Mandsaur Inscription of Nirdoṣa Mandasor Stone Inscription of Yaśodharman and Vishnuvardhana, Mandasor Inscription of V. S. 589 Dániel Balogh European Research Council (ERC), grant agreement no 809994 DHARMA Berlin DHARMA_INSSiddham00097.xml CC BY-SA 4.0 2019-2026 DHARMAbase

Encoded in TEI/EpiDoc according to the DHARMA Encoding Guide for Documentary Editions, version 2

Additional global changes for compatibility with DHARMA Updating toward the encoding template v03 Initial import: harmonising file structure with DHARMA inscription template v02. Text and comments as inherited from the Siddham archive of January 2019, unless otherwise indicated (by a name and date in the comment). Comments are offered "as is" and do not represent a thoroughly considered or researched opinion.

siddhaM

sa jayati jagatāṁ patiḥ pinākī smita-rava-gītiṣu yasya danta-kāntiḥ| dyutir iva taḍitāṁ niśi sphurantī tirayati ca sphuṭayaty adaś ca viśvaM|| svayambhūr bhūtānāṁ sthiti-laya-samutpatti-vidhiṣu prayukto yenājñāṁ vahati bhuvanānāṁ vidhr̥taye| pitr̥tvaṁ cānīto jagati garimāṇaṁ gamayatā sa śambhur bhūyānsi pratidiśatu bhadrāṇi bhavatāM|| phaṇa-maṇi-guru-bhārākkrānti-dūrāvanamraṁ sthagayati rucam indor mmaṇḍalaṁ yasya mūrdhnāM sa śirasi vinibadhnan randhriṇīm asthi-mālāṁ sr̥jatu bhava-sr̥jo vaḥ kleśa-bhaṅgaṁ bhujaṅgaḥ|| ṣaṣṭyā sahasraiḥ sagarātmajānāṁ khātaḥ kha-tulyāṁ rucam ādadhānaḥ| Asyodapānādhipateś cirāya yaśānsi pāyāt payasāṁ vidhātā|| Atha jayati janendraḥ śrī-yaśodharmma-nāmā pramada-vanam ivāntaḥ śattru-sainyaṁ vigāhya vraṇa-kisalaya-bhaṅgair yyo ’ṅga-bhūṣāṁ vidhatte taruṇa-taru-latāvad vīra-kīrttīr vvinaāmya|| ājau jitī vijayate jagatīm punaś ca śrī-viṣṇuvarddhana-narādhipatiḥ sa Eva| prakhyāta Aulikara-lāñchana Ātmavaṅśo yenoditodita-padaṁ gamito garīyaḥ|| prāco nr̥pān subr̥hataś ca bahūn udīcaḥ sāmnā yudhā ca vaśa-gān pravidhāya yena| nāmāparaṁ jagati kāntam ado durāpaṁ rājādhirāja-parameśvara Ity udūḍhaM|| snigdha-śyāmāmbudābhaiḥ sthagita-dinakr̥to yajvanām ājya-dhūmair ambho meghyaṁ maghonāvadhiṣu vidadhatā gāḍha-sampanna-sasyāḥ| saṁharṣād vāṇinīnāṁ kara-rabhasa-hr̥todyāna-cūtāṅkurāgrā rājanvanto ramante bhuja-vijita-bhuvā bhūrayo yena deśāḥ|| yasyotketubhir unmada-dvipa-kara-vyāviddha-lodhra-drumair uddhūtena vanādhvani dhvani-nadad-vindhyādri-randhrair bbalaiḥ bāleya-cchavi-dhūsareṇa rajasā mandāṅśu saṁlakṣyate paryyāvr̥tta-śikhaṇḍi-candraka Iva dhyāmaṁ raver mmaṇḍalaM|| tasya prabhor vvaṅśa-kr̥tāṁ nr̥pāṇāṁ pādāśrayād viśruta-puṇya-kīrttiḥ| bhr̥tyaḥ sva-naibhr̥tya-jitāri-ṣaṭka Āsīd vasīyān kila ṣaṣṭhidattaḥ|| himavata Iva gāṅgas tuṅga-namraḥ pravāhaḥ śaśabhr̥ta Iva revā-vāri-rāśiḥ prathīyāN param abhigamanīyaḥ śuddhimān anvavāyo yata Udita-garimṇas tāyate naigamānāM|| tasyānukūlaḥ kulajāt kalattrāt sutaḥ prasūto yaśasāṁ prasūtiḥ| harer ivāṅśaṁ vaśinaṁ varārhaṁ varāhadāsaṁ yam udāharanti|| sukr̥ti-viṣayi-tuṅgaṁ rūḍha-mūlaṁ dharāyāṁ sthitim apagata-bhaṅgāṁ stheyasīm ādadhānaM guru śikharam ivādres tat-kulaṁ svātma-bhūtyā ravir iva ravikīrttiḥ suprakāśaṁ vyadhatta|| bibhratā śubhram abhraṅśi smārttaṁ vartmocitaṁ satāM na visaṁvvāditā yena kalāv api kulīnatā|| dhuta-dhī-dīdhiti-dhvāntān havirbhuja IvādhvarāN bhānuguptā tataḥ sādhvī tanayāṁs trīn ajījanaT|| bhagavad-doṣa Ity āsīt prathamaḥ kāryya-vartmasu| Ālambanaṁ bāndhavānām andhakānām ivoddhavaḥ|| bahu-naya-vidhi-vedhā gahvare ’py artha-mārgge vidura Iva vidūraṁ prekṣayā prekṣamāṇaḥ| vacana-racana-bandhe saṁskr̥ta-prākr̥te yaḥ kavibhir udita-rāgaṁ gīyate gīr-abhijñaḥ|| praṇidhi-dr̥g-anugantrā yasya bauddhena cākṣṇā na niśi tanu davīyo vāsty adr̥ṣṭaṁ dharittryāM padam udayi dadhāno ’nantaraṁ tasya cābhūt sa bhayam abhayadatto nāmavighnan prajānāM|| vindhyasyāvandhya-karmmā śikhara-taṭa-patat-pāṇḍu-revāmbu-rāśer ggolāṅgūlaiḥ sahelaṁ pluti-namita-taroḥ pāriyāttrasya cādreḥ| Ā sindhor antarālaṁ nija-śuci-sacivāddhyā§sitāneka-deśaṁ rājasthānīya-vr̥ttyā suragurur iva yo varṇṇināṁ bhūtaye ’pāT|| vihita-sakala-varṇṇāsaṅkaraṁ śānta-ḍimbaṁ kr̥ta Iva kr̥tam etad yena rājyaṁ nirādhi| sa dhuram ayam idānīṁ doṣakumbhasya sūnur guru vahati tad-ūḍhāṁ dharmmato dharmmadoṣaḥ|| sva-sukham anabhivācñchan durggame ’ddhvany asaṅgāṁ dhuram atiguru-bhārāṁ yo dadhad bhartur arthe| vahati nr̥pati-veṣaṁ kevalaṁ lakṣma-māttraṁ valinam iva vilambaṁ kambalaṁ bāhuleyaḥ|| upahita-hita-rakṣā-maṇḍano jāti-ratnair bhuja Iva pr̥thulāṁsas tasya dakṣaḥ kanīyāN mahad idam udapānaṁ khānayām āsa bibhrac chruti-hr̥daya-nitāntānandi nirddoṣa-nāma|| sukhāśreya-cchāyaṁ pariṇati-hita-svādu-phala-daṁ gajendreṇārugṇaṁ drumam iva kr̥tāntena balinā| pitr̥vyaṁ proddiśya priyam abhayadattaṁ pr̥thu-dhiyā prathīyas tenedaṁ kuśalam iha karmmoparacitaM|| pañcasu śateṣu śaradāṁ yāteṣv ekānna-navati-sahiteṣu| mālava-gaṇa-sthiti-vaśāt kāla-jñānāya likhiteṣu|| yasmin kāle kala-mr̥du-girāṁ kokilānāṁ pralāpā bhindantīva smara-śara-nibhāḥ proṣitānāṁ manāṁsi| bhr̥ṅgālīnāṁ dhvanir anu-vanaṁ tāra-mandraś ca yasminn ādhūta-jyaṁ dhanur iva nadac chrūyate puṣpa-ketoḥ|| priyatama-kupitānāṁ rāmayan baddha-rāgaṁ kisalayam iva mugdhaṁ mānasaṁ māninīnāM Upanayati nabhasvān māna-bhaṅgāya yasmin kusuma-samaya-māse tattra nirmmāpito ’yaM|| yāvat tuṅgair udanvān kiraṇa-samudayāsaṅga-kāntaṁ taraṅgair āliṅgann indu-bimbaṁ gurubhir iva bhujaiḥ saṁvidhatte suhr̥ttāM bibhrat saudhānta-lekhā-valaya-parigatiṁ muṇḍa-mālām ivāyaṁ sat-kūpas tāvad āstām amr̥ta-sama-rasa-svaccha-viṣyanditāmbuḥ|| dhīmāṁn dakṣo dakṣiṇaḥ satya-sandho hrīmāṁñ cchūro vr̥ddha-sevī kr̥tajñaḥ| baddhotsāhaḥ svāmi-kāryeṣv akhedī nirddoṣo ’yaṁ pātu dharmmaṁ cirāya

Utkīrṇṇā govindena||

First edited in . Republished in . Corrections to translation as suggested by Kielhorn in 220. Further corrections to text and translation in 189. More corrections in 112-116. Summarised in 29-30 (No. 18). Identity or distinctness of Yaśodharman and Viṣṇuvardhana discussed in 96, 227, 392 and 501 . Further discussion in , .

Originally encoded for Siddham in the project Beyond Boundaries (Grant Agreement No. 609823) by Dániel Balogh (IN00097). Encoding updated to DHARMA conventions by Dániel Balogh.

35 9 III53