·) śrī Udayādityavarmmadeva svaṁ leṅ· caṁnat· noḥ nu khñuṁ noḥha jā vraḥ karuṇāprasāda so(t ta) kamrateṅ· jagat· śivaliṅga Āy· bhadrani-

⟨D84⟩ ketana Oy· prasiddhi caṁnat(·) nu bhūmi noḥha ◯ ru man· vraḥ pāda paramanirvvāṇapada Oy· Ukka nu Iṣṭi chloñ· mādhava ta mān· Upāya ◯ dhūli jeṅ·

⟨D85⟩ vraḥ kamrateṅ· Añ⟨·⟩ kalpanā khñuṁ noḥ nu caṁnat· noḥha ta paṁre ta kamrateṅ· jagat· śivaliṅga Āy· bhadraniketana ◯ śākha caṁnat· Anreṁ loṅ· ◯

⟨D86⟩ 894 śaka pi ket· puṣya vudhavāra gi nu vrāhmaṇa ta jmaḥ mratāñ· chloñ· saṁkarṣa nu chloñ· mādhava ta kvan· qnak(·) paradeśa duñ· bhūmi ta qnak· Anreṁ loṅ· ◯ va-

⟨D87⟩ rṇna karmmāntara ◯ ta jmaḥ loñ· para ◯ loñ· dharmmapāla ◯ loñ(·) go ◯ loñ(·) sarvvajña ◯ steṅ· śivapāda khloñ· vala khloñ· viṣaya khdak· ◯ dravya nu duñ⟨·⟩ mās⟨·⟩ li-

⟨D88⟩ ṅ· II ◯ canlyak· 20 10 II ◯ thnap· yau I vave 4 ◯ vraḥ go 4 ◯ krapi 10 II ◯ simāvadhi bhūmi nā caṁnatta nu sre pi jeṅ· ◯ ti pūrvva prasap· nu bhūmi dhanavāha ◯ ti dakṣiṇa

⟨D89⟩ lvoḥ dnaṅ· ◯ ti paścima lvoḥ ta gi phlū rddeḥ thṅai luc· snvāl(·) ◯ ti Uttara saṁlvat· kralā tut· srū pat· tāṅ· tai viṅ· ta gi thnval· travāṅ· ◯ ti pūrvva sot· lvoḥ ta vraḥ

⟨D90⟩ stau prasap· bhūmi thpvaṅ· rmmāṅ· ◯ || bhūmi ta cval· sot ta caṁnat· Anreṁ loṅ· ◯ 901 śaka pi ket· puṣya nu vrāhmaṇa ta jmaḥ mratāñ· chloñ· saṅkarṣa

⟨D91⟩ nu chloñ· mādha[va] duñ⟨·⟩ bhūmi ta qnak· ta jo ta jmaḥ vāp· Īśvaravindu ◯ vāp Ājya vāp· bhima dravya nu duñ· mās· liṅ· II vudi 5 dop· 5 thnap· thpir· I yau 5 ◯ ca-

⟨D92⟩ nlyak(·) 300 ◯ sīmāvadhi bhūmi noḥ ◯ ti pūrvva prasap· ta bhūmi vraḥ thpvaṅ· rmmāṅ· ◯ ti dakṣiṇa prasappa bhūmi Anreṁ loṅ· ◯ ti paścima tarāp· go-

⟨D93⟩ la ◯ ti Uttara tarāp· gol(·) sot· ti paścima sot· tarāp vrai saṁroṅ(·) ◯ || bhūmi nā bhāga steṅ· mat· gnaṅ(·) ti jau ta vraḥ sraleṅ· vā-

⟨D94⟩ y· nuk· cuṅ· chdiṅ· ta kule ◯ ti jau ta qnak· ta jmaḥ loñ· qyak· rāl· nu noḥha Ukka ◯ phsaṁ parimāna vroḥ ta bhūmi noḥ 40 ◯ noḥ saṁ cval· nu

⟨D95⟩ caṁnat· Anreṁ loṅ⟨·⟩ nā chloñ· mādhava ◯ khñuṁ ti mratāñ· chloñ· saṁkarṣa nu chloñ· mādhava duk ta caṁnat· Anreṁ loṅ· pi Oy ta vraḥ ◯ bhāga

⟨D96⟩ thṅai luc· nā si thpvaṅ· tyak(·) qji tai E dau Aṁvi śivapura danden· ◯ bhāga kantāl· sruk· sot nā si vrahmapada qji tai thleṁ dau

⟨D97⟩ Aṁvi sruk· vrai qguya pramāna pūrvva ◯ bhāga kantāl· sruk(·) sot· qji tai khdep· dau Aṁvi vrai qguy· Ukka pramān· pūrvva ◯ bhāga ka-

⟨D98⟩ ntāl· sruk· sot· nā si mat· gnaṅ⟨·⟩ qji tai jā dau Aṁvi saṁtāc· drāya viṣaya karoṁ ◯ bhāga thṅai ket⟨·⟩ qji tai kaṁyān·

⟨D99⟩ dau Aṁvi liṅgapura ◯ bhāga thṅai ket· sot· nā si teṁ khvit(·) qji tai sraṣṭa qnak· Anreṁ loṅ· ta Oy· thnvar· khñuṁ ◯ bhāga thṅai lu-

⟨D100⟩ c· sot· saṁvandhi si thpvaṅ· tyak· ◯ qji tai rudrāṇī dau Aṁvi śreṣṭhapura ◯ sruk· bhadraniketana dai qnau ta bhūmi bhadra-

⟨D101⟩ pattana ti pūrvva bhūmi bhadrapattana dai ◯ ti Āgneya dau vap· ta gol· stuk kadamva prasap· nu bhūmi sruk· leṅ· tvara caṁṅāya

⟨D102⟩ slik· 100 80 ◯ ti dakṣiṇa dau vap ta srau sramoc· prasap· nu bhūmi sruk· leṅ· tvara caṁṅāya 300 20 10 II ◯ ti nair̥tiya dau vap ta go-

⟨D103⟩ l· kūpa prasap nu bhūmi sruk· leṅ· tvara caṁṅāya slik· I 100 20 ◯ ti paścima dau vap ta stuk· tannot· prasap· nu bhūmi sruk· gnaṅ(·) ◯ caṁṅā-

⟨D104⟩ ya slik· 6 40 5 ◯ ti vāyavya dau vap ta gol· sruk· lmuṅ· prasap ta bhūmi sruk· caṁnat· teṅ tvan· nu chdiṅ· gar·gyar· caṁṅāya slik· 6 40 phlā-

⟨D105⟩ s· 8 hat· III ◯ ti Uttara dau vap ta stuk· ruṅ· prasap nu bhūmi sruk· cvar· mo ◯ caṁṅāya slik· 4 40 ◯ ti Īśāna gi bhūmi bhadrapattana hoṅ· ◯

⟨D106⟩ || vraḥ pāda kamrateṅ· Añ· śrī Udayādityavarmmadeva Oy· sruk· ta jmaḥ gnaṅ· cranāñ· vo nu qnak ta gi nu phsak· 100 40 10 I nu bhūmi

⟨D107⟩ bhāga noḥha Oy· jā vraḥ jaṁnvan· ta vraḥ liṅga noḥ Āy· bhadraniketana ◯ sīmāvadhi bhūmi noḥ Āy· sruk· gnaṅ· cranāñ·

⟨D108⟩ vo ◯ ti pūrvva dau vap ta stuk· tannot· prasap· nu bhūmi sruk· bhadraniketana dai caṁṅāya slik· III 100 40 10 II ◯ ti Āgneya dau vap go-

⟨D109⟩ l· prasap· nu bhūmi sruk· leṅ· tvara caṁṅāya slik· 4 300 80 10 II ◯ ti dakṣiṇa dau vap ta gol· prasap· nu bhūmi sruk· vrai raṁvaṅ· candrāya

⟨D110⟩ caṁṅāya slik· II 200 40 10 ◯ ti nair̥tiya dau vap ta gol· prasap· nu bhūmi sruk· śivapattana sramo Eṁ caṁṅāya slik· 4 ◯ ti paścima dau

⟨D111⟩ vap ta gol· prasap· nu bhūmi sruk· Anlāṅ· caṁṅāya slik· III 300 80 10 II ◯ ti vāyavya dau vap· ta gol· prasap· nu bhūmi sruk· vajravārmma

⟨D112⟩ caṁṅāya slik· 6 200 40 10 ◯ ti Uttara dau vap ta gol· ti Uttara vnaṁ vreṅa prasap· nu bhūmi sruk· jhe rloṁ sruk· tvaṅ· mvāy· teṁ caṁṅāy·

⟨D113⟩ khnāñ· I slik· 5 100 80 phlās· 6 ◯ ti Īśāna dau vap ta gol(I) prasap· nu bhūmi sruk⟨I⟩ chdiṅ· gar·gyar· cāmṅāya slik· 5 100 ◯ khñuṁ vraḥ kamrateṅ·

⟨D114⟩ Añ· śivaliṅga Āy· bhadraniketana vraḥ jaṁnvan· ◯ sruk gnaṅ· ◯ pakṣa khnet· tamrvac· si II vargga noḥ ◯ si 20 7 ◯ tai 40 8 ◯ pakṣa rṇṇoca ◯ tamrvac(I) si II vargga

⟨D115⟩ noḥ si 20 7 ◯ tai 40 5 ◯ phsaṁ phoṅ(·) si tai 100 40 10 I ◯ khñuṁ kamrateṅ· jagat· śivaliṅga Āy· bhadraniketana ◯ pakṣa khnet· ◯ ta paṁre ◯ tamrvac· si I vargga noḥ ◯ si 20 I

⟨D116⟩ tai 40 10 4 ◯ khloñ· qnak· si I ◯ Amraḥ si II ◯ vargga noḥ ◯ si 10 5 ◯ tai 40 10 ◯ Āśrama dakṣiṇa thnal· ñyaṅ· Añcan· ◯ tamrvac⟨I⟩ si I vargga noḥ si 4 tai 10 I ◯ Āśrama ñyaṅ·

⟨D117⟩ pañcoṅ· ◯ tamrvac⟨·⟩ si I vargga noḥ ◯ si 7 ◯ tai 10 III ◯ Āśrama dakṣiṇa vraḥha ◯ tamrvac(I) si I vargga noḥ si 4 ◯ tai 10 6 ◯ caṁnat⟨·⟩ Anreṁ loṅ· ◯ tamrvac· si I ◯ vargga noḥ si 40 6 ◯ tai 40 10 4

⟨D118⟩ ◯ pakṣa rṇṇoc· ◯ ta paṁre ◯ tamrvac· si I vargga noḥ ◯ si 20 ◯ tai 40 10 III khloñ⟨I⟩ qnak· si I Amraḥ si II vargga noḥ si 20 I ◯ tai 40 III ◯ Āśrama Uttara thnal⟨·⟩ ◯ tamrvac· si I vargga noḥ si 4 ◯ tai 10 ◯ Ā-

⟨D119⟩ śrama Uttara vraḥha tamrvac· si I vargga noḥ si 8 ◯ tai 20 Āśrama Uttara vraḥha sot· tamrvac· si I vargga noḥ si 4 tai 10 III caṁnat· piṅ· khlā ◯ tamrvac· si I $circleSmall vargga noḥ si 4 ◯ tai 10 III (◯)