K. 869. Stela in the gopura II of Prasat Banteay Srei, 890 Śaka

Face . . . namaś śavdaguṇāyāstu vyatītendriyavartmane viśvato vyaśnuvānāya vyomarūpāya śambhave . Unmanā yā satī kāntā nitāntaśivasaṅgatā jagaddhitāya śāśaktu sā śaktir acalātmajā . śrīkamvujendrasantāna -santānakamahīruhaḥ sutaś śrījayavarmmeti yaś śrīrājendravarmmaṇaḥ . kāladoṣāmvudhau magnā durgge gambhīrabhīṣaṇe prāpya pāram ivottuṅgaṁ yaṁ samāśvasiṣuḥ prajāḥ . praṇayāvanate k r̥tsne campādhīśādirājake kevalaṁ guṇavatprītyā nojjhāñ cāpañ cakāra yaḥ . smarayat smarasaundaryyaṁ saundaryyaṁ yasya nirmmalam· nūtanām akaron nūnam anūnām aratiṁ rateḥ ḥ . dakṣiṇāpathavinyasta -sāras siddhiprado ’rthinām· yuktaṁ yo yuktinipunṇaiś śrīparvvata Itīritaḥ . dūre yeṣāṁ manāṁsīmām asp r̥kṣan kṣmāṁ mahībhr̥tām· Ā darśanapathāt teṣāṁ yaṁ saṁprāpya śirāṁsi tu . prāyaśo durvvidagdhānāṁ pārthivānāṁ layan dadhat· Adbhis tulyam ajany ugraṁ tejo yasyāpi dussaham· . jāgrataḥ prativarṣāntaṁ śaureś śrīr anurāgiṇī yasya nityapravuddhasya kathābhir mmā sma katthyata . vr̥ddho ’pi pādahīno ’pi rājadharmmaḥ kalau yuge yaddaṇdḍanītim ālamvya pravr̥tto skhalitaṁ pathi . tasya rājādhirājasya surarājasamadyuteḥ ḥ yaś śaivadīkṣāvidhinā śāstānugrāhako guruḥ . śrīyaśovarmmaputrasya pautrasya śrīndravarmmaṇaḥ śrīharṣavarmmaṇo rājño dauhitro yo ’graṇīs satām· . dhiyā gotreṇa tulyasya puruhūtapurodhasā dāmodarākhyaviprasya vahvr̥casyātmajaś ca yaḥ . prakāśarūpās saṁprāpya suprasannan nisarggataḥ Arkatviṣa Ivādarśaṁ yaṁ vidyā vyadyutan bhr̥śam· . bhaktyāṣṭapuṣpikāṁ śaivīṁ havīṁṣi ca havirbhuji yogañ ca pratyahaṁ yogyas svapoṣam iva yo ’puṣat· . hiraṇyāni ca vāsāṁsi kuṇdḍodhnīr ggāś ca parvvasu yaḥ pratigrāhayām āsa māsi māsi dvijanmanaḥ . sadā yaś cāntikasadā rājñā śrījayavarmmaṇā māyūracchatrasauvarṇnṇa -dolādyais satkr̥taḥ kr̥tī . Face ye vr̥ṁhayanty alpadhiyāṁ kulavidyādayo madam· vyanīnaśat tair yugapat· pareṣām ātmanaś ca yaḥ . pātañjalīye kānṇāde kṣapādakapilāgame bauddhe vaidye ’tha gāndharvve jyautiṣe nayate sma yaḥ . Ākhyāyikākr̥tir abhūt· svadeśe yadupakramam· nānābhāṣālipijñaś ca prayoktā nāṭakasya yaḥ . śivaliṅgāny anekāni sārccāny āśayam ambhasām· sthāpayām āśramāṁś cāsa yaś ca liṅgapurādiṣu . tasya yajñavarāhasya vidyānāṁ pāradr̥śvanaḥ khyāto viṣṇukumārākhyas sodaryyo yo jaghanyajaḥ . yasyāmr̥tamayīṁ vidyā -jyotsnāṁ vaktrakumudvatī nirggatāṁ guruvaktrendoḥ pāyaṁ pāyam ajr̥mbhata . kr̥tsnāni śavdavidyādi -śāstrāṇi sakalāḥ kalāḥ śaivañ ca gauravaṁ yogaṁ bhrātur jyeṣṭhād avāpa yaḥ . vidyāsantatyavicchittyai kr̥tsnāṁ vr̥ttiñ ca kāśikām· pārameśvarapūrvvāñ ca yo ’likhac chivasaṁhitām· . mahāguṇair anekair yyo guruṇā prāg vibhūṣitaḥ hemadolādivibhavair bhūyaḥ kamvujabhūbh r̥tā . tābhyām ācāryyavaryyābhyāṁ vyāptāśābhyāṁ yaśoṅśubhiḥ bhrātr̥bhyāṁ sthāpitaṁ liṅgam idaṁ śaivaṁ yathāvidhi .