kalapūrvvanarapatir atidussādhānām api sādhayitā viṣayāṇāṁ mūrtimān iva puruṣakāraḥ parivr̥ddhaguṇānurāga
nirbhbbharaccittavr̥ttibhir mmanur iva svayam abhyupapannaḥ prakr̥tibhir adhigatakalākalāpaḥ kāntimān nirvr̥tihetur akalaṅkaḥ
kumudanāthaḥ prājyapratāpasthagitadigantarālapradhvansitadhvāntarāśiḥ satatoditas savitā prakr̥tibhyaḫ paraṁ pratyayam artthavantam ati
bahutithaprayojanānubandham āgamaparipūrṇṇaṁ vidadhānas sandhivigrahasamāsaniścayanipuṇaḥ sthāne nurūpam ādeśaṁ dadad guṇavr̥
ddhividhānajanitasaṁskāraḥ sādhūnāṁ rājyaśālāturīyatantrayor ubhayor api niṣṇātaḥ prakr̥ṣṭavikramo pi karuṇāmr̥duhr̥dayaḥ śrutavān a
py agarvvitaḥ kānto ṣpi praśamī sthirasauhr̥dayyo pi nirasitā dosṣavatām udayaprsamayasamupajanitajanatānurāgaparipihitabhuvanasa
martthitaḥprathitabālādityadvitīyanāmā paramamāheśvaraḥ śrīdhruvasenas tasya sutas tatpādakamalapraṇāmadharaṇikaṣaṇajanita
kiṇalāṁchanalalāṭacandraśakalaḥ śiśubhāva Eva śravaṇanihitamauktikālaṅkāravibhramāmalaśrutaviśesṣaḥ pradānasalilakṣāli
tāgrahastāravindaḥ kanyāyā Iva mr̥dukaragrahaṇād amandīkr̥tānandavidhir vvasundharāyāḥ kājñārmuke dhanurvveda Iva saṁbhāvitāśeṣalakṣyaka
lāpaḥ praṇatasāmantamaṇḍalottamāṅgadhr̥tapcūḍāratnāyamānaśāsanaḥ paramamāheśvaraḫ paramabhaṭṭārakamahārājñādhirājaparameśvara
cakravarttiśrīAjjakapādānudhyātaḥ śrīdharasenaẖ kuśalī sarvvān eva yathāsaṁbadhyamānakān samanudarśayaty
astu vas saṁviditaṁ yathā
mātāpitroḫ puṇyāpyāyanāya surāṣṭreṣu heastavaprāhāre yodhāvakagrāme divirapatiskandabhaṭakāritamahāyānikavihāracaturdi
śābhyāgatamahāyānikāryyabhikṣusaṁghāya yodhāvakagrāmasyaiva caturbhbbhāgatrayaṁ cīvarapiṇḍapātaśayanāsanaglānapratyaya
bhaiṣajyādyupayogārtthaṁ buddhānāṁ ca bhagavatāṁ pūjñāsnapanagandhadhūpapupṣpadīpatailādyartthaṁ vihārasya ca khaṇḍasphuṭitaprati
saṁskārāya pādamūlajīvanāya cātraiva divirapatiskandabhaṭakhānitataṭākabhūyaẖkhānanotkiīraṇasphuṭitapratisaṁskārā
ya yodhāvakagrāmasyaiva caturthabhāgaḥ Evam eṣa grāmo vihārasya taṭākāasya ca sodragṅgaḥ soparikaras sabhūtavātapratyāyaḥ
sadhānyahiraṇyādeyas sadaśāparādhas sotpadyamānaviṣṭikas sarvvarājakīyānām ahastaprakṣepaṇīyaḥ pūrvvaprattadeva
brahmadeyarahitaḥ bhūmicchidranyāyenācarndrārkkārṇṇavakṣitisaritparvvatasamakālīnāa Udakātisarggeṇa dharmmadāyo nisr̥ṣṭo
ya
to syocitayā devāgrāhārasthityā mahāyānikāryyabhikṣusaṁghasya bhuṁjataẖ kr̥ṣataẖ karṣayataḫ pradiśato vā na kaiścid vyāsedhe varttivyam ā
gāmibhadranr̥patibhir apy asmadvaṅśajair anyair vvā Anityāny aiśvaryyāṇy asthiraṁ mānuṣyaṁ sāmānyaṁ ca bhūmidānaphalam avagacchadbhir aya
m asmaddāyo numantavyaḥ paripālayitavyaś cety
uktaṁ ca .
bahubhir vvasudhā bhuktā rājabhiḥ sagarādibhiḥ
yasya
yasya yadā bhūmiḥ tasya tasya tadā phalaM .
yānīha dāridryabhayān narendrair ddhanāni dharmmāyatanīkr̥tāni
nirbhukta
mālyapratimāni tāni ko nāma sādhuḫ punar ādadīta .
ṣaṣṭiṁ varṣasahasrāṇi svargge tiṣṭhati bhūmidaḥ
Ācchettā cā
numantā ca tāny eva narake vaseT . dūtako tra rājaputradhruvasenaḥ . likhitam idaṁ sandhi
vigrahādhikr̥tadivirapativatrabhaṭṭiputraskandabhaṭena . saṁ 300 20 6 māgha ba 5 svahasto mama