Kuñjarakarna: Digital Critical Edition of Or. 2266 — Orginal edition by Willem Van der Molen (2011)

oṁ avignam astu.

⟨Ed^WVM : 168⟩⟨1r-1v⟩ hana carita mijil sakeṅ cipta nirmalā, ri tlasira baṭara mojārakna saṅ hyaṅ ḍarmmā riṅ vihāra buḍḍicipta, milu taṅ vatək ḍevata kabaih, mamujā ri bhaṭara sri virvacanā, liṅnira akrobyah ratusambhavah, atitaba_h, amvagasidḍi lokyahi brajapani, tlas karuhun taṅ vatək lokapala, lvirnya, indra, yamā, bharuṇa, koverā, beṣravarṇna, ya ta kaṣara kabaih, mamujā ri baṭara sri virvacanā, ri hūvusnira mojārakna saṅ hyaṅ ḍarmmā, ri vatək ḍevata ⟨A: 1r⟩ kabaih, amita sira muliha riṅ svargganira svavaṅsvavaṅ sakala maray ta. hana ta yakṣā si kuñjara karnṇa ṅaranya, ya ta maṅənakna tapa ri lambhuṅ saṅ hyaṅ mahameru, hiriṅnya lor vetan, ri kaḍiranikambhəknya,

⟨Ed^WVM : 170⟩⟨1r—1v⟩ mvaga ta kapalāṅalaṅ riṅ jānmanya, manuśa tan manuśā, ḍevata tan devata, ya ta mitanya pagave tapā, ahyun kahvata jānmanya ri dlahānya, haṅrəṅə pva yā yan bhaṭara sri virvacanā, maṅḍarmmakən darmma ri vatək ḍevata kabaih, lumampaha ta ya mamujā ri baṭara sri virvacanā, a ⟨A: 1v⟩ hyuṇ ta ya ruməṅəha varah bhaṭarā, yekiṅ maṅke bavanya.

Ø səg, ñəg, ləs marma tan asuve riṅ avan, datəṅ ta ya riṅ budḍicinta, ri kahyaṅan bhaṭara śri virvacanā, tumuluy ta ya mamujā ri bhaṭarā, ri tləsnya mamujā, manəmbah ta ya, liṅnya, uḍuh, sajña bhaṭarā, kasihāna ta ranak bhaṭara pvaṅkulun,

⟨Ed^WVM : 172⟩⟨1v-2v⟩ varahən ri saṅ hyaṅ ḍaṙmmā, sakalā ri kapalāṅalaṅ riṅ jānma ni ranak bhaṭarā, ṅuniveh pasambhulihira dadi jānmā, apan hana tinvan i ranak bhaṭara, ikaṅ vvaṅ riṅ madyapaḍa, hana hadyan hana hulun, apa du⟨2r⟩mehnya maṅkana, apan paḍa gavenya bhaṭara ika, mapa ta kaliṅan ikā, ya ta matanyan atakvan i ranak bhaṭara, nḍan varahən i ranak bhaṭara pvaṅkulun, ri kaliṅan ika, ṅuniveh ri kahilāṇa ni rānak bhaṭara, varahənira saṅ hyaṅ ḍaṙmma pvaṅkulun, uḍuh hanāku saṅ kuñjarakaṙṇna, atyanta ḍahat dəbhya niṅ tanayanku, ri hyunta vikana ri saṅ hyaṅ ḍaṙmma, mvaṅ vnaṅ tumakvanakna sambhulih iṅ dadi jāṇma, hāpan hana manuśa tinvan kavruhana ta ya paṅilaṅ klesa saṅ hyaṅ ḍaṙmma, yatapin maṅkanā, yayān tan pa⟨2v⟩takvana juga ya, rasa saṅ hyaṅ ḍaṙmma,

⟨Ed^WVM : 174⟩⟨2v-3r⟩ apan śukā ya hiḍəpnya, mapa ta suka ṅaranya, amaṅan iṅinum, mahmas mahulun, manaṇḍaṅ, nḍah ya ta suka ri hiḍəpnya ṅaranya, tan vruh pva hanaku kita tumākonakna saṅ hyaṅ ḍarmmā, kunəṅ mne kvama varahənko ri saṅ hyaṅ ḍarmmā, matanyan enāka paṅavruhāntā, mvaṅ panarawaṅa niṅ panvantā, mvaṅ pasambulih iṅ dadi vvaṅ, matanyan hana haḍyan hana hulun maṅke haneṅ rat, harata rva, kunəṅ koṇta kanyu mariṅ yamāni rumuhun, tumonton ikaṅ papā ⟨3r⟩ kabeh , ya tikā kavuhananta rumuhun, yan ḍataṅ ta kamu sakerika, samana ta kanyu varahənku ri saṅ hyaṅ ḍarmma, nḍah laku ta mareṅ lanā, patakvanta riṅ saṅ yamaḍipati, ḍumeh hikaṅ pāpa, yan paṅidəp añcagati saṅśarā, maṅkana pavarahhākna ri kanyu,

Ø uḍuh sajña bhaṭara, nḍan lumāmpaha rānak bhaṭara pvaṅkulun.⟨Ed^WVM : 176⟩⟨3r-4r⟩ seg īs, sighih jāti niti yakṣa, suməḷm tā ya ri jālaḍri, maniṅkab ta ya vinḍu jālaḍi, ikaṅ bābahan mareṅ yamalokā kagyat ikaṅ vatək hyaṅ ḍe saṅ ⟨3v⟩ kuñjarakarṇna, ya ta mātanyan kumtug tikaṅ lvaṙ kidul kulon mvaṅ vetan sḍaṅ ātḍuh ikaṅ antaralāyā, kumədut ta bhathāri prativi, umāmbəka rasa bubūla, ugah agra saṅ hyaṅ māhameru, agiyəgan tikaṅ gunuṅ, kumucak bañu niṅ sagārā, umiriti karaṅ bhajra, katub ḍeniṅ barat, seḍuṅ halisus, alivran tikaṅ viḍyatih, vaṅkavaṅ, kuvuṅkuvuṅ, togor, tugər, laraplarap bhar, samaṅkana dur bək manikab vidu jāladi, kambah ḍe saṅ kuñjarakarṇna, ya ta matanyan kagiringirin gūmirisin ta saṅ kuñjarakarṇna, turaṅgama ⟨4r⟩ rutapavānvagami, aḍrasaṅka ri bhayu, lāmpah iṅ saṅri lamphahnira saṅ kuñjarakarṇna, ḍatəṅ ta ya riṅ catuspata, ri pāsampaṅān iṅ avan, hana ṅalor, hāna ṅidul, vaneh maṅetan maṅulon, ikaṅ maṅetan, mari kahyaṅan bhaṭara isvara, bhaba _ _ risyara ulihan saṅ ⟨Ed^WVM : 178⟩ ⟨3r-4v⟩ viku sakti matapa

Ø ikaṅ maṅalvar, mariṅ kahyaṅan bhaṭara visṇūpaḍa, uihan saṅ sureṅ rana ika Ø

Ø ikaṅ maṅulvan mariṅ buḍapaḍa ikā, kahyaṅanira hyaṅ māhāḍeva ikā, ulihanira saṅ sura ḍanā ika, saṅ akratipunya riṅ maḍyapaḍa

Ø ikaṅ ma⟨4v⟩ṅidul yā tika māriṅ yāmaloka ikā, kahyaṅan bhaṭara yamāḍipati ika, ulihan ira saṅ āgave hāla ikā

Ø catuspata ikaṅ pāsampaṅan iṅ avan, i rika ta ugvan iṅ saṅ ḍvarakālā, ya ta māṅmit ikaṅ bhabhāhan

⟨Ed^WVM : 180⟩ ⟨4v-5r⟩ mareṅ svargga, lavan mareṅ yamanī ikaṅ ḍvarakalā manuḍuhākn ikā, ya tikā kapaṅgiha ḍeniṅra saṅ kuñjarakarṇna Ø satiṅāl ikaṅ ḍvarakala, ri saṅ kuñjarakarṇna, sinantonya ta yā, liṅnya, ayāyi sapa kita māra ṅke, ikaṅ catuspata, mapa ḍvaṇta mara ṅke maṅka ⟨5r⟩ liṅ nikaṅ ḍvarakalā, sumahur ta saṅ kuñjarakarṇna, liṅnya, aku yākṣa si kuñjarakarṇna ṅaran i ṅulun ikaṅ atapa ri lāmbhuṅ saṅ hyaṅ mahameru vetan lvar, kunəṅ mita ni ṅulun mara ṅke, kīnvanira bhaṭara ṣri virvacana, ṅulun kinvan mari yāmanī, nḍan ṅulun atakvan dalan mara ṅke, sumahur ta saṅ dvarakalā, oh maṅkana kupva, uḍuh atən i ṅulun laki, saṅ kuñjarakarṇna, siḍḍa bagya ta kita bapa yan

⟨Ed^WVM : 182⟩⟨5r-6r⟩ ḍatəṅ, ndānarayyantən i ṅulun kunaṅ pva ikaṅ havān mareṅ yāmani tinakvanakən yantən i ṅulun, ndah yeku ikaṅ ⟨5v⟩ avān aṅidul tut deṇta, igaligāl ta kita yāyi, nyapan tahan kita katkāna ptaṅ, apanya ptaṅ pinakabayānya maṅke, ya ta matanyan mava ḍamar saṅ mātivativa ri maḍyapaḍa, pinakasuluh iṅ atmā, yan təkeriṅ ptaṅ, apan rasakna kipəla nikaṅ ptāṅ yan tka,, lavasnya pituṅ vṅi, hilaṅ ptaṅ Ø lavasnya yan tka, uḍuh kakā ni ṅulun saṅ dvarakalā, maṅkana kupva, ndan amīta lumāmpaha ṅulun kaka saṅ dvarakalā, aum yayi, lumāmpah ta saṅ kuñjarakarṇna Ø seg, ləs, ⟨6r⟩ mārma tan asuve riṅ avān, datəṅ ta ya riṅ bumipatana, hana ta ya ṣrijāti dumilah sadakalā, lonya sendriya, sendriyā ṅaranya, svalih iṅ mata tumiṅal,

⟨Ed^WVM : 184⟩⟨6r-6v⟩ hāna ta bābhahan kapaṅgiha ḍenira saṅ kuñjarakarṇna, inəbnya tambhagā, leregānya salakā, tuvin kucinya mas, tabak lalenya vśi, ikaṅ havan saḍpa sarvah lvanya, inurap rinātaratā ginvamaya riṅ tahi niṅ ləbu kānya, tinānəman ta ya hāndoṅ baṅ, kayu puriṅ, kayu masḍaṅ asinaṅ, vinvaran āsəp ḍupā, mrabūk arum āmbhuṅ nikā, ⟨6v⟩sinavuran kəmbaṅ ura, pinujān kəmbhaṅ pupuṅvan, ya ta matanyan maruhun ruhunān ikaṅ vatəkāṅ papa kabaih vinaliṅnya ḍalan mariṅ svārga ri hidapnya, livat ta ta saṅ kuñjarakarṇna sake rikā Ø seg, ləs, ḍatəṅ ta ya riṅ tgal petrabavāna, sayvajñāna lvanya, maṅaḍəg ta saṅ kuñjarakarṇna, ri tpi nikaṅ tgāl agnikvarava, tinambhak iṅ api təpinya ri tṅah hikaṅ bumipatanā, ya ta ugvan ikaṅ kayu kalpa kandagā,

⟨Ed^WVM : 186⟩⟨6v-7v⟩ kayukayu marvan kaṇdaga, kucupnya taji, rinya saṙvvasañjata, gəṅnya sapucaṅ, ruhuṙnya sapuluḥ ḍpa, lveniṅ ⟨7r⟩ ahubnya sapuluh laksa i svarənya trana kandagā, dukut nika taji, lavan curigga, i rika taṅ vatək pāpa maṅidəpāncagatī saṅśara, ya tika_ linud sinakitan deni saṅ yamabalā, mapa ta lviranya katvan ḍe saṅ kuñjarakarṇna, hana vinaduṅ kapalānya, kana sinaṅkalā vaneh sinəbatakən śilitnya kadi vaḍi, pinupuh ta yā riṅ gaḍa vsi, sivak ta ya kāpalanya, cumvethok ta ya utəknya, thər hinurun sukunya, parəṅ sāka satus pisan, paḍa marəmpu, dinuk ta ya diṅ sula vsi, gəṅnya sapucaṅ, ḍavanya ⟨7v⟩ saphuluh ḍpa, parəṅ saka satus pisan, mapa ta lviranya, kadi valaṅ sinudukan, manaṅis ta ya hāṅanaṅānaṅi hana sambhaāt hiduṅ bapa, vaneh hasambhat ānak rabinya, hana ta pāksi yaksa si śantana ṅaranya, gāghak mahəlar curiga,

⟨Ed^WVM : 188⟩⟨7v-8r⟩ kaṇḍaga pinakakukunya, kuku mānval bhajra, mahlar kaṇḍaga, mavuruṅ taji, ya tika manambər sakiṅ kalpa kaṇḍagā, ya tika rumākut ikaṅ pāpa kabaiḥ, parəṅ saka satus pisan, linud sinahut iṅ svana yaksa, asu matdas raksasā, parƏṅ saka sevu pisan, hana ⟨8r⟩ tugəl gulunya vaneh babāl vtəṅnya, makoleran ususnya, satibānya sakiṅ kalpa kaṇḍagā kunaṅ ikaṅ ahurip, ya tika tinutakən binuru deniṅ svana yaksamukā, vadva niṅ saṅ yāmaḍipati ika, hana ta yākṣagnimuka, aptitaṅān asuku, ya tika maṅusi ikaṅ pāpa, marampak ta ya parəṅ saka sevū pisan, inambhətnya ta yavaknya,

⟨Ed^WVM : 190⟩⟨8r-8v⟩ gsəṅ avaknya, muriṅis ūntunya, mulū vijī niṅ mātanya, maṅohan mareṅan, masambhātsambhatān mati tān ahurip, mniṅ məkəh pranantika saḍakalā, ikaṅ ahurip, ya tika ⟨8v⟩ malāyu maruhun ruhunan, silih kayuh puṇḍak, gəyuh avaknya, deniṅ panās ikaṅ agnimūkā, siṅ katutūtan deni saṅ yāmabāla, sinikəp hinatə̄bakən riṅ sula vsi, gənya salṅən, davanya saḍpa sarvah trus ta ya magalutaṅ, sakeṅ silitnya mariṅ vuvuṅānya, vaneh malayu inusinya ikaṅ kalpakaṇdagā, parəṅ saka śevu pisān akampul, satkanya i svarnya, valinya bcik

⟨Ed^WVM : 192⟩⟨8v-9v⟩ paṅubāna ri hiḍapnya, ya tika hiniṅgūt ikaṅ kayu kaṇdaga de nikaṅ paksi yāksa, ya tika pākacərəb, ⟨9r⟩sākvehnya basmi pakaravasā, mapa ta lvirnya, hana sivākapalanya, ranās iganya, babāl wəṅnya, muləs usuśnya, sayat bhahunya, tan mati tan ahurip ta ya, sḍaṅnya maṅgih pañcagati saṅśarā, tivin ta yā pinagavekən ta ya baṇjanā, ikaṅ bañu mariñccik maṅlurak lirak, kadi bañu niṅ talaga ika lvirnya, yāya enāk inumən ri hidapnya, ya tika mārampak pinaranya, satkanya i rikā, kedəkan tikaṅ dukutaji, trus ta ya sukunya, sumiratā ya rahnya, tibā ta ya kabaih, kadi sinula ika lvirnya, de nikaṅ sarvvasañjata ⟨9v⟩, tka tikaṅ pakṣi yākśamukā, inigutna tikaṅ ḍivapatra, ruruh ronya kabaih, kadi suji niṅ landāk ikaṅ papa, de nikaṅ sarvvasañjātā, inabətā ya havaknya, ḍe nikaṅ agnimuka, kumicik ta yavaknya, cumothvata hutəkna, tan mati tān ahurip ta yā, mniṅ mkəh saṅśara saḍakala, maṅkana tikaṅ pāpa katiṅālan de saṅ kuñjarakarṇna, yā tika kadi hiniris hati niṅ saṅ kuñjarakarṇna, kapuhan tumon ikaṅ pāpa karmanya,

⟨Ed^WVM : 194⟩⟨9v-10r⟩ tan pakahuvusan hiḍapnya Ø maṅadəg ta saṅ kuñjarakarnna, savulat ikaṅ kidul ⟨10r⟩ katvan tikaṅ parbvata saṅgāta denya, gunug vśi mātakəp, lavan rvavaṅnya, molah sadakala, i rika taṅ vatək papa vinigraha, vinrāgakən kinor malivatā, ri paṅlak nikaṅ gunuṅ vsi, ya tika makintirān alulun, kadi prik məbər ika lvinya, saranta pva hāmbhəknya saṅ yamabalā, yamabala katon ya tika sinākitan ta ya, pinupuh ta ya ri gada vśi, gəṅnya savit iṅ pucaṅ, vaneh tinujah riṅ sula vsi, parəṅ saka satis pisan, davanya sapuluh ḍpa, mapa lvirnya,

⟨Ed^WVM : 196⟩ kadi valaṅ sinuḍukān lvirnya, inuṅsinya siṅ aglis, manəmbhah ta ya thər ⟨10v⟩ avu patra, kasih liṅnya, ah ampukulun saṅ cikrabāla, ndan kasihana ta saṅhulun, huripən taku wehən maṅjalmā riṅ madyapaḍa, varāhən riṅ yogyayogya, palar vnāṅa viratya, hulunira saṅ panḍita, gumavyākna kapramartan, maṅke pva pala nīṅ murka ginavyakən, taṅis, cih hāhah, cəmər ḍahat ikiṅ pāpa ya ta karih, enāka syambhəkmu, ḍi kapānaku wehənta maṅjaṇma, ləburən mati kaṅ rat kabaih, ṅuniveh tikaṅ ḍarmma, kuṭika, kamulan, katyagan, prahyaṅan, kalagyan salviran i ḍarmma, mapa kari kaṅ na ⟨11r⟩ ḍlahanmu, mapa yan kaḍi sinaṅa

⟨Ed^WVM : 198⟩ ikaṅ ran ḍemu, deniṅ hahəṅkaramu maṅuni, ṅunive ko ṅambhəkānupu, amatimati jaṇma tan padvasa maṅke pva pāpamu, ya tika mātmahan, sula vsi, ya tika tumrajāna riṅ sariramu, pala nikaṅ murkan ginavyakənmu, nḍah palāmu ta kvaṅ pāpa kabaih, tap kəpukəcus, kḍəpəkḍəpək, linud pinupuh riṅ gaḍa vsi, tap kəpukəpuk, kəcus, cərəcəb, samaṅkana ḍeniṅ saṅ yāmabalā, hanatīki ikaṅ vatək pāpa kabaih, mreṅan tanalarā api, samaṅkana ikaṅ pāpa katvan ḍe ⟨11v⟩ nira saṅ kuñjarakarṇna, maṅaḍəg kamaməgətən,

⟨Ed^WVM : 200⟩ tumiṅal ikaṅ pāpa vinigraha ḍeni saṅ yāmabalā, haṅrasa linu hati ni saṅ kuñjarakarṇna, kaḍi hiniri sarvvasanḍi niṅ avaknya, kaḍi ta ya maṅañjali riṅ bhaṭara sri virvacāna, liṅnya, ahah namu bhaṭara nama sivayā, tan pahiṅan juga sihira baṭara iri ṅulun, yan kinvan ṅulun mareṅ yāmani, tumiṅala ṣahan nikaṅ pāpa kabaih, vruh pva ṅulun kaliṅan ika, maṅkana liṅ saṅ kuñjarakarṇna, thər āgastuti, lumampah ta ya ḍaṅtaṅ ri kahyaṅan bhaṭara yāmaḍipati Ø ⟨12r⟩ ḍatəṅ ri kahyaṅan bhaṭara yāmaḍipati, apan tan apuguṅ saṅ yāmadipati, ri saṅ kuñjarakarṇna, ya ta matanyan paṣvegata, uḍuh sidḍabāgya ta kita yayu yān ḍatə̄n, nḍānarayyantin i ṅulun, mapa dvantatən i ṅulun mara ṅke, diṅaren kita yāyi tka mara ṅke, mapa dvanta lavan kayyanta,

⟨Ed^WVM : 202⟩ uḍuh kaka saṇ yāmadipati, dvan i ṅulun mara ṅke, kinvanira bhaṭara ṣri virvacana ṅulun, ndan ṅulun mālaku pinaḍarmmakən riṅ sira kāka saṅ yāmadipati, ḍeni kapalaṅalaṅ ri janma ni ṅulun, manuśa tan manuśa, ḍevata tan ḍevata ⟨12v⟩ ṅulun duruṅ vruh pasambhulih i ḍadi jānma ṅulun, ya ta tinakvanakən i ṅulun iṅ sira, liṅ bhaṭara ṣri virvacanā, uḍuh rahayu dahāt iku patakvananta saṅ hyaṅ ḍarmma, kunəṅ vuvusaku ri kva matanyan enāka parəjənta saṅ hyaṅ ḍarmma, mvaṅ pānaravaṅan iṅ panvantā, laku mari yamani rumuhun, tumvantn sakveh niṅ janma haṅiḍapāñcagati saṅśara, tka pva kānjyu varahənku ri saṅ hyaṅ ḍarmma, maṅkana ta liṅ baṭara ṣri virvacanā iri ṅulun, nḍān kasihana ta ṅulun kāka saṅ yamaḍipati, varāhən riṅ kaliṅanika ⟨13r⟩ lavan ta vaneh patakvanān iṅ ṅulun iri kita kāka saṅ yamaḍipati, nḍi ta havan

⟨Ed^WVM : 204⟩ katon sakeṅke, matanyan kagirigiri kaka tvanya ni ṅulun, tinambhak iṅ apuy, kiḍulnya gunuṅ vsi mvalah saḍakala, mātaṅkəp lavan rvavaṅnya ta ya, i rika taṅ vatək pāpa kaḍi pinipis ḍe nikaṅ guṇuṅ vsi, rəmə kapalanya, munvetvak ta hutəknya, mele ilātnya, mulu viji niṅ matanya, tan mati tān ahurip ta ya, saṅśara saḍakala, mapa ḍumehnya maṅkana, vidi hyaṅ mami karika, ya ta varahənta ri ṅulun kāka saṅ yāmaḍipati, uḍuh ⟨13v⟩ maṅkana kupva saṁṅ kuñjarakarṇna, nāk, varah ta kita yāyi, paenāk ta ḍenta rəṅə, ikaṅ havan katvan tejānya sakeṅke, ya tika riṅ ayahbumipatāna ṅarānya, kunaṅ ikaṅ katvan āṅuṅgul riṅ tṅah ya tika kalpa kandaga ika, kunaṅ ikāṅ atpi kidul aṅadəg ahirəṅ agəṅ katvan, yeka parvva saṅgata ṅaranya, gunuṅ vsi matakəp lavan rvavaṅnya, i rika ti ikaṅ pāpa binuru ḍeniṅ balā niṅ ṅulun ya ta dus kratinya ṅuni ika mahala

⟨Ed^WVM : 206⟩ riṅ madyapaḍa, ya tika makanḍayūtan riṅ atmā, hamalaku bhinukti, maṅkana karmanya ⟨14r⟩, ikaṅ gave hala, lavan gave hayu, pada harəp ta bhukti, ya ta sukaḍuka riṅ avāknya, ikaṅ bhumipatāna, katmu ri gavenya halā, pira ta kvehnya halā, pira ta kveha nikaṅ pāpa katvan deṇta ṅuni, sevu roṅ evu karikā katvan ḍeṇta, tan kinavruhan kvehanya, ibək ikaṅ bhumipātana ḍenya, pira ta lva nikaṅ avan tinut ḍeṇta ṅuni, saḍpa sarvah lavanya, ya tikā kaḍi kinulah ḍeniṅ vatək pāpa, kunaṅ ikaṅ havān tiga, sakilan lonya, kātuvuhan ḍeniṅ tranalāta, mapa ta yān maṅkana, deniṅ ākḍīk ikaṅ agave hayu, akveh hagave ⟨14v⟩ hālā, paḍa haḍū saduḍuhuran, ikaṅ vvaṅ ri madyapaḍa, ya ta matānyan śan kuñjarakaṙṇna, hayva tan pamrahatapa, uḍuh kāka ni ṅulun saṅ yamaḍipati, maṅkana kupva, purvvaḍuskrati hetunya, paran pva karānanyahurip muvah, apan mati ṅuni riṅ madyapaḍa ika mati ya māsarira muvah lvirnya tka riṅ yamani Ø uḍuh hariṅku saṅ kuñjarakarṇna laki, apuguṅ dahāt kita yāyi,

⟨Ed^WVM : 208⟩ nuhan kramanya, pahenāk ta paṅrəṅənta, apan lilima ikaṅ hātma haneṅ sarira, lvirnya, hātma, parātma, nirātma, hāntarātma,⟨15r⟩ centanātma, samaṅkana kvehan iṅ ātma haneṅ sarira, ikaṅ cetana, ya ta ikaṅ gave trasṇa, ya ta misanakn ikaṅ hātma pat, ya ta dadi kinimpəlākən, ya matmahan ri sarira gatra, ikaṅ duskratnya ṅuni, ya ta tumuḍuhakən ikaṅ hātma, karana nikaṅ ḍatəṅ mariṅ yamani, kunəṅ ikaṅ viseśa, sira ta maṅsil ṣariranira, sira gave hātma lima lvirnya, hātma, parātama, nirātma, hantarahatma, cetanahātma Ø ikaṅ hatma, ṅaranya, panvan, nirātma ṅaranya, paṅruṅu, hantaratma ṅaranya, usvaśa, paratma ṅaranya, sabda, ⟨15v⟩ cetanatma ṅaranya, hiḍap, ya tika misani kabaih dadi ta ya mavāk masarira, ya tika mariṅ aharəp,

⟨Ed^WVM : 210⟩ ikaṅ aharep, ya tika dadi visaya, tan vruh pva ya hamet yaṅ usāḍa, ya tika dadi vulāṅun, haṅāmbək ānumpu, aṅətal aṅuṭil, hanluh, haṅracun, hamatimati vvaṅ tan padvasa, amaṅān aṅinum, uliḥnya gave hāla, ulihnya tan curamata,

⟨Ed^WVM : 212⟩ ya ta kaviṣeśa ḍeniṅ cetanā ika, hapan ikaṅ hiḍap lumakulaku tan parerenā rahina vṅi, pagavenya hala, mati pva ikaṅ vvaṅ, ⟨16r⟩ ya ta hamava mara ṅke mariṅ yamani, ikaṅ sinakītan pinupuh riṅ gaḍa vsi ika, ya ta duskratinya ṅuni, gavenya mahala, ya ṭa dadi ṣula vsi, gaḍa vsi, ya tiku tumagihakən gavenya halā, sapvalah sapvalih, gavenya hala, ya ta katmu hala, gavenya hayu, ya ta katmu hayunya, apan paḍa humaḍaṅ ikaṅ duskratinva ṅuni, ya tika tumuḍuhakən iṅ parānya, ya ta sinaṅguh viṣeśa ṅaranya, viṣeśa niṅ aharəp, viṣeśaniṅ ālumuh, apan paḍa sadanā niṅ ahurip ika, hurīp ika kaviṣeśa deni pati, tutur ⟨16v⟩ keḍər deniṅ lupā, yatna kaviṣeśa ḍeniṅ bratājñanā, ya ta mataṅyan hayva tan prayātna, riṅ ulah, riṅ sabḍa, riṅ ambhək, nḍānyantin i ṅulun saṅ kuñjarakarṇna, kita

⟨Ed^WVM : 214⟩ maṅānakna tapā, ḍen tumulus juga deniṅ atāpa, den atāp ikaṅ hiḍap, hayva pāti suliksak hikaṅ hiḍap, ya ta sinaṅguh atapa ṅaranya, sampun pva atap ikaṅ hiḍap, alusən tikaṅ ambhək, ya ta sinaṅguh aṅalus ṅaranya, ya ta paṅilaṅ mala riṅ dilākan, narapvan tan tka riṅ yāmani,

⟨Ed^WVM : 216⟩

⟨Ed^WVM : 218⟩

⟨Ed^WVM : 220⟩ ndah duvəg deniṅ ahəkarā, ikaṅ rajah ⟨17r⟩ de nikaṅ kasantosan, ikaṅ dəbamoha, moha patenāna riṅ sanismrati, ndah yayi saṅ kuñjarakarṇna, duvəg samaṅkana pavarah iṅ ṅulun iri kita pamrih ta kita pānəmbah riṅ bhaṭara ṣri virvacana, pamalaku rinuvāt malanyantən i ṅulun, pala niṅ vruh saṅ hyaṅ ḍarmma, ilaṅ ikaṅ klesa riṅ sarira, maṅkana liṅ bhaṭara yamaḍipati, uḍuh kāka niṅ ṅulun saṅ yāmaḍipati, huvus

⟨Ed^WVM : 222⟩ ika pavarahta ri ṅulun, anusup tkeṅ tahulan, deni ṅulun ahiḍāpa, muvah takvanākna niṅ ṅulun iri kita kakā, saṅ yāmadipati, ⟨17v⟩ anəṅguh rakva kita haṅlā vvaṅ sarisari, btah kita tan kahanān papa, maṅke pva yan tinvan i ṅulun, ikaṅ kavah kinurəbākən, ināsahan vineh aradin, mapa kaliṅan ika kāka saṅ yamadipati uḍuh yāyi saṅ kuñjarakarṇna, kadi ṅulu iki haṅla vvaṅ, apan ḍuhun, luməbuh ḍavak ta ya māriṅ kavah, gninya mati den ūrubakən, paḍa haruhun ruhunān luməbuh mariṅ kavah, apan gavənya ṅuni mahala, tan kna tinaṅguhan deniṅ vvaṅ atuhanya, kdə pvalahnya bicaruka, manāsika riṅ jāgat, akrasah pada ⟨18r⟩ nikaṅ vvaṅ, asampe riṅ vvaṅ atuhā, tan hana den ilaila, ya ta mitānpa den təḍūni ikaṅ kavah, duhun ṅulun ātugu kevala juga, kinvan deniṅ sajñā bhaṭarā, kunəṅ pva ikaṅ

⟨Ed^WVM : 224⟩ kavah, mītanya kinurəbakən, inasāhan vineh aradin, hana pāpa meh luməbuha riṅ kavah dlāhanya, tan pahiṅān agə niṅ pāpanya, satus tahun lavasnya kinla riṅ kavah _dlaha, huvus pva ya kinla riṅ kavah, tka taṅ pāksi yaksi yāksamuka, rumakutā iri ya vavanənya mariṅ kalpa kandagā, pagutākna riṅ kalpa kandagā, riṅnya bajra, davanya ⟨18v⟩ sadpa sarveh gəṅnya sapucaṅ, hālaṇḍəp ta ya haṅidiṅidan, hiṅiriḍirīdan ikaṅ api yaksamukā, amurub āṅarābarāb i svaranya, kumicik āvaknya, ta mati tan ahurip ta yā, lawasnya sinaṅsara sevu tahun, meh ta ya luməbuha riṅ kavah maṅke, ndah ya ta karananya pinahayu ikaṅ kavah, uduh kaka saṅ yāmadipati, enāk dahāt paṅavruhta kāka, aṅras allinu jūga hati ni ṅulun, harəṅə vuvusta, hilaṅ juga hyun iṅ ṅulun huripa, maṅrəṅə,

⟨Ed^WVM : 226⟩ sabdaṇta kaka saṅ yāmadipati, ndi ta saṅka nikaṅ pāpa kākā, ⟨19r⟩ uḍuh hantən i ṅulun saṅ kuñjarakarṇna, sakiṅ svargga ikaṅ pāpa saṅkane, tan paṅruṅu kari kita saṅ kuñjarakarṇna, hana widadāra sākti, anāk saṅ hyaṅ indra, saṅ purnnavijāya ṅaranya, sakiṅ kendran saṅkane, agəṅ dvasannya, atyanta həṅkaranya, vgig, buraṅkak, Aṅalāpi stri laraṅan, maṅdəda vvaṅ tan padvasa, asampe riṅ vvaṅ atuha, apeda riṅ vvaṅ kaṣesih, iniṅətakən deniṅ gavenya hala, dinuduta ya deniṅ duskratinya ṅuni ika, pvalahnya ṅuni mahala, mati pva yā, ya tika manuntuṇ mariṅ kavah, ahah sapa ta liṅta ⟨19v⟩ kāka saṅ yāmadipati, saṅ purnnavijāya luməbuha riṅ kavah, sigih yayi, apan daləm papanya, cih hah hah uduh kapuhan juga ṅulun kaka saṅ yāmadipati, yan papa

⟨Ed^WVM : 228⟩ saṅ purṇnavijāya, aparan kaliṅan ika saṅ yamadipati, apan antyaṇta ikaṅ svargga kahānan ikā, mvaṅ ikaṅ devatā kabaih, paḍa bakti iri ya, ṅuniveh ikaṅ viḍadḍara, vidadari, pada bakti iri ya, ya ta karanā ni ṅulūn agavok make, kapiṅin ta ṅulun tumiṅal i sukanya, tumədūna pva ya riṅ kavah maṅke ya ta karanā ni ṅulun kapuhan denya, ⟨20r⟩ tuwin sanāk iṅ darmma ṅulun lavan ikā, ya ta karanā ni ṅulun alāra ḍenya, namu baṭara nama sivaya Ø kamāyaṅan ṅulūn uvus ānəmbhaka riṅ baṭara ṣri virvacanā, yadyapin gane ṅulun luməbuha riṅ kavah, yan tan bhakti riṅ bhaṭara, ndan. tulusākna asihta ri ṅulun kaka saṅ yāmadipati, kita pināka guruha ni ṅulun riṅ hayu, lavan ta vaneh takvanāka ni ṅulun iri kita kāka saṅ yamadipati, yen malāku jānmu ikaṅ pāpa vineh karika kāka saṅ yamadipati, uduh hari ni ṅulun saṅ kuñjarakarṇna laki, ndān vinih mami ikān maṅjaṇma ⟨20v⟩ ri madyapaḍa, ndah lamun uvus āmukti

⟨Ed^WVM : 230⟩ pañjacagati saṅśara rumuhun, maṅjānma ta ya riṅ madyapaḍa, lvirnya, kulitnya, dagiṅnya, rahnya, tahulanya, siṅ śarvvasaṇḍdinyavaknya, ya tika hinərəb mami, vinvar lavan kəmbhaṅ ura, sinambhuratakən mami riṅ madyapaḍa, ya tika dadi karāramah, lvirnya, vəḍit, caciṅ, tətək, litah, hiris pvah, ulər tahun, sakveh niṅ kinəlikan iṅ rat, śevu tahun lavāsnya iri ya, mati pva ya, maṅdadi ta ya muvah, lvirnya, piṅpilikan, kukudikan, ampal tavvan, kubram, olan valan, smut, karva ⟨21r⟩ rvatva, lavasnya iri ya, satus tahun, mandadi ta ya muvah, lvirnya valaṅ, vulaṅ valahan, ageage, ucit, ayuyu, kul susuh, sakveh ni kapaṅan, ya tika pinakadadinya, lavasnya iri ya, ṣevu tahun, mandadi ta ya muvah, lvirnya, manuk, hayam, bañak, itik,

⟨Ed^WVM : 232⟩ sakveh niṅ asuku rva, lavasnya iri ya, satūs tahun, maṅdadi ta ya muvah, lvirnya, asuku pat, livak, tiṅgaluṅ, tigiliṅ, bajiṅ, jalaraṅ, tikus, kuvuk, saśalyi, kacil, kidaṅ, varaha, səguṅ, sakveh niṅ asuku pat, lavasnya iri yā satus tahūn ⟨21v⟩ vineh ta ya dadi vvaṅ, tan savasa, lvirnya, vukvūk, vuta, tuli, vudug, sikəl, bisu, cabval, ayan, edan, buśuṅ, burut, picək, bulər, beler, belek, vikət,

⟨Ed^WVM : 234⟩ davir, suviṅ, kiñcat, salvir niṅ vvaṅ tan sarvasa riṅ madyapaḍa, samāṅkana cinānya sakiṅ yamāni, salavasnya mamūkti lara jūga, maṅjānma ta ya muvah, jati palipurṇna, cepupu, tuha nakāvsi saṅ pradana, taḍah vuk, tuṅgu mati, mararambirami, kdi, kumiṅ, lañjo, kasesih, ayan edan, budəg, tubuṅgən, griṅriṅāgirih tan patuluṅen, ⟨22r⟩ ya tika cinānya sakiṅ yamani ika, samaṅkana pavarahān i ṅulūn iri kita yāyi saṅ kuñjarakarṇna, laku ta vai pan=mbah ri sajñā

⟨Ed^WVM : 236⟩ bhaṭara ṣri virvacana, pamalakau viṅnarah ri saṅ hyaṅ ḍarmma, marapvan ilaṅ ikaṅ kleṣa, ri sariranyantən i ṅulun, mgāpa tan molah aṅelāmetaha bcikān iṅ dadi, uduh kaka ni ṅulun saṅ yāmadipati, antyantā dahat juga sihanta ri ṅulun kāka, mne ta kāka vinali ni ṅulun, tan tuhva juga vuvus iṅ vvaṅ ātuha, jadijadi vvah iṅ tmu, tmu, calukcaluk vvaḥ iṅ kamaligi ⟨22v⟩ gave hala, ya ta hala kātmu, gave hayu, ya hayu katmu, maṅke kapva puhara ni vvaṅ tan pamituhu vuvūs iṅ avvaṅ atuha, kunaṅ saṅ purṇnavijayā, amintuhu ṅulun yan āpapa, yan matya husən, apan mahiḍəp saṅśara, maṅkvagriṅnya vudug, tan kneṅ iniku denya mvajār kunəṅ ulun kaka tumuta iri kita, ndāna ṅulun māṅaka kabāktinira kita kāka saṅ yamādipati, apan kita hamarah riṅ hayu, amratyakśakna saṅ hyaṅ darmma iri ṅulun,

⟨Ed^WVM : 238⟩ aum yayi saṅ kuñjarakarṇna, nihan ta saṅ kuñjarakarṇna maṅnakna kabāktin, māmu⟨23r⟩ja ta ya ri saṅ yamadipati, manəmbhab ta ya thər amit lumāmpahā, uduh kakā saṅ yāmadipati, ndi dalam mariṅ kendrān kaka, ndān tuduhakna ta ṅulun riṅ hnu, uduh hantən i ṅulun saṅ kuñjarakārṇna, yeku kaṅ āṅalvar aṅetan tut deṇta, bvah ta kāka ni ṅulun saṅ yamādipati, ṅulun amit lumāmpaha Ø sinuṅākən tan tiniṅət, seg, ləs, lumāmpah ta saṅ kuñjarakarṇna, tmədās ta ya mariṅ kendran, vilāsa nika ir kahanānira saṅ purṇnavijāya, mārma tān asuve riṅ avan, ḍatəṅ ta ya ri kahanānira saṅ purṇnavijā⟨23v⟩ya, tatkala ri tṅah kuləm, athər aminta vṅa ni bābahan, ya tika manatag inəb, tap, goṅ gvaṅ, ndah yayi yaṅ purṇnavijayā, ndān ṅulun aminta vṅa ni lavaṅ sakarəṅ, saṅ purṇnavijāya sḍaṅ enāk aturu, lavan kasihanya, aṅrəṅə ta saṅ

⟨Ed^WVM : 240⟩ kusumagandavati, athəra ta ya sumahur, avinṅavin syapa ta sireku, hamalaku vṅa ni lavaṅ hantən i ṅulun, aku iki yayi, si kuñjarakarṇna ṅaran i ṅulun, saṅ purṇnavijāya akvanən ataṅya, uduh kakā ni ṅulun, ⟨24r⟩ tka ta saṅ kuñjarakarṇna, həh həh nṇ ta syapa liṅta ibu, sdaṅ enāk aturu ṅulun, ri kāka saṅ kuñjarakarṇna tka uḍuh māṅkana kupva ibu, pasuṅ dvara sakarəṅ, tan vihan saṅ kusumagandavati, lumampah ta ya Ø səg, rəp, datəṅ riṅ lavaṅ, viṅakna ta yā, tap grit, ḍataṅ tumāma ri ḍaləm, ri kahanan saṅ purṇnavijaya, saṅ kñjara kaRrṇna, uduh kaka ni ṅulun saṅ kuñjarakarṇna, ndān kasuguhāna ta kakā ni ṅulun, bagya yan ḍataṅ ta kaka, ndanāraryyana kaka ni ṅulun saṅ kuñjarakarṇna, diṅaryan tka mara ṅke, uduh ha⟨24v⟩ntən i ṅulun śan phurṇnavijayā, ṅulun kinonira baṭara ṣri virvacana, maraha riṅ yamāni, tumontona sakveh

⟨Ed^WVM : 242⟩ nikaṅ pāpa kabaih, lumāmpah ta ṅulun ḍatəṅ riṅ yam_ani, saḍatəṅ ni ṅulun i rika, katoṇ tikaṅ pāpa kabaih, ana ta kavah inasahan vineh haraḍin de saṅ yāma, ndān gavehane, kita rakva kinlin iṅ kavah liṅnya, pituṅ vṅi ta rakva vəkas, kita luməbuha riṅ kavah, ṣevu ṭahun ta rakva lavāsta kinla ri kavah, ri huvus ta kita kinle kavah, pagutakna rakva kita ri kalpa kāndaga, tur ta kita sinaṅkala deniṅ saṅ ya⟨25r⟩mabalā gantuṅən ta rakva kita, thər vinvaṅān api si śvarnya, lavasnya ṣevu tahun, ludəṅ deniṅ agni yaksamukā, apiyatəndas raksaṣa, gumsəṅānaṅ rī kita, sahutən ta rakva kita deni svana yāksamuka, asu matdas rakṣakṣa, pinaka vadva niṅ saṅ yamadipati ika, maṅkana pavarahira saṅ yamadipati iri ṅulun, samaṅkana pavaraha niṅ ṅulun iri kitā yayi, saṅ purṇnavijaya ṅulun āmita lūmāmpahā, datṅa ri sājñā baṭara Ø vahvaṅadəg ta saṅ kuñjara karṇna, ya ta pinīkul tā sukū nira saṅ kuñjarakarṇna, deni saṅ purṇnavijāya ⟨25v⟩, athər anāṅis,

⟨Ed^WVM : 244⟩ amīnta kinasihan, liṅnya, uduh kāka ni ṅulun saṅ kuñjarakarṇna kaka, huripāku ta kāka, tuluṅ laraṅku, həntasakna taku sakeṅ yāmanī kaka, tan pāhiṅān dāhat jūga agəṅ nu pāpa kabukti denku kāka saṅ kuñjarakarṇna taṅisā makana ta panaṅis nikaṅ purṇnavijāyā, uḍuh ariṅku saṅ purṇnavijāya laki, paran gauna ḍayaṅkva iri kita laki, tan vruh ṅulun paṅila māla riṅ sarira māpa denta tumvan iri ṅulun, yan vruha ṅulun paṅilaṅ klesa riṅ sarira, ilaṅ kāsi rupa ni ṅulun ī yakṣa iki, kunaṅ ḍa⟨26r⟩yaṅku ri kita, ṅuuln aṅetəra iri kita, marəkā ri bathara ṣri virvacana, suməmbhaha ri sira bhaṭara ṣri virvacana, palarən sira siha iri kita, ya mātanyan ilaṅa ikaṅ pāpa sakiṅ avākta, ni sariranta amusphaha ndah padandan ṭhā rari, uḍuh kaka ṅulun amīta

⟨Ed^WVM : 246⟩ riṅ arinta kāka saṅ kuñjarakarṇna, aum yayi saṅ purṇnavijaya, amita saṅ purṇnavijaya ri saṅ kusumagandavati, uduh ariṅku saṅ kusumagāndavati ibu, paṅer ta kita haribu, ndān ṅulun datəṅa riṅ budḍicinta, sumāmbhaha ri baṭara ṣri virvacana, lavan kāka ni ṅulun sa kuñjara karṇna, uduh ⟨26v⟩ kāka ni ṅulun saṅ purṇnavijāya, ambhərambər iṅ avan kāka saṅ purṇnavijayā Ø səg ləs, lumāmpah ta saṅ purṇnavijāya, lavān saṅ kuñjarakarṇna, m_arma tān asuve riṅ avan, ḍataṅ ta yā ri budḍicinta, ri kahyaṅan baṭara ṣri virvavana, sḍaṅ aluṅuh ta sira ri paḍmasāna mānikmaya, ugvanira mandesanakən darmma, vakya mvajār ta saṅ kuñjarakarṇna ri saṅ purṇnavijāya, uḍuh ariṅku saṅ purṇnavijāya, hayva ta kita parəṅ lavān ṅulun sumāmbhah ri baṭarā, mne tabaṭara ṣri virocana kita manəmbhah ri baṭara, ndan lamun ⟨27r⟩ ṅulun sampun amujā, nyapan tahan sira tan picayā iri kita, sampun pva ṅulun āmujā ri baṭara, māmujā ta kita gumānti, nyapān tahan bhaṭarakroḍa iri

⟨Ed^WVM : 248⟩ kita, hayva ta kita laṅgana, pamrih paməkūl i jəṅira baṭarā juga kita mne, ndah laku ta kita pasiṅidan ta kita rumuhun, uduh kāka paran liṅa ni ṅulun kāka Ø seg ləs, luṅa dvadvah saṅ purṇnavijaya, rəp mamjuā ta saṅ kuñjarakarṇna riṅ baṭara, rəp manəmbhah ta ya, thər mvajar saṅ kuñjarakarṇna, uduh sajñā bhathara, nəmbhaha ṅulun, sampun ta ranā⟨27v⟩k bhaṭara sakeṅ yamāni pvaṅkulun, atyanta juga kveh nikaṅ pāpa katiṅalan ḍeni ranāk bhaṭarā, ilaṅ juga yun i ranāk bhaṭara mahurip, ṅuniveh yan manuśahā, tuvin enak pavarah saṅ yāmadipati, i ranāk bhathara, ndān tulusakna kasih bhaṭara i ranāk bhaṭara, ndan varahən ta ranāk bhaṭara, ilaṅa nikaṅ klesa ni ranāk bhaṭarā

⟨Ed^WVM : 250⟩ sakiṅ sarira pvaṅkulun, apan evih ri mavamewəh riṅ amaṅun sarira, byakta pun purṇnavijāya, pamyaktanya enak denya pamaguh suka, yatapin maṅkanā, pjaha rakva tuməmpuha riṅ kavah, pamyaktanya ri pamanggu⟨28r⟩h lara, griṅnya vudug ta ya maṅke, lavasnya kinla riṅ kavah satus tahun rakva pvaṅkulun, maṅkana liṅ saṅ yamadipati, ya ta karanā ni ranāk bhaṭara māmujā maṅke, ahyun varahən de bhaṭara tamba niṅ maṅkana, lavan ta vaneh paṅilaṅa nikaṅ pāpa sakiṅ sarira nikleśa sakiṅ avak sarira ranāk bhaṭara pvaṅkulun, uduh anaku saṅ kuñjarakarṇnā laki, atanta dāhat vuvustanāku saṅ kuñjarakarṇna, ri patakvananta saṅ hyaṅ ḍarmma iri kami, matakvan mulā ni dadi jānma,