Risthal Inscription of Prakāśadharman Dániel Balogh European Research Council (ERC), grant agreement no 809994 DHARMA Berlin DHARMA_INSSiddham00098.xml CC BY-SA 4.0 2019-2026 DHARMAbase

Encoded in TEI/EpiDoc according to the DHARMA Encoding Guide for Documentary Editions, version 2

Additional global changes for compatibility with DHARMA Updating toward the encoding template v03 Initial import: harmonising file structure with DHARMA inscription template v02. Text and comments as inherited from the Siddham archive of January 2019, unless otherwise indicated (by a name and date in the comment). Comments are offered "as is" and do not represent a thoroughly considered or researched opinion.
vāmena sandhyā-praṇipāta-kopa -prasaṅginārddhena vighaṭṭyamānaM pinākinaś śānti-vidheyam arddhaṁ vāmetaraṁ vaś śivam ādadhātu|| raṇeṣu bhūyassu bhuvo mahimne bibhartti yaḥ kārmukam ātata-jyaM jayaty asau svasya kulasya ketur llalāma rājñāṁ bhagavat-prakāśaḥ|| bhuvana-sthiti-dhāma-dharmma-setus sakalasyaulikarānvayasya lakṣma| drapavarddhana Ity abhūt prabhāva -kṣapitārāti-balonnatir nnarendraḥ|| śirasīva pinākinas tuṣāra -sruti-śītāmala-dīdhitiś śasāṅkaḥ nija-vaṅśa-lalāmni yattra senā -pati-śabdaḥ spr̥haṇīyatāṁ jagāma|| sunayāvalambana-dr̥ḍhīkr̥tayā bala-sampadā prathitayā bhujayoḥ| Udapādi tena hr̥ta-śattru-jayo jayavarddhana-kṣitipatis tanayaḥ bahalena yasya sakalaṁ paritaḥ parivr̥ṇvatā jalamuceva viyaT bala-reṇunā karabha-kaṇṭha-rucā sthagitā babhur nna kiraṇās savituḥ|| kirīṭa-ratna-skhalitārkka-dīptiṣu pratiṣṭhitājñaḥ pratirāja-mūrddhasu| balena tasyājita-pauruṣaḥ parair bbabhūva rājājitavarddhanas sutaḥ|| makheṣu somāsava-pāna-lālase samāgate yasya muhur ddivas-patau| tatāma hastāgra-niveśitānanā viyoga-cintākula-mānasā śacī|| śruta-vivikta-manāḥ sthitimān balī sphuṭa-yaśaḥ-kusumodgama-pādapaḥ| jagati tasya sutaḥ prathito guṇaiḥ kula-lalāma vibhīṣaṇavarddhaṇaḥ|| sad-udayaiḥ pravikāsibhir ujjvalair avihata-prasaraiḥ śubha-rohibhiḥ| su-caritaiḥ kiraṇair iva bhānumān kṣata-tamāṅsi jaganti cakāra yaḥ|| bhuvana-sthiti-goptr̥bhir nnr̥pair dhuram ādyair vvidhr̥tāṁ babhāra yaḥ| sva-kulocita-rājya-varddhanas tanayas tasya sa rājyavarddhanaḥ|| vilalāpa mumoha vivyathe viniśaśvāsa visaṁjñatāṁ yayau| Upatapta-manā baloṣmaṇā dviṣatāṁ yasya vilāsinī-janaḥ|| kṣitipati-tilakasya tasya bāhu -draviṇa-nipīta-samagra-śatru-dīptiḥ| sucarita-ghaṭita-prakāśa-dharmmā nr̥pati-lalāma sutaḥ prakāśadharmmā|| Amalina-yaśasāṁ prabhāva-dhāmnāṁ sakala-jagan-mahanīya-pauruṣāṇāM Avitatha-janatānurāga-bhājāṁ sthiti-padavīm anuyāti yo gurūṇāM|| yaḥ svānvaya-krama-paramparayopayātām āropitāṁ guṇa-rasāpahr̥tena pittrā lokopakāra-vidhaye na sukhodayāya rāja-śriyaṁ śubha-phalodayinīṁ bibhartti|| Ā toramāṇa-nr̥pater nr̥pa-mauli-ratna -jyotsnā-pratāna-śabalīkr̥ta-pāda-pīṭhāMT hūṇādhipasya bhuvi yena gataḥ pratiṣṭhāṁ nīto yudhā vitathatām adhirāja-śabdaḥ|| saṁgrāma-mūrddhani vipāṭha-nipātitānāṁ tasyaiva yena mada-vāri-mucāṁ gajānāM Āyāmi-danta-ghaṭitāni taponidhibhyo bhadrāsanāni rucimanti niveditāni|| tasyaiva cāhava-mukhe tarasā jitasya yenāvarodhana-vara-pramadāḥ pramathya| loka-prakāśa-bhuja-vikrama-cihna-hetor vviśrāṇitā bhagavate vr̥ṣabhadhvajāya|| rājñe pitāmaha-vibhīṣaṇavarddhanāya ślāghyānubhāva-guru-puṇya-phalaṁ nivedya| vistāri bindu-sarasaḥ pratibimba-bhūtam etad vibhīṣaṇa-saras samakhāni tena|| Etac ca nr̥tta-rabhasa-skhalitendu-lekhā -vāntāṅśu-vicchurita-mecaka-kaṇṭha-bhāsaḥ| sthāṇos samagra-bhuvana-ttraya-sr̥ṣṭi-hetoḥ prāleya-śaila-taṭa-kalpam akāri sadma|| sa-dvy-abda-saptati-samā-samudāyavatsu pūrṇṇeṣu pañcasu śateṣu vivatsarāṇāM grīṣme ’rkka-tāpa-mr̥dita-pramadā-sanātha -dhārā-gr̥hodara-vijr̥mbhita-puṣpaketau|| lakṣma bhārata-varṣasya nideśāt tasya bhū-kṣitaḥ| Akārayad daśapure prakāśeśvara-sadma yaḥ|| tasyaiva ca purasyāntar brahmaṇaś cāru mandiraM Unmāpayad iva vyoma śikharair gghana-rodhibhiḥ|| Āśrayāya yatīnāñ ca sāṅkhya-yogābhiyogināM vyadhatta kr̥ṣṇāvasathaṁ bujjukāvasathañ ca yaḥ|| sabhā-kūpa-maṭhārāmān sadmāni ca divaukasāM yo ’nyāṁś cānyāya-vimukho deya-dharmmān acīkaraT|| tenaiva nr̥pates tasya pūrvvajāmātya-sūnunā| rājasthānīya-bhagavad -doṣeṇādoṣa-saṅginā|| Etaj jala-nidhi-hrepi viśālaṁ khānitaṁ saraḥ| Idañ ca jaladollekhi śūlinas sadma kāritaM|| kisalaya-parivarttī vīrudhāṁ vāti yāvat surabhi-kusuma-gandhāmoda-vāhī nabhasvāN sara Idam abhirāmaṁ sadma śambhoś ca tāvad vihata-durita-mārgge kīrtti-vistāriṇī stāM|| Iti tuṣṭūṣayā tasya nr̥pateḥ puṇya-karmmaṇaḥ vāsulenoparacitā pūrvveyaṁ kakka-sūnunā||

First reported and edited (with rubbing) in . Re-edited (with a different rubbing) in (also printed as 27-41). Also edited, probably independently, in . Discussed (with yet another rubbing) in . Re-edited (with a plate that seems to be an edited version of Mirashi’s rubbing) in . Summarised in 30 (No. 19). Further discussion: , 91-94, .

Originally encoded for Siddham in the project Beyond Boundaries (Grant Agreement No. 609823) by Dániel Balogh (IN00098). Encoding updated to DHARMA conventions by Dániel Balogh.

363-365