Tattva Brata as Transmitted in Balinese Manuscripts: Digital Critical Edition and Parallel Translation

om̐ avighnam astu.

nihan parikramaniṅ brata, yan kita mabrata, hayva pati pati, yan duruṅ amvit iṅ saṅ asәḍahan brata, hyaṅ kaki citra gopta, nini citra gopta, tarimanən iṅ sumur,caru, sәḍah putih hijo, ma, pukulun kaki citra gopta, nini citra gopta, iṅsun amvit abrata, pukulun dulurәn iṅsun abrata, katәkana sapinakṣan iṅsun, yan asalah abrata, asalaha riṅ saṅ asәḍahan brata, sabratanta maṅkana. mvah sisigiṅ abrata, kaṅ rahayu tәmən, ambulu, pha, sugih mās, sisig kayən, pha, bahu putra, sisig vaṅkal, pha, sugih pari, sisig lampәni, pha, labdhavara kita. vor sama kvehnya, yogya kayatnākәna tәmən.

nihan saṅ hyaṅ tattva brata, kayatnākәna de saṅ amet kasiddhan, kasiddhaniṅ brata, tan pāvak tattvanira saṅ hyaṅ dharma, rajəg turus, tattvanika, apan pinakāvak balәbəd, lavan tattvaniṅ brata, mvaṅ aṅlәpasakən kasiddhyan, sira kadyaṅganiṅ avak kiva tәṅən, maṅkana saṅ hyaṅ tattva brata mvaṅ tapa, mataṅnyan lәkasakәna de nira saṅ amet hayu, anom alәkas anom amaṅggih phalaniṅ brata, nora dadi yan tan ginave, nora ṅalap titahiṅ atitah, kady aṅggāniṅ haḍaṅ esuk, esuk amaṅan, havan haḍaṅ, havan amaṅan, yan iṅ sore aḍaṅ, sore maṅan, yan tan paḍaṅ tan pamaṅan, saolah saolih, maṅkana kramanya, apan hala hayuniṅ pagave katәmu, mataṅnyan larisakәna pagave hayu, mijil sakeṅ tattva brata.

nihan pariñciniṅ brata, kavruhakәna.

hana brata mәgat rasa, ṅa, yan satәṅah amaṅan, suməṅkāṅinaṅ, apәnəd tan paṅucap, vus aṅinaṅ, malih amaṅan, satahun samayanya, bhaṭāri Umā hyaṅnya, ma, Om̐ mam̐ Umāyai namah, pamit, pha, tan pәgat sihniṅ malaky arabi, mvaṅ samanta janma paḍa sih.

hana brata maṅan sәga ṅgi, satahun pituṅ lek samayanya, bhaṭārī vastu hyaṅnya, ma, om̐ vastu devyai namah, pamit, pha, tan pәgat sihniṅ malaky arabi, ṅuniveh sihniṅ sama janma paḍāsih avәlas i kita.

hana brata bhūmipātra, ṅa, yan amaṅan tan paharyan, aṅlak i lәmah, hyaṅ vaiśravaṇa hyaṅnya, satahun pituṅ lek samayanya, ma, Om̐ sam̐ vaiśravaṇāya namah, pamit, pha, sugih lәmah, śīma jana anurāga kita ri saṅ prabhu bhūmi viku.

hana brata nulamidam, ṅa, aṅupavāsa savәguṅ, atәlasan savәguṅ, tigaṅ lek samayanya, pha, siṅ prih meṅgal katәmu denya, jana anurāga kita, bhaṭāra brahmā hyaṅnya, ma, om̐ Am̐ brahmane namah, pamit.

hana brata amaṅan tan kasurupan saṅ hyaṅ śiva raditya, tigaṅ tahun samayanya, bhaṭāra śiva hyaṅniṅ brata, pha, apaḍaṅ kaṅ ati, praṇa aṅən aṅənta, ekasadya, ma, om̐ mam̐ śivāya namah, yan ahyas.

hana brata tan pamaṅan yan kasurupan saṅ hyaṅ sūrya, satahun divasanya, bhaṭāra śiva hyaṅnya, ma, Om̐ namah śivāya, pamit, pha, prajñan riṅ sarva kārya, makādi vidya, muvah yan agamәlan katha,kakavin tan apiṅgiṅ, apәkik tan pasiriṅ.

hana brata mūrṇama, ṅa, naṅkən pūrṇama, aṅupavāsa, pituṅ tahun pituṅ lek samayanya, bhaṭārī ratih hyaṅnya, ma, Om̐ śrīratih devyai namah, pamit, pha, siddha kāryanta, deva bhūṭāsih iri kita.

hana brata nilәm, ṅa, aṅkən tilәm kita aṅupavāsa, pituṅ lek samayanya, bhaṭārī rātri devī hyaṅnya, ma, Om̐ rātri devyai namah, pamit, pha, kinasihaniṅ rāt kita, deva bhūṭāsih iri kita.

hana brata narasvatī, ṅa, tan pamaṅan sәkul iṅiliran kevala tumpəṅ juga, tan paivak, kevala uyah, satahun pituṅ lek samayanya, bhaṭārī rāja lakṣmī hyaṅnya, ma, Om̐ śri rāja lakṣmyai namah, pamit, pha, təka guṇanta, mvaṅ siddha saprayojananta,tәhәr subhaga kita, lavan sihniṅ malaky arabi.

hana brata muṣpasadā, ṅa, yan amaṅan mevak kəmbaṅ rumuhun, satahun lavasnya, saṅ hyaṅ smara hyaṅnya, ma, Om̐ śri smarāya namah, pamit, pha, riṅ rūpa tan pasiriṅ, akveh rәsəp asih iri kita.

hana brata ṅlepana, ṅa, yan amaṅan mevak alalab rumuhun tigaṅ tahun samayanya, bhaṭārī śrī hyaṅnya, ma, Om̐ śrī śrī devyai namah, pamit, pha, rūpanta śrī amenak, sugih pari, akveh asih avlas iri kita.

hana brata tan paṅinaṅ, satahun salek samayanya, saṅ hyaṅ manodeva hyaṅniṅ brata, ma Om̐ manodevāya namah, pamit, pha, meṅət rūpanta manis,mvaṅ akveh bhrānta hyun iri kita.

hana brata lәga prāṇa, ṅa, yan amaṅan amaṅku duhuṅ, satahun pituṅ lek samayanya, ma, Om̐ namo rudrāya svāha, pamit, pha, akeh vvaṅ tumualaṅ riṅ jīvanta, mvaṅ akeh avәlas asih iri kita.

hana brata birā, ṅa, yan amaṅan mevaka uyah, satahun tigaṅ lek samayanya, bhaṭāra Iśvara hyaṅnya, ma, Om̐ mam̐ īśvarāya namah, pamit, pha, prih meṅgal katәmu, kinasihaniṅ rāt kita ,mvaṅ deva bhūṭa sih ri kita.

hana brata tan pamaṅan sərәh iṅapvan, satahun samayanya, bhaṭārī bhagāvati hyaṅnya, ma, Om̐ namo bhagavatyai namah, pamit, pha, luputiṅ sarvaviṣa, nirvighna kita.

hana brata amaṅan ṅaryan roṇḍon, pituṅ tahun samayanya, bhaṭāreśvara hyaṅnya, ma, Om̐ mam̐ Īśvarāya namah, pamit, pha, mantuk iṅ pada bhaṭāra Īśvara, sasarnya maṅjanma ri juru bhāṣaṇa, sugih hulun, labdha riṅ saṅ prabhu mvaṅ mantrī, tan pada lavan rovaṅta kabeh.

hana brata ṅraka, ṅa, amaṅan sarva buṅkah, tigaṅ tahun samayanya, hyaṅ īśvara hyaṅnya, ma, Om̐ mam̐ ⟨śivā⟩ya namah svāhā, pamit, pha, mantuk iṅ pada bhaṭāra śiva, sasarnya maṅjanma riṅ viku guṇavān, sugih pirak, labdha riṅ saṅ prabhu mvaṅ mantrī.

hana brata ṅumbhakarṇa, ṅa, yan aturu miriṅ satahun, lumah satahun, kumurәb satahun, tigaṅ tahun samayanya, bhaṭāra rudra hyaṅniṅ brata, ma, Om̐ namo rudrāya namah, pamit, pha, kinasihaniṅ paṇḍita kita. samanta janma samatvaṅ, siddha saprayojananta.

kunaṅ ikaṅ yan mona ṅisiṅ, prih meṅgal katәmu, bahu śiṣya kita.

kunaṅ ikaṅ yan mona napu, pha, kinasihaniṅ paṇḍita, mvaṅ deva prabhu, rahayu riṅ pañjanmanta.

kunaṅ ikaṅ mona sisig, pha, jaya kāryanta.

kunaṅ ikaṅ mona bhasma, pha, mantuk iṅ bhaṭarī rātri, sasarnya majanma ri saṅ paṇḍita.

hana brata yan aturu tan pakalasa, satahun tigaṅ lek samayanya, hyaṅ nāga rāja hyaṅniṅ brata, ma, Om̐ nāga rājāya namah, pamit, pha, deva bhūṭa sih iri kita, mvaṅ sarvaguṇa təka.

hana brata turu sumaṇḍah, tigaṅ lek samayanyā, bhaṭāra viṣṇu hyaṅnya, ma, Om̐ Um̐ viṣṇave namah, pamit, pha, mandi svara kita riṅ samajanma, labdha vara.

hana brata prāṇa, ṅa, tan pamaṅan sarvāmbǝkan, tan pamaṅan asiṅ prāṇi, pituṅ tahun samayanya, hyaṅ devātara hyaṅnya, ma, Om̐ devātarāya namah svaha, pamit, pha, putra vrәddhi, mvaṅ vәnaṅ vәnaṅ, kәbo sapi, sarva tinanǝmta vrәddhi kabeh.

hana brata amaṅan pisan savәguṅ, saṅ hyaṅ sambhu devatanya, satahun divasanya, ma, Om̐ śambhave namah, pamit, pha, mañjanma riṅ kula putra, subhaga siddhi siṅ saprayojananta, prih meṅgal katәmu.

hana brata, amaṅan pisan savәguṅ, saṅ hyaṅ śambhu hyaṅiṅ brata, tigaṅ tahun lavasnya, pha, drәman aputra, siṅ prih meṅgal katəkan.

hana brata maṅan pisan sadina, sakavaśaniṅ abrata, saṅ hyaṅ śambhu hyaṅnya, pha, majanma riṅ kula putra, siddha saprayojananta.

hana brata yan amaṅan anūtakǝn vulan, lvirnya, taṅgal pisan, sakәpǝl, yaniṅ avuvuh taṅgal, avuvuh sakәpǝl, makahiṅan lima vәlas kәpǝl, yaniṅ pūrṇama, apan atambǝh sakǝpǝl irikaṅ sarahina, kunaṅ ri paṅlvaṅ, lvaṅana ta ya sakәpǝl, naṅkǝn rahina, avәkasan aṅupavaśa yaniṅ tilǝm, tәluṅ lek samayanya, bhaṭāra indra hyaṅnya, ma, Om̐ surendrāya namah, pamit, pha, mantuk iṅ pada bhaṭāra śiva, sasarnya majanma riṅ ratu prajñan, mvaṅ viku bahu śiṣya kita.

hana brata pattrāhāra, ṅa, amaṅan sarva roṇḍon, sari-sari, bhaṭāra maheśvara hyaṅnya, ma, Om̐ Om̐ maheśvarāya namah, pamit, pha, mantuk iṅ svarga bhaṭāra guru, sasarnya mañjanma riṅ svarga bhaṭāra brahmā, mvaṅ bhaṭāra viṣṇu, yaniṅ dlāha.

hana brata phalāhāra, ṅa, maṅan sarvaphala, sari-sari, bhaṭāra brahmā hyaṅnya, ma, Om̐ Am̐ brahmane namah, pamit pha, mulih mariṅ svarga bhaṭāra guru, mvaṅ umaṅgguh śiva pada, sasarnya mañjanma riṅ kula putra kiteṅ dlāha.

hana brata nirambu, ṅa, tan pamaṅan sarva ambә-ambә, bhaṭāra rudra hyaṅnya, ma, Om̐ namo rudrāya namah, pamit, pha, mantuk iṅ pada bhaṭāra rudra, sasarnya añjanma riṅ lituhayu prajña kita.

hana brata ṅasaṅa, ṅa, abrata yan aṅkǝn kasaṅa, saṅ hyaṅ bāyu hyaṅnya, ma, Om̐ tam̐ bāyave namah, pamit, pha, mantuk iṅ svargan bhaṭāra prajāpati, rare mukti sukha tәkeṅ atuha.

hana brata mopavāsa, aṅkǝn dvadaśi śukla pakṣa, kālaniṅ kapitu juga, brata bhaṭāra bhīma, ⟨ṅa⟩, ma, Om̐ bam̐ bhīmāya namah, pamit, pha, vīryavan kapintuhu deniṅ ratu, sugih mās pirak, mvaṅ rare hulun, putra vrәddhi, siddha kāryanta.

hana brata aṅasta, ṅa, amaṅan i haryan, lәpa-lәpaniṅ taṅan kiva, mevaka uyah, tumpaṅakәn iṅ taṅan, sabhāgya yan tan pauyah, pha, agə̄ṅ kasiddhyanta, apagǝh kaprajñanta tan medan.

hana brata pratipāda supta, ṅa, yan aturu pisan, tan paturu muvah, pha, ikaṅ abhicāra vәdi iri kita.

hana brata trisandhyā, ṅa, madyus piṅ tiga sarahina, mvaṅ vәṅi, pha, lituhayu, sugih lәvih sakiṅ tapa vijilnya.

hana brata amr̥ta māsa, ṅa, maharyan rvaniṅ vuṅlon, makādi añcaṅkokiṅ vvahnya, pha, siddha siṅ sakāryanta, lituhayu, sugih subhaga kita.

hana brata narahan, ṅa, tan pamaṅan savrәddhiniṅ srī, vәnaṅ sarvamaṅśa paṅanǝnta, pha, siddha siṅ pinalakunta, kinahyunaniṅ strī kita.

hana brata nirāmiṣa, ṅa, tan pamaṅan sarvamaṅśa, lvire, kәbo, sapi, celeṅ, makādinya tan paṅanǝnta, kevala siṅ tan kәneṅ olah, ivak kaṅ kәna paṅanǝnta, isiniṅ lvah, mvaṅ tambak, isiniṅ sāgara, kakaraṅan, iku vәnaṅ bhuktinta, pituṅ lek samayanya, pha, lәvih sakeṅ samanta janma, tan hana niriṅane kita, tur mantuk iṅ svargan bhaṭāra viṣṇu, sasarnya majanma riṅ viku bahu śiṣya,hayu tәmǝn.

hana brata nirāmiṣa, yan amaṅan mevaka uyah, satahun tigaṅ lek samayanya, hyaṅ īśvara hyaṅnya, ma, Om̐ mam̐ īśvarāya namah, pamit, pha, siṅ pinrih meṅgal katәmu, tur kinasihan deniṅ rāt kita, mvaṅ deva bhūṭāsih iri kita.

hana brata candra vr̥tti, ṅa, vrr̥ti ginave candra rūpa, panunu sәkul saśirahiṅ vānara gə̄ṅnya, yan kālanta maṅan, pasaṅ taṅ vr̥tti, tumpaṅakәn iṅ sәkul, saśirahiṅ vānara, umarәp vetan kita maṅan, yan mati ika riṅ vr̥tti , avusana denta amaṅan, pha, siṅ kāryanta meṅgal, siddha katәmu siṅ pinakṣa, subhaga kita, kinasihaniṅ saṅ paṇḍita, mvaṅ saṅ prabhu, rәsǝp asih kabeh kabeh.

hana brata ṅrakta, ṅa, amaṅan lakәtan baṅ, satahun divasanya, pha, siṅ kāryanta siddha, mvaṅ mantuk iṅ svarga bhaṭāra brahmā, sasarnya mañjanma riṅ baṇyaga sugih.

hana brata durga, ṅa, amaṅan sәkul jali, limaṅ lek samayanya, pha, mantuk iṅ svarga bhaṭāra viṣṇu, sasarnya mañjanma riṅ viku bahu śiṣya.

hana brata kanaka drava, ṅa, amaṅan sәkul kuniṅ, tigaṅ tahun samayanya, pha, mantuk iṅ svarga saṅ hyaṅ mahādeva, sasarnya mañjanma riṅ da mpuhavaṅ sugih.

hana brata phala āhāra, ṅa, amaṅan sarvaphala, tigaṅ lek samayanya, pha, mantuk iṅ svarga bhaṭāra sadāśiva, sasarnya mañjanma riṅ vvaṅ sugih, bahu śiṣya, bahu vadvā.

hana brata ndhūma, ṅa, tan pamaṅan tampakiṅ apuy, tigaṅ tahun samayanya, pha, mantuk iṅ svarga bhaṭāra brahmā, sasarnya mañjanma riṅ vvaṅ sugih saṅkan rare, lituhayu paripūrṅa.

hana brata ṅalivon, ṅa, moliha pituṅ tumpǝk kalivon, pha, prih meṅgal katәmu.

hana brata maṅan sarva vīja, mvaṅ pucukiṅ alaṅ alaṅ, pha, vāk bajra, siddhi mantra, jaya kita.

hana brata bhūmi patra, ṅa, yan amaṅan tan paharyan, saṅaṅ tahun samayanya, pha, kasambega deniṅ saṅ paṇḍita, sugih lәmah sīma, vrәddhi kaṅ varga kadaṅta, pinituhu deniṅ rāt, bahu śiṣya, vidyā āgama, kinatvaṅan de saṅ prabhu, yoganya śila gaṇa juga, maṅkana phalanya.

hana brata anūtakǝn puṣpa bhaṭāra gaṇa, amaṅan moliha nǝm kәpǝl pisan aṅkǝn dina, pha, mantuk iṅ pada bhaṭāra guru, sasarnya mañjanma riṅ viku ijo, śakti dūradarśaṇa, sojarira keḍәp.

hana brata tan paṅinum bañu, ri huvusniṅ amaṅan, pituṅ tahun samayanya, pha, tan kacalan phalanta.

hana brata tan paṅinum bañu, aṅinaṅ sәrәh tan vinalik, satahun samayanya, pha, cinavǝtan deniṅ strī, yaniṅ strī tinapihan deniṅ kakuṅ, tәhәr tan mandi ikaṅ viṣya iri kita.

hana brata ṅekadaśi, ṅa, yan taṅgal piṅ savәlas iṅ kasapuluh, kita matiāhāra, moliha tigaṅ kasapuluh, pha, mantuk iṅ pada bhaṭāra īśvara, sasarnya mañjanma riṅ ratu śakti.

hana brata lәvih sakeṅ pañca mona, ikaṅ amona sadā kāla, aṅraṅkul brata kabeh, pha, kapaṅgih suka magə̄ṅ, mañjanma riṅ sugih saṅkan rare, sugih sәkul, atәhәr saśabdanta keḍәp deniṅ rāt kabeh.

hana brata maḍaṅ, ṅa, tan pamaṅan sәkul madaṅ, pituṅ lek samayanya, pha, akveh vvaṅ harṣe kita.

hana brata tan kәneṅ dyus, tan kәneṅ lǝṅa, tigaṅ lek samayanya, pha, lituhayu paripūrṇa, wicakṣaṇa, kinasihan deniṅ samanta janma.

hana brata maṅan tan pakevuhan, tan karәṇan, tan vәnaṅ akarvan, satahun samayanya, pha, keḍәp deniṅ rāt, lituhayu paripūrṅa, prih meṅgal katәmu.

hana brata maṅan tan paimbuh, pituṅ tahun samayanya, pha, prih meṅgal katәmu.

hana brata aṅraditya, ṅa, aṅkǝn raditya amatiāhāra, satahun samayanya, pha, vāk bajra, siddhi mantra, jayeṅ śatru kita.

hana brata maṇḍāva, ṅa, amaṅan limaṅ kәpǝl sari sari, limaṅ lek samayanya, pha, aṣṭaguṇa, subhaga paripūrṇa.

hana brata saṅ bhīmā, ṅa, yan taṅgal piṅ pat bǝlas iṅ kapitu, amatiāhāra, pha, suka vrәddhi, siddhi mantra, jayeṅ śatru, keḍәp deniṅ rāt, prajña bisa agamǝl, aṅiduṅ, sugih mās pirak, mvaṅ rare hulun, vәnaṅ vәnaṅ, kәbo sapi, akveh punpunanya, kramanya, yaniṅ tәṅah vәṅi aṅadǝg aṅekapāda, tan kәneṅ turu, mvaṅ asaṅguni, siddhi kita.

hana brata tan pamaṅan ivak bavi, pha, tan kataman deniṅ sarvaviṣya, mvaṅ ila vuḍug, sakvehnya paḍa doh, siddhi mantra kita, deva bhūṭa paṇḍita mānuṣa paḍa sih.

hana brata mәgat rasa, ṅa, tan pamaṅan ivak celeṅ, tan pamaṅan asiyuṅan, tan pamaṅan ivak taṅiri, tan pamaṅan kәtan gajih, tan pamaṅan duryan, mvaṅ naṅka, mvaṅ gәḍaṅ varaṅan, tan pamaṅan kacaṅ hijo, kunaṅ phala buṅkah, phala gantuṅ, pha, śakti lәvih, sakārәpta katəkan tǝmbe.

hana brata ṅasapuluh, ṅa, bratanira saṅ sinuhun iṅ panatharan, kramanya nәkul bañu, tan paṅinaṅ, amvitane ri taṅgal pisaniṅ kadaśa, avusana ri tilǝmi kasapuluh, salek samayanya, rehi caru amvit, yan alәkasa brata, anǝmbah iṅ saṅgar, ca, tumpәṅ gurih, ivak lambaraṅ itik, dulurana gәraṅ grih, kapitiṅ, antiga, kacambah, pelas lalab, uraṅ iṅasinan, pisaṅ kǝmbaṅ, raka vovohan, duvәgan, tәbu, bañu kuvuṅ, sәkar maṅle, gambir inaṅgit, maṅle tuñjuṅ, campaka, salviraniṅ kǝmbaṅ vaṅi, aturakәn iṅ deva, lәṅa vaṅi burat vaṅi, hurap urap jajā, sakalviraniṅ amikāmikan, vastra piṅe saparadǝg, sasari gnǝp, hartha, 225, dhūpa dhipā mәñan caṅdhanā, mvaṅ candhanenasab, vija kǝmbaṅ sәkār urā, nihan deniṅ amantrā, mvītā sǝsǝdhǝp rumuhun, kavrәttārok lavan madhu, sǝsǝdhǝpakәna, dukāmvita ta ya, anǝmbahakәna kavaṅi, riṅ saṅgar, ma, Om̐ śrī mahādevāya namah, tәlas, ṅaturi caru, ma, Om̐ devadāru vidadhāmi, sa ba ta a i, nama śivāya, a u ma, ah, Om̐ devās sukham bhavantu, tәlas ta ṅǝmbaṅ urā, anambuta brata, savulan anәkul bañu, amәkasaneṅ tīlәm, sǝsǝḍǝpi samaṅkana, Uyah harәṅ, ma, Om̐ namo mahā devāya namah, namah śivāya, avighnam astu. caruniṅ labahana brata, sapuluṅ sapuluṅ mevakǝmbaṅ, kadi ṅūnī mantra. yan āṅarddhānakǝñ caru, kadi duk amvita juga, huvusan, ma, Om̐.

hana brata vr̥kodara, ṅa, savulan lavasnya, amvitana i taṅgal pisan iṅ karo, tan pamaṅana sarvaprāṇi, mvaṅ salviriṅ vijiliṅ sagāra, śāntā veṣa ta kita, mavastra piṅe, agәgәlaṅa lave kinuniran, taṅan tәṅǝn, hayva mamati mati sarvāmbәkan, makacarunya amvita brata, sәkuliṅ tamas, ulamana sarvagaṅan, vaḍah limas, tuhuṅ salvirnya, papare, baligo, sambǝl, salviranya tan patarasi, gogoreṅan kolentaṅ, cacaṅanon ginoreṅ, mvaṅ papare ginoreṅ, padha ǝmbanana sasavi, hǝmba sakalor, huvus ratǝṅ tumpaṅakniṅ sәkul iṅtamas, makadi yan ana pәhan, miñak, mavaḍah limas, den aśrī deniṅ aniṅkah caru, sәḍah voh, raka vovohan, pisaṅ kǝmbaṅ den asaṅkǝp, duvәgan, upacara dhūpā dhipā, vija caṅdanenasab, sajiakәna paraniṅ caru, riṅ bhaṭāra gaṅāpati, saṅ bhrәṅgiritī, saṅ hyaṅ iśvarā, bhaṭārī umā, sira paḍa aturana caru, lumәkas kita anambuta brata, maśucya radina śarīra, aṅabakti riṅ saṅgar, ma, Om̐ nandīśvara mahākālaya namah, Om̐ bhrәṅgiriṭībhyaṃ namah, Om̐ sam̐ sāptaṛṣibhyo namah, Om̐ maheśvarāya namah, Om̐ śrī umāyai namah, tәlas haturakǝn carunta riṅ deva, ma, Om̐ im̐ namah, Om̐ deva carave namah, amr̥tātmakāya svāhā. yan alabvana brata kadi ṅūni, duk vahu lumәkasa brata, luvarana gәlaṅ lave kuniṅ, mahuvusana ri tibhadralǝmiṅ bhadravāda juga.

nihan tiṅkahiṅ abrata riṅ amr̥ta māsa, ṅa, alǝkasa kita amati gәni, samaptā rahinā, mvaṅ caru sarvapavitra, tumpəṅ putih, papaṅgaṅ itik, gәraṅ grih hantiga, sәḍah voh, raka vovohan, pisaṅ kǝmbaṅ, dhūpa den asaṅkǝp. nihan paṅvijinya,

§1 yaniṅ vulan kapat, pūrṇama, stutinira riṅ saṅgar, ma, Om̐ ṣṭace devamr̥tatvaṃ, pūrṇamasi namostute, māṃ mocaya sarvapapebhyaḥ, candra leki gacchata. haturakәna carunta kadi ṅūni, ma, Om̐ devacarave namaḥ, candradevāya svāhā.

§2 yaniṅ vulan kalima, tilǝm, stutinira riṅ saṅgar, ma, Om̐ mitri devāmr̥tatvaṃ, avamasya namostute, māṃ mocaya sarvapapebhyah, aghnilokaṃ sa gacchati. haturakәna carunta kadi ṅūni, ma, Om̐ deva carave namaḥ, agnidevāya svāhā.

§3 yaniṅ vulan kanǝm, taṅ, piṅ, 8, stutinira riṅ saṅgar, ma, Om̐ kr̥ṣṇāravā devāmr̥tṭvam, aṣṭāmyantu namostute, māṃ mocaya sarvapapebhyaḥ, viṣṇu lokaṃ sa gacchati. haturakәna carunta kadi ṅūni, ma, Om̐ deva carave namah, viṣṇudevāya svāhā.

§4 yaniṅ vulan kapitu, taṅ, piṅ, 13, stutinira riṅ saṅgar, ma, Om̐ baruṇā devāmr̥tatvaṃ, trayodām namostute, māṃ mocaya sarvapapebhyaḥ rudra lokaṃ sa gacchati. haturakәna carunta kādī ṅūni, ma, Om̐ devacarave namah, rudradevāya svāhā.

§5 yaniṅ vulan kavolu, taṅ, piṅ, 2, stutinira riṅ saṅgar, ma, Om̐ vivasvā devāmr̥ttatvam, dvātiyeva namostute, māṃ mocaya sarvapapebhyaḥ, sūryyalokaṃ sa gacchati. haturakәna carunta kadi ṅūni, ma, Om̐ deva carave namaḥ, sūrya devatāya namah svāhā.

§6 yaniṅ vulan kasaṅa, taṅ, piṅ, 6, stutinira ri saṅgar, ma, Om̐ astunāthadeva amr̥tatvaṃ, pāṣṭyentevā namostute, māṃ mocaya sarvapapebhyaḥ, arkalokaṃ sa gaccati. haturakәna carunta kadi ṅūni, Om̐ devacarave namah, arkadevāya svāhā.

§7 yaniṅ vulan kadaśa, taṅ, piṅ, 4, stutinira riṅ saṅgar, ma, Om̐ yāgave devāmr̥ttatavam, catur ddhyantu namostute, māṃ mocaya sarvapapebhyaḥ, brahmalokaṃ sa gacāti. haturakәna carunta kadi ṅūni, ma, Om̐ devacarave namah, dhatr̥devāya svāhā.

§8 yaniṅ vulan jyeṣṭa, taṅ, piṅ, 5, stutinira riṅ saṅgar, ma, Om̐ Indrāve devāmr̥tatvaṃ, pañcamyāntu namostute, māṃ mocaya sarvapapebhyaḥ, Indralokaṃ sa gaccati. haturakәna carunta kadi ṅūnī, ma, Om̐ devacārave namah, Indradevāya svāhā.

§9 yaniṅ vulan saddhā, taṅ, piṅ, 1, stutinira riṅ saṅgar, ma, Om̐ Aryyamadevāmr̥tatvaṃ, praṭipadī namostute, māṃ mocaya sarvapapebhyaḥ, Aṣṭalokaṃ sa gaccati. haturakәna carunta kadi ṅūni, ma, Om̐ devacarave namah, Arkadevāya svāhā.

§10 yaniṅ vulan kasa, taṅ, piṅ, 10, stutinira riṅ saṅgar, ma, Om̐ bhaghāna devāmr̥tṭatvaṃ, bhaṣāmyantu namostute, māṃ mocaya sarvapapebhyaḥ, sūryalokaṃ sa gaccati. haturakәna carunta kadi ṅūni, ma, Om̐ devacarave namah, bhaghanadevāya svāhā.

§11 yaniṅ vulan karo, taṅ, piṅ, 7, stutinira riṅ saṅgar, ma, Om̐ puṣyadve devāmr̥tatvaṃ, saptāmyantu namostute, māṃ mocaya sarvapapebhyaḥ, sūryalokaṃ sa gaccati, hatūrakәna carunta kadi ṅūni, ma, Om̐ devā carave namaḥ, puṣyadevāya svāhā

§12 yaniṅ vulan katiga, taṅ, piṅ, 9, stutinira riṅ saṅgar, ma, Om̐ ṣajjādyah devāmr̥tatvaṃ, navaṣyantu namostute, māṃ mocaya sarvapapebhyaḥ, Indrālokaṃ sa gaccati. haturakәna carunta kadi ṅūni, ma, Om̐ deva carave namah, Indradevāya svāhā.

gәnǝp tiṅkahiṅ brata samaṅkana, rva vәlas vulan, kālaniṅ amr̥ta māsa, amati gәni, kapaṅgih de saṅ haṅanakǝn brata, dīrgha yuṣa paripūrṇa, riṅ dlāha, mandadi ratu viśeṣa, hayva cavuh yan kālaniṅ abrata, tәlas.

sma, ta brataṅkǝna mravani siṅ pravani, uttama dahat, tuhva gaṇa ta ya brata, byakta tuṣṭātmaka saṅ pitaranira, təka riṅ kaki buyutira sukha, nitya sukhātmaka vaneh, ika ta den agatiniṅ amaṅun ayuniṅ śarīrātma

hana brata adyus anuṅku rāt, ṅa,

§1 yaniṅ śravaṇa masa, adyus ḍavuh, 7, pisan riṅ sore, pha, hulun masih iri kita.

§2 yaniṅ bhādravada, adyus ḍavuh, 4, pha, kasubhagan anuṅku rāt.

§3 yaniṅ asuji, adyus ḍavuh, 5, pha, sarvasalaka tәka.

§4 yaniṅ karttikā, adyus ḍavuh, 8, riṅ rātri, pha, bahu putra.

§5 yan riṅ margghā sira, adyus ḍavuh, 4, riṅ rātri, pha, prabhu masih.

§6 yaniṅ poṣya māsa, adyus ḍavuh, 6, sore, pha, vīryavan.

§7 yaniṅ māgha māsa, adyus ḍavuh, 8, vaṅun rahina juga, pha, sugih pari.

§8 yaniṅ phalguṇa māṣa, adyus ḍavuh, 2, rahina, pha, bhoga gə̄ṅ katәmu.

§9 yaniṅ cetra māsa, adyus ḍavuh, 3, rahina, pha, deva masih sarva kāryanta siddha

§10 yaniṅ veśakha māsa, adyus ḍavuh, 4, pha, laraniṅ hati hilaṅ.

§11 yaniṅ jyeṣṭā, adyus ḍavuh, 4, pha, siṅ kāryanta katəkan.

§12 yaniṅ aṣādha masa, adyus ḍavuh, 7, pha, añjrahakǝn mās pirak, maṅkāna kramanya.

Iti śarīra śuddha, bhūmi socca, ṅa.

hana brata ṅulante, ṅa,

§1 amilaṅ vulan, kasa, tan pamaṅan sarva buṅkah, pha, dadi sarva tinandur.

§2 vulan, 2, tan pamaṅan sapi, pha, sugih sapi, tan kagǝriṅǝn.

§3 vulan, 3, tan pamaṅan, pha, sugih vvit, tan gǝriṅ aguṅ, halaṅ halaṅ.

§4 vulan, 4, tan pamaṅan sarva roṇḍon, pha, dadi sarva rumambat, sarva gumantuṅ.

§5 vulan, 5, tan patukar, tan panǝmbuṅ rare cili, pha, keḍәp mavәka paṅucapta.

§6 vulan, 6, tan paluluṅhā, tulak vali, yan luṅhā, pha, sugih kavula,vrәddhi kabeh tur akeh.

§7 vulan, 7, tan pamaṅan sәga, pha, sugih pari, tan kakuraṅan tajak.

§8 vulan, 8, tan pamaṅan suku paat, pha, sugih drәve sarva vr̥ddhi.

§9 vulan, 9, tan pamaṅan asu, pha, apәkik tan pahes.

§10 vulan, 10, tan tumәṅeṅ tavaṅ, pha, prajñan kita.

§11 vulan, jyeṣṭa, tan pamaṅan garәm, pha, sugih bhūmi, tan ilaṅ takonakәna, tur keḍәp kapintuhu.

§12 vulan, saddhā, tan paturū lavan strī, strī tan paturu lavan lanaṅ, pha, drәman alaki, kinasihaniṅ lanaṅ, lanaṅ kinasihaniṅ vadon, tur keḍәp sapaṅucapta .

nihan aji tutug kavruhakәna,

§1 pūrṇamaniṅ kasa, saṅ hyaṅ amūrva bhuvana, pinakabapa, asih ri pinakeṅ huluṅ

§2 pūrṇamaniṅ karo, saṅ hyaṅ madhu sudhana, pinakababu, asih ri pinakeṅ hulun.

§3 pūrṇamaniṅ katiga, saṅ hyaṅ madhu kusuma, pinakāvakiṅ hulun lituhayu paripūrṇa, drәman keḍәp puruṣa viśeṣa, prajñan vicakṣaṇa, sukha sugih.

§4 pūrṇamaniṅ kapat, saṅ hyaṅ asmara pinakalakiniṅ hulun, apәkik prajurit vicakṣaṇa, puruṣā viśeṣa, prajñan sukha sugih jayeṅ śatru, asih pinakeṅ hulun.

§5 pūrṇamaniṅ kalima, saṅ hyaṅ manobhava, pinakaanakiṅ hulun, panǝṅgǝk lanaṅ, apәkik prajurit, asih pinakeṅ hulun.

§6 purṇnamāniṅ kanǝm, saṅ hyaṅ atanu, pinakasanakiṅ hulun lanaṅ, paṅgulu, sukha sugih, asih pinakeṅ hulun.

§7 purṇamaniṅ kapitu, saṅ hyaṅ kāma jaya, pinakasanakiṅ hulun lanaṅ panәṅah, asih pinakeṅ hulun.

§8 pūrṇamaniṅ kavolu, saṅ hyaṅ kāma ratih pinakasanakiṅ hulun lanaṅ vuruju, sukha sugih hasih ri pinakeṅ hulun.

§9 pūrṇamaniṅ kasaṅa, saṅ hyaṅ kumara, pinakakṣana, dukiṅ hulun apaṅanten pinasәlaṅ.

§10 pūrṇamaniṅ kasapuluh, saṅ hyaṅ amadhapa, samana dukiṅ hulun ābobot.

§11 pūrṇamaniṅ jyeṣṭā, saṅ hyaṅ kumara, pinakaanak lanaṅ pambayun, hapkik prajurit, hasihiṅ pinakeṅ hulun, puruṣā viśeṣā, prajñan vicakṣaṇā, jayeṅ śatru, ahiḍǝp pinakeṅ hulun.

§12 pūrṇamaniṅ aṣādha, saṅ hyaṅ komari, pinakaanak vadon paṅgulu, lituhayu paripūrṇa, drәman keḍәp, puruṣa viśeṣā, prajñan vicakṣaṇā, ahiḍәp pinakeṅ hulun.

phalaniṅ hulun aṅaji tutug, aṅavruhākǝn anutuga bapa, ababu, tutuga malaky arabi, mahanak anak tutug asanak, tutug akaki anini, tutug aputu habuyut, tumus riṅ tǝmbe, abagus kalavan ayu, paripūrṇa, drәman keḍәp, sukha sugih, śrī sadana, mās maṇik, dodot lәmǝs, akveh dasih, vәnaṅ vәnaṅ asuku pat, hasuku ro, sugih tanyakәna hiren, siddha saprayojaṇa, siddha salampah salaku, lǝvih kapaṅgih riṅ tǝmbe pañjanman, lәvih kapaṅgih maṅke, bhagavan pañarikan hanulisākǝn, saṅ hyaṅ triyodaśa sākṣi anakṣeni, bhaṭāra hyaṅ kabayan hañjǝnǝṅi.

nihan kramaniṅ abrata riṅ śaśih, ka, 4, riṅ pratipāda śukla, caru śuci riṅ saṅgar, saḍaṇḍanan sovaṅ, riṅ sor pupulāsәkar sataman, әnahakәna riṅ arәpiṅ saṅ amūjā, vusniṅ abhakti, tinīrthan, tәhәr aṅupāvasa, sadina sarātri, ikaṅ pupula mvaṅ sәkar sataman, tәhәr vinaveṅ paturvan pinajaṅ pajaṅan, mәne riṅ ḍavuh, 2, təkaniṅ ḍavuh, 7, aṅarәpakәna labahan sәga pita, ivak itik ginoreṅ saha sasahur, yan tan hananiṅ itik, hantiga kunaṅ, garәm, antajinya, caturdaśa dina, tan dadi anapak rigǝd, asidampati, ṅa.

mәne ri pūrṇamaniṅ kapat, yan ahyun amūjā smara, hinyasan tikaṅ yaśa riṅ pamarantyan pinajaṅ pajaṅān, uṅgvaniṅ abrata, yan vala pitambhara, yan vr̥ddha śvetāmbhara, amarәm pva saha paragi, ry uvusniṅ aśuci adyus, riṅ saṅgar, ca, rvaṅ daṅdhanan den jaṅkǝp saha catur, limas aguṅ, iseni sәga kuniṅ, ivak itik ginoreṅ, vinaṅgun hurip, gegembon, ṅa, hantiga pinәlut, kampuhi cicirupan, tancǝbi sәkar tәlǝṅ, tumpaṅana riṅ limas aguṅ, tetebhogan iseni sәga kuniṅ, masasahur, mevak itik ginoreṅ, vinaṅun hurip, lalamaka daluvaṅ, tulisi svara vyañjana, riṅ ibu dәṅǝn, caru madandanan sovaṅ den jaṅkǝp, caru riṅ sumur, tumpәṅ, 1, lalampadan, sasamuhan taḍah pavitra, caru riṅ sor kadi isiniṅ pasilih, tan kari pupula, sәkar sataman, tәlasniṅ caru tәrapakәna sirәmiṅ asәkar, lumәkas dhaṅ gurv amūjā sūrya śevana, kadi ṅrahina, taṅ abhakti sūrya, candra, saṅgar, ibu, dәṅǝn, kabasəṅ sumur, tiṅkahiṅ aṅabhakti, dukiṅ sore, tәṅah vәṅi, meh rahina, vusniṅ aṅabakti, kinonta dyus aśucya taṅ abrata, tәhәr iṅaskāran sinaṇḍiṅan pәras, tinīrthan jinaya jaya, tәlas.

alabuhana brata, padamәl, sәga livәt, tiṅkahiṅ aṅlivәt, ḍaṅḍaṅ tulisana padma, vusniṅ anajeni, syokniṅ antiga tambar, tutupi, yan vus matәṅ әnahana muṅgviṅ tapi, jinaya jaya, muvah jaṅan raratusan, sabhāgyan molih, 108, vārṇa, paruko tulis padma, ikaṅ nasi linivǝt tinumpaṅan gaṅan, muvah tumpǝṅ, isenana jǝbug arum, kaṅ vutuh, sadǝk, duk aṅaroni tinitisan madhu, pәhan, ivaknya carmaniṅ kәbo yos baraṇa, iṅǝmbana don, mvaṅ jǝbug arum, sami rinәcah, tәlas, nәhǝr tan kәneṅ turu, riṅ rahinanya, samaṅkana juga sakottamanya, satutugiṅ reh.

kunaṅ phalanya, ilaṅ ikaṅ sarvavyādhi, sarvaduṣṭa, sarvabhaya, sarvabhoga kapaṅguh, kākarṣaṇa rikeṅ rāt, lituhayu paripūrṇa, svarga kapaṅgguh, mvaṅ kaniśrayasan, dulurana ulah rahayu, tan paṅambah laraṅan, matvaṅ riṅ vvaṅ atuha, priyambada, tan vāk paruṣya, agәlәm ataṅi, mabrata aṅkǝn ve hayu, mvaṅ katәpǝtaniṅ kasamyajñānan.

madhu parkas tu yad bhakṣyaṃ, sarvadeva samanvitah, na sthama canarajñatva, sarva deva samānvitaṃ.

Ikaṅ devata hana sanidva, ri saṅ hyaṅ madhu parka, sira juga hiḍәpan raṣananta, kadilihñca mahādeva, arthanya, ikaṅ madhu viṣṇu devatanya, air tәbu brahmā devatanya, pәhan iśvara devatanya, punti mahādeva devatanya.

lavaṇe rudra ity uktaṃ, bhr̥ṅgure śambhur mucyate, pattrāvāse śivo jñeya, ity etad devataḥ sthitaḥ.

hyaṅniṅ uyah rudra, hyaṅniṅ bhrәm guru, hyaṅniṅ layaṅ sambhu, hyaṅniṅ lva śiva, nihan taṅ devata sanidya, hana riṅ madhu parka.

pituh pāpaṃ dahet sarpih, mātuh pāpañ ca madhunam, svātipāpaṃ dahet kṣiraṃ, gotrapāpaṃ kadalī ca.

arthanya, ilaṅ deniṅ air tәbu pāpaniṅ bapa, kavisarja denya, ilaṅ deniṅ madhu parka, pāpaniṅ babu, kavisarja denya, ilaṅ deniṅ pәhan, pāpaniṅ śarīranta, ilaṅ deniṅ punti, pāpaniṅ vvaṅ sanakta kaḍaṅ varga, kavisarja denya, mataṅnyan kayatnakәna deniṅ mantra madhu parka, ma, Om̐ madhu parkam idaṃ puṇyaṃ, pavitraṃ pāpa naśanaṃ, Īśvarenāsti saṃsr̥taṃ, punāti sakalaṃ jagat, mam̐, piṅ, 3, mamaṅan, piṅ, 3, maśucya.

saha pūjā parikrama karәhǝn, tәhәr aṅupavāsa, vusniṅ pinūjā, aṅabhakti kadi aṅabhaktiniṅ abrat.

ṅhadva kadva kadevye namah, pūr, Om̐ kusuma yuddha mamaka devye namah, da, Om̐ kadārpa daśa padha devye namah svāhā, pa, Om̐ manobhava strī mandha devye namah, ba, Om̐ makara dvajamandoratha devye namah svāhā, u, Om̐ mantra tatu bhaṅga devye namah, ai.

iti saṅ hyaṅ haṣṭa Devî. Om̐ hyaṅ hyaṅniṅ hyaṅ smara devāya namah, Om̐ Indrāya namah, Om̐ Om̐ svaṣṭiya namah.

pratyakṣatvamihaloka, manuṣa tvañca visuka devatvaṃ, sūkṣmatvaṃ sakalatvañca, atmatvañca śariratvaṅ. Eka rūpañca visuka sadanaṃ, candra vatsa tetemekaṃ, trei lokya viyosa śakti. Iśvara vara devañca, brahmājayañja vijayaṃ, mahādeva varatvañca, viṣṇu vijayare vañca. Indra rājaca jayatvaṃ, sarvadevāya ratvañca, sarvadeva devî tatvaṃ, trelokya sevitantah. cittamani mahendraśca, sarvakumara rājatvaṅ, kumara rāja sajñaccā, iṣṭa kamacayaṅ jakaṃ. aṣṭatanvavi patiñca, ugra devaca sajñakaṃ, sarvapāpa haret siddhi, sarvarogha praharaṇaṅ. sarvaśatru vinaśanaṃ.

smarastavā.

nihan kramaniṅ aśeva latri, asūrya śevana kita rumuhun, kadi sadina, huvusniṅ asūrya śevana, mariṅ pamiyosan, aṅarәpakǝn pīta, yan tan hananiṅ pīta, ujuṅaniṅ pisaṅ gәlarәn, śucena rumuhun, yan hananiṅ liṅga mās, salaka kuniṅ, pūjanǝn pratiṣṭa ri ujuṅaniṅ pisaṅ, makādi riṅ pīta, pūjanǝn riṅ kana, gәlarana padmāsana saprakaranya, təkaniṅ deva, pratiṣṭa, utpǝtyakǝn bhaṭāra sakiṅ hr̥dhaya, ma Om̐ mam̐ Am̐ Um̐ namah, iḍǝp saṅ hyaṅ muṅgviṅ liṅga, pūjāni vīja candana, saha sәminiṅ maja, sәkar kunǝṅ, muvah sthityakәna bhaṭāra riṅ liṅga, yan hananiṅ liṅga mās, salaka, yen tan hana salaka, sariniṅ vaduri piṅhe, gavenǝn liṅgakara, mantra sthiti, Om̐ Am̐ Um̐ mam̐ namah, pūjāni rvaniṅ maja, mvaṅ sarvasәkar, candana, vīja, sabhāgyan pūjāniṅ dhūpa, dīpa, ganta, mvaṅ japa ganitri, saha prāṇāyama, saha sǝmbah, liṅanta Om̐ Om̐ liṅga liṅga dipatayei namah, haturana gandhakṣata, puṣpa, dhūpa dīpa, mvaṅ caru, raka vovohan, sәḍah voh, liṅanta aṅaturakǝn, Om̐ Om̐ śivani vedyañca rūm dadami, amr̥ta deva caruvedadami, sa ba ta a i, nama śivāya, a u ma, Om̐. pūjā, piṅ, 3, dukiṅ sore pūrvaka, tәṅah vәṅi, mehniṅ rahina, deniṅ amūjā, tan kantun mantra, Om̐ Om̐ liṅgāye namah, Om̐ sadāśivaṅliṅgāya namah. mehniṅ rahina, ulihakәna sira riṅ antahr̥dhaya, puṇdharika muvah, liṅanta, Om̐ atma liṅggāya namah, Om̐ Om̐ Am̐ mam̐ namah,

yekiṅ mantra pralīna. Om̐ śivāya śiva liṅgāya, śiva sarvomaheśvarah, nama śivāya devāya, sadāśiva namostute. brahmā viṣṇviśvaro devah, sarvajñā parameśvara, utpati sthiti linañcah, liṅga deva namo namah. tuṅgal sthiti sarәpiṅ pralīna.

yen harәp śīva rātri cǝṇdhǝk, liṅanta, Om̐ Om̐ liṅgā liṅgādipataye namah, Om̐ Om̐ atma liṅgāya namah, sǝmbah duk sore, Om̐ Om̐ paramaśiva liṅgāya namah, sǝmbah tәṅah vәṅi, Om̐ Om̐ śūnya liṅgāya namah, sǝmbah meh rahina, sәminiṅ maja pinūjākǝn, sthuti tuṅgal, Om̐ nama śivāya, namo rudrāya, nispada parvatāya, saha sǝmbah sәminiṅ maja kunaṅ.

lviriṅ brata hayva kәna riṅ tamah, tamah harane turu, yatika kavaśakәna hayva lupa, i kālanta mabrata, hayva juga kita aturu ri rahina, hila hila, hilaṅ ulihta mabrata, asiṅ brata anisphala tan pantuka asiṅ sinadya, mataṅnyan kayatnakәna, hayva iman iman, ikaṅ tapa brata agәṅ phalanya, vāhya sukha katәmu donya, ikaṅ kayogiśvaran, kamokṣan phalanya, mataṅnyan hayva cumacadiṅ sira saṅ lumәkasakǝn brata tapa, hayva memeṅeniṅ vvaṅ abrata, hila hila liṅ saṅ hyaṅ.

nihan pabratan, aji sāriniṅ galuṅan, krama bantǝn ri saṅgar, bantǝn śuci adaṇḍanan, riṅ ibu dәṅǝn, paḍa mabuṅkul, riṅ toya abuṅkul, mantra paṅatǝr atәhǝr bhakti maṅavaṅi, ma, Om̐ jaya pravīra subiṅ rāt, sugih tan pamaṅun gave, muvah hakaravaṅan, abāṅ rūpanira, sarәṅit gə̄ṅira, ya iku sāriniṅ galuṅan, pinakasamәtoniṅ hulun, siṅ tan vruh sāriniṅ galuṅan, pinakakavulaniṅ hulun, sabhuvana, satuṅkǝbiṅ rāt, siṅ aṅavruhi sāriniṅ galuṅān, ya pinakasanakiṅ hulun, pinakasamәtoniṅ hulun, sasaṅoniṅ hulun, aṅavruhakǝn sarīniṅ galuṅan, salave lakṣa, salave kṭi, salave hiṅǝl, pinakapasasaṅoniṅ hulun, katәmu maṅko, katәmu tǝmbe, lǝvih katәmu tǝmbe, mәtu salakṣa sadina, Om̐ sa ba ta a i, nama śivāya, a u ma Om̐.

nihan brata añārin galuṅān, kramanya, yan kālaniṅ galuṅān, abantǝn jarimpǝn, saviji sovaṅ, әnahakәna ri harәpiṅ saṅgar, kaṅ riṅ saṅgar kadi kramaniṅ bantǝn kaṅ lagi lagi,, kaṅ riṅ ibu, kaṅ ri tәṅah, vuhana burat vaṅi, lәṅa vaṅi, mvaṅ bәras, 2, catu, artha, 225, pinūjā saparikrama, taṅ abhakti, vusiṅ aṅabhakti, amaṅan sarimpǝn, ryuvusiṅ amaṅan sarimpǝn, amaṅan sakavaśa, pūjāniṅ amaṅan sarimpǝn, Om̐ paduka bhaṭārī sāriniṅ galuṅan, mānuṣanira kinavruhakǝn sāriniṅ galuṅan, aṅisǝp sāriniṅ rahina, aṅisǝp sāriniṅ vәṅi, aṅisǝp sāriniṅ śrī sādhana, aṅisǝp sarvasāri, aṅisǝp sāriniṅ rāt bhūvana kabeh, hulun vruh sāriniṅ galuṅan, andadi ya bhujaṅgga lәvih, akaḍaṅ aratu, sukha sugih śarīraniṅ hulun, anak anak akeḍәp aputu abuyut, tumus tumǝrus, təkaniṅ anak putu buyutiṅ hulun, katəkana sapinakṣaniṅ hulun, saṅ hyaṅ triyodaśa sakṣi, anakṣeniṅ hulun, phalanya, siṅ kāryanta anәmu hayu, kinasihan deniṅ bhūta dәṅǝn, mvaṅ jәnǝk sahisiniṅ pomahan.

hana brata asusukhan, ṅa, riṅ pūrṇamaniṅ kapitu, piṅ, 7, sarahina, piṅ 7, savәṅi, amaṅan aṅinum, aṅigәl, bhaṭāra kapitu maveh brata, pha, sukha sugih, anak amitra, dīrgha yuśa, keḍәp kapintuhu.

hana brata dinulaṅ riṅ lek pituṅ lek ⟨,⟩ samayanya, pha, kinasihaniṅ rāt.

hana brata malaṅ lek deny amaṅan, deny aṅǝpǝl, pituṅ lek samayanya, pha, subhaga kinasihaniṅ strī.

hana brata mahucandra, ṅa, sabran maśoca yen masipat, ṅuniveh buddha irәṅ, mvaṅ raditya manis, ṅuniveh sāri sārikәna, saṅ hyaṅ maṇik bade hyaṅnya, satahun tigaṅ lek samayanya, pha, māsih saṅ hyaṅ candrāditya, tan lamur katon ahayu, mvaṅ pinicaḍaṅ.

hana brata ṅlintaṅ, ṅa, tan pamaṅan, yan tan mәtu lintaṅ pipitu sanak, lama tәṅah śaśih, pha, sugih dlāha, tur rūpānta tan akusut.

hana brata, sore amaṅan vus apasaṅ sande juga, brata tan pasuluh, ṅa, ya pinakarūpa, pinakavuvusiṅ padha vvaṅ, pha, siṅ sādhyanta katəkan.

hana brata tan pamaṅan ḍavuh tәlu, tan paṅinaṅ tan paṅinum vai, lamun huvusiṅ ḍavuh tiga, vәnaṅ aṅinaṅ amaṅan aṅinum, satahun divasanya, pha, sugih bhuvana, tur apәkik kaṅ rūpa.

hana brata, amaṅan naṅkǝn ḍavuh tәlu, amaṅan, aṅinum, kavaśa aṅinaṅ, pha, sukha sugih, sәḍǝṅ anom, anulus riṅ niṣkala.

hana brata ṅayu, ṅa, tan pamaṅan tatkālaniṅ saṅeṅe kulon, mvaṅ sakihupiṅ hyaṅ prabhaṅkara, satahun samayanya, hyaṅ prabhaṅkāra hyaṅniṅ brata, pha, hevanā mamūkti, siddha sāprayojñananta .

hana brata, amaṅan riṅ paturon, sәḍǝṅ kumarañcaṅ sǝṅeṅe, pha, drәman alaki.

hana brata aṅǝmbaṅ sabran manis, sarvakǝmbaṅ kiṅumpulakǝn, lavan uyah arәṅ, suruh pupucuk, yen amaṅan riṅ paturon, marәpiṅ ulon, yan amaṅan ḍavuh pisan, pha, pәkik akveh ulaṅunakǝn, yen strī aṅulahakǝn, drәman alaki, kinasihan riṅ paturon, marәpiṅ hulon yen amaṅan.

hana brata antara bakta, ṅa, amaṅan kāla tәṅah ṅve, yaniṅ vәṅi sәḍǝṅ sirәpiṅ voṅ, limaṅ lek lavasanya, pha, tisan kuras, sukha gə̄ṅ de saṅ paṇḍita.

hana brata, añjaya, ṅa, tan pamaṅan yan liṅsir, satahun pituṅ dina samayanya, saṅ hyaṅ kr̥ta bhuvana hyaṅniṅ brata, pha, kr̥ta kaṅ rāt, manuh kaṅ maraṇa, siddhi kanisihan deniṅ hyaṅ, kineriṅan deniṅ sarvagalak.

hana brata anrus tuñjuṅ, ṅa, yaniṅ pūrṇamaniṅ kapitu, adyus, piṅ, 7, sarahina, piṅ, 7, savәṅi, yan paṅloṅ, piṅ, 14, haśeva latrī, acaru śuci sadaṇdhanan, bhaṭāra guru hyaṅniṅ brata, pha, savighnanta hilaṅ, tur kinasihan deniṅ bhūta ḍәṅǝn, kinasihaniṅ tuhan mvaṅ samanta janma.

hana brata, anrus tuñjuṅ, ṅa, aturu aṅadǝg savәṅi, bhaṭāra śiva maveh brata, pha, śakti, sasarnya dadi ratu, sugih, tan hilaṅ takonakәna, maṅgǝh deśa, nora voṅ siddhi gave.

hana brata anrus tuñjuṅ, ṅa, ri taṅgal kapiṅ limaniṅ kapitu, amati agni, nĕhǝr tan kәneṅ paṅan turu, sarahina, savәṅi, bhaṭāra aśih prāṇa hyaṅiṅ brata, pha, śakti, amupu sāriniṅ brata kabeh.

hana brata anrus tuñjuṅ, ṅa, madyus piṅ tiga savәṅi, piṅ pitu sarahina, yan aturu sumaṇḍah, pha, vruh saguṇaniṅ voṅ kabeh, apәkik tan hana maḍani, tur prajurit pinakahuluniṅ sajagat.

hana brata, anrus tuñjuṅ, ṅa, adyus piṅ tiga savәṅi, piṅ tiga sarahina, tan paturu gumuliṅ, sumaṇḍah vәnaṅ, satahun divasanya, pha, vruh satata guṇaniṅ voṅ kabeh, prajurit apәkik tan hana maḍani, pinakahuluniṅ sañjata, savarṇaniṅ bhuvana norana maḍa, sanūsāntara kabeh tumiṅhaliṅ sira.ś

hana brata, anrus tuñjuṅ, ṅa, madyus piṅ pitu sarahina, piṅ pitu savәṅi, pha, lituhayu paripūrṇa, kaṅgapiṅ ratu, kinasihan deniṅ saṅ paṇḍita.

hana brata, anrus tuñjuṅ, ṅa, adyus, piṅ, 7, sarahina, mvaṅ riṅ vәṅi, asisirih kita, naṅkǝn vulan aguṅ, pha, vruh tan aga saparipolahta, bhuvana geger tumon iri kita.

hana brata trisandya, ṅa, amaṅan tigaṅ kәpǝl, sarahina, tigaṅ tahun samayanya, pha, mantukiṅ svarga bhaṭāra viṣṇu, sasarnya mañjanma riṅ lituhayu paripūrṇa, sukha magə̄ṅ.

hana brata, trisandhya, ṅa, madyus piṅ tiga sarahina, mvaṅ riṅ vәṅi, vusiṅ adyus asusura, masipata, pituṅ lek samayanya, pha, mulihiṅ kendran, sasarnya mandadi vvaṅ lituhayu paripūrṇa prajñan.

hana brata, kraca adyus, ṅa, adyus sarahina vәṅi, lǝṅa sipatnya, pha, svarga mantuk riṅ kendran, majanma vicakṣaṇa anulus, tur anom apәkik kalah ala.

hana brata, amaṅan sarvamǝntah, bhagavān aṅgaṣṭi hyaṅniṅ brata, pha, dadi deva, sasarnya dadi ratu, kinasihaniṅ hyaṅ, prajurit aṅalahakǝn ⟨śatru⟩ kabeh, norāna maḍanana, tan kәna seh abrata.

hana brata aśuci lakṣaṇa, ṅa, tan pamaṅan yan duruṅ ararahup, alǝlәṅa, pha, apәkik kerәṅan, saparipolihiṅ abrata, lәvǝsiṅ rambut, asәḍǝpiṅ paṅūcap, mvaṅ rūpā.

hana brata, nuci lakṣaṇa, ṅa, amaṅan ahes karuhun, pha, kerәṅan saparipolahta, alit arampiṅ, drәman alaki.

hana brata, mavastra śuddha mala, mantranya, Om̐ śuddha pāpa, śuddha mala, 3, śuddha śuddha pinariśuddha, śuddha śuddha pinarivastu. phalanya, hilaṅ malā patakā, pāpa kaleśanta, samayanya kaṅ brata, tigaṅ daśa dina, anambut riṅ tilǝm, asalah riṅ tilǝm, asalah brata, sah sәkar rvaniṅ śuddha mala, pәtekakәna rvanya, mañomponi petaṅan mantranya.

hana brata, yan taṅgal piṅ, 1, taṅgal piṅ, 2, taṅgal piṅ, 3, akambǝn śuddha mala, avastra saci, yan vus alabahan, pha, rūpanta lañjar, apәkik paripūrṇa, yan lanaṅ abrata, kalamar deniṅ strī, yan istri, kalamar deniṅ kakuṅ, andaka rūpa haraniṅ brata maṅkana.

hana brata malāhāra, ṅa, yan amaṅan maṅgis, duryan, sakalviriṅ vovohan, tigaṅ lek samayanya, pha, mantuk mariṅ svarga bhaṭāra guru, mvaṅ bhaṭāra saḍāśiva, sasarnya majanma riṅ vvaṅ sugih sujana.

hana brata ṅinaṅ suruh tәmu ros, jambe taṅ vәnaṅ tampakiṅ ladiṅ, ginitik, suruh lǝmbaran, apuh bubuk, pha, tәguh tan pakәmitan, tur keḍәp.

hana brata, tan pamaṅan jambe tan sinigar deniṅ ladiṅ, pha, tan tǝtǝs deniṅ sarvalaṇḍǝp, jaya ri yuddha tan kevǝhan.

hana brata, maharen vatu, deniṅ abrata, tәluṅ tahun, pha, tәguh bhuja kulit, tur kәlar.

hana brata, maṅan sakpәlǝl, lavasnya pituṅ vәṅi, pha, kinasihaniṅ rāt kita.

hana brata maṅan roṅ kәpǝl, lamanya pituṅ vәṅi, pha, guṇa tan kevǝhan.

hana brata, maṅan tigaṅ kәpǝl, tigaṅ vәṅi lavasnya, pha, kinasihan deniṅ rāt, imbuh imbuh tan paṅloṅ.

hana brata trisamaya, ṅa, amaṅan sәga tigaṅ kәpǝl, salek samayanya, saṅ hyaṅ tiga maveh brata, pha, kinasihaniṅ paṇḍita, guṇa mantra siddhi.

hana brata, trisamaya, ṅa, amaṅan tigaṅ kәpǝl, sarahina, tigaṅ tahun samayanya, pha, mantuk iṅ pada bhaṭāra viṣṇu, sasarnya mañjanma riṅ vvaṅ lituhayu paripūrṇa, suka magə̄ṅ.

hana brata, ekabhakta, ṅa, amaṅan sakәpǝl, pituṅ vәṅi samayanya, pha, prih meṅgal katәmu.

hana brata, maṅan pituṅ kәpǝl, pituṅ dina lavasnya, bhaṭāra gaṇa veh brata, pha kinasihan deniṅ rāt kabeh

hana brata, amaṅan ro vәlas kǝpǝl, pha, siddha kārya, amukti ṅaraniṅ brata maṅkana.

hana brata, amaṅan kupat kǝpǝt, mevaka sarvaśuci, 3, vәṅi divasanya, aṅalakimadā, ṅa, saṅ hyaṅ Iśvara sira turun brata, ya minakarūpa sira, pinakaśvaraniṅ aṅiduṅ, manisiṅ panutukan, brahmāṇi asuṅ rontal, pha, labdhavara riṅ rāt, makveh asih iri kita.

hana brata, amaṅan kupat kǝpǝl, tuṅgal ivaknya sarvaśuci, tigaṅ vәṅi divasanya, aṅali pada, ṅa, hyaṅ iśvara turun abrata, pha, ya pinakarūpa, pinakaśvaraniṅ aṅiduṅ, manisiṅ paṅūcap.

hana brata, amaṅan kupat kǝpǝl, pituṅ viji, amaṅan rahina, esuk sore , tәṅaṅ ṅve, titiga, sore, roro, ivaknya isiniṅ loh, salek lavasnya, pha, rinakṣa deniṅ ratu, kinasihan deniṅ voṅ sukha tǝmbe.

hana brata, amaṅan sakәpǝl, tatkālaniṅ taḍahan sapulukan, pituṅ vәṅi lavasan ika, pha, kinasihaniṅ rāt, mvaṅ jana nurāga, ekaki ṅaraniṅ brata maṅkana.

hana brata, aturu aṅadǝg, sabhāgya yen aṅeka pāda pisan, pituṅ vәṅi samayanya, yen kita amaṅan sakәpǝl sarahina, yan aṅinum bañu sahĕlǝd, tәluṅ dina, tәluṅ vәṅi samayanya, pha, sapocapan riṅ deva, byakta śakti tәkeṅ kamokṣan.

hana brata, maṅan rvaṅ kәpǝl, pituṅ vәṅi lavasanya, guṇa mogha dataṅ, tan kevuhan, phalanya, anidrā ṅaraniṅ brata maṅkana.

hana brata maṅan tigaṅ kәpǝl, trimasa, tiga vәṅi lavasanya, pha, kinasihaniṅ rāt, trisamaya ṅaraniṅ brata maṅkana.

hana brata, amañcagǝma, ṅa, amaṅan sәga limaṅ kәpǝl sāri sāri, limaṅ lek samayanya, pha, kinasihan deniṅ samanta janma, kaṣṭaguṇan, kavīryavan, kasubhāgyan sugih siddhi mantra.

hana brata, maṅan pituṅ kәpǝl, sapta latri lavasanya, guṇa moga ḍatәṅ, sarvaviṣya tan kataman kita, yeka phalanya, catur mukha ṅaraniṅ brata maṅkana.

hana brata, maṅan pituṅ kәpǝl, pataṅ lek samayanya, pha, amukti sukha riṅ dlāha.

hana brata, amaṅan saṅaṅ kәpǝl, naṅkәn pūrṇama, mṛtiāhāra, ṅa, moliha tigaṅ kasaṅa, pha, mantuk mariṅ svarga bhaṭāra indra, sasarnya mañjanma mariṅ vvaṅ lituhayu paripūrṇa, sugih saṅkan rare.

hana brata maṅan sadaśa kәpǝl, taḍah pisan, sadaśa lek lavasanya, pha, salvirniṅ lara rogha tan tame kita, aṅadhava ṅaraniṅ brata maṅkana.

hana brata, aṅapitu, ṅa, amaṅan pituṅ kәpǝl, moliha tigaṅ kapitu, pha, mantuk riṅ bhaṭāra brahmā, sasarnya majanma riṅ vvaṅ sugih saṅkan rare, lituhayu paripūrṇa.

hana brata, naṅkǝn radite umanis, amaṅan sǝga sakәpǝl, tәluṅ radite Umanis, pha, tis manak anak, tәrus tumus təkaniṅ anak putu buyut, sukha sugih tan kabañcana.

hana brata añәkul bañu, ṅa, kramanya, amaṅan sәga sakәpǝl, sadina, beñjaṅanya rvaṅ kәpǝl, puhanannya, 3, kәpǝl, tәlunanya malabahan, mantraniṅ amaṅan Om̐ nirogha, nirpāpa, nirmala, niṅ bape bu lukar mulih jati nityasā. amaṅan tan pahuyah, tan paivak, kneṅ dyus kevalā, tan kneṅ lisah, tan kǝneṅ vәḍak, tan paṅinum tuvak, tan paṅinaṅ, tan paturu riṅ rahina, tan kabañcaran, pha, hilaṅ salviriṅ lara roga.

manih brata añәkul bañu, riṅ cәkokiṅ taṅan paṅan sәga sakәpǝl, toya sacәkokiṅ taṅan, tigaṅ dina samayanya, sabhāgya, 5, dina, ma, kәbas valuya jāti. pha, nirlara vighna.

hana brata añәkul bañu, śa, vaḍahnya daḍasar cәmǝṅ, ma, Om̐ hana boloṅ tan pahudǝran, ana boloṅ tan pamala, nirvighna nirtaṅis, Om̐ śrī srīya namah svāhā, Om̐ mam̐ya namah svāhā. amita ri saṅ asәḍahan brata, riṅ saṅgar, ma, Om̐ mam̐ Iśvarāya namah svāha.

hana brata añәkul bañu, ṅa, amaṅan sacalovakaniṅ taṅan, pituṅ vәṅi samayanya, nasi kalavan bañu, ma, Om̐ nirroga, nirpāpa nirbapebu, lukǝṅ mulih jatinyasah, lukar sapāpaniṅ śarīra, mvaṅ pāpaniṅ bapebu.

hana brata ñәkul bañu, mañjiṅ lima, ṅa, puluṅ kaṅ sәkul, 1, inumi bañu, 1, malih amuluṅ sәkul, 1, inumi bañu, piṅ tәlu hiṅane, raris amaṅan, sakarәpiṅ amaṅan vәnaṅ, vusaniṅ amaṅan, ṅinum bañu, raris akәmuh avajik, aṅinaṅ, mariṅ vĕtǝṅi voṅ, samaṅkana uga kramanya, sagәlǝmiṅ abrata, uttama lavasnya satahun, ma, Om̐ hana boloṅ tan pamala, hana boloṅ tan paundǝran, nirvighna nirtaṅis nirroga, nirupadrava, niṅ mala malina, pha, hilaṅ sarvamalaniṅ śarīranta, kinasihan deniṅ saṅ prabhu, mvaṅ deva sih iri kita.

hana brata añәkul bañu, ma, saṅ drәmba moha, sira, maṅana riṅ pasar saṅ kāla viṣaya, sira maṅana mariṅ pajuden, saṅ kāla ṅaḍaṅ, sira maṅana riṅ dalan guṅ, saṅ kāla katuṅ, sira maṅana riṅ pajagalan, vusanira amaṅan, muliha mariṅ rāga valunaniṅ hulun, rovaṅaniṅ hulun makārya hayu, Om̐ siddhir astu.

hana brata tan paṅinum bañu, tatkālaniṅ amaṅan, yan kaśrәdhǝp, atәlasan pisan kita maṅan ⟨,⟩ pituṅ lek samayanya, pha, tan asǝrәt kaṅ sinadyanta, mogha mrih iri kita.

hana brata tan paṅinum bañu, satahun divasanya, pha, śakti, hyaṅ padma hyaṅniṅ brata.

hana brata amaṅan avaḍah goḍoṅ, sinaṅga riṅ taṅan kiva, tan pavuvuh, pha, kinasihan deniṅ rāt, vәkasan tan paṅinum bañu, sagәlǝmiṅ abrata, siddha sādhya phalanya.

hana brata amaṅan tan paimbuh, pituṅ tahun samayanya, pha, bhoga gәṅ təka.

Hana brata, tan dady atambǝh, pituṅ vәṅi lavasanya, medhā prajā siddha kārya phalanya, aniraṅ ṅaraniṅ brata maṅkana.

hana brata tan pavuvuh, tan paṅinum bañu, lamun sāmpun aṅinaṅ, aṅinum bañu vәnaṅ, sagәlǝmiṅ abrata, pha, prajurit kita.

hana brata amaṅana ron, sinaṅga tan patәḍa tan pavuvuh, tigaṅ vәṅi lavasnya, padma raṅkǝp, ṅa, saṅ hyaṅ capuriṅ rāt sira turun abrata, pinakagulu jariji suku, tәhәr kinasihaniṅ rāt.

hana brata amaṅan tan pavuvuh, pituṅ vәṅi lavasnya, siddha kārya, kinasihaniṅ rāt phalanya.

hana brata amaṅan papa davun, sinaṅga riṅ taṅan kiva, tan patәḍa tan patambǝh, hyaṅ ekṣasaṇa turun abrata, pha, kinasihaniṅ rāt.

hana brata tan dady atambǝh, pituṅ vәṅi lavasanya, medhā prajā siddha kārya phalanya, anira ṅaraniṅ brata maṅkana.

hana brata, yan amaṅan tan patәḍa tan patambǝh, pha, tan paśatru kita riṅ niṣkala.

hana brata mona, ṅa, yan amaṅan tan paṅucap, tigaṅ tahun samayanya, bhaṭāra rudra hyaṅnya, ma, Om̐ rudrāya namah, pamit, pha, kinatvaṅan deniṅ jagat, siddha saprayojananta.

hana brata, maṅan amona, tan paṅinum bañu, vusiṅ amaṅan aṅinum bañu, aṅūcapakәna, pha, tan kәna gǝgǝriṅan, viśeṣa riṅ bhūmi, keḍәp kapintuhu, pituṅ śaśih divasanya.

hana brata, monāraka, tan paṅucap lamun amaṅan, tәluṅ tahun samayanya, bhaṭāra rudra hyaṅniṅ brata, pha, ginañjar deniṅ hyaṅ kabeh, guṇa təka.

hana brata, mona maṅan. mona nap. mona muris. mona susur⟨.⟩ mona bhasma. mona napuh. mona ṅisiṅ.

kunaṅ mulihiṅ mona,

§1 mona maṅan, pha, vicakṣaṇa dīrgha yuṣa kita.

§2 mona nap, pha, kinasihan deniṅ rāt, prabhu viku.

§3 mona bhasma, pha, mantuk iṅ bhaṭārī rātri, sasarnya majanma riṅ viku śakti.

§4 mona napuh, pha, kinasihaniṅ paṇḍita, mvaṅ deva prabhu, rahayu riṅ pañjanmanta.

§5 mona ṅisiṅ, pha, prih meṅgal katәmu, bahu siṣya kita.

§6 mona sisig, pha, jaya kāryanta, prabha kiteṅ kamokṣan.

§7 mona muris, pha, siddha kāryanta, pinrihta muna təka.

hana brata, pañca mukha, ṅa, naṅkǝn kalivon amona sasore, aṅraṅkus brata kabeh, pha, amaṅgih sukha magә̄ṅ, majanma riṅ sugih sәkul amukti saṅkan rare, keḍәp deniṅ rāt kabeh.

hana brata ṅunir, ṅa, yan amaṅan sәkul kinuniran, lavasnya sagәlǝmiṅ abrata, bhaṭāra mahādeva hyaṅnya, pha, mulih mariṅ svarga bhaṭāra mahādeva, sasarnya mañjanma riṅ dam puvavaṅ, sugih dana hulun, labdhavara ri saṅ ahulun.

hana brata amaṅan kuñit, makalalab, amanah kañcana, ṅa, pha, sugih mās.

hana brata, aṅuniṅ, ṅa, sәkul kuniṅ juga pinaṅan, yan tan maṅkana, kunir juga makalalab, pituṅ tahun samayanya, bhaṭārī ratih hyaṅiṅ brata, pha, mantuk iṅ svarga bhaṭāra mahādeva, sasarnya mañjanma riṅ dam puvavaṅ śakti.

hana brata ṅuniṅ, ṅa, kunir paṅan rumuhun, salek lavasnya, ma, Om̐ niryāya namah svāhā.

hana brata, ambhīma, ṅa, yan amaṅan mevaka uyah, satahun tigaṅ lek divasanya, bhaṭāra Iśvara hyaṅnya, ma, Om̐ mam̐ Iśvarāya namah, pamit, pha, siṅ pinrih meṅgal katәmu, kinasihan de saṅ paṇḍita, mvaṅ deva bhūta sih iri kita.

hana brata ambhīma, ṅa, yan taṅgal, piṅ 12, riṅ kapitu, amatiāhāra, pha, suka vrәddhi, tur siddhi mantra, jayeṅ śatru, keḍәp kapintuhu deniṅ rat, amupu saprajāniṅ voṅ kabeh.

hana brata ambhīma, ṅa, yan amaṅan mevaka uyah, putihiṅ taluh, baṅ pәtak, pa, amaṅan kәtan baṅ, bavaṅ baṅ, pva, amaṅan sәga kuniṅ, mevaka kuniṅiṅ taluh, va, amaṅan kәtan irәṅ, mevaka bakula, ka, amaṅana sәga aamañca varṇa, meveka salvirnya, pha, sugih mās salaka, mvaṅ vәsi

hana brata mona turu sumaṇḍah, tigaṅ lek samayanya, bhaṭāra viṣṇu hyaṅnya, ma, Om̐ um̐ um̐ viṣṇuve namah, pha, labdhavara kita, mandi sakәcapta.

hana brata turu sumaṇḍah, ṅa, salek lavasnya, bhaṭāra sambhu maveh brata, pha, apәkik kavovanan taja kula.

hana brata, aṅumbhakarṇa, ṅa, yan aturu, miriṅ satahun, roṅ tahun samayanya, devāntara hyaṅnya, ma, Om̐ devantarāya namah, pamit, pha, putra vr̥ddhi, pamәtik vәnaṅ vәnaṅ mada śih sama vr̥ddhi.

hana brata, kumavaśa, ṅa, , pituṅ kulǝm tan kәneṅ riṅ turu rahina vәṅi, pha, viryavan, siddha sakāryanta, tan pamaṅgih kevǝh.

hana brata, niṅibu, ṅa, amaṅan sarvaibu, pataṅ lek divaśanya, pha, mulih riṅ ⟨svarga⟩ bhaṭāra rudra, sasarnya majanma riṅ kula, ¿saṅ kumbhakarṇa, aturu tan paṅlihan, rahin vәṅi tur aṅupavāśa, pha, keḍәp saparipolahta.?

hana brata, tan pamaṅan tan paturu, saṅ hyaṅ tan kaviśeṣa, hyaṅnya, pha, svarga titisnya.

hana brata, lәvih turu, ṅa, tan trәṣṇeṅ paṅān, bhaṭārī keśava hyaṅiṅ brata, pha, mantuk riṅ svarga bhaṭāra śiva, mañjanma ri kulaputra, luputiṅ lara vighna, subhaga anulus.

hana brata, mopavāsa pituṅ rātri, atәhәr tan kәneṅ turu rahina vәṅi, bhaṭāra śīva hyaṅiṅ brata, ma, Om̐ nāma śivāya, pamit, pha, vīryavan , ⟨pha⟩, sakāryanta siddha, tәhәr siddhi

hana brata ambīra, ṅa, yan amaṅan mevaka uyah kevala, satahun tigaṅ lek samayanya, bhaṭāra iśvara hyaṅnya, ma, Om̐ mam̐ Iśvarāya namaḥ pha, siṅ prih meṅgal katәmu, kinasihiṅ rāt kita, mvaṅ deva bhūta sih iri kita.

hana brata aṅlavar, ṅa, tan pamaṅaniṅ uyahan, satahun divasanya, bhaṭāra śaṅkara hyaṅnya, pha, mulih riṅ kendran, sasarnya majanma riṅ lituhayu prajña kita.

hana brata, ṅlavar, ṅa, tan pamaṅan uyah, pat vulan pәtaṅ vәṅi samayanya, bhaṭāra śaṅkara hyaṅnya, pha, mantuk mariṅ kendran, sasarnya mañjanma lituhayu paripūrṇa.

hana brata, aṅupavāsa, ṅa, lamun amaṅan aṅgugut uyah arәṅ rumuhun, 3, tahun divasanya, bhaṭārī gaṅga hyaṅniṅ brata, ma, Om̐ gaṅgāyai nama svāhā, pha, saparipolahta kinerәṅan deniṅ jagat.

hana brata, maṅan tumpǝṅ ivak uyah harәṅ, bhaṭāra Iśvara hyaṅnya, ya pinakarūpa, pinakaśvaraniṅ kiduṅ carita, pha, manisiṅ panutukan.

hana brata, amaṅan kǝmbaṅ, naṅkǝn, U, ivak uyah harәṅ, vusiṅ amaṅan, aṅinaṅ suruh pupucuk, aṅliṅga kǝmbaṅ, ṅa, pha, sukha sugih, rūpa aheṅ.

hana brata, amaṅan tan pauyah, pituṅ vәṅi samayanya, pha, śaktinta ḍatәṅ, tәhәr kinatvaṅan deniṅ hyaṅ.

hana brata, amaṅan arasotih, ṅa, aḍahar uyah harәṅ minakavulam, lama pituṅ dina, ra Nini paduka bhaṭārī śarasoti hyaṅniṅ brata, pha, prajñan.

nihan kr̥ta māsa, ṅa, hayuniṅ hulun, sakārya hayu, makadi vatǝk abrata, nūt avarah,

§1 śaśih ka, 1, taṅ, piṅ, 10, saṅ hyaṅ vīra kusuma devatanya, bratanya, hayva maṅan sarvabuṅkah, pha, sugih anom drәman avǝvәka ta sira.

§2 śaśih, 2, taṅ, piṅ, 7, saṅ hyaṅ jaya kusuma devatanya, bratanya hayva maṅan sapi, pha, luputeṅ tuju tәluh tarañjana, drәman ahiven iven.

§3 śaśih, 3, taṅ, piṅ, 9, saṅ hyaṅ naka devatanya, bratanya, hayva maṅan bavi, pha, tan katampǝkan gәriṅ aguṅ.

§4 śaśih, 4, taṅ, piṅ, 15, saṅ hyaṅ asmara devatanya, bratanya, hayva maṅan sarvaroṇḍon, pha, dadi siṅ tinandur.

§5 śaśih, 5, paṅloṅ, piṅ, 15, saṅ hyaṅ mahādeva devatanya, bratanya, hayva sǝhǝk yan aṅūcap, hayva nǝmbaṅ boñcah, pha, drәman avǝvәka.

§6 śaśih, 6, taṅ, piṅ, 8, saṅ hyaṅ atanu devatanya, bratanya, hayva aṅinǝp, riṅ paluluṅhān, pha, sugih tan kelaṅ elaṅan.

§7 śaśih, 7, taṅ, piṅ, 13, saṅ hyaṅ manasija devatanya, bratanya, aṅrakā, pha, sugih keḍәp kapaṅgih siṅ giṇa harṣa.

§8 śaśih, 8, taṅ, piṅ, 2, saṅ hyaṅ anaṅgara devatanya, bratanya, hayva amaṅan paṭik vǝnaṅ suku pat, pha, sugih patik vǝnaṅ.

§9 śaśih, 9, taṅ, piṅ, 6, saṅ hyaṅ ravi devatanya, bratanya, hayva maṅan asu, pha, apәkik raspati prajurit.

§10 śaśih, 10, taṅ, piṅ, 4, saṅ hyaṅ brahmā devatanya, bratanya, hayva maṅanan dǝlәṅ riṅ luhur, pha, kinasihaniṅ hyaṅ, mvaṅ voṅ mule akveh asih iri kita.

§11 śaśih, jyeṣṭa, taṅ, piṅ, 5, saṅ hyaṅ leka jaya devatanya, bratanya, aṅlampar ananapu, pha, keḍәp mandi sakәcapta.

§12 śaśih, saddhā, taṅ, piṅ, 1, saṅ hyaṅ pisodharī devatanya, bratanya, hayva turu lavan istri, pha, keḍәp aomah omah.

Iyā ṅitaṅ kariṅ vulan, kr̥ta masa haranya, den asthiti sira, keṅәtakәna hayva lupa.

hana brata, saninigraha, ṅa, tan mamati aghni ri kālaniṅ tumpǝk kalivon⟨,⟩ kramanya ta amuja, ananapuh eṅ saṅgar, tāmvita nǝmbaha ri bhaṭāra śīvāditya, lviriṅ caru riṅ saṅgar, anapunar, arih, rәmbaṅ, tambo lagu akah araka, phala, kambaṅ vaṅi, burat vaṅi, lәṅa vaṅi, sәḍǝṅan ikṣu, dīpa, dhūpa, den asaṅkǝp, devadarv inasab, vīja, dhūpa, ika kahatur i bhaṭāra, ma, Om̐ namo bhagavatye vaśūdevāya, sarvatuṣṭan, dadāsime, Om̐ śrī gurubhyo namah, devacarundādasi mahātrәpti svāhā.

tәlas taṅ avaṅiha ta kita, ma, Om̐ sūrya putrāya namah. samaṅkana taṅ brata lәkasakәna, hayva ta pramada riṅ brata, kunaṅ yan kālaṅan agriṅ, sakalviraniṅ aṅalaṅana, pinakavuruṅaniṅ brata, hayva pinakṣakǝn ikaṅ brata, kaliṅanya mvitana juga muvah, kunaṅ yan tan kalaṅana, anulus rahayu, pakṣakәna ika, pha, riṅ dlāhanta dadi ratu sukha vāhya katәmu, pinakāśraya deniṅ padhanta ratu, keḍәp kapintuhu deniṅ rat kabeh.

iti sanibrata, kayatnakәna de saṅ amet hayu, ndan ika hayva malәtuh ikaṅ ambǝk, mataṅyan ika hayva mithya buddhi, tātkalanta maṅanakǝn brata, apan yan tan karakṣa ikaṅ brata denta, maṅdadyakǝn vighnaniṅ śarīra, yan enak denta rumakṣa sarīra, makajñāna buddhi mahottama, malilaṅa ahniṅ nirāvaraṇa, tan pagәlәh gәlәh, tan karakәtan karṇa śūla, mvaṅ rajah tamah, ika ta maṅdadyakǝn svarga magәṅ, ṅuniveh jñāna viśeṣa, vruha ri kramanira sovaṅ sovaṅ.

hana brata sabran manis, ṅa, tan pamaṅan tampakiṅ apuy, rvaṅ vulan samayanya, sabran pahiṅ tan pamaṅan tampakiṅ aghni, rvaṅ vulan samayanya, sabran pon tan padus tan palәṅa, tan pararavup, tan pakәkәmuh, rvaṅ vulan samayanya, sabran vage, tan paturu gumuliṅ, rvaṅ vulan samayanya, sabran kalivon, tan paṅūcap ucap, rvaṅ vulan samayanya, pha, ginañjar deniṅ vatǝk devata kabeh, norana nūkr̥tani, tan hilaṅ takonakәna, drәventa tǝmbe.

nihan haji pabrata, yaniṅ taṅgal piṅ lima, anuju kalivon, paṅupavāśa,

§1 esuknya riṅ manis, amaṅan kupat pāṇḍava, 5, ivaknya kacaṅ, pha, dukiṅ alit duruṅ anәmu, yan vus agәṅ amaṅgih sukha sugih aguṅ dunya.

§2 pa, amaṅan kupat syaṅ anti, 9, ivaknya komak, pha, tinuṅgu deniṅ rāma reṇa, aṅantos aputu abuyut, kinadhama deniṅ bapebu, kaptini hulun.

§3 pva, amaṅan kupat sidayu, 7, ivaknya sudhaṅ, pha, aṅapti listvayu, alit arampiṅ aṅlәlǝnte, tan amadhani, sukha sugih drәman baṅkit, pinarәkan pinakapahulunaniṅ maru.

§4 va, amaṅan kupat sih tan pәgat, 4, ivaknya taluh, pha, aṅapti sukha sugih, drәman siddhi baṅkit, keḍәpiṅ alaki, tan kavaśa lakinta aṅluṅani, pinūji deniṅ matva, tanana ṅesǝm.

§5 ka, andha kupat gәnǝp, 8, ivaknya raraśmen, pha, aṅapti sukha sugih aguṅ vīrya, añjǝnǝṅ arddha nareśvarī, keḍәp aṅūcap. esuk riṅ manis, handha kupat siddha luṅguh, 10, ivaknya dagiṅ loh, sāgara dhanu, alas savah, dagiṅ pomahan, ⟨phalanya⟩, aṅapti sukha sugih aguṅ vīrya, kinajrihan deniṅ śatru, kinadama deniṅ bala mvaṅ varga, pinarәkan deniṅ bala sabran, tan ivaṅ deniṅ bala, sami vatra tan anaṅsal, siddhi maṇḍi tan paṅucap, rәmrәm ikaṅ vvaṅ kabeh, riṅ panaṅkilan, tinaṅkiliṅ bala sakiṅ doh, abahan təka sakiṅ tan hana, sabran sabran, yan vadon sinivi deniṅ maru, tan hana maḍani, sadera ṅrehakәna, vr̥ddhi putra, kinajrihan deniṅ santana, vīrya bhukti, embah mañabuh, imbuh imbuh tan paṅloṅ. sami danur daha.

hana brata nuṅku rāt, ṅa, kalivon anduma. umanis, amadhuāhāra, pahiṅ, ambhayuāhāra, pvan, atoyāhāra, vage, aghniāhāra, pūrṇama, tīlәm, amatiāhāra, piṅrvanaka, ṅa, pha, amupusi brata kabeh.

hana brata, mañcavāra, ṅa, umanis amaṅan sәga putih, pahiṅ amaṅan kәtan baṅ, pon amaṅan sәga kuniṅ, vage amaṅan kәtan irәṅ, kalivon amaṅan kәtan amañca varṇa. vetan amaṅan antǝlu putihnya, kidul sura, kulon antǝlu kuniṅ, lor bakakul, riṅ tәṅah śarasi baṅ hati, pha, sukha sugih.

hana brata, anūt saptavāra, ṅa, ra, asisirih, 5, ra. ca, asisirih, 4, ca. a, asisirih, 3, a. bu, asisirih, 7, bu. vrә, asisirih, 8, vrә. śu, asisirih, 6, śu. śa, asisirih, 9, śa. pha, sukha sugih, vәnaṅ sakama kama.

hana brata, amaṅan sәkul aṅgi sarahup, sinaṅga ri taṅan kiva, tan patәḍa tan patambǝh, tigaṅ vәṅi samayanya, saṅ hyaṅ siddhi rakṣa sira turun abrata, uṅgvanira riṅ rāt, pha, tәḍunaniṅ drәman agave hayu, tan kapәjahan vәka kita, tәrus tumus tәkeṅ vәka vet bet.

hana brata, maṅan sәkul saravup, sinaṅga ri taṅan kiva, tan patәḍa tan patambǝh, lalab kevala, 3, vәṅi lavasnya, kārya hana putra, ṅa, saṅ hyaṅ sandi rasa sira turun abrata, uṅgvanira riṅ śarīra, riṅ rahasya, kәdhukaniṅ duman agave hayu, kveh putra kveh vvaṅ vәlas asih iri kita.

hana brata, amaṅan sinaṅga ri taṅan kiva, saivaknya, sagәlǝmiṅ abrata, pakṣa hiḍǝp, ṅa, saṅ hyaṅ kuvera hyaṅnya, ya pinakarūpa, pinakakulit, pinakaalis, ⟨pha⟩, siddhiniṅ vvaṅ abәcik i pambǝkan.

hana brata, amaṅan sәkul, pituṅ lek divasanyā, pha, akveh mahyun iri kita, hanvā ṅaraniṅ brata maṅkana.

hana brata, maṅan sәga kevala, sagәlǝmiṅ abrata, hyaṅ puravat sira turun abrata, pha, sucāra vruh ri kaliṅanya.

hana brata, amaṅan sәga putih, riṅ taṅgal apisan, saṅ hyaṅ prasiddha turun abrata, satahun samayanya, pha, kinasihaniṅ rāt, aṅliraṅ ṅaraniṅ brata maṅkana.

hana brata, amaṅan sәga balaka, sagәlǝmiṅ abrata, saṅ hyaṅ paravan hyaṅnya, pha, vruhiṅ ācarā kaliṅanya.

hana brata, maṅan sәga putih, 5, puluṅ, kәtan baṅ, 5, kәtan jәnar, 5, tridhātu brata, 5, mañcavāra, saṅ hyaṅ padma rasa tumurun abrata, pinakasoca, bayu śabda iḍǝp, sugih tan hina saambǝk phalanya.

hana brata, añәkul aṅgi, ulam pahi, lamanya satәṅah lek, ranini paduka bhaṭārī uma hyaṅniṅ brata, pha, avavanon vastu, kinarmakәniṅ akveh.

hana brata, amaṅan sәkul aṅgi, anaṅgap, 7, pūr, sira saṅ hyaṅ viśeṣa tumurun abrata, pha, ginañjaran śakti lima, vadon viṣṇu anәmu, tan alavas tur prajñan, vicakṣaṇa, sukha sugih riṅ dlāha.

hana brata, amaṅan sәkul pañcavarṇa, aren tiniṅkah cakra tinañcǝban vr̥ti, denta maṅan maṅkana tatkāla kalivon, añakra bhuvana, ṅa, saṅ hyaṅ śivātma sira turun abrata, ya pinakarūpa, pinakayuṣa, pinakalaku, dadi vvaṅ aṅuripi jagat, sukha sugih vәnaṅ pinakasāriniṅ jagat, riṅ niṣkala.

hana brata jaga varṇa, ṅa, amaṅan sәkul, balañan ⟨,⟩ pituṅ vәṅi samayanya, pha, keḍәp deniṅ rāt, prajñan vicakṣaṇa, bisāgamǝl aṅiduṅ, vīryavan.

hana brata, yan amaṅan anǝmbah sәkul, pituṅ rātri divasanya, pha, kinasihaniṅ hyaṅ, śrī cittamaṇi ṅaraniṅ brata maṅkana.

hana brata naṅga sәkul, tinumpaṅan vr̥tti, yan pәjah ikaṅ vr̥ti, pavusan kita pamaṅan, pituṅ vәṅi lavasanya, salviriṅ sañjata tan tame kita, aṅañcaṅ ṅaraniṅ brata maṅkana.

hana brata, yan amaṅan tinañcǝban vr̥ti ⟨,⟩ vulan, saṅ hyaṅ anuṅkǝbi jagat hyaṅnya, ya minakarūpā hayu apәkik, ⟨pha⟩ riṅ dadi vvaṅ sukha sugih, vәnaṅ amatūt jagat riṅ niṣkala.

hana brata, amaṅan tinañcǝban tuṅgul, tiniṅkah bhīma, hyaṅ maṇik teja, ṅa, saṅ hyaṅ paṅirut jagat turuna abrata, ya pinakarūpa, pinakalaku, pinakateja, ⟨pha⟩aśrī iṅiriṅ sañjata, sakṣat kǝmbaṅ tinuṅgulan, śakti aṅrәbahakǝn jagat riṅ niṣkala.

hana brata, avr̥ti, ṅa, yan amaṅan tinañcǝban vr̥ti, pәjah taṅ vr̥ti, avusan amaṅan, saptarātri divasanya, pha, sarvarogha tan tumameṅ śarīranta.

hana brata, aṅǝmbaṅ, ṅa, lamun amaṅan kǝmbaṅ rumuhun, tigaṅ tahun tigaṅ lek divasanya, bhaṭāra Iśvara hyaṅnya, pha, deva sih iri kita.

hana brata, ṅǝmbaṅ, ṅa, tan luṅhā yan kaparan tamu, bhaṭāra viśeṣa maveh brata, pha, sugih tan ilaṅ takonakәna, amaṅgih deśa norana voṅ siddhi gave.

hana brata aja tukar, ṅa, amaṅan asaṇdiṅ pulava kǝmbaṅ, salek lavasnya, bhaṭāra guru maveh brata, pha, akarma alaki anom, tur kinasihaniṅ paṇḍita.

hana brata, maṅan kǝmbaṅ naṅkǝṅ umanis, hyaṅ maṇisumila haraniṅ brata, saṅ hyaṅ asmara hyaṅnya, ya pinakarūpa, aśrī sumilah, pasamuhaniṅ akveh riṅ niṣkala.

hana brata, yan amaṅan, tinumpaṅan kǝmbaṅ campaka, saṅ hyaṅ maṇik puḍak haraniṅ brata, hyaṅ vidakā turun abrata, ya minakarūpa, apәkik anulus, ⟨pha⟩ umitis iṅ menak, ring dadi vvaṅ, sukha sugih, vicakṣaṇa riṅ niṣkala.

hana brata, maṅan lalab luṅluṅan, mvaṅ kinǝmbaṅakǝn, 2, saṅ hyaṅ maṇik arṣana hyaṅnya, bhaṭāra bāyu sira turun abrata, ya pinakarūpa, pinakaurip ⟨,⟩, pinakarambut, pinakalǝye, pinaka iḍǝp, pinakagulu, pinakasindhuva, pinakalimbeyan, ⟨pha,⟩riṅ dadi vvaṅ, sukha sugih, ambǝk ahәniṅ, akǝmbaṅ avoh riṅ niṣkala.

hana brata, amaṅan lalab balaka, sambǝl sinamohva, mantra pātāla, ṅa, hyaṅ basuki turun abrata, ya pinakarūpa, pinakālit, pinakadalamakaniṅ suku, pinakatahulan, pinakakәliṅ, ⟨pha,⟩riṅ dadi vvaṅ, sukha sugih, lәmah sīma, kinapeṅin deniṅ voṅ riṅ niṣkala.

hana brata, yan amaṅan tinumpaṅan vīja, saṅ hyaṅ vīra kusuma, ṅa, hyaṅ jayaniṅ rāt turun abrata, ya pinakarūpa, pinakajәnǝṅ, pinakapamulu, śakti aheṅ rūpanta, ⟨pha,⟩ riṅ dadi vvaṅ, sukha sugih, rāja drәve, mās pirak, putra putri riṅ niṣkala.

hana brata, yan amaṅan tinumpaṅan sәkar vaṅi vaṅi, saṅ hyaṅ mūrva gaṇḍa vaṅi haraniṅ brata, saṅ hyaṅ maṇik sumirit hyaṅniṅ brata, ya pinakarūpa, pinakakulit, pinakahambu, ⟨pha,⟩ riṅ dadi vvaṅ, mrәbuk arūm, anǝrus tәkeṅ kaḍaton riṅ niṣkala.

hana brata, yan amaṅan sәkar śrigaḍiṅ, saṅ hyaṅ maṇik śrī danti hyaṅniṅ brata, ya pinakarūpa, pinakagugusi, pinakahuntu, ⟨pha,⟩ aśrī sakeṅ huntunta, sukha sugih, ¿saṅ hyaṅ vidayaka sira turun abrata, pinakarūpa, apәkik anulus, tumitisiṅ menak, prakavi vicakṣaṇa riṅ niṣkala?.

hana brata, yan amaṅan alamak sukǝt, puṣpani smr̥ti, ṅa, bhaṭāra smara hyaṅnya, ya pinakālas, ⟨pha,⟩nәhәr kinasihaniṅ bape bu.

hana brata, amaṅan alamak patra, amūrti prāṇa, ṅa, saṅ hyaṅ pagər gunuṅ sira turun abrata, ya pinakahuntu, ⟨pha,⟩ dīrgha yuṣa, pәjah tan pahavan kadga.

hana brata, ⟨amaṅan⟩ aren roṇḍon, pituṅ vulan pituṅ vәṅi divasanya, bhaṭāra mahīśvara hyaṅnya, pha, mulih mariṅ bhaṭāra mahiśvara, sasvarga sira, sasarnya majanma riṅ juru bhāṣa, labdhavāra ri saṅ ahulun.

hana brata, amaṅan aren upih, pinuluṅ kuyupakәna, pha, sugih dodot, mvaṅ siñjaṅ.

hana brata, ⟨amaṅan⟩aren pampat, kvehnya, 73, aṇḍaniṅ janur, iṅaṅge, pha, sukha sugih, apәkik alus avakta, jarijinta lәmǝs.

hana brata, sarvaghaṭa, ṅa, yan amaṅan tan pahupa, pataṅ lek pataṅ vәṅi samayanya, pha, prajñan vicakṣaṇa, bisa gamәl aṅiduṅ, vāk bajra siddhi mantra, jayeṅ śatru keḍәp deniṅ rāt, sukha sugih saṅkan rare.

hana brata, asiṅ ṅaranya, ¿pisan amaṅan kinaṅ,? yan amaṅan sumәlap aṅinaṅ, nәhәr tan pahupa, salek lavasnya, bhaṭārī uma hyaṅniṅ brata, ma, Om̐ yanā Devî nama svāhā, ahes, pha, sukha sugih amǝpǝki kaḍaton.

hana brata, tan paṅinaṅ, añǝmbuṅ kevala, salek samayanya, saṅ hyaṅ kāma jaya hyaṅniṅ brata, pha, abhrā sumilah miyat kabeh, keḍǝp paṅūcapta deniṅ rāt·

hana brata, saṅga ṅinaṅ, ṅa, satahun salek lavasnya, pha, drәman malaky arabi, ratu asih, ahes, ma, Om̐ braśri vastuya nama svāhā.

hana brata, asihaniṅ layon, ṅa, aṅinaṅ tan pambuñcal sәpah, tigaṅ tahun samayanya, sahiṅ sәpah kinampelakǝn, bhinasmi, iki pituturnya, ma, Om̐ bhaṭāra mati, ahurip mani amor iṅ megha, tumitis dadi sarvaendah, pinakabhuktiniṅ hulun, sa ba ta a i namā śivāya.

hana brata, adahaṛ pucaṅ satәṅah vәlas, vulamaniṅ pahi, ra Nini paduka bhaṭārī anuṅku rāt hyaṅniṁ brata, pha, abәcik kaṅ jariji.

hana brata, yan amaṅan asaṇḍiṅ dhūpa damar, saṅ hyaṅ maṇik teja, ṅa, hyaṅ maṇik muntab sira turun abrata, ya pinakarūpa, pinakateja, śakti mahabhāra, ⟨pha⟩riṅ dadi vvaṅ, abhrā murub sumilah, aheṅ jәrih kaṅ rāt denta.

hana brata, aḍahar pucaṅ tәṅah vәlah, vulamaniṅ pahi, ra Nini paduka bhaṭārī anuṅku rāt hyaṅniṅ brata, pha, abәcik kaṅ jariji.

hana brata, damar aguṅ ṅaranya, tan pamaṅan kasurupan saṅ hyaṅ sūrya, savarṣa lamanya, kaṅ pinaṅan, yuyukan, bavaṅ uṅkul, tarasi, sasivi, raraka malo, caṅkuk sarvan vinuṅkul, prut amuradaṅan, pha, kacakṣu riṅ sarvarusit, luputiṅ sarvaśāstra, tan maṅhel vinuruknya, tumusiṅ aji, aṅlariṅ kevuh, bhaṭāra śiva hyaṅniṅ brata.

hana brata, pasaṅ saṇḍe, ṅa, tan pamaṅan kasurupan saṅeṅe, pha, apaḍaṅ kaṅ hati, yan asisinahu eṅgal bisa.

hana brata, tan pamaṅan riṅ pūrṇamaniṅ kadaśa, antuk tigaṅ pūrṅamaniṅ kadaśa, pha, svarga sakala katәmu, mañjanma riṅ ratu, paripūrṇānurāga riṅ rāt.

hana brata, mūrṅama sadā, ṅa, pūrṇama tan pamaṅan tәkaniṅ paṅloṅ apisan, tilǝm tәkaniṅ taṅgal apisan, pha, sugih manәrus, katәkan, sapinakṣanira riṅ bhūmi, saṅ prajuritiṅ bhūmi hyaṅniṅ brata.

hana brata akasukhan, ṅa, riṅ pūrṇamaniṅ kapitu, piṅ, 7, sarahina, piṅ, 7, savәṅi, amaṅan aṅinum, aṅigǝl, bhaṭāra kapitu maveh brata, pha, sukha sugih, anak amitra, dīrgha yuṣa, keḍәp kapintuhu.

hana brata, mәnǝr ri taṅgal, piṅ, 3, maṅan kuñit, mūrṇama sadā, ṅa, saṅ hyaṅ trisandhi hyaṅniṅ brata, papalihan bhaṭāra mahādeva, ya pinakarūpa, pinakapamulu, mvaṅ kavicakṣaṇan, ⟨pha,⟩ tan kaluputan.

taṅgal, piṅ, 4, amaṅan kәtan irәṅ, amukti labdha, ṅa, saṅ hyaṅ cadu śakti hyaṅniṅ brata, papalihan bhaṭāra viṣṇu, ya pinakarūpa, pinakarambut, ⟨pha,⟩ siddhaniṅ ṅvaṅ, anvargakǝn bapebu.

taṅ, piṅ, 5, […] amañcavāra śakti, ṅa, saṅ hyaṅ pañcavāra hyaṅniṅ brata, papalihan bhaṭāra śiva, ya pinakarūpa, pinaka iḍǝp, pinakatǝṇḍas pha, siddhaniṅ ṅvaṅ sugih tan kaharṣa.

hana brata maṅan raka, pūrṇama tilәm ṅraka, sira saṅ hyaṅ patūt sih tumurun abrata, pha, ginañjaran śakti lima, pinakalalakon sukha sugih tan panambut kārya.

hana brata, mūrṇama tilәm, ṅa, maṅupavāsa⟨,⟩aṅraka kunǝṅ, ⟨pha,⟩ utaṅiṅ atvanta, kәna sinahur polihnya sakarәpta.

hana brata, ṅraka naṅkǝn kalivon, patra, ṅa, hyaṅ taruṇa turun abrata, ⟨ya⟩ pinakarūpa, ⟨pha,⟩ siddhaniṅ vaṅ sugih lәmah sīma.

hana brata, maṅan sarvaphala, talǝs huvi vahvahan pisaṅ kunaṅ, pituṅ vәṅi lavasnya, kasubhagan kinaharṣan deniṅ strī phalanya, abhoh kayu ṅaraniṅ brata maṅkana.

hana brata, maṅan phala gantuṅ, davun sinabraṅ, ṅa, pha, prajurit.

hana brata, maṅan sarvabuṅkah, sagәlǝmiṅ abrata, saṅ hyaṅ viśeṣa hyaṅniṅ brata, sukha sugih, puṣṭaka lǝṅǝn phalanya.

hana brata, amaṅan sarvaphala, saptarātri lavasnya, pha, kinasihaniṅ strī, yaniṅ strī kinasihaniṅ kakuṅ.

hana brata, amaṅan tur ambaṅkit, bhaṭārī keḍәp hyaṅniṅ brata, ṅgonaniṅ amimiti, riṅ pavon, punaṅ kininaṅ sәḍah sapon den tuvuh, lalamak lampuyaṅ, tan pamaṅan tan paṅinaṅ, yan tan paṅgugut lampuyaṅ, pha, vavadon tan pagigilutan, keḍәp malaki.

hana brata, amaṅan katambat tigaṅ bulih, naṅkǝn kalivon, tan pamaṅan paran paran, pituṅ kalivon samayanya, pha, apәkik tur lǝmǝsiṅ rambut.

hana brata, ambhūmi lәpa, ṅa, amaṅan jaṅaniṅ lǝlǝpa kabeh, salek lavasnya, bhaṭāra Iśvara maveh brata, pha, kinasihaniṅ svami, keḍәp alaki, kinasihaniṅ hyaṅ.

hana brata, amaṅana mimba, salek lavasnya, pha, athāravit.

hana brata, sarvatatā, ṅa, amaṅan luṅggahiṅ gaṇḍa rusa kәliṅ, mvaṅ campaka garus, bhaṭāra śambhu hyaṅnya, pha, mulih ⟨,⟩ riṅ svarga bhaṭāra guru, mvaṅ riṅ bhaṭāra śiva.

hana brata, vījāharā, ṅa, amaṅan vīja rumuhun, saha pucukiṅ gaṇḍa rusa, pucukiṅ alaṅ-alaṅ, pha, prajñan kita, sihaniṅ istrī.

hana brata, maṅan sarvaluṅgah luṅgahan, pucukiṅ dukut lәpas, pucukiṅ alaṅ-alaṅ, tuñjuṅ, vīja tәluṅ jumput, saptarātri pituṅ dina lavasanya, siddha kārya saphalanya, amūrva ṅaraniṅ brata maṅkana.

hana brata ṅantavali, ṅa, amaṅan antavali, pañjaṅnya salǝṅkat madhya, pituṅ tumpǝk kalivon patәlasanya, mirica pituṅ viji, ligundi pituṅ muñcuk, pha, salara vighna hilaṅ donya, sojarira keḍәp, […] katәmu maṅke mvaṅ dlāha.

hana brata nirambu, ṅa, tan pamaṅan sarvabinumbon, satahun lavasnya, pha, mulih mariṅ svarga bhaṭāra rūdra, sasarnya majanma ri listvayu, apәkik prajurit.

hana brata, amaṅan kәtan baṅ⟨,⟩ pituṅ vәṅi, hirәṅ pituṅ vәṅi, ivaknya sarvaśuci, arariṅ śakti, ṅa, bhagavān paraśara hyaṅniṅ brata, pha, akadaṅ voṅ pәkik.

hana brata, maṅan kәtan ya taǝp, voṅ tuṅgal tuṅgal riṅ kalivon, 7, hǝmbanya phala, sahaṅ, mәñan, aṅgara kash amaṅan, 7, alaṇḍyan, sira saṅ hyaṅ asihiṅ prāṇa turun abrata, ginañjaran śakti lima, pha, sukha sugih, sapatinya vәnaṅ.

hana brata, anila, ṅa, amaṅan kәtan hirәṅ, satahun samayanya, pha, mantuk iṅ svarga bhaṭāra viṣṇu, sasarnya majanma riṅ mantrī.

hana brata, murāṇa, ṅa, amaṅan ñahñah lan gula tәbu, lamanya tigaṅ dina, pha, tan kataman siṅ saparanta.

Hana brata, maṅan tan dady akarvan, pituṅ lek lavasnya, suka magәṅ phalanya, ekapatra ṅaraniṅ brata maṅkana.

hana brata, tan kapadan, ṅa, yan amaṅan tan pakǝmbulan, aduluran pañcamuna, sahuripnya riṅ amaṅan, alalab roṇḍon, mvaṅ kǝmbaṅ, uttamaniṅ brata kabeh, pha, tan kapadan viśeṣa, maṅkana polahira saṅ viku tәmǝn tәmǝn.

hana brata, amaṅan tan pakǝmbulan, pәtaṅ tahun samayanya, pha, mantuk riṅ svarga bhaṭāra rudra, sasarnya mañjanma riṅ kulaputra, kaḍaṅ haji subhaga.

hana brata, aṅajum , ṅa, amaṅan riṅ vaton salek lavasnya, bhaṭāra mahādeva maveh brata, pha, tәka atuduhiṅ paliṅgihan, keḍәp tәka ruruṅeniṅ voṅ.

hana brata, amutәriṅ paṅkon, ṅa, amaṅan pinaṅku, salek lavasnya, bhaṭāra mahādeva maveh brata, pha, kinasihan deniṅ bapa ibu, malaky arabi, sasarnya dadi bhujaṅga lәvih.

hana brata, amaṅan ry aghūrṇita, pituṅ lek samayanya, pha, siddhi mantra, listvayu paripūrṇa.

hana brata, naṅkənāra, ṅa, yan amaṅan aṅagǝm jinah, 7, lek samayanya, saṅ hyaṅ rudra hyaṅniṅ brata, pha, akәlar tan kәneṅ griṅ kita.

hana brata, asaṇḍiṅ jinah keteṅ, salek lavasnya, bhaṭāra indra maveh brata, pha, prajña prakavi, aṣṭa kośala, sasarnya dadi patih sugih.

hana brata, maṅan aṅadut, satahun lavasnya, pha, sugih siddhi mandi, avak bajra subhaga.

hana brata, amaṅan kupat pāṇḍava, 3, paṅanǝn esuk, 1, paṅanǝn tәṅah ṅve, 1, paṅanǝn sore, 1, pha, rinakṣa deniṅ rāt, kinasavitan deniṅ sama janma, haja nali vavaktayanya, tan pamuruṅ polihnya. pamurup

hana brata, maṅan kupat, mevaka sarvaśukla, tәluṅ vәṅi divasanya, bhaṭāra iśvara hyaṅniṅ brata, pha⟨,⟩bisa ṅiduṅ, abәcikiṅ ulon, manisiṅ panutukan, mvaṅ kinasihaniṅ voṅ.

hana brata, aḍahar lәpǝt, lama tәṅah vulan, ra Nini kuṇḍaṅ kasih hyaṅniṅ brata, pha, arampiṅ.

hana brata, naḍah tumpəṅ, sahasta pañjaṅnya, śūnya ivaknya uyah harәṅ kevala, anarasvatī, ṅa, saṅ hyaṅ pitu tan palavan hyaṅniṅ brata, ya pinakaprajña, sih malaky arabi, siddhaniṅ vaṅ sugih tan surud, mvaṅ pradaṇānuṅku rāt.

hana brata, maṅan tumpəṅ, lavasnya tәṅah śaśih, lamun tan kavaśa, pituṅ dina, ra Nini paduka bhaṭārī hyaṅniṅ brata, pha, abәcik kaṅ gulu.

hana brata, adva savәguṅ, bhaṭāra rudra maveh brata, pha, sugih rumbe.

hana brata, asiḍakǝp sarahina, bhaṭāra śaṅkara maveh brata, pha kinasihaniṅ voṅ.

hana brata, lumaku savәṅi sarahina, bhaṭāra guru maveh brata, pha, sasarnya dadi deva guru, bahu śiṣya, apәkik rūpa, suteja tiniṅhalan, sugih saṅkan rare, sugih tәrus tumus.

hana brata, amәlәṅ tutuk sarahina savәṅi, marәp pūrva, saṅ hyaṅ anәmu jagat sira turun abrata, pha, ginañjaran śakti lima, pinakarāma, pinakalalakon vadon, lituhyu, prajñan, lanaṅ vicakṣaṇa, sukha sugih, maṅke kalavan tǝmbe.

hana brata ṅālamuñəṅ, ṅa, saṅ hyaṅ lәbur jagat sira turun abrata, ginañjaran śakti lima, voṅ tuṅgal sakvehiṅ sira abrata, ya pinakarūpa, pinakalakon, vastu rahayu, lanaṅ vadon sukha sugih drәman keḍәp.

hana brata, ṅālacakra, ṅa, sira saṅ hyaṅ viśeṣa riṅ bhuvana, sira turun abrata, ginañjaran śakti tigaṅ rakṣa, sakvehaniṅ abrata, pha, sukha sugih, prajñan vicakṣaṇa, lanaṅ vadon.

hana brata, mañcavaśa giṇa, ṅa, tan paṅlavaniṅ vadon aṅucap, naṅkǝn umanis, yan vadon tan paṅucapiṅ kakuṅ, tan paṅinaṅ suruhiṅ apvan, lǝlǝmbaran vәnaṅ, pituṅ lek samayanya, pha, tinūtiṅ mās, salviriṅ drәventa tǝmbe.

hana brata, kukusaniṅ śarīra, ṅa, tan pamaṅan suku pat, lavasnya sakavaśaniṅ abrata, saṅ hyaṅ caduśakti sira turun abrata, ya pinakarūpa, pinakavaṅkoṅ, siddhaniṅ vvaṅ muṣṭika, akveh avәlas, rovaṅ asih iri kita, aṅraṅkus brata.

hana brata, tan pamaṅan bavi, hyaṅ manasija hyaṅnya, pituṅ tavun samayanya, pha, luputiṅ gәriṅ aguṅ, tur kinasihan deniṅ jagat.

hana brata, tan pamaṅan śr̥gāla, pha, rūpanta tan akusut.

hana brata, tan pamaṅan ayam, pituṅ lek samayanya, pha, tan pamaṅgih mari.

hana brata, tan pamaṅan ayam, satahun samayanya, pha, tan panәmu maru, tur drәman.

hana brata, akәrisa, ṅa, tan pamaṅan yan tan pasisig rumuhun, sāri sāri, bhaṭārī śvari hyaṅniṅ brata, satahun sayamanya, pha, prajña, tavitan labdha mās kita.