dugdhāvdhi-tulye viśadānvavāye jāto vadāto na yathā śaśāṅkaḥ R̥ddhān dadhad veda-yama-grahair yyo viśvambharām ājaladher vvabhāra vijātim āśritya hariḥ khagendraṁ rāmaḥ kapīndrañ ca ripūn mamardda svavāhum ājau viṣame sujātim ajataroṣās tu ya Ekavīraḥ dr̥ṣṭi-pradānena varāṅgaṇānām āptis sthiteḥ kevala-durlabhāsyāḥ Ananya-pūrvveva mukhe tu yasya kenāpy anāyāsam uvāsa vidyā yadānanorvvīdhara-rājaśr̥ṅgād vinissr̥tā mr̥ṣṭa-jagat-kalaṅkā purāṇa-rāmāyana-bhāratādi -kathāvivakṣāmaradhāma-sindhuḥ vāhyopamānāsya vilāsa-kānti -samānaśobhā kanakāndajāṇḍe Itīva kāntās svamanāṅsi ninyus samānayantyo yam anaṅga-kāntyā yasyāṅga-lāvanyam ananya-lavdhañ ced vīkṣya kāmāpadi kāmakāntā svāṅgan didhakṣuḥ kim u jātaharṣā muñcet kathañ cin na nu vāṣpamātram· svānte madīye vidadhātu nityaṁ sthāsnusthitiṁ sthānur itīva samyak· śubhra-vr̥ṣaṁ sūkṣma-gati-pratītaṁ yas sthāpayām āsa manasy ajasram· tathā pradānocita-mānasena -dattāni yenānudinan dhanāni yathārthibhiḥ kr̥tsnaparigrahe ’py a -samarthatāgr̥hyata śatru-gr̥hyā sāmānyavr̥tter api nur mr̥gākṣī kṣudrātma-dhāmnaś capalā na yuktā rājādhirājasya tu yasya kīrttiḥ priyā satī sarvva-gatātra citram· nirantarākliṣṭanisr̥ṣṭayajñaiś śatakrator yo bhuvi tulya-vr̥ttiḥ kṣitiñ cakārāmaraviprakīrṇṇām adhyāsitāṁ punya-janair iva dyām· Utpatti-nāśāmvu-nidhau jaganti majjanty ajasraṁ karuṇārdracetāḥ samīkṣya śāstrārtha-vidhikriyāṁ yaś śivsy pūjājananīñ cakāra yasyonnatiṁ rāja-guṇe ca dharmme kalir vvalī cālayitun na śaktaḥ Utpātabhūtā Api ratnaraśmiṁ vātūla saṅghā na hi kampayanti

The restitutions of this inscription are based on the stanzas VIII-XIX of the southern doorjamb of Prasat Sankhah K. 218.

Edited by George Cœdès () without translation; re-edited here by Kunthea Chhom from the estampage EFEO n. 941.

216-217