Aṣṭādaśavyavahāra: Digital Critical Edition and Translation of an Old Javanese Juridical Text

⟨MS: 1r⟩⟨MS: 1v⟩avighnam astu.

§1 nihan aṣṭādaśavyavahāra kavruhakəna de saṅ mahyun a⟨ṅ⟩gəlarakəna vyavahāravicchedana, ndya ta lvirnira, pinakādi, r̥ṇa, ṅa, ⟨hutaṅ⟩ 1, adānam, tan kavehanya, 2, nikṣepa, ṅa, dravya tinitipakən, 3,[[…]], matuku, 12, vikraya, madol, 13, anuśaya, ṅa, kolihanya, 14, svāmipāla, ṅa, maṅvan, 15, sīmāvivāda ṅaran, marəbut sīma, 16, pāruṣya [[…]] steya, ṅa, maliṅ, balaṅ, sahasā, ṅa, strīsaṁgrahaṇa, [[…],] 17, strīpuṁdharma[[…],] vibhāga, ṅa, tadin, 19, dyūtamāhvānam, ṅa, totohan, prāṇi, 20.

§2 muvah aṣṭaduṣṭa, lvirnya, hiṁsaka, amatyani, codakah, ṅa, akon amatyani, bhektah, ṅa, aṅanini, bhojyakah, maveh paṅaniṅ duṣṭa, sahacārakah, ṅa, sadulur lavan duṣṭa, prītikah, ṅa, samitra lavan duṣṭa, sthānadah, ṅa, makasthānaniṅ ⟨MS: 2r⟩duṣṭa, trātah, ṅa, matuluṅ duṣṭa, yekāṣṭaduṣṭa smr̥tah, katuturən.

Parallels

§3 mvah ikaṅ duṣṭa traya, pati doṣanya, yapvan marəp mahuripa, *masoka daṇḍa, 40000, riṅ tuṅgal-tuṅgal, apan svātmaduṣṭa, ṅa.

§4 mvah ikaṅ duṣṭa lima, ṅa, daṇḍa, 20000, riṅ tuṅgal-tuṅgal, i katəmvan deniṅ sākṣi.

§5 mvah aṣṭacorah, ṅa, kartā, ṅa, lumkas maliṅ, kārayitā, ṅa, saholih lavan maliṅ, nirdeṣṭā, ṅa, atuḍuh mārgoṅgva riṅ maliṅ, sthānadah, ṅa, maveh uṅgvanya, śakhi, ṅa, samitra lavan maliṅ, jñātā, ṅa, vruh, trātā, ṅa, matuluṅ maliṅ, goptā, ṅa, maniṅidakən maliṅ, yekā ta tuturaniṅ aṣṭacorah.

Parallels

§6 mvah ikaṅ kartā kārayitā, təkanya lamun sahacihna sopakāraniṅ maliṅ patyana ika, sanak rabinya, dravyanya, akukuda pasuk paḍaləm de saṅ prabhu. mvah sanak rabiniṅ kārayitā, ika tan vənaṅ kukudən, daṇḍanən, 10000, ⟨MS: 2v⟩riṅ tuṅgal-tuṅgal, lamun samakāryanya jarahən kukudən sanak bhāryā mvaṅ sadravyanya.

§7 mvah ikaṅ ṣaṭcorah, daṇḍa, 20000, sanak rabinya tan yogya daṇḍanən. kunaṅ yan marakṣa, matuluṅ, maṅakvakən, ma¿ñ?iṅidakən, daṇḍa, 40000. kunaṅ yan jñātā, ikaṅ vruh yan maliṅ, śaka, mənəṅ tan maṅakvakən maliṅ, daṇḍa, 20000. kunaṅ yan luput saṅkerika tan daṇḍanən.

Parallels

§1 ka, dravya ikaṅ saṅkeṅ ruṇḍahniṅ deśa, kanimittan praṅ katiṅgal ikaṅ deśadravya, tinitipakən salviranya, paśu kunaṅ, dravya pinet iṅ taskara maliṅ, dravya pinet de saṅ prabhu, katunv iṅ apuy, dravya keli riṅ vve, *kahələm kunaṅ, ika ta sahacihna, tan yogya katəmpuhana riṅ manaṅgapi, titipan kaləbū riṅ pañcasādhāra⟨MS: 3r⟩ṇa, ṅa. bhedanya, yan hilaṅ prihavak vənaṅ katəmpuhana de saṅ matuvava.

mvah vvaṅ sāhasa riṅ sthāvara, ṅa, kayu-kayu, riṅ paśu sakalviranya, sāhasa riṅ vvaṅ, kaniṣṭha-madhya-uttama, riṅ kayu candana, daṇḍa, 20000, yan kayu lis makādi kayu makaraniṅ taman, dharma, kady aṅganiṅ nāgaśari, aśoka, campaka, bhākula, daṇḍa, 10000, yan kayu samanya, daṇḍa, 5000, mvah sāhasa riṅ śūdra paśu, ṅa, asu, celeṅ, vəḍus, 5000, yan madhya paśu sināhasa, kəbo sapi, yan palunən, gitikən, praṅən, sudukən, sāhasanən petən, daṇḍa, 10000, yan sāhasa riṅ uttama paśu, gajah ajaran, daṇḍa, 20000, yan sāhasa mraṅa, hanuduk ha⟨MS: 3v⟩malu, mvaṅ haṅgiti śūdra, haṅhiṅṅ uttama deniṅ tavuhanya, sināhasa śirahnya, 10000, sor iṅ təṅgək, 5000, sor iṅ aṅga, 2000, sāhasa riṅ kavuha sirahnya, riṅ kavulaniṅ śūdra, kavulaniṅ kavula, 5000, havate, 2000, sukune, 1000, yan brāhmaṇa, kṣatriya, veśya, riṅ śirah, 20000, sor iṅ təṅgək, 10000, riṅ pupu riṅ vtis, 5000.

mvah panahasanya, riṅ sañjata, riṅ vatu riṅ kayu, riṅ aṣṭi ṅaran baluṅ, riṅ rvi, haṅgəbug [i.e., aṅguvug], hanampəki bhayu, hanuləd iṅ hagni, hanpak, handupak, hanavut, iti panibanya ||

duhkaṁ, ṅa, ⟨MS: 4r⟩halaran, raktaṁ, ṅa, mtu rah, branā, ṅa, kanin, bhaṅga ṅaran tikəl, cedana, ṅa , pgat, bedana, blah ḍaḍa, vada, mati, yan riṅ vvaṅ, yan riṅ paśu, maṅkana panahasanya, iti daṇḍaparuṣya liṅ iṅ sāstra || 0 || vvaṅ maṅluputakən || 0 || mvah kaṅiṅaran sadatatayi, viṣaḍa, haṅracun, aghniḍa, hanunvani, strodr̥kakāra, aṅamūk, atarvvana, aga gave, hanluh, rajipisuna, hamiśuṇanakən si ratu, daratikrama, amuṅpaṅ strī, daratikramakāra, ṅa || 0 || hika ta patyanana liṅniṅ sāstra ||

mvaṅ vvaṅ maṅluputakən patiniṅ hatatayi, daṇḍa, 40000,, 0,, ajñā nāth acire kale, gantuneva, na daṇḍayet, ajñānat cirasambaṣe, pūrvvadaṇḍa , m avapnuyat || ikaṅ vvaṅ sapocapan lavan duṣṭa, saṅkeṅ tan vruhnya yan duṣṭa, hakire kale, tan alavas i⟨MS: 4v⟩kā denya sapocapan, handaṇḍakən ikā riṅ saṅka pisan ||

Parallels

kūnaṅ hikaṅ vvaṅ yan socapan lavan duṣṭa, saṅkeṅ tan vruhnya, cirasambaṣe, malavas denya sapocapan, pūrvvadaṇḍa pinaṅguhnya, 5000 || 0 ||

mvah hutaṅ tan kaliliranā deniṅ putra, hutaṅ tan paputra, hutaṅ totohan, śeṣadaṇḍa, hutaṅ tukon, hutaṅ sajə̄ṅ ||

ikaṅ dhānya, taləs, pinahayu rinākṣa, pinagər tinuṅgu, hiṅalap iṅ vvaṅ kalarahina, yan kalapa, vovohan, pucaṅ, sekət pana doṣanya, 1000, yan tan rinakṣa, tan tinuṅgu, satapaṇa daṇḍa, 2000,, linokikansa deniṅ amet || kunaṅ kalaratri pametnya, yogya patyananā, maliṅ, ṅa.

Parallels

mvah vvaṅ hametanəmaniṅ len, kambaṅ, gaṅan lambayuṅ, taləs, kelor, hakḍik tan pinagər, daṇḍa limaṅ sagamās ||

ka, aḍisaṁma, harthaniṅ rare, dravya patitipan, panibhih, dravya saṅ prabhu, dravyaniṅ strī patibrata, tan vənaṅ buktinəniṅ len, tan vənaṅ hilaṅa ||

Parallels

mvah hana vvaṅ hanomah-nomah, vuvusnya srah vlyan, rabi tāyeṅ len, tan vehakəna tmuha lavan kaṅ sinomahnya, mvaṅ pirakənya tan vehakəna, pirak tiniṅgalan, ṅa || mvah hana vvaṅ hanomah-nomah, huvusnya srah vlyan, katnu tekaṅ strī sinomahnya, riṅ səṇḍaṅ, riṅ kubvan, pinkulnya tekaṅ strī si⟨MS: 5v⟩nomahnya, yan āna vvaṅ maṅkana, kumbur patavan-tavanya, ṅa, daṇḍanya təhər tan təmvakəna, tukonya tan vehakənya || 0 ||

Parallels

ka, panaṅkaniṅ kavulā, tavan, kavula saṅ(k)e pinaṅan, krita, ulihiṅ anuku, datrimah, ṅa, kavula paveveh, saṅke bapa, saṅke ibu, daṇḍana [5v3] śa, ṅa || mvaṅ vvaṅ āṅisiṅi rajamārga, riṅ pkən kunaṅ, ri sḍəṅiṅ tanānaḍinya, hika ta (ma)daṇḍa rvaṅ paṇa, 40, amedya tahinya, konən br̥sihana ||

Parallels

vvaṅ amet pari kala rahina, makahiṅan sapuluh ciṅ, piṅsavlasakəna pari kaṅ hinalapnya, daṇḍanya, yen ləvi ⟨MS: 6r⟩h sakiṅ sapuluh ciṅ, daṇḍa pati ||

mvah vvaṅ maṅiduni, manampətiṅ tai, maṅiḍətakəniṅ tai, manudukakəniṅ tai, manunḍuṅhakəniṅ tai, maṅḍədəl, daṇḍa, 5000, prathamasahasā, ṅa, || ka, [6r2] vvaṅ malapa dr̥veniṅ kulaḍara riṅ pkən, yan mās, salaka, yan dodot, yan ləviha saṅkeṅ satus paṅajinya, patyanā || yan kuraṅ saṅkeṅ paṅaji satus, piṅsavlasakəna paṅajinya, kaṅ denpe[6r3]t daṇḍanya ||

ka, kṣatriya maṅuman-uman brāhmaṇa, daṇḍa, 2000,, 0 ,, veśya maṅuman-u[6r4]man brāhmaṇa, pati doṣanya ||

Parallels

Parallels

ka, kṣatriya maṅuman-uman veśya, daṇḍa, 1000,, yan samavarṇna, brāhmaṇa paḍa brāhmaṇa, kṣatriya paḍa kṣatriya, veśya paḍa veśya, śūdra pa[6v2]ḍa śūdra, maṅuman-uman inumanan, daṇḍa, 240,, yan asaṅət paṅuman-umane, maruṣyani śabda, haṅavakən saruhurniṅ guluṅ ūttamaṅgā, patyananā kalanyañapalani śabda.

mvah vvaṅ maṅiṅgatakən dasi, saṅkeṅ sthananiṅ tuvanya, maveha hutaṅiṅ ḍasi maṅləpih, mvah [6v4] maveha pagaveniṅ ḍasi riṅ tuvvanya, huvus maṅkanā daṇḍa dviguṇottama, 40000,,

daśa haṅalap upah hamane kalapa, sakalviranya, tiba pvā ya, yan matiya, upahane vehakəna riṅ paṅeranya, tan vicaranikā, yan aṅalap upah mareṅ durade[7r2]śa, sinimbatiṅ kalanā, riṅ mārga riṅ paran, upahanya pamuruhnya, vehakəna riṅ tuhanya, tan vicaranikā ||

vvaṅ manunvani pari riṅ savah, maveha mulyaniṅ pari, pañcaguṇa, mvaṅ avehagnisanta riṅ saṅ madr̥ve pari katunvan, daśāguṇotamaṁ kūryat , 20000 ||

ikaṅ hanakəniṅ tadin, vənaṅ kumalilirana hutaṅ ||

hana vvaṅ manalyani vvaṅ tan yogya talyanana, muvah hana vvaṅ haṅuvakakən kuṅkuṅan, yogya ku[7v2]ṅkuṅən deniṅ kaduṣṭanya, yan ana vvaṅ maṅkana, daṇḍa sadoṣaniṅ corah ||

ka, bapaniṅ ka[7v3]nya huvus aṅalap vlyan, sanakənya pinalakyakəniṅ len, ika ta maṅsulakəna vlyanya handviguṇa, mvaṅ daṇḍa dvigunottama, 40000 || 0 ||

ka, vvaṅ hamatyaniṅ kavulaniṅ vvaṅ nirdoṣa, manavuranaṅ hutaṅniṅ daśi maṅləvih, riṅ paṅeraniṅ dasi pinatyan, mvaṅ ave- ⟨MS: 8r⟩ ha savakraya, catūrsata, 8000.

riṅ mahutaṅ māsalakā, hanavura dviguṇa juga ||

kanyaṅuṅguhi tan yogya daṇḍa de saṅ prabhu, yan maṅuṅgahi vvaṅ sor, tanyo⟦na⟧gya vehənirā, daṇḍa de saṅ prabhu dviguṇottama ||

ka, rare tanāñcikūlahe, makahiṅan vayahnya, tan kna riṅ doṣa, patbəlas tahun hiṅanya ||

kunəṅ sasaṇḍanu⟦⌈⟧lun, pañavarṣapramanā, yan livat sakeṅ limaṅ tahun, mari saṇḍa, kadolaniṅ hulun, ṅa, tan vənaṅ tekāpala ⟨MS: 8v⟩tunən, sahuranya, hutaṅniṅ saṇḍa ||

kunəṅ sasaṇaniṅ vənaṅ-vənaṅ sinaṇḍakən, kəbo sapi kunaṅ, tluṅ tahun lavasnya, yan hana kanak pva kajəro sakiṅ tluṅ tahun, ikaṅ manaṇḍakən maṅalap hanakənya, sahananya, kunaṅ pva yan livat sakiṅ tluṅ tahun, ikaṅ manaṇḍa maṅalap hanakənya, mari saṇḍa, ṅa, lələb ika yan maṅkana, liṅniṅ śāstra ||

kunaṅ saśaṇaniṅ sasaṇḍan bhūṣaṇa-vastrā, rvaṅ tahun lavasnya, yan livat sakeṅ rvaṅ tahun mari saṇḍa ikā, ikaṅ manaṇḍa pramana, lələb ika yan maṅkanā ||

mvah hana vvaṅ manaṇḍakən hulun, miṅgat pva ya sakeṅ pasaṇḍan, hikaṅ manaṇḍakən manahurana hutaṅnya || mvah hana pva ya hulun maṅilaṅakən dravyaniṅ paṅeranya, maṅr̥rəməta kunaṅ, tambəhakəna hutaṅnya, ṣarəganya , maṅkana liṅniṅ śāstra || mvah hana vvaṅ manaṇḍakən daśa-daśi kunaṅ, sadutakaṅ daśa-dasi, ri vkasan vinalat, maṅkana liṅ⟨MS: 9r⟩ niṅ sāstra ||

Parallels

nr̥pa saṅ ratu, hamatyananatatayi, yan guru, yan rare, yan vr̥ḍah, yan brahmaṇā, yan bahuśruti, biṣāṅaji, patyanana huga tan pavicara || 0 ||

Parallels

saṅ ratu hayva dumaṇḍa riṅ tan yogya daṇḍanən saṅke liṅniṅ āgama, ikaṅ yogya tan daṇḍanən saṅkeṅ āgama yan dinaṇḍa, duryaśa saṅ ratu yan maṅkana, an kalivat iṅ naraka.

Parallels

yan dr̥vyāsavaka riṅ dravya, hana riṅ saṇḍiṅ, ikaṅ dravya binuktiniṅ len, makahiṅa⟨MS: 9v⟩n āsapuluh tahun, ikaṅ madravya tuṣṭi ṅaranya mnəṅ, yan yogya kilalanikaṅ dravya yan maṅkana hilaṅ ||

Parallels

mvah vvaṅ maṅandəlakən kasahuraniṅ hutaṅ iṅ len, danapratibhuh, yan mati tikaṅ maṅandəlakən, tan vənaṅ hanakənya tagihən deniṅ praḍanā, tan vənaṅ yatika tumusā liṅniṅ hagamā sāstra ||

mvah vaṅ maṅandəlakən maṅaku tan iṅgatanikaṅ vvaṅ darṣaṇāpratibhūh, ṅa, kabvatanā vtuhaniṅ vvaṅ iṅandəlakən, yan tinən pva deniṅ hapihutaṅ, maṅlya yan tan mətu vvaṅ, [9v4] kaṅṅ iṅandəlakən, ikāṅ haṅandəlakən hanahura hutaṅ riṅ praḍana, arththanya devek sahurakəna, maṅkanā liṅniṅ śāstra ||

mvah hana vvaṅ hapihutaṅ, malavas pva yan tan tinagih, gnəp tahu⟨MS: 10r⟩nya, 10, tan panagih, hatəhərrikaṅ ahutaṅ halavas sthitihaneṅ saṇḍiṅnya, umnəṅ juga ya tan panagih pisan, makanimitta madanya, ri vkasan pva managih livat sakeṅ tahunya, [10r2] 10, tan vənaṅ sahurən vr̥ddhi, manahurā rəṇāmula, sakavit, ṅa, yan sahapramaṇa, maṅkanā liṅniṅ sāstra ||

hana vvaṅ hambukti patuvava, makanimitta valat, maṅəlyanana patuvava, [10r3] kaṅ bhinūktinya, mulihan dviguṇa, hatəhər rika daṇḍa de saṅ prabhu, uttamasahasa, 20000, liṅniṅ sāstra, kunaṅ vvaṅ hambukti saṇḍa, makanimita valat, haṅəlyanana samulyaniṅ saṇḍa, han dviguṇa [10r4], mulihaməpəs, maliṅ saṇḍa, ṅa, daṇḍa de saṅ prabhu uttamadaṇḍa, 20000, ikaṅ manaṇḍakən manahura hutaṅ sakalantaraniṅ manaṇḍa, maṅkana liṅṅiṅ sāstra ||

kunaṅ vvaṅṅ apihutaṅ tan papa⟨MS: 10v⟩tra, tan pasaṇā, vənaṅ tekaṅ mahutaṅ manahurana, yan paḍa jivanya, yan mati salah tuṅgal, ikaṅṅ anakiṅ mati tan vənaṅ manahurā, tan vənaṅ tagihən deniṅ hanakiṅ mapihutaṅ || mvah ha- [10v2] na stri mahutaṅ prihavak, binuktinya sekalavan lakinya tan pānak ta ya, kari lakinya mahurip, lakinya juga manahurana hutaṅnya || kunaṅ hikaṅ matuvava riṅ vvaṅ kraṅan, matuvava [10v3] riṅ vvaṅ anəluh, mati tekaṅ matuvava, tan palakunənikā, manupatipaṅakiṅ, ṅa, liṅṅiṅ sāstrā ||

mvah vvaṅ hanagih pihutaṅnya, paṅalapvekaṅ bhūmi, maṅalap stri, maṅalap hanakiṅ [10v4] mahutaṅ, makanimitta valat paṅalapnya, tan sukaniṅ mahutaṅ, hinalapnya pva ya salah tuṅgal, huvus tan sinahur teka pihutaṅnya, atəhər muliha tikaṅ hinalapnya, makanimi⟨MS: 11r⟩ttan pavehniṅ mahutaṅ || mvah hana yapva vvaṅ mapihutaṅ, maṅalapva ya dravyaniṅ mahutaṅ, sakalviraniṅ mahutaṅ, kəbo sapi paśu kunaṅ, hinalapnya, tan paveha pitovinika mahutaṅ, [11r2] vənaṅṅ ika maṅalapa, yan alit pva ya mulyaniṅ hinalapnya sakiṅ pihutaṅnya, hapuhaka hutaṅ ṅaranya, yan paḍa mulyanya lavan pihutaṅnya, halapən deniṅ mahutaṅ, yan tan paveh hikaṅ mapihutaṅ, daṇḍa de saṅ prabhu, 20000, təhər ika huvus apihutaṅnya, hudalən asahinalatnya, makanimitta tan pavehnya ||

Parallels

ka, blahniṅ kulit, katon rahnya, rvaṅ ivu patibā jampi, blah livat iṅ ḍagiṅ, baluṅ, nəm paha patibā jampi ⟨MS: 11v⟩ piṇḍa, 9600,, muvah vvaṅ ṅalapa saṇḍa, vvaṅ ṅalapatuvavan, tan pamvitiṅ patuvavan, yan saṇḍa tan pamvitiṅ manaṇḍa, pinet prihavak iṅ amaliṅ patitipan, rumahiṅ manaṇḍa kunəṅ, [11v2] ḍapyah prattamasahasa, maveha daṇḍa, 5000 ||

Parallels

ka, pita, ṅa, bapa, [11v3] matha, ṅa, ibu, suhr̥t, ṅa, mitra, brata, ṅa, sanak, bhārya, ṅa, stri, putra , ṅa, hanak, purohitta, ṅa, brahmāṇā, tan daņḍanika de saṅ prabhu ||

kunəṅ rehiṅ tripramaṇā, sākṣi, [11v4] likita, bhūkti, kunəṅ ika śākṣi rvā, i likita bhūkti, yeka ləvih tmən ikaṅ mr̥maṇā rvā, maṅkana liṅiṅ sāstra ||

kunaṅ hikaṅ supatra, tulisakəna, i śakā, maśā, titi, triva⟨MS: 12r⟩ra, śākṣi, bhūkti, ikā ta supatra haranya, tulisakəna deniṅ mapihutaṅ, riṅ harəpiṅ mahutaṅ, marapvan tan evəh pihutaṅnya, liṅiṅ sāstra ||

muvah hana vvaṅ maṅasi patuvavā, kapramaṇan ta yan tinuvavān, ikā ta vvaṅ maṅkana, daṇḍanya tan samadaṇḍa, ṅa, ikā daṇḍa paḍa-paḍa lāvan mulyaniṅ patuvavā, ikaṅ tan inakunya, atəhər mulihan dviguṇā, liṅniṅ sāstra [12r3] ||

kunaṅ ikaṅ hamalaku patuvavā, haliñok ika yan matuvavā, tan ānaniṅ pramaṇānya, ikā ta vvaṅ maṅkanā, daṇḍanikā, sa, tan samadaṇḍa, ṅa, paḍa-paḍa salavan mulya [12r4] patuvavān pinalakūnya, daṇḍanya, hatəhər havehan dviguṇā, ikaṅ hinakunya yan patuvavan, maṅkanā liṅiṅ śāstra ||

hana vvaṅ maṅasi hutaṅ, kapramaṇān ta yan āhu⟨MS: 12v⟩taṅ, maṅakvakən tan pahutaṅ, hadva ta ya tan pahutaṅ, makanimitta hananiṅ yan mahutaṅ, ikaṅ vvaṅ maṅkana, daṇḍa teka de saṅ prabhu, daṇḍahan dviguṇā ləvihakənāguṅiṅ hutaṅnya, atəhər hanahura hutaṅ, maṅləvih riṅ mapihutaṅ, tan sadu, adharma, ṅa ||

muvah hana vvaṅ tan papihutaṅ, tan ānaniṅ pramaṇanya yan mahutaṅ, hadva riṅ hujarnya, yan mapihutaṅ, makanimitta tan ananiṅ prama- [12v3] ṇāniṅ mapihutaṅ, daṇḍa hikā de saṅ prabhu, hadviguṇā paṇagihnya, riṅ tan tuhu mahutaṅ, hatəhər havehan dviguṇa panagihnya riṅ vvaṅṅ inakunya mahutaṅ, ika ta vvaṅ maṅkana tan sadu, ṅa,

Parallels

ka, vvaṅ hambədah ḍahuhan, hamateni bañu, uttamasa⟨MS: 13r⟩hasā daṇḍanya, 20000, turāmbəs ikana tambak ||

mvah hana ta ya vvaṅ haṅakū dravya, kapramaṇan ta ya tan tuhu dravyanya, madva ikaṅ hujarnya, baka ta vvaṅ maṅkanā || vimalā saṅjñeti, maṅoho, ṅa, daṇḍa de saṅ prabhu, daṇḍa dravya kāra, ṅa, saṅjña lvaniṅ dravya hinakū tan tuhu dravyanya, daṇḍanya, mvah mantukanikəl hikaṅ dravya ||

Parallels

hana vvaṅ haveh sañjateṅ maliṅ, makanimitta panuluṅnya, daṇḍanya, 40000 ||

Parallels

ikaṅṅ aveh hupakāraniṅ maliṅ, daṇḍa ya, 60000,, guruniṅ maliṅ, ṅa ||

⟨MS: 13v⟩ vvaṅ huṇḍahagi hamaduṅ kayu, hanibāni vvaṅ, yan paśu, tan saṅke matanya, yan pjah kaṅ karəbahan, maṅəlyanana patṅah mulyanya kaṅ karəbahan, yan tan mati malara juga, maveh patamba, sahunakāra laranya, hiṅaniṅ varasnya, atəhər daṇḍanikā, 4000, kunaṅ yan avkasan mati deniṅ laranya, savakra ya sinapalih, 4000,, 0,,

maṅkana tekaṅ vvaṅ, maṅgutuk-gutuk, molih ya paśu, yan tan manahanya, tuṅgalakaśaṇanya, liṅniṅ śāstra ||

kunaṅ saśaṇāniṅ strī, yan tiṅgalakən svāminya, yan makatona maṅulah-hulah dharma riṅ paran, makahiṅaniṅ tahunya, 8, yan makadon aṅulah-ulah vīḍya, tahunya, 6, yan makadon haṅulah-ulah yy arttha, makadyālayarā, tahunya, 10, yan makadon kaparabyakən riṅ para⟨MS: 14r⟩nya, tahunya, 3, ika ta kabeh, yan livat saṅkeṅ saśaṇānya, sovaṅ-sovaṅ, vənaṅ hikaṅ stri malakiya riṅ len, maṅkana liṅniṅ śāstra ||

kunaṅ lakṣaṇāniṅ hanmu-nmu, yan tuhu dr̥venya, makapūrvvaka mavarah-varah riṅ deśa, riṅ vvaṅ makveh, pinasākṣyakən, yan dr̥ve pinəṇḍəmnya, vinarahakənya riṅ pūrvvaka varṇnaniṅ dr̥ve pinəṇḍəmnya, kvehnya, rūpanya, salviriṅ tiṅkahiṅ dravya, pinəṇḍəmnya ṅūni, ri vkasan dinuduknya kavənaṅan denikaṅ vvaṅ makveh, hatūtan adva parahnya ṅūnī, ikā ta yan maṅkanā, tuhunikā dravyanya, tan yogya kilalan de saṅ prabhu, yan maṅkana,,

kunaṅ hikaṅ vvaṅ manmu-nmu yan tan maṅkana, lakṣaṇanya, tan dr̥venya ikā, yogya kilalan de saṅ prabhu, halot pva ta⟨MS: 14v⟩n paveh juga daṇḍa de saṅ prabhu, tan samadaṇḍa, ṅa, samā kvehniṅ dr̥ve tinmunya daṇḍanya hatəhər halapən ikaṅ katmu de saṅ prabhu, maṅkanā liṅniṅ śāstra ||

Parallels

ka, ulah tan pamilihana sākṣi, sḍəṅiṅ sāhasa, sḍəṅiṅ strīsaṅgrahana, sḍəṅi vākpāruṣya.

mvah hana vvaṅ manəmu hulun, paśu vənaṅ-vənaṅ sakalviranya, saṅ prabhu maṅgaḍuh, hana təluṅ tahun lavasanya, ginaḍuhan, vənaṅ ikā təbusən deniṅ adravya, yan livat pva ya təluṅ tahun, tan vənaṅ ika təbusən, saṅ prabhu mamet ika paśu, liṅiṅ śāstra.

Parallels

ka, dravyasakadiniṅ sākṣi makveh pituhunnikā, hikaṅ sākṣi rvā paḍa kvehnya, duhure ləvihe, paḍaniṅ guṇane yekā petən ||

mvah dravya kinonakəniṅ amaraṅgi, riṅṅ amahantən, riṅṅ apaṇḍe mās, vkasan ikaṅ dr̥vyā, karajabhaya, kagnibhaya, kacerahbhaya, ikaṅ maṅkana, maṅlyanana riṅ madravya, samulyaniṅ kon-kon, makanimitta tan yatna ri karākṣyanya, tan yatna rika hulihanya.

mvah hana vvaṅ madola dravya,, mvah hana vvaṅ hatuku dravya yan ana kaluputanya ri papa dolnya, patukunya salah [15r4] tuṅgal, ika ta maṅaṅsulənā salah tuṅgal, sapuluh vṅi lavasnya haṅsulakəna, kunəṅ ikaṅ madola tuku, yan alot kavaṅsulaniṅ dravya, ri turuṅ i gnəp sapuluh vṅi, daṇḍa ⟨MS: 15v⟩ teka de saṅ prabhu, sadsata paṇa daṇḍanya, 12000. yan livat pva sapuluh vṅi, tan vənaṅ mamaṅsulakəna salah tuṅgal ||

kunaṅ vvaṅ madol-atuku vənaṅ-vənaṅ, paśu, kuda, kbo, sapi, kunaṅ yan hana kaluputanya, riṅ madval atuku, salah tuṅgalnya, karvātṅah-lek lavasnya, vənaṅ maṅaṅsulakəna, yan lot kavaṅsulanya, salah tuṅgal, daṇḍa pva de saṅ prabhu, sadsata paṇā, 1200 0, yan livat pva karvātṅah lek padolnya patukunya, tan vənaṅ maṅsulakəna, liṅiṅ śāstra || 0 ||

mvah saśaṇaniṅ madol-atuku, yan pasu satimahandinā hiṅanya, yan vvaṅ, daśadaśih, satahun hiṅannya vənaṅ maṅsulakəna, ika ta salah tuṅgal, yan hana kaluputanya, pa⟨MS: 16r⟩dolnya, patukunya, yan alot pavaṅsulnya, salah tuṅgala, ya ta daṇḍa de saṅ prabhu, sadsata paṇa, 12000.

yan livat sake hiṅanya salah tuṅgal, tan vənaṅ hika kavaṅsulanya [16r2] liṅiṅ sāstra || mvah bhūṣaṇa dinol tinuku, daśahasya, sapuluh vṅi kavaṅsulanya, , mvah rehiṅ maṅonṅon, pasu, kbo-sapi kunaṅ, yan riṅ rahinā riṅ paṅonan, hikaṅ maṅvan pramaṇa dravya vənaṅ- vənaṅ, yan riṅ vṅi saṅ madravya paśu pr̥maṇa hikā, kunaṅ yan hilaṅ riṅ paṅonanya, sinahutiṅ hasu, kaləbv iṅ juraṅ, kaləbv iṅ luvaṅ, tan sinapekṣanya, ikā kaṅ maṅvan maṅəlyanana riṅ saṅ madr̥ve paśu, [16r4] samulyaniṅ vənaṅ-vənaṅ, ikaṅ maṅvan hupahanya suṅanā, maṅkana liṅṅiṅ śāstra ||

mvahh ikaṅ maṅvan, yan hilaṅ riṅ vaṇa, riṅ tgal, paṅonan, cinoloṅ deniṅ corah, malayu mavarah riṅ madr̥ve paśu, ⟨MS: 16v⟩ [16v1] mavarah huṅgvanya hilaṅ, ri kālanya hilaṅ, kapr̥maṇanta yayan tumulya varah-varah, ika ta yan maṅkana tan vənaṅ maṅəlyanana, liṅṅiṅ śāstra ||

paśu kbo-sapi, kahaddhaṅ tika riṅ avan, riṅ tgal, magalak pva ya, salah tuṅgal, maniṅgat pva ya kbo-sapiya, katon kapr̥maṇanya maniṅhat, ika yan malara, maveha patiba jampi, ikaṅ dr̥ve paśu maniṅhat, yan mātīkaṅ siniṅhat, ikaṅ maniṅhat haṅəlyanakəna riṅ madravya, ikaṅ paśu mulya viśūddha, maṅkana hilaṅaniṅ mulyaniṅ paśu, maṅkanā raṣaniṅ śāstra, katəmviṅ haji manavā || mvah kbo-sapi paḍa ta ya magalak, maniṅhat ta [16v4] ya, tan (bh)iṣa ta ya malara, makaṅūnī matī ya, salah tuṅgalnya, tan vənaṅ hikaṅ adravya maṅlavanākna, hana vvaṅ hamaṅlavanakən, makanimitta puṅguṅnya, daṇḍa de saṅ prabhu dviguṇottama, 4⟨MS: 17r⟩000. muvah vənaṅ humaṅguha kapatinikā, maṅkanā liṅṅiṅ śāstra ||

muvah kbo-sapi antyanta landəpiṅ suṅutnya, nitya sagalakənya, humuṅguh ta ya riṅ mārgā, hana ta vvaṅ malivat, riṅ harəpnya, si- [17r2]niṅatnya, ika ta paśu yan maṅkanā tan atatayi, ṅa, tan vənaṅ patyananā || mvah hana pva paśu, marariṅ gaga śavah, kubvan kunaṅ, pinaṅan tekaṅ sarvvaviji, hinikət ta ya de saṅ madravya pinaṅanyā, [17r3] dadi siniṅhat hikaṅ maṅikət, ikaṅ paśu maṅkanā tan doṣa, tan vikārinikā, maṅkanā raṣaniṅ śāstra ||

mvah kbo-sapi ḍarppā maniṅhāt, yan vvaṅ, makanimitta gləṅnya, makanimitta kroḍanya, [17r4] tan pakaraṇa, paniṅatnya, hakveh paniṅhatnya, saṅkeṅ kroḍanya, yan hana paśu maṅkana haṅamūk hika ṅaranya, hatatayi, ṅa, vənaṅ patyananā, makṣanya vənaṅ halapən deniṅ voṅ hakveh ⟨MS: 17v⟩ [17v1] tan vicaranən || mvah vvaṅṅ amatyani paśu, tan anā hatatayi, tan āṅamūka, makanimittāhyuniṅ maṅsā kevalā, daṇḍa de saṅ prabhu, uttamadaṇḍa, maṅəlyananā dviguṇa, mariṅ hadr̥ve paśu, vvaṅ aveha mota pagaveniṅ paśu, pinatyanya, maṅkana liṅṅiṅ hagamā || 0 ||

Parallels

ka [17v3], vvaṅ tumama riṅ śavahiṅ len, haṅəduk vəluran amet bañu, haṅalihakən dalaniṅ ⌈vvai, ḍapyah pūrvvasahasam, 5000 || 0 ||

Parallels

ka, yogya sākṣya yan tan āpadgata, pilihən sākṣi, hayva hiner. lvirnya gr̥hiṇaḥ, ika vvaṅ apagəh momah-omah, putriṇaḥ, vvaṅ akeh a⟨MS: 18r⟩naknya, vvaṅ pinituhu, saṅ brāhmaṇa, saṅ kṣatriya, vaiśya, vvaṅ tuhu riṅ sarvakārya, śūdra kaṅ tan pakanina.

Parallels

Parallels

vvaṅ tuhv iṅ sarvakārya, vvaṅ kagəlaran iṅ sarvadharma, vvaṅ tan lobha, vvaṅ tan harəp iṅ dravyaniṅ adravya, ika ta kabeh yogya pinakasākṣi, liṅniṅ śāstra. ka, vvaṅ tan yogya gavenən sākṣi, ikaṅ vvaṅ pinirak, vvaṅ tan tuhu, vvaṅ sahāya, vvaṅ bvat tukar, vvaṅ katon huvus adoṣa, vvaṅ duṣṭakarma.

Parallels

Parallels

mvah tan sākṣya, uṇḍahagi, vvaṅ biṣāṅaji, sakvehniṅ vvaṅ atapeṅ halas, riṅ gunuṅ, mañju, kəḍi, vvaṅ maṅguh-uṅguh, vvaṅ doyan iṅumpətiṅ jagat, mvaṅ vvaṅ maravit, mvaṅ vvaṅ magave dudū, vvaṅ antyanta tuhva, rare, caṇḍalā, vvaṅ vuta, vvaṅ aṅgirih, vvaṅ mala, vvaṅ bvat tr̥ṣṇā, vvaṅ malelya, vvaṅ ragan ḍarā-ḍaran, vvaṅ krodhan, vvaṅ maliṅ, ika ta kabeh tan yogyālapən sākṣi, liṅniṅ śāstra.

Parallels

Parallels

ka, vvaṅ hatyanta daridra, cvaṅ mavərə, vvaṅ hedan, vvaṅ tr̥ṣṇan, mvah vvaṅ maṅgirih, mvah vvaṅ makadon maṅhel, vvaṅ lumpuh, vvaṅ rāga-rāgan, vvaṅ maliṅ, vvaṅṅ aṅgə̄ṅ kroḍa, 0 ,

Parallels

ikaṅ sākṣi strī paḍa-paḍana strī, dvija paḍa dvija, su[19r2]dra paḍa śūdra, caṇḍala paḍa caṇḍalā, sākṣinya ||

kunaṅ saṅ hyaṅ triyodaśasākṣi,

Parallels

sarga, bhūmi, ləmah, bañu, hr̥ḍaya, manah, candra, aditya, agni, saṅ hyaṅ yama, saṅ hyaṅ bhayu, dinaratri, dvisāṇḍyā, dharma || ika ta kumavruhi hala-hayuniṅ ulah, svabha[19r4]vaniṅ vvaṅ, sira ta migrahaniṅ vvaṅ dudū hulahnya, liṅṅiṅ śāstra || vvaṅ satyavacaṇna, pinakasākṣi, hantyanta svarganya, maṅkana sākṣi liñok ||

Parallels

mvah masaniṅ bhaṭara bharuṇā, pinəgat sakatuṅgalakən satus tahun ||

Parallels

kaləvihiṅ sākṣi lamun satya || 0 ||

vvaṅ hañoloṅ vinih, kalara hinā, daṇḍanikā pañca mās, mvaṅ sapanā, 3600, yaniṅ vṅi, patyana hikā || mvah vvaṅ hañoloṅ hiva[19v4]k, riṅ suvakan, maṅhətih ya, matahuhā, yan rahinā, daṇḍanika pañcaguṇa, hulihanya, hivak, yan riṅ vṅi vənaṅ patyana, liṅṅiṅ śāstra ||

mvah vvaṅ haṅalap arahu, riṅ tpiniṅ lva⟨MS: 20r⟩[20r1]h, tpiniṅ sāgara, kala rahinā, makanimita cidra, tan paṅənta sakənta ya, hikā ta daṇḍanya, maḍya masahasā, 10000, mvah haṅulihakəna parahu, handviguṇa, riṅ saṅ madravya pa[20r2]rahu ,, 0 ,,

mvaṅ haṅlaṅeni dravya kahilī riṅ vvai, makanimitta valat, tan pamvit riṅ madravya, təhər hinalapnya, salviriṅ dravya linaṅen, yan ana maṅkana, daṇḍa huttamasahasā, 20[20r3]000, mvah muliha mañcaguṇa, dr̥ve kaṅ linaṅen, riṅ madravya ||

mvah vvaṅ hamiḍik pomahan, ḍavuhvan, savahā, haṅalapa lumbuṅ, yan makanimitta vruh yan dudu dravyanya, daṇḍa [20r4] pañcasata panā, 10000 || yan tuhu tan vruh yan dudu dravyanya, daṇḍa dvisata paṇa, 4000, muvah muliha sapamidikna ||

muvah vvaṅ haṅaku bhūmi, tan tuhu bhūminya, daṇḍa te⟨MS: 20v⟩[20v1]ka de saṅ prabhu, aṣṭaguṇottama, 160000, maṅkanā liṅṅiṅ sāstra ||

mvah hana vvaṅ hamaduṅ kayu riṅ simaniṅ len, makanimittaṅ ajñanā, tuhu tan vruhnya, daṇḍanika dvisaṭa paṇa, [20v2] 4000, haṅəlyanana handviguṇa * mulyaniṅ kayu vinaduṅnya, yan tan mahapama duṅnya, tan vruh tmən, daṇḍanika ekasaṭa paṇa, 2000, hatəhər aṅəlyanana kayu riṅ madr̥vyā, [20v3] bharaddha satṅah mulyaniṅ kayu vinaduṅnya ||

Parallels

ka, roṅ atus ekət paṇa[20v4], pratamasahāsā, smr̥tah, katuturən || kaṅ madyamasahasā, pañcasata paṇa, 10000 || muvah huttamasahasā, 20000 || muvah vvaṅṅ amaduṅ kayu riṅ simaniṅ len, makani,⟨MS: 21r⟩[21r1]mitta valat, makanimitta havamananya, riṅ madravya, daṇḍa ta ya dviguno⌉ttama daṇḍa, 40000, maṅəlyanana mulyaniṅ kayu, riṅ mad̥vya, liṅṅiṅ sāstra ||

mvaṅ mandavut savisa[21r2]gotoṅ valavalo, makaṅuni pañarika tulis, daṇḍanika pañcasata, mvaṅ dvikapañca mās, 24000 || mvah hana vvaṅ suṅga-suṅga, riṅ marga riṅ savah, makalakṣaṇa laṅgəṅ rahi[21r3]nā-vṅi, makanimitta hyunya, tan inalapan laṅgəṅ rahina-vṅi, vkasan olih pva ya teka vvaṅ, matyanenya, daṇḍa pva ya, de saṅ prabhu, catūrgunotama daṇḍa, 80000,, ikaṅ vvaṅ [21r4] maṅkanā, nitya sahasā, ṅa, mahā-mahā yan maṅkanā, tan vənaṅ patenanā, de saṅ prabhu, mapan tan paḍa lavas paḍātatayi, maṅkana liṅṅiṅ sāstra ||

mvah vvaṅṅ asusuṅga, tan hənti pva ⟨MS: 21v⟩ [21v1] ya denyan davuti, vkasan ta śeṣaniṅ suṅganya molih vvaṅ lyan, ikaṅ vvaṅ masusuṅga maṅkanā daṇḍanya ṣatthasotama, 20000, maṅkanimitta pramadanya, paləh-paləh, makalapa[21v2]n asuṅganya hayva śeṣā, kunəṅ pva kna suṅga māti, daṇḍa viguṇotama sahasa, 4000,, hana pvekaṅ asusuṅga maṅkana, nitya sahasikā, ṅa || mvah tiṅkahniṅ saṅgrahanā, hana vvaṅ[21v3] haṅucap-ucap lavan strīniṅ para, yan huvus cinihnan deniṅ doṣe ṅuni, daṇḍa, 40000 ,, 0 ,,

Parallels

kunəṅ pva vvaṅ haṅucap-ucap lavan striniṅ para, sahakāraṇa, tañ cinihnan deniṅ doṣe ṅuni, tan panasa riṅ maryaḍa yukti, tan padoṣa matra⟨MS: 22r⟩[22r1]ya vvaṅ maṅkanā ||

Parallels

ndya lviriṅ saṅgrahanā, vvaṅ haṅucap-ucap lavan striniṅ parā, [22r2] riṅ vulakan, riṅ halas, riṅ taman, simpaṅaniṅ havan, simpaṅaniṅ lvah, yekā saṅgrahanā, ṅa ||

Parallels

ka, vvaṅ gumavayan pamahugi, masivo-sivo, maṅaṅge bhūṣaṇaniṅ stri len, vvaṅ mapaṅgih paliṅgihan kalavan stri len, yeka saṅgrahanā, ṅa ||

Parallels

ka, vvaṅ haṅasparṣa stri riṅ halas, mvaṅ maṅgəməlya śarīraniṅ stri riṅ tan deṣa⟨MS: 22v⟩[22v1]nya, r(iṅ) tgal riṅ juraṅ, riṅ śūnya, yeka saṅgrahana, ṅa ||

Parallels

ka, catūrvarṇna, lyan saṅke [22v2] saṅ dvijā, yan maṅulahakən kasaṅgrahaṇa, tan lyan adaṇḍa pati,

Parallels

kunəṅ ya[22v3]n viku, menmen, saṅ dikṣita, vvaṅṅ uṇḍahagi, yan masambasanā, lavan strīniṅ parā, hayva ta sinaṅśaya ,, 0 ,,

Parallels

ka, ikaṅ vastu tan sinaṅśaya, yan asambasana lavan strī, yan inuhutakən, tan vineh masambasanaha, hayva mākṣakən, kunəṅ yan a⟨MS: 23r⟩ [23r1]makṣākna sambasanaha, daṇḍanika riṅ catūrśu varṇna, 1600 ||

ka, dharmaniṅ hanagih pihutaṅ, rumuhun sakiṅ dharma, kapiṅrvā sakiṅ vyavarā, kapiṅtiganya, asiṅ sakarəpnya, lesyan[23r2], makadon kavḍalaniṅ hārthanya, yan mahavaṇa siniliha sadravyanya, kaṅ ahutaṅ, kapiṅpātnya, kandəga tan suṅanasasiṅ kāryanya, piṅlimanya, valatan sadravyanya, mahiṅa[23r3]nya sāgə:ṅiṅ pihutaṅnya ||

Parallels

ka, vvaṅ hanagih yan tan papatrā, tan papr̥:[23r4]maṇā, tan pasākṣi tan ana śabda riṅ pūrvva, yan maṅkana, devikriya, madevapr̥maṇa sanagih ||

Parallels

ka, yan riṅ mahutaṅ, yan masaṅketa, maliñok ika tan tuhu ri pasaṅketane, daṇḍan ika de saṅ prabhu, pañcaśata, 10000, kunaṅ yan apuhara ma⟨23v2⟩ṅaṅasi, dviguṇottama daṇḍanya, 40000.

vvaṅ mahutaṅ danamulyaniṅ pari, manahura vit juga, malih mās, ṅa ,, 0 ,, vvaṅ haṅandəlakən hanakənya mahutaṅ, ri patiny ānakənya, [23v3] pa, bapanya manahura hutaṅ maṅləpih || vvaṅ mahutaṅ paśu, manahurana manikəl, sḍəṅ i tluṅ tahun || vvaṅ mahutaṅ mulyaniṅ paśu, manahurana dviguṇa sḍəṅ iṅ pataṅ tahun || vvaṅ mahutaṅ tan pa[23v4]patra, manahuranikəl sḍəṅ i nəm tahun || ikaṅ praḍana, vənaṅ hameta hanakiṅ mahutaṅ, yan mati kaṅ ahutaṅ, yan luṅhā || vvaṅṅ aniṅidakən dasiniṅ lyan, yan kapāṅgih halapəni⟨MS: 24r⟩[24r1]kaṅ rare, mvah daṇḍanikāṅ aniṅidakən sahutaṅiṅ rare, siniṅidakən || vvaṅ hakurən lavas pva ya , mati lakinya, tribhaganən ikaṅ dr̥ve, yan lanaṅ mati, rvaṅ duman saṅ prabhu, stri mati, rvaṅ du[24r2]man riṅ lakinya, saduman saṅ prabhu ,, 0 ,, mvah ikaṅṅ akurən tan pānak, mati strinya, ikaṅ lanaṅ vənaṅ maṅalap sadravyanya, tan vicaranən, kajar iṅ śāstra || nihan lakṣaṇaniṃ stri ta[24r3]din, nḍā ta iki catūrpramaṇa, sākṣi, svamivaca, ṅa, ujariṅ svaminya, socca, ṅa, vija, sākṣi, ṅa, vvaṅ sayogyañjənəṅanā, mvaṅṅ ujariṅ svaminya || kajnəṅanayan pgat, cocca [24r4], ṅa, maveha bañu rahup riṅ svaminya, maveha vija bras, hikā pramaṇaniṅ tadin ,, 0 ,, mvah yan ana strī tadin, tiniṅgalakəniṅ catur pramaṇā, sākṣi, svamivaca, vija, hi likita, ⟨MS: 24v⟩ [24v1] tan tadin, ṅa || malaki ta ya riṅ len, daṇḍanika dviguṇottama, 40000, yogya patyana hikā || kunaṅ bapaniṅ strī, hamalakyākən ānakənya, duruṅ tadin, mavivaha lavan [24v2] ro vvaṅnya sapakaraṅan mvaṅ kadaṅ-vargānya, makanimita maṅinūm, ika ta vvaṅ maṅkana, strivivakanvetti, mamaraṅ-maraṅ, ṅa, daṇḍa dviguṇottama, 40000, təhər ikaṅ lanaṅ tan vənaṅ mamā[24v3]tyananā sasomah riṅ paṅalap, yan arəpa huripa hika karvā, mavehā daṇḍa, 40000,, hana tekaṅ makaraman aṅadəgiṅ pavivahanya, daṇḍa madhyama dviguṇa, 20000, [24v4] kunaṅ yan tuhu tan vruh yan duruṅ tadin, daṇḍa, 10000, yan olugh ṅa, vruh tan vruh, tuhu tke vala hiṅundaṅ, daṇḍa, 5000 ,, 0 ,, upekṣah, kūrvvatah taspa, tusni⟨MS: 25r⟩[25r1] bhūtaspa tistatah, kole, ti,pana, pūrvvaktah, vyavitaro na vidyataṁ ||

ka, tiṅkahniṅ vyavaharā, tan vruh maṅujarakən, riṅ pūrvvakā, surud riṅ pākṣanye ṅuni, lanā[25r2] umnəṅ, tan sahur kala musuhnyāṅucap, kalah jatiniṅ vyavahara yan maṅkanā || kusinavr̥ddhi degunya, nānyeti, sakr̥ḍ ahr̥ta, ḍaransaye, lave, vahye navəkramataṁ, pa[25r3]ñcataṁ [MDh 8.151] ||
ka, pihutaṅ hārttha, parimaṇa mandəgamutuṅ, tan vr̥ddhi muvah || kunəṅ yan mapihutaṅ pari, java, jaguṅ, sakalviraniṅ vijā, hamañcagina ḍadinya || yat brihī, tila, masaddi [25r4], tandava, miḍikavyate, yaś ca, romepayegadi, śaya, ivy aviḍiyate ||
ka, brihi, ṅa, pari, tila, vijen, masa, ṅa, hatak, yogya hinajarākən ḍanya || ro⟨MS: 25v⟩[25v1]mapayoṣaḍi, ṅa, camara, kambala || śanih yuktaṁ danaṁ kiñcit, gr̥hitaṁ kūlasanico, mūlakrayasya sudaṁ tatat, nyahato danaṁ mahārtti ||
ka, tiṅkahniṅ dravya dino[25v2]l vinli, siṅ savakanya dravya, uṅgvanya tuku ri pasamuhaniṅ vvaṅṅ akveh, kavruhhaniṅ mulanyoṅgvanya tuku, mr̥maṇa patukunya, riṅ vvaṅ maṅkanā || dravyanya, bu, vikri,ye,śceva, dārṣa[25v3]yet, nipataṁ, ḍanām apnoti, krete taṁ manur abhūrvit ||
ka, riṅ vvaṅ hatuku dravya, yen vuvus diṇaṅśaṇakənya, gingəh uṅgvaniṅ panaṅkanānya matuku, yeka siddha patukunya || yya[25v4]mulaṁ manahāryam, prakaśa trayasoditam, adaṇḍa udyate rajah, noṣṭito nate ḍanām ||
kunaṅ yan dr̥vyā vinli, katon deniṅ vvaṅṅ akveh, tuhu tan kavruhan, mulaniṅ dravya, ⟨MS: 26r⟩[26r1]tan daṇḍanikaṅ mamli dravya, kevala pūrvvasvami maṅapekaṅ dravya ||| 0 ||| dayadya, gata, tu mulaṁ, syad upasvapyañ ca dvalat, tanmulaṁm anuyojya, syat, tva,m apy asva,tamaṁ kuru ||
yar tka pa[26r2]naṅkaniṅ mūlyaniṅ dravya, handəgən takvanā, mulyaniṅ dravya, tkeyy āvakənya || mula sude, suddha ha syat, hasudah coradaṇḍanat, kratuś cet, pratikārya syat, pūrvvasvami tu ta[26r3]labhet ||
ka, riṅ pūrvva suddha panaṅkaniṅ dravya dinval, śuddhaśariranya, yapvan tan suddha panaṅkaniṅ harttha, tan suddha tkeṅ śariranya, təhər daṇḍa,niṅ maliṅ, 20000, dravya pūrvvasvami [26r4] maṅalapa || tvakbedakah sataṁ daṇḍyāh, lohitasya ca ḍarṣaṇah, maṅsābheksah, tu, saniskān, pravasyatt astibhesakah [MDh 8.284] ||
ka, tiṅkahniṅ pañjampi, yan blah kuli⟨MS: 26v⟩[26v1]t, 2000, yan blah dagiṅ, nəm paha, 9600, yan hanikəl baluṅ, 20000, muvah dārṣaṇivattanā || dadikasye, bhāghnāyute, tiyyanpratimukagane, a:kṣabhaṅge, a:pārya[26v2]te, cakrabhaṅga tatevaca [~MDh 8.291] || cedane ceta rupinām, rugaretmyah tateva ca, cakrandenapyapehiti, nādaṇḍaṁ manur apravit [~MDh 8.292] | 0 |
ka, tiṅkahiṅ vvaṅ mamr̥g ratha, mvaṅ manuṅgaṅ kuddha [26v3], sḍəṅ pgat alikluhniṅ mahāpaśu, mvaṅ katitikəlan, yen sḍəṅ kondurlampahiṅ ratha, mvaṅ cakrabhaṅga, tikəl kaliṅanya, pgat rva-rvaniṅ apusnya, yeka kabeh, yan mahavansu [26v4] miṅgaha, handoha saṅ mamr̥g, tan daṇḍa saṅ amr̥g ratha, yan maṅkanā || tatra, pavakta te, hugyam, veguṇyata, vr̥jakakāsyaṁ, ca, tatra, svami, bhavettha, hiṅśā⟨MS: 27r⟩[27r1] yadvisataṁ ca mām ||
kunaṅ sakiṅ puṅguṅniṅ manuṅgaṅ kuda, hamr̥ganasa riṅ mārgā, mati siṅ kedkan denya, daṇḍanika, 4000 || prajakah sedavetapta, prajako daṇḍamahati, yu[27r2]gya svah prajā,ta, nate, sarvvadaṇḍah śataṇḍanām ||
mvah yanvidaṇḍa, yān vruh ikaṅ amr̥g, hatəhər amaṅidki vvaṅ, daṇḍānikanamr̥g, yapvan ikaṅ amr̥g apuṅguṅ, makveh ikaṅ [27r3] manuṅgaṅ riṅ padātinya, tan inubhayan panuṅgaṅnya, yan maṅidəki vvaṅ, asiṅ tva sakalviranya kedəkan, daṇḍanikā manuṅgaṅ, sakvehnya, haṅalihevu, riṅ satuṅgal-satuṅga[27r4]l, _ _ _ _ _ _ _ || sa gaḍah, pahaṁruddhah paśubhih varaṇa bhavā, pumaḍeyetyapradveto, daṇḍa tatra vicarayan ||
vvaṅ masārathi ṅaranya, cinaṇḍəknya riṅ tṅah, ⟨MS: 27v⟩ [27v1] hiṅavan, yan maṅidəki hamatyani vvaṅ, daṇḍanikaṅ sārathi ,, 0 ,, manuṣyamarane kṣirəm, koretvakaṁ lva māṁ, bhavet, praṇabhr̥tsu, mahatsvaddhaṁ, gogadoṣṭrahaya[27v2]ddhaṁsu [~MDh 8.296] ||
kunaṅ yan maṅidəki māti, daṇḍā, 20000 || yan amāti mahāpaśu, gajah, goh, kuda, daṇḍa, 10000 || śūdranāñ ca, iṅśāyaṁ dvasato damah, pañcasañca bhave[27v3]t daṇḍəm, sukesu mr̥taṁ, pākṣisu ||
ka, yan mati śūdra paśu, celeṅ, daṇḍaniṅ sārathi, 4000 || yan pamatiha ṭaṭ, vr̥gpākṣi, 1000 || gadārbhaja vinaśa,ntu, daṇḍa sya[27v4]t, pañcamadakah, masakah, tu, bhavet, daṇḍa tvasuka,ranipatane ||
mvah yan pamati vḍus, śr̥gala, sukāra, daṇḍanikā sārathi, 2000 || astu, raju, ghani, kupa, ha⟨MS: 28r⟩[28r1]ret viddhyañ ca yah kupaṁ, sah daṇḍa prapnuyat masam tañ ca sārvvaṁ, samacaret [~MDh 8.319] ||
ka, vvaṅ hañoloṅ timba, sinahakən sakiṅ surur [em.: sumur], mvah vvaṅ hañoloṅ hululaniṅ vavaruṅ riṅ pkə:n, daṇḍa [28r2],. 400 || təhər amayu valuyākna kadi dumun, hamnədakən || hana sor saṅkeṅ hinalapnya, kadyāṅganiṅ tambaga, timah, timbrah, tambaga, dviguṇnākna samulyanya hinalapnya, daṇḍanya, 5000 [28r3] || la. hlampah iṅ vvaṅ corah hañoloṅ vakulinajanma, jalu strī kunaṅ, aparimāṇa daṇḍa paḍa, mvah yan vvoṅ hañoloṅ rātnaḍikā, daṇḍa vada paṅdaṇḍanya || ka, vvaṅ hamaduṅ kayu, mapā- [28r4]kna katuniṅ ayajña, tan doṣa ikaṅ vvaṅ maṅalap kāyu, mvah vvaṅ malap tr̥ṇa, makaṅgoniṅ saṅ dvijā, tan doṣananā || vvaṅ maṅalaparī riṅ śavah, salviranya, java, kacaṅ, lambayuṅ, makiri- ⟨MS: 28v⟩ [28v1]mana, sakavaśaniṅ taṅan kiva tṅən, tan doṣa ika || vvaṅ mulakula, makādi saṅ viku, yan katarabakta riṅ avan, maṅalap tanəm-tanəman, riṅ tgal, riṅ śavah, jaṅan timun kacaṅ, asiṅ sakalvi- [28v2]raniṅ sārvvavijā, makahiṅan sakavaśaniṅ taṅan kiva tṅən, maṅgəgəm, ika tan āna doṣanya || 0 || riṅ vvaṅ kinon ākārya, hasiṅ sakalviranya, vkasan ta ya manambut kārya riṅ len, sākiṅ [28v3] ḍarppanya, tan ana laranya, yan maṅkana daṇḍanikā, riṅ vvaluṅ kr̥ṣṇala, ṅa, haṅhiṅ tan upahən || ka | vvaṅ hiṅupaṅ yan tuhu kinahananiṅ lara, vkasan varasya, takvanan arumuhun, yan ka- [28v4]vaśanya nāmbut kārya, lavan tan kavaśanya, yapvan humaṅkən riṅ karya, malavasa tuvi, vehana hupahan yan maṅkanā || muvah vvaṅ kinon magavaya tikaṅ dravya, varas tan panambut kar- ⟨MS: 29r⟩ [29r1]yya, asriṅ maṅkin tan panambut kārya, yan sakiṅṅ antunya, yogya tan suṅan hupahan, atəhər hikaṅ dravya, vehakəneṅ len || ka, hana vvaṅ magave samaya ri pasamuhaniṅ vvaṅ, tpi siriṅ, [29r2] vkasan mitya riṅ pasamayanya, doṣanya dohakəna saṅkeṅ rajya, mvah doṣanya sikəpən tumpa-tumpanən de saṅ ratu, mvah daṇḍanya nəm pahā, catūrmās, manūtī guṅ-lit iṅ kaliñokan || [29r3] ka, vvaṅ maveh kanya, tan vīnarahakən doṣaniṅ kanya, saṅaṅ puluh nəm paha, kālih ivu pataṅ puluh || kunaṅ lviriṅ vyadinya, hedan, hudug, hayan, huvus ahalvan, hiniput de- [29r4]niṅ dirghāvyadi, tugəl blah havakənya, tunapakon || daṇḍanika tluṅṅa atus paṇa, 6000 || ka, hana ta vvaṅ manaṅguh doṣaniṅ kanya, pūrṇna ikaṅ kanya, tan āna calanya, ḍa- ⟨MS: 29v⟩ [29v1]ṇḍanika, triśata, 6000,, muvah hana vvaṅ maṅucapānya, riṅ kanya makanimitānya dvesitanya, daṇḍanika śatapaṇa, 2000 || hana vvaṅ hapinton kanya, huvus hinubhayan denikaṅ ma- [29v2]ṅlamār, mapakəna pinakasomahan, vkasan təbəṅ i kārya hinurup ikaṅ kanya, dudū hikaṅ kanya vinehakənye ṅūnī, halapən karo de saṅ maṅlamār, hikaṅ kanya rvā, huvusa de- [29v3]niṅ vlyan tuṅgal || ka, hatyajati [em.: antyajāti], ṅa, len sakiṅ veśya, patita, ṅa, edan, hayan,, kliva, ṅa, kumiṅ,, dirgharoti [em.: dīrgharogī], ṅa, haṅgirih, unmatta, edan, ikaṅ kanya yan maṅkana, tan yo- [29v4]gya vehakənaṅ puruṣa, maṅkaneṅ puruṣa, yan maṅkana, tan yogya pinakalakihaniṅ kanya || ikaṅ manampaka kliva, yadyan huvus asobaya tinavanakən riṅ ṅūnī, yan kapratya- ⟨MS: 30r⟩ [30r1]kṣan klivanya, yogya pasahakəna, vehakəna riṅ lyan, sahabhūṣaṇanya || muvah vvaṅ madval dravya, inaṇḍətaniṅ śabda, kevala, tan sinuṅan pañcər, sadinā, savṅi, paṅanti hanīmā- [30r2]dvāl, yan livat vənaṅ madvala riṅ lyan, saṅ madravya || ka, tiṅkahiṅ dravya dinval, yan pinahāñcəran, tigaṅ vṅi hiṅanya || yan vaṅṅ uman-uman iṅ samajatinya, satak pataṅ puluh maṅləpih doṣa- [30r3]nya || 0 || ikaṅ dravya śavakanya, hilaṅ hikaṅ dravya sḍəṅiṅṅ iṅ runahniṅ deśa, vənaṅ saṅ mābūmiha mari pūrṇna, muvah riṅ deśanya, salviriṅ dravya, tan hanaṅ madravya, saṅ mabhūmi pramaṇa ya, kunaṅ yan hana micarā, [30r4] ikaṅ dravya, maṅkana kramanya || katkanya piniṅidakən, pinañjarakən, ikaṅ hiṅiran, saṅ mābhūmi malapa yan maṅkanā, tumṅət tikā kalih daṇḍa, 20000 || muvah kadumaniṅ dakṣi- ⟨MS: 30v⟩ [30v1]ṇa, kinabehan, mvah kadumaniṅ byāyaniṅ vyavahara, viḍinya || saṅ paṅguhu liṅgih catūrbhaga, saṅ kapiṅrvaniṅ liṅgih, tluṅ bhagā, saṅ kapiṅtluniṅ liṅgih rva bhāga, saṅ paṅpat i liṅgih, sabhā- [30v2]ga || ka, yan vvaṅ madravya hulun, hana kadaṅ-vargā, muṅgviṅ duradeśa,maṅulahakən pva ya corah, duṣṭa, tan vruh svami sanakənya yayahnya riṅṅ ulahnya riṅ duradeśa, tan kagəpo- [30v3]ka riṅ sthanadah, kunəṅ rehnya malavas pasambadanya, kneṅ reka kevala, 5000, yan malih katbəṅan rikalanya lampahakən duṣṭa corah, makaṅunī vruhakəneṅ sthanada, daṇḍa, 2- [30v4]0000 || mvah yan vvaṅ lyan cumampuhakəniṅ vicaraniṅ len, maṅulahakən duṣṭa corah, yekā kneṅ sthāda, 20000 || mvah mulyaniṅ raja peṇi, maliṅan ikaṅ kna minajananya, ka- ⟨MS: 31r⟩ [31r1]dyaṅganiṅ hasti, asva, kadga, ratna, kanya, sakatilima, piṇḍanya nihan, 160000, maṅkana mulyanya, yan kasan sinahasa, cinoloṅ || yadyan dravyaniṅ mantrī, yan riṅ sahəbniṅ [31r2] variṅin, deśa lurah samaṅkana paṅrəganya || yan riṅ pradeśaniṅ lyan, sinahaśā cinoloṅ, mantukalpih kevala || mulyaniṅ vastra perəmās, luṅsir, sutra, griṅsiṅ, de- [31r3]vaṅga, dinya, 8000, yan tigasan, yan lusuh, 6000, yan ləvas, 3200 || yan kampuh basavos, hañar, rəga, 4000, yen lusuh, 2000 || maṅkana kliṅ || do⌈- [31r4]dot java hañar, rəga, 5000, suba lusuh, 200, ləvas, 100|| mvah yan kādga vavajan, cihna turaṅga, rəga, ⟦1⟧8000, yan pūrṇna, 4000, yan puṅgəl, ⟨MS: 31v⟩ [31v1] 2000 || malela, [space=1]ṇna [em.: pūrṇna] turaṅgah rəga, 4000, yan pūrṇa, yan təmpak, yan puṅgəl, 1000 || duhuṅ babavosan, vavajan, 4000 || upalakṣaṇākna pūrṇna tan sapūr- [31v2]ṇnanya || 0 || muvah pamulyaniṅ pamṅamṅan, yan aṅsi, mrāk, savari, hatat, savuṅ kinuruṅ, śr̥gala, rəganya, 1000 || kəbo pamatək, savihuruk, rəganya, 4000 || kbo-sa- [31v3]pi samanya, ji, 2000 || rəganiṅ śūdra paśu, samanya, ji, bhavi, sr̥gala, kumaṅ, ṅa || miṇḍa, ku, 3 || haṅsa, ku, 2 || hiṭik, ku, 2, riṅ tva || kaləṇḍah sadaṅu, ku, 1 || vvah samayuṅ [31v4], 40, naṅka, 1, salaksaruruṅ, 52,, iti paṅr̥ganiṅ sapaniskara, yan sinahasa, cinoloṅ, manunvani pari riṅ śavah, həlyanana mañcaguṇa || kunəṅ yan sadyanunva- ⟨MS: 32r⟩ [32r1]ni, hatəhər sahacihna, yogya pati haneriṅ manunvani, mvaṅ sthanāda, riṅ maṅkana daṇḍa, 40000, yan viyaṅ milvaṅ patyanana, jarahən || daṇḍaniṅ haṅrug pahatan, manunva- [32r2]ni kunaṅ, 8000 || yan mavvah, 6000,, mabiluluk, 20000,, rara, 1000,, hannotatakan, 8000,, kade, 6000 || haskar, 3000 || tuṅgak, vdus, 20- [32r3]00 || yapvan təlu pat, maṅlyanana riṅ madravya, dviguṇottama || katutunvanaṅala didamen, yan saroh, sadpa, ku, bu, sapcal, 40, lalaṅ harita-ritan, ku [32r4], bu, priṅ sadapūr, ku, 1, sakubon, mās, 4,, turusaluru-sasuruh, ku, ṅa, turus kevala, ku, 1,, vvaṅṅ arəmpak pakaraṅan, saprakaraniṅ haṅrug, haṅgəpok i ⟨MS: 32v⟩ [32v1] giliṅan, halvadi, daṇḍa, 5000,, haṅrusāk dahuhan, kalilavaṅ ku[SHnaṅ, daṇḍa, 5000,, vvaṅ hamraṅ pagər sakeṅ durvivekanya, daṇḍa, 5000 || yan sinadyanya pinet, daṇḍa [32v2], 10000 || yan sakeṅ havamānanya, daṇḍa, 20000 || yan sakeṅ kroḍanya, daṇḍa, 40000,, yan rahinā || yan vṅi kalane, patyanana || 0 || hana vvaṅ hanunvani pagər iṅ śavah, riṅ ku- [32v3]bvan, daṇḍa, 110, riṅ pamaḍəm iṅ hapuy, 240,, 0 ,, muvah hanunvani humah, bale, saṅgar, həlenanā dviguṇā, riṅ madr̥ve, samulyaniṅ umah, saṅgar, bale, catūrraguṇākna, [32v4] riṅ paḍəm apuy || 0 || muvah hikaṅ tumadah kārya hajī, sakalviraniṅ sajña hajī, maṅutus pva ya vvaṅ vaneh, lumakvānaṅ rājakārya, yan vvantən kaluputthan hikaṅ hinutus, maṅlu- ⟨MS: 33r⟩ [33r1]patakən kārya hajī, hikaṅ hakoñ jugā tampuhaniṅ doṣa hajī, yeka gumave daṅan, riṅ habot, ṅa || 0 || mvah hana vvaṅ paḍa kinahanan, gləṅ, hana ya tumbakən vuvus maṅkā- [33r2]na, nda kroḍa salah siki, tumbakən samananya, sabdaparuṣya, tuvi, yeka milva doṣanana, ikaṅ vvaṅ rodrakaraṇa, maṅlandəpi pucukiṅ rvi ṅaranya || 0 || muvah hana vvaṅ maṅulahakə- [33r3]n āṣṭa duṣṭa, aṣṭa corah, muṅguh riṅ deṣa len, tan katbəṅana deniṅ tuhanya riṅ sthanada, sthananye sḍəṅanya ṅulahakən āṣṭa duṣṭa, aṣṭa corah, hikākna riṅ doṣa sthanada, [33r4] 2000,, hana ta tuvi lamun sah sakiṅ həmbananya, hatəhər tinilarakən, deniṅ voṅ atuhanya, vvaṅṅ atuhanya tan kadaṇḍaha, vvaṅ lyana tuvi matra tan roro vaṅ, cā- ⟨MS: 33v⟩ [33v1]mpuhən sḍəṅnya vicara, hika tan kna sumiṅgaha, mvah kaṅ añampuh maṅkana rehiṅ vicara riṅ daha, riṅ maja pahīt || rehiṅ kārya riṅ daha kaṅ kalampah, riṅ maja pahīt, tan agya ma- [33v2]ṅahirana, tan agya navenana, tan agya ñjarahana, lamun karya duruṅ rinasan deniṅ voṅ atuhvanya, deniṅ haṅucap kārya, yan ana vvaṅṅ avicara, haruhur huṅgvanya, hāmlam sakiṅ [33v3] ruhurnya riṅ pākṣa, duruṅ rinasan deniṅ paṅucap kārya, sahasā haṅandəgana venana, haṅiranana, hañjarah kunəṅ, dinoṣan sakiṅ daləm, 20000, uttamasahasa pu- [33v4]rugnya || yatna doṣa, tibana pacoke, 6666 || savuvusnya sok, daṇḍā ri ḍaləm, rinasaṅga dene, deniṅ haṅucap kārya, prasiddha hamnaṅ vicarane || muvah paṅa- ⟨MS: 34r⟩ [34r1]jiniṅ voṅ pinatya nirdoṣa, vuvus pinatəh deniṅ saṅ mantrī, makādi rakryanāpatih riṅ maja pahīt, voṅṅira saṅ ratu, śavakraya, 80000 || voṅṅiṅ saṅ māntrī maja pahīt, savakra- [34r2]ya, 400000 || voṅiṅ paṅlima, savakraya, 20000 || kavulaniṅ kavula, savakraya, 8000 || 0 || daṇḍa valat, karusuhan, reka mariṅ daləm, kaṅ vinalat kevala hulih-u- [34r3]lihan haməpəs, ika ta yan vaṅ || yan paśu, yan dravya, pomah-omah || daṇḍaniṅ vakparuṣya, aṣṭacapala, mariṅ saṅ pinaruṣyan || mvah dravyaniṅ para mañca riṅ piṅgir, yan kavula, yan pa- [34r4]śu, sakalviranya, yañ cinoloṅ sinahasā, pinetnya nirdoṣa, muliha mañcaguṇa, riṅ sahəbniṅ variṅin, lurah ta həṅgoniṅ hamañca, hulih-uliha mañcaguṇa, yan sahos lu- ⟨MS: 34v⟩ [34v1]rah həṅgone hilaṅ, ṅgone sinahasā, muliha məpəs,, kunəṅ saṅ aliṅgih riṅ maja pahīt, kaṅ mantrī, riṅ sayavadvipa, hamañcaguṇa, yan vvaṅ, paśu, dravya, yan sinahasā cino⌈- [34v2]loṅ, pinatyan, maṅkanā rehiṅ kārya || 0 || mvah sakalviraniṅ doṣ, yatnā ⌈doṣa, tibā tiga || doṣaniṅ hamateni voṅ, yatna doṣa tuvi, viniḍi hasrah aməpəs || hana vvaṅ [34v3] mati sinudukiṅ voṅ, sakalviraniṅ, mvah pasu kala ratri, riṅ bañjar, riṅ deṣa, riṅ kubon, riṅ harəpiṅ lavaṅ, tuhu kasamaran, patinya, kaṅ ad̥ve bañjar, kori, kubon, ika ta [34v4] kabeh kaṅ kagaraṅana cor patatakonan, yen vruh maṅruṅu kaṅṅ ama⌈teni, tan pavarah ayatakəna riṅ cor, cor sakiṅ ḍaləm, yan kna devagama doṣanana kaṅ dr̥ve lavaṅ, ⟨MS: 35r⟩ [35r1]bañjar, kubon, ṅgone māti || linokikan tiban-tibān, deniṅ duṣṭā, yan tan lokikanana maṅkana, agampaṅ voṅ yan gavenən doṣane || cinoloṅ deniṅ duṣṭa,, mvah yan ana [35r2] voṅ haṅupahakən voṅ, vuvus aveh pahajī, hikā ta haṅalap upah, mundur malika vr̥tta riṅ kaṅ kinon patyanana, ika ta paḍa daṇḍanya, kaṅ kinon lavan kaṅ akon, hamatyanana [35r3], 20000 || muvah hana vvaṅ hamatyani voṅ, den-siṅiddhākən, tuhu kasamaran tan ana vruh || mvah hana vvaṅ, hamatyani vvaṅ nirdoṣa, kalara hinam akveh voṅ vruh, dadi malayu kaṅ amateni [35r4], hapara raṣan, yan kapaṅgiha denikaṅ madr̥ve vvaṅ pinatyan,, muvah kaḍaṅ-varganiṅ mati, vənaṅ micaraha, ya doṣaniṅ amatyani vvaṅ nirdoṣa || 0 || muvah daṇḍaniṅ anumpuṅ, aṅgoro ⟨MS: 35v⟩ [35v1] bogi, hañjarah nirdoṣa, 20000, daṇḍaniṅ voṅ riṅ tuṅgal-tuṅgal, lamun vvaṅ akveh kaṅ añjarahi, hanumpuṅ, hañgoro bogi, paḍa mañjiṅ iṅ humah, sakati lima vkas iṅ daṇḍa, mās roṅ pulu- [35v2]h tahil, hiṅajen nəm evu samās, riṅ satahil, piṇḍa, 160000 || ajiniṅ mās alave tahil || daṇḍa sakiṅ hagamā, 50000,, 20000 || duk patih riṅ maja pahit sira tuhvan kana- [35v3]kā, alabhani ro vlasanirā kaṅ avot kārya, tanaṅ lvaṅi riṅ ḍaləm,, kaṅ ūttama daṇḍa muñcak, 4000,, maḍyamadaṇḍa sahasā muñcak, 2000,, pratamasahasā muñcuk, 1000 || [35v4] iti sitthasitthaniṅ maṅraṣani kārya riṅ maja pahīt || mvah daṇḍaniṅ maṅrusāk savah, vvaṅṅ ababantən riṅ kabuyutan, riṅ lyan, riṅ bhūminiṅ lyan, tan avr̥tta riṅ kaṅ abhūmi, vvaṅṅ agave setra, pi- ⟨MS: 36r⟩ [36r1]ṇḍa, 8000 || mvah vvaṅṅ asamaya campuh vicarā, tan amḍa liṅ pasamaya, 8000 || vvaṅ maṅinakārya, daṇḍa, 8000 || mvah vvaṅṅ avicarā, hamantuk pəməgatan, daṇḍa, 8000 || mvah vvaṅ año- [36r2]loṅ mr̥gga, miṇa, riṅ laraṅan, jabā, daṇḍa, 8000 || mr̥gga mulihan dviguṇā,, 0,, kunaṅ laraṅan ḍaləm, daṇḍa, 20000 || kaṅ cinoloṅ mantuka mañcaguṇa || rəganiṅ mahāmr̥gga, yan iṅ la- [36r3]raṅan, lvirnya, moṅ, varak, barvāṅ, tiṅgaluṅ, 8000 || baṇṭeṅ, mañjaṅan, vadak, 4000 || vijuṅ, 1000 || kidaṅ, 4000 || 0 || salviraniṅ burvān alit, paṅr̥ga, 200 || maṅtā- [36r4]na mulyaniṅ raja laraṅan,, mvah laraṅan yavi, upalakṣaṇākna sapaṅājiniṅ laraṅan ḍaləm, pilihən rəganya // 0 // nihan ta ṅaraniṅ devagamā, hampon-hampon, riṅ ⟨MS: 36v⟩ [36v1] savahunika tahapakən, yan kna taṅ kacoran, hampo tan kolu, jāṅgət riṅ huntu gugus i hilat, laklakan, maləkekmutah, kapisələk, vahin, sgu, maṅob ma- [36v2]raṅpaṅ, hariṅət, kumlə sārvvasāndiny āvakənya, muri riṅ vulu romanya, kasanduṅ maṅrah, kasuririṅ, tiba, salah ton, suṅkanārip, muvah hampo runtuh sakiṅ tutuknya, sumambur tika baba- [36v3]n, mvaṅ kapəyəh, kapitahi, maṅkana təṅraniṅ saṅ vahunika titipañ cor,, kunəṅ təṅraniṅ sajroniṅ dinarātri, kasahuteniṅ sārvvasatva pipilikadi, atukar, adadak griṅ, kahilaṅ-ila- [36v4]ṅan sakalviranya, kamaliṅan, dalən, karəbahanya salviranya, nahan hadinya, kapasukan mr̥gga, kukuvuṅ, kapasukan amuk, kondaṅ, katujah, kasiṅhat, kasāmbər, kadmak, ka- ⟨MS: 37r⟩ [37r1]ləbu, kahili, kapaṅavin, sakalviranya mamaṅgih jatighata makādi pati , mamaṅgih sapamighnāni sarvva laṇḍəp-laṇḍəp, kajar abayadi, kaśatrābhayadi, maṅkana təṅraniṅ kna, [37r2] riṅ sajroniṅ parimāna, tiṅkahniṅ hañori, kəkərabi den agəmit, kampuh romanya, akəkəma, susuti den asat, hampo satahapan, cələm humbul-umbul pisan, dadi [37r3] kipaṅ kahapan, pintigaṅ ləbvakən humbul-umbul, tiṅkah hikaṅ kacoran riṅ vṅinipun, sadinsadinā, tan suṅana sanak, mvaṅ bāryanipun, maparəka, tan kasuṅan asapani ska [37r4]rā, skul hulam, kakinaṅan, sājə:ṅ, riṅ saheñjiṅ kacorṇa, hayo riṅ avan || 0 || ⟨MS: 37v⟩