<?xml version="1.0" encoding="UTF-8"?>
<?xml-model href="https://raw.githubusercontent.com/erc-dharma/project-documentation/master/schema/latest/DHARMA_Schema.rng" type="application/xml" schematypens="http://relaxng.org/ns/structure/1.0"?>
<?xml-model href="https://raw.githubusercontent.com/erc-dharma/project-documentation/master/schema/latest/DHARMA_Schema.rng" type="application/xml" schematypens="http://purl.oclc.org/dsdl/schematron"?>
<?xml-model href="https://raw.githubusercontent.com/erc-dharma/project-documentation/master/schema/latest/DHARMA_SQF.sch" type="application/xml" schematypens="http://purl.oclc.org/dsdl/schematron"?>
<?xml-model href="https://epidoc.stoa.org/schema/latest/tei-epidoc.rng" schematypens="http://relaxng.org/ns/structure/1.0"?>
<?xml-model href="https://epidoc.stoa.org/schema/latest/tei-epidoc.rng" schematypens="http://purl.oclc.org/dsdl/schematron"?>
<TEI xmlns="http://www.tei-c.org/ns/1.0" xml:lang="eng">
   <teiHeader>
      <fileDesc>
         <titleStmt>
            <title>K. 257. Doorjambs of Prasat Car, 916 Śaka</title>
            <respStmt>
               <resp key="creator">author of digital edition</resp>
               <persName ref="part:kuch">
                  <forename>Kunthea</forename>
                  <surname>Chhom</surname>
               </persName>
            </respStmt>
            <respStmt>
               <resp key="creator">intellectual authorship of edition</resp>
               <!-- <persName ref="http://viaf.org/viaf/66465311">
                  <forename>George</forename>
                  <surname>Cœdès</surname>
               </persName> -->
               <persName ref="part:kuch">
                  <forename>Kunthea</forename>
                  <surname>Chhom</surname>
               </persName>
            </respStmt>
         <funder>European Research Council (ERC), grant agreement no 809994</funder></titleStmt>
         <publicationStmt>
            <authority><ref target="https://dharmalekha.info">DHARMA</ref></authority>
            <pubPlace>Siem Reap</pubPlace>
            <idno type="filename">DHARMA_INSCIK00257.xml</idno>
            <availability><licence target="https://creativecommons.org/licenses/by-sa/4.0/">CC BY-SA 4.0</licence></availability>
            <date from="2019" to="2026">2019-2026</date>
         </publicationStmt>
         <sourceDesc><!-- only the handDesc can be filled in at this stage -->
            <msDesc><!-- //// NB: the msIdentifier had to be added for validation purposes ///. It will be edited later with the metadata spreadsheet -->
               <msIdentifier>
                  <repository>as per external metadata</repository>
               </msIdentifier>
               <msContents><!-- describe the intellectual content of an inscription -->
                  <summary><!-- //// NOT MANDATORY  ////--></summary>
                  <!-- offers the possibility to give a summary of the inscription's content -->
               </msContents>
               <physDesc>
                  <handDesc>
                     <p>The lettering is characteristic of the tenth century CE.
                        <!-- The script name(s) will be inserted here at a later stage from the metadata spreasheet. At this stage, you can mention here in a free-text paragraph any characteristics of the writing observed more than once in this inscription that seem unusual/uncommon or otherwise noteworthy given the general characteristics of the script in question. See EG 11.2. --></p>
                     <!-- If you need to identify individual hands (EG §7.5/) in addition to one or more paragraphs of general palaeographic description, wrap <summary> around the <p> or <p>s above, and, outside <summary>, create <handNote> elements for each hand as follows:
						<summary><p><p/></summary>
						<handNote xml:id="Pallava00001_hand1"></handNote>
						<handNote xml:id="Pallava00001_hand2"></handNote>
					 -->
                  </handDesc>
               </physDesc>
            </msDesc>
         </sourceDesc>
      </fileDesc>
      <encodingDesc>
         <p>Encoded in TEI/EpiDoc according to the <ref target="https://hal.science/halshs-02888186">DHARMA Encoding Guide for Documentary Editions, version 2</ref></p>
      </encodingDesc>
      <revisionDesc>
         <change who="part:kuch" when="2025-10-02" status="draft">Initial encoding of the inscription</change>
      </revisionDesc>
   </teiHeader>
   <text xml:space="preserve">
        <body>
                <div type="edition" xml:lang="okz-Latn" rendition="class:83231 maturity:83213">
<p>
 <lb n="S1"/><milestone type="pagelike" unit="item" n="S"/><label xml:lang="eng">Southern Doorjamb</label><g ref="sym:doubleBar-ornate" type="punctuation">.</g> <g ref="sym:floret" type="punctuation">.</g> <g ref="sym:doubleBar-ornate" type="punctuation">.</g> <num value="901">901</num> śaka pañcamī ket· jyestha toy<unclear>·</unclear> candra<unclear>māsa</unclear> Ai <gap reason="lost" quantity="4" unit="character"/>
   <lb n="S2"/>Ādityavāra puṣyanakṣatra nu mān· vraḥ śāsana dhūli vraḥ <supplied reason="lost">pāda dhūli jeṅ· vraḥ kamrateṅ·</supplied>
   <lb n="S3"/>Añ· śrī jayavarmmadeva ta steṅ· Añ· vraḥ guru kaṁsteṅ· śrī vīrendravarmma kaṁsteṅ· śrī <gap reason="lost" quantity="2" unit="character"/><lb n="S4" break="no"/>ndrādhipativarmma kaṁsteṅ· śrī mahīdharavarmma pre dau Oy· vraḥ karuṇā prasāda bhūmi Ā<supplied reason="lost">y·</supplied>
   <lb n="S5"/>chdiṅ· ta tāñ· kamrateṅ· Añ· Āy· qvāy· ta kaṁsteṅ· śrī rājapativarmma ta kaṁsteṅ· śrī <supplied reason="lost">nara</supplied><lb n="S6" break="no"/>pativīravarmma ta mratāñ· khloñ· śrī jayāyudhavarmma pi cat· sruk· duk· vraḥ pi Oy· ta kule <supplied reason="lost">ta</supplied>
   <lb n="S7"/>strījana phoṅ· Aṅgvay ta gi <g ref="sym:bullet-middle" type="punctuation">.</g> vraḥ kaṁrateṅ· Añ· śivaliṅga <g ref="sym:bullet-middle" type="punctuation">.</g> vraḥ kamrateṅ· Añ· parame<supplied reason="lost">śvara</supplied>
   <lb n="S8"/>rūpa kaṁsteṅ· śrī rājapativarmma <g ref="sym:bullet-middle" type="punctuation">.</g> vraḥ kamrateṅ· Añ· bhagavatī rūpa tāñ· kamrateṅ· A<supplied reason="lost">ñ· <g ref="sym:bullet-middle" type="punctuation">.</g></supplied>
   <lb n="S9"/>vraḥ kamrateṅ· Añ· bhagavatī rūpa teṅ· tvan· ta yā kaṁsteṅ· śrī narapativīravarmma mratā<supplied reason="lost">ñ·</supplied>
   <lb n="S10"/>khloñ· śrī jayāyudhavarmma <g ref="sym:bullet-middle" type="punctuation">.</g> saṁ gaṇa nu kamrateṅ· jagat· śrī bhadreśvara Anrāy· liṅga<supplied reason="lost" cert="low">pura</supplied>
   <lb n="S11"/>vraḥ kamrateṅ· Añ· nārāyana saṁ gaṇa nu vraḥ kamrateṅ· Añ· śrī campeśvara <g ref="sym:doubleBar-ornate" type="punctuation">.</g> <g ref="sym:floret" type="punctuation">.</g> <supplied reason="lost"><g ref="sym:doubleBar-ornate" type="punctuation">.</g></supplied>
   <lb n="S12"/>caṅvātta bhūmi neḥ toy· pūrvva Aṅve chdiṅ<unclear>·</unclear> bhūmi travāṅ· vloṅ· ta ti mratāñ· tri khsāc· vlv<supplied reason="lost">ak·</supplied>
   <lb n="S13"/>Oy ta kaṁsteṅ· śrī rājapativarmma <g ref="sym:bullet-middle" type="punctuation">.</g> toy· Agneya prasap ta gi bhūmi guhe ta ti vāp· hā<gap reason="lost" quantity="2" unit="character"/>
   <lb n="S14"/>Āptabhr̥tya nā Eka khcya qnak· paṅgaṁ thpvaṅ· nivedana pi Oy ta kaṁsteṅ· śrī <supplied reason="lost">rāja</supplied>pativarmma <g ref="sym:bullet-middle" type="punctuation">.</g> toy· dakṣi<supplied reason="lost">ṇa</supplied>
   <lb n="S15"/>prasap ta gi caṁnat· steñ· chok· thmo <g ref="sym:bullet-middle" type="punctuation">.</g> toy· nairr̥tiya prasap<unclear>·</unclear> travāṅ<unclear>·</unclear> khbas<unclear>·</unclear> <g ref="sym:bullet-middle" type="punctuation">.</g> toy<unclear>·</unclear> paścima <supplied reason="lost">pra</supplied><lb n="S16" break="no"/>sap· śivajñāna <g ref="sym:bullet-middle" type="punctuation">.</g> toy· vāyavya travāṅ· veṅ· prasap· nu rāmakṣetra <g ref="sym:bullet-middle" type="punctuation">.</g> toy<unclear>·</unclear> Uttara nu Iśāna prasap<unclear>·</unclear>
   <lb n="S17"/><supplied reason="lost">bhūm</supplied>i kaṁsteṅ· śrī vīrendravarmma <g ref="sym:bullet-middle" type="punctuation">.</g> bhūmi nā vāp· vis· bhāgavata <gap reason="lost" quantity="2" unit="character"/>ya kaṁnuṅa caṅvāt· neḥ <gap reason="lost" quantity="1" unit="character"/>
   <lb n="S18"/><gap reason="lost" quantity="3" unit="character"/>pativarmma paṅgaṁ thpvaṅ· nivedana svaṁ bhūmi mr̥takadhana Āy· <gap reason="lost" quantity="2" unit="character"/> ti pi Oy· thnvara ta vāp· vi<supplied reason="lost">s·</supplied> <gap reason="lost" quantity="1" unit="character"/>
   <lb n="S19"/>bhūmi sthalā pravaca ti kaṁsteṅ· śrī narapativīravarmma duñ· nu vodi padigaḥ mās· prāk· krapī ta vāp<unclear>·</unclear> <supplied reason="lost">Āt·</supplied>
   <lb n="S20"/>daśādhikr̥ta chmāṁ vraḥ kralā phdaṁ chok· gragyar· <g ref="sym:bullet-middle" type="punctuation">.</g> bhūmi bhāga Anle mvāy<unclear>·</unclear> toy<unclear>·</unclear> paścima ti kaṁsteṅ· <supplied reason="lost">śrī rā</supplied><lb n="S21" break="no"/>japativarmma duñ· nu vodi padigaḥ thnap· canlyāk· ta vāp· svasti qnak· vraḥ chpār<unclear>· <g ref="sym:doubleBar-ornate" type="punctuation">.</g></unclear> bhūmi travāṅ· khba<supplied reason="lost">s·</supplied>
   <lb n="S22"/>kaṁsteṅ· śrī rājapativarmma jov· nu vodi padigaḥ thnap· canlyāk· krapī ta gho sarāc· qnak· vraḥ travā<supplied reason="lost">ṅ·</supplied>
   <lb n="S23"/>sruk· teṁ tannot· Āy· kantāl· danle nu khñuṁ phle gi ti mratāñ· śrī guṇapaṇ<choice><orig>d</orig><reg>ḍ</reg></choice>ita Oy ta kaṁsteṅ<supplied reason="lost">· śrī</supplied>
   <lb n="S24"/>rājapativarmma man mān· vraḥ śāsana pre sthāpanā rūpa kaṁsteṅ· śrī rājapativarmma ti Oy· paṁre ta rūpa kaṁsteṅ·
   <lb n="S25"/>bhūmi taṁpuṅ· ti vraḥ karuṇā prasāda <g ref="sym:bullet-middle" type="punctuation">.</g> bhūmi taṁpuṅ· bhāga mvāy<unclear>·</unclear> ti duk· thpal· nu khñuṁ phle gi nāṁ vraḥ paryya<lb n="S26" break="no"/>ṅ· dau liṅgapura <g ref="sym:bullet-middle" type="punctuation">.</g> bhūmi taṁpuṅ· bhāga mvāy<unclear>·</unclear> kaṁsteṅ<unclear>·</unclear> Añ· vraḥ guru Oy ta kaṁsteṅ· śrī narapativīravarmma sthāpa<lb n="S27" break="no"/>nā vraḥ śivaliṅga ta gi saṁ gaṇa nu liṅgapura sot· <g ref="sym:bullet-middle" type="punctuation">.</g> bhāga mvāy· Āy· lOk· Oy· caṁnāṁ raṅko liḥ vyara ta vraḥ
   <lb n="S28"/>vrāhmaṇaśāla <g ref="sym:bullet-middle" type="punctuation">.</g> bhāga mvāya Āy· vnura rvyāṅ· Oy· dau paṁre ta vraḥ hemaśr̥ṅgagiri <g ref="sym:bullet-middle" type="punctuation">.</g> bhāga mvāya ra soṅ·
   <lb n="S29"/>dau ta vraḥ kamrateṅ· Añ· bhagavatī rūpa teṅ· tvan· ta yā kaṁsteṅ· śrī narapativīravarmma <g ref="sym:doubleBar-ornate" type="punctuation">.</g> bhūmi gaṁ<lb n="S30" break="no"/>mryāṅ· ti duñ· ta muṣṭiyudha sthāpanā bhagavatī mahiṣāsura Āsana kanloṅ· kamrateṅ· Añ· Ā<lb n="S31" break="no"/>y<supplied reason="omitted">·</supplied> Aṅve danle ta gi <g ref="sym:doubleBar-ornate" type="punctuation">.</g> bhūmi teṁ slā mr̥takadhana ti steṅ· Añ· vraḥ guru paṅgaṁ thpvaṅ· nivedana Oy·
   <lb n="S32"/>vraḥ karuṇā prasāda sthāpanā śivaliṅga ta gi saṁ gaṇa nu kamrateṅ· jagat· liṅgapura sot· <unclear><g ref="sym:doubleBar-ornate" type="punctuation">.</g></unclear>
   <lb n="S33"/>bhūmi canlattai ti mrateñ· hr̥dayabhāva chmāṁ vraḥ kralā phdaṁ nā trīṇi saṁlāp· tamrya sār nai
   <lb n="S34"/>kaṁsteṅ· vyara hetu cya srūva man· qyat taṁmrya nu soṅ· taṁmrya kaṁsteṅṅa Oya bhūmi canlattai sthāpanā
   <lb n="S35"/>śivaliṅga ta gi saṁ gaṇa nu liṅgapura sot<supplied reason="omitted">·</supplied> <unclear><g ref="sym:doubleBar-ornate" type="punctuation">.</g></unclear> bhūmi rlaṁ slut ti vāp· jvāda chmāṁ vraḥ kralā phdaṁ nā do O<lb n="S36" break="no"/>y ta kaṁsteṅ· <g ref="sym:doubleBar-ornate" type="punctuation">.</g> bhūmi snāṁ thguḥ ti kaṁsteṅ· śrī rājapativarmma duñ· ta vāp· dā vargga dhruvapura nu vaudi padi<lb n="S37" break="no"/>gaḥ canlyāk· krapī sthāpanā vraḥ vighneśa ta gi Oy· kriyā Āy· chdiṅ· <g ref="sym:doubleBar-ornate" type="punctuation">.</g> bhūmi rllo ti kaṁsteṅ· duñ· ta
   <lb n="S38"/>vāp· go kanmyaṅ· paṁre nu prākka nu canlyākka pi cat· sruk· duk· khñuṁ Oy ta vraḥ kamrateṅ· Añ· bhagavatī rūpa tā<lb n="S39" break="no"/>ñ· kamrateṅ· Añ· <g ref="sym:doubleBar-ornate" type="punctuation">.</g> bhūmi cyat krāṅ· pramān<unclear>·</unclear> malyāṅ· ti kaṁsteṅ· śrī narapativīravarmma svaṁ vraḥ karuṇā
   <lb n="S40"/>prasāda pi cat· sruk· duk· khñuṁ ta gi Oy ta vraḥ kamrateṅ· Añ· bhagavatī rūpa teṅ· tvan· ta yā kaṁsteṅ· śrī na<lb n="S41" break="no"/>rapativīravarmma <g ref="sym:doubleBar-ornate" type="punctuation">.</g> sruk· ratnaparvvata pramān· bhīmapura ti teṅ<unclear>·</unclear> mā ta qnak<unclear>·</unclear> khloñ· kaṁsteṅ· śrī rājapativarmma jvan ta
   <lb n="S42"/><supplied reason="lost">vraḥ</supplied> kamrateṅ· Añ· parameśvara rūpa kaṁsteṅ· śrī rājapativarmma jvan· khñum savālavr̥ddha śata mvāya praṁvyal<unclear>·</unclear>
   <lb n="S43"/><supplied reason="lost">bhū</supplied>mi sthalā pravaca sot· ti mratāñ· khloñ· śrī jayāyudhavarmma duñ· nu graloṅ tai mvāya khāl·
   <lb n="S44"/><supplied reason="lost">prā</supplied>k· mvāya ṅan· jyaṅ· mvāya jña yau mvāya thnap· yau mvāya ta vāp· Āt<unclear>·</unclear> daśādhikr̥ta chmāṁ vraḥ kralā phdaṁ
   <lb n="S45"/>chok· gragyar pi Oy ta vraḥ kamrateṅ· Añ· bhagavatī rūpa teṅ· tvan ta yā mratāñ· khloñ· <g ref="sym:doubleBar-ornate" type="punctuation">.</g>
   </p>                  
<p>
 <lb n="N1"/><milestone type="pagelike" unit="item" n="N"/><label xml:lang="eng">Northern Doorjamb</label><gap reason="lost" quantity="8" unit="character"/> mārggaśira vr̥haspativāra nu mratāñ· khloñ· śrī narapativīravarmma pre
<lb n="N2"/><gap reason="lost" quantity="10" unit="character"/>y ta kanmvāy· mratāñ· khloñ· nāṁ vāp· dan· muṣṭiyudha ta mān<unclear>·</unclear>
   <lb n="N3"/><gap reason="lost" quantity="5" unit="character"/> vāp<unclear>·</unclear> In<unclear>·</unclear> khloñ<unclear>·</unclear> jnvāl<unclear>·</unclear> muṣṭiyudha <g ref="sym:bullet-middle" type="punctuation">.</g> vāp· go mūla <g ref="sym:bullet-middle" type="punctuation">.</g> vāp· gāp· mūla <g ref="sym:bullet-middle" type="punctuation">.</g> vāp· dan· mūla vā<lb n="N4" break="no"/><supplied reason="lost">p·</supplied> <gap reason="lost" quantity="3" unit="character"/> mūla muṣṭiyudha sruk<unclear>·</unclear> gamryāṅ· mok· vraḥ sabhā <g ref="sym:bullet-middle" type="punctuation">.</g> kathā man· vāp· vit· khloñ· jnvāl· muṣṭi<lb n="N5" break="no"/><supplied reason="lost">yudha <g ref="sym:bullet-middle" type="punctuation">.</g></supplied> pul<unclear>·</unclear> prāk<unclear>·</unclear> jyaṅ· mvāy<unclear>·</unclear> vodi mvāy<unclear>·</unclear> ṅan<unclear>·</unclear> jyaṅ· pramvāya canlyāk· yo tappa ta mratāñ· khloñ·
   <lb n="N6"/>śrī narapativīravarmma nu duñ· <gap reason="lost" quantity="4" unit="character"/> maṇdira kāla ta gi chnāṁ srac· nirṇṇaya kaṁvai rlaṁ dyana lvoḥ guṇa-
   <lb n="N7"/>dravya ta roḥha <g ref="sym:bullet-middle" type="punctuation">.</g> qyat· dravya dep<unclear>·</unclear> vāp· vit· vāp· dan· pradhāna sruk· gamryāṅ<supplied reason="omitted">·</supplied> <g ref="sym:bullet-middle" type="punctuation">.</g> vāp· In· khloñ·
   <lb n="N8"/><supplied reason="lost">jnvāl· muṣṭi</supplied>yudha vāp· go mūla vāp<unclear>·</unclear> gāp<unclear>·</unclear> mūla vāp<unclear>·</unclear> dan· mūla vāp· qyak· mūla muṣṭiyudha sruk· gamryā<lb n="N9" break="no"/><supplied reason="lost">ṅ·</supplied> <gap reason="lost" quantity="3" unit="character"/> bhūmi gamryāṅ· <gap reason="lost" quantity="7" unit="character"/> Oy ta mratāñ· khloñ· śrī narapativīravarmma thlāy<unclear>·</unclear> prāk· nu
   <lb n="N10"/>dravya nu canlyāk ta guṇa <gap reason="lost" quantity="7" unit="character"/> śaka navamī ket· marggaśira vr̥haspativāra nu mratāñ· khloñ· śrī
   <lb n="N11"/><supplied reason="lost">nara</supplied>pativīravarmma Oy· j<supplied reason="lost">ña ś</supplied>i<supplied reason="lost">ra yo mvā</supplied>ya thnap<unclear>·</unclear> vlaḥ mvāya ta vāp· dan· pradhāna sruk· gamryāṅ· <g ref="sym:bullet-middle" type="punctuation">.</g> jña śira yo mvāya
   <lb n="N12"/><supplied reason="lost">da</supplied>rāppa yo mvāya thnap<unclear>·</unclear> <gap reason="lost" quantity="5" unit="character"/> khāl<unclear>·</unclear> prāk<unclear>·</unclear> mvāya liṅ· prāma Aṁpyal· je vyar ta vāp· gāp· mūla <g ref="sym:bullet-middle" type="punctuation">.</g> jña śira
   <lb n="N13"/>yo mvāya thnap· vlaḥ vyara <supplied reason="lost">Aṁ</supplied>pyal· je mvāya ta vāp· qyak· mūla <g ref="sym:bullet-middle" type="punctuation">.</g> jña śira yo mvāya darāppa yo mvāya thna<lb n="N14" break="no"/>p· yo mvāya Aṁpya<supplied reason="lost">l· je mvā</supplied>ya ta vāp· dan· mūla <g ref="sym:bullet-middle" type="punctuation">.</g> khāl· prāk· vyara liṅ· tappa jña śira yo mvāya jña rāp·
   <lb n="N15"/>yo tappa thnap· yo vyara <supplied reason="lost">ta</supplied> vāp· go mūla vāp<unclear>·</unclear> Amr̥ta vāp· jes· kule vāp· go mūla muṣṭiyudha pi jā<lb n="N16" break="no"/>v· bhūmi caṁhop· pi Oy ta vraḥ kamrateṅ· Añ· bhagavatī man· mra<supplied reason="lost">tā</supplied>ñ<unclear>·</unclear> khloñ· śrī narapativīravarmma sthāpa<lb n="N17" break="no"/>nā ta gi bhūmi gamryāṅ<unclear>·</unclear> man<unclear>·</unclear> vraḥ sabhā taṅ·tyaṅ· vāp· In· khloñ· jnvāl· vāp· dan· pradhāna sruk· vāp· go
   <lb n="N18"/>mūla vāp· qyak· mūla <supplied reason="lost">vāp·</supplied> gāp· mūla vāp· dan· mūla sot· ta gi kathā mratāñ· khloñ· śrī narapativīravarmma
   <lb n="N19"/>ta roḥha neḥha <g ref="sym:bullet-middle" type="punctuation">.</g> vāp· In· vāp· go vāp· dan· vāp· qya<supplied reason="lost">k·</supplied> <gap reason="lost" quantity="6" unit="character"/> paṁvyat· phoṅ<unclear>·</unclear> kathā mratāñ· khlo<lb n="N20" break="no"/>ñ· śrī narapativīravarmma <g ref="sym:bullet-middle" type="punctuation">.</g> vāp· dan· pradhāna vāp· In· khlo<supplied reason="lost">ñ· jnvāl· vāp· go</supplied> mūla vāp· gāp· mūla vāp· qyak·
   <lb n="N21"/>mūla vāp· dan· sot· mūla <g ref="sym:bullet-middle" type="punctuation">.</g> chley· neḥ dravya ta ro<supplied reason="lost">ḥha neḥha ye</supplied>ṅ· yok ta mratāñ· khloñ· ti
   <lb n="N22"/>yeṅ· thve vraḥ rājakāryya nu gī <g ref="sym:bullet-middle" type="punctuation">.</g> saṁnall<unclear>·</unclear> yeṅ· qras<unclear>·</unclear> <gap reason="lost" quantity="8" unit="character"/> <supplied reason="lost">bh</supplied>ūmi ti yeṅ· Oy· thlāy<unclear>·</unclear> dra<lb n="N23" break="no"/>vya mratāñ· khloñ· nu man· mratāñ· khloñ· Oy· <gap reason="lost" quantity="7" unit="character"/> Oy ta vraḥ kamrateṅ· Añ·
   <lb n="N24"/>bhagavatī man· sthāpanā Āy· gamryāṅ· <g ref="sym:bullet-middle" type="punctuation">.</g> toy· pū<supplied reason="lost">rvva</supplied> <gap reason="lost" quantity="7" unit="character"/> Añ· vraḥ guru <g ref="sym:bullet-middle" type="punctuation">.</g> toy· dakṣi<lb n="N25" break="no"/>ṇa prasap· vnaṁ khyoṅ· <g ref="sym:bullet-middle" type="punctuation">.</g> toy· paścima vap ta gi sru<supplied reason="lost">k·</supplied> <gap reason="lost" quantity="7" unit="character"/> <supplied reason="lost"><g ref="sym:bullet-middle" type="punctuation">.</g> to</supplied>y· Uttara mok· lvaḥ ta gi vraḥ
   <lb n="N26"/>phlū <g ref="sym:bullet-middle" type="punctuation">.</g> bhūmi Añ· ta jmah· vāp· In· kanlaḥ mūla qnau <gap reason="lost" quantity="11" unit="character"/> mratāñ· khloñ· Oy· bhūmi
   <lb n="N27"/>canhvar· ransī thnvar<unclear>·</unclear> ta Añ· ta vāp· In<unclear>·</unclear> <g ref="sym:bullet-middle" type="punctuation">.</g> neḥ pi Oy<unclear>·</unclear> <gap reason="lost" quantity="12" unit="character"/> <supplied reason="lost">mra</supplied>tāñ· khloñ· nu loñ· qyak ta
   <lb n="N28"/>kanmvāy· mratāñ· khloñ· <g ref="sym:bullet-middle" type="punctuation">.</g> ti yeṅ· parihāra nu <gap reason="lost" quantity="7" unit="character"/> <g ref="sym:bullet-middle" type="punctuation">.</g> ta qnau nā samakṣa guṇa<lb n="N29" break="no"/>doṣadarśśi mratāñ· śrī dharaṇīndropakalpa <g ref="sym:bullet-middle" type="punctuation">.</g> <gap reason="lost" quantity="8" unit="character"/> <supplied reason="lost">lo</supplied>ñ· rṣ<gap reason="lost" quantity="2" unit="character"/>rthānandana
   <lb n="N30"/>loñ· Ānandana <g ref="sym:bullet-middle" type="punctuation">.</g> loñ· paṇditācāryya <unclear><g ref="sym:bullet-middle" type="punctuation">.</g></unclear> vya <gap reason="lost" quantity="9" unit="character"/> na <g ref="sym:bullet-middle" type="punctuation">.</g> vāp· <gap reason="lost" quantity="1" unit="character"/>rmma yogī
   <lb n="N31"/>vāp· dhirānandana <g ref="sym:bullet-middle" type="punctuation">.</g> vāp· Acyuta <g ref="sym:bullet-middle" type="punctuation">.</g> vāp· pavitra <g ref="sym:bullet-middle" type="punctuation">.</g> vāp· <gap reason="lost" quantity="10" unit="character"/> mratāñ· śrī nr̥pendrā<lb n="N32" break="no"/>rimathana <g ref="sym:bullet-middle" type="punctuation">.</g> tamrvac· vraḥ rājakāryya loñ· prāṇa <gap reason="lost" quantity="9" unit="character"/> <num value="916"><supplied reason="lost">9</supplied>16</num> śaka nu kaṁsteṅ·
   <lb n="N33"/>śrī narapativīravarmma paṅgaṁ thpvaṅ· nivedana pi <gap reason="lost" quantity="11" unit="character"/> ti cat· sruk· duk· khñuṁ pi
   <lb n="N34"/>Oy<unclear>·</unclear> ta vraḥ kamrateṅ· Añ· śivaliṅga Āy· <gap reason="lost" quantity="10" unit="character"/> <supplied reason="lost">kaṁ</supplied>steṅ· śrī narapa<supplied reason="lost">t</supplied>ivīrava<lb n="N35" break="no"/><supplied reason="lost">rmma</supplied> <gap reason="lost" quantity="5" unit="character"/>mi chmāṁ prasir<unclear>·</unclear> nai vraḥ kamrate<supplied reason="lost">ṅ· Añ·</supplied> <gap reason="lost" quantity="10" unit="character"/> nu tā<gap reason="lost" quantity="1" unit="character"/>ra pra<gap reason="lost" quantity="5" unit="character"/>
   <lb n="N36"/><gap reason="lost" quantity="6" unit="character"/> ti cat· sruk· pi duk· vraḥ <gap reason="lost" quantity="11" unit="character"/> <supplied reason="lost">ka</supplied>mrateṅ<unclear>·</unclear> Añ· <gap reason="lost" quantity="3" unit="character"/>
   <lb n="N37"/><gap reason="lost" quantity="4" unit="character"/> śata mvāya <g ref="sym:doubleBar-ornate" type="punctuation">.</g> Oy· gmuṁ kalmvān<unclear>·</unclear> <gap reason="lost" quantity="11" unit="character"/> Añ· Āy<unclear>·</unclear> chdiṅ<unclear>·</unclear>
   <lb n="N38"/><gap reason="lost" quantity="4" unit="character"/> st<supplied reason="lost">e</supplied>ṅ<unclear>·</unclear> <g ref="sym:doubleBar-ornate" type="punctuation">.</g> <g ref="sym:floret" type="punctuation">.</g> <g ref="sym:doubleBar-ornate" type="punctuation">.</g>
   </p>

                   <div type="apparatus">
               <listApp>
                  <!-- <app loc="S20">
                     <lem>bhūmi</lem>
                     <rdg source="bib:Coedes1952_01">bhumi</rdg>
                  </app> kuch: It might be a typo.-->
                  <app loc="S23">
                     <lem>guṇapaṇ<choice><orig>d</orig><reg>ḍ</reg></choice>ita</lem>
                     <rdg source="bib:Coedes1952_01">guṇapaṇḍita</rdg>
                  </app>
                  
                  </listApp>         
         </div>
       <div type="translation" xml:lang="fra" source="bib:Coedes1952_01">
          <p n="S1-S7">901 Śaka, cinquième jour de la lune croissante de Jyeṣtha <supplied reason="explanation">mois ?</supplied> lunaire <gap reason="lost"/> dimanche, mansion lunaire Puṣya, il y eut un ordre <supplied reason="explanation"><foreign>śāsana</foreign></supplied> de S. M. Śri Jayavarmadeva à Steṅ Añ Vraḥ Guru, à Kaṁsteṅ Śrī Vīrendravarman, à Kamsteṅ Śrī Vīrendradhipativarman, à Kaṁsteṅ Śrī Mahīdharavarman, les chargeant d'aller offrir gracieusement des terres sur la rivière à Tāñ K. A. à Avāy, à Kaṁsteṅ Śrī Rājapativarman, à Kaṁsteṅ Śrī Narapativīravarman, à Mratāñ Khloñ Śrī Jayāyudhavarman, pour qu'ils y fondent des villages, y placent des divinités et y installent les femmes de leur famille.</p>
          <p n="S7-S11">Le V. K. A. Śivaliṅga, le V. K. A. Parameśvara, image du Kaṁsteṅ Śrī Rājapativarman, la V. K. A. Bhagavatī, image de la Tāñ K. A., la V. K. A. Bhagavatī, image de la Teṅ Tvan, grand'mère du Kaṁsteṅ Śrī Narapativīravarman et du Mratāñ Khloñ Śrī Jayāyudhavarman, ont leur personnel <supplied reason="explanation"><foreign>gaṇa</foreign></supplied> réuni à celui de K. J. Śrī Bhadreśvara, village <supplied reason="explanation"><foreign>anrāy</foreign></supplied> de Liṅgapura.
Le V. K. A. Nārāyaṇa a son personnel réuni à celui de V. K. A. Campeśvara.</p>
          <p n="S12-S17">Limites de ces terres: à l'est, au delà de la rivière, <supplied reason="subaudible">la limite est à</supplied> la terre de Travāṅ Vloṅ <supplied reason="explanation">"bassin des arbres Scutula"</supplied> que Mratāñ Tri Khsāc Vlvak a donnée à Kaṅsteṅ Śrī Rājapativarman;
<list><item>au sud-est, elle est limitrophe de la terre de Guhe que Vāp Hā <gap reason="lost"/> serviteur de confiance <supplied reason="explanation"><foreign>āplabhr̥tya</foreign></supplied> de première catégorie a empruntée à des gens, en informant le roi qu'il la donnait à Kaṁsteṅ Śrī Rājapativarman ;</item>
<item>au sud, elle est limitrophe de l'établissement de Steñ Chok Thmo ; au sud-ouest, elle est limitrophe de Travāṅ Khbas ;</item>
<item>à l'ouest, elle est limitrophe de Śivajñāna ;</item>
<item>au nord-ouest, <supplied reason="subaudible">la limite est</supplied> Travāṅ Veṅ <supplied reason="explanation">"bassin long"</supplied> limitrophe de Rāmakṣetra ;</item>
<item>au nord et au nord-est, elle est limitrophe de la terre de Kaṁsteṅ Śrī Vīrendravarman.</item></list></p>
          <p n="S17-S18">Toute terre que Vāp Vis, bhāgavata <supplied reason="subaudible">possédait ?</supplied> dans ce domaine <gap reason="lost"/>, Kaṁsteṅ Śrī Rājapativarman demanda respectueusement au roi les terres d'héritage situées à <gap reason="lost"/> pour les donner à Vāp Vis en échange <supplied reason="explanation">des terres incluses dans le domaine</supplied>.</p>
          <p n="S19-S20">Terre de Sthalā Pravaca. Kaṁsteṅ Śrī Narapativīravarman l'acheta au prix <supplied reason="subaudible">d'un certain nombre de</supplied> <foreign>vodi</foreign>, de crachoirs d'or et d'argent, et de buffles, à Vāp Āt, dizenier des gardiens de la chambre à coucher de Chok Gargyar.</p>
          <p n="S20-S21">Une parcelle de terre sise à l'ouest. Kaṁsteṅ Śrī Narapativīravarman l'acheta au prix <supplied reason="subaudible">d'un certain nombre</supplied> de <foreign>vodi</foreign> crachoirs, thnap, vêtements à Vāp Svasti, homme des Saints jardins.</p>
          <p n="S21-S22">Terre de Travāṅ Khbas. Kaṁsteṅ Śrī Rājapativarman la troqua contre <supplied reason="subaudible">un certain nombre de</supplied> <foreign>vodi</foreign>, crachoirs, thnap, vêtements, buffles avec Gho Sarāc, homme de Vraḥ Travāṅ <supplied reason="explanation">"bassin sacré"</supplied>.</p>
          <p n="S23-S24">Village de Teṁ Tannot <supplied reason="explanation">"arbre borassus"</supplied> au milieu du lac. Les esclaves en dépendant, Mratāñ Śrī Guṇapaṇḍita les donna à Kaṁsteṅ Śrī Rājapativarman ; lorsqu'un ordre royal enjoignit d'élever la statue de Kaṁsteṅ Śrī Rājapativarman, ils furent chargés du service <supplied reason="subaudible">cultuel</supplied> de cette statue.</p>
          <p n="S25-S29">Terre de Taṁpuṅ donnée gracieusement par le roi. Une parcelle de la terre de Taṁpuṅ est réservée aux troupeaux, et aux esclaves de cette terre qui fournissent l'huile à Liṅgapura ; une parcelle de la terre de Taṁpuṅ fut donnée par le Kaṁsteṅ Añ Vraḥ Guru à Kaṁsteṅ Śrī Narapativīravarman : on y érigea un Śivaliṅga dont le personnel est réuni aussi à celui de Liṅgapura ; une parcelle à Laok <supplied reason="explanation">"vase, boue"</supplied> doit fournir deux liḥ, de riz décortiqué à la sainte sala des brâhmanes ; une parcelle à Vnur Rvyāṅ <supplied reason="explanation">"Tertre des arbustes rovīeṅ"</supplied> assure le service du Hemaśr̥ṅgagiri ; une parcelle est rendue à la V. K. A. Bhagavatī, image de la Teṅ Tvan, grand'mère de Kaṁsteṅ Śrī Narapativīravarman.</p>
          <p n="S29-S31">Terre de Gaṁmryāṅ achetée à un boxeur. On y éleva Bhagavatī Mahiṣāsura, siège de la défunte reine <supplied reason="explanation"><foreign>kanloṅ kamrateṅ añ</foreign></supplied> Aṅve Danle <supplied reason="explanation">"au-delà du lac"</supplied>.</p>
          <p n="S31-S32">Terre de Teṁ Slā <supplied reason="explanation">"aréquier"</supplied> <supplied reason="subaudible">reçue en</supplied> héritage. Steṅ Añ Vraḥ Guru informa respectueusement le roi qui la lui donna ; on y érigea un Śivaliṅga dont le personnel est réuni aussi à celui de K. J. Liṅgapura.</p>
          <p n="S32-S35">Terre de Canlattai <supplied reason="explanation">"cactus épineux"</supplied>. Mratāñ Hr̥dayabhāva, gardien de la chambre à coucher de troisième catégorie, qui avait tué deux éléphants mâles du Kaṁsteṅ, parce qu'ils mangeaient son paddy, et qui n'avait pas d'éléphants à rendre en remplacement des éléphants du Kaṁsteṅ, donna la terre de Canlattai. On y ériga un Śivaliṅga dont le personnel est aussi réuni à celui de Liṅgapura.</p>
          <p n="S35-S36">Terre de Rlaṁ Slut <supplied reason="explanation">"affaissée"</supplied>. Vāp Jvāda, gardien de la chambre à coucher de deuxième catégorie, la donna au Kaṁsteṅ.</p>
          <p n="S36-S37">Terre de Snāṁ Thguḥ, Kaṁsteṅ Śrī Rājapativarman l'acheta à Vāp Dā, du groupe <supplied reason="explanation"><foreign>varga</foreign></supplied> de Dhruvapura, au prix <supplied reason="subaudible">d'un certain nombre</supplied> de <foreign>vaudi</foreign>, crachoirs, vêtements, buffles. On y érigea un Vighneśa, et l'on fit une cérémonie <supplied reason="explanation"><foreign>kriyā</foreign></supplied> au bord de la rivière.</p>
          <p n="S37-S39">Terre de Rlo. Le Kaṁsteṅ l'a achetée à Vāp Go, page, au prix <supplied reason="subaudible">d'une certaine quantité</supplied> d'argent et de vêtements, en vue d'y fonder un village, y installer des esclaves pour les donner à V. K. A. Bhagavatī, image de Tāñ K. A.</p>
          <p n="S39-S41">Terre de Cyat Krāṅ, territoire <supplied reason="explanation"><foreign>pramān</foreign></supplied> de Malyāṅ. Kaṁsteṅ Śrī Narapativīravarman la demanda au roi en don généreux, en vue d'y fonder un village et d'y installer des esclaves pour les donner à V. K. A. Bhagavatī, image de la Teṅ Tvan, grand'mère de Kaṁsteṅ Śrī Narapativīravarman.</p>
          <p n="S41-S42">Village de Ratnaparvata, territoire de Bhīmapura. Teṅ Mā, anak khloñ de Kaṁsteṅ Śrī Rājapativarman, le donna à V. K. A. Parameśvara, image de Kaṁsteṅ Śrī Rājapativarman, et offrit des esclaves au nombre de cent sept y compris les enfants et les adultes.</p>
          <p n="S43-S45">Terre de Sthalā Pravaca, encore. Mratāñ Khloñ Śrī Jayāyudhavarman l'acheta au prix de : un <foreign>graloṅ tai</foreign>, un bol d'argent pesant un <foreign>jyaṅ</foreign>, un yau de jña, un yau de thnap, à Vāp Āt, dizenier des gardiens de la chambre à coucher de Chok Gragyar, pour la donner à V. K. A. Bhagavatī, image de la Teṅ Tvan, grand'mère du Mratāñ Khloñ.</p>
          <p n="N1-N4"><gap reason="lost"/> Mārgaśira, un jeudi, Mratāñ Khloñ Śrī Narapativīravarman chargea <gap reason="lost"/> neveu de Mratāñ Khloñ, d'amener à la Cour Vāp Dan, boxeur <gap reason="lost"/> Vāp In, <foreign>khloñ jnvāl</foreign> des boxeurs, Vāp Go <foreign>mūla</foreign>, Vāp Gāp <foreign>mūla</foreign>, Vāp Dan <foreign>mūla</foreign>, Vāp Ayak mūla des boxeurs du pays de Gamryāṅ.</p>
          <p n="N4-N6">Il exposa que Vāp Vit, <foreign>khloñ jnvāl</foreign> des boxeurs, avait emprunté à intérêt un <foreign>jyaṅ</foreign> d'argent, un <foreign>vodi</foreign> pesant six <foreign>jyaṅ</foreign>, et dix <foreign>yo</foreign> de vêtements à Mratāñ Khloñ Śrī Narapativīravarman pour acheter <gap reason="lost"/> mandira. Lorsque l'année fut révolue, un jugement <supplied reason="subaudible">chargea</supplied> Kaṁvai de Rlaṁ Dyan de payer l'intérêt de ces biens.</p>
          <p n="N7-N10">A défaut de biens <supplied reason="subaudible">pour effectuer ce règlement</supplied>, alors Vāp Vit, Vāp Dan, chef du pays de Gamryāṅ, Vāp In, <foreign>khloñ jnvāl</foreign> des boxeurs, Vāp Go mūla, Vāp Gāp mūla, Vāp Dan mūla, Vāp Ayak mūla des boxeurs du pays de Gamryāṅ <supplied reason="subaudible">employèrent</supplied> la terre de Gamryāṅ <gap reason="lost"/> pour donner à Mratāñ Khloñ Śrī Narapativīravarman le prix de l'argent, des objets précieux et des vêtements représentant l'intérêt du prêt.</p>
          <p n="N10-N11"><gap reason="lost"/> Śaka, neuvième jour de la lune croissante de Mārgaśira, jeudi, Mratāñ Khloñ Śrī Narapativīravarman donna un <foreign>yo</foreign> de <foreign>jña śira</foreign>, une paire de thnap à Vāp Dan, chef du pays de Gamryāṅ ;</p>
          <p n="N11-N12">un <foreign>yo</foreign> de <foreign>jña śira</foreign>, un <foreign>yo</foreign> de <foreign>darāp</foreign>, <gap reason="lost"/> de <foreign>thnap</foreign>, un bol d'argent de cinq <foreign>liṅ</foreign>, deux <foreign>je</foreign> de sel à Vāp Gāp, <foreign>mūla</foreign> ;</p>
          <p n="N12-N13">un <foreign>yo</foreign> de <foreign>jña śira</foreign>, deux paires de <foreign>thnap</foreign>, un <foreign>je</foreign> de sel à Vāp Ayak, <foreign>mūla</foreign> ;</p>
          <p n="N13-N14">un <foreign>yo</foreign> de <foreign>jña śira</foreign>, un <foreign>yo</foreign> de <foreign>darāp</foreign>, un <foreign>yo</foreign> de <foreign>thnap</foreign>, un <foreign>je</foreign> de sel à Vāp Dan, <foreign>mūla</foreign> ;</p>
          <p n="N14-N15">deux bols d'argent de dix <foreign>liṅ</foreign>, un <foreign>yo</foreign> de <foreign>jña śira</foreign>, dix <foreign>yo</foreign> de <foreign>jña rāp</foreign> <supplied reason="subaudible">uni ?</supplied>, deux <foreign>yo</foreign> de <foreign>thnap</foreign> à Vāp Go <foreign>mūla</foreign>, à Vāp Amr̥ta et à Vāp Jes, parents de Vāp Go, <foreign>mūla</foreign> des boxeurs ;</p>
          <p n="N16-N17">en vue de troquer <supplied reason="subaudible">ces biens</supplied> avec la terre de Caṁhop, pour la donner à V. K. A. Bhagavatī que Mratāñ Khloñ Śrī Narapativīravarman a érigée sur la terre de Gamryāṅ.</p>
          <p n="N17-N19">Alors la Sainte Cour interrogea Vāp In, <foreign>khloñ jnvāl</foreign>, Vāp Dan, chef du pays, Vāp Go <foreign>mūla</foreign>, Vāp Ayak <foreign>mūla</foreign>, Vāp Gāp <foreign>mūla</foreign>, et l'autre Vāp Dan <foreign>mūla</foreign>, sur cette déclaration de Mratāñ Khloñ Śrī Narapativīravarman.</p>
          <p n="N19-N20">Vāp 10, Vāp Go, Vāp Dan, Vāp Ayak, et l'autre Vāp Dan, confirmèrent toute la déclaration de Mratāñ Khloñ Śrī Narapativīravarman.</p>
          <p n="N20-N21">Vāp Dan, chef <supplied reason="subaudible">du pays</supplied>, Vāp In, <foreign>khloñ jnvāl</foreign>, Vāp Go <foreign>mūla</foreign>, Vāp Gap <foreign>mūla</foreign>, Vāp Ayak <foreign>mūla</foreign>, et l'autre Vāp Dan <foreign>mūla</foreign>, répondirent:</p>
          <p n="N21-N22">"Tous ces biens que nous avons reçus du Mratāñ Khloñ nous ont servi pour faire le service royal. Le reste a servi à notre subsistance ...</p>
          <p n="N22-N24">"<supplied reason="subaudible">Limites de</supplied> la terre que nous avons donnée en paiement des biens de Mratāñ Khloñ et que le Mratāñ Khloñ a donnée <gap reason="lost"/> à V. K. A. Bhagavatī érigée à Gamryāṅ :</p>
          <p n="N24-N25">"à l'est <supplied reason="subaudible">elle est limitrophe de la terre du Steṅ</supplied> Añ Vraḥ Guru ; au sud, elle est limitrophe de Vnaṁ Khyaṅ <supplied reason="explanation">"mont des coquillages"</supplied> ; à l'ouest, elle touche au pays de <gap reason="lost"/> ; au nord elle atteint le chemin sacré.</p>
          <p n="N26-N28">"La terre de moi, nommé Vāp In, kanlaḥ mūla, sise à <gap reason="lost"/> Mratāñ Khloñ me donne la terre de Canhvar Ransi en échange, à moi Vāp In. Ceci, pour donner à <gap reason="lost"/> du Mratāñ Khloñ et à Loñ Ayak, neveu de Mratāñ Khloñ. Ce que <gap reason="lost"/> nous avons expliqué,</p>
          <p n="N28-N32">en présence de l'inspecteur des qualités et des défauts, Mratāñ Śrī Dharaṇīndropakalpa <gap reason="lost"/>." <supplied reason="explanation">suivent les noms d'autres témoins, en partie ruinés</supplied>.</p>
          <p n="N32-N39">916 Śaka, Kaṁsteṅ Śrī Narapativīravarman informa respectueusement le roi <gap reason="lost"/> fondé un village et installé des esclaves pour les donner à V. K. A. Śivaliṅga à <gap reason="lost"/> Kaṁsteṅ Śrī Narapativīravarman <gap reason="lost"/> le gardien des prasir de V. K. A. <gap reason="lost"/> où l'on fonde un village pour installer le saint <gap reason="lost"/> le K. A. cent <gap reason="lost"/>, donne du miel ; de la cire <gap reason="lost"/> sur la rivière <gap reason="lost"/> <foreign>steṅ</foreign>.</p>
           </div> 
        <!--  <div type="commentary">
            <p>George Cœdès misnumbered the lines from N34 onwards; he ocunted 39 lines instead of 38.</p>
              </div>   --> 
        <div type="bibliography">
          <p>First edited by George Cœdès (<bibl rend="omitname"><ptr target="bib:Coedes1952_01"/><citedRange unit="page">140-150</citedRange></bibl>) with a French translation, re-edited here by Kunthea Chhom from the estampage EFEO n. 708.</p>
	 <listBibl type="primary">
    <bibl n="GC">
      <ptr target="bib:Coedes1952_01"/><citedRange unit="page">140-150</citedRange>
    </bibl>
  </listBibl>
        <listBibl type="secondary">
             <bibl n="RM">
      <ptr target="bib:Majumdar1953_01"/><citedRange unit="page">299-300</citedRange>
    </bibl>
              </listBibl>  
        </div>
                </div>
        </body>
    </text>
</TEI>
