. svasti śaka-varṣaātīta 802 phālguṇa-māsa, tritīya kr̥ṣṇa-pakṣa, tuṁlai kalivuAn· soma, vāra, tatkāla ra karayān· I sirikan·, sumusuk· Ikanaṅ savaḥ Iṁ taragal· lamvit· 1 tampaḥ 2 muAṁ lmaḥniṁ sukət· kapuA lmaḥ I ruhutan· vatək· trab·, pomahananikanaṅ kumamit· Ikanaṁ savaḥ muAṁ vaitnya parī,

luĀnikanaṁ lmaḥniṅ sukət·, tpinya lor· ḍpa 77 tpinya kuluAn· ḍpa 133 hasta 3 tpinya kidul· ḍpa 106 tpinya vaitan· ḍpa 133 hasta 3 piṇḍa pakuliliṅanya ḍpa 450 hasta 2 .

maminta Ikanaṁ Anak vanuA I ruhutan· mas· pamlya Ikanaṁ savaḥ muAṁ Ikanaṁ lmaḥniṁ sukət·, vinaiḥ ya mas· kā 1 su 1 . paknānikanaṁ savaḥ sinusuk·, sīmānikanaṁ prāsāda rakarayān· I gunuṁ hyaṁ lmaḥ ra mamali muAṁ ra halivaṁbaṁ, dmakan· saṅkā I śrī mahārāja rakai kayu vaṅi . katkā Ikanaṁ savaḥ susukən· muAṁ Ikanaṁ lmaḥniṁ sukət· pomahana, InaṁsəAn· saṁ pamgat· vadihati pu manū, pasək·-pasək· vyavastthaniṁ manusuk· sīma, mas· mā 8 vḍihan· piliḥ Aṅsit· yu 1 tuhān· 2 miraḥ-miraḥ si guvar·, kulumpitan· si larak·, mas· mā 4 vḍihan· Aṅsit· yu 1 soAṁ . saṁ pamgat· makudur· pu mamnaṁ mas· mā 8 vḍihan· Aṅsit· yu 1 tuhān· 2 rolū si manūt· palintahan· si śra mas· mā 4 vḍihan· Aṅsit· yu 1 soAṁ . vahuta hyaṁ tumūt· manusuk· pagar vsi si vāhuṁ, kudur· tumūt· manusuk· halantaran· si maṇi, mas· mā 4 vḍihan· Aṅsit· yu 1 soAṁ . paminaṅ I saṁ hyaṁ kudur· mas· mā 4 vḍihan· Aṅsit· yu 4 .

sajiniṁ kulumpaṁ mas· mā 4 vḍihan· yu 4 rimvas· 1 vaduṁ 1 patuk·-patuk· 1 lukai 1 kris· 1 tvatk· punukan· 4 liṅgis· 4 laṇḍuk· 1 vaṁkyul· 1 gulumi 1 kurumbhāgi 1 nakhaccheda 1 dom· 1 tahas· 1 buri 1 padamaran· 1 saragi pagaṅanan· 1 saragi Inuman· 1 kampil· 1 vəAs· pada 1 vsi Ikət· 10 vivi 1 .

muAṁ Anuṁ vinaiḥ vḍihan· Aṅsit· sadugala soAṁ, vahuta mavaṅkar· si maṅayu ramani maniga, patiḥ marbakul· si sirapan·, parujarnya si gupit·, vahuta lampuran· si vulavan·, si vada huma, si vrut· .

maṅagam kon· vinaiḥ vḍihan· Aṅsit· sadugala soAṁ, kalaṁ si dras·, gusti si pañca, vinkas· si vaṅkut·, variga 2 si rivut·, si cərmmin·, parujar· 2 si śukra, si lagur·, hulair· si dmak·, matahun· si ravan·, makalaṁkaṁ si gok·, mavatas· si tara, tuhālas· 2 si tagu, si tbəṁ, mapkan· si davət·, makajar· si gaṅsil· .

rāma maratā, vinaiḥ vḍihan· Aṅsit· sadugala soAṁ si timur·, si cacu, si gabaḥ, si lakṣan· .

Anakbi vinaiḥ kain· savlaḥ soAṁ, vahuta si pon·, Anakbiniṁ patiḥ Anakbini maṅagam kon·, kalaṁ, gusti, variga, vinkas·, matahun·, makalaṁkaṁ, hulair·, mavatas·, parujar·, mapkan·, makajar·, tuhālas· .

I tpi siriṁ vinaiḥ vḍihan· sadugala soAṁ, ra kavuṁ hyaṁ vinkas· si rava, ra vuga vinkas· si Iṇḍit·, ra sukun· vinkas· si sūryya, ra mabaṅkar· gusti si caṇṭiṁ .

Ikana taṁ rāma, I ruhutan· kabaiḥ, matuha manuAm·, muAṁ Anakbi matuha manuAm·, vinaiḥ mamaṅana maṅinumma, tumūt· I tpi siriṁ Ikanaṁ vinaiḥ vḍihan· kapuA maṅigal· maparimvaṅi kabaiḥ .

kinon rakarayān· sumusuka Ikanaṁ savaḥ muAṁ Ikanaṁ lmaḥniṁ sukət· kapuA I ruhutan·, saṅ tuhān· kabaiḥ, ra punti si sayut·, hujuṅ galuḥ hr̥dayaśiva, paniṅgahan· si tarka, mataṇḍa si maṁlagai, manurat· dharmmasinta śivacitta .

... ... The same error appears in Boechari's typescript and in the edition published by Machi Suhadi & Sukarto Atmodjo.

Deciphered but not published by Boechari, a copy of whose typescript we received from Jan Wisseman Christie and use here as edition of reference (). As our apparatus entries show, a copy of the same typescript seems to have been reproduced with involuntary errors, in the first integral published edition (), which is accompanied by an Indonesian translation. Re-edited here by Arlo Griffiths and Mekhola Gomes from photographs.

95-1022.7.6 21-23 40-41A. 53 36 20 4998 IXLVII262-263 27-282.1.6