jayati bhagavāñ jinendro guṇa-rundraḫ prathita-parama-kāruṇikaḥ trailokyāśvāsa-karī dayā-patākocchritā yasya|| svāmi-mahāsena-mātr̥-gaṇānudhddhyātānāṁ mānavya-sagotrāṇāṁ hāritī-putrāṇāṁ pratikr̥ta-svādhddhyāya-carccā-pāragāṇāM sva-kr̥ta-puṇya-phalopabhoktr̥̄ṇāṁM sva-bāhu-vīryyopārjjitaiśvaryya-bhoga-bhāginaM sad-dharmma-sad-ambānāṁ kadambānāM|| kākutsthavarmma-nr̥pa-labdha-mahā-prasādaṁḥ saṁbhaktavāñ chruta-nidhiś śruta-kīrtti-bhojaḥ grāmaṁ purā nr̥ṣu varaḫ puru-puṇya-bhāgī kheṭāhvakaṁ yajana-dāna-dayopapannaḥ|| tasmin svaryyāte śāntivarmmāvanīśaḥ mātre dharmmārtthaṁ dattavān dāmakīrtteḥ bhūmau vikhyātas tat-sutaś śrī-mr̥geśaḥ pitrānujñātaṁ dhārmmiko dānameva|| śrī-dāmakīrtter uru-puṇya-kīrtteḥ sad-dharmma-mārgga-sthita-śuddha-buddheḥ jyāyān suto dharmma-paro yaśasvī viśuddha-buddhy-āaṅga-yuto guṇādyaḥ|| Ācāryyair bandhuṣeṇāhvaiḥ nimitta-jñāna-pāragaiḥ sthāpito bhuvi yad vaṁśaḥ śrī-kīrtti- kula-vr̥ddhaye. tat-prasādena labdha-śrīḥ dāna-pūjā-kriyodyataḥ guru- bhakto vinītātmā parātma-hita-kāmyayā|| jayakīrtti-pratīhāraḫ prasādān nr̥pate raveḥ puṇyārtthaṁ sva-pitur mmātre dattavān purukheṭakaṁ|| jinendra-mahimā kāryyā pratisaṁvatsaraṁ kramāT Aṣṭāha-kr̥ta-maryyādā kārttikyān tad-dhanāgamāT|| vārṣikāṁś caturo māsāN yāpanīyās tapasvinaḥ bhuñjīraṁs tu yathā-nyāyyaM mahimā-śeṣa-vastukaM. kumāradatta-pramukhā hi sūrayaḥ Aneka-śāstrāgama-khinna-buddhayaḥ jagaty atītās su-tapodhanānvitāḥ gaṇo ’sya teṣāṁ bhavati pramāṇataḥ|| dharmepsubhir jjāna-padais sanāgaraiḥ jinendra-pūjā satataṁ praṇeyā Iti sthitiṁ sthāpitavān ravīśaḥ palāśikāyāṁ nagare viśāle|| sthityānayā pūrvva-nr̥pānujuṣṭayā yat tāmra-patreṣu nibaddham ādau dharmmāpramattena nr̥peṇa rakṣyaṁ saṁsārā-doṣaṁ pravicāryya buddhyā

yasmiñ jineṁndra-pūjā pravarttate tatra tatra deśa-parivr̥ddhiḥ nagarāṇāṁ nirbhayatā tad-deśa-svāmināñ corjjā|| namo namaḥ