Mali[y]a plates of Dharasena II, [Valabhī] year 252, Vaiśākha ba. 15 Annette Schmiedchen European Research Council (ERC), grant agreement no 809994 DHARMA Berlin DHARMA_INSMaitraka00031.xml CC BY-SA 4.0 2019-2026 DHARMAbase Grant of land (535 pādāvarta and a cistern surrounded by 28 pādāvarta) in favour of a Yajurvedin.

Encoded in TEI/EpiDoc according to the DHARMA Encoding Guide for Documentary Editions, version 2

 Initial encoding of the file>

* svasti valabhītaḥ prasabhapraṇatāmitrāṇāṁ maitrakāṇām atulabalasapatnamaṇḍalābhogasaṁsaktasaṁprahāraśatalabdhapratāpaḥ pratāpopanatadānamānārjjavopārjjitānurāgānuraktamaulabhr̥tamitraśreṇībalāvāptarājyaśrīḥ paramamāheśvaraḥ śrīsenāpati bhaṭārkkaḥ tasya sutas tatpādarajoruṇāvanatapavitrīkr̥taśirāḥ śirovanataśatrucūḍāmaṇiprabhāvicchuritapādanakhapaṅktidīdhitir ddī nānāthakr̥paṇajanopajīvyamānavibhavaḥ paramamāheśvaraḥ śrīsenāpatidharasenas tasyānujas tatpādapraṇāmapraśastataravimala maṇir mmanvādipraṇītavidhividhānadharmmā dharmmarāja Iva vihitavinayavyavasthāpaddhatir akhilabhuvanamaṇḍalābhogaikasvāminā paramasvāminā svayam upahitarājyābhiṣekaḥ mahāviśrāṇanāvapūtarājyaśrīḥ paramamāheśvaro mahārājadroṇasiṁhaḥ siṁha Iva tasyānujaḥ svabhuja balaparākrameṇa paragajaghaṭānīkānām ekavijayī śaraṇaiṣiṇāṁ śaraṇam avavbobddhā śāstrārthatatvānāṁ kalpatarur iva suhr̥tpra ṇayināṁ yathābhilaṣitakāmaphalopabhogadaḥ paramabhāgavataḥ śrīmahārājadhruvasenas tasyānujas taccaraṇāravindapraṇatipra vidhautāśeṣakalmaṣaḥ suviśuddhavysvacaritodakakṣālitasakalakalikalaṅkaḥ prasabhanirjjitārātipakṣaprathitamahimā paramādityabhaktaḥ śrīmahārājadharapaṭṭas tasyātmajas tatpādasaparyyāvāptapuṇyodayaḥ śaiśavāt pravbhr̥ti khaḍgadvitīyabāhur e va samadaparagajaghaṭāsphoṭanaprakāśitasatvanikaṣaḥ tatprabhāvapraṇatārāticūḍāratnaprabhāsaṁsaktasakhvyapā danakharaśmisaṁhatiḥ sakalasmr̥tipraṇītamārggasamyakparipālanaprajāhr̥dayarañjanād anvarttharājaśabdo rūpakāntisthairyya gāmbhīryyabuddhisaṁpadbhiḥ smaraśaśāṅkārdrirājodadhitridaśagurudhaneśān atiśayānāo bhayapradānaparatayā tr̥ṇava dapāstaāśeṣasvakāryyaphalaḥ pādaṁcārīva sakalabhuvanamaṇḍalābhogapramodaḥ paramamāheśvaraḥ śrīmahārā jaguhasenaḥ tasya sutas tatpādanakhamayūkhasaṁtānanirvr̥ttajāhnavījaloghavikṣālitāśeṣakalmaṣaḥ praṇayiśata sahasropajīvyabhogasaṁpaT rūpalobhād ivāśr̥ritas sarasam ābhigāmikair guṇaiḥ sahajaśaktiśikṣāviśeṣavismā pitākhiladhanurddharaḥ prathamanarapatisamatisr̥ṣṭānām anupālayitā dharmmyadāyānām apākarttā prajopaghātakāriṇām upaplavānāṁ darśayitā śrīsarasvatyor ekādhivāsasya saṁhatārāti pakṣalakṣmīparibhogadakṣavikramaḥ kramopasaṁprāptavimalapārtthivaśrīḥ paramamāheśvaraḥ mahārāja śrīdharasenaḥ kuśalī sarvvān evāyuktakaviniyuktakadrāṅgikamahattaracāṭabhaṭadhruvādhikaraṇikadāṇḍapāśika rājasthānīyakumārāmātyādīn anyāṁś ca ca yathābhisaṁbaddhyamānakāN samājñāpayaty

astu vaḥ saṁviditaṁ yathā mayā mātā pitroḥ puṇyāpyāyanāyātmanaś caihikāmuṣmikayathābhilaṣitaphalāvāptaye antaratrāyāṁ śivakapadrake vīrasena dantikapratyayapādāvarttaśataṁ etasmād aparataḥ pādāvarttāḫ pañcadaśa tathā Aparasīmni skambhasenapratyayapādāvarttaśataṁ viṁśādhikaṁ pūrvvasīmni pādāvarttā daśa ḍombhigrāme pūrvvasīmni varddhakipratyayapādāvarttā navatiḥ vajragrāme parasīmni grāmaśikharapādāvarttaśataṁ śīgidinnamahattarapratyayā Aṣṭāviṅśatipādāvarttaparisarā vāpī . bhumbhusapadrake kuṭumvbiboṭakapratyayāapādāvarttaśataṁ vāpī ca . Etat sodraṅgaṁ soparikaraṁ savātabhūtadhānyahiraṇyādeyaṁ sotpadyamānaviṣṭīikaṁ samastarājakīyānām a hastaprakṣepaṇīyaṁ bhūmicchidranyāyena unnatanivāsivājasaneyīakaṇvavatsasagotrabrāhmaṇarudrabhūtaye balicaruvaiśva devāgnihotrātithipaṁcamahāyājñikānāṁ kriyāṇāṁ samutsarppaṇārttham ācandrārkkārṇṇavasaritkṣitisthitisamakālīnaṁ putrapau trānvayabhogyaṁ udakasarggeṇa nisr̥ṣṭaṁ

yato syocitayā brahmadeyasthityā bhuṁjataḥ kr̥ṣataḥ karṣayataḥ pradiśato vā na kaiścit pratiṣedhe varttitavyam āgāmibhadranr̥patibhiś cāsmadvaṁśajair anityāny aiśvaryyāṇy asthiraṁ mānuṣyaṁ sāmānyaṁ ca bhūmi dānaphalam avagacchadbhir ayam asmaddāyo numantavyaḥ paripālayitavyaś ca yaś cainam ācchiṁdyād ācchidyamānaṁ vānu modeta sa paṁcabhir mmahāpātakai.ḥ sopapātakai.ḥ saṁyuktas syād ity

uktaṁ ca bhagavatā vedavyāsena vyāsena .

ṣaṣṭiṁ varṣasahasrāṇi svargge tiṣṭhati bhūmidaḥ Ācchettā cānumantā ca . tāny eva narake vaseT . pūrvvadattāṁ dvijātibhyo yatnād rakṣa yudhiṣṭhira . mahīṁ mahimatāṁ śreṣṭha . dānāc chreyo nupālanam . bahubhir vvasudhā bhuktā rājabhis sagarādibhiḥ . yasya yasya yadā bhūmiḥ tasya tasya tadā phalam

iti . likhitaṁ sandhivigrahikaskandabhaṭena . svahasto mama mahārājaśrīdharasenasya . dū cirbbiraḥ . saṁ 200 50 2 vaiśākha ba 10 5

First edited by John Faithfull Fleet; neither estampages nor translation (). Again edited by Fleet, this time with estampages and translation (). Re-edited and encoded by Annette Schmiedchen on the basis of estampages and photographs of the original.