Virdi plates of Kharagraha I, [Valabhī] year 297, Vaiśākha śu. 12 Annette Schmiedchen European Research Council (ERC), grant agreement no 809994 DHARMA Berlin DHARMA_INSMaitraka00056.xml CC BY-SA 4.0 2019-2026 DHARMAbase Grant of land (38 pādāvarta and a cistern surrounded by 12 pādāvarta) in favour of a Yajurvedin.

Encoded in TEI/EpiDoc according to the DHARMA Encoding Guide for Documentary Editions, version 2

 Initial encoding of the file>

* svasti vijayaskandhāvārād ujjayanīvāsakāt prasabhapraṇatāmitrāṇāṁ maitrakāṇām atulabalasaṁpannamaṇḍalābhogasaṁsaktaprahāraśa talabdhapratāpāt pratāpopanatadānamānārjjavopārjjitānurāgād anuraktamaulabhr̥taśreṇībalāvāptarājyaśriyaḥ paramamāhe śvaraśrībhaṭārkkād avyavacchinnarājavaṅśān mātāpitr̥caraṇāravindapraṇaṁtipravidhautāśeṣakalmaṣaḥ śaiśavāt prabhr̥ti khaḍgadvitīyabā hur eva samadaparagajaghaṭāsphoṭanaprakāśitasatvanikaṣas tatprabhāvapraṇatārāticūḍāratnaprabhāsaṁsaktapādanakharaśmisaṁhatiḥ sakalasmr̥tipraṇītamārggasamyakparipālanaprajāhr̥dayarañjanānvarttharājaśabdaḥ rūpakāntisthairyyadhairyyagāmbhīryyabuddhisaṁ padbhiḥ smaraśaśāṅkādrirājodadhitridaśagurudhaneśān atiśayānaś śaraṇāgatābhayapradānaparatayā tr̥ṇavadapāstāśekṣasvakā ryyaḥphalaḥ prārtthanādhikārtthapradānānanditavidvatsuhr̥tpraṇayihr̥dayaḥ pādacārīva sakalabhuvanamaṇḍalābhogapramo daḥ paramamāheśvaraḥ śrīguhasenas tasya sutas tatpādanakhamayūkhasantānavisr̥tajāhnavījalaughaprakṣālitāśeṣakalma ṣaḥ praṇayiśatasahasropajīvyamānasampad rūpalobhād ivāśritaḥ sarabhasam ābhigāmikair gguṇais sahajaśaktiśikṣā viśeṣavismāpitākhilabaladhanurddharaḥ prathamanarapatisamatisr̥ṣṭānām anupālayitā dharmmadāyānām apākarttā prajopaghātakāriṇām upaplavānāṁn darśiayitā śrīsarasvāatyor erkādhibhvāsasya saṁhatārātipakṣalakṣmīparibhogadakṣavikramo vikramopasaṁprāptavimalaprārtthivaśrīḥ paramamāheśvaraḥ śrīdharasenas tasya sutas tatpādānuddhyātas sakalajagadānandanātyadbhu taguṇasamudayaḥsthagitasamagradigmaṇḍalaḥ samaraśatavijayaśobhoāsanāthamaṇḍalāgradyutibhāsuratarānsapīṭhodūḍha gurumanorathamahābhāras sarvvavidyāparāpvaravibhāgādhigamavimalamatir api sarvvatas subhāṣitalavenāpi sukhopapādanī yaparitoṣaḥ samagralokāgādhagāmbhīryyahr̥dayo pi sucaritātiśayasuvyaktaparamakalyaāṇasvabhāvaḥ khilībhūtakr̥tayuga nr̥patipathaviśodhanādhigatodagrakīrttir ddharmmānuparodhojjvalatarīkr̥tārtthasukhasampadupasevānirūḍhadharmmādityadvitī yanāmā paramamāheśvaraḥ śrīśīlādityas trasyānujas tatpādānuddhyātaḥ svayam upendraguruṇeva guruṇā tyādaravatā samabhilaṣaṇīyām api rājalakṣmīṁ skandhāsaktāṁ paramabhadra Iva dhuryyas tadājñāsampādanaika rasatayaivodvahan khedasukharatibhyām anāyāsitasatvasampattiḥ prabhāvasampadvaśīkr̥tanr̥patiśataśiroratnacchāyopagūḍhapāda pīṭho pi parāvajñābhimaānarasānāliṅgitamanovr̥ttiḥ praṇatim ekāṁ parityajya prakhyātapauruṣābhimānair apy arātibhi r anāsāditapratikr̥riyopāyaḥ kr̥tanikhilabhuvanāmodavimalaguṇasaṁhatiḥ prasabhavighaṭitasakalakalivilasitagatir nnīcaja nādhirohibhir aśeṣair ddoṣair anāmr̥ṣṭātyunnatahr̥dayaḥ prakhyātapauruṣāstrakauśalagaṇatithavipakṣakṣitipatilakṣmīsvayaṁgrahaprakāśitapravīra puruṣaprathamasaṁkhyādhigamaḥ paramamāheśvaraḥ śrīkharagrahaẖ kuśalī sarvvān eva yathāsambadhyamaānakān samājñāpayaty

astu vas saṁviditaṁ yathā mayā mātāpitroḫ puṇyāpyāyanāya ciñcānakavāstavyabhāgurisagotramaitrāyaṇīyasabrahmacāribhadraputrabrāhmaṇabhavāya maṇḍaliīdraṅge ciñcānakagrā me pūrvvasīmni svayaṁprakr̥ṣṭadvādaśapādāvarttapramāṇā vāpī yatrāghaāṭāanāny asyāḥ bhogādityāc ciñcānakagrāmaṁ vrajati yaḫ panthās Atasmāt pūrvvataḥ lūṣātaḥ dakṣiṇataḥ gañchakakṣetrād aparatottarataś yca tathāṣṭatriṅśatpādāvarttapramāṇaṁ gañchakakṣetram asyāghāṭanāni bhaṭṭisatka kṣetrāt pūrvvataḥ maḍḍhakakṣetrād uttarataḥ rāhuvānakakṣetrād aparataḥ lūṣāto dakṣiṇataḥ Evam etat sarvvaṁ caturāghāṭanaviśuddhaṁ sodraṅgaṁ so parikaraṁ savātabhūtapratyāyaṁ sadhānyahiraṇyādeyaṁ sadaśāparādhaṁ sotpadyamānaviṣṭikaṁ sarvvarājakīyānām ahastaprakṣepaṇīyaṁ pūrvvapra ttabrahmadeyavarjjaṁ bhūmicchidranyāyenācandrārkārṇṇavakṣitisaritparvvatasamakālīnaṁ putrapautrānvayabhogyam udakātisarggeṇa dha rmmadāyo nisr̥ṣṭaḥ

yato syocitayā brahmadeyasthityā bhuñjataḥ kr̥ṣataḥ karṣayataḥ pradiśato vā na kaiścid vyāsedhe varttitavyam ā gāmibhadranr̥patibhir apy asmadvaṅśajair anyair vvā anityāny aiśvaryyāṇy asthiraṁ mānuṣyaṁ sāmānyañ ca bhūmidānaphalam avagacchadbhir ayam asma ddāyo numantavyaḫ paripālayitavyaś cety

uktañ ca

bahubhir vvasudhā bhuktā rājabhis sagarādibhiḥ yasya yasya yadā bhūmis tasya tasya tadā phalaM . yānīha dāridryabhayān narendrair ddhanāni dharmmāyatanīkr̥tāni nirbbhuktamālyapratimāni tāni ko nāma sādhuḫ punar ādadīta . ṣaṣṭiṁ varṣasahasrāṇi svargge tiṣṭhati bhūmidaḥ Ācchettā cānumantā ca tāny eva narake vased iti

dūtakaś cātra śrīdharasenaḥ likhitaṁ sandhivigrahādhikr̥tadivirapativattrabhaṭṭinā . saṁ 200 90 7 vaiśākha śu 10 2 svahasto mama .

First edited by A. S. Gadre with estampages and translation (). Re-edited and encoded by Annette Schmiedchen on the basis of estampages and photographs of the original.