Face A varddha gi ta svāmī ta jmaḥ steñ· appa ta kvan· cloñ· ti yā sanme ni qme nu kvan· paṅket· bhakti ta vraḥ kaṁsteṅ· vraḥ ta da hadarana na phoṅṅa dau . gi kanloṅ· kaṁsteṅ· Añ· sre ta vraḥ kaṁsteṅ· ta jmaḥ steṅṅa Appa . gi khñuṁ nuva Ābharana phoṅṅa de vraḥ kaṁsteṅ· Añ· śrī varddhamāneśvara . daha vraḥ kaṁsteṅ· Añ· laḥ gi hita lāṅ· kaṁsteṅ· Añ· laḥ syaṅ· ta grap· Ābharaṇa man· svāmi paṅket· bhaktī nā vraḥ vleṅ· dai sot· ti svāmi ta jmaḥ steñ· Appa paṅket· bhaktī gi neḥ vrai gi vrai Ukka . gi bhaktī man· svāmī prakop ta vraḥ kaṁsteṅ· Añ· . hadya . śaṅkha . dāsa . dāsi . tai kr̥s· . tai thmāy· . tai subhadrā . tai kaṁpas· . gho nāgaṣara . gho Āditya . gho piṅpāṅ· . gho panlās· . gho Īśvaradāsa gi sruk· pr̥ nā svāmī Aṅgvay· ti nivedana ta vraḥ kaṁsteṅ· Añ· . jā Āśrama nu sre . phle gi sre dai Aṁvi ta gi daṁnap· jranyaṅṅa dai dau pūrvva prasap· drākṣa . dau paścima prasap· vrai jneṅ· . dau Uttara prasap· phlu thmur· . gi nuva srukka nuva sre ti svāmī ta jmaḥ steñ· Appa paṁre ta vraḥ kaṁsteṅ Añ śrī varddhamāneśvara nitya . .

. Anyasya dānam anumodati yo ’pi saṁmyak satrāptajaphalam avāpyati kim u saṁkalpatādhaladhatīm anubhāvayeddhi kaitharttima-ramanontarahemaliṅgaṁ . yaddattaṁ śramanādibhyo dadato hi tad dānsaṁ tad ahāryyaṁ nr̥penāpi kim uktam svāndhavaiḥ yaś cāpy asūyayed devaṁ bhūtātmānami rna sakr̥kaṁ yānti sahamū sahānugaiḥ .

. cloñ· hr̥dayabhāva mūla vraḥ kralā phdaṁ nu ta bhāryya paṅket bhaktī ta vraḥ kaṁsteṅ· Añ· śrī varddhamāneśvara nitya nu daṁnepra mantriya dau . au kinnara . nu khñuṁ ta tiṅṅa gi kinnara . tai pandan· . n· gho kan·Āt· gho panlas· . gho n·ren· . gho madhuragīta . gi sruk· jana ti nivedana ta vraḥ kaṁsteṅ· Añ· jā Āśrama . nuva sre phle gi . gi sre Aṁvi ta gi srukka lvoḥ ta gi gola . gi phle nuva srukka nuva sre ti paṁre ta vraḥ kaṁsteṅ· Añ· śrī varddhamāneśvara nitya . . cloñ· śikhāśiva paṅket bhaktī ta vraḥ kaṁsteṅ· Añ· śrī varddhamāneśvara . niveda- na khñuṁ ta vraḥ kaṁsteṅ· Añ· tai ka . ta gi . ti voca juṁ ti

. ke m kāñcanatatākati pra pūrvva kukr̥tāḥ na punaḥ kr̥tā ravimanagatassubhantiteharahaīndracaturmmukhāṅgāḥ .

. ntadāntāvācāryya khñuṁ ta vraḥ kaṁsteṅ· Añ· śrī varddhamāneśvara . tai saṁmr̥dhī .

Face B . steñ· yasāla . ra paṅket· vraḥ kaṁsteṅ· Añ· śrī varddhamāneśvara . nivedana khñuṁ ta vraḥ kaṁsteṅ· Añ· dasi dāsa . steñ· saśiva nu cloñ· somaśikhā ta jā qryāṁ nu phqvann· syaṅ ta sanme ni paṅket· bhaktī ta vraḥ kaṁsteṅ· Añ· śrī varddhamāneśvara . nivedana ta vraḥ kaṁsteṅ· Añ· gho kanteṅ· . tai kaṁvrau . kvan· kaṁvrau . tai thqyak· . vra tai thleṁ . mvāy· nyanyara . cloñ somaśikhādaiva cloñ· prabhāditya paṅket· bhakti ta vraḥ kaṁsteṅ· Añ· śrī varddhamāneśvara . nivedana khñuṁ ta vraḥ kaṁsteṅ· Añ· . tai dharaṇī . kvan· dharaṇī . gho chpoṅ· . tai panlas· . kvan· panlas· tai kañjes· . tai devikā . kvan· devikā . gho khñuṁ vraḥ . gho cloñ· somaśikhā duñ· . nivedana khñuṁ ta vraḥ kaṁsteṅ· Añ· śrī varddhamāneśvara . tai kaṁvai . kvan· kaṁvai vyara . syaṅ ta Aṅgvay· ta Āśrama ta vraḥ kaṁsteṅ· Añ· . cloñ· jana vraḥ kaṁsteṅ· Añ· śrī varddhamāneśvara . tai siddhirāja . kvan· siddhirāja . tai tai Aṅ· Oṅ· bhaktī cloñ· .

kaṁsteṅ· kaṁsteṅ Añ gi khñuṁ ta gi tad dānsaṁ tad ahāryyaṁ tadetvantadehāryya kim uktam svāndhavaiḥ kimutamsutarddhāndhavai kralā phdaṁ kra

Edited by Sotheara Vong (122-129) in Roman and Khmer scripts with a Khmer translation; the variants of reading are taken from both the Roman and Khmer scripts. Re-edited here by Kunthea Chhom from the photos of estampage in the edition, p. 128-129.

122-129