# Risthal Inscription of Prakāśadharman

Dániel Balogh

Author of digital edition: Dániel Balogh

Identifier: DHARMA_INSSiddham00098

Repository: SIDDHAM (siddham)

File path: XML-Provisional/DHARMA_INSSiddham00098.xml

Language: Sanskrit [Southern Brāhmī (unspecified)]

Commit: 2026-09-16 10:40 (3083d2d), last modified 2026-09-16 09:24
(c200993)

------------------------------------------------------------------------

## Edition

1. Upajāti

⟨1⟩ vāmena sandhyā-praṇipāta-kopa-
-prasaṅginārddhena vighaṭṭyamānaM
pinākinaś śānt(i?)-v[i](dh)[e](yam a)[r](d)dha[ṁ]
v[ā]m[e]tara[ṁ] vaś śivam ādadhātu||

2. Upajāti

raṇeṣu bhūyassu bhu(vo) mahimne
bibhartti ya(ḥ) ⟨2⟩ kārmukam ātata-jyaM
jayaty asau svasya kulasya ketur
lla(lā)ma rājñāṁ bhagavat-prakāśaḥ||

3. Mālabhāriṇī

bhuvana-sthiti-dhāma-dhar(mm)a-setus
sakalasyaulikarānvayasya lakṣma|
drapavarddhana Ity abhūt pra⟨3⟩bhāva-
-kṣapitārāti-balonnatir nnarendraḥ||

4. Mālabhāriṇī

śirasīva pinākinas tuṣāra-
-sruti-śītāmala-dīdhitiś śasāṅkaḥ
nija-va¿ṅ?śa-lalāmni yattra senā-
-pati-śabdaḥ spr̥haṇīyatāṁ jagāma||

5. Pramitākṣarā

sunayā(va)lambana⟨4⟩-dr̥ḍhīkr̥tayā
bala-sampadā prathitayā bhujayoḥ|
Udapādi tena hr̥ta-śattru-jayo
jayavarddhana-kṣitipatis tanayaḥ

6. Pramitākṣarā

bahalena yasya sakalaṁ paritaḥ
parivr̥ṇvatā jalamuceva viyaT
⟨5⟩ bala-reṇunā karabha-kaṇṭha-rucā
sthagitā babhur nna kiraṇās savituḥ||

7. Vaṁśastha

kirīṭa-ratna-skhalitārkka-dīptiṣu
pratiṣṭhitājñaḥ pratirāja-mūrddha(s)u|
balena tasyājita-pauruṣaḥ parair
bbabhūva ⟨6⟩ rājājitavarddhanas sutaḥ||

8. Vaṁśastha

makheṣu somāsava-pāna-lālase
samāgate yasya muhur ddivas-patau|
tatāma hastāgra-niveśitānanā
viyoga-cintākula-mānasā śacī||

9. Drutavilambita

śruta-vivikta-manāḥ ⟨7⟩ sthitimān balī
sphuṭa-yaśaḥ-kusumodgama-pādapaḥ|
jagati tasya sutaḥ prathito guṇaiḥ
kula-lalāma vibhīṣaṇavarddhaṇaḥ||

10. Drutavilambita

sad-udayaiḥ pravikāsibhir uj⟨j⟩valair
avihata-prasaraiḥ ⟨8⟩ śubha-rohibhiḥ|
su-caritaiḥ kiraṇair iva bhānumān
kṣata-tamā¿ṅ?si jaganti cakāra yaḥ||

11. Viyoginī

bhuvana-sthiti-goptr̥bhir nnr̥pair
dhuram ādyair vvidhr̥tāṁ babhāra yaḥ|
sva-kulocita-rājya-varddhanas
tanayas tasya ⟨9⟩ sa rājyavarddhanaḥ||

12. Viyoginī

vilalāpa mumoha vivyathe
viniśaśvāsa visaṁjñatāṁ yayau|
Upatapta-manā baloṣmaṇā
dviṣatāṁ yasya vilāsinī-janaḥ||

13. Puṣpitāgrā

kṣitipati-tilakasya tasya b(ā)hu-
-draviṇa⟨10⟩-nipīta-samagra-śatru-dīptiḥ|
sucarita-ghaṭita-prakāśa-dharmmā
nr̥pati-lalāma sutaḥ prakāśadharmmā||

14. Puṣpitāgrā

Amalina-yaśasāṁ prabhāva-dhāmnāṁ
sakala-jagan-mahanīya-pauruṣāṇāM
Avitatha-janatānurāga⟨11⟩-bhā(j)āṁ
sthiti-padavīm anuyāti yo gurūṇāM||

15. Vasantatilakā

yaḥ svānvaya-krama-paramparayopayātām
āropitāṁ guṇa-rasāpahr̥tena pittrā
lokopakāra-vidhaye na sukhodayāya
rāja-śriyaṁ ⟨12⟩ śu(bha-pha)lodayinīṁ bibhartti||

16. Vasantatilakā

Ā toramāṇa-nr̥pater nr̥pa-mauli-ratna-
-jyotsnā-pratāna-śabalīkr̥ta-pāda-pīṭhā⟦(M)⟧⟨⟨(T)⟩⟩
hūṇādhipasya bhuvi yena gataḥ pratiṣṭhāṁ
nīto yudhā vitathatām adhirāja-śabdaḥ||

17. Vasantatilakā

⟨13⟩ saṁgrāma-mūrddhani vipāṭha-nipātitānāṁ
tasyaiva yena mada-vāri-mucāṁ gajānāM
Āy[ā](m)i-danta-ghaṭitāni taponidhi(bh)y(o)
bhadrāsanāni rucimanti niveditāni||

18. Vasantatilakā

tasyaiva cāhava-mukhe tarasā ⟨14⟩ jitasya
yenāvarodhana-vara-pramadāḥ pramathya|
loka-prakāśa-bhuja-vikrama-cihna-hetor
vviśrāṇitā bhagavate vr̥ṣabhadhvajāya||

19. Vasantatilakā

rājñe pitāmaha-vibhīṣaṇavarddhanāya
ślāghyānubhāva-guru⟨15⟩-puṇya-phalaṁ nivedya(|)
vistāri bindu-sarasaḥ pratibimba-bhūtam
etad vibhīṣaṇa-saras samakhāni tena||

20. Vasantatilakā

Etac ca nr̥tta-rabhasa-skhalitendu-lekhā-
-vāntā¿ṅ?śu-vicchurita-mecaka-kaṇṭha-bhāsaḥ|
⟨16⟩ sthāṇos samagra-bhuvana-ttraya-sr̥ṣṭi-hetoḥ
prāleya-śaila-taṭa-(ka)lpam akāri sadma||

21. Vasantatilakā

sa-dvy-abda-saptati-samā-samudāyavatsu
pūrṇṇeṣu pañcasu śateṣu vivatsarāṇāM
⟨17⟩ grīṣme ⟨’⟩rkka-tāpa-mr̥dita-pramadā-sanātha-
-dhārā-gr̥hodara-vijr̥mbhita-puṣpaketau||

22. Anuṣṭubh

lakṣma bhārata-varṣasya
nideśāt tasya bhū-kṣitaḥ|
Akārayad daśapure
prakāśeśvara-sadma yaḥ||

23. Anuṣṭubh

⟨18⟩ tasyaiva ca purasyā(n)tar
brahmaṇaś cāru mandiraM
Unmāpayad iva vyoma
śikharair gghana-rodhibhiḥ||

24. Anuṣṭubh

Āśrayāya yatīnāñ ca
sāṅkhya-yogābhiyog(in)āM
vyadhatta kr̥ṣṇāvasathaṁ
bujjukāvasathañ ca yaḥ||

25. Anuṣṭubh

⟨19⟩ sabhā-kūpa-maṭhārāmān
sadmāni ca divaukasāM
yo ⟨’⟩nyāṁś cānyāya-vimukho
deya-dharmmān acīkaraT||

26. Anuṣṭubh

tenaiva nr̥pates tasya
pūrvvajāmātya-sūnunā|
rājasthānīya-bhagavad-
-doṣeṇādoṣa-saṅginā||

27. Anuṣṭubh

⟨20⟩ Etaj jala-nidhi-hrepi
viśālaṁ khānitaṁ saraḥ|
Idañ ca jaladollekhi
śūlinas sadma kāritaM||

28. Mālinī

kisalaya-parivarttī vīrudhāṁ vāti yāvat
surabhi-kusuma-gandhāmoda-vāhī nabhasvāN
⟨21⟩ sara I(dam a)bhirāmaṁ sadma śambhoś ca tāvad
vihata-durita-mārgge kīrtti-vistāriṇī stāM||

29. Anuṣṭubh

Iti tuṣṭūṣayā tasya nr̥pateḥ
puṇya-karmmaṇaḥ
vāsulenoparacitā
pūrvveyaṁ kakka-sūnunā||

## Bibliography

First reported and edited (with rubbing) in Ramesh & Tewari 1983.
Re-edited (with a different rubbing) in Mirashi 1984 (also printed as
Mirashi 1984, pp. 27–41). Also edited, probably independently, in Sircar
1984. Discussed (with yet another rubbing) in Agrawal 1990. Re-edited
(with a plate that seems to be an edited version of Mirashi’s rubbing)
in Salomon 1989. Summarised in Trivedi & Trivedi 2001, p. 30 (No. 19).
Further discussion: Sircar 1984, Agrawal 1986, pp. 91–94, Agrawal 1989.

Originally encoded for Siddham in the project Beyond Boundaries (Grant
Agreement No. 609823) by Dániel Balogh (2019, № IN00098). Encoding
updated to DHARMA conventions by Dániel Balogh.

### Secondary

Goyal, Śrīrām. 1993. गुप्तकालीन अभिलेख/Guptakālīna Abhilekha (Inscriptions
of the Gupta Age). Jodhpur: Kusumanjali Prakashan. Items 363-365.