svasti mānagr̥hād aparimita-guṇa-sampal-licchavi-kulānanda-karo bhaṭṭāraka-mahārāja-śrī-śivadevaḥ kuśalī kurppāsī-grāma-nivāsinaḥ pradhāna-purassarān kuṭumbinaḥ kuśalam abhidhāya samājñāpayati viditam astu vo yathānena sva-guṇa-maṇi-mayūkhāloka- dhvastājñāna-timireṇa bhagavad-bhavapāda-paṅkaja-praṇāmānuṣṭhāna-tātparyyopāttāyati-hita-śreyasā sva-bhuja-yuga-balotkhātākhila-vairi-varggeṇa śrīmahāsāmantāṁśuvarmmaṇā māṁ vijñapya mad-anujñātena satā yuṣmākam sarvvādhikaraṇāpraveśena prasādaḥ kr̥taḥ samupasthita-vicāraṇīya-kāryyeṣu sva-tala-svāminaiva yūyaṁ vicāraṇīyāh sarvva-kāryyeṣu caikam eva vo dvāraṁ dvārodghāṭana-kailāsa- kūṭa-yātrayoś ca bhavadbhiḥ pratyekam pañcāśaj jāti-śukla-mr̥ttikā deyāś cira-sthitaye cāsya prasādasya śilāpaṭṭakena prasādaḥ kr̥tas tad evaṁ-vedibhir asmat-pāda-prasādopajīvibhir anyair vvā nāyaṁ prasādo ’nyathā karaṇīyo yas tv etām ājñām utkramyānyathā kuryyāt kārayed vā tam ahaṁ maryyādā-bhaṅga-kāriṇam atitarān na marṣayiṣyāmi bhāvibhir api bhūpatībhir ddharmma-gurubhir gguru-kr̥ta-prasādānuvarttibhir iyam ājñā samyag anupālanīyeti samājñāpanā|| dūtakaś cātra deśavarmmagomī saṁvaT 500 20 caitra-kr̥ṣṇa-pakṣe tithau pañcamyāM

70-81; 41-42; 274-281; 64-65; 38-39.

Originally encoded for Siddham in the project Beyond Boundaries (Grant Agreement No. 609823) by Dániel Balogh (IN02037). Encoding updated to DHARMA conventions by Dániel Balogh.