Gilikan (date lost)

Plate X, recto. ⟨Xr1⟩ lumpaṁ muAṁ sajini manusuk· vḍihan·ni kulumpaṁ ragi yu 4 mas· mā 4 vaduṁ 1 rimbas· 1 tarataraḥ 1 tampilan· 2 liṅgis· 4 laṇḍuk· 1 vaṅkyul· ⟨Xr2⟩ l kris· 1 kurumbhāgi 1 gulumi 1 nalayaida 1 tahas· 1 buri 1 padamaran· 1 saragi pagaṅanan· 1 vras· pada 1 vsi Ikət· (10/1,) vḍus· prāṇa 1 ⟨Xr3⟩ pasiliḥ yu 1 Argha 4 vras hinantruAn· 5 manuṅgal· sukat· vsi Urā (10/1,) sovaṁ, hayam· 4 hantrīṇi 4 gandha dhūpa puspākṣata nāhan· muṅg(u/va) ⟨Xr4⟩ I tṅaḥniṁ pasabhān· muAṁ saṁ hyaṁ brahmā caturasrakuṇḍa vinoṁ savidhividhāna dadi lumkas saṁ vahuta hyaṁ kudur· manapathai InaṁsīAn· vḍihan· ra(gi/ga) ⟨Xr5⟩ yu 1 mas· mā 2 hinaR̥pakən· samgat· luA pu guṇottama, muAṁ [[sa]]mgat· pamasaran· pu bandyā‚ muAṁ vahuta patiḥ rāma I gilikan· muAṁ rāma tpi ⟨Xr6⟩ siriṁ, mamaṁ nirar· panapathai mamantiṁṅakan· hantlū muAṁ manətək· hayam·‚ Andaḥ tita hyaṁ basundharā basundharī hyaṁ pr̥thivī kita ginavai rahyaṁta (ru/4)muhun· ⟨Xr7⟩ hyaṁ nāgarājā L̥tərta, kadi tguḥ saṁ hyaṁ guṇuṁ tahan· hana Umulaḥ-Ulaḥ sira maṅkana tguhanikeṁ lmaḥ savaḥ puṇya śrī maharāja sīmā bha-⟨Xr8⟩ ṭāra iṁ glam·‚ yan· hana puA Umulaḥ-Ulaḥ ya patīta hyaṁ pr̥thivī‚ te patəṅgəĀkna ya te pakarākna ya te patu Addakna ya‚ te ⟨Xr9⟩ patunasakna ya te paśeṣākna ya pəpəddaten· vkasakən· havu kerir· yan· hana UAṁ Anyāya luməbura Ikanaṁ savaḥ punya I bhaṭāra Iṁ ⟨Xr10⟩ glam· ndaḥ kita hyaṁ kulumpaṁ kita Inandəlakən· sinusukakən· kahanān niṁ gaṇa bhūta banaspati hyaṁ padudutan·‚ hyaṁ pakəṅgəṅan· At thana ta ⟨Xr11⟩ kita kabaiḥ tilu mahə:mmaṁ hiR̥ṁ hulu taḍahakin· taliṅa paṅR̥ṅə: ta An· sinusukan· vuṅkal· Ikaiṁ lmaḥ səma bhaṭāra Iṁ glam· kabiku-⟨Xr12⟩ An· I gilikan· yan· hana puA Umulaḥ-Ulaḥ ya patīta hyaṁ gaṇa bhūta pisāca te paśeṣākna ya te patuAddakna ya te patu-⟨Xr13⟩ nassakna ya te pakarākna ya pəpəddakən· vkassakən· havu kerir· yan· hana UAṁ Anyāya lumvura Ikeṁ savaḥ sīma bhaṭāra I glam· ⟨Xr14⟩ ‚ Indaḥ kita kamuṁ hyaṁ hayam· tuliḥ-Uliḥ ta kavuĪttanyu vulu piliḥ sarano lumirit· turaḥniṁ hlaṁ, han·tlū ko tan· kaguli ⟨Xr15⟩ tətəs· ko tan· vūkan· luməṅai ko riṁ tgal· tan· samvər· koṁṅuluṁṅuluṁ tan· sikap·‚ koṁṅ alap-alap· luməṅai ko riṁ L̥ṁsuṁ A2. nalayaida: read/emend nakhacheda. A4. InaṁsīAn·: sī, unusually noted here with short i-superscript plus length-mark (ā), is probably a mistake for sə: (in which case this type of notation of vowel length would be expected). A6. siriṁ: the anusvāra here in fact resembles candrabindu. Plate X, verso. ⟨Xv1⟩ tan· katibān· halu tan· palu koṁ Anutu, Apan· ko dinaipaṁrāha sima kulumpaṁ pasək· lagi lagi sumpaḥ L̥maḥ palar· matya(nt/nn)aya UAṁ ⟨Xv2⟩ Anyāya lumvura sīma bhaṭāra Iṁ glam·‚ tasmāt· kabuAttaknanya kady āṅgānnikanaṁ hayam mati tan· pasaṅkān mati tan· pavuĪttan· huvus ma-⟨Xv3⟩ maṅan· maṅinum· maṅkana hamṅā(nt/nn)anikanaṁ UAṁ Anyāya lumvura Ikeṁ sīma bhaṭāra Iṁ glam· Indaḥ kita hyaṁ baprakeśvara brahmā viṣṇu ⟨Xv4⟩ mahādeva śaśi kṣiti jala pavana hutāśana yajamāna kālamr̥tyu gaṇa bhūta saddhyādvāya Ahorātra yama baruṇa kuvaira bāsava yakṣa ⟨Xv5⟩ rākṣasa pisāca rāma devatā‚sura garuḍa gandharvva kinnara vidyādhara devaputra nandiśvara mahākāla nāgarājā vināyaka kita tuvi ⟨Xv6⟩ sakvaiḥ ta devata prasiddha rumakṣaṁ kadatvan śrī mahārāja I mataram· kita Umasukki hatiniṅ uAṁ kabaiḥ tan· kavna(ṁ) tinahin·tyan· ha-⟨Xv7⟩ na UAṁ Anyāya lumvura sīma bhaṭāra Iṁ glam· savaḥ tampaḥ 4 ḍuḍuk· hatinya sbit· vtaṁnya rantan· Usūsnya Uḍulakən· pahuṁnya vtu-⟨Xv8⟩ Ākən· ḍalammannya, tampyal· I viraṅan· Uvahi I tṅannan· yan· para Iṁṅ alas· paṅananniṁ moṁ patukənniṁṅ ulā ya, pu(li)ra-⟨Xv9⟩ knani devamanyuḥ yan· para ya Iṁ tgal· Alapanniṁ glap· ya paṅananniṁ vuĪl· si pamuṅuAn· sampalanniṁ rākṣasa, Andaḥ kamuṁ ku-⟨Xv10⟩ sika gargga metrī kurūṣya pātāñjala, suvuk· lor· kidul·‚ kuluAn· vetan·‚ buAṁṅakən· kamuṁ hyaṁ kabaiḥ tibākən· Iṁ ⟨Xv11⟩ mahāsamudra, klammakən· Iṁ ḍavuhan· Alapan· hyaṁ I dalam· Air· dudutt(ə)n·ni(ṁ) tuviran· matya Ikeṁ UAṁ Anyāya lumvura sīma ⟨Xv12⟩ bhaṭāra Iṁ glam· kabikuAn· I gilikan· Upadravā Iṁ devata tan· tmuA sama bhraṣṭā liputənni phīra‚ muliha ⟨Xv13⟩ Iṁ nāraka Iṁ mahārorava yan· hana UAṁ Anyāya lumvura Ikaiṁ sīma bhaṭāra I glam·, nāhan· maṁmaṁ saṁ makudur· Ar· panapa-⟨Xv14⟩ thai I haR̥pan· saṁ vahuta patiḥ muAṁ I haR̥pan· saṁ Anak vanuA, tlas· saṁ makudur· manapathai Umaṅsə: saṁ vahuta patiḥ mu-⟨Xv15⟩ Aṁ rāmanta raiṇanta muAṁ rāma tpi siriṁ kabaiḥ manamvah I saṁ hyaṁ vuṅkal·‚ muAṁ kulumpaṁ‚ masapatha sira Iṁ sabhā lī nira, ndaḥ kita B15. lī: corr. liṁ. Plate Y, recto. ⟨Yr1⟩ saṅ hyaṅ susuk jāvatāku magavaya papa muaṅ anyaya lumvura sīma bhaṭāra iṅ glam savah tampah 4 sakvaihni puṇyaṅku pataniṅku sāla kamulānku Ityevamādi tan paphalā bhaṭāra maṅkana tkā i vkaṅku vetku puyutku bhaṭāra maṅkana pratijñā saṅ vahuta patih i harəpan saṅ hyaṅ kulumpaṅ muaṅ saṅ hyaṅ vuṅkal sīma, muaṅ i harəpan saṅ hyaṅ brahmā umilu i susukan sīma patih i gilikan si jaluk vinaih pasək-pasək mas mā 4 vḍ(i)han ragi yu 1 patih vaduan si abhī vinaih kain vlah 1 tuṅgū duruṅ si cumban rāmani ḍunak vinaih mas mā 1 vḍihan yu 1 tuṅgū duruṅ anakvi si ḍunak kain vlah 1 rāma i gilikan hulu ron si dharanī rama ni jaluk, rāma matuha si panu ramani bo, vinkas si vidya ramani kəbəh kapua vinaih mas mā 4 vḍihan yu 1 sovaṅ-sovaṅ, vinkas anakvi si ḍmit vinaih ken vlah 1 gusti i gilikan si kaṇḍuṅ sinrahan vḍihan yu 4 hlai 1 tuha banua si kamvul ramani balusuk parujar si mamvaṅ ramani raja, muvah gusti si gaiṣṭa ramani luṅgat muvah gusti si təvik ramani danes kapua vinaih mas mā 4 vḍihan yu 1 sovaṅ-sovaṅ tuha vərəh si dana ramani komvolok, variga si priṅ, muvah variga si tokeṅ, papasuk i saṅ mavanua si mandon ramani kutaṅ, muvah variga si dayā ramani kuṇḍu, kapua vinaih mas ku 1 vḍihan hlai 1 sovaṅ-sovaṅ, rāma maratā si hunur, kaki vrut si kiruh ramani kələm vuai, si tamvir ramani mjit si glo si kadik, si kintyā si bobol (?), si duruṅ si kamo, si vṅal, si guvinda, si puṇḍiṅ, si don, si taṅgan, si dhana, si daivoh, si masya, si bayī, samaṅkana ikanaṅ milu manaḍah juga, tan kna riṅ pasək-pasək || rāma tpi siriṅ i kinvu kalima si bulu ramani prabhu, rāma ri amvilan kalaṅ si bhavita ramani tumvu, parujar si karṇna, rāma i lintakan si kiraṇa ramani rupī, rāma i pamratan gusti si ḍaṅ huan ramani ḍaluṅ, marhyaṅ i gilikan si gurumət ramani ḍaluṅ hulair (? hulu air) i gilikan si kalaḍi ramani kamvaṅ, rāma i paraṅ tuha kalaṅ si nava ramani ḍaṇu, rāma i kasugihan tuha banua si dṛṣṭi ramani vlahan, kapua vinaih pasək-pasək mas mā vḍihan ragi yu 1 sovaṅ-sovaṅ, madāṅ si goṇḍoṅ ramani sañjaya, mavuai si sadyā, ata ri piṭapuag(?) vanua i tamviṅ vatək ta- Plate Y, verso. ⟨Yv1⟩ laṅ, variga, i ḍaṇu si tuluk ramani rivut kapua vinaih pasək-pasək pirak mā 1 vḍihan hlai 1 sovaṅ-sovaṅ, maṅla samgat pamasaran vinaih vḍihan yu 1 tuha paḍahi si keñjur ramani baciṅ anak vanua i kasugihan muvah tuha paḍahi si vanua ramani bṛkut anak vanua i turu maṅamvil, vidu si lakṣaṇa kapua vinaih mas mā 4 vḍihan yu 1 sovaṅ-sovaṅ || o ||