Candrakiraṇa, The Rays of the Moon: Digital Critical Edition and Translation of an Old Javanese Poetological Treatise — Candakiraṇa — Candrāgni

[1 & 2] kiraṇo vyaktiś candrāgneḥ,

dvijānāṁ kavir uttamaḥ.

ikaṅ akṣaropamāvak,

ika ta guru ṅaranya,

yeki ta vinastu hurip,

ya sinaṅguh guru laghu.

ya pinakamūlachanda,

avaknikaṅ⟨B₁ : 2v⟩ guru laghu,⟨B₁₈ : 2r⟩

lavan hurip masaṅyoga,

umijil tikaṅ trigaṇa.

adəgnikaṅ guru laghu,

aniga-nigeṅ sagaṇa,

yekāṣṭagaṇa ṅaranya,

sama tābyāpāreṅ vr̥tta.

mvaṅ laku śloka nihan len.

sakveh saṅ sujanātiharṣa irikaṅ chandā⟨J₃ : 2r⟩ nihan kavruhi,

yan ma⟨J₂ : 1v⟩hyun vruha rūpaniṅ laghu lavan tekā sinaṅguh guru,

bhedhāniṅ guru lāghu yeṅətakəna mvaṅ huṅgvaniṅ hakṣara,

sakvehniṅ guru yeriṅən hila-hilekā yan salah kasthānan.

bhyaktāniṅ guru sarva dīrgha taruṅ āsaṅyoga-pārānəṅən,

lāvan karṇa visarja kāni surahan⟨B₁ : 3r⟩ svārāṅ vatək vyañjana,

e ai nāhan anuṅ kayatnakəna len o au vəkasniṅ guru,

vus meṅət pva kiterikā⟨B₂ : 2v⟩ niyata yan sotanta dadyā vacan.

lvirniṅ hakṣara gantuṅən mapakəneṅ vaktā mvaṅ aṅgantuṅa,

saṅyogā-para sūkṣma lakṣmaṇa śivāgni kleśa lakṣmī kunaṅ,

ndan glāna sthula nagna vighna maməvə̄ nirvighna-māra sthiti,

svapna sneha rikaṅ dvitīya kahaḍaṅ riṅ dlāha yan pāphala.

vahnī tīkṣṇa murub riṅ agni ya⟨B₁₈ : 2v⟩ katon raśminya sāteja ya,

masnā⟨B₁ : 3v⟩na pva kiteṅ nadī masəh ikaṅ saśleṣma kumlābakən,

riṅ smāroṅgva sahiṣṇu nora pinaṅan maṅlih mvaṅ aṅgantuṅa,

yapvan bheda sakojarojarakənā maṅke baliknyān vacan.

gəlana saṅ lagənān para riṅ səma,

vighəna tīkṣəṇa yva giritulya ya,

dəvadaśeka tahun yaśa nirghana,

masupəna pva vadhū suməneha ya.

vagəmi yan paḍəmī bahənī hati,

tuvi kəleśa vināśa salakṣəmi,

səpinikaṅ⟨J₂ : 2r⟩ bratamārganikān kələm,

krama⟨B₂ : 3r⟩niṅ akṣara yan jinajār ika.

lvirniṅ saṅyoga-⟨B₁ : 4r⟩parekī,

kakyan-kakyan kakvan-kakvan,

kakran anəṅən aṅgantuṅ,

kayatnakən təmən-təmən.

anta-pāda guru yati,

kalavan svara kamadhya,

dīrghādīrgha ¿vattavatī?,

tāvat guru prasiddha ya.

dīrghātaruṅ asurahan,

visarja lavan ajuṅ⟨J₁: 3r⟩juṅ,

kalavan guru-saṅyoga,

nahan taṅ sinaṅguh guru.

nihan taṅ svara kamadhya,

a ā i ī u ū e o,

tan dadi muṅguh riṅ təṅah,

vvītan juga pakənanya.

sampun ikaṅ pratekanikanaṅ guru dinəliṅa⟨B₁ : 4v⟩kən,

nyāt ajarən muvah paduluriṅ guru laghu vuvusən,

kvehnya savarga muṅguh ikanaṅ vacan aniga-niga,

yeka sinaṅguhan gaṇa ṅaranya sipatiṅ aṅavi.

pūrva nihan makāra ṅaraniṅ guru tiga sagaṇa,

lāghu kunaṅ panəṇḍasani luṅguhi yakaragaṇa,

yapvan ikaṅ rakāra⟨B₂ : 3v⟩gaṇa lāghu maḍuḍuk i təṅah,

hetunikaṅ sakāragaṇa matvaṅ aguru vəkasan.

vruh pva kitā takāra ṅaraniṅ laghu təpi kavuri,

jātinikaṅ jakāragaṇa maṅkana guru ri təṅah,

bhakti jugaṅ bhakāragaṇa riṅ guru sira rumuhun,

nākaragāṇa təlva madulur tika ya laghu paḍa.

nyan laghu karva saṅ guru pasəṅgahanika si la-gau,

śeṣanikā ga⟨J₂ : 2v⟩ṇeki vəkasiṅ guru laghu vinuvus,

riṅ haji chanda teki yan avās śiva haji piturun,

saṅ r̥ṣi vaṅśapattra manitah sira tika manatā.

nihan gaṇaniṅ ārya yeṅətakəna,

jakāra kalavan bhakāra sakara,

catur laghu guru rva yeka ta lima,

ləvihnya guru lāghu kānəm ikahən.

lavan hana ta mātra yeṅətakəna,

vilaṅnya rikanaṅ sapāda matətəg,

ikaṅ pada⟨B₁₈ : 3v⟩ kapūrva kātəlu kunaṅ⟨B₁ : 5v⟩,

gənəp rvavəla saṅgəpanya tuturən.

kapiṅrvani⟨B₂ : 4r⟩kihən pva ya vvaluvəlas,

tumut limavəlas padanya vəkasan,

tan evəha ya tappatārya vinuvus,

samaṅkana vilaṅni mātranikihən.

mvaṅ uṅgvanikanaṅ jakāra matətəg,

kapiṅrva maṅənəm dvitīya kasula,

pada rva ya ta hīṅaniṅ vvaṅ amilaṅ,

kayatnakəna saṅ vatək kavivara.

trigaṇa guṇāgaṇita ya guṇitan,

prakaraṇa kīraṇa vaṇa karuṇa,

aruṇa darūṇa varuṇa śaraṇa,

avaraṇa bhāraṇa ṅ apaṇa ṇa gə̄ṅ⟨B₁ : 6r⟩.

guṇa kuṇi kuṇa kaṇṭhi kaṇi kaṇika len,

ghraṇaṅ agaṇa-gaṇa grahaṇa samiraṇa,

praṇava vaṇiya pāṇiya maṇi taṇitan,

ayaṇa karuṇa pāṇa ṇa gəṅa yatika.

paṇḍita pāṇḍava pāṇḍura pāṇḍu,

piṇḍaṅ apiṇḍa mapaṇḍaṅ apaṇḍi,

laṇḍap alaṇḍəp alaṇḍup aleṇḍo,

gaṇḍi ginaṇḍi dinaṇḍa ṇa magəṅ.

dhāraṇa vāraṇa⟨B₂ : 4v⟩ tāraṇa bāṇa,

miśraṇa varṇa vaṇī śaṇa karṇa,

arṇava kīrṇa suparṇa yavorṇā,

cūrṇita pūrṇama ghūrṇita ṇāgəṅ.

kagantuṅa deniṅ ṇa gəṅ,

ṭa ṭha ḍa ḍha ṇa riṅ⟨B₁₈ : 4r⟩ ṇāguṅ,⟨B₁ : 6v⟩

ta tha da dha na riṅ nālit,

varṇādoh ya sa savarga.

uṅgvanikaṅ na litāpakəneki,

ndā savanehnya rikaṅ pakənanta,

saṅnata maṅkana teka na ḍə̄mit,

kapva masaṅkhya nihan savanehnya.

muni muna mānasa manuṣya,

anumana hāna nami-nami,

dina dhana nādi nada nana,

hani hina tan hana inituṅ.

praṇatanathapratapā tinitan anya,

tanah atunah jinatattva tanayānya,

nitha vanitā nini-nīni tanu thāni,

manana⟨B₁ : 7r⟩ vanāmalinī na lit ikāhən.

vaneh pakənaniṅ na lit,

naga punnā⟨B₂ : 5r⟩ga nā gunuṅ,

nāga nāgendra nāgendrī,

nāgāri nāga nāginī.

mahənī agni āgneya,

gagana dinīna dīna,

ghana vāhana vāhinī vāni,

nītinitya yanuṅ na lit ika.

dahana jvalana pāna,

kāminī vāhinī nini,

punah vinā vani vana,

vinavani na lit ika.

saṅkṣepanya yan vuvusən,

yāvat punah rakva rəṅva pūrva,

pa ba mādi kunaṅ pūrva,

dadi na lit dadi ṇa gəṅ.

na vyaktanyan huvus kojar⟨B₁₈ : 4v⟩,

kekadeśanya kokta ya,

kocapa teki śa ṣa sa,⟨J₂ : 3v⟩

byaktanya matra varṇanən⟨B₁ : 7v⟩.

śambhu śaṅkara śarā śaraṇa śaśī,

deśa deśika śaśaṅ śavala kuśa,

śvā śucī śunasirah śiva daśana,

śānti śoka paśa śāstra śuna śiśu.

śa mūrdha nyātekaṅ śa kurəb umunīṅ vunvun ikahən⟨B₂ : 5v⟩,

śaśāṅkā śaṅkhā śaṅkara kuśa kaśā keśi kuśika,

kuśāgrekā krośa kraniki katha śabdeṅ śikhariṇī,

śikhiṅ keśīkeśa praśa śakuni keśī kuśa-kuśa.

śanaih śūnya śreṇi śraṇa piśunane śrī yaśa niśā,

vināśa mvaṅ māśā daśadiśi śarat⟨B₁ : 8r⟩ śūra viśikha,

śivā śambhuh śūla triśula muśalī śrīdhara śiva,

śavah vaṅśah veśyā śavari śivirākāśa śucimān.

kṣaṇa kṣaṇika pakṣa lakṣmi viṣayā pahə̄m bhūnidhi,

kagantuṅa gumantuṅeṅ ḍaḍa kunaṅ ṣa pr̥thvītala,

prahr̥ṣṭi parituṣṭa roṣa ruṣa koṣa kr̥ṣṇa proṣa,

akarṣaṇa ya vr̥ṣṇi vr̥ṣṭa ṣa lumah ṣa pr̥thvītala.

maharṣi mahiṣī mahoṣadha maheṣa meṣā mu⟨B₁₈ : 5r⟩ṣa,

rəṣah muṣika puṣya poṣaka puṣa praṣaṣṭāmiṣa,

ṣaḍa⟨B₁ : 8v⟩ṅguli ṣaḍaṅga bhūṣaṇa subhā⟨B₂ : 6r⟩ṣa durbhāṣita,

vaṣaṭ paṣaḍa yoṣaṇeṣu viṣama dviṣad dūṣaṇa.

bhaviṣyati hiriṣya harṣaṇa puṣā uṣāṣāḍha len,

viṣāviṣaya yomiśeṣa dadi mānuṣā kāṣaya,

nyataṅ kaluṣa kilviṣaṅ ayuṣa kaṣmalā kalmaṣa,

nyataṅ mamiṣayoṅgvaniṅ ṣa marə⟨J₂ : 4r⟩nah rəṅəntāta ya.

śākāśa mvaṅ ṣa pr̥thvī sadulur ika rəṅən yekihən varṇanənta,

śuśrūṣā śiṣya śikṣā śiṣita vətunikaṅ huśvaṣā śoṣa śeṣan,

śuṣmat⟨J₁: 5v⟩ śīrṣaṇya śo⟨B₁ : 9r⟩śvi śvaṣinaka śaśi de saṅ vasiṣṭhā viśiṣṭa⟨J₃ : 4v⟩,

maṅkā tekaṅ śa-cāvor ṣa-ṭa yat iṅət-iṅət yeki sākṣāt vətunya.

māsānikaṅ sa-ta nihan vuvusən paḍanya,

sādhū sadā sati sabhā sisi tāsi-tāsi,

sītā susatya rasa satriya sāri saṅ hyaṅ,

svaira svabhāva ri sarasvati sāri-sāri.

samvah savah vasuma⟨B₂ : 6v⟩tī vasusena sūnu,

mvaṅ ekavāsaṅ upavāsa vināsa vāsa,

durvāsa dhuryasana durvyasana praśasta,

vyāsā sasādhu sasivin sapujin sapūjan.

sasvāṅga sāṅga sigi⟨B₁ : 9v⟩ seṅgita sarga sajja,

səgəh səgaṅ siga sugih sigaran sagāsor,

sasvarga sāgara sagorava sādhaka syaṅ,

rāt kosvanī sa-ta sarāt pakənanya sākṣāt.

sura sapta sarah surasa sira sadā,

samasih papasən savara suta saha,

savinaṅ savanən sakala sakavaśa,

praja nāmi sa dantya niti kavivara.

nyan sūtra-sandhi vuvusən, parakr̥ta lvirnika patiṅkahnya,

ātambayan havəkasan, nahan ta ya sinaṅguhan⟨J₁: 6r⟩ varṇa.

tinitah pina⟨J₂ : 4v⟩⟨B₁ : 10r⟩rva vəkasan, ikaṅ nəmah yekihən svara ṅaranya,

yapvan kapūrva-anta, sinaṅguhan vyañjanā nāma.

l̥, y anta-adi samana, tumūt sinami, i pūrva kavəkasan ghoṣa,

sahəle sahrasva batək, a i u r̥ l̥, lvirnya kavruhana.

dīrghā ṅaranya manəhər, ā ī ū r̥̄ l̥̄, lima viji sahaya,

sandhyakṣara muvah aṅgəpən, e ai o au, nahan lvirnya.

ka⟨J₃ : 5r⟩ kha ca cha ⟨ṭa ṭha⟩ ta tha pa pha, sa katəlu nāhan sahā⟨B₁₈ : 6r⟩yaniṅ aghoṣa,

ga gha da dha ya ra la va ha,⟨B₁ : 10v⟩ siṅ ghoṣa rakva ⟨ya⟩ nāmanika.

varga ṅaranya limalikur, ka pinakapūrvanika, ma pinakavəkasnya,

ka ga kalimanya ya śuddhan, ra śa ṣa sahāyanyāvuda-vudā.

anunāsika ṅa ña ṇa na ma, antastha ṅaranikaṅ ya ra la va, tūta

ūṣmana śa ṣa sa, ha, samr̥ddha, patiṅkahiṅ sūtra-sandhi ika.

sampun pratyekanikanaṅ, akṣara riṅ vyañjanā ⟨ka⟩lavan svara,

tucapa ta sañjatanikahən, prakārani ṅaranya kavruhana.

ṅaranika⟨na⟩ṅ hulu savaneh, makuṭā rukuh⟨J₁: 6v⟩ agra mastaka kapāla,

tijakula śekhara maśirah, nahan ta parināmaniṅ śr̥ṅga.

dīrghā hulu mapalenan, utək lavan kambara kuñcir, majaṭa,

magumbak majambul aṅurai, svanāmaniṅ dīrgha yan iṅ hulu.

vindu lavan madana kunaṅ, kunaṅ-kunaṅ len tāra lavan vintaṅ,

tilaka titik kani suraha⟨J₂ : 5r⟩n, nahan ta parināmaniṅ nāda.

nyan cakra jantra guluṅan, sudarśana āyudha kr̥ṣṇa len śakaṭa,

daśanāma yeki huniṅān, mvaṅ añakra hulu yu⟨B₁₈ : 6v⟩kti kavruhana.⟨B₁ : 11v⟩.

yapvan ikaṅ taliṅa nihan, kuṇḍala sumpiṅ cāpiṅ len karṇa,

śrota suvəṅ mvaṅ iṅət-iṅət, pālaga ⟨da⟩śanāmaniṅ taliṅa.

dīrghā ṅaranya tulalai, ikū taṅan vastra len galah hada⟨B₂ : 8r⟩vā,

kirivili kuñca ya savaneh, asiṅ adavā dīrgha rakveka.

aṅrasuk agoduha keśa mavāju, karti kunaṅ saṅka len kuruṅan,

ikaṅ kalambi lavan hana, svanāmaniṅ taruṅ aranya nahan.

yapva⟨B₁ : 12r⟩n atikā makə⟨J₁: 7r⟩ṇḍit, gaṇitri lavan guduha, vaja śiroruha,

makiratbāhu jənu vaneh, visarjanīyeki nahan batək.

pəjah mati śūnya turu kunaṅ, paratrakəna bajrā līnāguliṅan,

hanāpayuṅ marukuh len, nahan katəṅən ika ya tiṅetakəna.

matəkən gadā suku-suku, ⟨hana⟩ palu-palu daṇḍa ⟨muśala⟩ saha⟨ya⟩ gada,

vəntis alaris pva kaguritan, asiṅ adavā jə̄ṅnya yeki kənakən.

vatək aluṅid mvaṅ paṇḍi, cu⟨B₁ : 12v⟩riga gaḍiṅ candrahāsa suṅu tinyup,

sihuṅ⟨B₁₈ : 7r⟩ umiṅis ya ta ma⟨B₂ : 8v⟩laris curik nahan yukti kakya-kyan.

śivapattra ya ta tinampil, masidəkuṅ atvaṅ hanāməluk siṅhəl,

muṅgv iṅ paṭaraṇa⟨J₂ : 5v⟩ bantal, karaṅ hulu yayā ta kakva-kvan.

anaḍah maṅhir vəḍihan aḍeṅ kr̥tala bhujaga nāgapāśa pinutər,

kadi vaṅkava ya lumaṅkuṅ, laras vinəṇṭaṅnya kakra-kran.

aṅkus galahnya binala, kuku sagayur jəṅ asivur, pahat ya tinava,

hanan pasidəkuṅ aməluk tur, kukunya tumakul kadi krə-krə.

hana tāṅi⟨J₁: 7v⟩ṇḍit ləlavak, hanan pamavā gadā nāgakonta tuhuk,

limpuṅ kr̥tala pa⟨B₁ : 13r⟩ṇḍi curik, lvirnikaṅ inuṇḍa ya jinujuṅ ika.

saṅ hyaṅ jagattripuruṣa,

namaḥ śivāya ta ṅhulun,

amvīt umastave kita,

amarṇanā vr̥tta vətun.

guruniṅ jagat kita ya,

mūlākṣara guru la⟨B₂ : 9r⟩ghu,

mātra āryā ya taṅ gaṇa,

nāhan ṅaran tataṅ chanda.

kita makarūpa chanda,

agave titi mvaṅ śloka,

ya ta varṇanənku vətun,

ya pinakasuluh iṅ rāt.

kvehiṅ vilaṅniṅ akṣara,

rikanaṅ pāda sa⟨B₁₈ : 7v⟩yati,

pāda ṅaranya sakaṇḍa,

pa⟨B₁ : 13v⟩taṅ pāda ya saśloka.

mūlanyān keṅətakəna,

akṣara tuṅgal iṅ yati,

yeka sinaṅguh antyanta,

rvaṅ akṣara atyukəta.

tryakṣara madhyama nāma,

pratiṣṭha pataṅ akṣara,

si supratiṣṭha yan lima,

nəmaṅ akṣara gāyatrī.

uṣṇik ri pituṅ akṣara,

vvalu pva ya pādānuṣṭubh,

vr̥hati saṅaṅ akṣara,

sapuluh pva si paṅkəti.

svasaṅvāda pva savəlas,⟨J₂ : 6r⟩

rvavəlas pva ya jagatī,

atijagatī tigavlas,

śakvarī padbəlas ika.

atiśakvarī limavlas,

aṣṭi nəmbəla⟨B₁ : 14r⟩s ikahən,

atyaṣṭi nahan pituvlas,

dhr̥ti yapvan vvaluvəla⟨B₂ : 9v⟩s.

atidhr̥ti saṅavəlas,

rvaṅpuluh ya tānu kr̥ti,

prakr̥ti ya ta salikur,

rvalikur ikaṅ ākr̥ti.

təlulikur iṅ vikr̥ti,

padlikur sunāmakr̥ti,

abhikr̥ti limalikur,

an utkr̥ti ya nəmlikur.

om̐

na-

ndā-

-stu.

sambah-

kvāgəṅ

riṅ hyaṅ

bhadra.

taṇḍa⟨B₁ : 16r⟩sku,

jñānaṅku,

bhaktyāgəṅ,

bhadrokti.

səkar asəp,

paḍanikiṅ,

vaca-va⟨J₂ : 7r⟩can,

vanamr̥gī.

saṅ hyaṅ akāśa,

bhūh kiraṇendu,

agni marut vvai,

aum̐ vijayanti.

sakveh ta vatək hyaṅ,

muṅgv iṅ navadeśa,

tonton praṇataṅku,

muṅgv iṅ tanumadhya.

liṇḍū mara saṅ hyaṅ,

ogah kṣiti molah,

keṅgək⟨J₁: 9v⟩ vavataṅnya,

kanyā tanumadhya.

sahananikiṅ rāt,

nara taru⟨B₂ : 11r⟩ sattva,

paḍa ta pinūjeṅ,

kusumitagandha.

mata mulat ahəniṅ,

da⟨B₁ : 16v⟩mar upamanika,

vuvus ama⟨J₃ : 7v⟩nis arūm,

madhukaralalita.

sakvehnyaṅ vatu kambaṅ,

yeky ānuṅ pamujāṅku,

kleśālvāṅa phalanya,

naṣṭāniṅ ma⟨B₁₈ : 9r⟩dalekha.

tlas ta ṅhulun amūjā,

niroga huna vighna,

phalaṅkv anu kuśāla,

kumāralalitātoṅ.

nahan sambahkva riṅ deva,

karūhun riṅ munivara,

amintāmarṇanājñāna,

vatāpathyātəhər vtunya.

sakvehniṅ pada yan pathyā,

kālapa laghuṅ akṣara,

pāda kapiṅrva⟨B₁ : 17r⟩ kapiṅpat,

pādānuṣṭup lvirniṅ laku.

āpan ya tika linəvih,

jñānāhayu lavan ulah,

pūjā satata tan alum,

śāpāntika lagi-lagin.

lvirnikanaṅ hayu lāgi,

yeki dələ̄n tuladāna,

śobha vənaṅ saparāna,

divya⟨B₂ : 11v⟩ kadi pva vitāna.

yapvan ulah lāgi tivas,

hayva ginəṅ bvat hulihan,

doṣanikāmrih ka⟨J₁: 10r⟩sulam,

mā⟨J₂ : 7v⟩ṇavakakrīḍita ya.

hayva ṅvaṅ tan pamrih yatna,

akveh lvirniṅ maṅde duhkha,

yāvat kevat śabdanteṅ len,

tāvat mr̥tyū⟨B₁ : 17v⟩ vidyutmālā.

apan ika saṅ vihikan,

tan alupa riṅpitutur,

naga ta taman gigirən,

bhramaravilambita ya.

saphalakəna huripniṅ ṅvaṅ,

magavaya hayu sambega,

yat aṅusir anurāgeṅ rāt,

bhujagaśiśukr̥tāgurva.

hayva⟨B₁₈ : 9v⟩ vākparuṣa capala,

yekaṅ abhyasa kaviratin,

byakta moha puharanika,

dvāpara nya yaṅ hayamukha.

ya tikana vastuniṅ avərə̄,

ikaṅ avamāna puja jəvah,

gərəmə təbəṅ manəmu sukha,

turidagatinya varəg upə⟨B₁ : 18r⟩t.

sakve⟨B₂ : 12r⟩hniṅ sukhaduhkha tan madoh,

petən keriṅ avak lavan manah,

nāhan hetuni saṅ mahāmuni,

ambək śuddha pinetni saṅ mahan.

deyanikā saṅ sajjana buddhi,

saṅsara mahyun riṅ sukha vāhya,

mamrih amūjā sādhaka riṅ hyaṅ,

rukmavatī sādhyanya sadāśrī⟨J₁: 10v⟩.

āpan saṅ sukha tuməmuṅ prihnya,

vvaṅ vīdagdha ya rasike ṅūni,

bhakti hyaṅ kr̥tayaśa tan seṅ vvaṅ,

gəṅniṅ puṇya pavana yānuntun.

lvirniṅ dadi vvitnikanaṅ jatinya,

maṅgəh gavenya⟨B₁ : 18v⟩n paripūrṇa janma,

hetunya mamrih magave parārtha,

rapvan təmuṅ vīrya jayendrabajra.

ikaṅ kavīryan kala⟨J₂ : 8r⟩van sukhāgə̄ṅ,

kapaṇḍitan dibya ləvihnikiṅ rāt,

asiṅ sakojarnira tan kapāpa,

upendrabajropama taṅ sulābha.

svajātiniṅ rāt maharəp kavīr⟨B₂ : 12v⟩yan,

paḍāṅajap bhyūdaya len sukhāgəṅ,

manah jugāhyun tama tan parārtha,

upasthitādoh ri sudharma saṅ hyaṅ.

jātinikaṅ vvaṅ agəṅ mada moha,

kevala buddhi taman vruh i sornya⟨B₁ : 19r⟩,

tan sakayāsiga caṅkak-acaṅkak,

dodhaka duhkha magə̄ṅ tinəmunya.

nā lvirniṅ vvaṅ hīnayonin haneṅ rāt,

bheda mvaṅ saṅ puṇyavān devayoni,

vīryāmāsan rūpavān lūd paneṣṭin,

siṅ solahnyan sālisir tan pavarṇa.

dūra pvekaṅ mada mohāṅəpə̄pa,

maṅkin humvat kasujanmannirāvan,

kendran tādəh kalivat yan kabhukti,

svecchā riṅ rāt sthira tovin vimāla.

yogya ṅvaṅ mabhyasa sukha viratin,

atyantevəh ri vəna⟨B₁ : 19v⟩ṅa kuśala,

śabdantārum kusuma paḍanika,

devāṅrəṅva bhra⟨B₂ : 13r⟩maravilasita.

mas maṇik juga viśeṣa rikiṅ rāt,

ndan ləvih təmən ikaṅ kasuśīlan,

buddhi paṇḍita lavan hupaśānta,

svāgateṅ para taṅan matalaṅkup.

saṅ narendra sira mībək iṅ jagat,

tar vənaṅ mupakareri saṅ viku,

byaktaniṅ kaviratin maharddhika,

yāmr̥tāsuṅa vənaṅ rathoddhatā.

kiraṇa pinakasuluh iṅ loka,

vulan amuhara sukhaniṅ citta⟨J₂ : 8v⟩,

⟨B₁₈ : 10v⟩sakala kiraṇa hati saṅ pra⟨B₁ : 20r⟩jña,

vuvusira ya madhugulāmr̥ta.

yeka mārganiṅ anəmvakən hayu,

saṅ vənaṅ makadulur hajəṅnira,

nīti nāga ta sirān tameṅ gita,

śrūti cihnani manah kabhikṣukan.

paṅan inum si turū sukhaniṅ dadi,

viṣaya rāga tumūt ya lavan tuha,

si tuha yeka tinūtnikanaṅ pati,

drutavilambita janma punah-punah.

nahan tino⟨B₂ : 13v⟩n saṅ viku niścayeṅ pati,

dumeh sirāmrih maṅusir guhā gunuṅ,

avak pinucchāpan avas hilaṅnika,

kadi pva vaṅśastha sirāmudāṅidaṅ.

manaḍah ta gaṅan hatatāmirasa,

virasa ndan aveh sukhacitta rasa,

rasaniṅ mahurip ya katon rinasan,

rasamātra ya toṭaka tulya kilat.

paṅgaga paṅpuṅ,

paṅgaga petən,

paṇḍula tulya,

riṅ rasanetra.

tuhu mata ya sukhenak bhoganiṅ rāt,

ri tutuk ika tan aṅgəh tuṣṭa riṅ heṅ,

viṣaya si tama humvat rāga vr̥ddhi,

riṅ avasana katr̥ṣṇan śrīpuṭāśā.

ləhə⟨B₁ : 21r⟩ṅ atikā saṅ parahita buddhi,

mayaśa sinambyan maṅuluri dharma,

mati mahurip kastavanira laṅgəṅ,

sira ta⟨B₁₈ : 11r⟩ pinūjeṅ kusumavicitra.

pəjah pveka saṅ vus lanā puṇya riṅ rāt,

umantuk sireṅ svargaloka⟨B₂ : 14r⟩ hyaṅ indra,

yayan bhāvacakra ndan olih salambvan,

ləhəṅ⟨J₂ : 9r⟩ saṅka ri crol bhujaṅgaprayatna.

aparan kunaṅ phalanikaṅ kuhaka,

inaləm tahāsukha madoh mata ya,

śata janma-janma saparanya cəmər,

bhramitākṣaranya saparanya tivas.

⟨B₁ : 21v⟩hetunyan prihən taṅ ulah sādhubuddhi,

āpan vyartha tāpa suśīla vruheriṅ,

siṅ vvaṅ sādhv atambəha riṅ rāmarena,

maṅkā strī ya satya ya taṅ vaiśvadevī.

dvaniṅ vvaṅ ahurip śaraṇagata,

mareṅ agati sarva kasih arəp,

yapvan vənaṅa sāma tapasana,

ləhəṅ matəmahan turagagati.

syapa sira tan paṅastava suśīla,

matuha rare paḍa vruh ika tan sor,

kunaṅ ivəh iṅ vənaṅ praṇata bhakti,

kadi navamālinī jugani sojar.

mataṅ ika⟨B₁ : 22r⟩⟨B₂ : 14v⟩ saṅ vruh gumagap ikaṅ me-

-vəh anumaneṅ rāt ṅuni-ṅuniṅāpuṅ-

guṅ apan ikaṅ vruh mavara-varah doh,

bhaya tan asiṅ vvaṅ kusumapadānta.

lvirniṅ vvaṅ varas agələm lanā vinasvās,

vruh mojar riṅ a⟨B₁₈ : 11v⟩lara tan tahekaṅ evəh,

vvaṅ prajñā sugih aṅajap jugul daridra,

mevəh vvaṅ maṅanumata praharṣiṇī⟨J₁: 12v⟩ len.

ya hetu saṅ vruha kulamitra gəṅ taha,

uṣādha tapva hinanakən pasaṅgrahan,

ivəhnikiṅ giṇa mahurip sadāsukha,

nahan katon surucira nitya sādhana.⟨B₁ : 22v⟩

tan mevəh lvirniṅ yaśa de saṅ karuṇeṅ⟨J₂ : 9v⟩ rāt,

vvat vve səṇḍaṅ śāla vihārāśrama bodhi,

pəh mantra mvaṅ taṅ gulikā kāyaśa donya,

kasyāsihniṅ mattamayūrā ta kiniṅkin.

sugyekā saṅ vruh haləpakəna kinatvāṅan,

āpan śuddhāmbəknira kadi variṅi⟨B₂ : 15r⟩n māvan,

mībək kaṅ rāt kapva ta sihira təkeṅ sattva,

puñcakniṅ crol ṅvaṅ gumavaya sira sambaddha.

tasik upamani saṅ dhaneṣṭi tamar pahī,

papupulanika mās lanā təka tan pinet,

sujana⟨B₁ : 23r⟩ gunuṅa puñcakanya mamətvakən,

kaluṣa təvas aṅol kədə̄ maparājita.

narapati kadi bahni dumilah apanas,

asiṅ umulat arəs mavədi giri-girin,

alas alaya gəsəṅ kalana paravaśa,

kadi ta pinusus iṅ praharaṇakalikā.⟨B₁₈ : 12r⟩

tulya prasāda sira saṅ muniman pinūja,

tan sah tamolaha samādhi śivātmaliṅga,

siṅ vvaṅ mulat praṇata bhakti manojavātvaṅ,

āpan basantatilakāmbək ayunya tinvan.

syapa⟨B₁ : 23v⟩ tan atakuta mulati munivara,

təkap i samahita ya kadi gunuṅ apuy,

brata japa ginəlarira mamənuhi rāt,⟨B₂ : 15v⟩

kalana kəḍik ika maṇiguṇanikara.

sahana-hananikeṅ rāt rakva tan vyarthabhakti,

ri yativara nihan tādeṅkva namyātalaṅkup,

sakaharəpira siddhābhakti riṅ hyaṅ paḍātvaṅ,

malakaluṣanireṅ jro mālinīnā⟨J₂ : 10r⟩ma kumlab.

sakveh tāmrih mataki-taki kasantoṣan lvāmbək,

hayva prajñan kativas ika tan aṅgan korurva,

puṅguṅ gə̄ṅən tivas ati kalələb maṅkin kleśa,

yogyāṅambək mr̥dukaralalitā gə̄gə̄ntāmrih.

vvaṅ nīca mitra sujana sakarəṅ buddhinyātut,

tan maṅga yan paḍa sujana paḍa crol satyātūt,

sojarny atūt silih iriṅ iṅ asihnyā pāṅoṣṭhan,

kumbaṅ lavan kuvalayakusuma lvirnyan meriṅ.

munivara sira satyeṅ⟨J₁: 13v⟩ sādhyāṅarcana⟨B₁₈ : 12v⟩ satata,

tan alupa satatāmrih-⟨B₂ : 16r⟩mrih śuddhabrata ginəgə̄,

mavaraṇa sukhaniṅ rā⟨B₁ : 24v⟩t sih saṅ hyaṅ tulusa masih,

brata tapa si samādhī nityā sevana giriśa⟨J₃ : 10v⟩.

ya ta satataṅ hayu tinaki-taki,

hilaṅanikaṅ daśamala madana,

ya juga sudhīramata ya linagan,

kadi kusumāyudha maṅani hati.

nda nahan vighənaniṅ agave tapabrata lanā marupuhi ri hati,

ya kadə̄hanənira taṅ adə̄h lanā ri vəṅi yātika kinatuturan,

niyatā manahira magavay hala n tulakaniṅ japa samadhi lanā,

apan ākara⟨B₁ : 25r⟩ hima masuki ta saṅ munivarā bhujagavilasita.

saṅ magave halā hayu lavan bratāmriha tapa,

māti paranya nora haməṅan hikaṅ dadi ka⟨J₂ : 10v⟩beh,

ndā kaləhəṅnirān saṅ agave yaśā parahita,

rat maṅaləm vvaṅ ambava hikaṅ jagat⟨B₂ : 16v⟩pramudita.

maṅkana rakva cihnanira saṅ anəmu kavikun,

byaktaniran huvus nipuṇa tuhu-tuhu virati,

rāga si moha māri ya tinuhagana vinatun,

mūr vinurug kadi pva gajavr̥ṣabhavilasita.

so⟨B₁ : 25v⟩⟨B₁₈ : 13r⟩lahniṅ ⟨saṅ⟩ vvaṅ hala hayu katon denikaṅ saṅ vidagdha,

sāmbəkniṅ [saṅ] vvaṅ juga katəpətan denikā saṅ prave⟨B₂ : 17r⟩śa,

sojarniṅ ⟨saṅ⟩ vvaṅ juga karuhunan denikā saṅ huvus vruh,

ndā ṅkān hyaṅ sākṣāt hatinira hibək citralekhe sisinya.

yāvat pva vvaṅ vruh umajarakən denikā bhāvabhaṅga,

ambək mohāṅayam-ayam inak buddhi santoṣa yan doh,

vruh tapvā yan vruh umujarakən sojar iṅ pustakāji,

mandākrāntā jvalana siṅ adu mona yāpan mapuṅguṅ.

yeka lanā⟨B₁ : 26r⟩ vvaṅ ambava hikāgələm anaya-naya,

śāstra gəlar bratāji vinijā-vijah apa jamujit,

yapva ginə̄ṅ rasāniṅ aji tattva ya pamurukutut,

lvir kadi vaṅśapattrapatitāvədi karuhunana.

viphala təkap ta mamrihana kūla səḍəṅ ta rare,

yan apa ya tan katoliha vuvusnira saṅ matuha,

ləviha tikā ya kesyana kabeh tikanaṅ sapakon,

avitana riṅ⟨B₂ : 17v⟩ pisan pva satahun nda ləhə̄ṅa tika.

salak laṅsəb poh naṅka rasa linəvih ṅkāsi⟨J₁: 14r⟩ṅ amani⟨B₁ : 26v⟩s,

kaśaivan kopadyan r̥ṣi muti-mutil goḍa kuhira,

asiṅ śāntā kāruṇya sira linəvih pa⟨B₁₈ : 13v⟩ṇḍita təmən,

mataṅnyekā saṅ vruh makəkəsa yavat riṅ śikhariṇī.

kadali tinətəl muṅgv iṅ dyun pa⟨J₁: 14v⟩t kuləmnya tasak ta ya,

surasa pinaṅan maṅkā saṅ vruh kuməl matapeṅ vukir,

məjaha ya si mohāmbək krodha tasak mabalik brəsih,

manahira śubha svecchā menak manohariṇīpluta.

tan adva katikā vuvusniṅ umakuṅ kalokeśvaran,

vu⟨B₁ : 27r⟩vuskəna salah halā hayu hulah ya kāṅkən gunuṅ,

nahan susupananta hayva huniṅan ri liṅniṅ sarāt,

mulat humənəṅ amriha brata kuməl sapr̥thvītala.

āpan⟨B₂ : 18r⟩ yeka kleśani si kadadi⟨J₃ : 11v⟩nyan pramādeṅ huripnya,

gə̄ṅ krodhāgə̄ṅ moha maṅapa karih tan vənaṅnyāməgəṅ hyun,

vus vruh hayva ta palə-paləh prih babad riṅ praya pəs,

vvai tāhīly ambək kusumitalatā bhāṣitārūm karuṇya.

yan sampun parituṣṭa nirmala sukhāṅambək təḍuh tañ cala,

byaktekaṅ pa⟨B₁ : 27v⟩damokṣa nitya mabənər māluy kapaṅguh məṅā,

kleśākimpəl asimpən aṅdulurakən milvāvarah riṅ havan,

norānampəta tan kavādha təkapiṅ śārdū⟨J₁: 15r⟩lavikrī⟨B₁₈ : 14r⟩ḍita.⟨J₂ : 11v⟩

dūra pvaṅ vvaṅ vənaṅ maṅkana tumulada saṅ bhāgyākr̥tavara,

āpan makral matiṅgar kadi vatu lumutən byaktan kasaləyə̄,

nyātaṅ vāhya trikāyān kavənaṅa sakarəṅ gambhīra dahatən,

śabdolah vehi somyāləməs asəmu guyu lvirniṅ suvadanā.

sakvehnikiṅ dadi kabeh⟨B₂ : 18v⟩ ta⟨B₁ : 28r⟩ nora katunan halālavan ayu,

ndan saṅ pinaṇḍita ṅaranya tan kaluputan vruhāṅhrət anahā,

enak ta durbhaganikaṅ hulah mahala yan vimārga ginave,

māsih sireṅ agati sarvajanma ṅuniveh mr̥gaṅśarajanī.

tambā roṇḍon latā mvaṅ kakayu-kayu vaneh riṅ gunuṅ vitnikādoh,

siṅ vvit pinrih pinet saṅ vruh i pakənanikā paṅhilaṅ roga donya,

maṅkā saṅ vruh vənaṅ paṇḍita śaraṇanikiṅ sarvajanmāsi⟨J₃ : 12r⟩h iṅ rāt,

tyāgeṅ yogī sahiṣṇū mara manu⟨B₁ : 28v⟩su-nusup riṅ gunuṅ mandarādri.

yapvan māpəs manahtācala-cala kavənaṅ nora bhaṅgāṅgakāra,

kābhyāsantaṅ hasih meh ika ḍiḍik avəkas hvat pisan niśrayāśā,

svecchānteṅ rāt sakahyun təka niyatanikā ndan mataṅgvan kadhīran,

tan rakva n tan dəlāhāṅ parama kaləpa⟨B₂ : 19r⟩sən sragdharā riṅ vatək hyaṅ.

byakta ləkas huvus kagavayan tikaṅ parahiteṅ parampara rəgəp,

āśrama setra tulyaniṅ avak səkar kumuliliṅ vuvus ta⟨J₂ : 12r⟩ rahayu,⟨B₁ : 29r⟩

vvai humidəṅ pisaṅ təbu vənaṅ taṅanta matalaṅkupāṅalap asor,

tīrtha pavitra tulyani manahta nirmala kadi pva madraka həniṅ.

saparananiṅ vənaṅ tuhagana bratā tapa susatya riṅ kaviratin,

ləhəṅa tikā sakeṅ guragaḍāṅaku vruh iṅ acintya riṅ kaləpasan,

saṅapa kunaṅ vruh iṅ paranikaṅ pəjah siran atīta varṇa maṅaku,

duvəg ulihanta riṅ sakalaloka mamrih agave bratāśvalalita.

hayvātah sakte bhoga bvat palə-paləh alupa ri pavəkasaṅ atuha,

nindā pāruṣya ṅvaṅ darpanyaṅ anamaya kuraṅana sinəkuṅ iṅ hayu,

lobhantomvab tr̥ṣṇā tambəh yat aṅusira sukha piduvəgana taṅ avak,

rāgāntāgəṅ mattākrīḍā ṅvaṅ aṅuluy anakəbini ya ta kita lələb.

yeka ta saṅ vruh məṅgəp apuṅguṅ⟨J₃ : 12v⟩ ri takutira⟨B₁ : 29v⟩ tatan alana tinahākveh,

āpan ikaṅ melik pinakabvat parita saṅ agəlis iṅ amuhara⟨B₁₈ : 15r⟩ vāda,

sojarika bvat yen anumodānana apihaləp aləməh iṅ⟨B₂ : 19v⟩ ujar apañjaṅ,

jñānanirālot citra paḍa trus hasiṅ ulah-ulah inabhimata ya kendran.

sarpa biṣa ndātan kamakārāləkər asiṅ anuduki ri ya ta kaviṣan maṅkəp,

maṅkana saṅ vruh mamrih umiṅkus misan avakira ya mavədi kasaha vaṅ dodoh,

siṅ vvaṅ asampe kolihan atvaṅ təkapi⟨B₁ : 30r⟩ guṇa⟨J₂ : 12v⟩nira yaśanira samarā riṅ rāt,

pādaviśāla⟨J₁: 16v⟩ lvirnikanā saṅ vruh inaləpakəna sira ta tumaha evəhnya.

kālih ikaṅ vvaṅ mol bvat anuṅtuṅ guragaḍa mahas ikaṅ ⟨ayu⟩ tan inupaya,

maṅka kinuṇḍāgəṅ ikaṅ ambək pinuji-puji paraji biṣama maca tulaṅ,

tattva sahən tūtan təka sacchāya ⟨ta⟩ paṅayam-ayamana ya taya mavərə̄,

krauñcapadāṅrat denya paḍāhyun ləvih aləpakəna mavətu kəta ya ləñok.

tan maṅkāmbəkira saṅ aṅisi kavikun anəmu ra⟨B₁ : 30v⟩sanika kaviratin⟨B₂ : 20r⟩ rakva,

saṅ yogīśvara sira saṅ anusup aṅilagi viṣaya sira tuhu licin tyāga,

vaṅke tulyanira vuta tuli bi⟨B₁₈ : 15v⟩su havak alupa ri hala hayunikaṅ loka,

śuddhāmbəknira varaṇa humidəṅ alilaṅ amava suluhira amavāhiṅ rat.

nāhan lvirnyāmbək saṅ yogī saṅ anəmu sukha ya ta viniśeṣa mās maṇikiṅ viku,

laṅgəṅ tuṅgəṅ tan polah pvā samahitanira kadi ⟨ta⟩ tasik təḍuh maləbā hirəṅ,

vastunyāvak saṅ hyaṅ śūnyātmaka sira ⟨ta⟩ ya sa⟨B₁ : 31r⟩kala yayā bhaṭāra jagatguru,

svecchā dadyāmoreṅ bāyvānapaka ⟨ri⟩ gagana mahavanan⟨J₁: 17r⟩ bhujaṅgavijr̥mbhita.

hayvāmbək taṅ harəp licin turuṅ atiṅgal iṅ viṣayaniṅ,

janmā mevəh rikaṅ vruh iṅ bvat aməgat daśendriya madəg,

āpan maṅgəh purihnikaṅ dadi jənək rikaṅ silih asih,

lvirniṅ devīvilāsinī kita ya tāparək mapak atah.

tan tuməmuṅ kapāpanika saṅ kəneṅ varavanitā,

saṅ viku rājya śāstranipuṇājareṅ ahala hayu,

donira yan vənaṅ mar abhivr̥ddhyaniṅ viku nagara,

maṅkana rakva buddhinira saṅ bhujaṅgavilasita.

nora vaneh musuhira saṅ ataki-taki hayu viku nagara,

dveṣi ta rāga ya ta pinakapamuruṅ ika ulahana tiki,⟨B₁₈ : 16r⟩

mās maṇi len anakəbi viṣa paḍanika yadi maliṅ anatah,

śakti bhaṭāra manasija makakaraṇa kusumavilasita.

ulah mamana si para katəmu halanika pirəṅən,

kinelikaniṅ umulat avədi ri ya satata kuməl,

ndi sādhvaṅ ⟨a⟩parək asama-samaṅ ⟨aṅ⟩upatani kunəṅ,

bhujaṅgaśisukr̥ta juga⟨B₂ : 20v⟩ paḍa⟨J₂ : 13r⟩nika kagiri-giri.

śrī narendralalita sukha lumiyat iṅ musuh atata sə̄h,

lvir kavīndralalita mulat iṅ acalāṅulati ⟨ka⟩laṅə̄n,

niṣparīgrahalalita sukha paramārtha manəmu həniṅ,

jātiniṅ karuṇalalita mulat ikān vulatiṅ atanu.

para kavi sira viveka mahas iṅ vukir təpiniṅ jaladhi,

sahana-hananikanaṅ kaləṅəṅan pinet mapupul ri hati,

səkar arum upama varṇa saha bhāṣa chanda haneṅ ləpihan,

jayakusuma ṅaraniṅ laku ya tiṅkahən para vīrakavi.

saphalakəna təkap saṅ aṅdan i rāmyaniṅ amuhara kuṅ yateka satirun,

ya ta guru laghu chanda nāmanikāna vinuvus iṅ arəp tumūta kalaṅə̄n,

apan atiśaya mevəh iṅ vvaṅ akīrti kakavin iki yan turuṅ vruh irikā,

hana⟨B₁ : 31v⟩ ta la⟨B₁₈ : 16v⟩ghu ri chanda yeka rəṅə̄n kusumasari ṅaranya yeka vulati.

vulat amanis pinakapayuṅa saṅ yativara sakala bhava tan kalubana,

vacana marūm pinakatəkəna saṅ viku sapara-paraniṅ amet hayu lanā,

təlas apagəh tutur avas-avasən sadunuṅan abənər iki yan tuhu təpət,

manah aləbā pinakavāhana saṅ munivara satata sira nāgakusuma.

saphala pinuja riṅ bhuvana gatinirā munivara makakaraṇa virati,

sahananiṅ amarāvaja-vaja ta kavistara vari sira tuməmu samahita,

həniṅira kadi candra manuk adiśivāmr̥ta viji-vijiliṅ vujar inaləm,

pracalita sumavur surakusuma lavan jənu mavaṅi vadara ya gumuluṅ.

kumətər ta saṅ sajjana mulat iṅ ahala jana kala kuhaka,

matakut ri buddhinya sahasa kadi viṣadhara biṣa miṣani,

ya dināmrəm isyāməjah i gatinika guməsəṅ iṅ aśaraṇa,

kadi siṅha rūpanya ya kagiri-giri vacananika gumuruh.

tripura paḍanika suraśara ri mukha vədi-vədi surapati yatna maṅiṅet-iṅət iṅ ulahirāmriha kira-kira kāraṇanira luputa,

saha r̥ṣi va⟨B₁₈ : 17r⟩ra saṅ suraguru pinakahulu vinagəd inucap iṅ bhaya vibhaya sira tuhu viveka saphala pituhun śaraṇa gata təmən,

vəkas i vəkas ikaṅ hala hayu sira vihikan iki niyata nimitta surapati sumuyug umarək ri pada paramakāraṇa maṅanumata,

kadi hudanikanaṅ kusumasadana ruru sinirir iṅ aṅin adrəs mapajara r̥ṣigaṇa ri bhaṭāra paśupati nahan lalu ṅaranikihən.

[1] sampun ikaṅ rasa chanda sarehnya təlas ginəlar hana riṅ hana riṅ guru lāghu vətunya sa⟨B₁ : 32r⟩sat ya ta⟨J₃ : 13v⟩ ḍaṇḍa ṅaranya tiṅhali.

[2] aṣṭa kasanmata nitya təkapnika rāt muji yuktinikaṅ rasaniṅ pratitan tiki de kavīśvara,

[3] divya⟨B₁₈ : 17v⟩ sabhūṣaṇa nugraha deva viśeṣa māsiha.

kṣamakəna⟨B₂ : 21r⟩ matike vuvusniṅ hulun ndah kamuṅ hyaṅ ya sa⟨J₁: 17v⟩kveh ta sūkṣmāganal muṅgu riṅ dāśadeśantare sor riṅ ūrdhah lavan madhya deśātmakāniṅ jagat lyab sakālanta devāṣṭamūrti pratiṣṭhanta sākṣāt rəṅə̄n ta kṣamāniṅ hulun svastha dīrghāyuṣāmaṅguh enak sadāyovanā,

ṅuni-ṅuni ta mahāmunī saṅ vənaṅ niśrayāśenucap saṅ kavī paṇḍita mvaṅ ta saṅ vagmi riṅ tattvavīt iṅ vatək vāla vidyā la⟨B₁ : 32v⟩van saṅ mahāsajjanārəmbha riṅ dharmakāryenakāmbək yaśāsih lavan dānapuṇya praṇamyaṅku⟨B₁₈ : 18r⟩ tonən rəṅə̄n ta stutiṅkun vruhanteka tuṣṭiṅku bhaktyādaləm,

təka ri pusu-pusuhku sumsum hutək tyəs dagiṅ rahku sakvehny avakniṅ hulun bhakti riṅ vāhya gohyaṅ kuləm sāri-sāri praṇātā satāta pradiptojvalāmbəkku tan pāntarāṅūsapiṅ jə̄ṅ mañiptālanātvaṅ magəṅ prastavanyan vənaṅ marṇanā jñāna saṅ paṇḍitāmusvakən kottaman saṅ tapahsiddha yo⟨B₁ : 33r⟩gīśvarātūt tutur hetuka,

vuṅu-vuṅu śatapattra tuñjuṅ hijo dhūpa dīpārcanā śaṅkha ghaṇṭā satātāsəkar rəb rinok riṅ jənu vr̥tti sā⟨J₁: 18r⟩teja nāhan ta simpənnikiṅ kavya kābhyāsa saṅ hyaṅ kachandan ya vartāsəkar tan⟨J₃ : 14r⟩ kəneṅ lum pamūjāṅku muṅgv iṅ rikaṅ daṇḍakā chanda nāhan ta vr̥ṣṭi prayatna stutīniṅ hulun riṅ vatək devatā.