Aphsad Inscription of Ādityasena Aphsad Stone Inscription of Ādityasena Dániel Balogh European Research Council (ERC), grant agreement no 809994 DHARMA Berlin DHARMA_INSSiddham00209.xml CC BY-SA 4.0 2019-2026 DHARMAbase

Encoded in TEI/EpiDoc according to the DHARMA Encoding Guide for Documentary Editions, version 2

Additional global changes for compatibility with DHARMA Updating toward the encoding template v03 Initial import: harmonising file structure with DHARMA inscription template v02. Text and comments as inherited from the Siddham archive of January 2019, unless otherwise indicated (by a name and date in the comment). Comments are offered "as is" and do not represent a thoroughly considered or researched opinion.
* āsīd danti-sahasra-gāḍha-kaṭako vidyādharādhyāsitaḥ sad-vaṁśaḥ sthira Unnato girir iva śrī-kr̥ṣṇagupto nr̥paḥ| dr̥ptārāti-madāndha-vāraṇa-ghaṭā-kumbha-sthalīḥ kṣundatā yasyāsaṁkhya-ripu-pratāpa-jayinā doṣṇā mr̥gendrāyitaṁ|| sakalaḥ kalaṅka-rahitaḥ kṣata-timiras toyadheḥ śaśāṅka Iva| tasmād udapādi suto devaḥ śrī-harṣagupta Iti|| yo yogyā-kāla-helāvanata-dr̥ḍha-dhanur-bhīma-vāṇaugha-pātī mūrttaiḥ sva-svāmi-lakṣmī-vasati-vimukhitair īkṣitaḥ sāsrupātaṁ| ghorāṇām āhavānāṁ likhitam iva jayaṁ ślāghyam āvirddadhāno vakṣasy uddāma-śastra-vraṇa-kaṭhina-kiṇa-granthi-lekhā-cchalena|| śrī-jīvitagupto bhūt kṣitīśa-cūḍāmaṇiḥ sutas tasya| yo dr̥pta-vairi-nārī-mukha-nalina-vanaika-śeśeśiśira-karaḥ|| muktāmukta-payaḥ-pravāha-śiśirāsūttuṅga-tālīvana -bhrāmyad-danti-karāvalūna-kadalī-kāṇḍāsu velāsv api | ścyotat-sphāra-tuṣāra-nirjhara-payaḥ-śīte pi śaile sthitān yasyoccair dviṣato mumoca na mahā-ghoraḥ pratāpa-jvaraḥ|| yasyātimānuṣaṁ karmma dr̥śyate vismayāj janaughena| Adyāpi kośa-varddhana-taṭāt plutaṁ pavana-jasyeva|| prakhyāta-śaktim ājiṣu puraḥ-saraṁ śrī-kumāraguptam iti| Ajanayad ekaṁ sa nr̥po hara Iva śikhi-vāhanaṁ tanayaṁ|| utsarppad-vāta-helā-calita-kadalikā-vīci-mālā-vitānaḥ prodyad-dhūlī-jalaugha-bhramita-guru-mahā-matta-mātaṁga-śailaḥ| bhīmaḥ śrīśānavarmma-kṣitipati-śaśinaḥ sainya-dugdhoda-sindhur llakṣmī-saṁprāpti-hetuḥ sapadi vimathito mandarī-bhūya yena|| śaurya-satya-vrata-dharo yaḥ prayāga-gato dhane ambhasīva karīṣāgnau magnaḥ sa puṣpa-pūjitaḥ|| śrī-dāmodaragupto bhūt tanayas tasya bhūpateḥ| yena dāmodareṇeva daityā Iva hatā dviṣaḥ|| yo maukhareḥ samitiṣūddhata-hūṇa-sainyā valgad-ghaṭā vighaṭayann uru-vāraṇānāṁ| saṁmūrcchitaḥ sura-vadhuūr varayaṁn mam eti tat-pāṇipaṅkaja-sukha-sparśād vivuddhaḥ|| guṇavad-dvija-kanyānāṁ nān-ālaṁkāra-yauvanavatīnāṁ| pariṇāyitavān sa nr̥paḥ śataṁ nisr̥ṣṭ-āgrahārāṇāṁ|| śrī-mahāsenagupto bhūt tasmād vīrāgraṇīḥ sutaḥ| sarvva-vīra-samājeṣu lebhe yo dhuri vīratāṁ|| śrīmat-susthitavarmma-yuddha-vijaya-ślāghā-padāṅkaṁ muhur yasyādyāpi vivuddha-kunda-kumuda-kṣuṇṇ-āccha-hārataṁ| lohityasya taṭeṣu śītala-taleṣūtphulla-nāgadruma -cchāyā-supta-vivuddha-siddha-mithunaiḥ sphītaṁ yaśo gīyate|| vasudevād iva tasmāc chrī-sevana-śobhodita-caraṇa-yugaḥ| śrī-mādhava-gupto bhūn mādhava Iva vikramaika-rasaḥ|| anusmr̥to dhuri raṇe ślāghāvatām agraṇīḥ soaujanyasya nidhānam artha-nidhacaya-tyāg-oddhurāṇāṁ dharaḥ| lakṣmī-satya-sarasvatī-kulagr̥haṁ dharmasya setur dr̥ḍhaḥ pūjyo nāsti sa bhūtale l sad-guṇaiḥ|| cakraṁ pāṇi-talena so py udavahat tasyāpi śārṅgaṁ dhanur nāśāyāsuhr̥dāṁ sukhāya suhr̥dām tasyāpy asir nandakaḥ| prāpte vidviṣatāṁ vadhe pratihataṁ tenāpi ḍharimanyāḥ praṇemur jjanāḥ|| ājau mayā vinihatā valino dviṣantaḥ kr̥tyaṁ na me sty aparam ity avadhārya vīraḥ| śrī-harṣadeva-nija-saṁgama-vāñchayā ca || śrīmān vabhūva dalitāri-karīndra-kumbha -muktā-rajaḥ-paṭala-pāṁsula-maṇḍalāgraḥ| Adityasena Iti tat-tanayaḥ kṣitīśa -cūḍāmaṇir dda|| m āgatam ari-dhvaṁsottham āptaṁ yaśaḥ ślāghyaṁ sarvva-dhanuṣmatāṁ pura Iti ślāghāṁ parāṁ vibhratī| Aśīrvvāda-paraṁparā cira-sakr̥d yāmāsama|| ājau sveda-cchalena dhvaja-paṭa-śikhayā mārjjato dāna-paṅkaṁ khaḍgaṁ kṣuṇṇena muktā-śakala-sikatilīkr̥tya matta-mātaṁga-ghātaṁ tad-gandhākr̥ṣṭa-sarppad-vahala-parimala-bhrātnta-mattāli-jālaṁ|| āvaddha-bhīma-vikaṭa-bhrukuṭī-kaṭhora -saṁgrāma| va-vallabha-bhr̥tya-vargga -goṣṭhīṣu peśalatayā parihāsa-śīlaḥ|| satya-bhattr̥-vratā yasya mukhopadhāna-tāpasī| parihās || jñaḥ sakala-ripu-vala-dhvaṁsa-hetur ggarīyān nistriṁśotkhāta-ghāta-śrama-janita-jaḍo py ūrjjita-sva-pratāpaḥ| yuddhe matt-ebha-kumbha-sthala śvetātapattra-sthagita-vasumatī-maṇḍalo loka-pālaḥ|| ājau matta-gajendra-kumbha-dalana-sphīta-sphurad-dor-yugo dhvastāneka-ripu-prabhāva-v yaśo-maṇḍalaḥ| nyastāśeśa-narendra-mauli-caraṇa-sphāra-pratāpānalo lakṣmīvān samarābhimāna-vimala-prakhyāta-kīrttir nr̥paḥ|| yen eyaṁ śarad-indu-vimva-dhavalā prakhyāta-bhūmaṇḍalā lakṣmī-saṁgama-kāṁkṣayā su-mahatī kīrttiś ciraṁ kopitā| yātā sāgara-pāram adbhutatamā sāpatnya-vairād aho ten edaṁ bhavanottamaṁ kṣiti-bhujā viṣṇoḥ kr̥te kāritaṁ|| taj-jananyā mahādevyā śrīmatyā kārito maṭhaḥ| dhārmikebhyaḥ svayaṁ dattaḥ sura-loka-gr̥hopamaḥ|| śaṁkhendu-sphaṭika-prabhā-pratisama-sphāra-sphurac-chīkaraṁ nakra-krānti-calat-taraṅga-vilasat-pakṣi-pranr̥tyat-timi| rājñyā khānitam adbhutaṁ su-tapasā pepīyamānaṁ janais tasyaiva priya-bhāryayā narapateḥ śrī-koṇadevyā saraḥ|| yāvac candra-kalā harasya śirasi śrīḥ śārṅgino vakṣasi vrahmāsye ca sarasvatī kr̥ta-| bhoge bhūr bhujagādhipasya ca taḍid yāvad ghanasyodare tāvat kīrttim ihātanoti dhavalām ādityaseno nr̥paḥ|| sūkṣmaśivena gauḍena praśastir vvikaṭākṣarā|| māmitā samyag dhārmmikeṇa sudhīmatā||

First reported in xxxviii-xxxix, reprinted in 40. (There may be an earlier report by Kittoe but this has not been traced.) Transcript (as produced by Kittoe) and translation in 272-277. Correction by Cunningham in 11 and by Bhagwanlal Indraji in 79. Discussion and details of the object’s modern history in , particularly p149 and n91.

Originally encoded for Siddham in the project Beyond Boundaries (Grant Agreement No. 609823) by Dániel Balogh (IN00209). Encoding updated to DHARMA conventions by Dániel Balogh.

42 1552 I9 II.2