Sondhni Incomplete Pillar Inscription of Yaśodharman Mandasor/Sondni/Sondani/Sondhani Pillar Inscription of Yaśodharman Dániel Balogh European Research Council (ERC), grant agreement no 809994 DHARMA Berlin DHARMA_INSSiddham00095.xml CC BY-SA 4.0 2019-2026 DHARMAbase

Encoded in TEI/EpiDoc according to the DHARMA Encoding Guide for Documentary Editions, version 2

Additional global changes for compatibility with DHARMA Updating toward the encoding template v03 Initial import: harmonising file structure with DHARMA inscription template v02. Text and comments as inherited from the Siddham archive of January 2019, unless otherwise indicated (by a name and date in the comment). Comments are offered "as is" and do not represent a thoroughly considered or researched opinion.
vepante yasya bhīma-stanita-bhaya-samudbhrānta-daityā digantāḥ śr̥ṅgāghātaiḥ sumeror vvighaṭita-dr̥ṣadaḥ kandarā yaḥ karoti| Ukṣāṇaṁ taṁ dadhānaḥ kṣitidhara-tanayā-datta-pañcāṅgulāṅkaṁ drāghiṣṭhaḥ śūlapāṇeḥ kṣapayatu bhavatāṁ śattru-tejāṅsi ketuḥ|| āvirbhūtāvalepair avinaya-paṭubhir llaṅghitācāra-mārggair mmohād aidaṁyugīnair apaśubha-ratibhiḥ pīḍyamānā narendraiḥ| yasya kṣmā śārṅgapāṇer iva kaṭhina-dhanur-jyā-kiṇāṅka-prakoṣṭhaṁ bāhuṁ lokopakāra-vrata-saphala-parispanda-dhīraṁ prapannā|| nindyācāreṣu yo smin vinaya-muṣi yuge kalpanā-māttra-vr̥ttyā rājasv anyeṣu pāṅsuṣv iva kusuma-balir nnābabhāse prayuktaḥ| sa śreyo-dhāmni samrāḍ iti manu-bharatālarkka-māndhātr̥-kalpe kalyāṇe hemni bhāsvān maṇir iva sutarāṁ bhrājate yattra śabdaḥ|| ye bhuktā gupta-nāthair nna sakala vasudhākkrānti-dr̥ṣṭa-pratāpair nājñā hūṇādhipānāṁ kṣitipati-mukuṭāddhyāsinī yān praviṣṭā| deśāṁs tān dhanva-śaila-druma-gahana-sarid-vīra-bāhūpagūḍhān vīryāvaskanna-rājñaḥ sva-gr̥ha-parisarāvajñayā yo bhunakti ā lauhityopakaṇṭhāt tala-vana-gahanopatyakād ā mahendrād ā gaṅgāśliṣṭa-sānos tuhina-śikhariṇaḫ paścimād ā payodheḥ| sāmantair yasya bāhu-draviṇa-hr̥ta-madaiḥ pādayor ānamadbhiś cūḍā-ratnāṅśu-rāji-vyatikara-śabalā bhūmi-bhāgāḥ kriyante|| sthāṇor anyattra yena praṇati-kr̥paṇatāṁ prāpitāṁ nottamāṅgaṁ yasyāśliṣṭo bhujābhyāṁ vahati himagirir durgga-śabdābhimānaM| nīcais tenāpi yasya praṇati-bhuja-balāvarjjana-kliṣṭa-mūrddhnā cūḍā-puṣpopahārair mmihirakula-nr̥peṇārccitaṁ pāda-yugmaṁ|| dhāmevonmātum ūrddhvaṁ vigaṇayitum iva jyotiṣāṁ cakkravālaṁ nirddeṣṭuṁ mārggam uccair ddiva Iva sukr̥topārjjitāyāḥ sva-kīrtteḥ| tenākalpānta-kālāvadhir avanibhujā śrī-yaśodharmmaṇāyaṁ stambhaḥ stambhābhirāma-sthira-bhuja-parigheṇocchritiṁ nāyito ’ttra|| ślāghye janmāsya vaṅśe caritam agha-haraṁ dr̥śyate kāntam asmin dharmmasyāyaṁ niketaś calati niyamitaṁ nāmunā loka-vr̥ttaṁ| Ity utkarṣaṁ guṇānāṁ likhitum iva yaśodharmmaṇaś candra-bimbe rāgād utkṣipta Uccair bhuja Iva rucimān yaḥ pr̥thivyā vibhāti|| Iti tuṣṭūṣayā tasya nr̥pateḥ puṇya-karmmaṇaḥ| vāsulenoparacitāḥ ślokāḥ kakkasya sūnunā||

Utkīrṇṇā govindena||

First reported and edited in . Re-published in . Summarised in 28 (No. 16). See also references for INSSiddham00094; this secondary copy is generally not discussed separately.

Originally encoded for Siddham in the project Beyond Boundaries (Grant Agreement No. 609823) by Dániel Balogh (IN00095). Encoding updated to DHARMA conventions by Dániel Balogh.

34