svasti vijayaskandhāvārāT bhadropāttavāsakāT prasabhapraṇatāmitrāṇāṁ maitrakāṇām atulabalasapatnamaṇḍalābhogasaṁsaktasaṁprahāraśatalabdhapratāpaḥ pratā
popapatadānamānārjjavopārjjitānurāgānuraktamaulabhr̥tamitraśreṇībalāvāptarājyaśrīḥ paramamāheśvaraḥ śrīsenāpatibhaṭārkas tasya sutas tatpādarajoruṇaā
natapavitrīkr̥taśirāḥ śirovanataśatrucūḍāmaṇiprabhāvicchuritapādanakhapaṅktidīdhitiḥ dīnānāthakr̥paṇajanopajīvyamānavibhavaḥ paramamā
heśvaraḥ śrīsenāpatidharasenaḥ tasyānujas tatpādapraṇāmapraśastataravimalamaṇir mmanvādipraṇītavidhividhānadharmmā dharmmarāja Iva vinayavihita
vyavasthāpaddhatir akhilabhuvanamaṇḍalābhogaikasvāminā paramasvāminā svayam upahitarājyābhiṣekamahāviśrāṇanāvapūtarājyaśrīḥ paramamāhe
śvaraḥ mahārājaśrīdroṇasiṅghaḥ siṅgha Iva tasyānujas svabhujabalaparākrameṇa paragajaghaṭānīkānām ekavijayī śaraṇaiṣiṇāṁ śaraṇam avaboddhā
śāstrārtthatatvānāṁ kalpatarur iva suhr̥tpraṇayināṁ yathābhilaṣitakāmaphalabhogadaḥ paramabhāgavataḥ mahārājaśrīdhruvasenas tasyānujaḥ
taccaraṇāravindapraṇatipravidhautāśeṣakalmaṣaḥ suviśuddhas svacaritodakaprakṣālitāśeṣakalikalaṅkaḥ prasabhanirjjitārātiḥ pra
paramādityabhaktaḥ śrīmahārājadharapaṭṭaḥ tasya sutas tatpādasaparyyāvāptapuṇyodayaś śaiśavāt prabhr̥ti khaḍgadvitīyabāhur eva sama
daparagajaghaṭāsphoṭanaprakāśitasatvanikaṣas tatpratāpapraṇatārāticūḍāratnaprabhāsaṁsaktasavyapādanakhapaṅktidīdhitiḥ sakalasmr̥ti
praṇītamārggasamyakparipālanaprajāhr̥dayaraṁjanād anvarttharājaśabdaḥ rūpakāntisthairyyadhairyyabuddhisaṁpadbhiḥ smaraśaśāṅkādrirājodadhitridaśaguru
dhaneśān atiśayānaḥ śaraṇāgatābhayapradānaparatayā tr̥ṇavadapāstāśeṣasvakāryyaphalaḥ prārtthanādhikārtthapradānānaṁditavidvatsuhr̥tpraṇa
yihr̥dayaḥ pādacārīva sakalabhuvanamaṇḍalābhogapramodaḥ paramamāheśvaraḥ mahārājaśrīguhasenaḥ tasya sutas tatpādanakhamayūkhasaṁtāna
visr̥tajāhnavījalaughaprakṣālitāśeṣakalmaṣaḥ praṇayiśatasahasropajīvyamānabhogasaṁpad rūpalobhād ivāśritas sarasam ābhigāmikair guṇaiḥ
sahajaśaktiśikṣāviśeṣavismāpitākhiladhanurddharaḥ prathamanarapatisamatisr̥ṣṭānām anupālayitā dharmmadāyānām apākarttā prajo
paghātakāriṇām upaplavānāṁ darśayitā śrīsarasvatyor ekādhivāsasya saṁhatārātipakṣalakṣmīparibhogadakṣavikramaḥ vikramopasaṁprā
ptavimalapārtthivaśrīḥ paramamāhśvaro mahāsāmantamahārājaśrīdharasenaẖ kuśalī sarvvān eva svān āyuktakadrāṅgikamahattaracāṭabhaṭa
dhruvādhikāaraṇikaviṣayapatirājasthānīyoparikakumārāmātyahastyaśvarohādīn anyāṁś ca yathāsaṁbadhyamānakān samājñāpayaty
astu vas saṁvi
ditaṁ yathā mayā mātāpitroḥ puṇyāpyāyanāyātmanaś caihikāmuṣmikayathābhilaṣitaphalāvāptaye valabhyāṁ Ācāryyabhadantasthiramatikāritaśrībappapādīya
vihāre bhagavatāṁ buddhānāṁ puṣpadhūpagandhadīpatailādikriyotsarppaṇārtthaṁ nānādigabhyāgatāryyabhikṣusaṅghasya ca cīvarapiṇḍapātaglānabhaiṣajādyartthaṁ vihārasya ca kha
ṇḍasphuṭitaviśīrṇṇapratisaṁskāraṇārtthaṁ hastavaprāharaṇyāṁ maheśvaradāsenakagrāmaoa dhārākheṭasthalyāṁ ca devabhadripallikāgrāmau sodr̥raṅgau soparikarau savā
tabhūtapratyāyasadhānyabhāgabhogahairaṇyādeyau sotpadyamānaviṣṭikarau sadaśāparādhau samastarājakīyānām ahastaprakṣepaṇīyau bhūmicchidranyāyena
Ācandrārkārṇṇavasaritkṣitisthitiparvatasamakālīnau udakātisarggeṇa devadāyau nisr̥ṣṭau
yata Ucitayā devavihārasthityā bhuṁjataḥ kr̥ṣataḥ
karṣayataḥ pratidiśato vā na kaiścit vyāghāte varttitavyau Āgāmibhadranr̥patibhir asmadvaṁśajair anyair vānityāny aiśvaryyāṇy asthirāaṁ mānuṣyaṁ sāmānyaṁ ca bhūmi
dānaphalam avagacchadbhir ayam asmaddāyo numantavyaḥ paripālayitavyaś ca yaś cainam ācchindyād ācchidyamaānāaṁ vānumodeta sa pañcabhir mmahāpātakaiḥ
ss sopapātakais saṁyuktaḥ syāT Ity
uktaṁ ca bhagavatā vedavyāsena vyāsena .
ṣaṣṭivarṣasahasrāṇi svargge modati bhūmidaḥ .
Ācchettā cānumantā ca tāny eva nara
ke vaseT .
bahubhir vvasudhā bhuktā rājabhis sagarādibhiḥ
yasya yasya yadā bhūmiḥ tasya tasya tadā phalaM .
Anoudakeṣv araṇyeṣu śuṣkakoṭara
vāsinaḥ
kr̥ṣṇasarppā hi jāyante dharmmadāyāpahārakāḥ .
svadattāṁ paradattāṁ vā yo hareta vasundharāṁ .
gavāṁ śatasahasrasya hantuḥ prāpnoti
kilbiṣaM .
yānīha dāridrabhayān narendrair ddhanāni dharmmāyatanīkr̥tāni .
nirmmālyavāntapratimāni tāni ko nāma sādhuḥ punar ādadīta
lakṣmīniketaṁ yadapāśrayeṇa prāpto kābhimataṁ nr̥pārthaṁ .
tāny eva puṇyāni vivarddhayethā na hāpanīyo hy upakāripakṣaḥ .
svahasto mama mahādhirājaśrīdharasenasya dūtakaḥ sāmantaśīlādityaḥ .
likhitaṁ sandhivigrahādhikaraṇādhikr̥tadivīirapatiskandabhaṭena . saṁ 200 60 9 caitra ba 2