.,, . ,,.svasti śaka-varṣātīta, 954, kaārttika-māsa, tithi pañcadaśi śukla-pakṣa, vā, U, śa, vāra tolu, bharaṇī-nakṣatra, siddha-yoga, valava-kāraṇa, prajāpati-devatā, Agneya-maṇḍala, mr̥cchika-rāśi-lagna śveta-muhuūrtta,

Irika divaśany ājñā śrī mahārāja rake halu śrī lokeśvara dharmmavaṅśa Airlaṅgānantavikramottuṅgadeva, miṁsor· I rakryān· kanuruhan· mpu dharmmamūrtti narottama dānaśūra, kumonakan ikaṁ patapān· ri tr̥p· lmaḥ kambaṁ śrī thāni vatək· paṅkaja, padamlan· saṁ hyaṁ Ājñā haji praśāsti tinaṇḍa garuḍamuka,

sambandha rake paṅkaja dyaḥ tumamboṁ mapañji tumaṅgala, siraānambaḥ I pāduka śrī mahārāja, majar an hana mapatapan aṅaran i tr̥p·, paraniran palaradan·, ri kaāla śrī mahārāja katalayaḥ, saṅke vvatan mās· mara I patakan· hana ta sira bhaṭārī Arccharūpa, kapaṅgiḥ Irikaṁ patapān i tr̥p·, ṅkāna ta rakva rake paṅkaja dyaḥ tumamboṁ, ma2prārthāana ri jayaśatru śrī mahārāja riṁ samara, sampun· pva pratisubaddha paluṅguḥ śrī mahārāja riṁ ratnasiṅhāsana, mvaṁ sampun· karahatan· musuḥnira riṁ samara, tke balasāhayanya, Ika ta nimitta rake paṅkaja dyaḥ tumamboṁ, sumambaḥ pāduka śrī mahārāja tumuhvakna pratijñānira ri bhaṭārī ri tr̥p·, ri svatantranikaṁ patapan· I tr̥p· sthāna bhaṭārī, svabhāva śrī mahārāja pva tan aṅgā tan· paṅanugrahana Irikaṁ sanimittani pag=hani keśvaryyanira, sakavvaṅanikaṁ vvaṁ, kimuta pva rake paṅkaja dyaḥ tumamboṁ, saākṣāt anuja śrī mahārāja, kāraṇanirān ubhaya ri panambaḥ dyaḥ tumamboṁ, ri svatantranikaṁ patapān· sthāna bhaṭāri, tke lvaḥnya, kubvannya, savaḥnya, saprakaāra, Atəhər· maṅanugrahakən· vasthā halu I dyaḥ tumamboṁ, mataṁnyan· halu rake paṅkaja dyaḥ tumamboṁ,

tuhun uṅgvaniṁ savaḥ bhaṭārī, lor·niṁ patapān· mvaṁ vetan·niṁ patapān·, tampaḥ 1, samudaya, ha3na ta savaḥ pamūjā rake halu dyaḥ tumamboṁ I bhaṭārī tampaḥ 1, ṅaranya rī vuntalan·, mvaṁ kubvan· papucaṅan· kidul·niṁ havan aṅavetan iṁ babad hāmpu mataṁnyan āpiṇḍa tampaḥ 2, savaḥ bhaṭārī ya tika pūjākna ri bhatāri Aṅkən· vaṅi vehən· sopācara salvirniṁ kapūjan· saṁ prabhu Āpān· pinratiṣṭa Ibv akalihan āṅgə:ḥ bhaṭārī de śrī mahārāja, mvaṁ rake halu dyaḥ tumamboṁ, mataṁnyan· tan pāṅipikipika tekaṁ kəmbaṁ śrī ri