Uṅgaputragrāma grant of Dhruvasena II, [Valabhī] year 313, Jyeṣṭha śu. 10 Annette Schmiedchen European Research Council (ERC), grant agreement no 809994 DHARMA Berlin DHARMA_INSMaitraka00063.xml CC BY-SA 4.0 2019-2026 DHARMAbase Grant of land (100 pādāvarta) in favour of five Yajurvedins.

Encoded in TEI/EpiDoc according to the DHARMA Encoding Guide for Documentary Editions, version 2

 Initial encoding of the file>

* svasti vijayaskandhāvārād bhadreśvaravāsakāt prasabhapraṇatāmitrāṇāṁ maitrakāṇām atulabalasampannamaṇḍalābhogasaṁsakta prahāraśatalabdhapratāpāt pratāpopanatadānamānārjjavopārjjitānurāgād anuraktamaulabhr̥taśreṇībalāvāptarājyaśriyaḫ parama māheśvaraśrībhaṭārkād avyavacchinnarājavaṁśān mātāpitr̥caraṇāravindapraṇatipravidhautāśeṣakalmaṣaś śaiśavāt prabhr̥ti khaḍgadvitīya bāhur eva ṣsamadaparagajaghaṭāsphoṭanaprakāśitasatvanikaṣas tatprabhāvapraṇatārāticūḍāratnaprabhāsaṁsaktapādanakha raśmisaṅhatis sakalasmr̥tipraṇītamārggasamyakparipālanaprajāhr̥dayarañjanānvarttharājaśabdo rūpakāntisthairyyagāmbhīryyabuddhisaṁpa dbhiḥ smaraśaśāṅkādrirājodadhitridaśagurudhaneśān atiśayānaś śaraṇāgatābhayapradānaparatayā tr̥ṇavadapāstāśeṣasvakāryyaphalaḥ prārttha nādhikārtthapradānānanditavidvatsuhr̥tpraṇayihr̥dayaḥ pādacārīva sakalabhuvanamaṇḍalābhogapramodaḫ paramamāheśvaraḥ śrīguhasena s tasya sutas tatpādanakhamayūkhasantānavisr̥tajāhnavījalaughaprakṣālitāśeṣakalmaṣaḫ praṇayiśatasahasropajīvyamānasampad rūpa lobhād ivāśr̥ritas sarabhasam ābhigāmikair gguṇais sahajaśaktiśikṣāviśeṣavismāpitākhiladhanurddharaḫ prathamanarapatisamatisr̥ṣṭānā m anupālayitā dharmmadāyānām apākarttā prajopaghātakāriṇām upaplavānāṁ darśayitā śrīsarasvatyor ekādhivāsasya saṅhatārāti pakṣalakṣmīparibhogadakṣavikramo vikramopasaṁprāptavimalapārtthivaśrīḫ paramamāheśvaraḥ śrīdharasenas tasya sutas tatpādānuddhyātaḥ sakalajagadānandanātyadbhutaguṇasamudayasthagitasamagradiṅmaṇḍalas samaraśatavijayaśobhāsanāthamaṇḍalāgradyutibhāsura tarānsapīṭhodūḍhagurumanorathamahābhāras sarvvavidyāparāparavibhāgādhigamavimalamatir api sarvvatas subhāṣitalavenāpi sukho papādanīyaparitoṣas samagralokāgādhagāmbhīryyahr̥dayo pi sucaritātiśayasuvyaktaparamakalyāṇasvabhāvaḥ khilībhūtakr̥ta yuganr̥patipathaviśodhanādhigatodagrakīrttir ddharmmānuparodhojjvalatarīkr̥tārtthasukhasampadupasevānirūḍhadharmmādityadvitīyanāmā paramamāheśvaraḥ śrīśīlādityas tasyānujas tatpādānudhyātas svayam upendraguruṇeva guruṇātyādaravatā samabhilaṣaṇīyām api rāja lakṣmīṁ skandhāsaktāṁ paramabhadra Iva dhuryyas tadājñāsampādanaikarasatayaivodvahan khedasukharatibhyām anāyāsitasatvasampattiḫ prabhāvasaṁpa dvaśīkr̥tanr̥patiśataśiroratnacchāyopagūḍhapādapīṭho pi parāvajñābhimānarasānāliṅgitamanovr̥ttiḫ praṇatim ekāṁ parityajya prakhyāta pauruṣābhimānair apy arātibhir anāsāditapratikriyopāyaẖ kr̥tanikhilabhuvanāmodavimalaguṇasaṅhatiḥ prasabhavighaṭitasakala kalivilasitagatir nīcajanādhirohibhir aśeṣair ddoṣair anāmr̥ṣṭātyunnatahr̥dayaḫ prakhyātapauruṣāstrakauśalātiśayagaṇatithavipa kṣakṣitipatilakṣmīsvayaṁgrahaprakāśitapravīrapuruṣaprathamasaṁkhyādhigamaḫ paramamāheśvaraḥ śrīkharagrahas tasya tanayas tatpādā nudhyātas sakalavidyādhigamavihitanikhilavidvajjanamanaḫparitoṣātiśayas satvasampadā tyāgaudāryyeṇa ca vigatānu sandhānāśamāhitārātipakṣamanorathākṣabhaṅgas samyagupalakṣitānekaśāstrakalālokacaritagahvaravibhāgo pi paramabhadraprakr̥tir akr̥trimapraśrayavinayaśobhāvibhūṣaṇas samaraśatajayapatākāharaṇapratyalodagra bāhudaṇḍavidhvansitanikhilapratipakṣadarppodayaḥ svadhanuḫprabhāvaparibhūtāstrakauśalābhimānaḥ sakalanr̥patimaṇḍalā bhinanditaśāsanaḫ paramamāheśvaras śriīdharasenas tasyānujas tatpādānudhyātas saccaritātiśayitasakala pūrvvanarapatir atidussādhānām api prasādhayitā viṣayāṇāṁ mūrttimān iva puruṣakāraḫ parivr̥ddha guṇānurāganirbbharacittavr̥ttibhir manur iva svayam abhyupapannaḫ prakr̥tibhiḥ adhigatakalākalāpaḥ kāntimān ni rvr̥tihetuḥ akalaṅkaḥ kumudanāthaḥ prājyapratāpasthagitadigantartarālapradhvansitadhvāntarāśiḥ satatoditaḥ savitā prakr̥tibhyaḥ paraṁ pratyayam artthavantam atibahutithaprayojanānubandham āgamaparipūrṇṇaṁ vidadhānaḥ sandhivigrahasamāsaniścayanipuṇaḥ sthaāne nurūpam ādeśaṁ dadad guṇavr̥ddhividhānajanitasaṁskāraḥ sādhūnāṁ rājyasālāturī yatantrayor ubhayor api niṣṇātaḥ prakr̥ṣṭavikramo pi karuṇāmr̥duhr̥dayaḥ śrutavān apy agarvvitaḥ kānto pi praśamī sthirasau hr̥dayyo pi nirasitā doṣavatām udayasamayasamupajanitajanatānurāgaparipihitabhuvanasamartthitaprathitabālādi tyadvitīyanāmā paramamāheśvaraś śrīdhruvasenaẖ kuśalī sarvvān eva yathāsambadhyamānakān samājñāpayaty

astu vo viditaṁ yathā mayā mātāpitroḥ puṇyāpyāyanāya prakāśāvinirgatoṅgaputragrāmavāstavyakauṇḍinyasagotravājasaneyasabrahmacāribrāhmaṇabhrā tr̥śarmmaputraraviśarmma tathaitatputradevaśarmma tathoparilikhitaṁvinirggatanibhāsagotrasabrahmacāribrāhmaṇanāgaṣaṣṭṭhiputrabrāhmaṇamātr̥sa ṅgama tathā bharadvājasagotravājasaneyasabrahmacāriṇa Eva brāhmaṇāḍhyaśarmmaputrabrāhmaṇāruṇagopa tathā gautamasagotravājasaneyasa brahmacāribrāhmaṇabhadraśarmmaputrabrāhmaṇadharaśarmma Ebhyaḥ pañcabhyaḥ surāṣṭreṣu guṇṭhāpaṭṭe vaṭapadrasthalyantarggata Uṅgaputragrāme dakṣiṇasīmni brāhmaṇa Āḍhyaśarmmakṣetrāt pūrvvataḥ brāhmaṇagovaśarmmakṣetrād dakṣiṇataḥ kuṭumbigovakasatkakṣetrād aparataḥ sīhilakagrāmasīmni Uttarataḥ pādāvarttaśataparimāṇakṣetraṁ caturāghāṭanaviśuddhaṁ sodraṅgaṁ soparikaraṁ sabhūtavātapratyāyaṁ sadhānyahiraṇyādeyaṁ sadaśā parādhaṁ sotpadyamānaviṣṭikaṁ sarvvarājakīyānām ahastaprakṣaepaṇīyaṁ pūrvvaprattadevabrahmadeyavarjyaṁ bhūmicchidranyāyenā candrārkkārṇṇavakṣitisaritparvvatasamakālīnaṁ putrapautrānvayabhogyaṁ udakātisarggeṇa dharmmadāyo nisr̥ṣṭaḥ

yato Eṣām ucitayā brahmadeyasthityā bhuṁjatāṁ kr̥ṣatāṁ karṣayatāṁ pradiśatāṁ vā na kaiścid vyāsedhe varttitavyam āgāmibhadranr̥patibhir apy asmadvaṁśajai r anyair vvā Anityāny aiśvaryyāṇy asthiraṁ mānuṣyaṁ sāmānyañ ca bhūmidānaphalam avagacchadbhir ayam asmaddāyo numantavyaḥ pari pālayitavyaś cety

uktañ ca .

bahubhir vvasudhā bhuktā rājabhis sagarādibhiḥ yasya yasya yadā bhūmis tasya tasya tadā phalaṁ . yānīha dāridryabhayān narendrair ddhanāni dharmmāyatanīkr̥tāni . nirbbhuktamālyapratimāni tāni ko nāma sādhuḥ punar ādadīta ṣaṣṭiṁ varṣasahasrāṇi svargge modati bhūmidaḥ Ācchettā cānumantā ca tāny eva narake vaseT .

dūtako rājaputraśīlādityaḥ likhitam idaṁ sandhivigrahādhikr̥tadivirapativatrabhaṭṭinā . saṁ 300 10 3 jyeṣṭha śu 10 svahasto mama ..

First edited by P. C. Parikh and Bharati Shelat with rather low-quality photographs; no translation (). Re-edited and encoded by Annette Schmiedchen on the basis of the published photograph of the original plates.