Dharma Pātañjala

⟨ms: 0v⟩⟨lb⟩siddhir astu

⟨lb⟩saṅ kumāra ikā manaṅkil ri bhaṭāra, kālanira hana ri puñcakniṅ gunuṅ-⟨lb⟩kelāsa, dadi saṅ kumāra mamūjā, maṅhanākən pañcopacāra, ri huvusnira ⟨lb⟩mamūjā, manambhah ta sira ri bhaṭāra, ri huvusnira manambhah, maluṅ-⟨lb⟩guh ta sira, tumañākən ikaṅ tattva viśeṣa,

liṅnira,

sājñā bhaṭāra, kasihana rānak bhaṭāra, varahən ikaṅ samyajñāna, yatān-⟨lb⟩yan hilaṅa sandeha rānak bhaṭāra,

⟨lb⟩sumahur bhaṭāra

⟨lb⟩hayu iku takvantānaku, ikaṅ samyajñāna ṅaranya, evəh kapaṅguhanya, apa ⟨lb⟩dumeh ya mevəha, yan kva liṅanta, tātan vənaṅ samyajñāna, yatan hana ⟨lb⟩⟨ms: 1r⟩ samādhi, ikaṅ samādhi tan dadi ikā tan kinavruhan saṅ hyaṅ paramār-⟨lb⟩tha, apan kapaṅguhan saṅ hyaṅ paramārtha doniṅ samādhi ginavayakən⟨,⟩ ⟨lb⟩maṅkana liṅ bhaṭāra,

⟨lb⟩sumahur saṅ kumāra

⟨lb⟩sājñā bhaṭāra kāsihana ṅhulun varahən ri lakṣaṇa saṅ hyaṅ paramārtha, ⟨lb⟩maṅkana liṅ saṅ kumāra,

⟨lb⟩sumahur bhaṭāra,

⟨lb⟩nihan lakṣaṇa saṅ hyaṅ paramārthānaku kavruhanta ◆

⟨lb⟩apan sira sinaṅguh acintya, apa tar kavənaṅ inaṅən-aṅən, niṣkala sira tar pā-⟨lb⟩vak, tan pavarṇa, ta⟨ms: 1v⟩n baṅ, tan aputih, tar kuniṅ, tan hirəṅ, kapila dvivarṇādi, ⟨lb⟩tan hana ikā kabeh ri saṅ hyaṅ paramārtha,

⟨lb⟩tātan kəna ri tuha pati, tan palvaṅ tan patambhəh, abyaya juga ya, nitya ⟨lb⟩humidə̄ṅ, sira ta suka tar pahuvusan, inak tar pabalik lāra, hurip tar pabalik ⟨lb⟩pati, sira ta ləvih saṅkeṅ rāt kabeh, sira tika ləvih tar kaləvihan, vibhuḥ ta ⟨lb⟩sira, vibhuḥ ṅaranya, humibəkiṅ rat kabeh, ndātan katon, sira kətah manon, ⟨lb⟩ tan kinavruhan, sira ta maṅavruhi, apan sarvajña sira, sira kumavruhīṅ rat ⟨lb⟩kabeh, sarvakāryakartā sira⟨, sira⟩ gumavay ikaṅ rat kabeh, a⟨ms: 2r⟩pa byaktinya ⟨lb⟩nihan, kita kabeh mahurip, molah⟨,⟩ umambhək, vruh riṅ abhiprāya, nahan ⟨lb⟩byakti saṅ hyaṅ paramārtha an hana ri kita lāvan iṅ rāt kabeh, ikaṅ hiḍəpta ⟨lb⟩ri saṅ hyaṅ paramārtha, ya ta inaṅən-aṅənta ri rahineṅ vəṅi, ləvih pva ṅaran-⟨lb⟩iṅ prajñā, samapada lakṣaṇanya lāvan saṅ hyaṅ paramārtha, ya ta mataṅ-⟨lb⟩nyan samādhi ṅaranikaṅ inabhyāsa saṅ mahyun ri suka viśeṣa, apan yekā ⟨lb⟩sinaṅguh kaləpasən ṅaranya, hana pvekaṅ samādhi ri saṅ hyaṅ paramārtha, ⟨lb⟩ya ta maməkasakən saṅaskāra riṅ citta, ya ta sinaṅguh samyajñāna ṅaranya, ⟨lb⟩dudū saṅke ⟨ms: 2v⟩ mithyājñāna, maṅkana liṅ bhaṭāra,

⟨lb⟩sumahur saṅ kumāra,

⟨lb⟩aparan ikaṅ mithyājñāna ṅaranya sājñā bhaṭāra, kasihana ṅhulun varah-⟨lb⟩ən iṅ lakṣaṇanikaṅ mithyājñāna, maṅkana liṅ saṅ kumāra,

⟨lb⟩sumahur bhaṭāra,

⟨lb⟩nihan lakṣaṇanikaṅ mithyājñānānaku, ikānaṅ humiḍəp humadhikārākən ⟨lb⟩sahiṅani kavruhnya, makasādhana pratyakṣa juga, liṅnya, tuhu ikā saṅ hyaṅ⟨lb⟩ paramārtha tan pāvak, tan pavarṇa, apan tayā sira, apa byaktanyan tayā sira ⟨lb⟩saṅ hyaṅ paramārtha, apan tayā saṅkanta ṅuni, mithya pva kita hələm, tayā-⟨lb⟩tah paranta, ya ta mataṅnya/n tayā paramārtha,

⟨lb⟩tayā pva saṅ hyaṅ paramārtha, ya ta mataṅnyan tan [suv]a[l]a ikaṅ hulah ⟨lb⟩kabeh, apan yātāyāta iki havak, ikaṅ agave hayu ṅaranya, adva ikā, ⟨lb⟩syapa tumon phalaniṅ gave hayu, syapa saṅkeṅ svarga, syapa pratyakṣa vruh iṅ ⟨lb⟩kahyaṅan, maṅkana liṅnya, tapvan pratyakṣa vruhnya riṅ kahyaṅan, mvaṅ ⟨lb⟩saṅke svarga, ya mataṅnyan adva ikā kabeh, maṅkana taṅ magave hala sin-⟨lb⟩aṅguh pāpa, syapa saṅke naraka, sa[ṅ a]byaktā vruhnya riṅ mahāraurava, ⟨lb⟩mataṅnyan pāpaṅ vaṅ magave ha⟨ms: 3v⟩la, tapvan hana pratyakṣa vruhnya ri ya-⟨lb⟩mani, ya mataṅnyan sam[e]naka ri kita hulahanta, apan yāya hulahanta ri ⟨lb⟩saṅ hyaṅ tayā, maṅkana liṅnya, ya ta mataṅnyan tan pavatəs ikā hulahnya, ⟨lb⟩arok majəmur, ikaṅ hala hayu iriyā, lāvan hiḍəpnya, ikaṅ ambhək maṅkana, ⟨lb⟩ya ta mithyājñāna ṅaranya, maṅkana liṅ bhaṭāra,

⟨lb⟩sumahur saṅ kumāra,

⟨lb⟩takarin tuhu pakṣanikā maṅkana, sājñā bhaṭāra, maṅkana liṅ saṅ ku-⟨lb⟩māra,

⟨lb⟩sumahur bhaṭāra,

⟨lb⟩ya ta mataṅnyan mithyājñāna ṅa[ranya] ambhək maṅkana, apan adva ikā, ⟨lb⟩byaktānyān adva ikā, tuhun ta⟨ms: 4r⟩n hanā ikaṅ rāt kabeh, yan tayā saṅ hyaṅ ⟨lb⟩paramārtha, mvaṅ tātan ahuripa kita kabeh, yan tayā saṅ hyaṅ paramārtha, ⟨lb⟩katon pvekiṅ huripta, mvaṅ hananikaṅ rāt kabeh, ya ta paṅavruhananta ri ⟨lb⟩tan tayā saṅ hyaṅ paramārtha,

⟨lb⟩nihan sahur samithyājñāna, kadi saṅ hyaṅ paramārthātah pinakahurip-⟨lb⟩niṅ rāt kabeh, apan dudū ikaṅ hurip avaknya, yan kva liṅa saṅ para, apa ma-⟨lb⟩taṅnyan paramārtha panaṅguh i sira ya ta karih, yan lena saṅke cetanā, apan ⟨lb⟩cetanā pva mūlanikaṅ hurip an hana, ikaṅ ceta⟨ms: 4v⟩nā ṅaranya, tan palakṣaṇā ⟨lb⟩ikā, tan pagati, tuhun mabotanā kasornya saṅkeṅ paramārtha, lāvan tan sar-⟨lb⟩vajña,

⟨lb⟩ika taṅ cetanā maṅkana, ya tekā maṅhanākən hurip, tan lena ikā yan lena ⟨lb⟩saṅke paramārtha, lāvan nihan patakvanaṅkva ri saṅ para, ikaṅ paramārtha ⟨lb⟩liṅta, an pakalakṣaṇa tayā, cetanā tan pacetana kunaṅ, kari sira, sumahur ⟨lb⟩saṅ para, vāhya ṅaranikātah, yan cetanā saṅ hyaṅ paramārtha, tayā pisaniṅu ⟨lb⟩juga sira, aləṅis tan avayavi, ya ta sinaṅguh śūnya ṅaranya, ya ta sinaṅguh ⟨lb⟩niṣkala ṅaranya liṅ saṅ pa⟨ms: 5r⟩ra maṅkana, ndi ta deśanikaṅ tayā maṅkana, ka-⟨lb⟩pan tikiṅ rat kabeh təka tan hana, sumahur saṅ para, hilaṅ təkekiṅ rat dlāha, ⟨lb⟩apan tayā saṅkanya ṅūni, apa dumeh ika rat hana vəkasan hana juga tan ⟨lb⟩pakanimitta, hana hana tan pakapūrvakaṅ ginave, maṅkana yan hilaṅ tan ⟨lb⟩hana humilaṅakən ya, maṅkana liṅ saṅ para, tamatan dadi vastu tan pa-⟨lb⟩cetanā, gumaveyāvaknya hana lāvan tayā, kadyaṅgāniṅ ləmah, tan dadi ⟨lb⟩ikaṅ gumaveyāvaknya, saṅ apa gumave hananya mvaṅ hilaṅnya, yan kva ⟨lb⟩liṅa saṅ para, bhaṭāra saṅ hyaṅ paramārth⟨ms: 5v⟩a ṅaranira liṅ mami,

⟨lb⟩sira vənaṅ maṅhilaṅakən maṅhanākən, apan sira prabhu, vənaṅ makecchā ⟨lb⟩ikaṅ rat kabeh, sira vicitrān təmən, vənaṅ maṅhilaṅakən pāpa lāvan ⟨lb⟩lāra, nāhan kadibyan bhaṭāra kinabhaktyan, sumahur saṅ para, hana kapva saṅ ⟨lb⟩hyaṅ paramārtha liṅta, hana sira, ndātan palakṣaṇa, tan pāvak, tan katon, ⟨lb⟩tan kagaməl, tan vənaṅ inaṅən-aṅən, ya sinaṅguh sūkṣma ṅaranya, suma-⟨lb⟩hur saṅ para, avyāhata tañaṅkva vuvusta, {sumahur saṅ paramārtha} sakā-⟨lb⟩makāma, tathāpi lakṣaṇā, yan kva liṅa saṅ para, ⟨tan⟩ katon ta⟨ms: 6r⟩h saṅ hyaṅ ⟨lb⟩paramārtha, ndān kāryanira ya katon, ndya gavenira, nyaṅ tiryak lāvan ikiṅ ⟨lb⟩aṇḍabhuvana, təlas karuhun janma mānuṣa, yeki gavenira, sumahur saṅ pa-⟨lb⟩ra, apa pramāṇanta sumiddhākən ikā pakṣanta, apa tan pratyakṣa katon bha-⟨lb⟩ṭāra, gumave ikiṅ aṇḍabhuvana, mvaṅ tiryak lāvan janmamānuṣa,

yan kva liṅa saṅ para, nihan śakti bhaṭārān hane kita, ndya ta ya⟨,⟩ nihan,⟨lb⟩ ya dumeh kita vruh iṅ heyopadeya, ikiṅ saṅ dumeh kita maṅhiḍəp{,} suka⟨lb⟩ duhka ri śarīra, ya tekā jñānaśakti bhaṭāra ṅara⟨ms: 6v⟩nya, cetanāmaya dumeh-⟨lb⟩nikaṅ rat mahuripa kabeh⟨,⟩ rasekā ri hatinta, hana kari sira,⟨lb⟩ tayā kari sira, suṅguh tayā vruh lumakṣaṇe sira, ya tikā dumeh ṅaranya, nihan sahur saṅ⟨lb⟩ para, kadi śakti bhaṭāra cetanā, apan papupulniṅ śarīra ikā magave hiḍəp, ya⟨lb⟩ ta sinaṅguh cetanā ṅaranya, yan maṅkana liṅa saṅ para, mapekaṅ vvaṅ mati⟨lb⟩ maṅipi hana śarīranya tan vikāra, apekā tan pañetanā, māvasānaṅ avuka⟨lb⟩ juga, nahan byaktanikaṅ mithyājñānānaku,

sumahur saṅ kumāra,

kevala salah pveka mi⟨ms: 7r⟩thyājñāna sājñā bhaṭāra, apa dumeh ikā maṅkana,⟨lb⟩ kasihana varahən rānak bhaṭāra, maṅkana liṅ saṅ kumāra,

sumahur saṅ hyaṅ,

nihan prastāvanikā mataṅnyan maṅkana, jñāna bhaṭāra kāla ikā, saṅ pina-⟨lb⟩kāvak bhaṭāra yan pamralayākən rat, nahan mūlanikaṅ mithyājñāna,

yapvan hanā viku maṅkana jñānanya dlāha, yekā paṅavruhananta təka ma-⟨lb⟩hāpralaya, maṅkana liṅ bhaṭāra,

sumahur saṅ kumāra,

apa ta upāyaniṅ janma yan maṅkana, yatanyan tan kavava riṅ mithyājñā-⟨lb⟩na sājñā bhaṭāra, kasihana va⟨ms: 7v⟩rahən rānak bhaṭāra, maṅkanā liṅ saṅ kumāra,

sumahur bhaṭāra,

nihan deyani janma yan mahyun samyajñāna, təlu kvehnya, pratyakṣapra-⟨lb⟩māṇa, anumānapramāṇa, āgamapramāṇa, nāhan saṅ pramāṇa təlu ṅaranya,⟨lb⟩ pratyakṣapramāṇa ṅaranya, ikaṅ vastu tan parakva, yekā pratyakṣapramāṇa⟨lb⟩ ṅaranya, anumānapramāṇa ṅaranya, hana vastu tan katon, ndan siddha hi-⟨lb⟩ḍəpniṅ vvaṅ iriya, apan hana cihna paṅavruh iriya, nihan padanya, kady-⟨lb⟩aṅgāniṅ deśa ri sabraṅ, dadi hiḍəpniṅ vvaṅ riṅ hananya, apan hana⟨lb⟩ katon⟨lb⟩ ikā vvaṅ dudū rū⟨ms: 8r⟩panya kadyaṅgāniṅ brāhmaṇa lāvan pujut⟨,⟩ nambi,

parasi, ya tikā tinonta, athavā hana kəta vastu tan katon, ri deśa ri nūsa ka-⟨lb⟩hananya, kadyaṅgāniṅ maṇik, kasturi, kapur kunaṅ, yekā byaktanyān hana⟨lb⟩ nūsa ri sabraṅ, ikā ta jñāna humiḍəp hananikā, yekānumānapramāṇa, āga-⟨lb⟩mapramāṇa ṅaranya, varah-varahniṅ vvaṅ saṅke deśāntara, ndān yan pa-⟨lb⟩cihna ikā, yāpvan tan pacihna adva ikā, yapvan hana cihna, ya ta sinaṅguh⟨lb⟩ āgamapramāṇa ṅaranya, nāhan yaṅ pramāṇa təlu ṅaranya, yatānyan tan ⟨ms: 8v⟩⟨lb⟩ kasasar i jñāna, tinut saṅ viku,

saṅ sinaṅguh paṇḍita, tatan vruh ulun ri lakṣaṇanira, {matanyan⟨lb⟩ maṅkana hulun apan bhaṭāra paramārtha rakva pinakahuripniṅ rat kabeh},⟨lb⟩ lāvan saṅ paṇḍita, apa mataṅnyan tan vavaṅ sātmaka ri bhaṭāra, maṅkana⟨lb⟩ liṅ saṅ kumāra, sumahur bhaṭāra,

hana kətah mala ṅaranya, anuṅ rumakət ri ātmā, ya tekā tan vavaṅ hilaṅ,⟨lb⟩ apan ivəṅ-ivəṅ ikaṅ citta lāvan ātmā, ya tekātəguh sumaputa ri sarvajñāniṅ ātmā, yapvan hilaṅ ikā, niyata saṅ yogīśvarān sātmaka ri bhaṭāra, maṅkana⟨lb⟩ liṅ bhaṭāra,

sumahur saṅ ⟨ms: 9r⟩ kumāra,

aparan iku sinaṅguh ātmā ṅaranya, ndi ta saṅkanikaṅ mala, kasihana⟨lb⟩ ṅhulun varahən maṅkana liṅ saṅ kumāra,

nihan pavarahaṅkva ri kita, ikaṅ sinaṅguh ātmā ṅaranya, bhaṭāra saṅ⟨lb⟩ hyaṅ paramārtha, sira sinaṅguh śiva parameśvara, sira ta kaharan āditya,⟨lb⟩ padanira lāvan āditya, ikanaṅ cetanā, ya kaharan tejanira yar āditya, luṅhā⟨lb⟩ pva teja saṅ hyaṅ āditya, lumrā ri daśadeśa, maṅkana tekaṅ cetanā, apan⟨lb⟩ savibhuḥ bhaṭāra humibəkiṅ rāt kabeh,

hana ta māyātattva ṅaranya, sūkṣma padālitnya ⟨ms: 9v⟩ lavan śivatattva, ndān⟨lb⟩ acetanā kasornya saṅkeṅ śivatattva, deśanya i sor saṅkeṅ śivatattva, yeka⟨lb⟩ tambhayni mamuvus tattva maganal, i sornikā, hana ta kalātattva ṅaranya,⟨lb⟩ i sornikaṅ kalātattva, hana ta rāgatattva, i sorni rāgatattva, hana ta vidyā-⟨lb⟩tattva, i sorni vidyātattva, hana ta {i sverniṅ} pradhānatattva, i sorniṅ pra-⟨lb⟩dhānatattva, hana ta triguṇatattva, i sorniṅ triguṇatattva, hana ta buddhi-⟨lb⟩tattva, i sorni buddhitattva, hana tāhaṅkāratattva, i sorniṅ ahaṅkāratattva,⟨lb⟩ ⟨ms: 10r⟩ hana ta manahtattva, i sorni manahtattva, hana ta daśendriyatattva, i sor-⟨lb⟩niṅ daśendriyatattva, hana ta pañcatanmātratattva, i sorniṅ pañcatanmātra-⟨lb⟩tattva, hana ta ākāśatattva, i sorniṅ ākāśātattva, hana ta bāyutattva, i sorni⟨lb⟩ bāyutattva, hana ta tejatattva, i sorniṅ tejatattva, hana ta āpyatattva, i sorniṅ⟨lb⟩ āpyatattva, hana ta pṛthivītattva, yeka vəkasniṅ mamuvus tattva, maganal,⟨lb⟩ ika ta kabeh, ya binyāpakan saṅ hyaṅ ātmā, astam bhaṭāra paramakāraṇa, ya ⟨lb⟩ mataṅnyan ⟨ms: 10v⟩ vibhuḥ śakti bhaṭāra vaneh

ndan lakṣaṇanikaṅ saṅ hyaṅ ātmā, an byāpaka irikaṅ tattva samaṅkana,⟨lb⟩ ūtaprota, ūta ṅaranya, kadyaṅgāniṅ miñak haneṅ pə̄han, maṅkana lakṣaṇa⟨lb⟩ saṅ hyaṅ ātmā an byāpaka irikaṅ tattva kabeh, prota ṅaranya, kadyaṅgāniṅ ⟨lb⟩ tuntuniṅ maṇik maṅekadeśa, maṅkana lvirnikaṅ ātmā an haneṅ rat kabeh,

ikaṅ ātmā prota ya tekā caritaknānaku, prayatnā ta kita ruməṅə̄varah-⟨lb⟩varahku, ikaṅ ātmatattva, sarvajña sarvakāryakartā pinakaśaktinikā, vibhuḥ⟨lb⟩ pva ya rikā māyātattva, hilaṅ ta śaktinikaṅ ⟨ms: 11r⟩ ātmā vəkasan, mari sarvajña,⟨lb⟩ mari sarvakāryakartā, apan mala svabhāvanikaṅ māyā, rumakət pvekaṅ ma-⟨lb⟩la riṅ ātmā, ya ta mataṅnyan mapuṅguṅ svabhāvanya, tuhun cetanāmātra⟨lb⟩ juga ya, vibhuḥ pva ya rikaṅ kalātattva, mapalenan ta ya lavan bhāvanya,⟨lb⟩ kadyaṅgāniṅ anakniṅ tavvan an hana riṅ salyaṅ, maṅkana tekāṅ ātmā⟨lb⟩ an papalenan saṅkeṅ bhāvanya, makaśarīra ikaṅ kalātattva, byāpaka pva ya⟨lb⟩ rikaṅ rāgatattva, mahyun ta ya mañetanā, byāpaka pva rikaṅ vidyātattva,⟨lb⟩ manon ta ya viṣaya vəkasan, apan ikaṅ vi⟨ms: 11v⟩dyātattva pinakasuluhnya, ya ma-⟨lb⟩taṅnyan panon viṣaya, ndya viṣaya tinonya, yekā pradhānatattva, lakṣaṇa-⟨lb⟩nikaṅ pradhānatattva, pətaṅ tan pacetanā lupa pinakajātinya, ⟨cetana lavan⟩⟨lb⟩ ⟨pradhānatattva,⟩ ya tekā pinapaṅguhakən de bhaṭāra, cetanā ṅaranya, tu-⟨lb⟩tur, pradhāna ṅaranya, lupa, tutur matəmu lāvan lupa, ya tekā maṅhanākən⟨lb⟩ triguṇa, sattva rajah tamah, lakṣaṇani sattva, prājñā mahaṅan, lakṣaṇaniṅ⟨lb⟩ rajah, adrəs molah, lakṣaṇaniṅ tamah, abyət apuṅguṅ ikā nāhan lvirni⟨lb⟩ triguṇatattva,

saṅka ri triguṇa mətu ⟨ms: 12r⟩ taṅ buddhi, lakṣaṇanya, nda bāhyadarśana ṅaranya,⟨lb⟩ tan pacetana ikaṅ buddhi, ndan makacetanā ya, makacetanā ṅaranya, tan⟨lb⟩ vruh ikaṅ buddhi, ndan kadi vruh ya, tan pahiḍəp ikaṅ buddhi, ndan kadi⟨lb⟩ maṅhiḍəp ya, apan mətu saṅke tattva rva⟨,⟩ tattva rva ṅaranya, ātmā lāvan⟨lb⟩ pradhāna,

saṅke buddhi mətu tāhaṅkāra, lakṣaṇanya ⟨magave hurip⟩ lāvan maṅ-⟨lb⟩ aku, ndan lakṣaṇaniṅ ahaṅkāra ya, ṅaranya təlu, si vaikṛta, si taijasa, si bhūtādi,⟨lb⟩ ikaṅ ahaṅkāra si vaikṛta, ya tekā sattva svabhāvanya, ⟨ikaṅ ahaṅ⟩-⟨lb⟩ ⟨kāra si taijasa, ya tekā rajah svabhāvanya,⟩ ikaṅ ahaṅkāra si bhūtādi tamah⟨lb⟩ svabhāvanya⟨ms: 12v⟩, nāhan lakṣaṇaniṅ ahaṅkāra, an mijil saṅkeṅ buddhi, təlu⟨lb⟩ prakāranya, ikaṅ ahaṅkāra si vaikṛta, yekā saṅkaniṅ manah mətu lāvan⟨lb⟩ daśendriya, daśendriya ṅaranya, śrota, tvak, cakṣuh, jihvā, ghrāṇa, vāk, pāṇi,⟨lb⟩ pāyu, upastha, pada⟨,⟩ nāhan kvehniṅ indriya sapuluh, savəlas lāvan manah,⟨lb⟩ lakṣaṇaniṅ manah mamikalpa,

sumahur saṅ kumāra,

takarin tuṅgal ikaṅ manah lāvan buddhi lavan ahaṅkāra, sājñā bhaṭāra,

sumahur bhaṭāra,

dudū ikā, apan lakṣaṇanya tan pada, byaktānyan tan pa⟨ms: 13r⟩da, yan kva liṅanta,⟨lb⟩ nihan ikaṅ buddhi adhyavasāya lakṣaṇanya, adhyavasāya ṅaranya, vruhniṅ⟨lb⟩ ahala lāvan ahayu, lāvan niścaya ta ya, ikaṅ ahaṅkāra yekā magave hurip,⟨lb⟩ lāvan prayatna maṅaku jñānanya, kunaṅ ikaṅ manah mamikalpa gavenya,⟨lb⟩ liṅnya, kapan kunaṅ papaṅguha lāvan kahyunku, mvaṅ syapa mapaṅguh-⟨lb⟩aknāku, apa karaṇaṅkvā kunaṅ, ndi deśa kapaṅguhanaṅkvā, nāhan lakṣaṇa-⟨lb⟩nikaṅ manah an pamikalpa, lāvan umahas ta ya riṅ daśadeśa, nāhan papale-⟨lb⟩nan i manah sakeṅ ahaṅkāra ⟨ms: 13v⟩ lāvan buddhi,

ikaṅ ta katəlu, ya tekā cinetanā saṅ hyaṅ ātmā, anəhər pinakasādhanān⟨lb⟩ paṅgṛhīta viṣaya, ikaṅ śrotendriya ya, haneṅ taliṅa, ikaṅ tvakindriya, ya ha-⟨lb⟩neṅ kulit, ikaṅ cakṣuhindriya, ya haneṅ mata, ikaṅ jihvendriya ya haneṅ⟨lb⟩ ilat, ikaṅ ghrāṇendriya ya haneṅ hiruṅ, nāhan taṅ pañcabuddhīndriya ṅa-⟨lb⟩ranya, ri denyan pakasahāya buddhin paṅgṛhīta vastuviṣaya, pañcakarmen-⟨lb⟩driya ṅaranya, ikaṅ vakindriya ya haneṅ tutuk, ikaṅ paṇīndriya ya haneṅ⟨lb⟩ taṅa⟨ms: 14r⟩n, ikaṅ padendriya ya haneṅ suku, ikaṅ pāyvindriya ya haneṅ lət, ikaṅ ⟨lb⟩ upāsthendriya ya haneṅ bhaga puruṣa, nāhan taṅ pañcakarmendriya ṅara-⟨lb⟩nya, mataṅnyan karmendriya ṅaranya, apan makapūrva karmekā nimitta-⟨lb⟩niṅ ātmān paṅgṛhīta viṣaya ikā, ikā ta kabeh, ya ta daśendriya ṅaranya,

tumambhəh pvekaṅ buddhi ahaṅkāra lāvan manah, ya ta sinaṅguh trayo-⟨lb⟩daśakaraṇa ṅaranya, ya ta sādhananiṅ ātmān paṅgṛhīta viṣaya ikā, kārya-⟨lb⟩nikaṅ ahaṅkāra si vaikṛta ikā ka⟨ms: 14v⟩beh, huvus ikāta,

nihan ta gavenikā ahaṅkāra si bhūtādi, hana pañcatanmātra ṅaranya, ⟨lb⟩ śabdatanmātra, sparśatanmātra, rūpatanmātra, rasatanmātra, gandhatan-⟨lb⟩mātra, nahan taṅ pañcatanmātra ṅaranya, amijil saṅke ahaṅkāra si bhūtādi,⟨lb⟩ ikaṅ ahaṅkāra si taijasa, yekā tumuluṅ si vaikṛta lāvan si bhūtādi, an pagave⟨lb⟩ kārya,

nihan lakṣaṇanikaṅ śabdatanmātra, tutupi taliṅanta, hanekaṅ śabda ka-⟨lb⟩rəṅə̄, yā tekā śabdatanmātra ṅaranya, sparśatanmātra ṅaranya, hana bāyu⟨lb⟩ madrəs kahiḍə⟨ms: 15r⟩p denta, huvus pvekaṅ bāyūmirira kahiḍəpta tisnya ri kulit,⟨lb⟩ ya tekā sparśatanmātra ṅaranya, nihan taṅ rūpatanmātra ṅaranya, sampun⟨lb⟩ sumurup saṅ hyaṅ āditya, hana tejanira kavəkas atunu, ya tekā rūpatanmā-⟨lb⟩tra ṅaranya, rasatanmātra, ṅa, kadyaṅgāniṅ vvaṅ mamaṅan rasa mamanis⟨lb⟩ mapahit, huvus pva ya hənti, hana ta rasanya kavəkas riṅ tutuk, ya tekā rasa-⟨lb⟩tanmātra ṅaranya, nihan taṅ gandhatanmātra ṅaranya, kadyaṅgāniṅ hasəp⟨lb⟩ caṇḍana, agaru kunaṅ, huvus luṅhā kukusnya, kavəkas taṅ ⟨ms: 15v⟩ gandha riya, ya⟨lb⟩ tekā gandhatanmātra ṅaranya, nahan taṅ pañcatanmātra ṅaranya,

saṅke pañcatanmātra, mətu taṅ pañcamahābhūta, nihan kramanya, ikā śab-⟨lb⟩datanmātra pamətvakən ākāśa, guṇanya śabda, lakṣaṇanya magave ugvan,⟨lb⟩ sakeṅ sparśatanmātra, mətu taṅ bāyu, lakṣaṇanya maṅulahakən, guṇanya⟨lb⟩ sparśa, sakeṅ rūpatanmātra, mətu taṅ teja, lakṣaṇanya prakāśa panas, guṇa-⟨lb⟩nya rūpa, sakeṅ rasatanmātra, mətu taṅ āpah, lakṣaṇanya mələs, guṇanya⟨lb⟩ rasa, nəm prakāra⟨ms: 16r⟩niṅ rasāmanis, apahit, apədəs, asəpət, ahasəm, ahasin, ⟨lb⟩ yekā ṣaḍrasa ṅaranya, saṅke gandhatanmātra, mətu taṅ pṛthivī, lakṣaṇanya,⟨lb⟩ maganal makakāya, guṇanya ganda, nahan lakṣaṇanikaṅ pañcamahābhūta⟨lb⟩ kavruhana, kunaṅ ikā maraṅkəpana ikaṅ vaneh, apan ikaṅ i sor ya kabya-⟨lb⟩pakan denikaṅ i ruhur, ikaṅ ākāśa muṅgv i ruhur, tumut ta bāyu mataṅ-⟨lb⟩nyan rva guṇanya, śabda, sparśa, ikā bāyu mvaṅ ākāśa byāpaka riṅ teja, ma-⟨lb⟩taṅnyan təlu guṇaniṅ teja, śabda, sparśa, rū⟨ms: 16v⟩pa, ikaṅ teja lāvan bāyu ākāśa, ⟨lb⟩ byāpaka riṅ āpah, mataṅnyan pat guṇaniṅ āpah, śabda, sparśa, rūpa, rasa,⟨lb⟩ ikaṅ taṅ āpah, teja, bāyu, ākāśa, byāpaka riṅ pṛthivī, mataṅnyan lima guṇa-⟨lb⟩niṅ pṛthivī, śabda, sparśa, rūpa, rasa, gandha, nāhan lakṣaṇanikān pavor⟨lb⟩ guṇa ikaṅ pañcamahābhūta, ya ta ginave bhaṭāra bhuvana,

¿agəṅ ākāśa miṇḍuhur,? ya ta sinaṅguh aṇḍabhuvana ṅaranya, devamā-⟨lb⟩nuṣatiryak, nāhan pinakesiniṅ aṇḍabhuvana, ikaṅ i ruhur satyaloka, ikaṅ⟨lb⟩ i sor, yekā ⟨ms: 17r⟩ mahālokā, i sorniṅ mahāloka, tapoloka, i sorniṅ tapoloka,⟨lb⟩ janaloka, i sorniṅ janaloka, svahloka, i sorniṅ svahloka, bhuvahloka, i sor-⟨lb⟩niṅ bhuvahloka, yeki kahanantānaku, riṅ bhūhloka, ṅaran ikā saptadvīpa,⟨lb⟩ saptārṇava, i sorniṅ bhūhloka, ya tekā saptapātāla ṅaranya, patuṅgaltuṅgal-⟨lb⟩ni ṅaranya nihan paṅavruhana, apatāla, hana i sornikā, vetāla, nitāla, netāla, ⟨lb⟩ gabhastitāla, vāratāla, rāsatāla, nahan pa⟨ms: 17v⟩tiṅkahnikaṅ pātāla, i sornikā, yekā ⟨lb⟩ mahānaraka, kvehnikā yeka təlu puluh rva⟨,⟩ patapnya{,} mahāraurava, i⟨lb⟩ sorniṅ mahānaraka, yeki tāmragardabha, tan vā pətaṅ katunan teja, i sor-⟨lb⟩nikaṅ tāmragardabha, ya toṅgvan saṅ hyaṅ kālarudrāgni, āpuy dumilah sa-⟨lb⟩dākāla,

i sornikā kulitniṅ aṇḍabhuvana, kumaluṅ i sor i ruhur iriṅan, i sorniṅ kulit-⟨lb⟩niṅ aṇḍabhuvana, ya toṅgvan saṅ hyaṅ śatarudra kumuliliṅ ikeṅ aṇḍabhu-⟨lb⟩vana, ikeṅ kahananta ya ta patimbunani ⟨ms: 18r⟩ tattva kabeh,

ndan lakṣaṇanikaṅ tattva hana ṅke, kapva umyāpakerikaṅ tattva ma-⟨lb⟩ganal saṅkeṅ riya, nihan kramanya, bhaṭāra mahulun, byāpaka rikaṅ ātmā,⟨lb⟩ ikaṅ ātmā byāpaka ri māyā, ikaṅ māyā byāpaka ri pradhāna, ikaṅ pradhāna⟨lb⟩ byāpaka riṅ buddhitattva, ikaṅ buddhitattva, byāpaka riṅ ahaṅkāra, ikaṅ ah-⟨lb⟩aṅkāra, byāpaka ri manah, ikaṅ manah, byapaka riṅ daśendriya, ikaṅ da-⟨lb⟩śendriya byāpaka riṅ pañcatanmātra, ikaṅ pañcatanmātra, byāpaka ri pañ-⟨lb⟩camahābhūta, na⟨ms: 18v⟩han lvirnya, ya ta mataṅnyan pinakapatimbhunaniṅ tat-⟨lb⟩tva kabeh, ikaṅ bhūhloka kahananta maṅke, huvus maṅkana,

iṅətiṅət mūlaniṅ carita, prastāvanikaṅ cetanā saṅ para, dumeh saṅ yo-⟨lb⟩gīśvara tan vaṅvaṅ siddhi, ikaṅ ātmā jənək mañetanā, makanimitta mala, ya dumeh ya tan vruha ri jātinya, mahyun pva bhaṭāra vruha ri jātinira, ya ma-⟨lb⟩taṅnyan veh ya māvaka, huvusnyan māvak, mabheda ta ya rva, lakilaki lāvan⟨lb⟩ anakəbi, ya tekā mamukti ṣaḍrasa, ṣaḍrasa ṅaranya, amanis, apahit, ⟨ms: 19r⟩ asəpət,⟨lb⟩ ahasin, ahasəm, apədəs, yekā ṣaḍrasa ṅaranya, ya ta pinaṅanya ininumnya,⟨lb⟩ matəmahan śukra riṅ anak laki, śonitāniṅ anakəbi, ikaṅ taṅ śukraśonitā⟨lb⟩ pinapaṅguhakənira lāvan ikaṅ kāma,

ikaṅ śukraśonitā hana ri garbhāvāsa, ya ta mavīja, yan akveh ikaṅ śukra⟨lb⟩ saṅkeṅ śonitā, yekā dadi lanaṅ, yapvan akveh ikaṅ śonitā saṅkeṅ śukra, yekā⟨lb⟩ dadi vadvan, yapvan pada kvehnya, ya ta dadi kədi, valavadi, ikaṅ śukra⟨lb⟩ ya dadi tahulan, otva⟨ms: 19v⟩t sumsum, ikaṅ śonitā ya dadi rah dagiṅ puhun vulu, ⟨lb⟩ ya sinaṅguh ṣaṭkośa ṅaranya, salvirniṅ makaśukraśonitā ya, maṅkana lvir-⟨lb⟩ni janma, yan devatā, yan mānuṣa, yan paśu, yan pakṣi, sarīsṛpa, sthāvara,⟨lb⟩ maṅkanātah titahnyān katon mamaṅun śarīra, ikaṅ śabdatanmātra ya dadi⟨lb⟩ taliṅa, ikaṅ sparśatanmātra, ya ta dadi kulit, ikaṅ rūpatanmātra ya ta dadi⟨lb⟩ mata, ikaṅ rasatanmātra, yekā dadi ilat, ikaṅ gandhatanmātra ya dadi iruṅ,⟨lb⟩ ya tekā pinakoṅgvaniṅ indriya,

sumahur saṅ kumā⟨ms: 20r⟩ra,

takarin ikaṅ golaka sinaṅguh indriya sājñā bhaṭāra, maṅkana liṅ saṅ⟨lb⟩ kumāra,

sumahur bhaṭāra,

dudū tekaṅ golaka saṅkeṅ indriya, aganal ikaṅ golaka, ikaṅ indriya sūkṣma⟨lb⟩ ika, nahan lakṣaṇanyān dudū, taha pih tuṅgal ikā indriya lāvan golaka, yan⟨lb⟩ maṅkana liṅanta, mapekaṅ maturu tan paṅgṛhīta viṣaya apan hana matanya⟨lb⟩ tan panon, hana taliṅanya tan paṅrəṅə̄, mataṅan masuku makeruṅ,

ya mataṅnyan saviṣaya riṅ sūkṣma, apan ikaṅ manah ya tinutniṅ indriya,⟨lb⟩ naha⟨ms: 20v⟩n byaktanyān dudū ikaṅ indriya saṅke golaka,

sumahur saṅ kumāra,

apa dumeh ikaṅ maturu matəguh huripnya sājñā bhaṭāra, apan hilaṅ⟨lb⟩ tuturnya, kevala lupa juga svabhāvaniṅ turū, maṅkana liṅ saṅ kumāra,

sumahur bhaṭāra,

ikaṅ pañcabāyu yekānuṅ pinakahurip, apan ya ika mamaṅun śarīra, nihan⟨lb⟩ kramanya, hana nāḍī ṅaranya, otvatni śarīra, hana hagə̄ṅ hana dəmit, buṅ-⟨lb⟩kah luṅguhnya ri həyəhəyəhan, miṇḍuhur təka ri pusər, mapaṅ ta ya mare-⟨lb⟩ṅ suku, hana mareṅ valakaṅ hana mareṅ taṅan, hana ⟨ms: 21r⟩ miṇḍuhur mareṅ⟨lb⟩ guruṅguruṅan⟨,⟩ təlu prakāraniṅ guruṅguruṅan, iḍā ṅaran ikaṅ i təṅən,⟨lb⟩ yekā dalan i səkul, piṅgalā ikaṅ i kivan⟨,⟩ yeka havanni vvay, suṣumnā ikaṅ⟨lb⟩ i təṅah, yekā havan i bāyu, nāhan lakṣaṇanikān pinakaguruṅguruṅan, hana⟨lb⟩ ta paṅnya vaneh miṇḍuhur təka ri mata, lāvan riṅ taliṅa, ikaṅ dudū gāte ruhur miṇḍuhur, yekā təka ri vunvunan, ya sinaṅguh śivadvāra ṅaranya,⟨lb⟩ yekā tumuluy təkeṅ gəgər i valakaṅ, ikaṅ nāḍī malit kabeh, yekā mamənuhiṅ⟨lb⟩ kulit manuvuhakən ⟨ms: 21v⟩ vulu, nāhan lvirnikā nāḍī riṅ śarīra,

ikaṅ taṅ nāḍī kabeh, yekā pinakoṅgvan i pañcabāyu ṅaranya, ri dadinyan⟨lb⟩ lima gavenya, mataṅnyan lima kvehniṅ bāyu, nihan ṅaranya, prāṇa, apāna,⟨lb⟩ samāna, udāna, byāna,

ikaṅ bāyu si prāṇa, ya ta> mataṅnyan umadəgi ikaṅ pañcabāyu kabeh pra-⟨lb⟩yatna ruməgəp gavenya, mvaṅ pinakośvāsa gavenya vaneh, uṅgvan ika ri⟨lb⟩ dada, ri hiruṅ hiṅanya i ruhur, ikaṅ bāyu sy apāna, yeka muṅgu ri silit,⟨lb⟩ ri pusər hiṅanya vaneh, i ruhur, umiṅsor təkeṅ suku⟨ms: 22r⟩, gavenya asorakən⟨lb⟩ pinaṅan, matəmahan tahi, ikaṅ ininum matəmahan əyəh, nāhan gave ni-⟨lb⟩kaṅ bāyu sy apāna, nihan gavenikaṅ bāyu si samāna, yeka hana ri hati, ga-⟨lb⟩venya umava sārinikaṅ pinaṅan ininum, ri sarvasandhi kabeh, sārinikaṅ⟨lb⟩ pinaṅan vinehnya matəmahana hampru, sārinikaṅ ininum, ya vinehnya⟨lb⟩ matəmahana rah, sārinikaṅ inambuṅ vinehnya matəmahana rəhak, nāhan⟨lb⟩ gavenikaṅ bāyu si samāna, nihan gavenikaṅ bāyu si udāna, sakvehni byā-⟨lb⟩pāra miṇḍu⟨ms: 22v⟩hur, maṅədapakən mata lāvan aṅəlapinya nahan gavenya, ikaṅ⟨lb⟩ bāyu si byāna, yeka muṅgv iṅ sarvasandhi kabeh, gavenya yekāmava ma-⟨lb⟩tuha, lāvan maṅhilaṅakən inak ambhək, nahan bhedani gaveni bāyu, ya⟨lb⟩ mataṅnyan pañcabāyu panaṅguh saṅ paṇḍita,

hana ta pratyekanya vaneh ṅaranya, nāga, kūrmāra, kṛkara, devadatta, dhanañjaya,

ikaṅ bāyu si nāga yeka matvab, si kūrmāra, yeka maṅgave kətəgkətəg ri avak⟨lb⟩ kabeh, si kṛkara yeka maṅgave vahin, si devada⟨ms: 23r⟩tta yeka maṅvab, si dhanañ-⟨lb⟩jaya yeka maśabda, lāvan tan hilaṅ ika saṅkeṅ śarīra, yan təkaṅ pāti, yeka⟨lb⟩ maṅher i vaṅkay, nahan lakṣaṇanikaṅ bāyu an pinakahurip, ya dumeh ikaṅ⟨lb⟩ maturū tan māti, apan ikaṅ bāyu tamolah cinetanāniṅ ātmā, yapvan māri⟨lb⟩ ikaṅ ātmā cumetaneṅ ya, ikaṅ bāyu yan maṅkana, ya sinaṅguh māti ṅa-⟨lb⟩ranya, len saṅkeṅ rikā, ikaṅ nāḍī kahanan ikaṅ bāyu kunaṅ vikāra, mati⟨lb⟩ atah ṅaranya, kadyaṅgāniṅ pinəraṅ rinacun, athavā tībraniṅ lara ⟨ms: 23v⟩ kunaṅ,⟨lb⟩ nimittani nāḍī vikāra, ya nimittaniṅ pāti vaneh,

sumahur saṅ kumāra,

apa dumehniṅ ātmā māri cumetanerikaṅ bāyu sājñā bhaṭāra, lāvan apa⟨lb⟩ dumehniṅ kalara təka,

sumahur bhaṭāra,

nihan prastāvanikaṅ ātmā an māri cumetanekaṅ bāyu, hana dharmādharma⟨lb⟩ ṅaranya, dharma ṅaranikaṅ gave hayu, adharma ṅaranikaṅ gave hala⟨,⟩ ikaṅ taṅ dharmādharma, ya tekaṅ ginaveniṅ janma, ya tekā maphala, yan⟨lb⟩ agə̄ṅ gavenya hala saṅkeṅ gave hayu, ya nimittanyān paṅhiḍəp lara, yapvan ⟨lb⟩ agə̄ṅ ikaṅ gave hayu saṅke gave hala, ya ⟨ms: 24r⟩ nimittanyān paṅhiḍəp suka, yap-⟨lb⟩van pada gavenya hala mvaṅ hayu, ya hetunikaṅ sukadukān kapaṅgih de-⟨lb⟩niṅ janma, səḍəṅ pva ya mamukti karmaphala, sumambi ta ya mamaṅun⟨lb⟩ karmaphala muvah apan gave halahayu satatā lvirnikaṅ karmaphala, hana⟨lb⟩ ta karma məne ginave sādhananya, məne kabhukti phalanya, hana ta karma-⟨lb⟩phala maṅke ginave sādhananya, hələm ri janma sovah yan kabhukti pha-⟨lb⟩lanya, apa byaktinya nihan, kadyaṅgāniṅ masavah, vadvā, masambevara,

pāri phalaniṅ masavah, dəmak phalani vadvā, təvas phalani sambevara,⟨lb⟩ na⟨ms: 24v⟩han byaktinikaṅ karmaphala məne, ndya karmaphala hələm phalanya,⟨lb⟩ hana karma ginave maṅke ndatan vənaṅ maveh phala maṅke, apa dumeh⟨lb⟩ yan maṅkana, tan vənaṅ maveh phala maṅke, apan akveh inapekṣanya, ya⟨lb⟩ teka mapan i janma sovah, ikaṅ kabhukti maṅke, yeka phalanikaṅ karma⟨lb⟩ ṅūni, ri janmāntara, ikaṅ phala bhinukti maṅke, ya tekā hənti bhinukti maṅ-⟨lb⟩ke, yan mahala, yan mahayu, padeka hənti phalanya kabeh, ya ta hetuniṅ⟨lb⟩ ātmā māri cumetanekaṅ kaṅ bāyu ri śarīra, padanya ⟨ms: 25v⟩ kadyaṅgāniṅ apuy manunvi kayu, yapvan hənti ikaṅ kayu, pəjah ta pratyayanikaṅ apuy, maṅ-⟨lb⟩kana tekā ātmā, an phalaniṅ dharmādharma ya mamaṅun śarīra, lavan urip,⟨lb⟩ hənti pva ikaṅ karmaphala, ya ta hetuniṅ pāti apan tan hanaṅ bhinuktiniṅ⟨lb⟩ ātmā,

nihan sahur saṅ para, kadi karmaphala kətah mamaṅun hurip, mvaṅ tan⟨lb⟩ ikā hetuniṅ sukaduka bhinukti deniṅ janma, mataṅnyan maṅkana, apan⟨lb⟩ tan katon ikaṅ karmaphala riṅ janma, ya mataṅnyan tan hana karmaphala⟨lb⟩ ṅaranya, apan tan byakta ya, yan kva liṅa saṅ p⟨ms: 25v⟩āra, ya donikaṅ pramāṇa⟨lb⟩ təlu pinintonakən ṅūni pūrvaka pratyakṣapramāṇa, anumānapramāṇa, āga-⟨lb⟩mapramāṇa,

ikaṅ aganal, ya kavənaṅ denikaṅ pratyakṣapramāṇa, ikaṅ sūkṣma ya ka-⟨lb⟩vənaṅ deniṅ anumānapramāṇa, kadyaṅgāniṅ kavuvus saṅ para, anumā-⟨lb⟩na prasiddhā irikaṅ karmaphalān bhinukti deniṅ janma, sumahur saṅ para,⟨lb⟩ tan byakta ṅaranikātah, apan tan vartamāna ri rāt kabeh, apan pratyakṣapra-⟨lb⟩māṇa juga ri kami, yan kva liṅa saṅ para, nihan saṅ hyaṅ āditya⟨ms: 26r⟩, vartamāna⟨lb⟩ katon deniṅ rat kabeh, saṅ mətu vəṅi kari sira mətu maṅke, athavā dudū ku-⟨lb⟩naṅ, yāpvan dudū saṅ mətu vəṅi lāvan saṅ mətu maṅke, apa pva yan maṅke maṅke, tan papalenan pva rūpanira, apan ivəṅ-ivəṅ rūpanira jvalitanira tuvi⟨lb⟩ pada, lāvan pada panasnira, tejanira, sumahur saṅ para, tuṅgal kəta saṅ hyaṅ⟨lb⟩ āditya, saṅ mətu vəṅi, sira mətu maṅke, yan maṅkana liṅa saṅ para, ndi ta⟨lb⟩ havannira maṅavetan, apan sumurup kulvan sira vəṅi, sumahur saṅ para,⟨lb⟩ sumurup i sor i ləmah, havanira yan maluy maṅavetan, yan maṅ⟨ms: 26v⟩kana liṅa⟨lb⟩ saṅ para, ndi ta kitān ton sira maluy aṅavetan, lumaku i sor iṅ ləmah, ya⟨lb⟩ kitāṅajarakən tan tinonya ṅaranya, adva kitān yat amramāṇapratyakṣa juga,⟨lb⟩ apan tan katon saṅ hyaṅ āditya, maluy aṅavetan,

maṅkana pva ya, ya mataṅnyan hana pramāṇa ṅaranya, anuṅ prasiddhā⟨lb⟩ ri kahiḍəpannikaṅ vastu tuhutuhu, huvus rumuhun ikaṅ sūkṣma, ikeṅ pva⟨lb⟩ ikaṅ karmaphala, atyanta sūkṣmanya, ya ta mataṅnyan anumānapramāṇa paniddhānta ri hananya, apan byaktanyan hana, ni⟨ms: 27r⟩han kaṅ sukaduka ka-⟨lb⟩paṅguh deni janma, lāvan rūpanya tan pada,

hana ratu, hana vadvā uma, hana sugi hana duka hana varas, hana lara, nihan⟨lb⟩ taṅ tiryak, magə̄ṅ madəmit, kaniṣṭhamadhyamottama, karmaphala nimitta-⟨lb⟩nikaṅ kabeh, sumahur saṅ para, nohan vvāgan ikātah, lāvan i janma tan⟨lb⟩ pāda, kahadaṅadaṅ juga ikātah, yan kva liṅa saṅ para, dadyanku pvaṅ ma-⟨lb⟩maṅan tan kəneṅ varəg, ikaṅ tan pamaṅan ya varəg, yan si kahadaṅadaṅ⟨lb⟩ ya pakṣakna, lavan taṅ vīja tinanəm, kadyaṅgāniṅ pari pinaka⟨ms: 27v⟩vinih, ka-⟨lb⟩hadaṅadaṅ pvekan pavvaha jahli, jahli tinanəma kahadaṅadaṅ pvekān pa-⟨lb⟩vvaha pari, maṅkana haməṅan ikaṅ rat kabeh, yan si kahadaṅadaṅ pakṣakna,⟨lb⟩ yāpvan si nohan si vvāgan pakṣakna, dadyaṅ vətu tan pakanimitta yan maṅ-⟨lb⟩kana, kadyaṅgāniṅ kədi amətəṅānakanaka, kadyaṅgāniṅ maməh susu vətu⟨lb⟩ i tahi, maṅkana haməṅan ikaṅ rat kabeh, yan si nohan si vvāgan pakṣakna,⟨lb⟩ tapvan dadi vastu maṅkana, ya mataṅnyan tan yogya pakṣakna saṅ para,

apa dumeh ikaṅ janma gumave ikā dharmādharma sājñā bhaṭā⟨ms: 28r⟩ra, kasi-⟨lb⟩hana varahən rānak bhaṭāra,

sumahur bhaṭāra,

nihan kavruhanantānaku, prastāvanikaṅ dharmādharma, kadadi deniṅ jan-⟨lb⟩ma, enak kva pahiḍəpnikaṅ ātmā ri viṣaya, atəguh pasambaddhānya lāvan ikaṅ śarīra, ya tekā suka liṅnya, ya mataṅnyan pamet suka,

ikaṅ sukasādhana, ya ta ginṛhītaniṅ buddhi, ikaṅ buddhi ya ta mānaka⟨lb⟩ jñāna, ikaṅ jñāna, ya ta mavṛtti limaṅ puluh kvehnya, ikaṅ vṛtti limaṅ pu-⟨lb⟩luh⟨lb⟩ ya tekā mānak akveh tan kavənaṅ vinilaṅ, ya mataṅnyan akveh prabheda-⟨lb⟩niṅ janma, akveh ta kahyunya, akveh ta lāranya, akveh ta sukanya,

vṛttinikaṅ buddhi limaṅ puluh, ya tekā ujarakna, nihan prakāranya⟨,⟩ hana caturaiśva⟨ms: 28v⟩rya, vvalu kvehnikā lāvan baliknya, hana pañcaviparyaya⟨lb⟩ ṅaranya hana aśakti vvalu likur kvehnya, hana ta tuṣṭi saṅa kvehnya, hana ta⟨lb⟩ aṣṭasiddhi ṅaranya,

ndya ta lakṣaṇanikaṅ caturaiśvarya, anuṅ pinakavījaniṅ buddhi, yan⟨lb⟩ sattva magə̄ṅ iriya, dharma ṅaranya nihan, hana jñāna mahyun rahayu, ikaṅ⟨lb⟩ dharma maṅdadyakən hayu, yekā inabhyāsanya, śīla rahayu⟨,⟩ agələm ta ya⟨lb⟩ mayajña, manah rahayu, agələm ta ya mabrata, manah puṇya kavənaṅnya,⟨lb⟩ utsāha ta ri samyajñānādhikṛtā ta ya, agələm ta ya mayoga, nāhan inabhyā-⟨lb⟩sanya, ikaṅ ta gave ka⟨ms: 29r⟩beh, athavā salah tuṅgal rva təlu kunaṅ gaveyakna,⟨lb⟩ dharma ta, ṅaranya, nihan taṅ jñāna ṅaranya, ikaṅ jñāna maṅabhyāsa ka-⟨lb⟩paṅguha saṅ hyaṅ paramārtha, ndan pramāṇa təlu pinakasuluhnya, ikaṅ⟨lb⟩ samādhi pinakasādhananya, ya sinaṅguh samyajñāna ṅaranya, vairāgya ṅa-⟨lb⟩ranya, ikaṅ jñāna tan aharəp ri suka, tan tṛṣṇa ri hurip, ndya suka ṅaranya,⟨lb⟩ nyaṅ bhoga⟨,⟩ upabhoga, paribhoga, bhoga ṅaranya, ikaṅ pinaṅan, upabhoga⟨lb⟩ ikaṅ sinaṇḍaṅ, paribhoga ikaṅ kavula vənaṅvənaṅ, ikā ta kabeh,ikaṅ ta kabeh Ed. and cod. tan aharəp ⟨lb⟩ irika,

hana ta bho⟨ms: 29v⟩ga karəṅə̄, kadyaṅgāniṅ svarga kahyaṅan, tan ahyunātah irikā⟨lb⟩ kabeh, parimāṇa drabyanya, drabyanya ṅaranya, huripnya, tan aharəpātah⟨lb⟩ irika kabeh, ya ta sinaṅguh vairāgya ṅaranya, nihan taṅ aiśvarya ṅaranya,⟨lb⟩ ikaṅ kinahanan deni bhoga upabhoga paribhoga, kinatvaṅan deni padanya⟨lb⟩ janma, ya aiśvarya ṅaranya, ikaṅ ta kapat, ikaṅ dharma, jñāna, vairāgya, aiś-⟨lb⟩varya, vījani buddhīka kabeh, ndan yan agə̄ṅ sattvaniṅ buddhi ika, yan⟨lb⟩ pakavīja caturaiśvarya, yapvan tamah agə̄ṅ balikni caturaiśva⟨ms: 30r⟩rya, pinakavī-⟨lb⟩janya,

ndya baliknya nihan, adharma, ajñāna, avairāgya, anaiśvarya, adharma⟨lb⟩ ṅaranya, ikaṅ ambhək manayākən gave hayu, liṅnya, pradānanikaṅ vvaṅ⟨lb⟩ mapuṇya, mabhojana maveh səkul təvas hənti drabyanya, tan iya ta maphala⟨lb⟩ svarga, maṅkana mamaṅun prāsāda, maṅulur liṅga, mahoma, maṅkana liṅ-⟨lb⟩nya ri buddhinya, manayākən dharmān āgəṅ tamahnya, nihan taṅ ajñāna,⟨lb⟩ ikaṅ ātmāpuguṅ apan tan hana tinutnya, luput saṅkeṅ pratyakṣapramāṇa,⟨lb⟩ anumānapramāṇa, […]a⟨ms: 30v⟩naiśvarya ṅaranya, duhka sadākāla, nahan kaba-⟨lb⟩liknikaṅ caturaiśvarya, ya tekā pinakavījani buddhi, yan tāmasa ◆

apa byaktiniṅ phalanya, ndya, phalanya nihan, ikaṅ janma yan paṅabhyā-⟨lb⟩sa dharma, yekā nimittanyān kavaveṅ svarga, salvirni bhoga bhinuktinya,⟨lb⟩ hənti pva phalanikaṅ gave hayu, maṅjanma ta ya riṅ devatā, alavas ya dadi⟨lb⟩ devatā, maṅjanma ta ye mānuṣa, ya tekā dadi ratu, athavā vvaṅ sugih kṛta-⟨lb⟩puṇya kunaṅ dadinya, apan vəkasnikaṅ bhoga ri svarga ya tu⟨ms: 31r⟩mut ri mānu-⟨lb⟩ṣa, nihan ta phalaniṅ samyajñāna, yan dadi samādhinya ri bhaṭāra, maka-⟨lb⟩sādhana pramāṇa təlu, sira ta paṅasthūlan bhaṭāra, kadi kasiddhyan bhaṭāra⟨lb⟩ kasiddhyanira, lavan kāṣṭaiśvaryan bhaṭāra, yatanyan valuya janma, apan⟨lb⟩ sakāmakāma sira, asiṅ sakahyunira dadi, sakaharəpnira təka, nahan kadib-⟨lb⟩yanni samyajñāna yan pinakavījaniṅ buddhi, nihan ta phalani vairāgya,⟨lb⟩ yeki līna riṅ prakṛtiloka, kadi sukaniṅ maturū lvirnikaṅ suka bhinuktinya⟨lb⟩ ṅkāna, salavasnya hana ri prakṛti⟨ms: 31v⟩loka, maṅjanma ta ya devatā, nahan phala-⟨lb⟩niṅ vairāgya yan pinakavījaniṅ buddhi, nihan ta phalaniṅ aiśvarya, sira⟨lb⟩ ta prabhu riṅ svarga, ṅke ikaṅ bhoga binuktinya, ri vəkas maṅjanma ta ya⟨lb⟩ devatā, nahan ta phalaniṅ aiśvarya yan pinakavījaniṅ buddhi,

nihan ta phalani baliknya, ikaṅ ambhək manayākən gave hayu, māti pva⟨lb⟩ ya dlāha, yekā dadi triyak, paśu, mṛga⟨,⟩ pakṣi, sarīsṛpa, sthāvara, paśu ṅa-⟨lb⟩ranya, kadyaṅgāniṅ sattva tamolah riṅ ārya, kəbho, sapi, asu, vək, prakāra,⟨lb⟩ mṛga ṅaranya, ikaṅ sattva tamo⟨ms: 32r⟩lah riṅ alas, kadyaṅgāniṅ kidaṅ, mañjaṅan, ⟨lb⟩ ityevamādi, pakṣi ṅaranya saprakāraniṅ mər, kadyaṅgāniṅ manuk⟨,⟩

sarīsṛpa ṅaranya, ikaṅ pvāṅlāh makapaṅlaku dadanya, kadyaṅgāniṅ ulā,⟨lb⟩ lintah, vədit, irispoh təktək lətuh, sthāvara ṅaranya, kayukayu, odvad, dukut,⟨lb⟩ nahan pratyekaniṅ triyak, ya tikā təmahaniṅ janma yan pinakavīja adhar-⟨lb⟩ma, nihan phalaniṅ ajñāna, ya teki maputəran ri devamānuṣatriyak,⟨lb⟩ lāvan⟨lb⟩ svarganaraka, apan akveh ikaṅ gave halahayu kavaṅun de⟨ms: 32v⟩nya{,} ṅūni⟨,⟩ pu-⟨lb⟩nah vvaṅ janmanya, phalaniṅ gavenya hala mvaṅ hayu tan dadi tan ka-⟨lb⟩bhukti, ya mataṅnyan kapaṅguh ikaṅ cakrabhāva denya, nahan phalaniṅ⟨lb⟩ ajñāna, yan pinakavījaniṅ buddhi, nihan phalaniṅ avairāgya, yekā mənər⟨lb⟩ mare naraka, salvirniṅ lāra bhinuktinya, yan akveh pāpanya, alavas ya haneṅ⟨lb⟩ yamani, yāpvan akədik gavenya hala, ya ta vineh madadya janma mānuṣa⟨lb⟩ muvah, yekā dadi vvaṅ vikāra, tan ya pada lāvan saṅsārajanma, vudug, vuta,⟨lb⟩ vuṅkuk, tuli, rudan, ayan, vikət⟨,⟩ siṅkəl, bisu, nāhan təma⟨ms: 33r⟩hanya, nihan ta ⟨lb⟩ phalani anaiśvarya, yekā kinasampayan, lāvan tan ya maṅguh sakaharəp-⟨lb⟩nya, mataṅnyan kapanasan sadākāla, momo pvekā manahnya, kadadi taṅ⟨lb⟩ śīla mahala denya, dadi ya mahabət, maliṅ manumpu, phalaniṅ gavenya⟨lb⟩ maṅkana, ya mataṅnyan tibā ri naraka,

hənti pva phalani gavenya hala, sinavurakən ta ya ri madhyapada de saṅ ⟨lb⟩ yamabala, ya ta dadi pipīlika, nahan phalani anaiśvarya, yan pinakavījani ⟨lb⟩ buddhi, ikaṅ ta kabeh ya tekāpusniṅ janma, anuṅ dumeh yāhiḍəp ⟨ms: 33v⟩ duhka⟨lb⟩ satatā, ya sinaṅguh saptabandhana ṅaranya, pitu apus apus pitu ṅaranya, ni-⟨lb⟩han ikaṅ inajarakən kabeh, ndya inajarakən, yan kva liṅanta, yeki ⟨dharma,⟨lb⟩ vairāgya, aiśvarya,⟩ adharma, ajñāna, avairāgya, anaiśvarya, nāhan yaṅ sap-⟨lb⟩tabandhana ṅaranya, yan apa yan hənti sasaṅkeṅ cakrabhāva, ya ta karih,⟨lb⟩ yan maṅkana liṅanta, yan paṅguh ikaṅ samyajñāna juga, apan dumeh ikaṅ⟨lb⟩ ātmā maluya ri bhaṭāra paramakāraṇa, maṅkana liṅ bhaṭāra,

sumahur saṅ kumāra,

kāsihana rānak bhaṭāra, varahən ri sādhananiṅ magave samādhi, maṅ-⟨lb⟩kana ⟨ms: 34r⟩ liṅ saṅ kumāra,

sumahur bhaṭāra,

məne ikājarakna kaliṅniṅ yogapāda, kunaṅ vījanikaṅ buddhi vuvus hənti⟨lb⟩ muvah ◆

hana pañcaviparyaya ṅaranya, lvirnya, tamah, moha, mahāmoha, tāmisra, andhatāmisra

tamah ṅaranya, ikaṅ ambhək mahyun mamukti{,} ikaṅ bhogaviṣaya, ap-⟨lb⟩an iki ya pamuktyananta viṣayasuka, ya mataṅnyan prihtaṅ kasugihan, ma-⟨lb⟩həmāsa, manaṇḍaṅa, mahulun mastrī rahayu, apan tan hana ləviha sakeṅ⟨lb⟩ sukaniṅ dadi vvaṅ, maṅkana liṅnya, ya ta mataṅnyan parəməni amet bhoga⟨lb⟩ saka⟨ms: 34v⟩la, yekā tamah ṅaranya ◆ nihan taṅ moha ṅaranya, hana rakva ləvih⟨lb⟩ saṅkeṅ māvak, siddhi rakva ṅaranya, dadi māvak dadi tan pāvak, yekā ka-⟨lb⟩harəpku təmunəṅku, marapvan vənaṅ humalap sakaharəpku, ya moha ṅa-⟨lb⟩ranya ◆ mahāmoha ṅaranya, ikaṅ ambhək mahyun maṅgihakəna kasiddhy-⟨lb⟩an, donanya kapaṅgihaniṅ aṣṭaiśvarya deku, muktya tāku riṅ svarga mvaṅ⟨lb⟩ mānuṣaloka, yekā mahāmoha ṅaranya ◆ tāmisra ṅaranya, ikaṅ ambhək ma-⟨lb⟩harəp rumaṅkəpanaṅ dveṣa viṣaya, lavan aṣṭaiśvarya ya tā⟨ms: 35r⟩misra ṅaranya ◆ andhatāmisra ṅaranya, ikaṅ ambhək humalaṅakən ikaṅ sukānāgata, lavan⟨lb⟩ humālaṅ ya huvus hilaṅ, ikā ta kalih, ya tekā pinakavījaniṅ buddhi yan agə̄ṅ⟨lb⟩ tamahnya, mamuhāra saṅsāra ika kabeh ◆

hana ta navatuṣṭi ṅaranya, ikaṅ ambhək matis, pradhānaka, upādānaka, akāla, abhāgya, nahan taṅ ādhyātmikatuṣṭi ṅaranya,

pradhānakatuṣṭi ṅaranya, hana vvaṅ tumon halani śarīranya, ndātan⟨lb⟩ paṅlareri manahnya, paran kunaṅ mahala śarīraṅku, mahala kunaṅ gaveṅku⟨lb⟩ ṅūni, ya ⟨ms: 35v⟩ ta maphala śarīraṅku maṅke, kunaṅ yatanyan lituhayu ike jan-⟨lb⟩maṅku sovah, ndāk amrih magave hayu maṅke,

salvirniṅ makaphala lituhayu ri janmaṅku sovah, ya gavayaknaṅkva maṅke,⟨lb⟩ maṅkana liṅnya, luməkas ta ya magave hayu, brata, yan yajña, yan jñāna ku-⟨lb⟩naṅ, yeka pradhānakatuṣṭi ṅaranya, hana ta upādānakatuṣṭi ṅaranya, ikaṅ⟨lb⟩ ambhək tan malara kavəkasan hutaṅ deni kavvatanya, athavā svabhāvani⟨lb⟩ kavvatanya, kunaṅ ikaṅ gumave kaluputaknani kavvatanya ri saṅsāra, ya ⟨ms: 36r⟩ ta⟨lb⟩ ginavayakən ya tan arusuh, yekā upādānakatuṣṭi ṅaranya, hana ta akālatuṣṭi⟨lb⟩ ṅaranya, hana vvaṅ manomahnomah, ndan inaṅgəh ta ya deni raranya,⟨lb⟩ ikaṅ ambhək mabhaya pinadəmnya riṅ ambhək matis, yeka akālatuṣṭi ṅa-⟨lb⟩ranya, abhāgyatuṣṭi ṅaranya, ikaṅ vvaṅ mandabhāgya, tan pamaṅguh inak⟨lb⟩ ambhək salavasni dadinya, saṅka ri larany ambhəknya, uməgil ta ya ri saṅ⟨lb⟩ vruh maṅaji saṅ paṇḍita guruni rat kabeh, sira ta panambhahanya, patatak-⟨lb⟩vananya ri prāya, vinarah ta ya de saṅ paṇḍita, kino⟨ms: 36v⟩n ta ya maṅabhyāsa vidhi, enak tāmbhəknyān paṅabhyāsa, ya tekā abhāgyatuṣṭi ṅaranya,

nihan taṅ vāhyatuṣṭi ṅaranya, hana vvaṅ luput saṅke viṣaya, kadyaṅgāni⟨lb⟩ vvaṅ maharəp maraby ahayu, mamaṅana enak, manaṇḍaṅa dodot rahayu⟨lb⟩ kunaṅ, huvus pva kapaṅguh denya, tuṣṭi hatah ṅaranya, hana ta vvaṅ ma-⟨lb⟩təmu lāvan kasihnya, tuṣṭi hatah ṅaranya, hana vvaṅ mamet drabya, athavā⟨lb⟩ mamet guṇa kunaṅ huvus kapaṅguh ikaṅ pinetnya, tuṣṭi hatah ṅaranya, hana⟨lb⟩ ta vvaṅ huvus siddhikāryanya ikaṅ sapinetnya, tuṣṭi ⟨ms: 37r⟩ hatah ṅaranya, hana ta⟨lb⟩ vvaṅ malāra sakit, halvaṅ pva lāranya, tuṣṭi hatah ṅaranya, hana ta vvaṅ⟨lb⟩ mamunuh kəbho sapi paṅanənya, tuṣṭi hatah ṅaranya, nahan taṅ navatuṣṭi⟨lb⟩ ṅaranya⟨,⟩ pinakavījaniṅ buddhi ika kabeh ◆

nihan taṅ aṣṭasiddhi ṅaranya, dāna, adhyayana, śabda, tarka, sauhṛdaya,⟨lb⟩ trayo duhkavighāta, nahan taṅ aṣṭasiddhi ṅaranya,

dāna, ṅaranya, saṅ vənaṅ umehakən kāyanira riṅ saṅ paṇḍita, lavan ri saṅ-⟨lb⟩sārajanma kunaṅ, lvirni vinehakən, təlu prakāranya, kāya, śabda, ambhək⟨lb⟩ rahayu, nihan ta kapirvan i kasiddhya⟨ms: 37v⟩n, saṅ vənaṅ maṅāji śāstra purāṇa,⟨lb⟩ tattvajñāna kunaṅ, siddhi hatah ṅaranika, ⟨śabda ṅaranya,⟩ hanātah hu-⟨lb⟩vus maṅabhyāsājinira, dadi sira siddhavākya savuvusnira siddhi, athavā sira⟨lb⟩ dadi maṅrəṅə̄ śabda sakeṅ sūkṣma, saṅka ri tibrani paṅrəṅə̄nira, siddhi⟨lb⟩ hatah ṅaranikā, hana tarkasiddhi ṅaranya, ikaṅ jñāna ton ikaṅ atītānāga-⟨lb⟩tavartamāna, siddhi hatah ṅaranikā⟨,⟩ hana ta huvus manəmu guru viśeṣa,⟨lb⟩ siddhi hatah ṅaranikā,

hana ta vəkasnikaṅ kasiddhyan saṅ viku, saṅ yogīśvara juga, apan sira⟨lb⟩ vənaṅ humilaṅakən ikaṅ duhka təlu ṅaranya, hanādhyātmi⟨ms: 38r⟩kaduka ṅaran-⟨lb⟩ ikā, hanādhidaivikaduhka ṅaranya, hanādhibhautikaduka ṅaranya, rva pra-⟨lb⟩kāranikādhyātmikaduka ṅaranya, mānasa, lāvan śārīra, mānasa ṅaranya,⟨lb⟩ kāma, krodha, lobha, bhaya, asūyā, kāma ṅaranya hyun, krodha ṅaranya,⟨lb⟩ galak, lobha ṅaranya, tan pahuvusan maṅarjana dravya, bhaya ṅaranya, ta-⟨lb⟩kut, asūyā ṅaranya, ikaṅ gələm tan vənaṅ maləs, nahan taṅ duhka saṅkeṅ⟨lb⟩ manah,

nihan taṅ duka saṅkeṅ śarīra, orəm, gigil, śūlān⟨,⟩ lārahatin, puyəṅ, kuris,⟨lb⟩ saprakāraniṅ lārān pasaṅkan, yekādhyātmikaduhka, ya tikā hinilaṅakən saṅ⟨lb⟩ yogīśvara, ⟨ms: 38v⟩ ādhidaivikaduka ṅaranya, sinambhər i gəlap, edan, kapasuk⟨lb⟩ iṅ gaṇa bhūta, lāvan piśāca, yeki ādhidaivikaduka ṅaranya, kunaṅ ikaṅ pinəraṅ,⟨lb⟩ pinalu, rinacun, tinəluh⟨,⟩ pinatuk iṅ ulā, pinaṅan iṅ vuhaya, saprakāraniṅ⟨lb⟩ lāra saṅkeṅ havak, yekādibhautikaduka ṅaranya, ikā ta kabeh, ya ta hilaṅ de⟨lb⟩ saṅ yogīśvara,

sumahur saṅ kumāra,

kunaṅ apa ta denira saṅ yogīśvārān humilaṅakən kalāra samaṅkana⟨lb⟩ sājñā bhaṭāra, maṅkana liṅ saṅ kumāra,

sumahur bhaṭāra,

hələm ikā hujarakna riṅ yogapāda, apan tan hənti vṛttinikaṅ buddhi vaneh,⟨lb⟩ ndya vṛtti⟨ms: 39r⟩ni buddhi vaneh, yan kva liṅanta, hana aśakti ṅaranya, vvalu-⟨lb⟩likur kvehnya, lakṣaṇanya yekā kavruhananta,

ndya ya, yekiṅ daśendriya, tan vənaṅ humiḍəp riṅ viṣayanya, taliṅa tuli, kulit⟨lb⟩ vudug, mata tan panon, ilat bisu, iruṅ apaləh, tutuk vulaṅun, tan aharəp⟨lb⟩ maṅkana kunaṅ, taṅan kiṅkiṅ, suku lumpuh, silit mrədu, tan vənaṅ aṅisiṅ⟨lb⟩ kunaṅ, pəlāt kədi, nahan lakṣaṇanikaṅ daśendriya, an tan vənaṅ ri viṣaya-⟨lb⟩nya, aśakti hatah ṅaranya,

hana ta baliknikaṅ navatu⟨ms: 39v⟩ṣṭi lāvan aṣṭasiddhi, nihan lakṣaṇanya, ⟨apra-⟨lb⟩dhānaka ṅaranya⟩ halani śarīranya, prastāvanyān paṅimpuluniṅ magave⟨lb⟩ hala, anupādānaka ṅaranya, hutaṅnya hiḍəpnya hutaṅni kavvatanya, dadi⟨lb⟩ ya miṅgat, akāla ṅaranya, tan vənaṅ sumorakən taṅgəhni raranya, dadi⟨lb⟩ ya muṅpaṅ, tan vənaṅ tumambhāni sakahinani avaknya, moha ta ya, tan⟨lb⟩ apilih salviranya, viṣayānurasa, hana vvaṅ tuməmu kaharəpnya, ndan⟨lb⟩ lobha⟨lb⟩ ta ya, tan patambhān ikaṅ huvus kapaṅguh denya, hana mabhojanāsukha,⟨lb⟩ aləməh magave ya, hana tan vənaṅ rumakṣa ha⟨ms: 40r⟩yunya, mvaṅ kalituhayunya,⟨lb⟩ arabi laraṅan, mahəmas tinotohakənya ri savuṅ judi nita, mahurip an pamuk⟨lb⟩ pva, hana kṣayarāga, hana vvaṅ malāra ndātan tambhān, avədi maṅinuma⟨lb⟩ mapyak mapahit, matakut mabhaya ri saṅ manambhā,

hana vvaṅ tan patəmu lāvan kasihnya, anaṅis tan vənaṅ mukti drabyanya,⟨lb⟩ nahan baliknikaṅ navatuṣṭi, aśakti hatah ṅaranikā,

hana ta balikni aṣṭasiddhi, adāna, tar dadi maveveh, astham agaveya⟨lb⟩ dharma, anadhyayana, tan paṅaji, tvas āji svataḥniṅ ṅvaṅ, tan byakta vruha⟨lb⟩ ri viśe⟨ms: 40v⟩ṣa, anaśabda, tan paṅabhyāsa kasādhakan, an aku hyaṅ, apa ta gaveya-⟨lb⟩niṅ mamrih, tvas prihatin ṅvaṅ denya⟨,⟩ anatarka, tan katon ikaṅ atītānā-⟨lb⟩gatavartamāna, asauhṛdayaḥ, tan paguru viśeṣa, maguru matəka, ndān kadi⟨lb⟩ parahu vatu, vvādəs maṅəntasakna ri saṅsārasamudra, ya mataṅyan paṅələ-⟨lb⟩makən riṅ mahānaraka,

ndya guru maṅkana marəki riṅ mahānaraka, nihan paṅavruhana, liṅnya,⟨lb⟩ kitātah kahanan bhaṭāra sakala, apan yeki magave liṅga mamaṅun prāsāda,⟨lb⟩ maṅanākən poya, maṅhanākə⟨ms: 41r⟩n pinaṅan ininum, yeki kahanan saṅ hyaṅ⟨lb⟩ paramārtha, mamaṅan maturū saṅ hyaṅ ikā, lumaku, maluṅguh, asiṅ atah,⟨lb⟩ tulah saṅ hyaṅ ikā kabeh, nora salah ikā kabeh maṅkana liṅnya, ya mataṅ-⟨lb⟩nyan dadi humulahakən apacāra, apan tan hanāpa liṅnya, dadi ya muṅpaṅ,⟨lb⟩ dadin paṅahala dravyaniṅ vaneh, tan apa ikā yan tuhutu kita, apan tuhutu⟨lb⟩ ṅaranya, hayva vədi pati, apan yekā mahañutan ṅaranya, asiṅ mārganiṅ pati⟨lb⟩ ta pva, apan si pati ikaṅ sinaṅguh kamokṣan ṅa⟨ms: 41v⟩ranya,

maṅkana liṅni gurunya, yekā guru manəbakən i naraka ṅaranya, aśakti ṅa-⟨lb⟩ranya, ṅke ri vṛttiniṅ buddhi ◆

nihan taṅ dukatrayavighatah ikā tan vənaṅ humilaṅakən dukatraya, apan⟨lb⟩ tan paṅabhyāsa samādhi, mataṅnyan tan paṅabhyāsa samādhi, apan tan⟨lb⟩ maṅkana rakva paramārtha liṅnya, tuhu mata saṅ hyaṅ paramārtha luput⟨lb⟩ saṅkeṅ yoga lāvan samādhi, apan buddhi sira, huvus karuhun ikaṅ rāga⟨lb⟩ dveṣa moha lāvan śarīra tan hana ikā ri bhaṭāra, apa deniṅ samādhi ri sira,⟨lb⟩ apan sira pva deni samā⟨ms: 42r⟩dhinira saṅ viku mvaṅ saṅ yogīśvara, yatanyan⟨lb⟩ pada lāvan bhaṭāra, inakunya pvāvaknya pada lāvan bhaṭāra, tan vənaṅ hu-⟨lb⟩milaṅakən dukanya təlu, ya ta mataṅnyan aśakti ṅaraniṅ buddhi yan maṅ-⟨lb⟩kana,

sumahur saṅ kumāra,

kuraṅ tuṅgal ta vəkas ikaṅ aśakti yan təka vvalulikur, ndya gənəpanya,

nihan yaṅ manah mabalik, apan lakṣaṇaniṅ manah mamikalpa, tap-⟨lb⟩van vənaṅ mamikalpa, ya ta sinaṅguh medan ṅaranya, nāhan gənəpnikaṅ⟨lb⟩ aśakti vvalulikur, ikā ta kabeh, nimittaniṅ ātmasaṅsāra apan mamaṅguh⟨lb⟩ vāsanā ikā kabeh riṅ citta⟨ms: 42v⟩, vruh pva saṅ paṇḍita, an makveh vāsanānikaṅ⟨lb⟩ pāpa rumakət{,} riṅ citta, ya ta mataṅnyan saṅ viku, matakut ri saṅsāra lā-⟨lb⟩van duka, hayva jənək ri byāpāra riṅ śarīra, huvus karuhun ikaṅ śīla hala⟨lb⟩ hayva ta ginavayakən, apan yeka mamuhāra lara lāvan saṅsāra, aparan yo-⟨lb⟩gya gaveyakna takarih, nyaṅ trikāya paramārtha, ulah rahayu, śabda rahayu,⟨lb⟩ ambhək rahayu, don ikā sādhananiṅ maṅabhyāsāṅambhəki bhaṭāra,

nihan varah-varah bhaṭāra yeki dələn iṅət-iṅətən təmən-təmən, rāsāna ri ha⟨ms: 43r⟩ti,⟨lb⟩ apan iki mārga bənər, yapvan hana marah ri kita riṅ hayu, ndān apasalahan⟨lb⟩ lavan loka maṅruddha lāvan vvaṅ kabeh tālap hayva vinahil, ndan hayva⟨lb⟩ ta ginavayakən, yan paropaghāta gumavayakən dukaniṅ vaneh apan jāti-⟨lb⟩niṅ magave hala, hala təkeṅ śarīra, yapvan pagave hayu, hayu təkeṅ śarīra⟨lb⟩ hayu pva kahyuniṅ rat, ya mataṅnyan hayvātah gaveyaknanta hala hələm,⟨lb⟩ ikaṅ luput saṅkeṅ guṇadoṣa, maryada parilobha mvaṅ doṣa, yāvat kita luput⟨lb⟩ saṅkeṅ ⟨ms: 43v⟩ lokabyāpāra, tāmrih ta gave bhakti riṅ bhaṭāra, apan sira śaraṇani vənaṅ maṅhilaṅakən pāpa, sira dumeh ṅ vvaṅ amaṅguha suka viśeṣa, ikaṅ⟨lb⟩ inak tan pabalik lara, hurip tan pabalik pati, milv agave tan ilu ginave, vruh⟨lb⟩ tan kinavruhan, ya phalani bhakti ri bhaṭāra,

kunaṅ təkapniṅ magave bhakti, ya takvānaknanta riṅ saṅ guru, kāṅə-⟨lb⟩naṅənātah saṅsāraniṅ dadi janma, si hurip makāvasānaṅ pati, iki pati ṅa-⟨lb⟩ranya, viparīta tan hana tuturnya, apan kapasuk ri tamah, vəṅi tan paka-⟨lb⟩nimitta{,} tayā riṅ āditya⟨ms: 44r⟩,

ya ta kalavasan ṅaranya, balikni hurip lalu tan hinaknya, maṅkana təhər⟨lb⟩ hayvāṅhiḍəp sukaduka, kunaṅ tāpan pavārte janma, kadi kvehniṅ hilaṅ⟨lb⟩ kvehni mətu, ya ta panəṅəranta an pajanma muvah ikaṅ ātmā, huvus ru-⟨lb⟩muhun ta yan hana vvaṅ jātismara, meṅət ri dadinya ṅūni, tan salah⟨lb⟩ denya tumuduh kavitanya ṅūni pūrvakah lāvan ṅaranya dravyanya, nahan hana-⟨lb⟩nyān atutur apa tan hanaṅ tuduhnya ikā kabeh, ləhəṅ marekān rahayu jan-⟨lb⟩manya muvah, maluya dadi vvaṅ gumavaya⟨ms: 44v⟩kəna bhakti ri bhaṭāra, mārgani⟨lb⟩ janma kahvata ri hayu, yan {yaṅ} dadi kita ri saṅsārātah niyata kadyaṅgāniṅ⟨lb⟩ vikāra, tan pada lāvan saṅsārajanma, athavā yan paṅdadyana kəbho sapi asu⟨lb⟩ vək, yeka kapətək təmən, apa tan hana gamanani kavruha riṅ heyopadeya,⟨lb⟩ vənaṅa ta rakva ya mareṅ saṅ paṇḍita, tumakvanakəna kaliṅani janmanya,⟨lb⟩ mvaṅ kaləpasənni janmanya, yan apa tekān vruha, apan huvus ikaṅ jan-⟨lb⟩manya, tan pasikəban, ləkas ta məne ṅgələk, apa tan kinavruhan təkaniṅ⟨lb⟩ pati,

sumahur saṅ kumāra,

aparan ikaṅ vāsanā ṅaranya, sājñā bhaṭāra, varahən ta rānak bhaṭāra,

sumahur bhaṭāra,

ikaṅ karma tan dadi tan kabhukti phalanya, akveh pva kaṅ karma, ya ta⟨lb⟩ mataṅnyan makveh lvirniṅ janma, apan phalanikaṅ karma ya mamaṅun⟨lb⟩ śarīra, yan ⟨mahalā karma,⟩ mahalā śarīra, yan mahayva karma, mahayva⟨lb⟩ śarīra, mahala māyu pvekaṅ karma, vinaṅun i janma tuṅgal, ya mataṅnyan⟨lb⟩ asilisilih ikaṅ janma riya, huvus dadi devatā phalani gavenya hayu, təka⟨lb⟩ pva phalaniṅ gavenya hala, matəmahan ta ya tiryak, hənti pva phalanikaṅ⟨lb⟩ tiryak, təka ta phala ni⟨ms: 45v⟩kaṅ mānuṣa, muvah ta phalanikaṅ karma ṅūni, ya ta⟨lb⟩ bhinuktinyān pamaṅun karma muvah, maṅkana ta jātini janma kabeh, ikaṅ karma huvus bhinukti yekā maməkasakən saṅaskāra ri citta sovaṅsovaṅ, ya⟨lb⟩ ta mataṅnyan kadi sinurat ikaṅ karma rumakət iriya, kadyaṅgāniṅ siṅsət i⟨lb⟩ havak, ya ta magave tuturni citta⟨,⟩ ikaṅ huvus bhinuktinya ṅūni, yan de-⟨lb⟩vatā, yan mānuṣa, yan tiryak, ikaṅ karmaphala tinutnya, ya ta bhinuktinya,⟨lb⟩ kapva tekā maməkasakən saṅaskāra ri citta, nihan pada⟨ms: 46r⟩nya, kadyaṅgān i⟨lb⟩ dyun an pinakavavan vaṅivaṅi, iṅgu kunaṅ, huvus hənti hisinikaṅ dyun,⟨lb⟩ vinasəhan ta ya pinahalilaṅ ndān hanātah ambhə̄nya, turuṅ ⟨hənti⟩ rum-⟨lb⟩akət rikā dyun, maṅkana tekaṅ vāsanā, an paməkasakən saṅaskāra ri citta,⟨lb⟩ asiṅ agə̄ṅ vāsanā ri citta, ya pinakarūpaniṅ janma, apan asiṅ kinalpananiṅ⟨lb⟩ manah ya tinutniṅ karmanya maṅun janma muvah,

saṅ apa sira kumavruhi janma maṅkana sājñā bhaṭāra,

sumahur bhaṭāra,

aku huvus maṅhiḍəp saṅsāra, aneka ikaṅ janma bhinuktiku⟨,⟩ vəkasan{,}⟨lb⟩ təkani ga⟨ms: 46v⟩veṅku hayu, kavava tāku ri saṅ paṇḍita, vinarah tāku riṅ dhar-⟨lb⟩maśāstra, ya ta inabhyāsaṅku, alavas pvāku gumavayakən ikaṅ dharmaśās-⟨lb⟩tra, mati tāku, {muvah taku,} muvah tāku maṅjanma mānuṣa, atutur tāku ri⟨lb⟩ janmaṅku, muvah tāku humulunakən śarīraṅku ri saṅ paṇḍita, vinarah tāku⟨lb⟩ ri yogadharma, ya ta inabhyāsaṅku ri rahineṅ vəṅi, ya ta ginavayakənku,⟨lb⟩ alavas aku yogīśvara, sevu tahun lavasku yogīśvara, vinava tāku riṅ svarga,⟨lb⟩ inaranan tāku saṅ nīlalohita, tinariman tāku hanak dara, ⟨ms: 47r⟩ anak bhagavān⟨lb⟩ dakṣa, saṅ satī ṅaranira, māti pva saṅ satī, kavəkas tāku, maluya tāku yogī-⟨lb⟩śvara, tīkṣṇa pva deṅkv agave samādhi, māti tāku maṅjanma tāku ri bhaṭāra,⟨lb⟩ ndatan vətu saṅke śuklaśonita, mətu saṅke yoga bhaṭāra kami, apan lima⟨lb⟩ kveh mami sānak, patuṅgalani ṅaran mami, kuśika saṅ matuha, tumut ta⟨lb⟩ garga, lāvan maitri, saṅ kuruṣya, aku saṅ pātañjala ṅaranku, anak pamuṅsu,⟨lb⟩ ri saṅ pañcarṣi, atutur tāku ri kayogīśvaran, ya mataṅnyan manambhah ri⟨lb⟩ bhaṭāra, sakavvatan ma⟨ms: 47v⟩mi dadi sira gave saṅkramaṇa,

anaku saṅ kuśika, mabyakta takvanakna, kunaṅ deyanmu pəṇḍəm tāku, ma-⟨lb⟩ṅkana liṅnira ri saṅ kuśika pinet saṅ garga sira kinon maṅhañuta, luṅhā ra-⟨lb⟩sikā, pinet saṅ maitri, sira kinon manunva, luṅhā rasikā, pinet ta saṅ ku-⟨lb⟩ruṣya, sira kinon mamaṅguṅa, luṅhā rasikā, pinet tāku, mavəkas ta bha-⟨lb⟩ṭāra, mabhakti anaku, kunaṅ deyanmūsapa tāku, maṅkana liṅ bhaṭāra, tan⟨lb⟩ asove māti ta sira⟨,⟩ təka ta saṅ kuśika, matutur pavəkas bhaṭāra, inalap-⟨lb⟩nira tekaṅ śava, pinəṇḍəmnira, ndāta⟨ms: 48r⟩n paveh iṅ kami kabeh, apan⟨lb⟩ kami pinakapaməkasan ri deya mami⟨,⟩ təka ta saṅ hyaṅ brahmā⟨,⟩ viṣṇu, in-⟨lb⟩dra, yama, baruṇa, kuvera, āgneya, nairiti, bāyabya, aiśānya, sira sumambh-⟨lb⟩əsambhə ri kami kalima, dadi saṅ kuśika kinon maməṇḍəma śava bha-⟨lb⟩ṭāra, sampun pinəṇḍəmnira, dinuduk sira de saṅ garga, hinañut ta sira⟨,⟩ hinalap sira de saṅ kuruṣya, sira umaṅguṅ śava bhaṭāra, tan asove hinalap ta⟨lb⟩ sira de saṅ maitri, sira tānunu śava bhaṭāra, sampun gəni matəmahan avu,⟨lb⟩ luṅhā ta sira kabeh, aku juga kavəkas kumukup havu bhaṭāra, inalapku tāvu-⟨lb⟩nira, saṅka ri bhaktiku maguru, ya ta mataṅnyan husapakən ikaṅ ⟨ms: 48v⟩ ⟨lb⟩ havu ry avaku, vaneh pinaṅkuku, tan sove hilaṅ ta rūpaṅku pātañjala, sarūpa⟨lb⟩ bhaṭāra ṅūni kālanira hurip, trinayana caturbhuja, sphaṭika pakajanmasthā-⟨lb⟩na, samaṅkana ikaṅ rūpa pinaṅguhku, təka kaṅ devatā kabeh mamūja ri⟨lb⟩ gandhākṣatadīpādi, lāvan kəmbhaṅ saṅkīrṇa, təka ta saṅ hyaṅ ananta hu-⟨lb⟩mundaṅ aku, muliha riṅ abhavapāda,

tā vihaṅ hinənah tāku ri kahyaṅan i kavvatanku, yeki ri śrīkaṇṭhabhuvana⟨lb⟩ ṅaranya, i ruhurni saṅ hyaṅ śrīkaṇṭha, alavas aku riṅ abhavapāda, kinon⟨lb⟩ tāku muṅgva rike brahmāṇḍa, ya təmahankva guru ri rat kabeh, ya mataṅ-⟨lb⟩nyan paṅaji ikaṅ devatā kabeh ṅke riṅ brahmāṇḍa,

hana pva ⟨ms: 49r⟩ daitya si nīlarudraka ṅaranya, ya ta kumavāśākən ikeṅ brah-⟨lb⟩māṇḍa, gələṅ tekaṅ devatā kabeh, deni bhaṭārī sarasvatī maṇḍəm ri lidah-⟨lb⟩nya, ya ta mataṅnyan salah ujar, tan matya deni devatā daitya dānava, an⟨lb⟩ umatyanāku, yan hanānak bhaṭāra mətu saṅke śuklaśonita ya umatyana, ma-⟨lb⟩ṅkana liṅnya, dadi ikaṅ devatā kabeh, mintakāsih ri saṅ hyaṅ kāma,⟨lb⟩ uma-⟨lb⟩nah aku ri rāgivaśa, yatanyan atəmaheṅ hyun, tā vihaṅ ta saṅ hyaṅ kāma, pinanahnira tāku riṅ rāga, dinələṅku ta saṅ hyaṅ kāma, ri katiga⟨ms: 49v⟩ni mata-⟨lb⟩ṅku, ya mataṅnyan gəsəṅ avak saṅ hyaṅ kāma matəmahan āvu, huvus maṅ-⟨lb⟩kana, tumut ta devatā kabeh, kapva ta ya humaṇḍəm anambhah, apan giri-⟨lb⟩girin an tumon i saṅ hyaṅ kāmān patəmahan āvu, ya ta mataṅnyan panam-⟨lb⟩bhah umajarakən vuvusnikaṅ daitya si nīlarudraka, pəjaha deni tanayanku⟨lb⟩ mətu saṅkeṅ śuklaśonita, tan vihaṅ pinintakasihan kabeh, kinon ta ya sum-⟨lb⟩omaha ibunta bhaṭārī umā, ya mataṅnyan pakānak saṅ hyaṅ{,} gaṇapati, lā-⟨lb⟩van saṅ bhṛṅgiriṭi, katigānaku saṅ kumāra, nāha⟨ms: 50r⟩n kramani dadiṅku ṅūni,⟨lb⟩ mataṅnyan avas deṅkv aṅavruha ikaṅ karmaphalān paməkasakən saṅaskāra⟨lb⟩ ri citta, maṅkana liṅ bhaṭāra,

sumahur saṅ kumāra,

ndya ta menaka irikiṅ dadi janma kabeh sājñā bhaṭāra, maṅkana liṅ saṅ⟨lb⟩ kumāra,

sumahur bhaṭāra,

nora kətah menak irikiṅ janma kabeh anaku, apa pvānuṅ suka ṅaranya, nya-⟨lb⟩pan tahan kva liṅanta, aṅhiṅ ikaṅ kamokṣan juga, yeki suka viśeṣa ṅaranya,⟨lb⟩ apan huvus sātmaka lāvan bhaṭāra paramakāraṇa, maṅkana liṅ bhaṭāra,

sumahur saṅ kumāra,

saṅ apa ta sira sinaṅguh ⟨ms: 50v⟩ bhaṭāra paramakāraṇa ṅaranira,

sumahur bhaṭāra,

saṅ laṅgəṅ kasūkṣmanira, sira sadāśauca, alilaṅ ta kəneṅ mala, sadāsuka⟨lb⟩ tar pakapūrvakaṅ janma pisaniṅu, tan kadi kami kabeh, sakveh saṅ hyaṅ⟨lb⟩ aṣṭavidyeśāna, huvus karuhun saṅ hyaṅ brahmā viṣṇu lāvan vatək lokapāla,⟨lb⟩ makapūrvakaṅ saṅsāra rasikā kabeh, kunaṅ saṅka ri gə̄ṅnikaṅ bhaktinira ri⟨lb⟩ bhaṭāra, lāvan tīkṣṇani samādhinira, nahan mataṅyan inalap muliha mareṅ⟨lb⟩ kahyaṅan, tatan maṅkana bhaṭāra paramakāraṇa, sadāsuka juga sira, ndān⟨lb⟩ makāvasāna saṅ⟨ms: 51r⟩sāra sira, maṅjanma mānuṣa sira hələm, nyapan tahan kva⟨lb⟩ liṅantānaku, tamatan hana gamananira janmānaku, apan sarvajña sira, sira⟨lb⟩ kumavruhi rat kabeh vruh sira ri maṅde saṅsāra, lāvan lāra, ndātan vənaṅ⟨lb⟩ milagi ya, tan vruh ri deyanya, deni maṅhilaṅakən lāra,

lāvan hana ta caduśakti ri sira, ndya caduśakti ṅaranya, ⟨vibhuśakti, jñā-⟨lb⟩naśakti, kriyāśakti, prabhuśakti,⟩

⟨vibhuśakti ṅaranya, aṅavaśyaḥ,⟩ anāveśyaḥ, aṅavaśyaḥ ṅaranya, tā kəneṅ⟨lb⟩ rāga, dveṣa, moha, aṅavaśyaḥ ṅaran ikā, anāveśyaḥ ṅaranya, tar kataman, tar⟨lb⟩ dadi pinakāvak sirātah makāvak sarvabhāva, ⟨ms: 51v⟩ yeka anāveśyaḥ ṅaranya, ika⟨lb⟩ ta kabeh, yekā vibhuśakti ṅaranya,

⟨: 284⟩ nihan taṅ jñānaśakti ṅaranya, dūradarśana, dūraśravaṇa, dūrāt manana, dūr-⟨lb⟩āt masarvajñatā, śravaṇa ṅaranya, ruməṅə̄ hadoh aparək, dūradarśana ṅa-⟨lb⟩ranya, tumon adoh aparək, athavā tā tutupan kunaṅ ikaṅ vastu, katonātah⟨lb⟩ denira, dūrāt manana ṅaranya, vruh ri jñānaniṅ adoh aparək, dūrāt ma-⟨lb⟩sarvajñatā ṅaranya, vruh ri kriyā kabeh, lāvan sarvavastu, nahan taṅ jñāna-⟨lb⟩śakti ṅaranya,

kriyāśakti ṅaranya, manojavitvaṁ, vikaradharmitvaṁ, ⟨ms: 52r⟩ kāmarūpitvaṁ,⟨lb⟩ manojavitvaṁ ṅaranya, adrəs ira saṅkeṅ manah, apan hana sira ri rat kabeh,⟨lb⟩ ndātan katon, vikaradharmitvaṁ ṅaranya, tar ginave, sirātah magave, kāma-⟨lb⟩rūpitvaṁ ṅaranya, sakaharəpnira təmahananira, ya pinakarūpanira, nahan⟨lb⟩ ya kriyāśakti ṅaranya,

prabhuśakti ṅaranya, abhītaḥ, akṣayaḥ, ajaraḥ, amaraḥ, ⟨apratihataga-⟨lb⟩tiḥ,⟩ abhītaḥ ṅaranya, tar matakut, akṣayaḥ ṅaranya, tar pakalvaṅan, ajaraḥ⟨lb⟩ ṅaranya, tā kəneṅ tuha, amaraḥ ṅaranya, tar kəneṅ pāti, apratihatagatiḥ, tan⟨lb⟩ katahənan, nāhan yaṅ prabhuśakti ṅaranya, ika{,} ta ⟨ms: 52v⟩ śakti bhaṭāra ika, ya⟨lb⟩ kabeh, ya ta pinakapaniddha ri śakti bhaṭāra,

sumahur saṅ kumāra,

liṅ bhaṭāra, ṅūni, tar pāvak saṅ hyaṅ paramārtha, tathāpi vinuvus śak-⟨lb⟩tinira, ndya ta rakətani śakti bhaṭāra paramārtha, sājñā bhaṭāra, saṅ⟨lb⟩ apa katonani kaiśvaryanira sājñā bhaṭāra, maṅkana liṅ saṅ kumāra,

sumahur bhaṭāra,

saṅ yogīśvara sampun siddhātah, sira katonan i śakti bhaṭāra, apan sira hum-⟨lb⟩yāpāra ikeṅ rāt kabeh,

sumahur saṅ kumāra,

tan hana pva bhaṭāra, yan ṛṣi siddha juga katonan i śakti bhaṭāra, ma-⟨lb⟩taṅnyan tan hana sira, aṅhiṅ śa⟨ms: 53r⟩ktinira panəṅəranni hananira, muṅgva ri saṅ paṇḍita pva śakti bhaṭāra, ya mataṅnyan tayā saṅ hyaṅ paramārtha yan⟨lb⟩ maṅkana,

sumahur bhaṭāra,

taha pih tan tayā saṅ hyaṅ paramārtha, apan tan śaktinira vinehakənira saṅ⟨lb⟩ paṇḍita, ndya saṅkani śakti saṅ paṇḍita karih, yan maṅkana liṅanta, śakti⟨lb⟩ ṅkā ri havaknira juga śakti saṅ siddha,

sumahur saṅ kumāra,

apa dumehnya kābhibyaktā vəkasan sājñā bhaṭāra,

hasih sira bhaṭāra ri saṅ yogi kaliṅanya, apa dumeh sirāsiha ri saṅ yogi, saṅka⟨lb⟩ ri pamrihnira gave samādhi, satatā riṅ rahine vəṅi, ya mataṅnyan asih ⟨ms: 53v⟩ bha-⟨lb⟩ṭāra ri saṅ yogi, hinilaṅakənira ta kleśa ri śarīra lāvan lāranira, kābhibyaktā⟨lb⟩ kalāra saṅ yogi vəkasan, apan ikaṅ mala tumutupi śaktiniṅ ātmā ṅūni, hi-⟨lb⟩laṅ marekā mala, yan kva liṅa saṅ para, tan vənaṅa taṅ ātmā humilaṅakən⟨lb⟩ malanya juga, apan tan avruh lakṣaṇaniṅ mala, mataṅnyan tan vruh ikaṅ⟨lb⟩ ātmā ri lakṣaṇani mala, apan ivəṅ-ivəṅ avaknya lāvan ikaṅ mala,

ndyāvakaniṅ ātmā yan kva liṅanta, yekā sinaṅguh ātmā liṅ saṅ vruh ri saṅ⟨lb⟩ hyaṅ śāstra, ikā taṅ citta ivəṅ-ivəṅ lāvan mala, taha pih vənaṅa taṅ ātmā hu-⟨lb⟩mila⟨ms: 54r⟩ṅakən malanya, yan kva liṅanta saṅ para, tanora mataṅ dadyana devatā⟨lb⟩ tiryak yan maṅkana, mokṣa ikaṅ janma kabeh yan maṅkana, tinonta pvekaṅ⟨lb⟩ janmasaṅsāra, ya ta paṅavruhananta an tan vənaṅ ikaṅ ātmā humilaṅakən⟨lb⟩ malanya, yapvan vənaṅ humilaṅakən malanya, ya mataṅnyan sih bhaṭāra ri⟨lb⟩ yogi, apan sira vənaṅ humilaṅakən malanira, kadi śakti bhaṭāra, maṅkana⟨lb⟩ śakti saṅ siddha, ya mataṅnyan pada śaktinira lāvan bhaṭāra vəkasan,

sumahur saṅ kumāra,

hana ta kāri bhaṭāra, ri janmasaṅsāra,

mataṅnyan maṅkana, apan siddha samādhi saṅ yogi, apan yekā kābhibya-⟨lb⟩ktan bhaṭāra ri janma, kapaṅguhanira de saṅ yogi, yan vruh riṅ prayoga-⟨lb⟩sandhi padanira, kadyaṅgān i apv⟨ms: 54v⟩y aneṅ kayu, apan hamətvakən āvaknya, ikaṅ apvy aneṅ kayu, ulihniṅ aṅəsə̄ atah prastāvanyān mətu, maṅkana tekaṅ⟨lb⟩ miñak, tan vətu ikā yan tan pinutəran, ika pva vastu maganal tathāpi tan vətu ikā yan tan inupāya ri sandhi, bhaṭāra paramakāraṇa kari tan kapaṅguha, yatan hanā prayogasandhi, yadyapin vruha ri prayogasandhi, yatan gavayakna, tan kapaṅguh atah bhaṭāra denya, ◉

kaṅ katutur i cittavṛtti, ya sinaṅguh yoga ṅara⟨ms: 55r⟩nya, ndān atyanta ivəhnyān⟨lb⟩ inabhyāsa, apan tan harəp jātiniṅ vaṅ riṅ gave makas, kunaṅ saṅ vairāgya,⟨lb⟩ saṅ huvus varəg ri lārani janma, sira mahyun ri yoga, apan maharəp ri suka viśeṣa⟨lb⟩ ṅaranya⟨,⟩ ikaṅ paṅguhan i jāti saṅ hyaṅ ātmā ya sinaṅguh suka viśeṣa⟨lb⟩ ṅaranya, yan apa yan kapaṅguh jāti saṅ hyaṅ ātmā, yan ginavayakən ikaṅ⟨lb⟩ yogātah,

sumahur saṅ kumāra,

tan kagavaya ikaṅ yoga kahiḍəp tah saṅ hyaṅ ātmā de mami,⟨lb⟩ tamatan ātmā ikā liṅta, yekiṅ citta ṅaranya, mataṅnyan sinaṅguh citta, apan⟨lb⟩ ekaviṣayanya, ya mataṅnya⟨ms: 55v⟩n citta juga kahiḍəp denya, sumahur saṅ pāra,⟨lb⟩ ndya vṛttinya, mataṅnyan citta ṅaranya, nihan grahaṇa, viparyaya, vikalpa,⟨lb⟩ nidrā, smṛti,

grahaṇa ṅaranya, ikaṅ citta manut pramāṇa təlu, pramāṇa təlu ṅaranya,⟨lb⟩ pratyakṣa, anumāna, āgama, yekā grahaṇa ṅaranya, hayva ta vineh maṅkana⟨lb⟩ kālani yoga, […] nihan taṅ vikalpa ṅaranya, ikaṅ jñāna maṅaliṅa varahni⟨lb⟩ sūtra, niṣkriyaḥ puruṣaḥ kumva liṅniṅ aji, nihan arthanya, tar polah saṅ⟨lb⟩ hyaṅ ātmā, maṅkana liṅnikaṅ varah, ya tekāna liṅ ṅaranya, liṅnya nihan,

kaliṅaniṅ tan polah, ⟨ms: 56r⟩ kadyaṅgāniṅ hru hana ri taṅkulaknya, humənaṅa ta⟨lb⟩ ya, inalap pva ya saṅke taṅkulaknya, kinənākən i talini laras, tumañcəbəka⟨lb⟩ ya ri kinənanya, humənaṅa ta ya, maṅkana ta hənaṅnikaṅ ātmā, nāhan liṅ-⟨lb⟩ni vikalpa ṅaliṅa varah, hayva ta vineh maṅkana ri kālani yoga, nihan taṅ⟨lb⟩ nidrā ṅaranya, ikaṅ jñāna kadi hilaṅ lvirnyān kahiḍəp, ndān təhər ya malupa⟨lb⟩ viparīta tan hana tuturnya, hayva ta maṅkana ri kālaniṅ yoga, vehən tikaṅ⟨lb⟩ jñāna duməliṅa ri hati, sthitya hayva cañcala, hayva maṅaṅənaṅən, apan⟨lb⟩ hana svapnajñāna ṅa⟨ms: 56v⟩ranya, paran inaṅən-aṅən vaneh, ikaṅ jñāna matutur i⟨lb⟩ kahiḍəpanya, yekā svapnajñāna ṅaranya, hayva ta vineh maṅkana ri kālani⟨lb⟩ yoga, nihan taṅ sūtra smṛti ṅaranya, ikaṅ jñānātutur ikaṅ vastu bhinuktinya⟨lb⟩ ṅūni, hayva ta vineh maṅkana ri kālaniṅ yoga, nahan vṛttinikaṅ citta lima⟨lb⟩ kvehnya,

yapvan katutupan ikaṅ kabeh, ya tekā sinaṅguh samādhi ṅaranya⟨,⟩ ya⟨lb⟩ sinaṅguh samprajñāta, lāvan asamprajñāta, samprajñātātah ṅaranya, ikaṅ⟨lb⟩ samādhi tinahənan deni pāt⟨,⟩ lvirnyān pāt nihan, hana savitarkasamā⟨ms: 57r⟩dhi, hana ta vicārasamādhi ⟨, hana asmitāsamādhi, hana ānandasamādhi,⟩

[…] ikaṅ jñāna maṅekagraha ri sūkṣma, ya vicārasamādhi ṅaranya, as-⟨lb⟩mitāsamādhi ṅaranya, i ṅkana saṅ puruṣa kaivalya, vinotan viṣaya deniṅ⟨lb⟩ citta, ndātan cetane ya, apa vruh sirān lāra, yāvat cumetane pavotniṅ citta, ya⟨lb⟩ mataṅnyan hənaṅ juga humiḍəp svacetanānira ikā saṅ hyaṅ ātmā, ānanda-⟨lb⟩samādhi ṅaranya, ikaṅ ātmā tīkṣṇa denya humiḍəp avaknya juga, ya ta ma-⟨lb⟩taṅnyan kapaṅguh ikaṅ suka viśeṣa,

ikaṅ pāt ya sinaṅguh samprajñāta ṅaranya, ya⟨ms: 57v⟩n tuṅgal yan rva, yan təlu, yan⟨lb⟩ pāt, samprajñātātah ṅaranya, yapvan tan maṅkana ika kabeh, ya sinaṅguh⟨lb⟩ asamprajñātasamādhi ṅaranya, ikā taṅ asamprajñātasamādhi pūrvaka, ikā⟨lb⟩ ta samprajñātasamādhi,

ya tekā dharmani citta, hana kṣipta ṅaranya, ⟨hana vikṣipta ṅaranya,⟩ ⟨lb⟩hana vimūḍha ṅaranya, hana nirodha ṅaranya, hana ekagraha ṅaranya,

kṣipta ṅaranya, ikaṅ ambhək abvaṅ uməsat mareṅ kadohan, vikṣipta ṅa-⟨lb⟩ranya, ikaṅ ambhək ṅunikunik⟨,⟩ vimūḍha ṅaranya, ikaṅ ambhək ləṅə-ləṅə,⟨lb⟩ nirodha ṅaranya, ika⟨ms: 58r⟩ṅ ambhək aṅhərət, ekagraha ṅaranya, inambhəkakna⟨lb⟩ ri tuṅgal, nāhan kvehni dharmaniṅ citta, ikaṅ kṣipta, vikṣipta, vimūḍḥa,⟨lb⟩ {vimudā,} tan pinakabhūmi ikā deniṅ samādhi, apa pinakabhūminiṅ sam-⟨lb⟩ādhi takārih, pilih ekagraha lāvan nirodha, salah tuṅgal kunaṅ ya mahīṅan-⟨lb⟩iṅ samādhi, athavā karva kunaṅ,

sumahur saṅ para, vruh ta kami ikaṅ sinaṅguh yoga ṅaranya, apan saba-⟨lb⟩rinyān hənaṅ ikaṅ citta, ya ta samādhi ṅaranya, yan kva liṅa saṅ para, tan⟨lb⟩ yogya ikaṅ hənaṅni citta, saṅguhən yoga, a⟨ms: 58v⟩pan hana sira yogīśvara videha⟨lb⟩ lāvan{,} prakṛtilīna, videha ṅaranya, ikā saṅ yogīśvara hanaṅ luput saṅkeṅ⟨lb⟩ śarīra, māri makāvak ikaṅ aganal, kevala ikā sūkṣmaśarīra pinakāvaknira,⟨lb⟩ prakṛtilīna ṅaranya, māri makāvak ikaṅ śarīra sūkṣma, aparan pinakāvak-⟨lb⟩nira, yekiṅ pradhānatattva juga, rasikā ta saṅ videha lāvan prakṛtilīna, sira ta⟨lb⟩ maharəp kapaṅguhakənnya kamokṣan, apan huvus tan hana ikaṅ citta ri⟨lb⟩ hiḍəpnya, tan vruh yar paṅher kāla,

ikaṅ karmā⟨ms: 59r⟩śaya, lāvan ikaṅ cittasaṅaskāra, maṅkana pva ya, mataṅnyan tan⟨lb⟩ pramāṇa hənaṅnikaṅ citta juga, apan tan hənti ikaṅ anekaviṣaya bhinuk-⟨lb⟩tinya, tuturuṅ, apa paṅavruhananta, an tan hənti, nihan si maṅher ri pradhā-⟨lb⟩na, ṅuniveh ikaṅ videha, yapvan jənək amukti kasiddhyan, dadi sira saṅsāra⟨lb⟩ maṅhiḍəp muvah, yāgave cakra ṅaranya, apan tan hana śraddhādi ri sira, apa⟨lb⟩ sinaṅguh śraddhādi ṅaranya, nihan lilaṅni citta, mataṅnyan paṅguh ikaṅ⟨lb⟩ citta malilaṅ, saṅke pamrihnira maṅabhyāsā yoga satatā ri rahineṅ vəṅi, ⟨ms: 59v⟩

ndya paṅavruha ri lilaṅni citta, nihan ya maitrī, karuṇā, muditā, upekṣā,⟨lb⟩ ya paṅavruha ri lilaṅni citta,

apa sinaṅguh maitrī ṅaranya, nihan paṅavruhanya, ikaṅ ambhək prayo-⟨lb⟩janākən davāniṅ suka saṅ manəmu suka, ya maitrī ṅaranya, karuṇā ṅaranya, ikaṅ ambhək mrayojanākən ikaṅ malara mamaṅguha suka, lāvan luputa ri saṅsāra, ya karuṇā ṅaranya,⟨lb⟩ muditā ṅaranya, ikaṅ ambhək anumoda i saṅ⟨lb⟩ gumave hayu, ya muditā ṅaranya, upekṣā ṅaranya ikaṅ ambhək humənəṅ⟨lb⟩ irikaṅ maṅgave hala, nāhan ⟨ms: 60r⟩ byaktanya ikaṅ lilaṅ ri saṅ yogi, ⟨ms: 60r⟩

ikaṅ ta citta malilaṅ ri yogi, ya maṅdadyakən vīrya⟨, ikaṅ vīrya ya⟩ maṅ-⟨lb⟩dadyakən tutur, ikaṅ tutur ya maṅdadyakən prajñā, ikaṅ prajñā ya maṅdady-⟨lb⟩akən samādhi, apa sinaṅguh vīrya ṅaranya, gələmniṅ maṅabhyāsā yoga lā-⟨lb⟩van sādhananya, tutur ṅaranya, vruhnira ri kayogīśvaran, tambhāniṅ saṅ-⟨lb⟩sāra, apan ya mārganiṅ maṅguhakəna bhaṭāra, enak pva tuturnira ri bha-⟨lb⟩ṭāra, ya maṅdadyakəna prajñā, apa ta sinaṅguh prajñā, təpətnira ri kasamya-⟨lb⟩jñānan tumuduhakən bhaṭāra, ya mataṅnyan sira tambhāra ṅara⟨ms: 60v⟩ni prajñā saṅ yogi, mataṅnyan sira tambhāra ṅaranya, apan abənər təkānya ri bhaṭāra,⟨lb⟩ kadyaṅgāniṅ hru abənər lakunya deni həlār, maṅkana ta prajñā saṅ yogī-⟨lb⟩śvara i bhaṭāra,

apa ta lvirni samādhi saṅ yogi, an sātmaka ri bhaṭāra, nihan, ◉

hiliṅ ikaṅ citta, kavəkas tekaṅ citta ri saṅ hyaṅ⟨lb⟩ ātmā, ya tekā rumakət ri bhaṭāra, lana pvekaṅ samādhi maṅkana kapaṅguh-⟨lb⟩anya de saṅ yogi, ya mataṅnyan kapaṅguh ikaṅ kasiddhyan denira,

5 lvirnya kasiddhyan kaniṣṭha, madhya, mottama, mataṅnyan ⟨ms: 61r⟩ təlu ikaṅ kasiddhyan, apan təlu lakṣaṇa saṅ yogi, hana mṛdusambega, hana madhya-⟨lb⟩sambega, hana tībrasambega, mṛdusambega ṅaranya, akədik denyāṅabhyāsa yoga, lāvan sādhananya, amaṅguh ta sira kasiddhyan ndān malavas ya ka-⟨lb⟩paṅguh, maṅkana ta saṅ madhyasambega, amaṅguh sira kasiddhyan, ndān⟨lb⟩ ri janmanira sovah ikān pamaṅguh, kunaṅ saṅ tībrasambega, tībra təkap-⟨lb⟩nira gave yoga, lāvan pramāṇanya, ya mataṅnyan paṅguh, ikaṅ yogasiddhi i janmanira maṅke,

sumahur saṅ kumāra, ⟨ms: 61v⟩

apa ta kaləvihnikā saṅ tībra, mataṅnyan maṅguh ikaṅ yogasiddhi ri ⟨lb⟩ janmanira maṅke sājñā bhaṭāra,

sumahur bhaṭāra,

hananikaṅ īśvarapraṇidhāna ri sira yekā hetunirān vavaṅ paṅguh ikaṅ yo-⟨lb⟩gasiddhi, īśvarapraṇidhāna ṅaranya, kapaṅguhan avak bhaṭāra de saṅ yogi,

sumahur saṅ kumāra,

apa lakṣaṇanya paṅguh ikāvak bhaṭāra sājñā hyaṅ mami,

sumahur bhaṭāra,

nihan lakṣaṇani havak bhaṭāra an kapaṅguh de saṅ yogi,

ikaṅ mañetanā saṅ ⟨ms: 62r⟩ yogi, tan karakətan deni kleśakarmavipākāśaya, maṅ-⟨lb⟩kana lakṣaṇa bhaṭāra, ar paṅguh de saṅ yogi,

kleśa ṅaranya, avidyā, asmitā, rāga, dveṣa, abhiniveśa, karma ṅaranya,⟨lb⟩ gave hala, gave hayu, vipāka ṅaranya, tāśakti phalanya bhinuktiniṅ śarīra,⟨lb⟩ apan ikeṅ śarīra, yeki phalaniṅ karma lāvan sukaduhka, yekā tan kahiḍəp⟨lb⟩ kālaniṅ yoga, ya kaliṅaniṅ tan karakətan deniṅ kleśakarmavipākā{śaya},⟨lb⟩ hana ta śeṣanikaṅ karmaphalān huvus kabhukti, ya ta sinaṅguh āśaya ṅa-⟨lb⟩ ranya, ya tik⟨ms: 62v⟩ā magave tuturniṅ citta, yan mahala, yan mahayu, ya tekā tan⟨lb⟩ hana ri saṅ yogi, ya kaliṅani tan karakətan deni āśaya, lāvan sarvajña ta sira,⟨lb⟩ kumavruhi rāt kabeh, sarvakāryakartā sira gumavay ikaṅ rāt kabeh, tātan⟨lb⟩ kaləvihan kaiśvaryanira, maṅkana lakṣaṇa bhaṭāra, {sumahur saṅ kumāra,}⟨lb⟩ maṅkana taṅ ātmā tan karakətan deni kleśakarmavipākāśaya, mvaṅ sarva-⟨lb⟩jña ta ya lāvan sarvakāryakartā, tatan kaləvihan kaiśvaryanya, yan kva liṅa⟨lb⟩ saṅ para, karakətan maraṅ ātmā deniṅ kleśakarmavipākāśaya, a⟨ms: 63r⟩pa byakta-⟨lb⟩nya, hananyaṅ mañetanā, kadi mañetanā maraṅ ātmā, yan kva liṅa⟨lb⟩ saṅ para, tan hana ikaṅ rāt kabeh, yatan hanaṅ ⟨cetanāniṅ⟩ ātmā, ndān sarvajña ya,⟨lb⟩ nyapan tahana kva liṅa saṅ para, tan dadi ya gumaveya dukani⟨lb⟩ avaknya,⟨lb⟩ yan sarvajña ya, kaliṅanya, dudū juga ikaṅ cetanāniṅ ātmā

sājñā bhaṭāra, mevəh takari kapaṅguhan y avaknya bhaṭāra, tan paveh⟨lb⟩ juga kapaṅguha deniṅ janma yan sinəlaṅ lāvan pramāda, kunaṅ pavaraha⟨lb⟩ bhaṭāra ri ṅhulun, anuṅ meman kagaveyanya, ikaṅ inabhyāsanya maṅkana⟨ms: 63v⟩,⟨lb⟩ tumuntun ajñāna saṅ yogi, maṅkana liṅ saṅ kumāra,

sumahur bhaṭāra,

hananyaṅ oṁkāra, ya teki nāmadheya bhaṭāra, inajarakən{,} ri sarvaśāstra⟨lb⟩ kabeh, sira japakneṅ rahina vəṅi, apa ta phalaniṅ oṁkāra, yan lana jinapāk-⟨lb⟩ən, hilaṅ sarvavighna denira, lāvan kapaṅguh tāvak bhaṭāra,

sumahur saṅ kumāra,

apa lvirni vighna sājñā bhaṭāra,

sumahur bhaṭāra, nihan lakṣaṇani vighna, ◉

byādhi ṅara⟨ms: 64r⟩nya, kadyaṅgāniṅ lārādhyātmika, vighna atekā, pramāda ṅa-⟨lb⟩ranya, tan gumavay ikaṅ yoga lāvan sādhananya, aləməh magave yoga,

sandeha ṅaranya, salah denya maṅhiḍəp, kunaṅ tan ləpas ṅ vvaṅ maṅabh-⟨lb⟩yāsa yoga, lāvan dadin hana mārga vaneh, anuṅ meman kagavayanya, sa-⟨lb⟩keṅ rikaṅ yoga, maṅkana liṅni sandehanya, vighna atah ṅaranikā, styāna ṅaranya, tan vənaṅ magave yoga, makanimittaṅ ləhnya mvaṅ luhyan am-⟨lb⟩ bhəknya, bhrāntijñāna ṅaranya, vulaṅun aviratijñā⟨ms: 64v⟩na ṅaranya, vuruṅ ma-⟨lb⟩ gaveya yoga, bhūmyalābha ṅaranya, tan hanaṅ kaharəpnya, tan pagave yoga, cañcala ṅaranya, iki sadākāla, tan hana kālanyān pagaveya yoga, nāhan taṅ⟨lb⟩ vighna ṅaranya, ya tikā hilaṅ deniṅ japa, huvusnyān hilaṅ ikaṅ vighna, ala-⟨lb⟩vanlavan jñānanta, mahyun ta kita magaveya yoga, ya d[u]meh saṅ yogi⟨lb⟩ maṅabhyāsa, apan phalaniṅ japa ya vənaṅ maṅabhyāsa yoga, lanā pvekā⟨lb⟩ yoga ginavayakən, ya mataṅnya[n pa]məkasakən saṅaskāra, ikaṅ saṅaskāra-⟨lb⟩niṅ yoga, ya ta magave ⟨ms: 65r⟩ tutur ri saṅ yogi, ikaṅ tutur ya mamaṅun yoga, mu-⟨lb⟩vah, ikaṅ yoga ya maməkasakən saṅaskāra muvah ri citta saṅ yogi, lvirnyān⟨lb⟩ təka hana gə̄ṅ hana rətrət lvirnya, hana lima təkanya, ndātan vuruṅ magavai⟨lb⟩ duhkah ri saṅ yogi,

pira ta kvehnikaṅ kleśa, lavan apa ta lakṣaṇanya,

sumahur bhaṭāra,

nihan lakṣaṇanya ikaṅ kleśa, ⟨avidyā,⟩ asmitā, rāga, dveṣa, abhiniveśa, sa-⟨lb⟩maṅkana lvirni kleśa,

avidyā ṅaranya, ikaṅ jñāna mabalik, liṅnya, ikaṅ ātmā yeki tan lanā, ta⟨ms: 65v⟩n⟨lb⟩ hānāpa ta hilaṅ svabhāvanya, kunaṅ ikaṅ pṛthivī āpah teja bāyu ākāśa, yekā⟨lb⟩ laṅgə̄, maṅkana tekaṅ sinaṅguh pavitra, saṅ viku mabrata yogīśvara, yekā⟨lb⟩ sinaṅguh pavitra, adva ateka, apan campur rasikā,

apa nimittanyān campur, apan kasakitan manahnira deni brata, tan pano-⟨lb⟩lih ri vāhyasuka, nāhan mataṅnyan campur rasikā, anuṅ pavitra, anakəbi⟨lb⟩ rahayu, yekā pavitra, nahan lvirni kleśa{,} avidyā mabalik hiḍəpnya, nihan⟨lb⟩ ta asmitā, ikaṅ ⟨ms: 66r⟩ jñāna tan vruh i papalenan i citta lāvan ātmā, apan ivəṅ-ivəṅ ⟨lb⟩ hiḍəpnya ri karva, rāgakleśa ṅaranya, hyun, dveṣakleśa ṅaranya, melik, abhi-⟨lb⟩niveśa ṅaranya, ikaṅ rāga lāvan dveṣa, sarəṅ maṅadəg, yekābhiniveśa ṅara-⟨lb⟩nya, saṅ paṇḍita pva, kahanan tantu abhiniveśa, byaktanya nihan, melika⟨lb⟩ sira riṅ gave mamuhāra lāra lavan saṅsāra, mahyun ta sira ri kaləpasən ma-⟨lb⟩harəp ri hinak tan pabalik lāra, nahan kābhiniveśan saṅ paṇḍita, ikā ta kabeh,⟨lb⟩ a⟨ms: 66v⟩vidyā anuṅ bhūminikā, apan yekāpupulan i mithyājñāna,

sumahur saṅ kumāra,

apa ta tambhāni kleśa samaṅkana sājñā bhaṭāra,

sumahur bhaṭāra,

ya kətah prastāvaniṅ brata ginavayakən de saṅ yogi, apan ikaṅ kleśa ma-⟨lb⟩kəndil akveh ta ya, ikaṅ kleśa magə̄ṅ aganal təkanya, yeki hilaṅ deniṅ brata,⟨lb⟩ lāvan prāṇāyāmayoga, ikaṅ halit təkanya, yekā hilaṅ deniṅ asamprajñāta-⟨lb⟩samādhi, ikaṅ asamprajñātasamādhi, ya phalaniṅ samprajñātasamādhi, ya phalaniṅ pratyāhārādi, yekā phalaniṅ brata, ikaṅ brata ya⟨lb⟩ phalaniṅ vairā-⟨lb⟩⟨ms: 67r⟩gya, ya phalaniṅ varəg lāra, ikaṅ lāra ṅaranya, yekā tan {ya} huvusan, apan⟨lb⟩ jātiniṅ māvak juga hanaṅ lāra, ikaṅ māvak yekā mavaluyvaluya ri svarga⟨lb⟩ naraka lāvan mānuṣa, maputəran atah tan pəgat, vruh pva saṅ yogīśvarān⟨lb⟩ maṅkana jātiniṅ māvak⟨,⟩ ya mataṅnyan pamrih magave samādhi, yatan-⟨lb⟩yan luputa saṅke cakrabhāva, maṅguhakəna kaləpasən ṅaranya,

luput saṅke bhāvacakra, umaṅguhakən pāvak bhaṭāra, nāhan mataṅnyan⟨lb⟩ tan paləhpalə⟨ms: 67v⟩h, apan təṅitəṅin riṅ lāra jāti saṅ yogi, ikaṅ vaṅ apuṅguṅ bə-⟨lb⟩tah riṅ lāra, padanya, kadyaṅgāniṅ vvaṅ kəna riṅ savaṅni garagatī, tan ⟨lb⟩ alāra yan avakniṅ vvaṅ kunaṅ yan mataṅ vaṅ kənā denya, alāra ikā, saṅ⟨lb⟩ yogi kalaran mata, apan tan enak panon iṅ vaṅ yan kənā riṅ savaṅni gara-⟨lb⟩gatī, matakut pva riṅ lāra jāti saṅ yogi, ya mataṅnyan pagaveṅ samādhi, saha ⟨lb⟩ sādhananya, yekā pinrihnira, lāvan brata, apan ikaṅ brata yekā magəsəṅi ⟨lb⟩ mala, nyaṅ vvaṅ maṅəsə̄ apuy riṅ kayu, tan polih ikā apuy⟨ms: 68r⟩, yan mələs ikaṅ kayu, yapvan akiṅ ikaṅ inəsə̄, irikā mətu taṅ apuy, maṅkana tekaṅ śarīra⟨lb⟩ lāvan indriya, ṅuniveh ikaṅ citta, brata ya pamahakəṅ iriya, inəsə̄ ta ya [de]ni prāṇāyāmādi, ya mataṅnyan hiḍəp avak bhaṭāra, yāvat kapaṅguh pāvak bha-⟨lb⟩ṭāra, tāvat sakāma yogi,

sumahur saṅ kumāra,

ndya ta lakṣaṇanikaṅ yogasādhana lāvan brata sājñā bhaṭāra,

nihan lakṣaṇanikaṅ yogasādhana, anuṅ paṅavruhantānaku, hana aṣṭāṅ-⟨lb⟩ga ṅaranya, yama⟨,⟩ ⟨ms: 68v⟩ niyama, āsana⟨,⟩ pratyāhāra, prāṇāyāma, dhāraṇā, dhyāna, samādhi, samaṅkana kvehniṅ yogasādhana,⟨lb⟩ yama ṅaranya, ahiṅsā, satya, astainya, brahmacāri, aparigraha,⟨lb⟩ ahiṅsā ṅaranya, tan pamatimati, sahanani prāṇi tan pātyana ikā kabeh, lāvan pātyana takutni māvak pati, mataṅnyan mahābrata ṅaran saṅ viku⟨lb⟩ tan pamātimāti,

hana ta vuvusniṅ vaneh, tan apa rakvaṅ vaṅ mātimāti sattva, yan carva ri⟨lb⟩ saṅ hyaṅ, athavā bhojana kunaṅ, maṅkana pakənanya, tātan maṅkana saṅ⟨lb⟩ yogi, nihan vaneh tan pa⟨ms: 69r⟩matyana sattva yan parvaṇi kāla, tatān maṅkana⟨lb⟩ saṅ yogi, pisaniṅu sirān pamatyana sarvasattva, ya ta sinaṅguh ahiṅsā ṅara-⟨lb⟩nya, satya ṅaranya, tan madva ri bratanya, tan madva movus, ⟨yekā satya⟨lb⟩ ṅaranya, astainya ṅaranya⟩ tan paṅahala ṅuniveh maliṅa mas, {yekā satya ṅaranya,} ya sinaṅguh astainya ṅaranya, brahmacāri ṅaranya, yatanyan tan⟨lb⟩ kalalarana samādhi, ya doniṅ tan parabi, yekā brahmacāri ṅaranya, apari-⟨lb⟩graha ṅaranya, tar paṅaku sarvadravya, nāhan lakṣaṇaniṅ yamabrata,

⟨niyama ṅaranya,⟩ śauca, santoṣa, tapa, svādhyāya, īśva⟨ms: 69v⟩rapraṇidhāna,

śauca ṅaranya, maradināvak, lāvan ambhək hayva ta kavaśa deniṅ rāga⟨lb⟩ dveṣa moha, maradina movus, hayva muvusakən maṅlareri vaneh, mara-⟨lb⟩dina molah, hayva makolah durbhyāsana, maradin amaṅan, hayva pinaṅ-⟨lb⟩an ikaṅ senuhutakən paṅanən saṅ viku, lāvan inumənirājñāna, yekā sinaṅ-⟨lb⟩guh śauca ṅaranya, ⟨santoṣa ṅaranya,⟩ solihanira nasi atah santoṣaknanira,⟨lb⟩ athavā solihnira tinanəm i patapanira, ya santoṣaknanira, ⟨tapa ṅaranya,⟩ ikaṅ indriya kabeh prihən sakitana, ri brata lāvan sa⟨ms: 70r⟩mādhi, yatanyan tan ⟨lb⟩ padadyakən arāga yan panon viṣaya kaliṅanya, tan garjita yan paṅrəṅə̄ kiduṅ⟨lb⟩ menak, athavā paṅgəla kunaṅ, ilatnya muhārāmet pinaṅan, yan pamaṅan⟨lb⟩ rasa menak, nahan lacalacaniṅ tapa ṅaranya, svādhyāya ṅaranya agələm aṅunyakən mantra, astāva ri bhaṭāra,

īśvarapraṇidhāna ṅaranya, umaṅənaṅən kasūkṣman bhaṭāra ri rat kabeh, ⟨lb⟩ ṅuniveh ry avaknira asthityana bhaṭāra, yatanyan siddhi samādhi, yekā īś-⟨lb⟩varapraṇidhāna ṅaranya,

sumahur saṅ kumāra,

apa don ikaṅ ⟨ms: 70v⟩ niyamabratān hinanākən, apan huvus ikaṅ yamabrata ⟨lb⟩ mapagəh pinakabrata saṅ yogi,

sumahur bhaṭāra

mekasthekaṅ yamabrata, kunaṅ yatanyan ta dadya de saṅ yogi, ya ta ma-⟨lb⟩taṅnyan gavayakna, ikaṅ niyamabrata, nihan phalanikā tinonta, an kadadi ⟨lb⟩ ikaṅ ahiṅsā de saṅ yogi, tātan hana tukar phalanya, vvaṅ adyan tan papraṅ{,}⟨lb⟩ vvaṅ vanva i tan pataṇḍiṅan, lāvan asih tekaṅ sarvasattva kabeh ri sira, nā-⟨lb⟩han phalanikaṅ ahiṅsābrata, nihan ta phalaniṅ satya, jātismara vruh ri ja⟨ms: 71r⟩nmanira ṅūni, nāhan phalani satya yan ginaveyakən, nihan phalaniṅ⟨lb⟩ astainya, təka juga ikaṅ dravya ri sira, tan ulihniṅ aṅela, nāhan phalani⟨lb⟩ tan paṅahalāhala, nihan ta phalaniṅ tan parabi, utsāha ri yoga sira, apan⟨lb⟩ tan kalalaran samādhinira, nāhan ta phalaniṅ brahmacāri yan ginaveyakən,⟨lb⟩ nihan ta phalani jñāna tan paṅaku, siddha asiṅ kāryanya,

nihan ta phalaniṅ niyamabrata ginave, phalani śauca, tan sinasar mārga⟨lb⟩ de sāmānyajanma, mvaṅ kahiḍəp ta saṅ hyaṅ viśeṣa denya, nahan phalani⟨lb⟩ śauca yan gi⟨ms: 71v⟩naveyakən, nihan ta phalaniṅ santoṣa, agə̄ṅ sukanya tan pavor⟨lb⟩ lāra, nihan ta phalaniṅ tapa, ilaṅ ikaṅ rāga dveṣa moha, mvaṅ ikaṅ kleśa⟨lb⟩ kabeh, nāhan phalaniṅ tapa ginaveyakən, nihan ta phalaniṅ svādhyāya,⟨lb⟩ papaṅguh sira lāvan saṅ hyaṅ, saṅ inastāvanira pratidīna, nāhan phalaniṅ⟨lb⟩ svādhyāya yan inabhyāsa,

nihan phalaniṅ īśvarapraṇidhāna, siddhi yogi sira, nāhan ta phalaniṅ niya-⟨lb⟩mabrata yan inabhyāsa,

luməkasa pvāṅabhyāsa yoga mvaṅ sādhananya, ameta ta sira deśa rahayu⟨lb⟩ uṅgvananira, anuṅ salahni vurahan⟨ms: 72r⟩, tātan avalana ri durjana, pavitra ta ⟨lb⟩ maradin, yatanyan siddhya jñānanira, yan guhā yan gunuṅ, yan alas yan⟨lb⟩ sapiṅgir i lvah, yan ri nūsa kunaṅ, asiṅ kahyunira huṅgvananira ikā kabeh,⟨lb⟩ yapvan huvusirān moṅgvan, madyusa ta sira, maśocā ta sira rumuhun mā-⟨lb⟩camanā sira, mantranira, aghora, tatpuruṢa kunaṅ⟨,⟩ huvus maṅkana,⟨lb⟩ tumama ta sira ri pagavayanira yoga, yan paṅheran, yan guhā, yan umah ku-⟨lb⟩naṅ, mavasuha suku, muṅgva kulvan bhaṭāra athavā kidul bhaṭāra ta kunaṅ, manambhaha ta sira ru⟨ms: 72v⟩muhun, liṅanira bhāva siddha saṅ yogi, maṅkana⟨lb⟩ liṅanira yar panambhah ri bhaṭāra, huvus maṅkana, maluṅguha ta sira, riṅ⟨lb⟩ uṅgvan uṅgvananira, yan pətaṅ, yan sandhi, yatanyan tan agaliṅa paluṅguh-⟨lb⟩nira, makaphala sovenirāluṅguh, yan pagave yoga, nihan lakṣaṇanira āsana,⟨lb⟩ hana padmāsana, ⟨hana bhadrāsana,⟩ hana svastikāsana,

nihan lakṣaṇaniṅ padmāsana, ikā talapakan kalih tinumpaṅakən ri pupu⟨lb⟩ kalih, ya padmāsana ṅaranya, ikaṅ talapakan kalih, umuṅgva i sor iṅ pupu kalih, ya⟨lb⟩ bhadrāsana ṅaranya, svastikāsana ṅaranya, ikā tala⟨ms: 73r⟩pakan kalih, ⟨lb⟩ umuṅgva ri səla pupu kalih, ikā ləpaləpaniṅ taṅan kiva tumumpaṅ ri kisap-⟨lb⟩van, tumumpaṅ tekaṅ atəṅən lumahātah, ikaṅ valakaṅ mabənəra paṅadəg-⟨lb⟩nya, tuməṅgə̄ tekā gulū, hayva tuməṅa, hayva tumuṅkul, mabənəra juga,

ikaṅ mata dələṅ tuṅtuṅniṅ iruṅ, athavā mərama juga kunaṅ, ikaṅ ilat ya⟨lb⟩ humələtana ikaṅ huntu i sor i ruhur moga lambe midəma, nāhan lakṣaṇanira⟨lb⟩ āsana,

huvusnyan menak paluṅguhnira, gavayanira tekaṅ pratyāhārayoga, ikaṅ⟨lb⟩ indriya vatəkən saṅkeṅ viṣayanya, mata hayva vineh ⟨ms: 73v⟩ manona, taliṅa hayva ⟨lb⟩ vineh marəṅə̄, iruṅ hayva vineh maṅambuṅa, kulit hayva vineh mahiḍəpa⟨lb⟩ panas tis, tutuk hayva vineh maṅśabda, taṅan hayva vineh maṅgaməla⟨,⟩ ⟨lb⟩ suku hayva vineh lumakva, nāhan deniṅ amatək indriya, manah hayva vineh⟨lb⟩ mamikalpa, buddhi hayva vineh maṅaṅənaṅən, ahaṅkāra hayva vineh ṅakva,⟨lb⟩ nāhan deniṅ amatək tryantahkaraṇa, huvusnyān asimpən ikā kabeh, ya ta⟨lb⟩ mataṅnyan hənaṅ ikaṅ citta humidəṅ, tan kva tan kva, ekatva citta{,} saṅ⟨lb⟩ hyaṅ ātmā ya ta sinaṅguh yoga ṅaranya,

hu⟨ms: 74r⟩vusnyān ekatva, gavayənira ta prāṇāyāmayoga, nihan⟨lb⟩ lakṣaṇanikaṅ prāṇāyāmayoga, recaka, kumbhaka, pūraka, vinətvaknekaṅ bāyu saṅke rī-⟨lb⟩ruṅ, sanehsaneh hayva drəs sahiṅan iṅ maṅisəp bāyu riṅ iruṅ, kuñci ta mu-⟨lb⟩vah, ekatva jñānanira, salavasni makuñci, sabhāgyān masove ya, apan anya⟨lb⟩ svajātinira yatan inabhyāsa, ◉

ikaṅ kuñci uttama, tan pamətvakən bāyu humənaṅ juga tan pāmbhəkan,⟨lb⟩ apan cetanā saṅ hyaṅ ātmā, yekā hiniḍəpnira, tan pāntara, ya ta mataṅnyan⟨lb⟩ hilaṅ ikā bāyu ri sa⟨ms: 74v⟩ṅkanya, apan cinitta cetanā de saṅ hyaṅ ātmā, padanya,⟨lb⟩ kadyaṅgān i vve tumitisi vatu tinunvan mapaṇḍe sədəṅ mabaṅ hilaṅ juga⟨lb⟩ inisəpni vatu mapanas, maṅkana taṅ bāyu hilaṅ deni cittaniṅ ātmā, ya⟨lb⟩ mataṅnyan viśeṣa ikā ekatvakuñci,

ndan yan huvus ikaṅ recaka, kumbhaka, pūraka, apa ta phalanikaṅ prāṇāyā-⟨lb⟩mayoga, yan kva liṅanta, hilaṅ tamahniṅ ati lavan ikaṅ citta denya, ya ma-⟨lb⟩taṅnyan hilaṅ citta saṅ yogi denya, apan ikaṅ manah lavan aṅənaṅən aneka-⟨lb⟩paranya, uməsat makalis ⟨ms: 75r⟩ tan kavənaṅ tinimpal, yāvat makveh inaṅən-aṅən⟨lb⟩ ri kālani yoga, tāvat vuruṅ samādhi saṅ yogi, matakut pva saṅ yogi vuruṅa⟨lb⟩ samādhinira, ya mataṅnyan pinrih ginaveyakən ikā prāṇāyāma, apan ikaṅ⟨lb⟩ umuṅkus ikaṅ citta humənaṅ, apan ikaṅ prāṇāyāma atah dumehnya humə-⟨lb⟩naṅa ikaṅ aṅənaṅən makveh, lāvan əsə̄ tekā dhāraṇayoga deni prāṇāyāma,

apa sinaṅguh dhāraṇayoga ṅaranya, ikaṅ citta ekatva atəguh ri svadeśa-⟨lb⟩nya, yan ri hati, yan riṅ yavaniṅ śarīra kunaṅ, yan i cittaniṅ ātmā ku⟨ms: 75v⟩naṅ, ⟨lb⟩ yan asthitya ekatva bhaṭāra kunaṅ, ikaṅ ta paṅekagrahanikaṅ citta salah⟨lb⟩ tuṅgal ya sinaṅguh dhāraṇā⟨,⟩

dhyānayoga ṅaranya, […] ◉

nihan ta samādhiyoga ṅaranya † hayva citta hilaṅ prayatnanya ri vvah-⟨lb⟩niṅ hatəmāhan apa, təhər cittanya senā ri bhaṭāra sira katəkən ika dhyāna⟨lb⟩ saṅ yogi ṅkāna, ya ta sinaṅguh samādhi⟨,⟩ tahan pihni aṣṭāṅga ya pinaka-⟨lb⟩sādhana saṅ yogi an paṅguh ikaṅ kamokṣan, ikā taṅ aṣṭāṅga, ya pinakaba-⟨lb⟩hiraṅga deniṅ asamprajñāta,

nāhan de saṅ yogi maṅabhyāsa prastāvanyān kapaṅguh i⟨ms: 76r⟩kaṅ kasiddhyan, ya⟨lb⟩ pinakasādhananirān pagave yoga muvah, prastāvanyan vənaṅ sakāmakāma,⟨lb⟩ yapvan hilaṅ ikaṅ sahajamala, irikeṅ ta sirān pada lāvan bhaṭāra, sumahur⟨lb⟩ saṅ para, aṅel dahat ta ṅaran ikātah, apan tan paṅdadyakəna kamokṣan ikaṅ⟨lb⟩ yoga inabhyāsa, yan kva liṅta, aparan ya pva madadyakənaṅ kamokṣan, {yan⟨lb⟩ kva liṅtana,} sumahur saṅ śaivaka, dīkṣā juga madadyakən kamokṣan saṅ⟨lb⟩ tamatan sarvajña ta kaṅ ātmā, yan dīkṣā juga paṅhiḍəpa saṅ para, ikaṅ taṅ⟨lb⟩ ātmā yan tan sarvajña tan sinaṅgu⟨ms: 76v⟩h ikā kamokṣan, tapvan kadadi ikā ka-⟨lb⟩sarvajñaniṅ ātmā deni dīkṣā juga, ya mataṅnyan bhyāsanātah, ikaṅ yoga⟨lb⟩ samādhi məne gələk,

sumahur saṅ kumāra,

ndya ta lakṣaṇanikaṅ kasiddhyan, kapaṅguh de saṅ yogi,

nihan iṅətaknanta, ikaṅ madadyakəna kasiddhyani saṅ yogi, ikaṅ dhāraṇā,⟨lb⟩ dhyāna, samādhi, rumakət ta ri ṅkāna, yatanyan ilu saṅ yogi matəmahan pṛ-⟨lb⟩thivī, apan ikaṅ dhāraṇā, dhyāna, samādhi rumakət ri tattva tuṅgal, ya sinaṅ-⟨lb⟩guh saṅyama ṅaranya, anuṅ pinakasādhana saṅ yogi magave ⟨ms: 77r⟩ kasiddhyan, ⟨lb⟩ ndān denirānaṅyama, saṅke sor denirānaṅyama, apan tan dadi ikaṅ tattva i⟨lb⟩ ruhur sinaṅyama, hanyātapa ikaṅ tattva i ruhur⟨,⟩ ya ta mataṅnyan saṅke⟨lb⟩ sora atah denirānaṅyama rumuhun, yapvan mahyun sira tumirva śaktini⟨lb⟩ siṅha, ikaṅ siṅha sinaṅyama śaktinya, yāpvan mahyun sira tumirva śaktini⟨lb⟩ garuḍa, sinaṅyamanira śaktinya, yapvan mahyun sira vruha ri təkani pā-⟨lb⟩tinira, ikaṅ dharmādharma sinaṅyamanira, aparan ikaṅ dharmādharma ṅa-⟨lb⟩ranya, ikaṅ gave hala mvaṅ gave hayu, a⟨ms: 77v⟩pan phalani dharmā⟨dharma⟩ ya⟨lb⟩ magave hurip mvaṅ śarīra, yapvan hənti phalanikaṅ dharmādharma sinaṅ-⟨lb⟩yamanira, təka pātinira yan maṅkana, yapvan mahyun sira tan kəne lapa⟨lb⟩ vələkaṅ, hanāmṛta i sorniṅ guruṅguruṅan, yekā saṅyamanira, yapvan ma-⟨lb⟩hyun sira tumona saṅ siddha lāvan devatā, ikaṅ bāyu si udāna saṅyamanira,⟨lb⟩ hana ta jyotih mətu saṅkeṅ vunvunan ya pinakasuluhnira an ton saṅ sid-⟨lb⟩dha lāvan devatā, yapvan mahyun sira katona dumilah avaknira, ikaṅ bāyu⟨lb⟩ si samāna ya saṅyamanira, yapvan mahyun sira ⟨ms: 78r⟩ guməsəṅanāvaknira, kady-⟨lb⟩aṅgāniṅ bhasmaśeṣa, maməkasaknāvva jugāvaknira, ikaṅ bāyu si samāna⟨lb⟩ ya saṅyamanira,

yapvan mahyun sira tan kapətəka riṅ […] lāvan vvai, ikaṅ bāyu si udāna⟨lb⟩ ya saṅyamanira, yapvan mahyun sira tan katona, saṅyamanira panon i vvaṅ⟨lb⟩ vaneh, mvaṅ saṅyamanirāvaknira tan katona, yapvan mahyun sira maṅlaya-⟨lb⟩ṅa riṅ ākāśa, saṅyamanirāvaknira mahaṅana kadi kapuk, huvusira mahaṅan⟨lb⟩ vənaṅ ta sira mamapah i punti, athavā muṅgvaṅ savaṅniṅ garagati kunaṅ,⟨lb⟩ ya ta paṅavruhanira haṅan havaknira, huvu⟨ms: 78v⟩s maṅkana, saṅyamanira ta pa-⟨lb⟩sāmānyan havaknira lāvan ākāśa, yan aharəp sira sadāyauvana, ikaṅ pañ-⟨lb⟩camahābhūta saṅyamanira sakatuṅgal, ikaṅ pṛthivī saṅyamanira rumuhun,⟨lb⟩ yapvan huvus ikaṅ pṛthivī sinaṅyama denira, byakta sirālvat tan kanin de-⟨lb⟩niṅ khaḍga, tan rəmək avaknira yan tibeṅ vataṅ, athavā tibeṅ karaṅ juga⟨lb⟩ sira, {ikāṅ karuṅ juga sira} ikaṅ karaṅ juga rəmək, avaknira dṛḍha, nahan⟨lb⟩ paṅ-⟨lb⟩avruhan riṅ halahniṅ pṛthivī denira, saṅyamanira tekaṅ vve, tan kapətək⟨lb⟩ sira yan kaləbu riṅ bañu, ⟨ms: 79r⟩ sinaṅyamanira teja, paṅavruhani sira yan alah⟨lb⟩ ikaṅ teja denira, tan gəsəṅ sira yan katunu riṅ apuy, sinaṅyamanira ikaṅ⟨lb⟩ bāyu, paṅavruhanirān alah ikaṅ bāyu denira, […] halah ikaṅ bāyu yan⟨lb⟩ maṅkana, lāvan tan katub sira deniṅ aṅin, ṅuniveh huripnira tan vikāra,⟨lb⟩ ya mataṅnyan dīrghāyuṣa saṅ yogi,

pira ta lavasnira hurip, salavasni pṛthivī təkāniṅ mahāpralaya dlāha, irikān⟨lb⟩ hilaṅ śarīra saṅ yogi, ndātan vikāra jñānanira, apan tan kəne pāti saṅ hyaṅ⟨lb⟩ ātmā, lāvan prajñā sira tan ⟨ms: 79v⟩ kəne lupa, saṅyamanira tekaṅ ākāśa, yapvan⟨lb⟩ alah deniraṅ ākāśa, tan tibā juga sira deniṅ avaṅavaṅ, mvaṅ lituhayu tekā-⟨lb⟩vaknira, kahyunhyun vinulat an tar kəne tuha, nāhan byaktanyān alah ikaṅ⟨lb⟩ pañcamahābhūta de saṅ yogi, manta lvirnikaṅ kasiddhyan kapaṅgih de saṅ⟨lb⟩ yogi,

prastāvani prayatnanira, apan hana upasarga ṅaranya, anuṅ kapaṅguh⟨lb⟩ de saṅ yogi, apa sinaṅguh upasarga ṅaranya, ikaṅ pinakadəgi deniṅ pradhā-⟨lb⟩ natattva, ya ta maṅguh ri citta, kari pvekaṅ citta de saṅ yo⟨ms: 80r⟩gi, hana ta vāsanā-⟨lb⟩ nikaṅ sattva rajah tamah, turuṅ tapvan {i} hilaṅ, ya sinaṅguh upasarga ṅara-⟨lb⟩nya, lvirnya, prajñā, madrəs, mabyət, upasarganikaṅ sattva ikaṅ prajñā, ya⟨lb⟩ ta māvak ri saṅ yogi, ya ta mataṅnyan panurun prajñā saṅ yogi, apa byaktani⟨lb⟩ prajñā saṅ yogi, ikaṅ aji tapvan denira, vruh sirerya taña, mvaṅ upapāttinya,⟨lb⟩ nahan ta upasarganiṅ sattva, lāvan gavenira ṅambhuṅ gandha vaṅi, athavā⟨lb⟩ gavaynira manon devatārūpa maṅanugrahana lvirnya, upasargani sattva⟨lb⟩ ikā, niha⟨ms: 80v⟩n taṅ upasargani rajah, śakti hiḍəpnira ry avaknira, apan ikaṅ⟨lb⟩ vastu tan kavənaṅ ri daṅu denira, yekā upasarga rājah, nihan upasarganiṅ⟨lb⟩ tamah, moga pətaṅ panonira, mvaṅ jñānanira, vulaṅun tan atutur i jñāna-⟨lb⟩nira, maṅkana tāvaknira malupa kabeh, abyət tan vənaṅ molah upasargani⟨lb⟩ tamah ikā, yapvan maṅkana ikaṅ upasarga kapaṅguh denira, magaveya ta⟨lb⟩ sira prayogasandhi, apuyapuya,

yan pamaṅana sarvāpyak, yapvan agə̄ṅ salah panon lāranira, edan kunaṅ,⟨lb⟩ sikəpən aṇḍihən, tambhana⟨ms: 81r⟩na limo lāvan bavaṅ matanira, yapvan atutur⟨lb⟩ kədikədik, konən ta sira tutura ri jñānanira,

sumahur saṅ kumāra,

enak ikā yan parovaṅa sira, yapvan tuṅgaltuṅgal sire patapanira, apa ta⟨lb⟩ upāyanira,

sumahur bhaṭāra,

hana kəta paṅhilaṅ lāra, prastāvanyān dīrghāyuṣa saṅ yogi,

sumahur saṅ kumāra,

kasihana ṅhulun varahən ikā paṅhilaṅ lāra,

sabarinyān papasah ikaṅ pradhānatattva juga lāvan ātmā, ṅuniveh yan papa-⟨lb⟩ saha saṅ hyaṅ ātmā lāvan citta, ya ta hetu saṅ yogi ⟨ms: 81v⟩ tā kəneṅ lāra,

sumahur saṅ kumāra,

umapa deniṅ amasahakəna saṅ hyaṅ ātmā lāvan pradhānādi,

sumahur bhaṭāra,

ya donikaṅ prayogasandhi tinakonakən i saṅ guru yapvan an mahyun sira⟨lb⟩ saṅ yogi umasuka irikaṅ vvaṅ vaneh, ikaṅ dharmādharma ya ta pəgat i sira,⟨lb⟩ hana ta śeṣanya kədikədik, mataṅnyan tan māti, yapvan huvus pəgat siddhā⟨lb⟩ sira pasukaneṅ vvaṅ vaneh, yapvan mahyun sira maṅguha aṣṭaiśvarya, ikaṅ⟨lb⟩ ekādaśendriya ya saṅyamanira, yapvan alah ikā, kapaṅguh ikaṅ aṣṭaiśvarya⟨lb⟩ deni⟨ms: 82r⟩ra, apa ta lvirnya nihan, aṇiman⟨,⟩ laghiman⟨,⟩ mahiman, prāpti, prākāmya,⟨lb⟩ īśitva, vaśitva, yatrakāmāvasāyitva, nāhan yaṅ aṣṭaiśvarya ṅaranya,

aṇiman ṅaranya, maganal avaknira tambhayan vəkasan malit ta ya, apa sin-⟨lb⟩aṅguh alit, vənaṅ sira masuk mətu ri pṛthivī, kadyaṅgāniṅ vvaṅ masilu-⟨lb⟩rup ri vvai, maṅkana ta saṅ yogi, vənaṅ masuk mətu riṅ pṛthivī, maṅkana⟨lb⟩ yan paṅlakulaku, tan kavādha deniṅ gunuṅ karəs {iśe} pinurugnira, ikā⟨lb⟩ vatu trus ikā denira, ndātan vikāra ikāvaknira, ya ta kali⟨ms: 82v⟩ṅaniṅ alit, laghi-⟨lb⟩man ṅaranya, abyə̄t avaknira tambhayan vəkasan mahaṅan kadi kapuk, ya⟨lb⟩ ta mataṅnyan paṅlayaṅ ri ākāśa, mvaṅ madrəs ta lakunira saṅke manah⟨lb⟩ yekā laghiman ṅaranya, ⟨mahiman ṅaranya,⟩ tar kaləvihan gə̄ṅnira yar sa-⟨lb⟩harəp gə̄ṅa, athavā pinūjā ta sira saparanira, prāptiḥ ṅaranya, sakaharəpira⟨lb⟩ təka, sakahyunnira hana, nihan arthaniṅ prāpti vaneh, dadi sira gumaməl⟨lb⟩ saṅ hyaṅ vulan saṅkeṅ paliṅgihanira, prākāmya ṅaranya, sakaharəpnira rū-⟨lb⟩panira, īśitva ṅaranya, maṅadəh tar kādəh⟨,⟩ vaśitva ṅaranya, ⟨ms: 83r⟩ maṅutus, ⟨lb⟩ yatrakāmavāsāyitva ṅaranya, sakāmakāma ikā saṅ hyaṅ icchā, yatrakāma⟨lb⟩ ta halitan denira, ṅkānāvasāyitva pramāṇa sira, vənaṅ ta sira madaṇḍa yan⟨lb⟩ tan kapintuhu ikaṅ inutusnira, nāhan sinaṅguh aṣṭaiśvarya ṅaranya,

an maṅkana kasiddhyan saṅ paṇḍita, təka ika vighna ri sira, lvirnya, ikaṅ de-⟨lb⟩vatā mamava upabhoga mvaṅ anakəbi rahayu, mahaləp sinaṇḍaṅnya, kapva⟨lb⟩ maləvihləvih hyun, ya ta manuṅsuṅ yogi, syaṅ muliha riṅ svarga, ndān hayva⟨lb⟩ sira maṅguh, apan bañcana ikā, guma⟨ms: 83v⟩veh vuruṅan i yoga saṅ yogīśvara don- ikā, ya ta mataṅnyan paṅhulihuliha ri hati, aku ahāta tutakneṅkva pasyaṅ-⟨lb⟩nikaṅ devatā byaktāku mahiḍəp saṅsāra muvah, apan jātiniṅ śaktiniṅ vi-⟨lb⟩ṣaya, luput ikaṅ suka viśeṣa denya, ikaṅ lāra tan vuruṅ kabhukti deku, ikaṅ⟨lb⟩ kasiddhyan huvus kabhukti deku, tan ulihkv aṅinakinak, hulihkv agave brata⟨lb⟩ lāvan samādhi, sajīvaniṅ rāt ikā, hilaṅa pva ya deniṅ viṣaya sakarəṅ, lalu kaś-⟨lb⟩malaṅku, pakṣani kahanan ikā, indrajālasādṛ⟨ms: 84r⟩śya, kadi kilat kabhuktinya,⟨lb⟩ yadyan malavas i bhinukti, ndātan vuruṅ maveh lāra, ikaṅ lāra, aneka lvir-⟨lb⟩nya, yāvat pvekaṅ janma katibān lāra, tāvat ¿kadasyatanayā?, mevəh maluy⟨lb⟩ janma muvah, aṅhiṅ kəbho sapi asu vək təmahanya, yekā katakutku kamu⟨lb⟩ manah, yan aṅgānən pasyaṅnikaṅ vatək devatā, maṅkana liṅnira varah-⟨lb⟩varah ry avaknira,

nihan sahur saṅ para, satus kvehanikaṅ viṣaya kabhukti deniṅ vvaṅ,⟨lb⟩ tan ya maṅhiḍəpa lāra yan vruh ri katattvan bhaṭāra, mataṅnyan maṅkana, ⟨lb⟩ apan tan hana tu⟨ms: 84v⟩hutuhun ikaṅ ulah kabeh, mataṅnyan tan hana tuhu, an⟨lb⟩ hilaṅa donikā kabeh, maluya ri saṅkanya, ndi saṅkanya, saṅke saṅ hyaṅ⟨lb⟩ tayā, malilaṅ tan kāvaraṇan, sira sinaṅguh niṣkala ṅaranya, anuṅ kalīnaniṅ ⟨lb⟩ rāt kabeh, niyata tan salah paran, maṅkana pva katattvaniṅ janma, mvaṅ ⟨lb⟩ kavruhan saṅ hyaṅ paramārtha,

ndya ta mataṅnyan saṅśaya riṅ ulah kabeh, apa mataṅnyan pamuhāra lāra,⟨lb⟩ kabhuktyaniṅ viṣaya, maṅkana ta kəbho sapi asu vək, sabarinyān mati mulih⟨lb⟩ ri tayā, tamatan dinalih mulih riṅ tayā, apan katon hilaṅ ⟨ms: 85r⟩ ikaṅ avaknya, yekā⟨lb⟩ inakunta mokṣa, jñānanya lāvan cittanya tan avruh irikā, lāvan ikaṅ tayā⟨lb⟩ an sinaṅguh paramārtha, apa ta paṅupakāranya, ndya kasiddhyan kadadi⟨lb⟩ denya, sumahur saṅ para, tan mokṣa ta ṅaran ikā, yan pamaṅguha kasid-⟨lb⟩dhyan, kunaṅ yan hilaṅ juga, ya mokṣa ṅaranya, yan kva liṅa saṅ para, ka-⟨lb⟩pan ta kəta yan təka, apan dudū ikaṅ ahurip, kadi laṅgə̄ṅnikaṅ hana, kapan tekaṅ tayā yan ta pratyakṣa, sumahur saṅ para, dlāha ri təkani pralaya, yan⟨lb⟩ tayā ikaṅ rāt kabeh, maṅkana liṅ saṅ para, ⟨ms: 85v⟩ apa yan mətu ikā rat kabeh mu-⟨lb⟩vah, yekā mājarakən yan līna ri tayā ikaṅ rāt, apan saṅkeṅ tayā saṅkanya⟨lb⟩ mətu ṅūni, yan maṅkana liṅa saṅ para, viruddha tekā pakṣanta yan maṅ-⟨lb⟩kana, mataṅnyan sinaṅguh viruddha, apan līna riṅ tayā ikaṅ jagat liṅta,⟨lb⟩ mətu pva ya məne sinaṅguh ta mətu saṅkeṅ tayā ikaṅ jagat, adva tan tayā⟨lb⟩ ṅaranikā, yan kalīnani jagat an vətu, yan kva liṅa saṅ para, tan dadi taṅ ⟨lb⟩ paramārtha maṅkana,

sumahur saṅ kumāra,

aparan ikaṅ sinaṅguh saṅ para tayā ulihaniṅ jagat, lāvan saṅkaniṅ jagat ⟨lb⟩ mətu, kasiha⟨ms: 86r⟩na varahən ṅhulun bhaṭāra, ⟨lb⟩ ikaṅ sinaṅguh saṅ para tayā paramārtha, yekāna sinaṅguh prakṛtilīna, tayā ⟨lb⟩ pasaṅganiṅ citta sattva rajah tamah, lakṣaṇanya pətaṅ tan pacetanā, apan ⟨lb⟩ tan hana kaprajñān iriya,

ṅuniveh ikaṅ cetanā, apa mataṅnyan sinaṅguh ulihaniṅ jagat apan ya ikā⟨lb⟩ kriyāśakti bhaṭāra ṅaranya, māyāmāyā ikā ātmā⟨,⟩ ya ta khyāti bhaṭāra para-⟨lb⟩makāraṇa, yāvat pvekaṅ ātmā cumetanekaṅ prakṛtitattva, tāvat mətu ikaṅ⟨lb⟩ jagat, yapvan mari ikaṅ prakṛtitattva ci⟨ms: 86v⟩netanā deniraṅ ātmā, līna ikaṅ jagat ⟨lb⟩ maluy ri saṅkanya ri prakṛtitattva, maṅkana sthitinikaṅ rāt saṅkanya ṅūni,

sumahur saṅ kumāra,

apa dumehnikaṅ prakṛtitattva səṅguhən tayā de saṅ para,

sumahur bhaṭāra,

apan tan hiḍəpnya, ṅuniveh ikaṅ lakṣaṇa, tan paramārtha pvekaṅ tayā sin-⟨lb⟩aṅguh saṅ para viśeṣa, taha tan paramārtha ikā, apan saṅkani jagat lāvan⟨lb⟩ ulihanya, mvaṅ inulihakən taya, vruh pva saṅ yogi, an tan paramārtha ikaṅ⟨lb⟩ tayā, ya ta mataṅnyan tan ikā phalani ⟨ms: 87r⟩ samādhi saṅ yogi, ndya ta lakṣaṇa⟨lb⟩ saṅ hyaṅ paramārtha, anuṅ tujuni samādhi saṅ yogi, yan kva liṅanta, ikaṅ⟨lb⟩ cetanā sarvajña saṅ kumavruhi ikaṅ rāt kabeh, sarvakāryakartā, saṅ gumave⟨lb⟩ ikaṅ rāt kabeh, ndi ta kahananira, yan kva liṅanta, kahananira ikaṅ rāt kabeh,⟨lb⟩ ndātan katon, apan tan palakṣaṇa, tan parūpa, tan pahiḍəp, pisaniṅu, apa⟨lb⟩ byaktanyān hana, yan kva liṅanta, nihan utpattisthitilīnani jagat, yeka ic-⟨lb⟩chā bhaṭāra, ikaṅ prakṛtitattva, ya sinaṅguh niṣkala ṅaranya, a⟨ms: 87v⟩hyun pva sira⟨lb⟩ gumavaya jagat ya mataṅnyan taṅ ātmā cumetanekaṅ prakṛtitattva, mataṅ-⟨lb⟩nyan mətu nāda saṅkeṅ niṣkala, saṅke nāda mətu taṅ vindu, saṅkeṅ vindu⟨lb⟩ mətu taṅ ardhacandra, saṅke ardhacandra, mətu ta oṁkāra, saṅkeṅ oṁkāra⟨lb⟩ mətu taṅ tryakṣara, ⟨saṅkeṅ tryakṣara⟩ mətu taṅ pañcākṣara, saṅkeṅ pañ-⟨lb⟩cākṣara, mətu taṅ jagat kabeh, nāhan lakṣaṇanikaṅ niṣkalatattvān pamət-⟨lb⟩vakəna jagat,

sumahur saṅ para, kadi saṅkeṅ prakṛti ikaṅ vindu nāda, apan saṅkeṅ bhaṭāra⟨lb⟩ ikaṅ vindu nāda mətu, yan maṅkana liṅa saṅ para, yan dadya taṅ dharma⟨lb⟩ tuṅgal sumaṇḍaṅa dha⟨ms: 88r⟩rma rva, ndya dharma rva ṅaranya, nyaṅ cetanā lā-⟨lb⟩van acetanā, [n]dya ṅaranya cetanā, bhaṭāra paramakāraṇa, ndya acetanā⟨lb⟩ ṅaranya, nyaṅ prakṛtitattva, yekā tan dadi pinakadharmān atuṅgal, padanya,⟨lb⟩ kadyaṅgāniṅ təṅah ṅve, səṅguhən ta təṅah vəṅi, apa mataṅnyan tan dadi⟨lb⟩ maṅkana bhaṭāra, apan sira vənaṅ makecchā ikaṅ rat kabeh, yan maṅkana⟨lb⟩ liṅa saṅ para, saṅsāra kapva bhaṭāra yan maṅkana, sadenyan saṅsāra bha-⟨lb⟩ṭāra, yan kva liṅa saṅ para, tan palvir kapva ikiṅ rāt kabeh, denyan tan palvir⟨lb⟩ ike jagat, apa yan kasaṅśayakna, yan maṅ⟨ms: 88v⟩kana liṅa saṅ para, ndya jagat tan⟨lb⟩ palvir tinonta, apan ta pva pratyakṣa ya, yāvat tan palvir ikaṅ jagat, tāvat⟨lb⟩ pralaya, pralaya ṅaranya, mətu vaḍavānala yan təkā, apan icchā bhaṭāra in-⟨lb⟩apekṣānya, ◉

təlas sinurat iṅ antiraga pun, iti dharma pātañjala samāpta ◆ titi māsa padūpvan vulan kasapuluh, pañcavara, u, trivara, dva, saptavara, a, aṣṭavara, yama, vuku vuyai, i śaka, parab iṅ sakala lavaṅ gajah guṇa vvaṅ ◆