* jak· vaum̃ jaṇa vviḥ vvaḥ hiṇata (bhv)ai traiy· traḥ hulai taṅān· sruviṅ· a(th/dh)ān· namvyaḥ ya jem̃ hyam̃k· vā pu lyam̃ śarvvāṇi rai paryaṁ traiya tmai Ikān· di rimvaṅ(·) bhan· mudaḥ * jak· jina vā māḥ mantri bhāna ṅan· devī di jana yak· tam̃ sevya pak· ladā paryam̃ traiy· vā tasrom̃ syā(ṁ) bhā{1} ṅan· di rimvum̃ṅ· (p/s)an· ra yāk· santoṣa dāk· si hla * daj· bhadhrāṇī {1}nāśa hetu tum̃ nī yām̃ vatum̃ kunay· punar· mvūk· vrim̃ kañam̃ si tmum̃ jem̃ deva jmai jem̃ deha ñum̃ rup· deha ñum̃ Aṅa(m̃) santāpa ndiy· dhilu * ku(bh)u pa(v)im̃ mvin· dharmma nīm̃ si kum̃ (t/m)vuk· yām̃ vatum̃ ni ṅan· manaḥ sānanda vrim̃ (bh/c)ājo di rim̃ ṅan· satva Cim̃ si kum̃ (vā dhā)sī tmum̃ ya nan· jem̃ deva janma rim̃ * di bhvai traiy· kum̃ mvuk· yām̃ vatum̃ ka bhāsa{1} ya nāśa jīva riṁ rai hetu kum̃ vrim̃ dhap· na tmu klāḥ tāpa tmum̃ tamā jem̃ devatā viśeṣa jmai jem̃ deha ñum̃