# K. 1075. Stela of unknown provenance, 951 Śaka

Kunthea Chhom, Julia Estève, Dominique Soutif and Gerdi Gerschheimer

Authors of digital edition: Kunthea Chhom, Julia Estève, Dominique
Soutif, Gerdi Gerschheimer

Identifier: DHARMA_INSCIK01075

Repository: Khmer (tfc-khmer-epigraphy)

File path: texts/xml/DHARMA_INSCIK01075.xml

Language: Old Khmer [Khmer]

Commit: 2026-11-14 14:32 (f68ac07), last modified 2026-09-17 01:54
(2c24a58)

## Palaeographic description

The lettering is characteristic of the eleventh century CE.

------------------------------------------------------------------------

## Edition

⟨Face A⟩ ⟨A1⟩ 951 śaka pañca⟨A2⟩mi roca kārtika vr̥haspa(ti)[vāra] [ca.
2+][na]⟨A3⟩kṣatra nu mratāña khloña śri kr̥ta(j)ñ[a][ca. 2+] ⟨A4⟩ ta māna
sruka (d)raveṅa cā(ṁ) (c)[aṁnāṁ sa]⟨A5⟩ṅkrānta ta kamrateṅa jagata
khda(ka) [ra]⟨A6⟩ṅk(o) liḥ prāma khñuṁ taṁtāma tai kaṁvraḥ (tai) ⟨A7⟩
kanthā neḥ khñu(ṁ) ta vyara Āyatva ta loña ⟨A8⟩ pvāsa nu kule neḥ phoṅa
⭘ tai kaṁvrāṁ tai ka⟨A9⟩nsāna neḥ cāp· vṅya rṇnoca khneta Āya- ⟨A10⟩ tva
ta kule Aña Āya (d)raveṅa ⦿ tai cinta ⟨A11⟩ pasa gandha Āyatva ta bhāga
kule loña ⟨A12⟩ nāka ⭘ taiya kanaO Āyatva ta loña ⟨A13⟩ qyaka nu kule
[1+] loña qyaka phoṅa neḥ ⟨A14⟩ (cā)[ṁ] [1+] caṁnāṁ loña qyaka vva[ṁ]
Ā⟨c⟩ ti m(ā)⟨A15⟩(na) Apavāda ⭘

⟨Face B⟩ ⟨B1⟩ [1+] viṅa j(e)ṅa sruka bh[r̥]ttipūra ti ⟨B2⟩ [2+]
[.][.]n[.] pr̥taya chloṅa chaka dāsa Ā⟨B3⟩[ca. 1+] khñuṁ caṁnāṁ noḥ phoṅ·
nu sthalā ta (vraḥ) ⟨B4⟩ [ca. 1+] qyata kule Aña (ta Āca) Apavāda ⟨B5⟩
krapi mvāya vraḥ go canmata dnyaṁ vyara ⟨B6⟩ khñuṁ caṁnā[ṁ] ta Apāla neḥ
velā cu⟨B7⟩ḥ Aṁvi paṁmre ta kaṁmrateṅ· ja⟨B8⟩gata Āya ta pradhāna gi dai
ra vvaṁ Ā⟨B9⟩c ti Āyata ta (lo)ña qnaka nā vra⟨B10⟩ḥ • nau ruva vraḥ
paṁnvasa ta Arcana ka- ⟨B11⟩ mrateṅa jagata khdaka gi nak ta (svaṅa)
⟨B12⟩ pi stap· dharmma noḥ nau noḥ ⟨B13⟩ qnak ta Ahha paṁpata dharmma
neḥ leṅa ⟨B14⟩ syaṅ ta dāra rājabhayasahasra (kaṁne)⟨B15⟩ta sva(yapāppa)
le(ṅa) roḥ ta [.][.]cā ⟨B16⟩ ga_(ma)_na ___ (ta) […]

## Bibliography

Preliminay edition by Julia Estève, Dominique Soutif, Gerdi Gerschheimer
and Kunthea Chhom from the estampage EFEO n. 1369.